Kamolja’an Apareng Sadhekka

Sabakto are, badha lalake’ alomampa amalebbhati compo’na salobar bhubhar alako.

“Bhu, adsuraghi Rama serrena are paneka coma mampo ajhuwal sakone’ dhaghangan, saenggha coma
paneka se bhisa Rama parengaghi.”

“Ta’ ponapa Ma, se penting Rama lastare momet se abhagus. Rajjekke lastare badha se ngator.”

Settong are kamoddhian, Rama kasebbhut naberi dhagangan ka pasar. Kamoddhian, Rama atemmo
sareng nyai seppo se ombhul bhingong e pengghir jhalan. Pas e tanya’aghi, nyai ghapaneka a jhawab,
“Sengko’ minta’a pessena nak ghabay ongkos mole. Apa ba’na enda’ a bhanto sengko’?”

Dalem ate Rama ngoca’ “obangnga jhugan sakone’ sareng ghabay dha’ar bisaos ghi’ korang. Tape pak
Ustad toman ngoca’ kalamon sadhekka ghapaneka ghabay rajhekke daddhi lancar.

Kamoddhian, Rama aparengi obang dha’ ka nyai ghaneka dhagha e anter ka terminal.

Nyai ghapaneka pareng dhu’a sopaja rajekkena lancar.

Baddhianna bandhar, daghangan Rama kasebbhut terkas abi’ e borong palaghan naleka dhagha e pasar.

Rama akherra sadar dha’ sadhekka ghaneka bhandar-bhandar ma bukka’ labangnga rajekke.

Saampon bhubhar, Rama acareta ponapa se e alami sarengnga.

Molae dari nyai se e tolong sareng e ateraghi ka terminal enggha oreng se a borong abi’ bharang
daghanganna.

Akherra, Ebhu sareng Rama kasebbhut sajen asokkor dha’ ponapa se Ebhu sareng Rama ghadhuwan.