SANGKAGIMONGAN A PANAGLUALO Novena (Missa de Gallo)

###############################################################
SANGKAGIMONGAN A PANAGLUALO
Novena de Aguinaldo
#################################################################
#################################################################
DICIEMBRE 2023 — TAWEN B
###############################################################
Umuna nga Aldaw ti Novena

(Diciembre 16, 2023)…………………………………………........................................................................ p. 2
Maikadua nga Aldaw ti Novena
(Diciembre 17, 2023)…………………………………………....................................................................... p. 7
Maikatlo nga Aldaw ti Novena
(Diciembre 18, 2023)……………………………………………………………………………………………………………... p. 12
Maikapat nga Aldaw ti Novena
(Diciembre 19, 2023)…………………………….……………..................................................................... p. 16
Maikalima nga Aldaw ti Novena
(Diciembre 20, 2023)………………………………………………………………………………………………………………. p. 22
Maikainnem nga Aldaw ti Novena
(Diciembre 21, 2023)……………………………………………...…………………………………………………………..….. p. 27
Maikapito nga Aldaw ti Novena
(Diciembre 22, 2023)……………………………………………………………………………………………………….……... p. 32
Maikawalo nga Aldaw ti Novena
(Diciembre 23, 2023)………………………………………………………………………………………………………….…... p. 37
Maikasiyam nga Aldaw ti Novena
(Diciembre 24, 2023)……………………………………………………………………………………………….………….….. p. 41
N.B.
Daytoy baro nga urnos ken kararag a nausar iti daytoy a prayer service booklet ket naitulad
manipud iti Sunday Assembly without a Priest nga insingasing ti Episcopal Commission on Liturgy
idi Enero 2001 ket inannamungan ti Catholic Bishops’Conference of the Philippines ti Plenary
Assembly da idi Enero 26, 2001.
Commission on Liturgy
Diocese of Baguio
1
#######################################################################################
NOVENA DE AGUINALDO
Diciembre 16, 2023
(National Youth Day)
################################################################################
TEMA: NARANIAG A SILAW TI KAIYARIGAN NI JUAN!
I. RITO TI PANAGSAGANA
PAKAUNA:
(No naurnongen ti gimong, mairugi ti panaglualo babaen iti maiyannatup a panglukat a kanta.
Kalpasanna, irugin ti mangidaulo)
MANGIDAULO: Iti nagan ti Ama, ken ti Anak, ken ti Espiritu Santo. Amen. Intay dayawen ni
Cristo, isu a mangipaay ti ragsak kadagiti amin a mangpaspasungad iti idadatengna. Sapay koma
ta silulukat dagiti puso ken panunottayo tapno iti kasta maikaritayo a mangpasangbay
Kenkuana.
GIMONG: Umayka, Apomi nga Jesus.
MANGIDAULO: Nagbalinka a kas kadakami malaksid iti basol.
MANGIDAULO: Sika ti nanglawag kadagiti puso ken panunotmi.
MANGIDAULO: Immayka tapno iyegmo kadakami ti sagot a biag ti Ama.
MANGIDAULO: Kakabsat, siraragsaktayo a mangpasungad ken mangrambak ti pannakaiyanak
ti Mangisalakan kadatayo.
LITANIA TI PANAGDAYAW ITI KAASI TI APO:
Tapno maikaritayo a makipagrambak iti daytoy a padaya, intay umuna dumawat ti
pammakawan ti Apo.
Agkonfesarak iti Dios a mannakabalin amin ...
Kaasiannatay koma ti Ama, pakawanenna dagiti naglaksidantayo ket ipannatay iti biag nga
agnanayon. Amen.
Apo, kaasiannakami… (kanta)
GLORIA ITI DIOS TI KANGATOAN . . .
KARARAG A PANGLUKAT:
O Dios, kinayatmo a ti Anakmo, mangala iti Bagina iti tian ni Nainggasatan a Virjen Maria,
kas impakdaar tay anghel. Ipaaymo kadi a dakami a mamati a ni Apo Sta. Maria napaypayso nga
Ina ti Dios, kalakamanmi koma ti pannulong ti panangibabaetna.
Gapu ken Apomi a Jesucristo nga Anakmo ket Dios, Isu a Dios a makipagbiag ken
makipagari Kenka, ken iti Espiritu Santo, iti agnanayon nga awan inggana. Amen.
II. LITURHIA TI SAO TI DIOS
UMUNA A MAIBASA: Isaias 56:1-3, 6-8
Agbasa: Daytoy maibasa naadaw iti libro ni profeta Isaias.
Kuna ti Apo kadagiti tattaona: Isalakankayo iti mabiit. Aramidenyo ngarud ti nalinteg ken
naimbag. Bendisionakto dagiti amin a mangngilin iti aldaw a Panaginana ket dida tulawan.
Bendisionakto dagiti saan nga agaramid iti dakes. Saan koma a kunaen ti ganggannaet a
nakitipon kadagiti tattao ti Apo, Dinak palubosan ti Apo a makipagdaydayaw kadagiti tattaona.
Kadagiti ganggannaet a maibilang a kamkameng dagiti tattaona, isuda nga agayat ken
2
agserbi kenkuana, isuda a mangngilngilin iti Aldaw ti Panaginana ken mangsalimetmet a
sipupudno iti nakitulaganna. Ipankayo idiay Sion a nasantoan a bantayko.
Paragsakenkayto iti balayko a pagkararagan ket awatekto dagiti daton nga idatagyo iti
altarko. Managanto ti Templok iti balay a pagkararagan nga agpaay kadagiti tattao iti
amin a nasion.
Inyawid ni Apo Dios dagiti tattaona nga Israelita manipud iti nakaipananda a kas
balud. Inkarina a mangyegto iti dadduma a tattao a tumipon kadakuada.
Ti Sao ti Apo.
SALMO RESPONSORIO: Sal 67:1-2, 4, 6-7
Sungbat: O DIOS, DAYAWENDAKA KOMA DAGITI TATTAO
1. Kaasiannakami, O Dios, ket bendisionannakami; talliawennakami koma a sikakaasi,

tapno maammoan ti sangalubongan ti pagayatam, ken ti bilegmo a mangisalakan.
2. Agragsak koma dagiti nasion ket agkantada a sirarag-o, ta awan idumdumam iti
panangukommo, ket idaldalanmo dagiti amin a tattao ditoy lubong.
3. Pinataud ti daga ti apit nga adu ta binendisionannatayo ti Dios a Diostayo.

Bendisionannatayo ti Dios; itan-ok koma dagiti tattao iti amin a suli ti lubong.
ALLELUIA
Alleluia! Alleluia!
Umayka kadin, O Apo,
ket yegmo ta kappiam
tapno iti amin a puso
agrag-okami dita saklangmo.
Alleluia!
EBANGHELIO: Jn 5:33-36
Agbasa: Ti sumaganad a maibasa naadaw iti nasantoan nga Ebanghelio a kas insurat ni
San Juan
Kinuna ni Jesus kadagiti Judio: Nagbaonkayo ken ni Juan, ket pinaneknekanna ti

maipapan iti pudno. Wen, ibagak daytoy saan a gapu ta masapulko ti pammaneknek ti
tao no di ket tapno maisalakankayo. Sumsumged ken agranranniag a silaw ti kayarigan
ni Juan, ket iti apagbiit, kinayatyo a linak-am ti lawagna. Ngem adda mangpaneknek
kaniak a nangnangruna ngem ni Juan: Dagiti aramidko nga ipaaramid kaniak ti Ama,
isuda ti mangpaneknek iti maipapan kaniak. Dagitoy nga aramid ti mangipakita nga
imbaonnak ti Ama.
Ti Ebanghelio ti Apo.
PAGPAMPANUNOTAN:
Kakabsat, rugian tayo ita ti Novena iti panangpasungad iti pannakaipasngay ni

Ubing a Jesus. Siam nga aldaw iti Misa a pangpasungad iti Paskua. Siam nga aldaw nga
intay panagsakripisyo. Sakripisyo kunak kakabsat ta daytoy nga Misa Novena ket
mainayon iti naynay wenno regular nga iskedyul tayo iti inaldaw. Sinno ngata kadatayo
iti maka kumpleto iti siam nga aldaw? Dagiti dadduma ket ikarkargitanda ta adda
ngarud intensyon wenno panggep da nga idaton iti daytoy siam nga aldaw. Datayo
ngata? Ingato yo man ti makannawan nga imayo? Kalpasanna ipatay yo dita
3
makannigid nga abaga yo sayo tapiken ti abagam ket kunaem iti bagim: “Kabaelam
daytoy- masungpot mo ti siam nga aldaw!”
Ket iti ngarud intay panangrugi iti daytoy a Novena, isagana tayo ti puso ken biag
tayo tapno maikari tayo nga sumarabo iti iyaay ti Manubbot ti lubong. Ket napintas
unay daytoy panangpadaan tayo no isagana ngarud a nasayaat ti panagpabaro iti biag
tayo. Ket nangegan tayo ngarud dagiti naibasa: Am-ammoyo kadi ni Juan? Ni Juan iti
nangegan tayo a naibasa ti kayatko a saoen. No saan, ket saankayo nga agdanag ta uray
idi panawen ni Juan, ti pagarup ti tattao ket isuna ti naikari a manubbot. Ngem ni Juan
napudno ken napakumbaba ta insungbat na nga saan nga isu ti naikari a Mesias. Iti
pannaka puted ti ulo ni Juan, dayta met ti panawen ti panangrug ni Jesus iti tallo a
tawen a misyon na. Ket maysa kadagiti inkaskasaba na ket ti panagbalbaliw,
panangagas na kadagiti masaksakit ken panangtedna ti namnama kadagiti maup-upay
ken agkasapulan. Ngem adu latta ti saan nga nagbabawi ken saan a namati. Maipagapu
pay metten kadagiti panangalallilaw kadakuada dagiti nangangato a mamaestro iti
linteg ken agtuturay iti dayta a panawen.
Iti ngarud daytoy a panawen ti Adviento palpalagipan natayo manen ni Apo Jesus
nga mamati ken agsubli Kenkuana, nga dumngeg Kenkuana, a mangnamnama ken
mangted met ti namnama kadagiti tattao ken iti panagbabawi tayo manipud kadagiti
basbasol tayo. Masapul ngarud nga sarangten tayo dagiti sulisog a mangisebbang
kadatayo iti basol ket babaen iti pammatulad ni Juan –nagtalinaed isuna a
napakumbaba ken napudno ken ni Apo Jesus, kasta tayo koma met.
Kas nasao ngarud ni Juan: “kasapulan nga ti Apo ti maital-o ken siak ti
agpakumbaba.”(Jn.30:30) Daytoy koma met ti agbalin nga pagtuladan tayo nga ni Apo
Jesus koma latta ti aglatak iti biag tayo. Kasano tayo kadi ita iti daytoy intay panagrugi ti
Misa de Aginaldo? Ania kadi dagiti insagana wenno isagsagana tayo nga pangpasangbay
iti Maladaga a Manubbot tayo? Kayat tayo kadi ti adda laeng iti liklikod tapno Isuna ti
agbalin a sentro iti daytoy a selebrasyon tapno agbunga wenno agballaigi ti
naKristianoan a biagtayo? Laglagipen tayo koma nga ti nasayaat nga panagbiag ket saan
nga agmawmaw wenno awan ti “expiration date” na kakabsat. Isu na laeng nga gapu ta
saan tayon nga ik-ikkan ti importansya wenno kinapateg ti pannakapasingked ken
pannakapabileg ti pammati tayo gapu kadagiti adu a banbanag nga mangiyadayo ti
atensyon tayo kenni Apo Dios isu nga masapul a kanayon tayo a mapalagipan ket
daytoy Misa de Aginaldo ket maysa kadagiti adu a wagas iti pannakapalagip tayo.
Ngarud kakabsat, liklikan tayo koman ti kinadakes, ti kinaawan moralidad wenno
marikna tayo koman panagbuteng iti Dios. Isu daytoy ti gapuna nga makitatayo ti
kinapategna ti isasangpet ti maysa a mangisalakan. Ket ti ipapasngay ti Apo nga
padpadaanan tayo isu ti mangted ti ragsak, bang-ar ken napalaos nga raniag iti
biagtayo. Isu nga ti lubong ket agkanta iti Gloria iti Dios ti Kangatoan...! Addan ti lawag,
addan ti mangisubli ti kappia iti nagbabaetan tayo, umayen ti
4
Mangisalakan agragsak tayo ta nagsagana tayo ken liniklikan tayon iti agtalinaed iti
kasipngetan, pinili tayo ti lawag ken ragsak.
Ngarud saan laeng nga dagiti tattao a managbasol idi tiempo ni Jesus ti makasapul iti
pannakaisalakan. Uray datayo iti agdama a panawen. Amintayo ket mabalintayo nga maiyadayo
iti Dios babaen kadagiti panangallilaw ti makunkuna a moderno a panagbiag. Kasapulantayo
met ti mangisalakan kadatayo manipud kadagitoy a pagbasolan. Kasapulantayo ti Jesus nga
umay ken makipagnaed iti baettayo tapno ti dalan nga surutentayo ket ti kinapudno ken
makaited iti biag. Isagana tayo ti puso tayo a kas maysa a namumo akulluong nga sumangbayan
na. Sapay koma ta kasta.
KARARAG A SAPASAP:
Kakabsat, sangsangkamaysatayo a mangidatag iti manangngaasi a Dios kadagiti ar-
ararawtayo. Ket isungbattayo iti tunggal panggep:
APO, AGRANIAG KOMA TI SILAWMO KADAKAMI
1. Agpaay kadagiti mangidadaulo ti Simbaantayo, tapno maibiagda koma dagiti pammatulad ni

San Juan ket agraniag ti silaw ni Jesus babaen kadagiti aramidda. Kumararagtayo.
2. Agpaay kadagiti mangidadaulo ti gobiernotayo, tapno mapaneknekan koma kadagiti

aramidda dagiti kari ken sapatada idi nagtugawda iti puestoda. Kumararagtayo.
3. Agpaay kadagiti nakurapay, masaksakit ken maidadanes ditoy ilitayo, tapno ti lawag iti
isasangbay ni Jesus ti mangidalan ken mangliwliwa kadagiti rig-rigatda ditoy a biag.
Kumararagtayo.
4. Agpaay iti gimongtayo, tapno babaen kadagiti nasaayat nga aramidtayo ket maipakitatayo
kadagiti saan pay nga mamati ken Cristo ti bara ti panangawatna kadakuada. Kumararagtayo.
5. Agpaay kadagiti agtutubo a namnama ti masakbayan, simbaan ken pagilian, sapay koma ta
maadalda nga isurot dagiti arapaapda iti pammatulad ni Cristo ken maiturong ken maisungsong
da met dagiti kapatadanda iti baro a biag. Kumararagtayo.
6. Agpaay kadagiti pimmusayen ditoy a biag, tapno maragpatda koman ti lawag iti agnanayon a
panaginana. Kumararagtayo.
Managayat ken naasi nga Amami, daytoy ti kararag dagiti patpatgem nga annakmo. Sapay
koma ta malak-amminto ti lawag nga inkarim babaen iti yaay ti Anakmo, Isu a makipagbiag ken
makipagari kenka, Dios nga awan inggana. Amen.
III. RITO TI NASANTOAN A KOMUNION
KARARAG TI PANAGDAYAW KEN PANAGYAMAN:

Dios nga Amami,
naggapu Kenka amin nga imbag.
Nakakaskasdaaw iti sagotmo nga ni Jesus,
Isu nga inyanak ni Birhen Maria ken mangisalakan kadakami
Ni Jesus ti raniag ti kinatan-okmo
a nangiwaksi ti sipnget ti basol.
Ti lawagna ket kasla naraniag a pagsilawan,
a mangiturong kadakami iti dalan ti kinapudno.
Makidanggaykami kadagiti amin nga ejercito ti langit,
ket ikantami ti pannakaidaydayawmo.
GLORIA ITI DIOS TI KANGATOAN!
Dios nga Amami,
sika ti mangited kadagiti kasapulanmi.
Awan balikas a maiyebkasmi a kas panagyaman Kenka
5
iti sagotmo a ni Jesus iti Nasantoan a Eukaristia. Ni Jesus ti tinapay manipud langit a
Mangtaraon ken mangtulong kadakami Bayat iti inkam panagdaliasat nga agturong dita
pagariam. Makidanggaykami kadagiti amin nga ejercito ti langit, ket ikantami ti
pannakaidaydayawmo.
Dios nga Amami, Inurnongmo dagiti tattaom a kas maysa a familia. Aglaplapusanan ti
sagotmo a ni Cristo Jesus isu a namagkaysa iti pammati ken namnamami ken iti naayat
a panangtarabaymi iti tunggal maysa. Immay tapno isurona ti dalan ti panagkaykaysa
ken isubli ti panagkikinnaawatan. Makidanggaykami kadagiti amin nga ejercito ti langit,
ket ikantami ti pannakaidaydayawmo.

Makikaysakami kenni Obispomi N., ni Kuraparokomi N., ken ti entero a Simbaan iti
inkam panagyaman ken panagdayaw Kenka Dios nga Amami, babaen ti Anakmo, ni
Apomi a Jesus, Isu a nakipagbiag ken nakipagari Kenka ken ti pannakikaysa ti Espiritu
Santo, Dios nga awan inggana. Amen
PAKAUNA TI AMAMI:
Intayo kumamang iti Apo tapno mapaneknekantayo iti pudno babaen iti kararag nga
insuro ni Apotayo a Jesus.
AMAMI. . .
PANANGIPAAY TI KAPPIA:
Ipaaytayo ti kappia iti maysa ken maysa.
( Saan a makanta wenno maikararag ti “Kordero” gapu ta awan ti panakapisi-pisi ti
bagi ni Cristo a nakairantaan ti kanta a “Kordero”)
PANANGIYAWIS TI KOMUNION: (no adda)
Daytoy ti Kordero ti Dios, isu nga immay tapno paneknekanna ti kinatanok ti pagarian ti
Apo. Nagasattayo a makikaykaysa iti daytoy a padaya.
Apo, diak maikari nga umayka kaniak . . .
KARARAG KALPASAN TI KOMUNION:
Apo a Diosmi, daydayawenmi a sipapasnek ti Ina ti Anakmo. Sapay koma ta dagitoy
a sakramento nga inawatmi, iparangarangda ti pannangaasim tapno dakami a
mangilaglagip a sipapasnek ken ni nainggasatan a Virjen Maria mairagpatkami iti
agnanayon a pannakaisalakan. Gapu ken Cristo nga anakmo ken Apomi. Amen.
IV. PANANGIDATON KADAGITI SAGOT KEN PANAGCOLEKTA
(Daytoy iti gundaway nga intay panagkolekta ken panangidaton kadagiti saguttayo nga
agpaay iti simbaan ken kadagiti makasapul iti tulongtayo. Agkantatayo iti maiyannatop
a kanta. cf Supplement to the Roman Sacramentary)
V. RITO TI PANANGGIBUS PAMENDISION:
Sapay koma ta maibiagtayo ti mensahe daytoy a rambak, bendiosionnanatayo iti Dios:
ti Ama, ti Anak, ken ti Espiritu Santo. Amen
Nalpasen ti sangkagimongan a panaglualotayo, intayon iti kappia ti Apo.
Agyamantay iti Dios. Kanta a Panggibus. . .
6
#######################################################################
NOVENA DE AGUINALDO
Diciembre 17, 2023
(Gaudete Sunday)
#######################################################################
TEMA: NAIYANAK NI CRISTO ITI KAPUTOTAN NI DAVID!
I. RITO TI PANAGSAGANA PAKAUNA:

(No naurnongen ti gimong, mairugi ti panaglualo babaen iti maiyannatup a
panglukat a kanta. Kalpasanna, irugin ti mangidaulo)
MANGIDAULO: Iti nagan ti Ama, ken ti Anak, ken ti Espiritu Santo. Amen. Kakabsat, ti
daytoy tiempo iti Adviento, maawistayo nga agrag-o bayat iti intay panangpadaan iti
idadateng ni Jesus, ti Kordero ti Dios a Mangikkat kadagiti basbasol ti lubong.
GIMONG:Umayka, Apomi nga Jesus.
MANGIDAULO: Kakabsat, siraragsaktayo a mangpasungad ken mangrambak ti
pannakaiyanak ti Mangisalakan kadatayo.
Intay dumawat ti pammakawan ti Apo gapu iti ditay panangawat ken
panagtulnog kadagiti bilinna. Apomi a Jesus, immayka ditoy lubong tapno
ispalennakami: Apo, kaasiannakami.
Apo, kaasiannakami.
Apomi a Jesus, taginayunem ti panangtarabaymo kadakami babaen ti grasia
ti Espiritu Santo: Cristo, kaasiannakami.
Cristo, kaasiannakami.
Apomi a Jesus, umaykanto manen a sidadayag: Apo, kaasiannakami.
Apo, kaasiannakami.
Apo, pakawanem dagiti nagkuranganmi ket iturongnakami iti biag nga
agnanayon. Amen.

O Dios, pinarsuam ken sinubbotmo ti tao. Kinayatmo a ti Anakmo a mangala iti
Bagina iti tian ni Virjen Maria. Denggem kad dagiti dawdawatmi, ket ti Anakmo a
nagpakumbaba ket nakiranod iti kinataomi, iranodnakam koma met iti kinadiosna.
7
UMUNA A MAIBASA: Isias 61:1-2, 10-11
Agbasa: Daytoy maibasa naadaw iti libro ni profeta Isaias
Adda kaniak ti Espiritu ni Apo Dios. Pinili ken imbaonnak tapno ipakaammok
ti naimbag a damag kadagiti napanglaw, mangliwliwa kadagiti nalapunos iti
ladingit, mangiwaragawag iti panagsubli dagiti napagtalaw, ken ti
pannakawayawaya dagiti adda iti pagbaludan. Imbaonnak a mangipakaammo a
dimtengen ti tiempo a panangisalakan ti Apo kadagiti tattaona ken
panangparmekna kadagiti kabusorda. Agrag-o ti Jerusalem gapu iti inaramid ti
Apo. Mayarig iti nobia a nakawesan iti pannakarambak ti panagkasarna.
Kinawesan ti Dios iti pannakaisalakan ken balligi! Awan duadua nga isalakanto ti
Apo dagiti tattaona, kas iti sigurado a panagtubo ken idadakkel ti bukel, ket
agdaydayawto kenkuana dagiti amin a nasion.
Ti Sao ti Apo.
SALMO RESPONSORIO: Luc 1:46-48, 49-50, 53-54
Sungbat: AGRAG-O TI KARARUAK ITI APO.
1. Toy pusok idaydayawna ti Apo, ket agragsak toy kararuak gapu iti Dios a
Mangisalakan kaniak. Ta nalagipnak, siak a nanumo nga adipenna, ket manipud
ita, awagandakto a nagasat dagiti amin a tattao. (S)
2. Gapu kadagiti naindaklan a banag nga inaramid kaniak ti Mannakabalin a
Dios. Nasantoan ti naganna; Kaasianna dagiti agbuteng kenkuana, manipud iti
maysa a kaputotan agingga kadagiti sumarsaruno. (S)
3. Pinennekna dagiti mabisin kadagiti agkakaimbag; Pinagtalawnanga ima -ima
dagiti babaknang. Tinungpalna ti karina kadagiti ammatayo; tinulonganna ti
Israel nga adipenna. (S)
4. Malaglagipka no addaak iti iddak; pampanunotenka nga agpatpatnag.
Ngamin, kanayon a tultulongannak, ket agkantaak a siraragsak iti salinong dagiti
payakmo. (S)
MAIKADUA A MAIBASA: 1 Tesalonica 5:16-24
Agbasa: Daytoy a maibasa naadaw iti umuna a surat ni San Pablo kadagiti taga-
Tesalonica
Kanayon nga agragsakkayo. Agkararagkayo iti amin a tiempo. Agyamankayo
iti aniaman a kasasaad. Daytoy ti pagayatan ti Dios iti panagbiagyo ken ni Cristo
Jesus. Diyo lapdan ti Espiritu Santo. Diyo laisen dagiti sao a naipaltiing. Usigenyo
ketdi a nalaing dagiti amin a banag. Pilienyo dagiti naimbag ket liklikanyo ti amin
a kita ti kinadakes. Sapay koma ta pasantoennakayo a naan-anay ti Dios a
mangted iti talna. Aywananna koma ti aminyo-espiritu, kararua ken bagi, ket
yadayonakayo iti amin a pagbasolan agingga iti yaay ni Apotayo a Jesu-Cristo
agsipud ta mapagtalkan ti mangayab kadakayo ket aramidennanto daytoy.
Ti Sao ti Apo.
ALLELUIA (Is 1:1; Luc 4:18)
Alleluia! Alleluia!
Adda kaniak ti espiritu ni Apo Dios.
Pinili ken imbaonnak tapno ipakaammok
ti naimbag a damag kadagiti napanglaw
Alleluia
8
EBANGHELIO: Juan 1:6-8, 19-28

Agbasa: Ti sumaganad a maibasa naadaw iti nasantoan nga Ebanghelio a kas insurat ni
San Juan.
Imbaon ti Dios ti maysa a tao nga agnagan iti Juan. Immay a mangpaneknek kadagiti
tattao maipapan iti silaw tapno mamati dagiti amin a makangngeg kenkuana. Saan nga
isu a mismo ti silaw, ngem immay tapno paneknekanna ti maipapan iti silaw. Daytoy ti
pudno a silaw nga umay ditoy lubong ken manglawag kadagiti amin a tattao. Daytoy ti
pammaneknek ni Juan kadagiti papadi ken Levita nga imbaon dagiti Judio nga adda
idiay Jerusalem nga agsaludsod kenkuana, “Siasinoka?” Saan a naglibak ni Juan. “Saan a
siak ti Cristo,” impudnona. “Siasinoka ngarud?” sinaludsodda manen. “Sika kadi ni
Elias?” “Saan a siak,” insungbat ni Juan. “Sika kadi ti Profeta?” kinunada. “Saan,”
insungbatna. “Ibagam ngarud no siasinoka.” Kinunada. “Masapul nga adda isungbatmi
kadagiti nangibaon kadakami. Ania ti masaom maipapan kenka?” insungbat ni Juan ti
impadto ni profeta Isaias: “Siak ti timek ti maysa nga agpukpukkaw iti let-ang:
‘Palintegenyo ti dalan a pagnaan ti Apo!” Adda sumagmamano a naibaon a naggapu
kadagiti Fariseo. Sinaludsodda ken Juan, “No saan a sika ti Cristo, wenno ni Elias, wenno
ti Profeta, apay ngarud a mamunbuniagka?” “Mamuniagak iti danum,” insungbat ni
Juan, “ngem makipupulapol kadakayo ti maysa a diyo amammo. Sumarsarono kaniak,
ngem diak pay maikari a mangukas iti kordon ti sapatosna.” Napasamak amin dagitoy
idiay Betania, iti ballasiw ti karayan Jordan a pamumbuniagan ni Juan.
PAGPAMPANUNOTAN:
Masapul nga ammuen tayo ti pagrebbengan wenno akem tayo iti biag! Iti nangegan
tayo iti Ebanghelyo, ni San Juan Mamuniag ket naipakaammo nga maysa nga timek ti
agpukpukkaw iti let-ang nga agkuna: “Palintegenyo ti dalan a pagnaan ti Apo!” Ditoy,
makita tayo nga ni Juan ket napudno nga inbagana kadagiti agsaludsod nga saan nga isu
ti Mesiyas ngem ketdi isu ti nangiturong ken nangipakaammo no siasino talaga ti
Mesiyas ket inbaga na pay nga saan nga maikari isuna a mangukas ti kordon ti
sapatosna. Anian a kinapakumbaba ni Juan. Daytoy kakabsat – kinapakumbaba ket
maysa a wagas iti panangisagana tayo iti nalinteg a dalan nga pagnaan ti Manubbot iti
isasangbay na iti daytoy umadanin a Paskua. Maikaduan nga aldaw iti Misa Novena
tayo iti intay panagpasungad iti Niño Jesus. Ti Ebanghelyo ket karkariten natayo nga
saan tayo koma nga iparammag wenno ipagpannakkel dagiti banbanag nga aramiden
ken ipaay tayo iti pada tayo nga tattao ken saan tayo koma agpalpalangguwad nga uray
saan met nga husto. Agtalinaed tayo oma latta a napakumbaba. Kasta met koma
kadagiti akem tayo iti Gimong ken Sosiedad tayo, iti pagadalan, iti familia kan no ania
man dagiti balligi wenno kinabaknang nga adda kadatayo. Numan pay addaan ti
dadduma iti nangato nga akem wenno responsibilidad, saan koma nga dayta ti rason
tayo nga mangikulmeg wenno mangirurumen iti pada tayo a tao. Dayto ti
pinaneknekan ni Juan kadatayo. Ammona nga napateg ti akem na iti istoria ti
pannakaisalakan tayo ngem saan na nga inpannakel wenno inpangas daytoy.
Nagpakumbaba ketdi isuna. Daytoy ti maysa a wagas nga intay koma tuladen.
Iti met maikadua a naibasa a nangegan tayo: “Kanayon nga agragsakkayo.
Agkararagkayo iti amin a tiempo. Agyamankayo iti aniaman a kasasaad. Daytoy ti
pagayatan ti Dios iti panagbiagyo ken ni Cristo Jesus. Diyo lapdan ti Espiritu Santo...
Pilienyo dagiti naimbag ket liklikanyo ti amin a kita ti kinadakes”. Daytoy ti pamagbaga
ni San Pablo kadagiti nakristianoan
9
a gimong ti Tesalonika ket isu met ti pamagbaga ti Simbaan kadatayo iti rambak tayo ita
maikatlo a Domingo ti Adviento.
Ket iti umuna a maibasa, impadto ni Profeta Isaias ti maipanggep iti yaay ti
Mangisalakan a napno iti Espiritu ti Apo. Daytoy a Mangisalakan ket pinili ken imbaon ti
Apo tapno: “ipakaammok ti naimbag a damag kadagiti napanglaw, mangliwliwa
kadagiti nalapunos iti ladingit, mangiwaragawag iti panagsubli dagiti napagtalaw, ken ti
pannakawayawaya dagiti adda iti pagbaludan”. Daytoy a padto ni Isaias ket natungpal
babaen iti panakaiyanak ni Apo Jesus.
Iyawis ngarud ti Simbaan nga napnek koma iti intay panagsagana ken aramiden
tayo koma dagiti rebbengen tayo iti daytoy a tiempo ti Adviento. Kas kuna tayo idi
naglabas a Domingo, daytoy a tiempo ti Adviento ket nairanta a mangisagana kadatayo
para iti napnoan kaipapanan a panangrambak ti paskua.
Iti maikadua nga aldaw iti Siam nga Aldaw a panagsagana ken maikatlo nga
Domingo ti Adviento sumken koma iti panunot tayo a kas kenni San Juan a Mamuniag
nga ay-ayabannatayo ti Apo nga agbalin a napakumbaba ken instrumento a
mangiturong kadagiti kakabsat tayo ken Apo Jesus. Sapay koma ta kasta.
KARARAG A SAPASAP: Kakabsat, intay idaton iti nalinteg nga Ama dagiti kararag tayo
ket sapay koma ta maragpat tayo ti rang-ay ken ragsak nga awan patinggana, ket
kunatayo: APO, AGARI KOMA TI KINALINTEG KADAKAMI.
1. Idawdawatantayo ni Francisco nga Santo Papa tayo, dagiti obispo, papadi, misionero,
relihioso, ken dagiti amin nga agtrabtrabaho iti Simbaantayo agraman dagiti Katekista
tayo, tapno ti ayat, kinalinteg ken kinasirib ti Apo ti mangtarabay kadakuada bayat iti
inda panagserbi. Kumararagtayo iti Apo.
2. Idawdawatantayo dagiti mangidadaulo iti pagiliantayo, tapno iti kasta ti pagrang-
ayan ken pagimbagan ti kaaduan iti inda tamingen ket isuro ida ti kinasirib ti Apo a
magna iti dalan ti kappia. Kumararagtayo iti Apo.
3. Idawdawatantayo dagiti napanglaw, maidadanes, mairurumen ken marigrigat, agari
koma ti namnama tapno maragpatdanto ti kinalinteg ti Apo iti kamaudianan nga aldaw.
Kumararagtayo iti Apo.
4. Idawdawatantayo iti familiatayo, tapno agari koma ti panagkaykaysa ken kinaimbag
iti tunggal maysa kadatayo ket maibiagtayo ti kinatan-ok ti Apo. Kumararagtayo iti Apo.
5. Idawdawatantayo dagiti napateg kadatayo a pimmusayen ditoy a biag, tapno magun-
odda koman ti kinalinteg ti Apo ket makipagtaengdan Kenkuana. Kumararagtayo iti
Apo.
Dios nga Apomi, sika ti nagtaudan iti amin a rang-ay ken kinalinteg ti panagbiagmi.
Awatem koma daytoy a dawatmi tapno maikarikami a mangpasungad ken Jesus nga
Anakmo ken Apomi. Amen.
Mannakabalin ken manangngaasi a Dios, nagbiagka a sidadayag kadakami.
Iti panaglabas ti panawen, impakitam ti ladawam babaen iti
panangiparangarangmo iti kinasirib ken kinamanagayatmo. Ket idi dumteng ti
natudingan a panawen, imbaonmo ditoy lubong ti bugbugtong nga
10
Anakmo tapno parmekenna ti kinadakes iti puso ti tao. Ket nakitamin ti ladawam
babaen ken ni Jesus ket inugasannakami babaen ti lawag ti gloriam. Makidanggaykami
kadagiti amin nga ejercito ti langit, ket ikantami ti pannakaidaydayawmo.
“GLORIA ITI DIOS TI KANGATOAN.”
Natan-ok ken mannakabalin a Dios, im-bukbukmo ti silaw iti kaasim ditoy lubong idi
inkasaba ni Jesus ti Naimbag a Damag, pinaimbagna dagiti masakit ken pinakawanna
dagiti nagbabawi kadagiti dakes ti aramidda. Iti baet ti panagtutu-okna, kinaluban ti
sipnget iti intero a lubong, ngem ti silawmo iti nanglawag ti puso dagiti pinakawanmo.
Nagungar ni Jesus ket situtugaw iti makannawanmo, inayabannakami dita Pagariam
tapno makipagbiagkami iti agnanayon. Makidanggaykami kadagiti amin nga ejercito ti
langit, ket ikantami ti pannakaidaydayawmo.
Natan-ok ken namedmed nga Ama, sika laeng ti mangpennek ti tarigagaymi iti
kinapudno, sika laeng ti mangbussog iti pagusmi nga agbiag. Idi idiay disierto, inikkam ti
danum dagiti tattaom ket pinakanmo ida ti manna manipud langit. Idi immay ti anakmo
ditoy mabisin a lubongmi, insaganana ti lamisaan ti bagina ket inawisnakami a
makibingay iti napisipisi a tinapay tapno agraniag ti ayatna babeg iti biagmi.
Makidanggaykami kadagiti amin nga ejercito ti langit, ket ikantami ti
pannakaidaydayawmo.
Makikaysakami kenni Obispomi N., ni Kuraparokomi N., ken ti entero a Simbaan iti
inkam panagyaman ken panagdayaw Kenka Dios nga Amami, babaen i Anakmo, ni
Apomi a Jesus, Isu a nakipagbiag ken nakipagari Kenka ken ti pannakikaysa ti Espiritu
Santo, Dios nga awan inggana. Amen
PAKAUNA TI AMAMI:
Kas maymaysa a gimong a napnoan namnama, maragpattayto koma ti rang-ay nga
awan inggana, intay kumamang iti Amatayo babaen iti kararag nga insuro ni Apo Jesus
kadatayo.
AMAMI. . .
( Saan a makanta wenno maikararag ti “Kordero” gapu ta awan ti panakapisi-pisi ti
bagi ni Cristo a nakairantaan ti kanta a “Kordero”)
Daytoy ni Jesus nga Apotayo, ti Kordero ti Dios a mangyeg ti kinalinteg ken rang-ay
kadagiti umawat kenkuana. Nagasattayo mangibiag ti mensahena.
Mannakabalin a Dios, itan ta naawatmi ti nadiosan a parabormo, ipaaymo kadi ta
pasgedennakami ti Espiritum ita kasta agranyagkami a kas silaw a mangpasungad ken
Cristo iti yaayna. Gapu met laeng ken Cristo nga Anakmo ken Apomi. Amen.
(Daytoy iti gundaway nga intay panagkolekta ken panangidaton
11
kadagiti saguttayo nga agpaay iti simbaan ken kadagiti makasapul iti tulongtayo.
Agkantatayo iti maiyannatop a kanta. cf Supplement to the Roman Sacramentary)
Bendisionannatayo ti Dios: ti Ama, ti Anak, ken ti Espiritu Santo. Amen.

Nalpasen ti sangkagimongan a panaglualotayo, intayon iti kappia.
Agyamantay iti Dios.

Kanta a Panggibus. . .
################################################################################
NOVENA DE AGUINALDO
Diciembre 18, 2023
TEMA: MAPANAGANANTO ITI EMMANUEL!
################################################################################I
PAKAUNA:
(No naurnongen ti gimong, mairugi ti panaglualo babaen iti maiyannatup a panglukat
a kanta. Kalpasanna, irugin ti mangidaulo)
MANGIDAULO: Iti nagan ti Ama, ken ti Anak, ken ti Espiritu Santo. Amen.
Gloria iti Dios ti kangatoan. Isu ti nangted kadatayo ti pigsa nga agbiag a kas
maiyannatop iti Naimbag a Damag maipapan ken ni Jesu-Cristo nga Anakna.
Madaydayaw ti Dios iti agnanayon.
GIMONG: Madaydayaw ti Dios iti agnanayon.
MANGIDAULO: Kakabsat, intay dayawen ni Cristo, isu a mangipaay ti ragsak kadagiti amin
a mangpaspasungad iti idadatengna. Sapay koma ta silulukat dagiti puso ken
panpanunottayo tapno iti kasta maikaritayo a mangpasangbay Kenkuana.
Iti saantayo a panangikaskaso ken panangtalikod kadagiti sao ti Apo ket lapped
kadagiti planona. Intay dawaten ti pammkawan ti Apo. Apomi a Jesus, kas kenka ken ni
Maria, kayatmi a lukatan ti pusomi kadagiti balikas ti Dios: Apo, kaasiannakami.
Apo, kaasiannakami.
Jesucristo, kas kenka ken ni Maria, kayatmi a sangnguen ti peggad iti panangitalek ti
biagmi iti Dios ken dagiti tattao: Cristo, kaasiannakami.
Cristo, kaasiannakami. Apomi a Jesus, kas kenka ken ni Maria, kayatmi a masursuro
ti pudno a panagserbi: Apo, kaasiannakami.
Apo, kaasiannakami. Iti kaasim, Apo, saoem dagiti mamakawan a balikasmo ket
sapay koma ta masubadanmi dagiti saom a makaited ti biag ket iturongnakami iti biag nga
agnanayon. Amen.
GLORIA ITI DIOS TI KANGATOAN…
Dawatenmi, Apo, ta ibukbokmo kad ti gracia kadagiti puspusomi, tapno
12
dakami a makaammo iti panagbalin a tao ni Cristo, babaen daydi panangipakdaar tay angel; gapu
iti panagtutuok ken ipapatayna iti krus, mairagpatkamto koma iti gloria ti panagungarna. Gapu ken
Apomi a Jesu Cristo nga Anakmo ket Dios, Isu a Dios a makipagbiag ken makipagari Kenka, ken ti
Espiritu Santo, iti agnanayon nga awan inggana. Amen.
UMUNA A MAIBASA Jeremias 23:5-8

Daytoy maibasa naadaw iti libro ni profeta Jeremias
Kuna ti Apo: “Umayen ti tiempo a panangpilik iti kaputotan ni David. Agturayto a sisisirib
daytoy nga ari ket aramidennanto ti naimbag ken nalinteg iti entero a daga. Bayat ti panagturayna,
natalgedto dagiti tattao ti Juda ket awanto ti pagpeggadan dagiti Israelita. Panaganandanto dayta
nga ari iti ‘Inispalnatayo ti Apo.’ “Umayen ti tiempo a saanton nga aramaten dagiti tattao ti
naganko a sibibiag a Dios a pagsapata, siak a nangiruar kadagiti Israelita manipud Egipto.
Pagsapatadanto ketdi ti naganko a sibibiag a Dios a nangiruar kadagiti Israelita manipud kadagiti
pagilian iti amianan, ken manipud kadagiti amin a lugar a nangiwarawaraak kadakuada.
Agnaeddanto iti bukodda a daga.”
Ti Sao ti Apo.
SALMO RESPONSORIO Sal 72:1-2,12-13, 18-19
Sungbat: AGARI KOMA TI KINALINTEG BAYAT TI PANAGBIAGNA, KET AGPAUT KOMA TI RANG-AY
NGA AWAN INGGANA.
1. 0 Dios, isurom ti ari a mangukom nga awan idumdumana; ipaaymo kadi ti kinalintegmo
kenkuana, tapno iturayanna a sililinteg dagiti tattaom, ket ikalinteganna dagiti maidadanes.
2. Arayatenna koma ti napanglaw nga umawag kenkuana, kasta met dagiti makasapul ken
nabaybay-an. Naasi kadagiti nakurapay ken nakapuy; isalakanna ti biag dagiti makasapul.
3. Idaydayawyo ti Apo, ti Dios ti Israel. Isu laeng ti makaaramid kadagitoy nakaskasdaaw a banag!
Idaydayawyo iti agnanayon ti nagloriaan a naganna; ket mapno koma ti entero a daga iti dayagna.
Amen.
ALLELUIA
Alleluia, Alleluia!
Umayka, Mangidaulo iti Israel,
a nangted iti Bilin ken ni Moises sadiay Sinai:
arayatennakam iti mannakabalin a bilegmo.
Alleluia!
EBANGHELIO Mateo 1:18-25
Agbasa: Ti sumaganad a maibasa naadaw iti nasantoan nga Ebanghelio kas insurat ni San Mateo
Kastoy ti pakasaritaan ti pannakayanak ni Jesu-Cristo: Naitulag ni Maria nga inana a

mayasawa ken ni Jose. Ngem sakbay ti panagkasarda, naammoan ni Maria a masikogen babaen ti
pannakabalin ti Espiritu Santo. Agsipud ta nasingpet a lalaki ni Jose a nakaitulaganna, ket dina
kayat nga ibabain ni Maria, pinanggepna nga isina nga awan ti makaammo. Ngem idi
pampanunotenna daytoy, nagparang kenkuana ti anghel ti Apo iti maysa a tagtagainep. “Jose nga
anak ni David,” kinunana, “dika agamak a mangikasar ken ni Maria, ta aramid ti Espiritu Santo ti
sikogna. Ipasngaynanto ti maysa a lalaki ket panaganamto iti Jesus, agsipud ta isalakannanto dagiti
tattaona kadagiti basbasolda.” Naaramid amin dagitoy tapno matungpal ti insao ti Apo babaen ti
profeta: “Agsikogto ti birhen a balasang. Ipasngaynanto ti maysa a
13
lalaki, ket mapanagananto iti Emmanuel.” (kayatna a sawen, “Adda kadatayo ti Dios”).
Idi makariing ni Jose, tinungpalna ti imbaga ti anghel ket inkasarna ni Maria. Ngem dina
sinagsagid ni Maria sakbay ti panangipasngayna iti anak a lalaki a pinanaganan ni Jose iti Jesus.
PAGPAMPANUNOTAN:
WEN! Ti iya-annugot wenno panagawat iti responsibilidad! Ti Ebanghelyo nga intay

nangegan ket sinaritana ti istroya no kasano a naipasngay ti maladaga nga Jesus. Iti daytoy ngarud
nga istorya ket adda dua nga tattao a maseknan – da Santa Maria ken ni Jose nga pinakaama ni
Jesus ditoy rabaw ti daga. Dagitoy nga agassawa ket adda nagpadaan da nga napateg unay nga
intay pagpanpanunotan ita nga aldaw – daytoy ket ti sungbat da iti awag ken pagayatan ti Dios.
Nag ‘WEN’ da kenni Apo Dios.
Paga ammo tayo amin ti istorya iti panangipakdaar ti anghel San Gabriel iti panagsikog ni
Maria, saan kadi? Nalabit nga awan ti adda ditoy a selebrasyon ti saan a makaamo iti daytoy.
Ammo tayo no kasano nga immannugot ni Santa Maria uray pay no saan a sigurado kadagiti karit
nga kaddua daytoy inna panag WEN ken panagtungpal ti pagayatan ti Ama. Ket kasta met ni San
Jose, numan pay adda panagkitakit iti riknana nga awaten ni masikugen a Maria, nagtungpal latta
iti pakdaar ti anghel ket sinurot na ngarud dagiti inbilin ti anghel a pagsayaatan ti familia na. WEN
– tallo a letra a balikas ngem napnoan kaipapanan ken karit iti biag daytoy a familia. Iti
panangsurot ti pagayatan ni Apo Dios uray iti inaldaw a panagbiag tayo ket saan a kas tay
nangabak ka koma iti “sweepstakes wenno raffle draw”! Saan kakabsat. Daytoy WEN wenno iya-
annugot da Maria ken Jose iti awag ken karit ti Dios kadakuada ket adu ti pakasu-otan nga inda
sarangten. Daytoy ti narigat nga AKEM nga inawat da kas partisipasyon wenno pannakipaset da iti
istorya iti pannakaisalakan tayo. Narigat a dalan daytoy ngem dagiti laeng natulnog ken napnoan
ayat nga agtungpal iti makaaramid iti daytoy nga akem wenno responsibilidad. Ngem ania kadi ti
mangted ti pigsa ken kired ti pakinakem kadatayo no sidadaan tayo nga aklunen ti akem nga
maited kadatayo iti kinaKristiano tayo nangruna iti daytoy intay panangsagsagana? Isu ti kari ni
Apo Dios nga saan natayo nga baybay-an ket daytoy a kari ti Apo ket intay ngarud koma buyogan
iti talek ken namnama Kenkuana. No adda dagitoy kadatayo, saan tayo a agkibaltang iti intay
panangsurot ti dalan ti Apo. No ngarud no ag-WEN ken umannugot tayo iti ayab ti Apo kadatayo
nga napnuan namnama ken pammati -nalabit nga adda panagballigi kadagiti gannuat tayo ket
apiten ken sagrapen tayo ti gunguna nga insagana ti Apo a para kadatayo iti kamaudianan nga
aldaw a kas iti inaramid da Santa Maria ken San Jose.
Nagbalin ngarud ni San Jose nga pinaka Ama ni Jesus ditoy daga ket anian a karit ken Jose ti
agbalin nga tatang maysa nga nasirib nga Ubing? Kasapulan daytoy ta uray kunatayo nga adu met
ketdi ti maisuro da Jose ken Maria Kenkuana- kas koma kadagiti aramid nga adda kaipapanan iti
puso, nakem ken kararua. Ti agbalin nga maysa nga ama ti akem wenno trabaho a nakaayaban ni
San Jose. No kunatayo ngarud nga idi un-unana pay laeng nga panawen ket naayabanen ni Maria
tapno agbalin nga Ina ni Jesus, kasta met ngarud ti maibaga ken ni San Jose- naayaban nga agbalin
nga sarikedked da Maria ken Jesus. Insuro ni Jose ken Jesus no kasano ti praktikal a panagbiag, ken
no kasano ti mangipaay iti dayta met laeng a biag ka dagiti tattao. Sapay koma ta pammagtuladan
tayo da Jose ken Maria iti intay panagdalyasat itoy a biag. Amen
14
KARARAG A SAPASAP:
Kakabsat, kas maysa a Gimong a tinipon ti Dios ita nga aldaw, intayo idatag Kenkuana dagiti
karkararag tayo tapno maikari tayo iti yaay ti Anakna, ket kuna tayo: APO, TULONGANNAKAM
KADI NGA AGTULNOG ITI PAGAYATAM
1. Apo, sika ti natibker a bato a pagsanggiranmi. Patibkerem kad ti pammati ken namnama kadagiti
amin nga agserserbi iti Simbaanmo tapno inda maiparangarang ti ayat ken pannakabalin ni Jesus
nga Anakmo. Kumararagtayo.
2. Apo, sika ti sarikedkedmi. Paluknengem ti panagpuspuso dagiti amin a mangidadaulo ti

gobiernomi, tapno isuda koma ti mapagpiaran a sarikedked para iti panagrang-ay iti gimong, ili ken
pagilianmi. Kumararagtayo.
3. Apo, sika ti salaknibmi. Salaknibam koma dagiti amin a kakabsatmi nga agrigrigat gapu iti
nadumaduma a kalamidad, karit ti biag, gubat ken bisin. Kumararagtayo.
4. Apo dinutukam ni San Jose, isu a natulnog a nagtakder a kas Ama ni Jesus ken asawa ni Birhen
Maria. Pagbalinem met koma dagiti amin nga amma iti familia a natulnog ken responsable kadagiti
annak ken asawada. Kumararagtayo.
5. Apo, sika ti salinongmi. Iturongmo koma dita pagariam dagiti amin a pimmusayen ditoy a biag
tapno makipagtaengdan Kenka iti biag nga awan inggana. Kumararagtayo.
Dios nga Apomi, dagitoy dagiti karkararag dagiti annakmo a mangururay iti idadateng ti
Mangisalakan kadakami. Itdem koma kadakami dagiti dawatmi tapno maikarikam to a
makipagtaeng Kenka ken ni Jesus nga Anakmo ken Apomi. Amen.
Nailangitan nga Ama,iti ayatmo a maisalakan dagiti tattaom pinilim ni Birhen Maria a
mangipasngay ti Mangibabaet ken Mangisalakan ti lubong. Madawdayawka, Dios nga Ama, gapu
iti nasin-aw nga ayatmo pinilina kami met a mangpasingked ken ni Jesucristo. Napnoan
panagyaman kadagiti adu unay a sagut Mo inkam ipaduyakyak iti intero a lubong:
PASINGKEDANMI NI CRISTO
Nailangitan nga Ama, idi pinilim ni Maria nga agbalin nga ina ni Jesus, Isu a nailansa ket
natay gapu kadagiti basolmi, intedmo kenkuana ti naananay a pigsa a mangitured kadagiti amin a
sakit ken rigat. Madaydayawka, Dios nga Ama, gapu iti naparabur a graciam intedmo ti naan-anay
a tured a mangsango kadagiti pannubok ti biag. Napnoan panagyaman kadagiti adu unay a sagut
Mo inkam ipaduyakyak iti intero a lubong:
PASINGKEDANMI NI CRISTO
Nailangitan nga Ama, Iti puso ken kararua ni Birhen Maria Nariknana iti awan inggana nga ayatmo
idi impasngayna ti Anakmo. Madaydayawka, Dios nga Ama, gapu iti awan patinggana nga ayat Mo
inpalubos Mo a mariknami met ti ayat Mo babaen ti panagbibinningaymi iti tinapay ti biag.
Napnoan panagyaman kadagiti adu unay a sagut Mo inkam ipaduyakyak iti intero a lubong:
PASINGKEDANMI NI CRISTO Makikaysakami kenni Obispomi N., ni Kura parokomi N., ken ti intero
a Simbaan iti inkam panagyaman ken panagdayaw Kenka Dios nga Amami,
15
babaen ti Anakmo, ni Apomi a Jesus, Isu a makipagbiag ken makipagari Kenka ken ti pannakikaysa
ti Espiritu Santo, Dios nga awan inggana. Amen
PAKAUNA TI AMAMI:
Kumararagtayo iti Amatayo sadi langit babaen ti insuro ni Jesus kadatayo.
AMAMI. . .
( Saan a makanta wenno maikararag ti “Kordero” gapu ta awan ti panakapisi-pisi ti bagi ni Cristo a
nakairantaan ti kanta a “Kordero”)
Daytoy ni Apotayo a Jesus, Anak ti Mannakabalin amin a timmao babaen ti bileg ti Espiritu Santo.
Nagasattayo nga umawat Kenkuana.
Agyamankam kenka, O mannakabalin a Dios, gapu ti panangawatmi iti komunion a talged ti
agnanayon a pannakaisalakanmi. Ipaay Mo kadi, ta ti ad -adda a yaasideg ti fiesta ti
pannakaisalakanmi, umad-adda koma met ti pasnekmi nga agserbi Kenka, tapno mapudnoanminto
a rambakan ti misterio ti pannakaipasngay ti Anakmo, Isu nga agbiag ken agari iti agnanayon nga
awan ti inggana. Amen
(Daytoy iti gundaway nga intay panagkolekta ken panangidaton kadagiti saguttayo nga agpaay iti
simbaan ken kadagiti makasapul iti tulongtayo. Agkantatayo iti maiyannatop a kanta. cf
Supplement to the Roman Sacramentary)
Bendisionannatayo ti mannakabalin a Dios: ti Ama, ti Anak, ken ti Espiritu Santo. Amen.
Nalpasen ti sangkagimongan a panaglualotayo, intayon iti kappia ti Apo. Agyamantay iti
Dios.
################################################################################
NOVENA DE AGUINALDO
Diciembre 19, 2023
################################################################################
Tema: TI KINAPATEG TI AGTALEK TI KINAIMBAG TI APO
PAKAUNA:
MANGIDAULO: Iti nagan ti Ama, ken ti Anak, ken ti Espiritu Santo. Amen. Intay dayawen ni Cristo,
isu a mangipaay ti ragsak kadagiti amin a mangpaspasungad iti idadatengna. Sapay koma ta
silulukat dagiti puso
16
ken panpanunot tayo tapno iti kasta maikari tayo a mangpasangbay Kenkuana. GIMONG: Umayka,
Apomi nga Jesus.
MANGIDAULO: Kakabsat, siraragsa ktayo a mangpasungad ken mangrambak ti pannakaiyanak ti
Mangisalakan kadatayo.
LITANIA TI PANAGDAYAW ITI KAASI TO APO:
Tapno maikaritayo a makiranud iti daytoy a padaya, amirisentayo nga umuna dagiti
nagkurangantayo ti Apo ken kadagiti kakabsattayo.
Agkonferak iti Dios a mannakabalin amin .... Apo, kaasiannakami ket pakawanem dagiti
basolmi. Ipakitam ti dayagmo ket iturongnakami iti biag nga agnanayon. Amen.
Apo, kaasiannakami ......Apo, kaasiannakami.
Cristo, kaasiannakami ....Cristo, kaasiannakami.
Apo, kaasiannakami ..... Apo, kaasiannakami.
O Dios, imparangarang Mo ti gloriam iti lubong babaen ti panagpasngay ni Nainggasatan a
Virjen Maria. Ipaaymo kad kadakam ti napaypayso a pannamatimi iti misterio a ti Dios Anak
nagbalin a tao, ket ipapusomi a daydayawen.
Gapu ken Apomi a Jesucristo nga Anakmo ket Dios, Isu a makipagbiag ken makipagari
Kenka, ken iti Espiritu Santo, iti agnanayon nga awan inggana. Amen.
UMUNA A MAIBASA: Uk-ukom 13:2-7, 24-25
Agbasa: Daytoy maibasa naadaw iti libro dagiti Uk-ukom
Adda idi lalaki nga agnagan iti Manoa a taga-Zora a nagtaud iti tribu ni Dan. Saan nga
aganak ti asawa ni Manoa. Nagparang ti anghel iti Apo iti babai. “Saanka a naganak idi ngem
agsokogkanto ket ipasnagymonto ti maysa a lalaki,“ kinunana. “Dika unim-inum a pulos iti arak ken
dika met mangmangan iti uray ania a maiparit a taraon. Aganakkanto iti lalaki. Dimonto
pukpukisan, agsipud ta manipud iti aldaw a pannakayanakna, maidanto iti Dios a kas maysa a
Nazareo. Insunto ti mangispal kadagiti Israelita iti ima dagiti Filisteo.”
Napan ti babai iti asawana ket imbagana daytoy, “immay kaniak ti maysa a tao ti Dios;
nakaskasdaaw ti langana a kasla anghel ti Dios. Saanko a sinaludsod no sadino ti naggapuan ket
dina met imbaga ti naganna. Ngem imbagana nga agsikogakto ket aganakakto iti lalaki. Imbagana
pay a diak umin-inum iti arak wenno naingel nga inumen ken diak mangmangan iti uray aniaman a
maiparit a taraon, ta maidatonto ti ubing iti Dios a kas Nazareo bayat ti panagbiagna.”
Impasngay ti babai ti maysa a lalaki ket pinanagananna iti Samson. Dimmakkel ti ubing ket
binendisionan ti Apo. Rinugian ti Espiritu ti Apo a tinignay ni Sansom idi adda iti Kampo ni Dan iti
nagbaetan ti Zora ken Estaol. Ti Sao ti Apo
17
SALMO RESPONSORIO: Salmo 71:3-4, 5-6, 16-17
Sungbat: AGMALMALEM A SARSARITAEK TI PANNAKAIDAYDAYAW MO, KET IPADUYAKYAKKO TI
KINADAYAGMO.
1. Sika koma ti natalged a bato a pagkamangak, natibker a sarikedked a mangsalaknid kaniak; ta
sika ti kamangko, sika ti salinongko. Ispalennak, O Dios, iti pannakabalin dagiti nadangkes;
ispalennak iti ima dagiti nadawe ken managdakdakes.
2. Sika, O Apo Dios, ti yan ti namnamak, manipud kinaubingko sikan ti nagtalkak. Sika ti nagtaklinak
iti unos ti panagbiagko; sinalaknibannak manipud pannakayanakko.
3. idaydayawkonto ti pannakabalinmo, O Apo Dios; ipakaammokto ti kinalintegmo. Insuronak, O
Dios, manipud pay kinaubingko, ket agpapan ita, sarsaritaek pay laeng dagiti nakaskasdaaw nga
aramidmo.
ALLELUIA
Alleluia! Alleluia!
Umayka, Sabong a naggapu iti puon ni Jesse,
pakakitaan ti panagayat ti Dios kadagiti tattaonan:
dimo itantan ti panangisalakanmo kadakami.
Alleluia!
EBANGHELIO: Lucas 1:5-25
Agbasa: Ti sumaganad a maibasa naadaw iti nasantoan nga Ebanghelio a kas insurat ni San Lucas
Idi ni Herodes ti ari idiay Judea, adda padi nga agnagan Zacarias a kameng ti bunggoy dagiti
papadi nga ipanguloan ni Adias. Elizabet ti nagan ti asawana a nagtaud iti kaputotan ni Aaron a
padi. Iti imatang ti Dios, nagbiag a sililinteg dagiti agassawa. Awan pagkurangan ti panagtungpalda
kadagiti amin a paglintegan ken bilin ti Apo. Ngen awan anakda ta lupes ni Elizabet. Maysa pay,
lakay ken baketdan.
Iti maysa nga aldaw, dimteng ti batang ti bunggoy ni Zacarias nga agserbi iti Templo, ket
madama nga ar-aramidenna ti rebbengna a kas padi. Kas kadawyan dagiti papadi,
nagbibinnunotda no siasino ti sumrek iti Templo ni Apo a mangpuor iti insenso iti altar.
Napagasatan ni Zacarias ket simrek iti Templo ti Apo. Idi pupuoranna ti insenso iti uneg,
nagkarkararagmet dagiti tattao iti ruar. Nagparang ken ni Zacarias ti maysa nga anghel ti Apo ket
nagtakder iti makannawan ti pakapupuoran ti insenso. Nariribuk ni Zacarias idi makitana ket
nagbuteng iti napalalo. “Dika agbuteng, Zacarias!” kinuna ti anghel. “Impangag ti Dios ti
kararagmo. Aganakto ni Elizabet nga asawam. Lalakinto ti anakyo ket panaganamto iti Juan.
Agragsakkanto iti kasta unay, ket adunto met ti agragsak iti pannakaipasngayna, ta naindaklanto a
tao iti imatang ti Apo. Mapnnonto iti Espiritu Santo uray adda pay laeng iti tian ni inana ket dinto
uminum iti arak wenno uray ania a makabartek. Adunto dagiti Israelita ti pagsublienna iti Apo a
Diosda. Umun-unanto ngem isu a maibaon. Addanto kenkuana ti bileg ken pannakabalin ni profeta
elias. Pagtutunosennanto dagiti amma ken dagiti annak. Pagsubliennanto dagiti nasukir iti
kinalinteg. Isaganananto dagiti tattao a maipaay iti Apo.” “Kasanonto ti pannakaammok a
mapasamak daytoy? Sinaludsod ni Zacarias iti anghel. “Lakayakon ket baket metten ni asawak?”
“Dika mamati, Zacarias? Agsipud ta dimo patien ti imbagak a maaramidto iti tiempo a naituding,
agulimekkanto ket dikanto makasao agingga iti aldaw a pannakatungpal dagiti sinaok. Siak ni
Gabriel nga agserserbi iti imatang ti Dios. Imbaonnak a makisao ken mangidanon kenka iti daytoy
naimbag a damage.” Kabayatanna, masmasdaaw dagiti tattao nga agur-uray ken ni Zacarias
agsipud ta nabayag unat ti kaaddana iti uneg. Idi rummuar, saanen a
18
makasao, ket daytoy ti nakaammoanda nga adda nagparnag kenkuana iti Templo. Gapu ta saanen
a makasao, nagsensenias lattan kadakuada. Nagawid ni Zacarias kalpasan ti panawen a
panagserbina iti Templo.
Iti saan a mabayag, nagsikog ni Elizabet nga asawana, ket lima a bulan a di rimrimmuar iti
balay, ket kinunana, “Inaramid daytoy kaniak ti Apo. Inikkatnan ti pakaibabainak iti imatang ti tao.”
PAGPAMPANUNOTAN:
Kakabsat, ti nangegan tayo iti Ebanghelyo tayo tatta nga maikapat nga aldaw ti Misa-
Novena tayo ket naipapan ti “milagro a panagsikog” ngem saan a ti panagsikog ni Maria no di ketdi
ni Elizabet nga kasinsin na. Da Zacarias ken Elizabet ket adu met ti pakakumikoman da iti dayta nga
tiempo ti tawen. Paga-ammo tayo nga ni Zacarias ket maysa a padi nga agserserbi iti templo. Iti
dayta a kanito, isu ti naituding nga agidaton iti insenso iti templo. Daytoy panagidaton iti insenso
iti templo ket mapasamak laeng iti biag ti maysa a padi iti dayta a panawen iti maminsan wenno
mamindua iti unos ti makatawen ket dakkel unay a dayaw ti maysa a padi idi a tiempo. Ket dakkel
unay a banag para ti maysa a padi a makstrek ti uneg ti templo. Ket dagiti tattao addada met nga
agkarkararag iti ruar ti templo bayat nga agidatdaton ti padi sadiay uneg. Ket iti dayta ngarud nga
gundaway nga panagidaton ni Zacarias nagparang iti sirmata ti mmaysa nga anghel a nangidaton
iti mensahe nga naggapu iti Apo: “ni Zacarias ken ni Elisabet nga asawa nga ket maaddaan iti
anak.” Kas kada Sarah ken Abraham nga naaddaan met iti anak iti kabaket ken kalakay dan, ket ni
Elisabet ket saan a pulos a nagsikog iti kabanbannuaganda. Lupes isuna ket maysa a dakkel unay a
karit iti dayta a panawen no saan ka nga maparaburan iti anak. Kas man tay maysa a lunod iti
kultura da ti agassawa nga saan nga makaanak idi.
Ti kinapudnona, ti maaddaan iti adu nga anak ket paset ti tulag ti Dios kenni Abraham ken
dagiti kaputotanna, ket ti agbalin nga lupes wenno awanan anak ket narigat para ti agassawa nga
adda iti napili a puli. Ket kas kada Abraham ken Sara, ti mensahe ti anghel ket kasla saan a
nakapappapati. Nangruna nga no ti kari wenno mensahe ti anghel ket iti pannakaadda da iti anak
iti dayta nga kalakay ken kabaketdan. Agraman pay iti panangited ti anghel ti nagan nga ited danto
iti maiyanak nga ubing a Juan ket awan ti kasta nga nagan iti puli da. Isu nga ti sungbat da iti
anghel ket maysa met a saludsod: “kasano a mapasamak daytoy?” Ket ditoy ngarud kakabsat a
mangrugi ti estoria ti milagro. Gapu ta nagsaludsod ni Zacarias no kasano a mapasamak daytoy, ni
Anghel San Gabriel ket inbagana nga saan nga makasao ni Zacarias manipud iti dayta a kanito
aginggana a maiyanak tayta naipadto a maladaga. Daytoy ngarud ti senyal wenno pakakitaan ken
mangipaneknek nga aramid ngarud daytoy iti Dios. Daytoy panagparang ni Anghel San Gabriel ket
maysa nga nabileg a senyal ket ti sungbat daytoy a saludsod ket isu ti KINAULIMEK – ti saan a
pannakasao ti Zacarias agingga nga maiyanak ni Juan. Ngem no anunnoten tayo kakabsat, ti
kaipapanan iti
19
pannaka umel ni Zacarias ket kayat na nga sawen nga daytoy ti naituding nga tiempo nga intay met
agulimek ken pagpanpanunotan ti kinadayag ti Dios, nga ti pagayatanna ket saan tayo nga
maipalawag iti adu a balikas ngem ketdi, intay la maawatan daytoy babaen iti intay panagulimek.
Kata met iti agdama a panawen tayo kakabsat. Kaaduan a tiempo nga saan tayo nga maawatan ti
pagayatan ti Dios iti mapaspasamak kadatayo ta nilapatan tayon ti agulimek ket agpanunot ken
mangsalimetmet iti mensahe ken pagayatan ni Apo Dios iti biag tayo. Nairuma tayo ngaminen
kadagiti bangbanag nga “instant” saan tayon a kayat ti aguray kadagiti sulosyan kadagiti parikot
tayo, katat tayon ti insigida nga masolbar... saan tayon nga ammo ti agulimek ken agkararag- ta
saan tayo met a makalualo no saan tayo nga agulimek, di kadi?
Isu nga dagiti nangegan tayo a naibasa nangruna iti nagtaud iti Ebanghelyo ket maysa
manen a palagip kadatayo nga bayat iti intay panangsagana ken panangpadaan iti isasangbay ti
Ubing a Mangisalakan tayo, ket agulimek tayo, saan laeng nga ti bibig tayo ti agulimek no de ket ti
nangnangruna koma ti kinaulimek ti puso tayo. Kinaulimek ti aglawlaw tayo sa nga saan tayo nga
punuen to aglawlaw tayo iti napipigsa nga aweng ti Christmas songs, ken narangrang ken
gumilapgilap nga dekorasyon ngem ketdi ti natalinaay nga puso ken aglawlaw tayo tapno agbalin
koma nga komportable ti Mesiyas iti isasangbay na iti biag ken familia tayo. Nagsao ti Dios
kadatayo ken kanayon a makisasao kadatayo ngem gapu ti kinaariwawa iti aglawlaw, masansan
nga saan tayo nga mangeg ti Timekna. Sidadaan tayo kadi a dumngeg? Sapay koma ngarud nga iti
intay panangpasungad ken panangpasangbay to iti Mangisalakan, sapay koma ta ikkan tayo ti
kinapateg daytoy intay panagsagana babaen iti naulimek nga panagpanpanunotem iti daytoy a
panawen ti Paskua.
Awan sabali a kapatgan nga aramiden tayo iti daytoy a Paskua no saan nga iti
panangisagana tayo iti lugar ni Ubing nga Jesus iti puso ken familia tayo ken daytoy a panagsagana
ket babaen iti panaglualo, panagulimek iti tunggal aldaw uray no lima laeng nga minutos ken ti
kasta pay metten iti pannakikaysa (communion), pannakipaset (participation) ken
pannakitinnulong (mission) iti gannuat ti Simbaan tayo dayta ngarud ti Synodality.
No maaramid tayo dagitoy a panagsagana, mapadasan tayo ti pudpudno sa Paskua – ti

Aginaldo – wenno ti panangisagut ti Dios kadatayo ti Anak na nga Ari ti Kappia! Sapay koma ta
kasta!
KARARAG A SAPASAP: Kas maysa a gimong a tinipon ti Dios ita nga aldaw, intayo idatag Kenkuana
dagiti karkararagtayo tapno maikaritayo iti yaay ti Anakna, ket kunatayo: APO, TULONGANNAKAM
A MANGIPADUYAKYAK TI DAYAGMO.
1. Apo, sika ti natibker a bato a pagkamanganmi. Patibkerem ti pammati ken namnama kadagiti
amin nga agserserbi iti Simbaanmo tapno inda maiparangarang ti ayat ken pannakabalin ni Jesus
nga Anakmo. Kumararagtayo.
20
2. Apo, sika ti sarikedkedmi. Paluknengem ti panagpuspuso dagiti amin a mangidadaulo ti
gobiernomi, tapno isuda koma ti mapagpiaran a sarikedked para iti panagrang-ay iti ili ken
pagilianmi. Kumararagtayo.
3. Apo, sika ti mangsalaknib kadakami. Salaknibam koma dagiti amin a kakabsatmi nga agrigrigat
gapu iti nadumaduma a kalamidad, gubat ken bisin. Kumararagtayo.
4. Apo, sika ti kamangmi. Ispalennakami manipud iti kinaagum ket pagbalinennakam a naparabur
iti tunggal maysa tapno maikari ti pusomi a mangpasangbay ken Cristo. Kumararagtayo.
5. Apo, sika ti salinongmi. Iturongmo koma dita pagariam dagiti amin a pimmusayen ditoy a biag
tapno makipagtaengdan kenka iti biag nga awan inggana. Kumararagtayo.
Dios nga Apomi, dagitoy dagiti karkararag dagiti annakmo a mangururay iti idadateng ti
Mangisalakan kadakami. Itdem koma kadakami dagiti dawatmi tapno maikarikaminto a
makipagtaeng kenka ken ni Jesus nga Anakmo ken Apomi. Amen.
Mannakabalin ken manangngaasi a Dios, nagbiagka a sidadayag kadakami. Iti panaglabas ti
panawen, impakitam ti ladawam babaen iti panangiparangarangmo iti kinasirib ken
kinamanagayatmo. Ket idi dumteng ti natudingan a panawen, imbaonmo ditoy lubong ti
bugbugtong nga Anakmo tapno parmekenna ti kinadakes iti puso ti tao. Ket nakitamin ti ladawam
babaen ken ni Jesus ket inugasannakami babaen ti lawag ti gloriam. Makidanggaykami kadagiti
amin nga ejercito ti langit, ket ikantami ti pannakaidaydayawmo.
inkasaba ni Jesus ti Naimbag a Damag, pinaimbagna dagiti masakit ken pinakawanna dagiti
nagbabawi kadagiti dakes ti aramidda. Iti baet ti panagtutu-okna, kinaluban ti sipnget iti intero a
lubong, ngem ti silawmo iti nanglawag ti puso dagiti pinakawanmo. Nagungar ni Jesus ket
situtugaw iti makannawanmo, inayabannakami dita Pagariam tapno makipagbiagkami iti
agnanayon. Makidanggaykami kadagiti amin nga ejercito ti langit, ket ikantami ti
pannakaidaydayawmo.
Natan-ok ken namedmed nga Ama, sika laeng ti mangpennek ti tarigagaymi iti kinapudno,
sika laeng ti mangbussog iti pagusmi nga agbiag. Idi idiay disierto, inikkam ti danum dagiti tattaom
ket pinakanmo ida ti manna manipud langit. Idi immay ti anakmo ditoy mabisin a lubongmi,
insaganana ti lamisaan ti bagina ket inawisnakami a makibingay iti napisipisi a tinapay tapno
agraniag ti ayatna babeg iti biagmi. Makidanggaykami kadagiti amin nga ejercito ti langit, ket
ikantami ti pannakaidaydayawmo.
Makikaysakami kenni Obispomi N., ni Kuraparokomi N., ken ti entero a Simbaan iti inkam
panagyaman ken panagdayaw Kenka Dios nga Amami, babaen ti Anakmo, ni Apomi a Jesus, Isu a
nakipagbiag ken nakipagari Kenka ken ti pannakikaysa ti Espiritu Santo, Dios nga awan inggana.
Amen
PAKAUNA TI AMAMI:
Kas maysa a gimong a napnoan pammati ken ayat iti Ama, intayo
21
agkararag babaen iti insuro ni Hesu Kristo kadatayo.
AMAMI. . .
( Saan a makanta wenno maikararag ti “Kordero” gapu ta awan ti panakapisi-pisi ti bagi ni Cristo a
Daytoy ni Jesus, ti Kordero ti Dios a timmao tapno isalakannatayo. Nagasattayo nga
umawat kenkuana iti daytoy a komulgar.
Agyamankam Kenka, O mannakabalin a dios, gapu kadagiti imparabormo. Ipaaymo kadi ta
tarigagaymi a sipupudno ti isagotmo, iti kasta iti nadalus a nakem, patgenmi a siraraem ti pannakai-pasngay
ti Mangisalakan kadakami. Gapu ken Cristo nga Anakmo ken Apomi. Amen.
(Daytoy iti gundaway nga intay panagkolekta ken panangidaton kadagiti saguttayo nga agpaay iti simbaan
ken kadagiti makasapul iti tulongtayo. Agkantatayo iti maiyannatop a kanta. cf Supplement to the Roman
Sacramentary)
V. RITO TI PANANGGIBUS
PAMENDISION:
Bendisionannatayo iti Dios: ti Ama, ti Anak, ken ti Espiritu Santo. Amen.

################################################################################
NOVENA DE AGUINALDO
Diciembre 20, 2023
################################################################################
TEMA: ADTOYAK NGA ADIPEN TI APO!
PAKAUNA:
(No naurnongen ti gimong, mairugi ti panaglualo babaen iti maiyannatup a panglukat a kanta. Kalpasanna,
irugin ti mangidaulo)
Intay dayawen ni Cristo, isu a mangipaay ti ragsak kadagiti amin a mangpaspasungad iti
idadatengna. Sapay koma ta silulukat dagiti puso ken panpanunot tayo tapno iti kasta maikari tayo a
mangpasangbay Kenkuana.
MANGIDAULO: Immayka tapno iyegmo kadakami ti sagot a biag ti Ama
22
MANGIDAULO: Kakabsat, siraragsaktayo a mangpasungad ken mangrambak ti pannakaiyanak ti
Tapno maikaritayo a makiranud iti daytoy a padaya, amirisentayo nga umuna dagiti
nagkurangantayo ti Apo ken kadagiti kakabsattayo.
Agkonfesarak iti Dios a mannakabalin amin ....
Apo, kaasiannakami ket pakawanem dagiti basolmi. Ipakitam ti dayagmo ket iturongnakami
iti biag nga agnanayon. Amen.
Apo, kaasiannakami… (kanta)
O Dios, babaen ti panangipakdaar tay najel, t idi natolawan a Virjen inawatna ti nagloriaan
nga Anakmo, napnu iti ranyag ti Espiritu Santo, ket nagbalin a pagtaengan ti Dios. Ipaaymo kadi ta
tuladenmi ti nainggasatan a Virjen iti napakumbaba a panagtuddiona iti pagayatam.
UMUNA A MAIBASA: Isaias
7:10-14
Agbasa: Daytoy maibasa naadaw iti libro ni profeta Isaias.
Impakaammo ti Apo daytoy a mensahe ken ni Ahaz: “Agkiddawka iti Apo a Diosmo iti
pagilasinan. Mabalin nga gapu iti pagilasinan iti yuyeng ti lubong dagti natay wenno idiay ngato
sadi langit.” “Saanak nga agkiddaw iti pagilasianan. Saanko a suoten ti Apo.”
Dumngegka, ita, sika a kaputotan ni ari David. Dika aya mapnek a mangibus iti anus ti tao ta
ibusam pay ti anus ti Dios? Ngarud, ti Apo a mismo ti mangted kenka iti pagilasinan. Adda balasang
a birhen a masikog. Aganakto iti lalaki ket panaganannanto iti Emmanuel.
Ti Sao ti Apo
SALMO RESPONSORIO: Salmo 24:1-2, 3-4, 5-6
Sungbat: PASTREKENYO TI ARI TI GLORIA; ISU TI ARI TI GLORIA.
1. Kukua ti Apo ti lubong ken dagiti amin a linaonna; kukuana ti daga ken ti amin nga agnaed
kenkuana. Binangonna iti rabaw dagiti adalem a danum, ket ti lansad ti taw impasdekna ti
fondasion.
2. Siasino ti maikari a sumang-at iti bantay ti Apo? Siasino ti mapalubosan a sumrek iti nasantoan a
templona? Ti nadalus ti aramidna, ti natarnaw ti pusona, ti napasnek nga agserbi iti kinapudno,
ken ti saan nga agulbod.
3. Bendisionanto ti Apo, ket awatento ti Dios a mangisalakan kenkuana. Dagiti kakasta a tattao ti
umasideg iti Dios, isuda ti agparang iti imatang ti Dios ni Jacob.
ALLELUIA
Alleluia! Alleluia!
Umayka, Tulbek ni David, manglukat ti ruangan
ti agnanayon a pagarian ti Dios;
wayawayaam dagiti balud manipud kasipngetan.
Alleluia!
23
Iti maikanem a bulan ti sikog ni Elisabet, imbaon ti Dios ni Gabriel nga anghel a mapan idiay
Galilea, iti ili a Nazaret. Naibaon ni Gabriel ditoy iti maysa a balasang a birhen a naitulag a
mayasawa iti lalaki nga agnagan Jose a nagtaud iti kaputotan ni David. Maria ti nagan ti balsang.
Nagparang ti anghel ken ni Maria ket kinunana, “Agragsakka, sika a naidumduma ti pategna. Ti
Apo adda kenka.” Napalalo ti pannakariribuk ni Maria iti insao ti anghel, ket pinampanunotna ti
kaipapanan daytoy. Ngem kinuna ti anghel kenkuana: “Dika agbuteng, Maria, ta pinaraburannaka
ti Dios. Agsikogkanto. Ipasngaymonto ti maysa a lalaki, ket panaganamto iti Jesus. Naindaklanto.
Maawaganto iti Anak ti Kangatoan. Pagbalinento ni Apo Dios nga ari, a kas ken David nga amana.
Iturayannato iti agnanayon dagiti kaputotan ni Jacob, ket dinto agpatingga ti panagarina.” Kinuna
ni Maria iti anghel: “Kasano a maaramid daytoy idinto a maysaak a birhen?” Umayto kenka ti
Espiritu Santo,” insungbat ti naghel. “Salinongannakanto ti pannakabalin ti Kangatoan. Daytoy ti
gapuna a nasantoanto ti ubing ket maawaganto iti Anak ti Dios.
“Malagipmo ni kabagiam nga Elisabet a kunkunada a lupes? Masikogen nupay baket

unayen. Innem a bulanen ti sikogna. Ta awan ti saan a kabaelan ti Dios nga aramiden.” Adtoyak
nga adipen ti Apo,” kinuna ni Maria. “Maaramid koma kaniak, kas insaom.” Ket pinanawanen ti
anghel.
PAGPAMPANUNOTAN:
Maikaliman nga aldaw! Mano la nga turogen ket Paskuan!
Ti kinaTAO wenno panagnakem ti maysa nga tao ket adda kenkuanan a pangngeddeng.
Amin tayo, lumakay ken bumaket ket adda kadatayo iti desisyon no pilien tayo ti agbalin nga
nasayaat wenno saan ti kinaTAO tayo. Ania kadi ti turong na daytoy? Adda iti tunggal maysa
kadatayo ti KINATAO tayo saan nga nakadepende kadagit nagannak kadatayo. Ti agbalin nga
natakneng nga tao ket bukod a desisyon ti tunggal maysa kadatayo. Ket dayta ngarud kitaom ket
responsibilidad mo a saan ketdi nga responsibilidad ti sabali a tao. Iti met ngarud biag pammati
tayo ket bukod tayo nga responsibilidad ti panangsaingked iti daytoy wenno iti panang baybay-a
tayo ket saan tayo nga ipabasol kenni sino a tao. No ania dayta inawatmo mo nga akem ket
responsibilidad mo.
Dagiti ngarud naibasa nga intay nangegan ita nga maikalima nga aldaw ti Novena a
panagpadpadaan tayo iti Paskua ket adda pakainaiganna kadagiti naibasa idi kalman: Ti sinaludsod
ni Zacarias kenni Anghel San Gabriel, “kasano nga napasamak daytoy? Ket lakayakon, ket ti asawak
ket bakbaketan pay metten.” Ket inawat na ngarud ti kaibatugan (consequence) ti panagduaduana
– ti panagbalin nga nga umel. Ket iti Ebanghelyo ita nga aldaw, ket isu ti panagparang manen ni
Anghel San Gabriel kenni Maria ngem no kitaen tayo, ti nagpadaanda iti naibasa idi kalman ket iti
panagsaludsod dagiti nagparangan ti anghel. Isu na laeng ta uray nagsaludsod ni Maria ket
immannugot a sigud iti pakdaar ti anghel. “Kasano a maaramid daytoy idinto a maysaak a birhen?”
Umayto kenka ti Espiritu Santo,” insungbat ti naghel. “Salinongannakanto ti pannakabalin ti
Kangatoan. Daytoy ti gapuna a nasantoanto ti ubing ket maawaganto iti Anak ti Dios. Kitaentayo ti
nagdumaan dagiti sungbat da. Ni Maria ket nataktakneng wenno nanaknakem ti iyaawat na iti
mensahe ngem ni Zacarias ket saan. Saan kadi nga ni Zacarias ket maysa a mabigbig a padi ti
templo? Ket ni Maria ket maysa nga inosente nga agtutubo? Ket iti iyaawat tayo iti
24
pagayatan ti Apo kadatayo ket adda kaibatuganna. Isu nga ni Zacarias nagbalin nga umel ta saan
na nga dagus a pinati ti mensahe ti Dios babaen iti anghel. Ket ni Ni Maria, numan pay saan a
sigurado ken addaan ti buteng iti nangeganna a mensahe ket immannugot sa dagus isu nga kuna ti
anghel nga: umayto kenka ti Espiritu Santo... Dagitoy met ngarud naibasa nga intay nangegam
kakabsat ket ipalagip ken ikidag na manen kadatayo no kasano tayo nga aw-awaten ken ibiag ti
mensahe ti Apo kadatayo iti inaldaw a panagbiag tayo. Apay aya nga agreklamo tayo kadagiti
mapaspasamak ti biag tayo, saan aya nga gapu met laeng dagitoy kadagiti pinili tayo a pagbalinan?
(CHOICES in LIFE)... Isu nga no dadduma kuna tayo: “ay lakayakon/ baketakon, ammok amin
dagitan”! Adda ngarud koma pakakitaan! Isu nga ti kinabaket wenno kinalakay ket saan nga isu ti
pagibasaran tayo iti kinanakem wenno kinatulnog ti maysa nga tao no di ketdi no kasano tayo nga
dumngeg ken agtungpal iti pagayatan ti Dios iti biag tayo.
Dayta ngarud ti in modelo wenno ehemplo da Zacarias ken ni Maria kadatayo. Isu nga ita
nga panawen, ania man ti estado tayo iti biag, karkariten natayo manen ti Ebanghelyo tayo, iti
kinamanagtulnog ni Maria nga isu koma met iti intay manen pabaroen ken pagpanpannunotan
kadagitoy nga al-aldaw iti intay panagsagsagana ken panagpasungad iti Mesiyas. Siaawat ken
siaayat tayo kadi nga agtulnog wenno agtungpal kadagiti pagayatan ti Dios kadatayo? Sapay koma
ta datayo nga adda iti simbaan ket nalawlawa koma iti pannakaawat tayo ken sidadaantayo koma
nga agtulnog kadagitoy nga pagannurutan ken bilin ti Dios babaen ti Simbaan. Isu nga ti
kaibatugan ti kinanakem ken kinatulnog tayo nga intay maawat ti bendisyon ken grasya nga
maiparbeng kadagiti desisyon ken ar-aramid tayo.
Kas kenni Maria, sipapakumbaba nga nagtulnog iti pagayatan ti Dios isu nga nagbiag isuna
nga awan tulaw na. Ngarud ti kinanakem ti maysa nga tao ket maibasar wenno makita ngarud
babaen iti kinatakneng ken kinaresponsable na, ti pannakilangen ken panagsasao na.
Ti kinasiasinom (babai wenno lalaki) ket saan mo a pinili. Ti Dios ti namagbalin kenka nga
lalaki wenno babai, adda man wenno awan ti aramidem, lumakay wenno bumaket ka nga kasta,
ngem no agdesisyon ka nga agbalin a natulnog, responsable ken managayat nga tao, dayta ti
AKEM MO. Isu nga iti panagbalin mo nga natakneng nga tao ken saan nga maibasar no babai
wenno lalaki ka, dayta ket bukodmo nga pangngeddeng wenno desisyon (IT IS YOUR CHOICE) Isu
nga daytoy panangiyarig tayo kada Zacarias ken Maria, babai wenno lalaki, agtutubo wenno
nataengan – ti ipakita na kadatayo ket isu iti responsable nga panangaramid tayo kadagiti AKEM
tayo iti biag. “Kasano a maaramid daytoy”? Kunatayo manen, wenno kas ken Maria “Adtoyak nga
adipen ti Apo” iti kamaudianan na ti pakakitaan ti nasayaat nga KINATAO TAYO ket saan nga ti
kinaBabai wenno kinaLalaki, saan nga ti edad tayo ngem ti kina RESPONSABLE ken KINATULNOG
tayo ken iti kinapakumbaba nga mangawat ti pudpudno a kas nangegan tayo iti Ebanghelyo tayo.
Sapay koma ta agtalinaed ni Maria nga kas pagsarmingan ken modelo tayo nga umawat ti
mensahe ken pagayatan ti Dios ti tunggal maysa kadatayo. Sapay koma ta kasta!
KARARAG A SAPASAP:
Kakabsat, intayo idatag iti Apo dagiti dawattayo, tapno bayat iti intay pananguray iti
idadateng ti Anakna ket pasingkedanna ti pammati ken namnamatayo. Iti tunggal panggep
kunatayo: UMAYKA JESUS, KET LUKATAM TI RUANGAN TI PAGARIAM.
1. Para kenni Santo Papa Francisco, dagiti obispo, papadi, misioneros, relihioso, katekista ken amin
a mangiganganwat para iti pagimbagan ti Simbaan, tapno ti koma kinatulnog ni Birhen Maria ti
pagsarminganda iti inda panangikasaba iti Naimbag a Damag. Kumararagtayo iti Apo.
2. Para iti gobierno, tapno dagiti mangidadaulo kadatayo ket nareggetda
25
koma a mangitrabaho iti kappia, panagkikinnaawatan, ken pagsayaatan iti kaaduan.
3. Para kadagiti saan pay a nakaawat iti Naimbag a Damag, tapno ti idadateng ti Mannubbot ti
mangtukay kadagiti natangken a pusoda a mangpasangbay Kenkuana. Kumararagtayo iti Apo.
4. Para iti gimongtayo, tapno patibkerenna ti kinatulnogtayo a mangaramid kadagiti pagayatan ti
Apo para iti pagsayaatan iti komunidadtayo. Kumararagtayo iti Apo.
5. Para kadagiti pimmusayen ditoy a biag, tapno maragpatda koman ti gunguna nga agur-uray
kadakuada iti pagarian ti Dios. Kumararagtayo iti Apo.
Apo, gapu iti panagtulnog ni Birhen Maria, naisalakan kami. Ibukbokmo koma ti graciam
tapno iti kamaudianan nga aldaw ket makunaminto kenka, “adtoyak nga adipenmo Apo.”
Dawatenmi amin dagitoy iti nagan ni Cristo nga Anakmo ken Apomi. Amen.
Dios nga Amami,naggapu Kenka amin nga imbag. Nakakaskasdaaw iti sagotmo nga ni Jesus,
Isu nga inyanak ni Birhen Maria.ken mangisalakan kadakami. Ni Maria ket maysa a babai nga
addaan napigsa ken nasged a pammati, saan a sumuko kadagiti pannubok ken managtalek kadagiti
pagayatam. Iti siraragsak a panagtudiona iti nasantoan a pagayatam ket nagungunaankami iti yaay
ti Mangisalakan. Makidanggaykami kadagiti amin nga ejercito ti langit, ket ikantami ti
pannakaidaydayawmo.

Dios nga Amami, sika ti mangited kadagiti kasapulanmi. Awan balikas a maiyebkasmi a kas
panagyaman Kenka iti sagotmo a ni Jesus iti Nasantoan a Eukaristia. Ni Jesus ti tinapay manipud
langit a mangtaraon ken mangtulong kadakami bayat iti inkam panagdaliasat nga agturong dita
pannakaidaydayawmo.
sagotmo a ni Cristo Jesus isu a namagkaysa iti pammati ken namnamami ken iti naayat a
panangtarabaymi iti tunggal maysa. Immay tapno isurona ti dalan ti panagkaykaysa ken isubli ti
panagkikinnaawatan. Makidanggaykami kadagiti amin nga ejercito ti langit, ket ikantami ti
pannakaidaydayawmo.
Amen
PAKAUNA TI AMAMI:
Kas maysa a gimong nga agtarigagay iti yaay ti pagarian ti Dios, intayo idatag dagiti
karkararagtayo iti Ama, ket kunatayo:
AMAMI. . .
( Saan a makanta wenno maikararag ti “Kordero” gapu ta awan ti
26
panakapisi-pisi ti bagi ni Cristo a nakairantaan ti kanta a “Kordero”)
Daytoy ti Kordero ti Dios, isu nga immay tapno paneknekanna ti kinatan-ok ti pagarian ti
Apo. Nagasattayo a makikaysa iti daytoy a padaya.
Apo, salaknibam kad dagiti pinakanmo iti nailangitan a parabormo, tapno dagiti nakiranod
a siraragsak kadagiti sakramentom malak-amanda ti pudno a kappia. Gapu ken Cristo nga Anakmo
ken Apomi. Amen.
Sacramentary)
PAMENDISION:
Bendisionannatayo iti Dios: ti Ama, ti Anak, ken ti Espiritu Santo Amen.
################################################################################
NOVENA DE AGUINALDO
Diciembre 21, 2023
################################################################################
Tema: SIRARAGSAKTAYO A SABATEN NI JESUS BABAEN KEN NI MARIA
PAKAUNA:
Intay dayawen ni Cristo, isu a mangipaay ti ragsak kadagiti amin a mangpaspasungad iti
idadatengna. Sapay koma ta silulukat dagiti puso ken panpanunottayo tapno iti kasta maikaritayo
a mangpasangbay Kenkuana.
27

Iti saantayo a panangikaskaso ken panangtallikod kadagiti sao ti Apo ket lapped kadagiti
planona. Intay dawaten ti pammkawan ti Apo. Apomi a Jesus, kas kenka ken ni Maria, kayatmi a
lukatan ti pusomi kadagiti balikas ti Dios: Apo, kaasiannakami.
Apo, kaasiannakami.
Jesucristo, kas kenka ken ni Maria, kayatmi a kayatmi a sangnguen ti peggad iti
panangitalek ti biagmi iti Dios ken dagiti tattao: Cristo, kaasiannakami.
Apomi a Jesus, kas kenka ken ni Maria, kayatmi a masursuro ti pudno a panagserbi: Apo,
kaasiannakami.
Apo, kaasiannakami.
Iti kaasim, Apo, saoem dagiti mamakawan a balikasmo ket sapay koma ta masubadanmi
dagiti saom a makaited ti biag ket iturongnakami iti biag nga agnanayon. Amen.
Apo, denggem kad dagiti karkararag ti ilim, tapno dakami a maragsakan iti yaay ti Anakmo
a nagkawwes iti kinataomi, into umay a sidadayag, maragpatminto koma ti agnanayon a biag.
Gapu ken Apomi a Jesucristo nga Anakmo ket Dios, Isu a Dios a makipagbiag ken makipagari
Kenka, ken iti Espiritu Santo, iti agnanayon nga awan inggana. Amen.
UMUNA A MAIBASA Kanta 2:8-14
Daytoy maibasa naadaw iti Kanta ni Solomon.
Mangngegko ti timek ti kaayan-ayatko. Agtartaray kadagiti bantay ken turturod nga umay ti
yanko. Kas maysa a korso ti kaayan- ayatko, kasla maysa nga ugsa a bumaro. Agtaktakderen iti
likudan ti bakudmi, sumirip iti tawa ket buyaennak iti baet dagiti rehas. Kuna ti kaayan-ayatko:
Umaykan, ay-ayatek; biagko, kumuyogka kaniak. Limmabasen ti tiempo ti lam-ek; simmardengen ti
tudtudo.
Agukraden dagiti sabong iti tanap. Tiempon ti panagkankanta; agkankantan dagiti pagaw
iti taltalon. Agluomen ti bunga ti igos, masayupmo metten dagiti agsabong nga ubas. Umayka
ngaruden, ay-ayatek; biagko, kumuyogka kaniak. Kaskala kalapati nga aglemlemmeng iti rengngat
ti maysa a bato. Kitaek man ti nalibnos a rupam; denggek man ti nasam-it a timekmo.
Ti Sao ti Apo.
SALMO RESPONSORIO Sal 33:2-3, 11-12, 20-21
Sungbat: DAKAYO AMIN A NALINTEG, AGRAGSAKKAYO, BARO A KANTA TI IKANTAYO
KENKUANA.
1. Buyoganyo iti arpa ti panagyamanyo; danggayanyo dagiti kantayo iti instrument a sangapulo ti
kuerdasna. Baro a kanta ti ikantayo kenkuana; tokarenyo a silalaing ti arpa, ket pigsaenyo ti
agkanta! (S)
2. Agtalinaed nga agnanayon ti planona, ti panggepna agpaut nga awan
28
inggana. Naragsak ti nasion a ti Apo ti Diosna; wen, naragsak dagiti pinilina nga agpaay kenkuana.
(S)
3. Isaadtayo iti Apo ti namnamatayo; isu ti mangtulong ken mang-salaknib kadatayo. Naragsaktayo
gapu kenkuana; agtalektayo iti nasantoan a nagana. (S)
ALLELUIA
Alleluia! Alleluia!
Umayka, Tulbek ni David,
manglukat ti ruangan ti agnanayon a pagarian ti Dios:
wayawayaam dagiti balud manipud kasipngetan.
Alleluia!
EBANGHELIO Lucas 1:39-45
Ti sumaganad a maibasa naadaw iti nasantoan nga Ebanghelio a kas insurat ni San Lucas
Nagrubbuat ni Maria ket nagdardaras a napan iti kabam-bantayan, iti maysa nga ili idiay Juda.
Napan iti balay ni Zacarias ket kinablaawanna ni Elisabet. Apaman a nangngeg ni Elisabet ti
kablaaw ni Maria, naggaraw ti ubing iti Tianna. Napno ni Elisabet iti Espiritu Santo. “Sika ti
kagasatan kadagiti amin a babbai!” impukkawna. “Nagasat ti ubing nga ipasngaymonto. Anian a
pannakapadayawko, ta umaynak sarungkaran ti ina ti Apok! Ta apaman a nangngegko ti
kablaawmo, naggaraw ti ubing iti tianko gapu iti ragsakna. Wen, nagasatka ta mamatika a
matungpalto ti insao kenka ti Apo.”
PAGPAMPANUNOTAN:
Umadanin ti Paskua! Naragsakka kadi?
Uray no Paskua kakabsat, adu kadatayo ti malmalday wenno saan a naragsak gapu iti
nagduduma nga rason, ngem iti sabali a banger, adu met dagitay talaga nga naragsak ket iti Ingles
ket excited da ta dandanin ti Paskua! Kunkuna ti dadduma, adda latta daytay leddaang, kuddot iti
puso wenno saem a marikna uray man ket no Paskua. Wen, mangegann tayon dagiti napipintas
nga ayug-Paskua nga maipalpallailang iti radyo ken makita tayo iti telebisyon ket uray pay iti social
media a kas koma iti facebook kada instragram ken dadduma pay, dagiti patay-sindi nga babassit
nga bumbilya nga nagduduma ti maris da nga makaay-ayo iti mata ngem no dadduma ket
makasisirap met laeng; dagiti regregalo nga nabungon iti naduma-duma nga nararaniag nga maris
wenno kolor; dagiti garakgak kada paggaak iti Christmas Parties nga agsisinnumbanger, bunggoy ti
agbabarkada nga mapan agcarolling; ngem apay nga no agmaymaysa tayon, ket adda daytay
sapaang iti uneg ti rikna ket saan tayo met gayam a naragsak? Ngem dagiti nangegan tayo kadagiti
naibasa nangruna ti umuna a naibasa nga kunana: agragsakka ta naglabasen ti rabii, nalpasen ti
kinasipnget... agpayso kadi? Kakabsat ti ngamin kinaragsak ket awan iti agsukat-sukat ti color nga
nga silaw, awan kadagiti naduma-duma ti ugis na nga regalo, awan iti aglawlaw tayo ta ti pudno a
kinaragsak ket adda iti kaunggna ti puso ti tunggal maysa kadatayo. Iti puso nga sadino ket addaan
pudno a ragsak ken kappia, ngem makita daytoy iti kaunggan tayo no adda ti Dios nga agnanaed
dita. Wen, ti ragsak iti uneg ti puso ket makita laeng iti isasangbay ken panagtalinaed ti Dios iti
puso tayo – saan a makita iti materyal a banag!
Ngem daytoy ragsak nga ipaay ni Cristo kadatayo ken adda kaddua wenno kasingin na nga
ladingit, sakit, ken pannubok iti biag – parte na amin dagitoy wenno package deal daytoy kuna
tayo man iti Ingles. Noman pay
29
adda dagiti pannubok iti biag, saan na a pukawen ti ragsak ti puso tayo no la ketdi saan tayo nga
isina ni Apo Dios kadagitoy nga mapasaran tayo iti biag. Ket no pasangbayen tayo ni Apo Jesus iti
biag tayo – parte na ti Krus! Ngem daytoy a krus no anusan tayo nga awiten ket mangted met
daytoy iti pudpudno a ragsak! Ditoy nga makuna tayo nga walang forever! Wen kakabsat, walang
forever nga rigat no ayaban tayo ken pagnaeden tayo ni Cristo iti puso tayo ta kadua tayo isuna
nga mangsaranget kadagitoy nga pannubok ket no malasutan tayo – dito nga marikna ken magun-
od tayo ti pudpudno a ragsak1
Daytoy ngarud kakabsat ket makita tayo iti Ebanghelyo nga intay nangegan. Adda man
danag ni Maria nga saan nga sigurado no ania ti mapasamak kenkuana ket nagtalek iti pagayatan ti
Dios. Napan na pay ketdi binisita ni kasinsin nga Elisabet tapno tulungan na daytoy. Ditoy nga
makita tayo ti “kinagasat” ni Maria, ken sirragsak nga mangibingay daytoy a kinagasata iti
kansinsinna nga ni Elisabet nga masikog. Dayoty ibibisita na ket mangipakita kadatayo ti naan-anay
a namnama. Nga no malmalday tayo, kitaen tayo ti kinagasat ni Maria ket maikkan tayo met iti
namnama. Ta ammo tayo nga saan na tayo nga baybay-an ni Maria a managayat nga Ina. Kas
kenkuana, kitaen ken bigbigen tayo koma ngarud met dagiti kinagasat ken bendisyon iti panagbiag
tayo. Awan ti tao nga puros laeng kinaliday wenno kinadaksang-gasat iti adda iti biag na. Adu met
dagiti bendisyon ti biag tayo isu nga dagitoy ti intay kitaen iti kaunggan ti puso tayo. Saan tayo
laeng koma nga itutok ti panagkita tayo kadagiti saan a nasayaat wenno dagiti nalaladingit a
pasamak ti biag tayo.
Ta uray ni Maria ken binigbig na nga kinagasat ken bendisyon iti inna panagsikog uray
ammo na nga awan ti naglabas a lalaki ti biagna. Nagasat agsipud ta adda ni Apo San Jose nga
immawat iti responsibilidad ken akem nga agtakder nga ama ni Ubing nga Jesus. Nagpintasan nga
pagpanpanunutan kakabsat, dagitoy nangegan tayo nga naibasa wenno mensahe nga agpaay
kadatayo iti daytoy maikanem nga aldaw iti intay panagsagsagana. Ket daytoy ngarud ti kinagasat
nga napan na inburay wenno inbingay kenni kasinsinna – ti mapan na panangtulong kenni Elisabet
nga idin ket innem a bulanen a masikog.
Isu nga dagitoy nga napasamak ket isu met ti mangallukoy kadatayo nga intay ikkan iti
kanito nga mangbigbig kadagiti adda met a bendisyon ken kinagasat tayo. Tapno saan laeng ti
kinaawan wenno kinakurang tayo ti adda nga bigbigen tayo. Awan kakabsat ti tao a malas a
kunkuna tayo, addaan tayo amin iti kinagasat ngem saan tayo laeng nga makita wenno mabigbig ta
sabali ti nangitutokan tayo ti panagkita tayo. Agtamed ka kabsat ket biruken iti kaunggam no ania
ti kinagasat ken bendisyon nga adda iti biagmo nga saan mo pay nga nabigbig. Sigurado ak nga
tunggal maysa kadatayo ket pinaraburan ti Dios. Ania kadi ti sagot ti Dios kaniak? Umayka,
umayka, Emmanuel! Umayka ket agtaengka iti puso ken biagko! Sapay koma ta kasta.
KARARAG A SAPASAP:
Kakabsat, agkaykaysatayo iti panggep a mangidatag kadagiti kararagtayo ken Apo Dios ta isu ket
manangparabur. Iti tunggal panggep kunatayo: AMA, PABILGEM TI AYATMO KADAKAMI.
1. Idawdawatantayo ti Simbaan Katoliko, dagiti mangiwanwanwan ta sapay koma ni Kristo Jesus ti

balligi iti amin a missionna. Kumararagtayo iti Apo.
2. Idawdawatantayo iti naan-anay a kappia ken panagmaymaysa kadagiti amin a nasion ditoy
lubong tapno ingget ranniag ti intay marikna kabayatan iti intay pananguray iti idadateng ti
mangisalakan. Kurnararagtayo iti Apo.
3. Idawdawatantayo dagiti kakabsattayo a masaksakit, maidadanes tapno
30
dida koma maaw-awanan ti namnama nangnangruna iti pammatida. Ni Jesukristo koma ti
salinongda ken mangted baro a kaipapanan ti panagbiagda. Kumararagtayo iti Apo.
4. Idawdawatantayo met ti gimongtayo, tapno dagiti adu a pakakumikumantayo ket saan nga
agbalin a lapped iti idadateng ti mensahe ni Kristo. Kumararagtayo iti Apo.
5. Idawdawatarttayo dagiti minataytayo tapno maragpatda koman ti Pagarian ti Langit.
Kunmraragtayo iti Apo.
O Apomi a Dios, sika ti namnama ken salaknib ti amin a tao. Patgam kad dagitoy nanumo nga un-
unnoymi kenka ta sika laeng ti Dios a daydayawen ken itantan-okmi ita ken iti agnanayon. Amen

pannakaidaydayawmo.
Natan-ok ken namedmed nga Ama, sika laeng ti mangpennek ti tarigagaymi iti kinapudno,
sika laeng ti mangbussog iti pagusmi nga agbiag. Idi idiay disierto, inikkam ti danum dagiti tattaom
ket pinakanmo ida ti manna manipud langit. Idi immay ti anakmo ditoy mabisin a lubongmi,
agraniag ti ayatna babeg iti biagmi. Makidanggaykami kadagiti amin nga ejercito ti langit, ket
ikantami ti pannakaidaydayawmo.
GLORIA ITI DIOS TI KANGATOAN.”
Amen
PAKAUNA TI AMAMI:
Napnoan talek ken namnama, intay umararaw iti Amatayo babaen ti kararag nga insuro ni Kristo
kadatayo.
AMAMI. . .
Ipaaytayo ti kappia iti maysa ken maysa. ( Saan a makanta wenno maikararag ti “Kordero” gapu ta
awan ti
31
panakapisi-pisi ti bagi ni Cristo a nakairantaan ti kanta a “Kordero”)
Ipaaymo kad, Apo, ta daytoy a pannakiranodmi iti nadiosan a misterio ti misa ken komunion, agserbi a di
agressat a salaknibmi, iti kasta iti yaannugotmi a sipapasnek Kenka, malal-ammi a sibubuslon ti pagimbagan
ti bagi ken kararuami. Gapu met laenmg ken Cristo nga Anakmo ken Apomi. Amen.
Sacramentary)
PAMENDISION:
Bendisionannatayo iti Dios: ti Ama, ti Anak, ken ti Espiritu Santo. Amen. Nalpasen ti
sangkagimongan a panaglualotayo, intayon iti kappia ti Apo.
################################################################################
NOVENA DE AGUINALDO
Diciembre 22, 2023
################################################################################
Tema: “TOY PUSOK IDAYDAYAWNA TI APO”
PAKAUNA:
Kakabsat intay dayawen ni Cristo, isu a mangipaay ti ragsak kadagiti amin a mangpaspasungad iti
idadatengna. Sapay koma ta silulukat dagiti puso ken panpanunottayo tapno iti kasta maikaritayo a
mangpasangbay Kenkuana.
Tapno maikaritayo iti daytoy a padaya, intay dawaten ti pammakawan ti Apo kadagiti kanito nga
pinasakitantayo dagiti kakabsattayo.
32
Agkonfesarak iti Dios a mannakabalin amin ...
Kaasiannakami Apo, ket pakikapiaennakam Kenka kasta met dagiti kakakabsatmi.

Agtaengka iti familia ken gimongmi ket iturongnakami iti biag nga agnanayon. Amen.
Apo, mangngaasika… (kanta)
O Dios, idi nakitam ti tao a naisagmak ken patay, kinyatmo nga insalakan babaen ti yaay ti
anakmo. Ipaaymo kadi ta dakami a mamati a sipapasnek iti itatao ni Cristo, mairanodkam met
kadagiti bunga ti pannubbotna,

UMUNA A MAIBASA: 1 Samuel 1:24-28
Agbasa: Daytoy maibasa naadaw iti umuna a libro ni Samuel
Kalpasan ti panangpusot ni Ana ken ni Samuel, impanna idiay Silo. Nangitugot iti baka a
tallo ti tawenna, maysa a salup nga arina ken arak a naikarga iti supot a lalat. Impanna ni Samuel iti
balay ti Apo idiay Silo uray no ubig pay laeng. Pinartida ti baka ket kalpasanna, indatagda ti ubing
ken ni Eli. Kinuna ni Ana ken ni Eli, “Dispensarm, apo. Malagipnak pay kadi? Siak daydi babai a
nakitam a sitatakder nga agkarkararag iti Apo. Inkararagko kenkuana nga ikkannak iti ubing ket
pinatganna ti dawatko. Daytoy ti ubing. Iti kata, idatonko kenkuanadaytoy nga ubing. Kukuan ti
Apo iti unos ti panagbiagna.”
Ti Sao ti Apo
SALMO RESPONSORIO: 1 Samuel 2:1, 4-5, 6-7, 8
Sungbat: PINUNNO TI APO TOY PUSOK ITI RAG-O.
1. Pinunno ti Apo toy pusok iti rag-o; ita mabalinko metten ti agtangsit. Katawaak dagiti kabusorko;
wen, maragsakanak ta tinulongannak ti Dios.
2. Matukkol ti pana dagiti maingel a soldado, ngem pumigsa dagiti nakapuy. Dagiti aglaplapusanan
idi iti taraon, manggeddan tapno adda kanenda ngem saanen a mabisin dagiti mabisin idi. Piton ti
annak ti babai nga awanan idi ti anak, ngem awanen ti nabati nga anak ti adu ti anakna.
3. Ti Apo ti mangted iti biag ken patay, ipanna ti tao iti lubong dagiti natay. Papanglawenna ti
sumagmamano a tao, ket pabaknangenna ti dadduma. Ipababana ti sumagmamano a tao, ket ti
dadduma itan-okna.
4. Bangonenna ti nakurapay manipud iti tapok, ket ti napanglaw bangonenna iti nakaay-ay-ay a
kasasaadna. Ikkanna ida iti lugar iti yan dagiti prinsipe, ket isaadna ida iti natan-ok a pagtugawan.
ALLELUIA
Alleluia! Allelua!
Umayka sabong a naggapu iti puon ni Jesse,
pakakitaan ti panagayat ti Dios kadagiti tattaona:
dimo itantan ti panangisalakanmo kadakami.
Alleluia!
33
Kinuna ni Maria:
“Toy pusok idaydayawna ti Apo, ket agragsak toy kararuak gapu iti Dios a Mangisalakan
kaniak. Ta nalagipnak siak a nanumo nga adipenna, ket manipud ita, awagandakto a nagasat dagiti
amina tattao, gapu kadagiti naindaklan a banag nga inaramid kaniak ti Mannakabalin a Dios.
Nasantoan ti naganna; kaasianna dagiti agbuteng kenkuana, manipud iti maysa a kaputotan
agingga kadagiti sumarsaruno. “Imparangna ti pannakabalin ti takkiagna. Ket winarawarana dagiti
natangsit a tattao kasta met dagiti gandatda. Inikkatna dagiti mannakabalin nga ari iti tronoda, ket
intan-okna dagiti nanumo. Pinennekna dagiti mabisin kadagiti agkakaimbag; pinagtalawna nga
ima-ima dagiti babaknang. Tinungpalna ti karina kadagiti ammatayo; tinulonganna ti Israel nga
adipenna, ket nalagipna a kaasian ni Abraham, ken ti main a kaputotan iti agnanayon.”
Agtallo a bulan a nakipagyan ni Maria ken Elisabet; kalpasanna, nagawid idiay balayda.
PAGPAMPANUNOTAN:
Kayat ko man nga rugian daytoy pagpampanunotan iti maysa nga istorya nga namnamek
nga pati dakayo ket maka relate:daytoy ket maipapan iti panagsagsagana iti paskua – ti
pannakimisa wenno pannaka sungpot wenno pannakakumpleto ti siam nga misa-novena. Kuna
kano ti anak iti Nanang na: ‘nang, pakiriing nak to man inton dandani misan? Ket kuna kano ni
Nanang na: “ala, apay maturog ka pay laeng ket dandanin agtangtang ti kampana ti simbaan?”
Anak: “makadungsungsaak la ngarud unay...ket innayon pay toy anak: Mabalin kadi nga
aglanganak ita iti Misa Novena?” Insungbat kano ti ina: “saan nga mabalinnga aglangan ka ta sika
ngarud ti mang Misa”
Apay nga daytoy ti pinaglukat ko ti pagpampanunotan tayo ita nga aldaw? Gapu iti
panagpadpadaan tayo; kasano ngatan no saan a simmangpet ni Apo Jesus nga nabayag nga
pinadpadaanan tayo? Adda dagiti pagteng iti biag tayo nga uray kasano iti intay panagsagana ken
panangplano ket saan a masurot. Kasano iti panangawat tayo iti daytoy? Adu dagiti nagduduma a
kapadasan tayo maipapan iti daytoy. Ket no kitaen tayo iti sabali nga anggulo na daytoy, adda
dagitay banag nga saan tayo nga kayat nga dumanon wenno pagteng iti biag tayo ngem kuna
ngarud iti Ingles: it is beyond our control. Saan tayo nga mateppelan, maatipa wenno maigawid iti
isasangbay dayta a pasamak.
Dagiti ngarud nangegan tayo a naibasa ita nga maika pito nga aldaw daytoy Misa-Novena tayo ket
kasta ti ipalagip na kadatayo- dagiti kapadasan dagiti tattao nga adda kadagiti naibasa. Umuna ni
Hanna, agmalmalem ken agpatpatnag nga nagkarkararag tapno maikkan iti anak. Ket
napaneknekan daytoy ni Eli, nga gapu ta saan nga nagsarday ti kararag ni Ana napatgan ngarud iti
anak – ni Samuel. Ditoy ti pakakitaan kakabsat nga ni Apo Dios ket dumdumngeg kadagiti arunga-
ing ti puso tayo. Kasapulan tayo laeng nga idatag kenni Apo Dios dagitoy nga rikriknaen tayo,
naladingit man wenno naragsak a karirikna.
Kas kenni Maria iti ebanghelio tayo adda met ti kapadasan na ket saan nga sigurado no ania ti
pagtungpalanna daytoy nga mensahe ti anghel San Gabriel ngem Sipapakumbaba ken siraragsak
nga inawat na daytoy ket daytoy ngarud ti paset ti kanta na: “Toy pusok idaydayawna ti Apo, ket
agragsak toy kararuak gapu iti Dios a Mangisalakan kaniak.” Ti Magnificat wenno ti kanta
34
ni Maria ket itultuloy na ngarud nga ipalagip kadatayo ti kinasiasinona – maysa a napakumbaba
ken managtungpal iti pagayatan ti Dios. Ket isublik ngarud ti salusod ko iti rugi daytoy a
pagpanpanunotan: “kasano ngarud no saan nga immanugot ni Maria ket saan met a simmangbay
ni Apo Jesus nga isu ti Mesiyas nga intay ninamnama ken pinadpadaanan? Kas kenni Maria, adda
met dagiti estoria ti baig tayo a no dadduma ket agladingit wenno agragsak tayo ngem ti la ngata
nagdumaan tayo kenni Maria ket isuna, nagtulnog a sigud iti pagayatan ti Dios, ni Maria ket
nagtalinaed a napakumbaba, ni Maria kalaksidan iti kasasaadna ket napan pay timmulong kenni
kasinsinna nga Elisabet. Saan a pulos a napukawan iti namnama, saan pulos a nagreklamo, saan
nagpasindayag nga isu ti napili nga agbalin nga Ina ti Dios – nagtalinaed a napakumbaba –
grounded! Nagtalinaed ni Maria a natured, natibker para iti pagayatan ti Dios ta ni Apo Dios
tungpalenna ti karina, ta ni Apo Dios saan a mangbaybay-a, ni Apo Dios adda laeng iti sibay tayo a
mangtartrabay kadatayo ti amin nga oras. Saan tayo koma ngarud a maup-upay no adda dagiti
pannubok ti biag, taliawen ken tuladen tayo ngarud koma ni Maria a naragsak nga agkanta a
mangidaydayaw iti Apo. Ngarud, kas ken Maria, adda koma latta ngarud iti puso ti tunggal maysa
kadatayo ti kanta ti kinaragsak nga agdaydayaw kenni Apo Dios kadagiti amin a banbanag nga
intay mapadasan ket sapay koma ta saan a mapukaw ti talek tayo Kenkuana nga amin ket adda
maipaay na a pagimbagan tayo – TALEK, RAGSAK, KINAPAKUMBABA ken PANAGYAMAN! Dagitoy
koma iti agtalinaed iti puso iti tunggal maysa kadatayo. Asidegen ti PASKUA! Sapay koma ta kasta!
KARARAG A SAPASAP:
Kakabsat, intay idatag iti manangaasi a Dios tayo dagiti kararag tayo ket sapay koma ta
mairanod tayo kenkuana a makipagrambak iti daytoy a panangilagip ti pannakaiyanak ti Anakna a
ni Jesus. Isungbat tayo iti tunggal panggep: APO, ISUROM KADAKAMI TI DALANMO
1. Agpaay kadagiti mangidadaulo ti Simbaan, ni Pope Francis, obispo, papadi, ken layko, tapno
maikkanda iti naan-anay a salun-at ken pigsa a mangisagana ti dalan ti Apo iti biag dagiti katoliko.
Kumararag tayo iti Apo.
2. Agpaay kadagiti lideres ti pagiliantatyo tapno dida koma paiturayan iti managinbubukod,
kinaagum, ken iti bulok a sistema ti pulitika. Masilawan koma iti isipda babaen iti mensahe ti
ebanghelio ita tapno magun-od tayo amin a padapada ti pagsayaatan ken panagdur-as ti amin.
3. Apaay kadagiti masaksakit ken agrigrigat iti lugartayo, tapno mariknada ti ayat ken liwliwa ti Apo
manipud kadagiti tattao a mangipaay ti tulong kadakuada, nangnangruna iti daytoy umadanin a
Paskua. Kumararagtayo iti Apo.
4. Agpaay kadatayo amin nga adda ditoy, tapno idalan natayo ti ayat ken kinapudno ti Apo a
mangisagana ti bagi tayo a mangrambak iti iyaayna. Kumararagtayo iti Apo.
5. Agpaay kadagiti pimmusayen ditoy a biag nangruna dagiti napateg kadatayo, tapno ti asi ti Apo
ti mangpatalged ti pannkikaykaysadanto Kenkuana. Kumararag tayo iti Apo.
Kas ken Maria, aramaten nakam met Apo Dios tapno agbalinkami nga
35
instrumento ti panagbalbaliw iti uneg ti familia ken gimongmi. Iturongnakami a mangibiag ti

kinapakumbabam ket ikantaminto ti agnanayon a panagdaydayaw kenka. Gapu ken Kristo nga
Anakmo ken Apomi. Amen.
Dios nga Amami, naggapu Kenka amin nga imbag. Nakakaskasdaaw iti sagotmo nga ni
Jesus, Isu nga inyanak ni Birhen Maria.ken mangisalakan kadakami. Ni Maria ti naitan-ok nga Ina ti
Anakmo, ngem isuna ket nanumo. Isuna ket naisangsangayan nga Ina ti Anakmo, Agnanayon nga
kankantaenna ti panagdayaw iti bilegmo gapu kadagiti natagneng inaramidmo kenkuana.
Makidanggaykami kadagiti amin nga ejercito ti langit, ket ikantami ti pannakaidaydayawmo.
panagyaman Kenka iti sagotmo a ni Jesus iti Nasantoan a Eukaristia. Ni Jesus ti tinapay manipud
langit a mangtaraon ken mangtulong kadakami bayat iti inkam panagdaliasat nga agturong dita
pannakaidaydayawmo.
sagotmo a ni Cristo Jesus isu a namagkaysa iti pammati ken namnamami ken iti naayat a
panangtarabaymi iti tunggal maysa. Immay tapno isurona ti dalan ti panagkaykaysa ken isubli ti
panagkikinnaawatan. Makidanggaykami kadagiti amin nga ejercito ti langit, ket ikantami ti
pannakaidaydayawmo.
Amen
PAKAUNA TI AMAMI:
Intayo kumamang iti Apo tapno mapaneknekantayo iti pudno babaen iti kararag nga insuro
ni Apotayo a Jesus.
AMAMI. . .
( Saan a makanta wenno maikararag ti “Kordero” gapu ta awan ti panakapisi-pisi ti bagi ni Cristo
a nakairantaan ti kanta a “Kordero”)
Daytoy ni Apotayo a Jesus, Anak ti Mannakabalin amin a timmao babaen ti bileg ti Espiritu
Santo. Nagasattayo nga umawat Kenkuana.
Apo, pabilgennakam koma daytoy panangawatmi iti sakramentom, tapno mapnukami kadagiti
naimbag nga aramid iti panangsabetmi iti umay
36
Mangisalakan, ket maikarikami iti agnanayon a kinagasat. Gapu ken Cristo nga Anakmo ken Apomi.
Amen
PAMENDISION:
Bendisionannatayo ti Mannakabalin a Dios, ti Ama, ti Anak, ken ti Espiritu Santo. Amen
################################################################################
NOVENA DE AGUINALDO
Diciembre 23, 2023
################################################################################
Tema: TI NAGANNA KET JUAN
PAKAUNA:
MANGIDAULO: Iti nagan ti Ama, ken ti Anak, ken ti Espiritu Santo. Amen. Kakabsat, intay dayawen
ni Cristo, isu a mangipaay ti ragsak kadagiti amin a mangpaspasungad iti idadatengna. Sapay koma
ta silulukat dagiti puso ken panpanunottayo tapno iti kasta maikaritayo a mangpasangbay
Kenkuana.
Intay dumawat ti kaasi ken pammakawann ti Apo tapno maikari tayo makiranud ita a
sangkagimongan a panagkararag. Agkonfesarak iti Dios a mannakabalin amin .... Kaasiannakami,
Apo, ipaaymo ti pammakawan Mo kadagiti nagbiddutanmi ket iturongnakami iti biag nga
agnanayon. Amen
Apo, mangngaasika (kanta)
37
Mannakabalin a Dios, asidegen ti pannakaipasngay ti Anakmo. Dawatenmi ta ni Cristo a

nayat a nagbalin a tao iti tian ni Virjen Maria, ket nakipagbiag iti tao; ipaayna koma ti kaasina
kadakami a nanumo nga adipenmo.
UMUNA A MAIBASA: Malakias 3:1-4; 23-24.
Agbasa: Daytoy maibasa naadaw iti libro ni profeta Malakias
Ibaonkonto ti babaonek a mangisagana ti dalanko. Ket kellaatto nga umay ti Apo a

sapsapulenyo iti Templona. Umayto ti babaonen a segseggaanyoket ipakaammonanto ti tulagko.
Ngem siasinonto ti makaibtur iti aldaw nga yaayna? Siasinonto ti makalasat inton agparang?
Mayarigto iti apuy a manggugor iti landok ken kaslanto naingel a sabon. Umayto a mangukom, kas
iti mangguggugor iti pirak. Gugorannanto dagiti papadi a kas pannakagugor ti pirak ken ti balitok
tapno idatagna iti Apo ti umiso a daton. Maay-ayonto ti Apo kadagiti daton nga idatag dagiti tattao
ti Juda ken Jerusalem, kas iti pannakaay-ayona kadagiti daton iti napalabas. Ngem sakbay ti yaay ti
naindaklan ken nakaal-allilaw ng aldaw ti Apo, ibaonkonto ni profeta Elias kadakayo.
Pagkakappiaennanto dagiti amma ken dagiti annak, ta no saan, siak ti umay ket dadaelek ti
pagilianyo.
Ti Sao ti Apo.
SALMO RESPONSORIO: Salmo 25:4-5, 8-9, 10, 14
Sungbat: TUMAKDER KET TUMANGADKAYO, TA ASIDEGEN TI PANNAKAISALAKANYO.
1. Isurom kaniak dagiti daldalanmo, O Apo; wen, ipakaammom ida kaniak. Isuronak nga agbiag kas
mayannurot iti kinapudnom; ta sika ti Dios a mangisalakan kaniak. (S)
2. Nalinteg ken naimbag ti Apo; isurona dagiti managbasol iti rumbeng a pagnaanda. Iturongna
dagiti napakumbaba iti nalinteg a dalan, ket isurona ida iti pagayatanna. (S)
3. Iti ayat ken kinapudno idalanna ida, dagiti amin a mangannurot iti tulag ken bilbilinna.
Gagayyem ti Apo dagiti agtulnog kenkuana, ket patalgedenna kadakuada ti tulagna. (S)
ALLELUIA
Alleluia! Alleluia!
Umayka, Ari dagiti nasiones,
pagtaudan ti panagkaykaysa
ken pammati iti Iglesiam:
isalakanmo ti amin a tattaom,
ti bukodmo a pinarsua.
Alleluia!

Dimteng ti panagpasngay ni Elisabet, ket inyanakna ti maysa nga ubing a lalaki. Nadamag
dagiti kaarruba ken kakabagianna ti nakaskasdaaw a
38
kinaimbag ti Apo kenkuana. Nakipagrambak da amin kenkuana. Idi walo ng aldawen ti maladaga,
napanda pinakugit. Kayatda koma a panaganan iti Zacarias, kas ken amana. Ngem kinuna ni inana:
“Saan! Juan ti maipanagan kenkuana.” “Wen a, ngem awan met kabagiam nga agnagan iti kasta,”
kinunada. Sineniasanda ni Zacarias tapno ammoenda ti kayatna a maipanagan iti ubing. Dimmawat
ni Zacarias iti pagsuratan. “Juan ti naganna,” insuratna. Anian a siddaawda amin! Iti dayta met la a
kanito, makasao manen ni Zacarias, ket indaydayawna ti Dios. Nagbuteng dagiti amin a
kaarrubada; nagwaras daytoy a damag kadagiti amin a disso iti kabambantayan a Judea. “Anianto
ngata ti pagbalinan daytoy nga ubing?” kinunkuna dagiti amin a nakadamag. Nalawag ngamin nga
adda kenkuana ti pannakabalin ti Apo.
PAGPAMPANUNOTAN:
What’s in a name? Dayta man ti masansan a mangegtayo iti Ingles no adda dagitay
agsasarita maipapan ti kinalatak ti maysa nga tao. Sika ngay kabsat, ania kadi ti kaipapanan ti
naganmo? Adda kadi napateg nga pasamak wenno tao nga parte ti biagmo a mangipalagip kenka
iti dayta naganmo? Iti ngata intaramente a lubong, no adda masikog, wenno no naipasngayen ti
ubing, umuna nga pagsisinnaludsudan ti miembro ti familia ken agraman payen kadagiti
kakaarruba ket kastoy: “ania kadi ti nagan ti ubing?” ket no ituloy tayo – kasta met no mapandan
pabuniagan ti ubing... kakabsat, napateg ti nagan ta dayta ket adda pakainaiganna iti kinatao ti
makin nagan ken iti pay metten kasasaad wenno estado ti familia.
Datayo nga tattao ket managduadua tayo wenno saan tayo nga insegida nga mamati no
adda naimbag a damag nga sumangbay kadatayo. Iti sigud nga sungbat tayo ket “saanak a
mamati” Kas kadagiti familia ni Zacarias, saanda a namati nga Juan ti ipanagan iti anak da kenni
Elisabet, ken uray pay idi ipakdaar ti Anghel nga agsikog ni Elisabet ket saan a namati ni Zacarias
nga isu ti makagapu nga saanen a nakasao manipud iti dayta a kanito. Ngem iti ngarud
pannakaipasngay ti anakda ken Elisabet, dita nga nagsubli ti timek na ket makasao manen.
Mano kadi kadatayo, wenno nalabit nga iti maysa wenno ad-adu pay a gundaway ket
nagduadua tayo iti maaramidan ti kararag ken iti panagtalek iti pagayatan ti Dios. Wenno
nagsalusod tayo iti: “sungbatan ngata a talaga ni Apo Dios dagiti kararagko?”
Sublian tayo daytoy nagan. Apay ngata a Juan ti ipinanaganda? Ti nagan a Juan ket ipalitana
ti kinatao ni Juan. Ni Juan adda ti misyon na, isaganana ni pagnaan iti Apo. Isuna ti maudi a
propeta a mangiwarwaragawag iti iyaay ni Jesus. Isuna ti timek iti let-ang a nangipukpukaw iti
“agbabawi kayo ta umay ti pagarian ti Diyos”.
Datayo met kakabsat ket mapalagipan tayo iti nagan ken iti buniag tayo a kas Kristiyano
ken iti misyon tayo. Ni Juan inbiagna ti kinataona ket insaganana ti pagnaan ti Apo. Iti ngarud
panagsagsagana tayo iti iuumay ni Jesus (maysa nga turog laengen!) intay isagana ti puso ken
nakem tayo. Mapalagipan tayo koma manen iti pannakabuniag tayo nga inawat tayo ti nagan a
Kristiano ket sapay la koma ta agbalin tayo a napudpudno nga anak iti Diyos. Kas koma keni Juan
ibiag tayo iti nagan tayo a nabuniagan iti nagan iti Ama, Anak ken Spiritu Santo.
Intay man ngarud iyawid nga pagpanpanunotan tatta dagitoy a balikas: IBIBIAG KO MET
LAENG KADI TI KARIT TI NAGAN KO A KRISTIANO IDI NABUNIAGANAK? Sapay koma ta kasta.
KARARAG A SAPASAP:
Kakabsat, intay idatag iti manangngaasi a Diostayo dagiti an-anek-eken
39
ti pusotayo ket sapay koma ta naragsaktayo a makipagrambak iti daytoy a panangilagip ti
pannakaiyanak ti Cristo. Ti sungbat tayo iti tunggal panggep:
APO, ISUROM KADAKAMI TI DALAN MO

1. Agpaay kadagiti mangidadaulo ti Simbaan, ni Pope Francis, obispo, papadi, ken layko, tapno
maikanda iti naan-anay a salun-at ken pigsa a mangisagana ti dalan ti Apo iti biag dagiti
katoliko.Kumararagtayo iti Apo.
2. Agpaay kadagiti lideres ti pagiliantayo ta sapay koma ta agtalinaed da a natibker a

mangsaranget iti sulisog iti panaginbubukod, kinaagum, ken iti bulok a sistema ti pulitika.
Masilawan koma iti isipda babaen iti mensahe daytoy a rambak tapno magunood tayo amin a
padapada ti pagsayaatan.Kumararagtayo iti Apo.
3. Agpaay kadagiti masaksakit ken agrigrigat iti lugartayo, tapno mariknada ti ayat ken liwliwa ti
Apo kadagiti tattao a mangipaay ti tulong kadakuada, nangnangruna iti daytoy umadani a Paskua.
4. Agpaay kadatayo amin nga adda ditoy, tapno idalannatayo ti ayat ken kinapudno ti Apo a
mangisagana ti bagitayo a mangrambak iti yaayna. Kumararagtayo iti Apo.
5. Agpaay kadagiti pimmusayen ditoy a biag aglalo dagiti napateg kadatayo, tapno ti asi ti Apo ti
mangpatalged ti panakikaykaysadanto Kenkuana. Kumararagtayo iti Apo.
Imbaon mo ni Juan a mammunniag tapno isaganana dalan sakbay ti idadateng ni Apomi a

Jesus a mangisalakan. Iturongnakami a mangibiag ti kinapakumbabam ket ikantaminto ti
agnanayon a panagdaydayaw kenka. Gapu ken Kristo nga Anakmo ken Apomi. Amen.

pannakaidaydayawmo. “
GLORIA ITI DIOS TI KANGATOAN.”

Natan-ok ken namedmed nga Ama, sika laeng ti mangpennek ti tarigagaymi iti kinapudno, sika
laeng ti mangbussog iti pagusmi nga agbiag. Idi idiay disierto, inikkam ti danum dagiti tattaom ket
pinakanmo ida ti manna manipud langit. Idi immay ti anakmo ditoy mabisin a lubongmi,
agraniag ti ayatna babeg iti biagmi.
40
Amen
PAKAUNA TI AMAMI:
Napnoan talek ken namnama, intay umararaw iti Amatayo babaen ti kararag nga insuro ni Kristo
kadatayo.
AMAMI. . .
(Saan a makanta wenno maikararag ti “Kordero” gapu ta awan ti panakapisi-pisi ti bagi ni Cristo a

Apo, ipaaymo kad a kaasi, ta itdem ti kappiam kadakami a tinaraonam iti nailangitan a
parabormo, tapno iti yaay ti ay-ayatem nga Anakmo, maikarikami a sumabet Kenkuana a
sumsumged dagiti pusomi iti nadiosan nga ayat. Gapu ken Cristo nga Anakmo ken Apomi. Amen.
PAMENDISION:
Bendisionannatayo ti mannakabalin a Dios, ti Ama, ti Anak, ken ti Espiritu Santo. Amen.
################################################################################
NOVENA DE AGUINALDO
Diciembre 24, 2023
################################################################################
Tema: NI JESUS TI SIRMATA TI PANNAKAISALAKANTAYO
41
I. RITO TI PANAGSAGANA PAKAUNA:

MANGIDAULO: Iti nagan ti Ama, ken ti Anak, ken ti Espiritu Santo. Amen. Kakabsat, ti daytoy
tiempo iti Adviento, maawistayo nga agrag-o bayat iti intay panangpadaan iti idadateng ni Jesus, ti
Kordero ti Dios a Mangikkat kadagiti basbasol ti lubong. Kakabsat intay dayawen ni Cristo, isu a
mangipaay ti ragsak kadagiti amin a mangpaspasungad iti idadatengna. Sapay koma ta silulukat
dagiti puso ken panpanunottayo tapno iti kasta maikaritayo a mangpasangbay Kenkuana.
Masansan a naliday ken ditayo malagip ti agyaman iti Apo. Intay dawaten ti pammakawan
ti Naimbag unay nga Ama.
Apomi a Jesus, impaaymo kadakami ti naan-anay a pammakawanmo: Apo, kaasiannakami.
Apo, kaasiannakami.
Cristo Jesus, kinanayon a bingbingayannakami kadagiti Naimbag a Damag iti biag ken ayat
ti Dios: Cristo, kaasiannakami.
Apomi a Jesus, insagana na kami iti ragsak nga agnanayon ket awan pulos ti makaagaw iti
daytoy kadakami: Apo, kaasiannakami.
Apo, kaasiannakami.
Kaasiannakam, Apo, pakawanem dagiti basolmi, itdem koma ti ragsak kadagiti ladingitmi,
ket iturongnakami iti biag nga agnanayon. Amen.
Jesus nga Apomi, dika kadin agtaktak. Darasem kadin ti umay, tapno dagiti amin nga
agtalek ita ayatmo, mabang-aranda iti liwliwa nga ipaay ti idadatengmo. Sika a Dios a makipagbiag
ken makipagari Kenka, ken iti Espiritu Santo, iti agnanayon nga awan inggana. Amen.
UMUNA A MAIBASA: 2 Samuel 7:1-5,
8-11, 16
Agbasa: Daytoy maibasa naadaw iti maikadua a libro ni Samuel
Natalgeden ti panangituray ni David iti pagarianna. Inikkan ti Apo iti talna kadagiti amin a
kabusorna. Kalpasanna, kinuna ti ari ken ni Natan a
42
profeta, “kitaem, agnaedak iti balay a naaramid iti sedro ngem tolda laeng ti pagtaengan ti Lakasa
ti Tulag ti Dios.” “Aramidem ngarud ti panggepmo nga aramiden,” insungbat ni Natan, “gapu ta
adda kenka ti Apo.”
Ngem iti dayta a rabii, kinuna ti Apoken ni Natan, “Inka ibaga daytoy ken ni David nga adipenko:
‘Saan a sika ti mangbangon iti templo a pagnaedak. Ngarud, ibagam ken ni David nga adipenko a
kastoy ti kunak kenkuana, siak nga Apo a Mannakabalin-amin, ‘Innalaka nga agay-aywan kadagiti
karnero ket tinudinganka a mangituray kadagiti tattao nga Israelita. Kinuykuyogka iti sadinoman a
papanam ket pinarmekko dagiti amin a kabusormo iti idadarupmo. Itan-okka a kas kadagiti katan-
okan iti lugar nga agpaay kadagiti tattao nga Israelita ket pinagnaedko ida sadiay a pagnaedanda
nga awanen ti mangidadanes kadakuada. Manipud dimtengda iti daytoy a daga, dinarup ida dagiti
naranggas a tattao ngem dinton mapasamak daytoy. Inkarik a salaknibanka kadagiti amin a
kabusormo ken ikkanka kadagiti kaputotam. Addanto lattadagiti kaputotam, ket pagpautekto ti
pagariam. Dinto agpatingga ti panagari dagiti kaputotam.”
Ti Sao ti Apo.
SALMO RESPONSORIO: Sal 89:1-2, 3-4, 26-28
Sungbat: KANAYONTO NGA IKANTAK TI DI AGBALBALIW NGA AYAT TI APO.
1. O Apo, kanayonto nga ikantak ti di agbalbaliw nga ayatmo; ipakaammokto ti kinapudnom iti
amin a tiempo. Ta ammok a ti ayatmo a mataginayon iti agnanayon agpaut a kas iti langit ti
kinapugnom.
2. Kinunam, “Nakitulagak iti pinilik a tao, insapatak ken David nga adipenko: ‘ipasdekkonto dagiti
kaputotam nga agari iti agnanayon.’“
3. Kunananto kaniak, ‘Sika ti amak; Sika ti Diosko a mangsalaknib ken mangisalakan kaniak.’
Tungpalekto ti inkarik, ket agnanayonto ti tulagko kenkuana.
MAIKADUA A MAIBASA: Rom 16:25-27
Agbasa: Daytoy a maibasa naadaw iti umuna a surat ni San Pablo kadagiti taga-Roma
Madaydayaw ti Dios! Mabalinnakayo a pagtalinaeden a sititibker iti pammatiyo, kas

mayannurot iti Naimbag a Damag nga inkasabak maipapan ken Jesu-Cristo, ken kas mayannurot iti
naiparangarang a palimed ti kinapudno a nailemmeng manipud idi punganay. Ngem ita, nailatak
dayta a kinapudno babaen dagiti sinurat dagiti profeta; ken babaen ti bilin ti agnanayon a Dios,
naipakaammo kadagiti amin a nasion tapno mamati ken agtulnog ti amin a tao.
Madaydayaw koma iti agnanayon babaen ken Jesu-Cristo ti Maymaysa a Dios a masirib iti
amin! Amen.
Ti Sao ti Apo.
ALLELUIA
Alleluia! Alleluia!
Umayka, Palpallatok iti bigbigat,
rimat ti agnanayon a silaw,
init ti kinalinteg:
silnagam dagiti agbibiag iti kasipngetan
ken anniniwan ti patay.
Alleluia!
43
Iti maikanem a bulan ti sikog ni Elisabet, imbaon ti Dios ni Gabriel nga anghel a mapan idiay
Galilea, iti ili a Nazaret. Naibaon ni Gabriel ditoy iti maysa a balasang a birhen a naitulag a
mayasawa iti lalaki nga agnagan Jose a nagtaud iti kaputotan ni David. Maria ti nagan ti balasang.
Nagparang ti anghel ken ni Maria ket kinunana, “Agragsakka, sika a naidumduma ti pategna. Ti
Apo adda kenka.” Napalalo ti pannakariribuk ni Maria iti insao ti anghel, ket pinampanunotna ti
kaipapanan daytoy. Ngem kinuna ti anghel kenkuana: “Dika agbuteng, Maria, ta pinaraburannaka
ti Dios. Agsikogkanto. Ipasngaymonto ti maysa a lalaki, ket panaganamto iti Jesus. Naindaklanto.
Maawaganto iti Anak ti Kangatoan. Pagbalinento ni Apo Dios nga ari, a kas ken David nga amana.
Iturayannanto iti agnanayon dagiti kaputotan ni Jacob, ket dinto agpatingga ti panagarina.” Kinuna
ni Maria iti anghel: “Kasano a maaramid daytoy idinto a maysaak a birhen?” Umayto kenka ti
Espiritu Santo,” insungbat ti naghel. “Salinongannakanto ti pannakabalin ti Kangatoan. Daytoy ti
gapuna a nasantoanto ti ubing ket maawaganto iti Anak ti Dios.
“Malagipmo ni kabagiam nga Elisabet a kunkunada a lupes? Masikogen nupay baket

unayen. Innem a bulanen ti sikogna. Ta awan ti saan a kabaelan ti Dios nga aramiden.” Adtoyak
nga adipen ti Apo,” kinuna ni Maria. “Maaramid koma kaniak, kas insaom.” Ket pinanawanen ti
anghel.
PAGPAMPANUNOTAN:
Ni David ket mangnamnama iti nainlubongan a pagarian, ngem iti kapanunotan ti Apo ket ti
naDiosan a Pagarian. Ni Natanael, dimngeg iti Apo. Ni Apo Santa Maria dimngeg iti timek ti Apo
ken tinungpal na ti mensahe ti Anghel. Mabalin na koma met nga liniklikan wenno saan nga inawat
ngem nagtungpal iti pagayatan ti Apo (Fiat)!
Kakabsat, adda tayon iti maudi nga aldaw ti Misa-Novena tayo ket maudi met a Domingo iti
panagsagsagana iti panangrambak tayo ti pannakaipasngay ni Apo Jesus. Uppat a Domingo nga
panagsagsagana ket makita tayo nga iti kandela ti korona-Adviento tayo ket narunaw dan. Siam
nga aldaw met iti intay panagsakripisyo iti daytoy ngarud Misa de Aginaldo tayo. Daytoy laengen
maudi a kandela ti kasinsindi. Silaw iti uppat a Domingo nga intay panag sagana ket sapay koma ta
nagserbi dagitoy a lawag iti intay panagdalyasat iti panawen ti Adviento. Napabileg pay daytoy a
panangsagana iti intay panagsakripisyo a nakipaset iti intay panagriing a nasapa iti siam nga aldaw
ti Misa de Aguinaldo, nangayed a panagdengngeg ken panaglualo kabayatan ti Misa nga paset iti
panagsagana nga intay insagut iti Ubing a Maladaga—ti Mesiyas! pannakipaset tayo iti Aguinaldo
Masses ken sangkagimongan a panaglualo.
Ti Ebanghelio tayo ita, nangegan tayo ngarud ti estoria iti panangbisita ni Anghel Gabriel ken Maria
tapno ipakaammona ti pagayatan ti Dios
44
kenkuana. Kinuna ni Anghel Gabriel: “Dika agbuteng, Maria, ta pinaraburannaka ti Dios.

Agsikogkanto. Ipasngaymonto ti maysa a lalaki, ket panaganamto iti Jesus. Naindaklanto.
Maawaganto iti Anak ti Kangatoan.
Nagrugi idi umuna a domingo ti Adviento ti panagsagsanatayo babaen ti panagkarkarag,
pannakipaset tayo iti Aguinaldo Masses ken sangkagimongan a panaglualo. Kabayatan iti intay
panagpampanunot, panag am-amiris ken panagkarkararag, maawis tayo ita a domingo a
mangmatmat iti akem ni Santa Maria iti pakasaritaan ti pannakaisalakan tayo.
Kas ken Maria adu met dagiti kapadasan tayo a saan tayo a maawatan. Adu dagiti pasamak
iti biag a saan tayo makita ti kaipapananna. Ket gaputta saan tayo a makita ti kaipapananna wenno
saan tayo a maawatan dagitoy a pasamak nalaka tayo a maupay; Nangnangruna no dagitoy a
pasamak ket saan a maiyanatop kadagiti plano wenno arapaap tayo iti biag. Ngem kas ken Santa
Maria, no adalen tayo nga italek amin dagitoy iti Namarsua maiturong met lang dagitoy a pasamak
iti nasayaat ken pagimbagan.
Ni Santa Maria, no man pay nariribukan ken saanna a maawatan ti mensahe ti anghel
nagtalek latta isuna iti ayat ken asi ti Apo. Ket ti bunga daytoy a panagtalek ken panagtudyo ni
Maria iti Apo, nagbalin a kagagasatan kadagiti isu amin a babbai. Kas ken Maria mabalin met a
maibaga ken marikna tayo a nagasat tayo a parsua no la ketdi palubusan ken aklonen tayo a ti
pagayatan ti Apo nga isu ti agari iti biag tayo.
Da Maria ken David, gapu iti panagtudyo ken panagtalekda iti Apo ket nabendisyonan ken
naitan-okda. Sapay koma ngarud ta kas kadakuada masursurotayo koma met ti agtalek iti Apo ken
agtudyo iti pagayatan ti Apo. Sapay koma ta kasta.
KARARAG A SAPASAP:
Kakabsat, sangsangkamaysatayo a mangidatag ti mangngaasi a Dios dagiti ar-ararawtayo. Ket
isungbattayo iti tunggal panggep: APO PAGTALINAEDENNAKAM KADI ITI TULAGMO.
1. Agpaay kadagiti mangidadaulo ti Simbaantayo, tapno maibiagda koma ken sipupudno iti
panangisayangkat da idi pannakaiwaras ti Naimbag a Damag maipapan iti intay pannakaisalakan.
Kumararagtayo.
2. Idawdawatantayo dagiti mangidadaulo ti pagilian tayo, tapno ti pagrangayan ken pagimbagan ti
kaaduan iti inda tamingen ket isuro ida ti kinasirib ti Apo a magna iti dalan ti kappia.
3. Agpaay kadagiti nakurapay, masaksakit ken maidaddadanes ditoy ili tayo, tapno ti lawag nga
isangpet ni Maladaga nga Jesus ti mangidalan ken mangliwliwa kadagiti rigrigatda ditoy a biag ket
makita da ti naraniag nga dalan nga mangiturong kadakuada iti pannakaisalakan. Kumararagtayo.
4. Agpaay iti gimongtayo, tapno maipakitatayo koma ken maapresyar tayo ti panagbalbaliw iti
maysa ken maysa ket kadagiti nasaayat nga aramid tayo, maipakitatayo koma kadagiti saan pay a
mamati ken Cristo, ti bara ti panangawatna kadakuada. Kumararagtayo.
5. Idawdawatantayo iti familiatayo, tapno agari ken agtalinaed koma ti panagkaykaysa, kappia ken
kinalinteg iti tunggal maysa kadatayo ket maibiag tayo ti kinatan-ok ti Apo. Kumararagtayo iti Apo.
6. Agpaay kadagiti pimmusayen ditoy a biag, tapno maragpatda koman ti lawag ti agnanayon a
panaginana. Kuntararagtayo Managayat ken naasi nga Amami, adu pay dagiti dawat a kayatmi ng
45
iruknoy dita manangparabur a pusom. Sapay koma ta malak-ammi ti gracia ken bindesion iti
idadateng ti Anakmo. Dawatenmi amin dagitoy iti nagan ni Jesus ng Anakmo ken Apomi. Amen.
Dios nga Amami, naggapu Kenka amin nga imbag. Nakakaskasdaaw iti sagotmo nga ni Jesus, Isu nga
inyanak ni Birhen Maria ken mangisalakan kadakami. Ti pannakaiyanakna ket bannawag ti
pannakaisalakanmi: gapu iti kaasim binisitanakami nga tattaom, tapno ital-om dagiti adda iti kasipngetan,
ken iwanwannakami iti dalan ti kappia. Makidanggaykami kadagiti amin nga ejercito ti langit, ket ikantami ti
pannakaidaydayawmo.
panagyaman Kenka iti sagotmo a ni Jesus iti Nasantoan a Eukaristia. Ni Jesus ti tinapay manipud langit a
mangtaraon ken mangtulong kadakami bayat iti inkam panagdaliasat nga agturong dita pagariam.
Dios nga Amami, Inurnongmo dagiti tattaom a kas maysa a familia. Aglaplapusanan ti sagotmo a ni
Cristo Jesus isu a namagkaysa iti pammati ken namnamami ken iti naayat a panangtarabaymi iti tunggal
maysa. Immay tapno isurona ti dalan ti panagkaykaysa ken isubli ti panagkikinnaawatan. Makidanggaykami
kadagiti amin nga ejercito ti langit, ket ikantami ti pannakaidaydayawmo.
Makikaysakami kenni Obispomi N., ni Kuraparokomi N., ken ti entero a Simbaan iti inkam panagyaman ken
panagdayaw Kenka Dios nga Amami, babaen ti Anakmo, ni Apomi a Jesus, Isu a nakipagbiag ken nakipagari
Kenka ken ti pannakikaysa ti Espiritu Santo, Dios nga awan inggana. Amen
PAKAUNA TI AMAMI:
Kas maysa a gimong nga agtarigagay iti yaay ti pagarian ti Dios, intayo idatag dagiti karkararagtayo iti Ama,
ket kunatayo:
AMAMI. . .
M: Ipaaytayo ti kappia iti maysa ken maysa.
(Saan a maikanta wenno maikararag ti “Kordero” gapu ta awan ti panakapisi-pisi ti bagi ni Cristo a
nakairantaan ti kararag a “Kordero”)
M: Daytoy ni Apotayo a Jesus, ti Kordero ti Dios a mangikkat kadagiti basasol ti lubong. Nagasat
dagiti umawat kenkuana.
G: APO, DIAK MAIKARI NGA UMAYKA KANYAK . . .
M: Agyamankam kenka, O mannakabalin a Dios, gapu ti panangawatmi iti komunion a talged ti agnanayon
a pannakaisalakanmi. Ipaaymo kadi, ta ti ad-adda a yaasideg ti fiesta ti pannakaisalakanmi, umad-adda
koma met ti pasnekmi nga agserbi Kenka, tapno mapudnoanminto a rambakan ti misterio ti
pannakaipasngay ti Anakmo, Isu nga agbiag ken agari iti agnanayon nga awan ti inggana. Amen
46

Sacramentary)
PAMENDISION:
M: Bendisionannatayo ti mannakabalin a Dios: ti Ama, ken ti Anak, ken ti Espiritu Santo. Amen.
KANTA A PANGGIBUS. . .
################################################################################
KARARAG MAIPANGGEP KADAGITI DATON
(Dagitoy a kararag ket para laeng iti Padi no adda Misa)
UMUNA NGA ALDAW TI NOVENA

(Diciembre 16, 2023)
Apo, ti Espiritu Santo pinasantona unay ni naingasatan a Virjen Maria. Ipaaymo kadi ta
pasantoenna met dagituy idatonmi iti altarmo. Gapu ken Cristo nga Apomi. Amen.
MAIKADDUA NGA ALDAW TI NOVENA

Apo, pasantoem kad dagituy daton ti Iglesiam, ket ipaaymo ta maikarikami a mataraunan
iti nailangitan a tinapay babaen dagituy natan-ok a misterio ti Eucaristia. Gapu ken Cristo nga
Apomi. Amen.
MAIKATLO NGA ALDAW TI NOVENA

Apo, ipaaymo kadi ta makaay-ayo kam Kenka babaen daytoy a sacrificio, tapno
mairanodkami met iti kinadios ni Cristo, Isu a nangitan-ok iti kinataomi, babaen ti panagbalinna a
tao. Gapu ken Cristo nga Apomi. Amen.
MAIKAPAT NGA ALDAW TI NOVENA

Apo, kitaem kad a si-aayat dagitoy sagot nga iruknoymi iti altarmo, tapno daytuy idaton ti
narasi a kinataomi, mapasanto koma babaen ta nadiosan a bilegmo . Gapu ken Cristo nga Apomi.
Amen.
MAIKALIMA NGA ALDAW TI NOVENA
Kitaem kad, Apo, daytoy naidumduma a sacrificio tapno iti pannakiranodmi iti day tuy a
misterio ti Eucaristia, pudno koma a maawatmi, ti parabor a namnamaenmi. Gapu ken Cristo nga
Apomi. Amen.
MAIKAINNEM NGA ALDAW TI NOVENA

Apo, awatem kad ti isagot ti Iglesiam. Inaramid ta kaasim a maidatonmi ida, ipaay koma
met ta pannakabalinmo ta agbanagda a pakaisalakananmi. Gapu ken Cristo nga Apomi. Amen.
47
MAIKAPITO NGA ALDAW TI NOVENA
Apo, iti panagtalekmi ita kaasim, yegmi a siraragsak dagiti datonmi iti altarmo, iti kasta,
babaen ti graciam madalusankami, babaen met laeng dagituy misterio a paki-ranodanmi. Gapu
ken Cristo nga Apomi. Amen.
MAIKAWALO NGA ALDAW TI NOVENA

Apo, insungsongmo daytuy a sacrificio, tapno isu ti napalongduan a pagday-dayawmi

Kenka; aramidem koma ngarud ta dalusanna dagiti nakemmi, ket yasidegnakam Kenka, tapno
mapudno-enminto a rambakan ti parnakai-pasngay ti Mangisalakan. Gapu ken Cristo nga Apomi.
Amen.
MAIKASIYAM NGA ALDAW TI NOVENA

Apo, awatem kad dagituy sagotmi, tapno iti panangawatmo kadakkuada, maugasan kami
kadagiti basbasolmi, ket sidadalus ti pusomi a mangpadaan iti nagloriaan a yaay ti Anakmo. Gapu
ken Cristo nga Apomi. Amen.
################################################################################
KARARAG A PANGIDAWDAWAT ITI BARO NGA OBISPO
(Maikararag nu malpas iti KARARAG KALPASAN TI KOMUNION)
Nailangitan nga Ama,
Inbaon Mo ni Apo Jesus nga Pastor ti tattaom ken ti Espiritu Santo
a mamagkaykaysa kadakuada.
Tarabayem dagiti nadutokan nga agpili
iti baro nga obispo mi.
Itdem kadakuada iti panirigan ken nasin-aw a pangngeddeng.
Iyebkas Mo ti pagayatam kadakuada.
Agyamankami kadagiti immun-una
nga nangidaulo kadakami
ken dagiti bendisyon a naipaay kadagiti tattao
ditoy Diosesis ti Baguio bayat iti panagserbida.
Apo, ibaon Mo ti Espritu Santom
a mangbendisyon iti agbalin nga baro
nga Obispomi tapno itultuloy na
ti gannuat iti pannakapabaro ti Simbaan,
ken pagkaykaysaenna dagiti parokya,
papadi ken tattao babaen iti ayat,
kinapudno ken kinasirib.
Itdem kenkuana iti puso ti maysa nga mangaywan
a kas ken Jesus, tapno patibkeren na
dagiti nakapsot, mangliwliwa kadagiti naupay,
pasublienna dagiti naiwawa
ken agbalin nga kired a mangsaranget
kadagiti kinadakes ita a panawen.
Babaen iti kinabileg
ti nagan ni Apo Jesus, ikararagmi. Amen
48

SANGKAGIMONGAN A PANAGLUALO Novena (Missa de Gallo)

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

SANGKAGIMONGAN A PANAGLUALO Novena (Missa de Gallo)

Uploaded by

Copyright:

Available Formats

###############################################################

Umuna nga Aldaw ti Novena

SALMO RESPONSORIO: Sal 67:1-2, 4, 6-7

Sungbat: O DIOS, DAYAWENDAKA KOMA DAGITI TATTAO

1. Kaasiannakami, O Dios, ket bendisionannakami; talliawennakami koma a sikakaasi,

3. Pinataud ti daga ti apit nga adu ta binendisionannatayo ti Dios a Diostayo.

Kinuna ni Jesus kadagiti Judio: Nagbaonkayo ken ni Juan, ket pinaneknekanna ti

Kakabsat, rugian tayo ita ti Novena iti panangpasungad iti pannakaipasngay ni

APO, AGRANIAG KOMA TI SILAWMO KADAKAMI

1. Agpaay kadagiti mangidadaulo ti Simbaantayo, tapno maibiagda koma dagiti pammatulad ni

2. Agpaay kadagiti mangidadaulo ti gobiernotayo, tapno mapaneknekan koma kadagiti

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN:

GLORIA ITI DIOS TI KANGATOAN!

I. RITO TI PANAGSAGANA PAKAUNA:

GLORIA ITI DIOS TI KANGATOAN . . .

EBANGHELIO: Juan 1:6-8, 19-28

V. RITO TI PANANGGIBUS PAMENDISION:

Bendisionannatayo ti Dios: ti Ama, ti Anak, ken ti Espiritu Santo. Amen.

Agyamantay iti Dios.

II. LITURHIA TI SAO TI DIOS

UMUNA A MAIBASA Jeremias 23:5-8

SALMO RESPONSORIO Sal 72:1-2,12-13, 18-19

EBANGHELIO Mateo 1:18-25

Kastoy ti pakasaritaan ti pannakayanak ni Jesu-Cristo: Naitulag ni Maria nga inana a

WEN! Ti iya-annugot wenno panagawat iti responsibilidad! Ti Ebanghelyo nga intay

2. Apo, sika ti sarikedkedmi. Paluknengem ti panagpuspuso dagiti amin a mangidadaulo ti

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN:

No maaramid tayo dagitoy a panagsagana, mapadasan tayo ti pudpudno sa Paskua – ti

Bendisionannatayo iti Dios: ti Ama, ti Anak, ken ti Espiritu Santo. Amen.

“Malagipmo ni kabagiam nga Elisabet a kunkunada a lupes? Masikogen nupay baket

Maikaliman nga aldaw! Mano la nga turogen ket Paskuan!

GLORIA ITI DIOS TI KANGATOAN!

LITANIA TI PANAGDAYAW ITI KAASI TO APO:

EBANGHELIO Lucas 1:39-45

Umadanin ti Paskua! Naragsakka kadi?

1. Idawdawatantayo ti Simbaan Katoliko, dagiti mangiwanwanwan ta sapay koma ni Kristo Jesus ti

3. Idawdawatantayo dagiti kakabsattayo a masaksakit, maidadanes tapno

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN:

Mannakabalin ken manangngaasi a Dios, nagbiagka a sidadayag kadakami. Iti panaglabas ti

Kaasiannakami Apo, ket pakikapiaennakam Kenka kasta met dagiti kakakabsatmi.

Apo, mangngaasika… (kanta)

GLORIA ITI DIOS TI KANGATOAN . . .

II. LITURHIA TI SAO TI DIOS

instrumento ti panagbalbaliw iti uneg ti familia ken gimongmi. Iturongnakami a mangibiag ti

Mannakabalin a Dios, asidegen ti pannakaipasngay ti Anakmo. Dawatenmi ta ni Cristo a

II. LITURHIA TI SAO TI DIOS

UMUNA A MAIBASA: Malakias 3:1-4; 23-24.

Agbasa: Daytoy maibasa naadaw iti libro ni profeta Malakias

Ibaonkonto ti babaonek a mangisagana ti dalanko. Ket kellaatto nga umay ti Apo a

SALMO RESPONSORIO: Salmo 25:4-5, 8-9, 10, 14

Sungbat: TUMAKDER KET TUMANGADKAYO, TA ASIDEGEN TI PANNAKAISALAKANYO.

EBANGHELIO: Lucas 1:57-66

Kakabsat, intay idatag iti manangngaasi a Diostayo dagiti an-anek-eken

APO, ISUROM KADAKAMI TI DALAN MO

2. Agpaay kadagiti lideres ti pagiliantayo ta sapay koma ta agtalinaed da a natibker a

Imbaon mo ni Juan a mammunniag tapno isaganana dalan sakbay ti idadateng ni Apomi a

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN:

Mannakabalin ken manangngaasi a Dios, nagbiagka a sidadayag kadakami. Iti panaglabas ti

GLORIA ITI DIOS TI KANGATOAN.”