Dudonan acara

Pamahbah:
Om swastiastu. Om anobadrah kretawyantu wiswantah. Om sarwa karya prasida
sidantam. Dumogi pikayun sane becik rauh saking sagenah-genah, lan nuntun sajeroning
pemargi.Sasanthi lan Angayu bagia maka miwah sarining pamuji aturang titiang majeng ring Ida
sang Hyang Widhi Wasa miwah Ida Bhatara Bhatari sane malingga malinggih iriki, duaning
sangkan pasuecan ida, titiang ping kalih ida dane sareng sami prasida macunduk mapupul
masadu ajeng ring galah lan genah sane becik puniki melarapan antuk kerahayuan lan
kerahajengan.

Swasti prapta aturang titiang ring ida dane para uleman sane sampun prasida rauh ring
sajeroning acara .SOSIALISASI Gerakan Masyarakat Sehat (GERMAS) lan Perilaku Hidup
Bersih dan Sehat (PHBS) mapaiketan ring kawentenan mrana Covid-19 rahina mangkin ring
Sukra pon wara Tambir, tanggal masehi 13 (Tlulas) Nopember warsa 2020 (kalih tali kalih
dasa).
1. Dane Jro Mangku lanang Istri, sane sampun meraga suci, sane singgihang miwah baktinin
titiang.
2. Sane mustikayang titiang, Ketua PHDI Kabupaten Tabanan.
3. Sane wangiang titiang Kepala Dinas Kesehatan Kabupaten
Tabanan. .................................................................................................utawi sane
ngangganin.
4. Sane wangiang titiang Ketua Majelis Desa Adat Kabupaten Tabanan
5. Lan para pamilet sane tresna sihin titiang.

Mungguing dudonan acara rahina mangkin inggih punika:

1. Pamungkah atur saking pangenter acara
2. Puja Pangrestiti
3. Sambrama wacana saking Ketua PHDI Kabupaten Tabanan sapisanan mungkah acara
SOSIALISASI Gerakan Masyarakat Sehat (GERMAS) lan Perilaku Hidup Bersih dan Sehat
(PHBS) mapaiketan ring kawentenan mrana Covid-19
4. Pangwedar unteng daging sari-sarining pikayun olih narawakya
a. Narawakya 1 saking.Dinas Kesehatan Kabupaten Tabanan
Ngawedar indik GERMAS dan PENCEGAHAN COVID 19
b. Narawakya 2 saking PHDI Kabupaten Tabanan
Ngawedar indik Yadnya sajeroning aab mrana covid 19
c. Narawakya 3 saking Majelis Desa Adat Kabupaten Tabanan
Ngawedar indik PHBS Berbasis Desa Adat

5. Pamuput.

Inggih, wantah kadi punika acara ..................................................................................

rahina sane mangkin, mogi-mogi sida ngicen pikenoh sane mabuat turmaning dados anggen
sasuluh sajeroning nabdabin miwah nepasin mrana Covid-19 puniki. Ngiring setata Cuci tangan,
Nganggen masker lan jaga jarak utawi CT PM JJ. Titiang ngangganing prawartaka sami
ngelungsung geng rena sinampura menawi wenten atur miwah parilaksanan titiang sane nenten
manut ring sajeroning pikayun, duaning tan hana wong swastya annulus. Pinaka wasananing
atur, puputang titiang antuk ngaturang parama santih. Om Santih, Santih, Santih Om