Arkidiosesis ti Nueva Segovia

PAROKIA – IMMACULADA CONCEPCION

Sta. Cruz, Ilocos Sur

BUNIAG TI ADU NGA UBBING

ITI UNEG TI RAMBAK-MISA
(Urnos I)
URNOS TI RAMBAK-BUNIAG
____________________________
I. Pakauna ti Komentador iti Nasantoan a Misa
II. Iseserrek
III. Panangrugi
IV. Kablaaw
V. Rito Pammasangbay – Panangawat kadagiti
Ubbing
VI. Gloria
VII. Kararag iti Gimong
VIII. Liturhia ti Sao ti Dios
IX. Kararag Ti Pannakawayawaya Iti Basol (Prayer
of Exorcism)
X. Pannakabendision Ti Danum A Pamuniag
XI. Pananglikud Ti Basol Ken Panangipaduyakyak Ti
Pammati
XII. Pannakabuniag
XIII. Pannakalana Iti Krisma
XIV. Pannakaikawes Ti Baro A Bado
XV. Kararag A Sapasap
XVI. Liturhia Ti Eukaristia
XVII. Kararag Kalpasan Ti Komunion
XVIII. Pannakasindi Ti Kandela
XIX. Bendision

2
I. PAKAUNA TI KOMENTADOR ITI
NASANTOAN A MISA
II. ISESERREK
Kanta a Panglukat
Agkakabsattayo
a. Umaykayo agrukbabtayo/
Padapadatayo nga annak ti Apo
Ta sika ken siak aniaman a panagbiag.
Agkakabsattayo.
b. Agkantatayo, idir-itayo/
Imbag ken ayat ti Apotayo
Napudno, nalinteg iti amin a tao.
Agkakabsattayo.
c. Agragsaktayo, agyamantayo/
Binulod a biag ken amintayo
Ta ti Dios ti immuna a nangted ti ayatna.
Agkakabsattayo.
Intay Amin Sabaten ti Apo
1. Intay amin sabaten ti Apo. /
Wen, intay amin sarabuen ti Apo. /
Wen, intay dayawen ti Apotayo ta isu’t salakantayo.
Refrain:
//: Ub-ubing ken nataengan intay nga’d ikanta panangsXarabo
ken Jesus nga Ari ti Kappia. Idir-itay ngad ikanta ti kinatan-okna
Hossana,Hossana ://

Adtoykam Amin O Maria

1. Adtoykam’ amin, O Maria /
Siraraem ditoy saklangmo;
Daytoy a pangkablaawmi kenka,
Denggem, Ina a nadungngo:
Koro: /: Ave maria, O Maria /Reyna ti langit ken daga;
Ti puso, nakem, kararruami, /Amin kenka idatonmi:/
2. Inkam ngarud ita ikanta,/
Ti gasat, dayaw ken singpetmo;/
Dawatmi nga amin a tao /
Ita arpadmo umaydanto:/(Koro)
3
III. PANANGRUGI
Padi: Iti nagan ti Ama, ken ti Anak, ken ti Espiritu Santo.
Gimong: AMEN.

IV. KABLAAW
Padi: Adda koma kadakayo ti grasia ni Apotayo a
Jesucristo, ken ti ayat ti Dios nga Amatayo, ken ti
pannakairanud iti Espiritu Santo.
Gimong: KASTA KOMA MET KENKA.

wenno

Padi: Ti Apo adda koma kadakayo.

Gimong: KASTA KOMA MET KENKA.

V. RITO PAMMASANGBAY – PANANGAWAT

KADAGITI UBBING

Padi: Kakabsat, ti Dios a gubbuayan ti biag insagutna

kadakayo dagitoy nga ubbing. Immaykayo ditoy
tapno pabuniaganyo ida. Naisangsangayan a
pasamak ti panagbuniag ti maysa nga ubing, ta
babaen ti buniag maited kenkuana ti baro a biag
nga isu ti biag a nadiosan.

Kablaawankay ngarud iti kaaddayo iti daytoy a

seremonia ti buniag. Maibagay a dakayo a
nagannak ti mangidatag kadagiti annakyo tapno
maipakita ti tarigagayyo a mangdawat ken Apo
Dios ti panangibingayna kadagiti annakyo ti biag
a nadiosan.

4
 Ita saludsodek kadakayo: Awatenyo met la ti
annongyo a mangisuronto kadakuada kadagiti
aramid ken annuroten ti pammati?
Nagannak: WEN, APO.

Padi: Yadalyonto met la kadakuada ti panagtungpalda

kadagiti bilin ti panagayat iti Dios ken iti pada a
tao kas imbilin ni Cristo?

Nagannak: WEN, APO.

Padi: Dakayo met a manganak, addakayo iti abay dagiti

nagannak kadagiti ubbing nga anakenyo tapno
maipakita ti panggepyo a mangtulong kadakuada
a mangpatanor kadakuada nga agbalin a
napudpudno nga annak ti Dios.

Ita, saludsodek kadakayo: sisasaganakay met

laeng a mangtulongto kadagiti nagannak iti
pannakaisuro ti pammati kadagitoy nga
anakenyo?

Manganak: WEN, APO.

Padi: Ay-ayatenmi nga ubbing, siraragsak ti

Nakristianoan a Gimong nga umawat kadakayo.
Iti nagan ti Nakristianoan a Gimong, alenkayo
ngarud nga agpaay ken Cristo babaen ti tanda ti
Krusna. Dakayo a nagannak ken manganak,
ugisanyo met ti muging dagiti annakyo kalpasan
nga ugisak ida.

5
VI. GLORIA
Ant: Gloria iti Dios ti kangatoan
1. Ket ditoy daga kappia, kadagiti tattao a naimbag ti
panagnaknakemda, ibunannagdaka, itan-okdaka,
pagrukbabandaka, daydayawendaka, agyamankam Kenka gapu
iti naindaklan a dayagmo. (Ant.)
2. Apo Dios nailangitan nga Ari Dios Ama a mannakabalin amin.
Ket Sika Apomi a Jesucristo, Bugbugtong nga Anak ti Dios nga
Apo, Kordero ti Dios ken Anak ti Ama. (Ant.)
3. Sika a mangikkat kadagiti basbasol ti lubong, kaasiannakami.
Sika a mangikkat kadagiti basbasol ti lubong, awatem kad
daytoy ar-ararawmi.Sika a situtugaw iti makannawan ti Ama,
kaasiannakami. (Ant)
4. Yantangay Siksika O Apo, Jesucristo ti nasantoan. Siksika ti Apo,
Siksika ti kangatoan.Iti timpuyog ti Espiritu Santo, iti Gloria ti
Dios Ama. Amen.

VII. KARARAG ITI GIMONG

Padi: Kumararagtayo…iti agnanayon nga awan inggana.
Gimong: AMEN.

VIII. LITURHIA TI SAO TI DIOS

UMUNA A MAIBASA
Agibasa: Ti maibasa naadaw iti…
Ti Sao ti Apo.
Gimong: AGYAMANTAY ITI DIOS.
SALMO RESPONSORIO
MAIKADUA A MAIBASA

ALLELUIA
Agsaoka kadakami
Agsaoka kadakami. /
Silawam kad pampanunotmi /
Ikkatem met duaduami /
Sisasaganakam a dumngeg.
Koro: //: Intay amin ikanta: Alleluia, Alleluia! ://
6
 Ipakitam kadakami ti pudno a dalan/
Ti kayatmo surotenmi,
ket dinakam a baybay-an.

EBANGHELIO
Padi: Ti Apo adda koma kadakayo.
Gimong: KASTA KOMA MET KENKA.

Padi: Daytoy sumaganad naadaw iti nasantoan nga

Ebanghelio kas insurat ni…
Gimong: GLORIA TI MAIPAAY KENKA, APO.

Padi: Ti Ebanghelio ti Apo.

Gimong: DAYAW TI MAIPAAY KENKA, O CRISTO.

HOMILIA

IX. KARARAG TI PANNAKAWAYAWAYA ITI

BASOL (Prayer of Exorcism)
Padi: Mannakabalin ken agnanayon a Dios, imbaonmo
ditoy lubong ti bugbugtong nga Anakmo, tapno
paksiatenna ti pannakabalin ni Satanas nga
espiritu ti kinadakes, ket ispalennakami iti
pannakatagabo ti basol. Ipannakami iti sidong ti
wayawaya dagiti annak ti Dios. Dawatenmi
ngarud Kenka, ta ruk-atam kad dagitoy nga
ubbing iti basol a tawid, ket pagbalinem ida a
templo ti gloriam, ket ibaonmo ti Espiritu nga
agtaeng kadakuada. Dawatenmi daytoy babaen
ken Cristo nga Apomi.

Amin: AMEN.

7
Padi: Papigsaennakay koma ti bileg ni Cristo, Isu nga `
agbiag ken agari iti agnanayon.

Amin: AMEN.
(The presider lays his hands on the head of each child.)

X. PANNAKABENDISION TI DANUM A
PAMUNIAG
Padi: Kakabsat, aramaten ti Dios ti danum a
pangiburayanna iti biag a nadiosan kadagiti
mamati Kenkuana. Dawatentayo ta babaen
daytoy danum a pamuniag iburayna ti sagut ti
biag kadagitoy nga ubbing a pinilina.

Padi: O Dios nga Ama ti kaasi, babaen daytoy danum a

pamuniag, impaaymo kadakami ti baro a biag
tapno agbalinkami nga annakmo.

Amin: MADAYDAYAW TI DIOS.

Padi: Pinagkaykaysam dagiti amin a nabuniagan iti

danum ken Espiritu iti sidong ni Cristo nga
Anakmo.

Amin: MADAYDAYAW TI DIOS.

Padi: Winayawayaannakami babaen ti panangi-

buraymo ti Espiritu ti ayatmo kadagiti puspusomi,
tapno agbiagkami iti kappiam.

Amin: MADAYDAYAW TI DIOS.

8
Padi: Pinilim dagiti nabuniagan a mangiwaragawag a
siraragsak ti Ebanghelio ni Jesucristo kadagiti
amin a tattao iti amin a disso.

Amin: MADAYDAYAW TI DIOS.

(The presider touches the water with his hand and continues...)

Apo, inayabam dagitoy nga ubbing iti daytoy a

makadalus a danum ken iti baro a pannakaiyanak
tapno mairanudda iti pammati ti Iglesia ket
maragpatda ti biag nga agnanayon. Bendisionam
kad daytoy a danum a pamuniagmi kadakuada.
Dawatenmi daytoy gapu ken Cristo nga Apomi.

Amin: AMEN.

XI. PANANGLIKUD TI BASOL KEN

PANANGIPADUYAKYAK TI PAMMATI
Padi: Ay-ayatek a nagannak ken manganak: Ti
managayat a Dios itdennanto kadagitoy nga
annakyo ti baro a biag babaen ti danum ken
Espiritu Santo. Awatenyo met ita ti annong a
mangiyadalto ti pammati kadagitoy nga annakyo
tapno ti nadiosan a biag a maited ita kadakuada
mailisi iti makasabidong a basol ket pumigsa iti
inaldaw-aldaw.

No awatenyo daytoy nga annong, pabaroenyo met

ngarud ita dagiti karkariyo idi nagbuniagkayo nga
isu ti pananglikud ti basol ken
panangipaduyakyak ti pammatiyo ken Apotayo a

9
 Jesucristo. Aramidenyo daytoy babaen ti
panangsungbatyo kadagitoy a saludsod.

Paglikudanyo met la ti basol, ket iti kasta

agbiagkayo iti sidong ti wayawaya dagiti annak ti
Dios?
Amin: WEN, PAGLIKUDANMI!

Padi: Paglikudanyo met la dagiti panggargari ti

kinadakes, iti kasta, saannakayon nga iturayan ti
basol?

Amin: WEN, PAGLIKUDANMI!

Padi: Paglikudanyo met la ni Satanas a mangisungsong

iti panagbasol?

Amin: WEN, PAGLIKUDANMI!

Padi: Paglikudanyo met la dagiti bareng-bareng nga
aramid a maisuppiat iti napudpudno a pammati
ken panagtalek iti Dios?

Amin: WEN, PAGLIKUDANMI!

Padi: Mamatikay met la iti Dios Ama a mannakabalin-

amin a Namarsua ti langit ken daga?

Amin: WEN, MAMATIKAMI!

Padi: Mamatikay met la ken Jesucristo a bugbugtong

nga Anakna, inyanak ni Birhen Maria, nailansa iti
krus, natay ket naitanem, nagungar kadagiti natay
ket situtugaw iti makannawan ti Ama?

10
Amin: WEN, MAMATIKAMI!

Padi: Mamatikay met la iti Espiritu Santo a mangpabaro

ken mangpasanto iti biag?

Amin: WEN, MAMATIKAMI!

Padi: Patienyo met la ti Santa Iglesia Katolika, ti

panagririnnanud dagiti sasanto, ti
pannakapakawan dagiti basbasol, ti panagungar
ti bagi ken biag nga agnanayon?
Amin: WEN, PATIENMI!

Padi: Daytoy ti pammatitayo. Daytoy ti pammati ti

Iglesiatayo. Siraragsaktayo a mangipaduyakyak
iti daytoy a pammati iti sidong ni Cristo Jesus nga
Apotayo.

Amin: AMEN.

XII. PANNAKABUNIAG

Padi: Kayatyo met la a mabuniagan dagitoy nga

ubbing… iti sidong ti pammatitayo?

Amin: WEN, KAYATMI.

Padi: N…, SIAK BUNIAGANKA ITI NAGAN TI
AMA, KEN TI ANAK, KEN TI ESPIRITU
SANTO.

11
XIII. PANNAKALANA ITI KRISMA

Padi: Nawayawayaankayon iti basol ta

dinalusannakayo ti Dios nga Ama ni Apotayo a
Jesucristo, impaayna kadakayo ti baro a
pannakaiyanak babaen ti danum ken ti Espiritu
Santo ken inkamengnakayo iti Nasantoan nga
Ilina. Ita, lanaannakayo ti Dios iti krisma ti
pannakaisalakan kas iti pannakalana ni Cristo a
Padi, Propeta ken Ari. Agtalinaedkayo koma a
kameng ti Bagina a makipagbiag Kenkuana iti
agnanayon nga awan inggana.

Amin: AMEN.

XIV. PANNAKAIKAWES TI BARO A BADO

Padi: Ay-ayatenmi nga ubbing, barokayon a parsua ket

inkawesyon ni Cristo. Dagita nadalus a badoyo
agserbi a pagilasinan ti kinatan-okyo a kas
Kristiano. Sapay koma ta babaen ti balakad ken
pagpatulad dagiti kakabagian ken gagayyemyo,
maidanonyo nga awan mulitana dayta a kinatan-
okyo iti agnanayon a biag sadi langit.

Amin: AMEN.

XV. KARARAG A SAPASAP

12
XVI. LITURHIA TI EUKARISTIA

PANAGDATON
Madaydayawka
1.Madaydayawka, O Apo Dios a namarsua
Imparaburmo toy tinapay kadakami
Imbunga ti daga ken panagtrabahomi
Ket pagbalinemto a tinapay ti biag.
Koro: //: Madayawdayaw, madaydayaw,
Madaydayaw ti Dios nga agnanayon://
2.Madaydayawka, O Apo Dios namarsua /
Imparaburmo daytoy arak kadakami/
Imbunga ti ubas ken panagtrabahomi/
Ket pagbalinemto Inumen kararua. (koro)

Bendisionam O Apo
1. Bendisionam O Apo, daytoy datonmi, /
Iti nagan ni Jesus, isagutmi kenka
Koro: Ti Santa Misa, idatonmi kenka/
Denggem kad Apo / ararawmi kenka (2x)
2. Amin nga aramidmi ken gungunay /
maidaton nga ayat kenka Dios Apo. (koro)

Idatonmi Kenka Apo

a. Idatonmi kenka Apo,
sagsagutmi a nanumo, pagyamanmi kenka, managparabur
nga Ama, awatem, pasantoem ida.
Koro: Daytoy tinapay pasantoem koma,
ken daytoy arak nga ita idatonmi kenka,
ket sapay la koma ta maikarida iti padaya,
a pagsupapakmi’t kinadungngom O Ama.
b. Idatonmi Kenka Apo, ragragsakmi nga annakmo,
pagyamanmi kenka, managparabur nga Ama, awatem,
pasantoem ida.

Ti Dios Apo Umay Koma

Koro: Ti Dios Apo umay koma,
toy idatonmi ket awatem ida.

13
 Sapay koma ta maikari.
A maidaton iti rabaw ti altarna
1. Daytoy a tinapay nga isagutmi kenka, awan ti dayawna, awan ti
libnosna. Di a maikari a maidaton iti padaya, a pagdaydayawmi
kenka. (koro)
2. Daytoy nga arak ket agbalin a darana a mangted ti kappia bang-
ar ken liwliwa. Dikamto matay ken mabisin ditoy daga, no
aglatekkamto kenka.

(No awan ti kanta)

P: Madaydayawka, O Apo…tinapay ti biag a maipaay
kadakami.
G: Madaydayawka ti Dios iti agnanayon.
P: Madaydayawka, O Apo…inumen a maipaay kadagiti
karraruami.
G: Madaydayaw ti Dios iti agnanayon.

P: Kumararagkayo kakabsatko, tapno dagitoy a

datontayo makaay-ayo iti Dios Ama a mannakabalin-
amin.
G: Ti Apo awatenna koma daytoy a daton kadagiti
imam, ket maipaay a pakidaydayawan ken
pakaigloriaan ti naganna ken kasta met a
pagimbagantayo ken ti kadagopan ti nasantoan
nga Iglesiana.

KARARAG MAIPANGGEP KADAGITI DATON

P: Kumararagtayo… Cristo nga Anakmo ken Apomi.
G: Amen.

14
 LUALO TI PANAGYAMAN
P: Ti Apo adda koma kadakayo.
G: Kasta koma met kenka.
P: Itag-ayyo dagita puspusoyo.
G: Addadan a sitatag-ay iti Apo.
P: Agyamantayo iti Apo a Diostayo.
G: Maikari ket rumbeng.
PREFACIO
P: Pudno unay…
SANTO Santo (Common)
Santo, Santo, Santo ti Apo a Dios, dagiti amin a parsua / Ti langit
ken daga napnoda iti pakaidaydayawam / Hosanna ti Kangatoan,
madaydayaw ti umay ti nagan ti Apo Hosanna ti kangatoan
Santo, Santo, Santo
Sa-anto, sa-anto, sa-anto,
ti Apo Dios dagiti amin a parsua
Ti langit ken daga napnoda iti pakaidaydayawam.
Hosanna iti kangatoan
Madaydayaw ti umay, iti nagan ti Apo
Hossa-anna, hossa-anna /Hossanna iti kangatoan

PANANGIPADUYAKYAK TI PAMMATI
P: Iwaragawagtayo ti misterio ti pammati.
G: Babaen ti krusmo ken inka panagungar,
innakam insalakan. Sika ti nanubbot iti
sangalubongan.
wenno
G: Tunggal iti daytoy a tinapay mangankami ken
iti daytoy a kalis uminumkami,
iparangarangmi ti ipapataymo, O Apo, agingga
iti yaaymo.
wenno

15
G: Natay ni Cristo, Nagungar ni Cristo, Umayto ni
Cristo.
P: Iti ngarud panangilaglagipmi…iti agnanayon nga
awan ti inggana.
G: Amen.

PAGANNUROTAN ITI KOMUNION

P: Datayo a nabalakadan kadagiti makaisalakan a
pammagbaga, ken naadalan kadagiti nadiosan a
pannursuro, turdantayo ti agkuna: Amami
G: Amami nga adda sadi langit, madaydayaw
koma ti naganmo, dumteng koma ti pagariam,
matungpal koma ti nakemmo ditoy daga a kas
sadi langit. Itdem kadakam iti aldaw itoy ti
kanenmi iti patinayon nga aldaw.
Pakawanem dagiti utangmi a kas met
pammakawanmi iti utang dagiti mautang
kadakami, dinakam met baybay-an nga
umannugot iti sulisog, isalakannakam ket iti
dakes.

P: Dawatenmi Kenka, Apo…ken ti yaay ni Jesucristo a

Nangisalakan kadakami.
G: Ta kukuam ti turay, ti pannakabalin ken dayaw
iti agnanayon a dinto agsarday.
P: O Apomi a Jesucristo…iti agnanayon nga awan
inggana.
G: Amen.
P: Ti kappia ti Apo kankanayon koma nga adda
kadakayo.
G: Kasta koma met kenka.
P: Ipaayyo ti kappia iti maysa ken maysa kadakayo.

16
KORDERO
Kordero ti Dios, a mangikkat kadagiti basbasol ti
lubong, kaasiannakami. (2x)
Kordero ti Dios a mangikkat, kadagiti basbasol ti
lubong, itdem kadakam ti kappia.
KOMUNION
P: Adtoy ti Kordero ti Dios, adtoy ti mangikkat kadagiti
basbasol ti lubong, nagasat dagiti naayaban iti
pangrabii ti Kordero.
G: Apo, diak maikari nga umayka kaniak, ngem iti
maysa laeng a saom, mapaimbagton toy
kararuak.

Siksika
1. Siksika O Apo, ti bilegmi, pannakawat kinakapsutmi,
pannakapakawan nagkuranganmi, iturongmo Apo ti
panagbiagmi.
Koro: Ti Ayat ti Dios, intay rambakan, grasiana a sagut
pagraramanan, ta isu ti biag a naggapuan, rigat ken nam-ay
Dios pagkamangan.
2. Aniaman a banag ti intay biruken, aniaman a rigat ti intay
parmeken. Wen nga agpayso, ti Diosto laeng. Kired ken
namnama, dinto aglimmeng. (koro)

Makipasetka ta Napategka
I. Naipasngayen ti SISA, Simbaan Sangakarrubaan
Napili a bukel, bin-i a puonan/ Naitukit luglugar disso a
kadagaan/Nagrusing, nagtubo isu’t pangnamnamaan
Koro: Makipasetka di agkitakit/ Itedmo ta imam/ Itedmo’t tiempom
ken bagim no kasapulan/
No awanka kabsat awan met maaramidan
Dimi kabaelan, sayang bannog ni kalugaram
II. Ngarud intay taraknen, ditay baybay-an/ Ta datay amin intay
pagtitinnulongan/ Masapulna’t sibog, nabaknang a ganagan/
Ta ad-adunto met laeng ti intay pagraranudan (koro)

17
 Sika laeng, O Apo
1. O Apo Jesus umayka,/Ditoy pusok agnaedka.
Ikutam toy biagko ken kararuak./
Tapno diakto maisina kenka.
2. Iturongnak kad O Apo,/tarabayem ala toy numo
Tapno agserbiak a sipupudno
Agingga’t tungpal biagko.
Koro:
//: Ta ti ayatmo isu Apo ti biagko
Ket ti asim isu Apo ti kiredko
Ket ti bilinmo isu Apo ti bagnosko
Nga agturong kinapudno.://

Dinamili a Banga
Koro: Apo Sika ti biligmi, Apo Sika ti silawmi, dikam maikari nga
agserbi, Apo Sika ti kamangmi.
a. Kas maysa a banga, dinamili naaramid ti daga, Kasta tayo nga
agserbi ti Apo, narukop, narasi, nanumo. (koro)
b. Ngem dayta a banga, numan pay naaramid ti daga, no
palubosan ti Dios, grasiana di maibus, ti banga agbalin a
bagnos.

Bagi ken Dara

Koro: Bagi ken dara ni Cristo a salakan, inkam awaten a
sangkagimongan. Sapay koma ta iti daytoy a pannangan, inkam
magun-od, kappia’t sangalubongan
a. Ni Cristo Jesus anakmo a nasudi; inna indaton dara ken bagi;
Isu ngarud ti inkam awaten, pigsa, ayat ken talingenngen. (koro)
b. Nadaeg a saklangmo, inkam umasideg; naiddep a silaw ti biag,
inkam isegged. Toy sibubukel a biag, kenka italek. Rigat ken
lulua, inkam paep-ep. (koro)

18
XVII. KARARAG KALPASAN TI KOMUNION
P: Kumararagtayo…iti agnanayon nga awan inggana.
G: AMEN.

XVIII. PANNAKASINDI TI KANDELA

Padi: Umadawkayo iti Silaw ni Cristo.

Daytoy a kandela ket tanda ti Silaw ni Cristo nga

inawat dagitoy nga ubbing. Maitalek daytoy a
silaw kadakayo a nagannak ken nanganak,
kadakayo tapno taginayonenyo ti raniagna.
Kitaenyo ngarud ta dagitoy nga ubbing agbiag a
kas annak daytoy a Silaw. Kanayon koma a
sisesegged ti silaw ti pammati kadagiti puspusoda
tapno inton umay ti Apo, makitimpuyogdanto
kadagiti sasanto ti langit a sumabet Kenkuana.

XIX. BENDISION
Padi: Ti Apo adda koma kadakayo.
Amin: KASTA KOMA MET KENKA.
Padi: Agtamedkayo ket awatenyo ti pamendision ti Apo.

Padi: O Dios nga ubbog ti biag ken ayat, bendisionam

ken punnoem ti puso dagitoy nga inna ti
panagayat iti anakda. Iti panagyamanda Kenka
gapu iti nagasat a panagpasngayda, maparag-oda
koma met gapu iti dungngo, idadakkel ken
kinasingpet dagitoy nga annakda.

Amin: AMEN.

19
Padi: O Dios nga Ama ken pagwadan dagiti amin nga
amma, bendisionam dagitoy nga amma tapno
makapudnoda a mangted ti nasayaat a pagpatulad
kadagitoy nga annakda, iti kasta, agbalinda a
napaypayso a Kristiano iti sidong ni Jesucristo.

Amin: AMEN.

Padi: O Dios a mannaripato kadagiti annakmo,

bendisionam dagiti nanganak kadagitoy nga
ubbing. Paraburam ida iti nadiosan a kinasirib
ken kinasingpet tapno mataginayon ti
panangidalanda kadagiti inanakda nga agturong
Kenka.

Amin: AMEN.

Padi: O Dios a mangay-ayat kadagiti amin a tattao,

bendisionam dagitoy kakabagian ken gagayyem
dagiti pamilia a naummong ditoy. Ita ayatmo,
ikanawam ida iti amin a basol ken ikkam ida iti
agnanayon a kappia.

Amin: AMEN.

Padi: Bendisionannakay koma ti Mannakabalin a Dios –

ti Ama, + ken ti Anak, + ken ti Espiritu Santo.

Amin: AMEN.

Padi: Nalpasen ti Misa ken Buniag, inkayon iti kappia ti

Apo.

Amin: AGYAMANTAY ITI DIOS.

20
 Aldaw Panagyaman
Aldaw panagyamantayo kakabsat,
yaay ni Jesus Diostayo ken ayat,
Adun nga aldaw ti naglabas kaniak
ngem daytoyen ti mangted pudno a ragsak.
Biagko a napalabas balbaliwak ita,
tulong ti Dios namnamaek ida,
itan ti panangipakitak ayatko padak a tao ken Diosko.

Panagyaman
1. Napno’t ragsak daytoy riknak, napno’t ayat toy kararuak a
mangyebkas kenka Amak, toy nanumo unay a kantak.
KORO: Agyamanak Ama, agyamanak, iti amin-amin a banag.
Awan ngatan nasinsin-aw nga ayat ti napudpudno a pagtalkan.
Agyamanak Ama, agyamanak, iti dakes inlisinak, di matukod, di
nga umdas, a pagsubalit toy biag.

Apo Caridad
Koro: /Apo Caridad taklinan, il-ilim a kailokoan; kibinennakam nga
ipan, ken Jesus Mangisalakan/ (2x)
a. Im-imam ti paglasatan, parabor a nailangitan;
Ipaaymo dika sardayan, ta kaasim pangliwliwam.
Ipaaymo dika sardayan, ta kaasim pangliwliwam.
b. Adtoykam iti sakaanam, ta umaydaka balangatan;
Iti ayat a katatarnawan, puspuso napalungdoan
Iti ayat a katatarnawan, puspuso napalungdoan

21