Pendidikan Terakhir : S1 Pendidikan Bahasa Jawa UNS
Profesi : Guru Bahasa Jawa di SMK Bhinneka Karya Surakarta
Suruping Surya Wayah makarya sampun pungkas Awit nyawiji marang kluwarga Nyawiji marang bojo lan anak Guneman lan ngandharaken keluh kesah Marang bojo supaya atine bingah Uga nyawang polahe bocah Ingkang gawe tentreming manah Kesel awak saderma pungkas Siap nyambut ngajenge dina Anggone makarya uga semangat Saiki Wis Beda Polatanmu saiki wis beda Tumindakmu saiki wis beda Solah bawamu saiki wis beda Kawigatosanmu marang aku uga wis beda Ana apa? Ana apa dhuh nimas? Apa salahmu nimas? Apa ana pawongan liya nimas? Kandha a, kandha a kasunyatan sing ana Aku janji ora bakal gela Menawa pancen ana sing liya Ananging, sliramu kedah ngerti nimas Tresnaku iki pancen tenanan Tresnaku marang sliramu ora mung awang-awang Pantai Buyutan Panggonane ana Pacitan Karang pantaine katon endah disawang Swarane manuk camar kang gawe tentrem Uga sumilire banyu segara Ditambah ngunjuk wohing klapa Tansah gawe betah ana ing kana Ndeleng klelepe srengenge Buyutan Ingkang awarna kuning rejasa Bisa damel trenyuh ana ing batos Sing amung ana ing panggon kana Aku Pamit Nalika nyawang sliramu Perih rasaning ati iki Gondhelan aneng sepedha motor Karo wong liya sing aku ora kenal Tegel, tegel tenan Aku ora nyangka Ora nyangka kasunyatan kaya mangkene Bingung parane urip iki Rasane kepengin enggal-enggal tilar donya Ora kuwat anggonku nandhang lara iki Kasunyatan iki pancen nyayat ati Matur nuwun ya, Dhik Seprana-seprene uwis ngancani aku Saiki aku pamit ya, Dhik\ Adus Getih Dor! Dor! Krungu swara pistol nembak kiwa nengen Dor! Dor! Kathah pawongan kang tilar donya Ananging, pra mudha kuwi Tansah kendel ambela bangsa Ora duwe wedi kelangan nyawa Kanggo mbela negara kita Matur nuwun pra mudha Sing sampun adus getih lan tansah bebela Jasa-jasamu teka seprene ora bakal sirna