Sangkagimongan - February 2024

MAIKALIMA A DOMINGO ITI KADAWYAN A TIEMPO .
2
(Pebrero 4, 2024)
MAIKAINNEM A DOMINGO ITI KADAWYAN A TIEMPO . 7

(Pebrero 11, 2024)
MIERCOLES TI KORKUROS . . . . . . 12
(Pebrero 14, 2024)
UMONA A DOMINGO TI CUARESMA . . . . . 18

(Pebrero 18, 2024)
MAIKADDUA A DOMINGO TI CUARESMA . . . . 23

(Pebrero 25, 2024)
N.B.
Daytoy baro nga urnos ken kararag a nausar iti daytoy a prayer service
booklet ket naitulad manipud iti Sunday Assembly without a Priest nga insingasing
ti Episcopal Commission on Liturgy idi Enero 2001 ket inannamungan ti Catholic
Bishops’ Conference of the Philippines ti Plenary Assembly da idi Enero 26, 2001.
Commission on Liturgy
Diocese of Baguio
1
#########################################################################
MAIKALIMA A DOMINGO TI KADAWYAN A TIEMPO
Pebrero 4, 2024
Day of Prayer and Awareness against Human Trafficking
#########################################################################
Tema: NI JESUS ITI MANGNGAGAS NGA APO
I. RITO TI PANANGRUGI
PAKAUNA
Iti daytoy a panawen, napno ti lubong iti kinadakes ken panagtutu-ok, adu dagiti
kailiantayo nga biktima iti kinaranggas ken kinaawan iti linteg. Nasakit a makita nga
awan iti mabalin tayo nga aramiden kadagitoy a panagrigrigatda. Ngem ita nga aldaw,
mapalagipan tayo a saan tayo nga agmaymaysa. Agsagaba tayo man ngem saan natayo a
baybay-an ti Apo: ta babaen ken ni Jesus impakitana ti panangparmekna iti
kinapanglaw ken patay, nagpaspassiar ni Jesus a nangagas kadagiti masaksakit ken
nangpagungar kadagiti natay. Ket datayo a mamati Kenkuana, masapul ngarud a
surotentayo dagiti inkaskasabana tapno maka-ited tayo met iti salunat iti tunggal maysa
ken iti lugar tayo.
Iti nagan ti Ama, ken ti Anak, ken ti Espiritu Santo. Amen. Adda koma kadatayo ti
gracia ken kappia nga aggapu ti Dios nga Amatayo ken ni Jesucristo nga Apotayo.
Madaydayaw ti Dios iti agnanayon.
LITANIA TI PANAGDAYAW ITI KAASI TI APO

Kakabsatko ken Cristo, iti panagrugitayo iti daytoy a rambak, intay dayawen iti
manangngaasi a Diostayo.
Apo Jesus, immayka tapno birukem dagiti mapukpukaw:
Apo, kaasiannakami.
Apo, kaasiannanakami.
Immayka tapno itedmo ti biagmo para iti pagimbagan ti amin:

Cristo, kaasianakami.
Cristo, kaasiannakami.
Pagtitipunem iti maysa a familia dagiti nasina-sina nga annakmo: Apo,

kaasiannakami.
Apo, kaasiannakami.
Kaasiannatay koma ti managayat a Dios, pakawanenna dagiti basbasoltayo ken

iturongnatayo iti biag nga agnanayon. Amen.
GLORIA ITI DIOS TI KANGATOAN…
KARARAG A PANGLUKAT
Apo, dakami a familiam, dayta laeng graciam ti panginanamaanmi. Anansata
dawatenmi ta aywanannakam kadi ket salakniban nakami a di agsarday ta ayatmo.
Gapu ken Apomi a Jesucristo nga Anakmo ket Dios, Isu a makipagbiag ken makipagari
Kenka, ken iti Espiritu Santo, iti agnanayon nga awan ti inggana. Amen.
II. LITURHIA TI SAO TI DIOS
UMUNA A MAIBASA Job 7:1-4, 6-7

Agbasa: Daytoy maibasa naadaw iti libro ni Job.
Rinuggian ni Job ti nagsao ket kinunana: Mayarig ti biag ti tao iti kapilitan a
panagserbi ti soldado; kasla biag ti agtratrabaho iti nadagsen. Kas tagabu a
kalikagumanna ti paglinonganna, kas mangmangged nga agur-uray
2
iti tangdanna. Binulan nga ubbaw ti panagbibiagko; rinabii a ladingit ti malak -amko. No
maturogak, alimbasagennak iti iddak; saanak a makaturog, kayatkon nga aglawag.
Aggibusan dagiti aldawko nga awan namnamak naparpardas ti panaglabasda ngem ti
panaglabas ti barkilia. Lagipem, O Dios, a kasla angin la ti biagko; naggibusen dagiti
ragragsakko.
Ti Sao ti Apo.
SALMO RESPONSORIO Salmo 147:1-2, 3-4, 5-6

Sungbat: MADAYDAYAW TI APO! DAGITI NAUPAY, PARAGSAKENNA.
1. Madaydayaw ti Apo! Nasayaat a kantaen ti pagdayaw iti Diostayo! Nasayaat ken

rumbeng ti mangidaydayaw kenkuana! Ti Jerusalem, bangonen manen ti Apo:
ummongenna dagiti nawarawara nga Israelita. (S)
2. Dagiti naupay, paragsakenna, ket bedbedanna dagiti sugatda. Dagiti bituen,
intudingna ti bilangda, ket iti tunggal maysa adda nagan nga itedna. (S)
3. Naindaklan ti Apotayo; dakkel ti pannakabalinna; saan a matukod ti kinasiribna.
Itan-okna ti napakumbaba, ngem iti managdakdakes, ipababana. (S)
MAIKADUA A MAIBASA 1 Corinto 9:16-19, 22-23

Agbasa: Daytoy maibasa naadaw iti umuna a surat ni San Pablo kadagiti taga -Corinto
Uray no ikaskasabak ti ebanghelio, awan ti kalintegak nga agparammag. Ta

naipabaklay kaniak daytoy nga aramid, ket asiak pay no diak ikasaba ti ebanghelio! No
bukbukodko a nakem a tungpalen ti trabahok, namnamaek a matangdananak. Ngem
aramidek a kas pagrebbengak agsipud ta naipakumit kaniak daytoy a trabaho. Ania ti
tangdanko? Isu laeng ti gundaway a mangikasaba iti naimbag a Damag diak
patangdanan; iti sabali a pannao, diak kalikaguman ti kalintegak a kas agserserbi iti
ebanghelio. Siwawawayaak; saanak a tagabu ti uray siasinoman. Ngem patagabuak iti
amin a tao tapno ad-adu pay ti maawisko. Iti sidong dagiti nakapuy ti pammatina,
agbalinak a kas kadakuada tapno maawisko ida. Iti kasta, iti aniaman a pamuspusan
agbalinak a kas kadagiti amin a tattao iti amin a kasasaadda, tapno adda maisalakanko
kadakuada. Aramidek amin dagitoy gapu iti ebanghelio tapno mairamanak iti
paraburna.
Ti Sao ti Apo.
ALLELUIA Mat 8:17

Alleluia! Alleluia!
Inikkatna dagiti sagubanittayo
ken imbaklayna dagiti sakittayo.
Alleluia!
EBANGHELIO Marcos 1:29-39

Agbasa: Ti sumaganad a maibasa naadaw iti nasantoan nga Ebanghelio a kas insurat ni
San Marcos
Idi napapanawdan iti sinagoga, nagturong a dagus ni Jesus ken dagiti kaduana
da Santiago ken Juan iti balay da Simon ken Andres. Aggurigor idi ti babai a katugangan
ni Simon ket agid-idda. Apaman a simmangpet ni Jesus, imbagana kenkuana ti
kasasaad ti masakit. Iti kasta, napan ni Jesus iti yan ti masakit. Iniggamanna ti imana
ket tinulonganna a bumangon. Iti dayta met la a kanito, awanen ti gurigorna, ket
sinerbianna ida. Idi nakalneken ti init iti dayta nga aldaw, nagdudupudop dagiti tattao iti
dayta a lugar iti sango ti balay a yan ni Jesus. Impanda kenkuana dagiti masaksakit ken
dagiti linuganan ti demonio. Pinaimbag ni Jesus dagiti adu
3
nga agsagsagaba iti nadumaduma a kita ti sakit. Pinaksiatna pay ti adu a demonio,
ngem dina pinalubosan ida nga agsao ta ammoda ti kinasiasinnona
Nasipnget pay laeng iti sumuno a bigat idi bumangon ni Jesus ket
pimmanaw iti balay. Nagturong iti disso nga awan matagtagitao iti ruar ti ili, ket
nagkararag sadiay. Ngem napan binirok ni Simon ken dagiti kakaduana. Idi
masarakanda kinunada kenkuna, “Sapsapulendaka dagiti amin a tattao.” Intayo
kadagiti kabangibang nga ili.” Insungbat ni Jesus. “Masapul a mangasabaak met
kadagita a lugar, ta daytoy ti gapuna a pimmanawak idiay Capernaum.” Ngarud,
sinursurna amin a paset ti Galilea, nangaskasaba kadagiti sinagogada ken
namakpaksiat kadagiti demonio.
Ti Ebanghelio ti Apo.
PAGPAMPANUNOTAN
Kakabsat adda tayon iti maikalima nga Domingo iti kadawyan a tiempo. Ket
nangegan tayo iti umuna a naibasa iti panagladingit ni Job kadagiti napaspasamak
kenkuana. Ket isu met ti sungbat iti Salmo tayo ti kinamanagayat ti Apo ket kuna
ngarud ti Salmista: Madaydayaw ti apo! Dagiti naupay, paragsakenna. Kayatna nga
sawen nga uray ania man ti banag nga intay daldalyasaten, saan na tayo a baybay-
an ti Apo. Iti maikadua a naibasa nga intay nangegan ket inpalawag ni Pablo iti
inna panangikaskasaba ti Naimbag a Damag ket no apay nga saan nga umawat ti
ania man a tulong pinansyal manipud kadagiti taga Corinto. Kayatna nga sawen
nga iti panangikasaba na ti Sao ti Dios ket banag laeng ti panagyaman na ken
paset ti ayat na a sumurot kenni Apo Jesus. Anian nga nagsayaat koma no kastoy
tayo koma met amin? Dayta ti pudpudno a serbisyo nga ipaay tayo iti pada tay
onga tattao. Daytoy kakabsat ti pudpudno koma man nga pangiyusaran tayo ti
pagsasao dagiti GenZ nga sana all? Wen, sana all ket kapadpada ni San Pablo ti
kinadarisay ti puso nga serbisyo ken trabaho lang, walang personalan! Panagserbi
iti Apo Dios babaen iti panagaramid ti nasayaat para ti pagimbagan ti kaadduan.
Ngem baliktad met kakabsat ti adda a mapaspasamak iti Gimong ken Simbaan
tayo, di kadi? Kayat tayo ti agbalin a Minister agsipud ta kayat tayo ti agsikat
wenno mabigbig ket pagpannakkel tay pay ngamin? Ngem ti pa-it na ket saan tayo
met a buyugan ti nasayaat nga aramid! Sana all talaga nga dagiti koma asideg ken
agserserbi iti simbaan ket isuda koma ti pagwadan ngem isuda pay met ti Marites
a number one! Isu nga daytoy nangegan tayo kakabsat ket ikidag na manen
kadatayo nga sana all talaga nga agserbi tayo iti simbaan nga awan ti biruken tayo
a kasukat na! No di ket di aramiden tayo daytoy a pagyaman kadagiti adu a
paraborna kadatayo!
Iti met Ebanghelio kakabsat ket ituloy tayo nga pagpanpanunotan ti

Ebanghelio ni San Marcos. Ket nangegan tayo iti maipapan iti panagserbi ni Apo
Jesus (His public ministry) Ket inagasanna ti katugangan nga babai ni Simon
Pedro, ket apaman nga immimbag ket nagserserbi metten kenni Apo Jesus.
Manen, ti panagserbi na ket pagyaman na ta nakaawat iti grasya manipud ken
Jesus – ti pannakapa-imbagna manipud iti sakit na. Makita tayo ni Apo Jesus nga
kalaksidan iti kaadu ti aramidna kas iti panang[aimbag kadagiti masakit ken iti
inna panangtulong kadagiti amin nga agkasapulan, saan na a liniwayan iti
panagmaymaysana nga agkararag. Ngem adu latta ti nangbirok Kenkuana ta
nakita wenno napaneknekanda dagiti naisangsangayan nga inaramidna
kadakuada. Ammoyo kakabsat, kastoy met ti mapasamak kadatayo no nasayaat iti
panagserbi ken pannakilangen tayo iti padatayo a tao, sapulen da tayo ti tao ket
saan da a malipatan dagitoy nasayaat nga naipaay tayo. Ngem ti sabali a bangir,
adu latta met dagitay tattao nga saan da nga ammo a bigbigen dagiti naipapaay
kadakuada ket isu da pay ti umuna nga mangirurumen kadagiti nakaipaay
kadakuada iti nasayaat. Kasta met kenni ni Apo Jesus. Dagiti natulunganna, mano
kadi kadakuada ti nagyaman ken nangbigbig kadagitoy nga inaramid na? Ket
4
datayo ngarud kakabsat nga adda ditoy ita: nabilang wenno nabigbig tayo kadin ti
kaadu ti bendisyon nga maaw-awat tayo manipud iti Dios? Umuna unay ket iti
panagriing tayo iti baro nga agsapa! Adda kadatayo ti kapatgan a sagut- sagut ti
BIAG! Masapul ngarud a bigbigen tayo ti kasayaat ken kinamanagparapor ti Dios
kadatayo ket dayta koma met a kinaimbag iti intay iburay kadagiti pada tayo a
tattao. Sapay koma ta kasta.
PANANGIPADUYAKYAK TI PAMMATI (Nicene Creed)

Mamatiak iti maymaysa a Dios...
KARARAG A SAPASAP
Baro a biag ti intuyang ti Ama kadatayo babaen kenni Apo Jesus a Cristo
nga immay nagserbi. Aw-awagan natayo ti Ama a sumurot ken Apo Jesus babaen
ti panagayat tayo iti pada tayo a tao. Tapno ngarud makapudno tayo a sumungbat
iti daytoy nga awag intay ngarud agkamang iti Ama ket kunatayo iti tunggal
panggep: APO, PAGBALINENNAKAMI NGA INSTRUMENTO TI AYAT MO.
1. Inpakita ni Apo Jesus ti ayat ti Ama babaen ti panangpaimbag na ti adu a

masakit. Agtalinaed koma ti Simbaan a sakramento ti Apo Jesus babaen tik
panagiinnayat tayo a kamengna. Kumararag tayo iti Apo. (S)
2. Nagkararag ni Apo Jesus sakbay a napan iti sabali nga ili tapno mangagas
Ken mangaskasaba. Mataginayon koma ti gagar ken kired ni Santo Papa
N---, dagiti obispo, papadi ken relihioso nga agserbi kadagiti tao ken
maikanunong ti biagda ken Apo Jesus babaen iti kanayon a
panagkararagda. Kumararagtayo iti Apo. (S)
3. Maragsakan ni San Pedro ti kaadu ti tao ket binirokna ni Jesus tapno
tamingenna ida. Agserbi koma a siaayat ken sipupudno dagiti mangidadaulo
ti pagiliantayo. Kumararagtayo iti Apo. (S)
4. Intuloy ni Apo Jesus a pinaimbag dagiti masaksakit uray idi rumabiin.
Mataginayon koma ti anus ken gaget dagiti doctor, nars ken dagiti
mangsalaknib iti salun-attayo iti panangitungpal da iti sinapataanda a
trabaho. Kumararagtayo iti Apo. (S)
5. Naindaklan a mangagas ni Apo Jesus. Ikkanna koma ti namnama dagiti
masaksakit ket maikkan ti kaipapanan ti panagsagaba da. Kumararagtayo
iti Apo. (S)
6. Agpaay kadagiti amin a pimmusayen ditoy a biag, tapno magun-odda koman
ti nailangitan a pannilaw ti Apo. Kumararagtayo iti Apo. (S)
Dios nga Amami, sagutmo kadakami ti tarigagaymi nga agserbi. Dawatenmi

ti tulongmo ta ibiagmi daytoy a tarigagay tapno maikarikamto nga agbiag iti
pagariam. Gapu ken Cristo nga Apomi. Amen.
III. RITO TI NASANTOAN A KOMUNION

(Mairuar ti Santisimo Sakramento ita manipud iti tabernakulo ket maikabil iti altar
ngem saan pay a maikkat ti kalub ti ciburium. Masindian ti dua a kandela sa
maikararag ti sumaganad a kararag.)
KARARAG TI PANAGDAYAW KEN PANAGYAMAN

Intay agdayaw ken agyaman iti Apo gapu iti agnanayon ken awan inggana
nga ayatna kadatayo, ket kunatayo:
DAYAW KEN GLORIA TI AGPAAY KENKA, APO!
SALMO 100 (Kanta a Pagdaydayaw)
Kantaanyo ti Apo, dakay amin nga agnaed iti daga!
Agdaydayawkayo a siraragsak kenkuana!
Inkay iti sangoananna iti naragsak a kanta!
5
Bigbigenyo a ti Apo ket Dios.
Isu ti namarsua kadatayo, ket kukuanatayo.
Wen, tattaonatayo, ket datayo ti arbanna.
Sumrekkay a napnoan iti panagyaman iti templona.

Agdaydayawkayo a mapan iti santuariona!
Agyamankayo kenkuana; itan-okyo ti naganna!
Ta naimbag ti Apo
Ket agnanayon ti awan inggana nga ayatna.
Agnanayon ti kinapudnona.
Makikaysakami ken ni Francisco a Santo Papami, ni N. a Obispomi, ni N. a

kura parokomi, ken ti entero a Simbaan a naisaknap iti sangalubongan iti inkam
panagyaman ken panagdayaw Kenka, Dios nga Amami, gapu ti Anakmo, ni Apomi
a Jesucristo, Isu a nakipagbiag ken nakipagari Kenka ken ti timpuyog ti Espiritu
Santo, Dios nga agnanayon nga awan ti inggana. Amen.
PAKAUNA TI AMAMI
Iti pagustayo para iti yaay ti pagarian ti Dios, intay idatag ti kararagtayo ti
Amatayo:
AMAMI …
PANANGIPAAY TI KAPPIA
Iti kinamanagayat ni Cristo, ipaaytayo ti kappia iti maysa ken maysa
kadatayo.
(Saan a maikararag wenno maikanta ti “Kordero ti Dios” gapu ta awan ti
panakapisi-pisi ti bagi ni Cristo a nakairantaan ti “Kordero ti Dios”.)
PANANGIYAWIS TI KOMUNION
Adtoy ti Kordero ti Dios, adtoy ti mangikkat kadagiti basbasol ti lubong.
Nagasat dagiti naayaban nga umawat Kenkuana iti padayana.
Apo, diak maikari nga umayka kaniak…
KARARAG KALPASAN TI KOMUNION

O Dios, kinayatmo a makiranodkami iti maymaysa a padaya, tapno
madedegan ti pannakikaysami ken Cristo. Ipaaymo kadi ta mamataodkami
kadagiti bunga a pakaisalakanan ti lubong. Gapu ken Cristo nga Apomi. Amen.
IV. PANANGIDATON KADAGITI SAGUT KEN PANAGCOLEKTA

(Daytoy iti gundaway nga intay panagkolekta ken panangidaton kadagiti sagut nga
agpaay iti simbaan ken kadagiti makasapul iti tulongtayo. Maikanta iti maiyannatop
a kanta.)
V. RITO TI PANANGGIBUS
PAMENDISION
Ti panagtuok ket agtalinaed a riribuk iti namoralan a rikna wenno maysa a
misterio. No mabalin koma ket ditay ikkan attensyon, indengan, itarayan wenno
kasla awan ti problema, ngem iti maysa a Katoliko saantayo a mabalin nga
itarayan dagitoy. Babaen iti pammatulad ni Jesus, situtured ken
sipapakumbabatay koma a mangsursuro nga awiten dagiti parikuttayo.
6
Bendisionannatayo koma ti mannakabalin a Dios: ti Ama, ken ti Anak, ken ti
Espiritu Santo. Amen.
Nalpasen ti sangkagimongan a panaglualotayo, intayon iti kappia ti Apo.
Kanta a Panggibus...
####################################################################
MAIKAINNEM A DOMINGO TI KADAWYAN A TIEMPO
Pebrero 11, 2024
World Day of the Sick
####################################################################
Tema: NI JESUS A MANGISALAKAN KET NANGSAGID ITI AGKUKUTEL
PAKAUNA
Adu dagiti pasamak iti biagtayo a pakariknaantayo ti pudno a panagayat ti
Dios kadatayo. Kadagiti amin a pakarikutantayo, nakasagana ti Dios a mangsagid
kadatayo tapno itedna ti pammakawan ti basbasoltayo; tapno bang -arannatayo no
adda liday ken mangted pigsa no nakapsuttayo. Ipalubostay ngarud ita a
sagidinnatayo ti Dios tapno ipaayna ti bendisionna. Dawatentay ti grasiana a
mangliwliwa kadatayo.
Iti nagan ti Ama, ken ti Anak, ken ti Espiritu Santo. Amen. Kakabsat,
awisennatayo ti Dios a dumngeg ti Saona ken makiranod iti Bagi ni Cristo.
Dayawentay Isuna gapu iti kinaimbagna. Madaydayaw ti Dios iti agnanayon.
LITANIA TI PANAGDAYAW ITI KAASI TI APO
Kakabsatko ken Cristo, iti panagrugitayo ti panagrambaktayo, intay

dayawen iti manangaasi a Diostayo.
Apo Jesus, sika ti dalan a mangitunda kadakami iti Ama: Apo,

kaasiannakami.
Apo, kaasiannanakami.
Apo Jesus, sika iti pudno a manglawag kadagiti tattaom: Cristo,

kaasianakami.
Cristo, kaasiannakami.
Apo Jesus, sika ti biag a mangpabaro iti lubong: Apo, kaasiannakami.

Apo, kaasiannakami. Kaasiannatay koma ti managayat a Dios, pakawanenna dagiti
basbasoltayo ken iturongnatayo iti biag nga agnanayon. Amen.
GLORIA ITI DIOS TI KANGATOAN…
KARARAG A PANGLUKAT
O Dios, ragsakem ti agtaeng iti kararrua dagiti napudno Kenka.

Tulongannakam koma ngarud nga agbiag iti kasta a kinasingpet, tapno
kankanayon laeng nga agtaengka iti uneg ti pusomi. Gapu ken Apomi a Jesucristo
nga Anakmo ket Dios, Isu a makipagbiag ken makipagari Kenka, ken iti Espiritu
Santo, iti agnanayon nga awan ti inggana. Amen.
7
UMUNA A MAIBASA Levitico 13:1-2, 44-46
Agbasa: Daytoy maibasa naadaw iti libro ti Levitico
Inted ti Apo kada Moises ken Aaron dagitoy nga alagaden. No adda gaddil ti
maysa a tao wenno letteg busali wenno limteg iti kudilna a mabalin nga agtinnag a
makaakar a sakit ti kudil, masapul a maidatag iti padi a nagtaud iti kapuonan ni
Aaron. Ipakaammo ti padi a narugit ti tao iti imatang ti linteg ta adda makaakar a
sakit ti kudil ti ulona. Masapul nga agkawes iti pigispigis ti tao nga addaan iti
makaakar a sakit ti kudil, dina sagaysayen ti buokna, abbonganna ti akimbaba a
paset ti rupana sana ipukkaw, “Narugitak, narugitak!” Maibilang a narugit agingga
iti umimbag ti sakit ti kudil; masapul nga agyan iti ruar ti kampo, iti adayo dagiti
tattao.
Ti Sao ti Apo.
SALMO RESPONSORIO Salmo 32:1-2, 5, 11
Sungbat: SIKA TI PAGKAMANGAK; ITI RIRIBUK, SALAKNIBANNAK.
1. Nagasat ti tao a napakawan dagiti basolna ken napunas dagiti
salungasingna. Nagasat ti tao nga awan ti ipabasol ti Apo kenkuana, ket
awan kinasikap a masarakan iti pusona. (S)
2. Impudnok kenka dagiti basolko; diak inlimed dagiti labsingko. Kinunak,
“Impudnok iti Apo dagiti basbasolko,” ket pinakawanmo dagiti amin a
salungasingko. (S)
3. Dakayo a nalinteg a tattao, agrag-okayo iti Apo! Wen, agragsakkayo gapu
iti impaayna! Agriawkayo iti ragsak, dakayo amin nga agtulnog
kenkuana. (S)
MAIKADUA A MAIBASA 1 Corinto 10:31 – 11:1
Agbasa: Daytoy maibasa naadaw iti umuna a surat ni San Pablo kadagiti taga-
Corinto
No adda aniaman nga aramidenyo, mangan man wenno uminomkayo,
aramidenyo a pakaidayawan ti Dios. Dikay agaramid iti aniaman a pakaigapuan
nga agbasol dagiti Judio wenno Gentil wenno ti iglesia ti Dios. No siak la a maysa,
ikagumaak a pagustoan ti amin a tao iti aniaman nga aramidek; saan a ti
pagsayaatak ti pampanunotek, no di ket ti pagimbagan ti amin tapno
maisalakanda. Tuladendak ngarud a kas iti panangtuladko ken Cristo.
Ti Sao ti Apo.
ALLELUIA Luc 7:16
Alleluia! Alleluia!
Nagparang kadatayo iti maysa a naindaklan a profeta!
Sinarungkaran ti Dios dagiti tattaona!
Alleluia!
Agbasa: Ti sumaganad a maibasa naadaw iti nasantoan nga Ebanghelio a kas
insurat ni San Marcos.
Adda agkukutel a napan ken ni Jesus. Nagparintumeng ket nagpakpakaasi
kenkuana. “No kayatmo, mapaimbagnak,” kinunana. Naasian ni Jesus, ket
sinagidna ti agkukutel. “Kayatko,” kinunana. “Umimbagkan!” Dagus a naikkat ti
kukutel ti lalaki ket immimbagen. Sakbay a pinapanaw ni Jesus, binilinna iti
nainget : “Denggem! Awan pangibagbagaam iti daytoy. Inka agparang iti padi tapno
kitaennaka. Kalpasanna, kas imbilin ni Moises,
8
mangipaayka iti daton a pammaneknekmo kadagiti tattao nga immimbagkan.”
Ngem idi nakapanawen ti lalaki , impadpadamagna ketdi ti napasamak kenkuana.
Isut gapuna a saanen a makastrek a silalatak ni Jesus iti uray ania nga ili, nagyan
ketdi kadagiti disso nga awan matagtagitao. Uray no kasta, dinanon dagiti tattao a
naggapu kadagiti nadumaduma a lugar.
PAGPAMPANUNOTAN
Iti umuna a naibasa nga intay nangegan, naiyetnag kada Moises ken Aaron
iti reglamento maipapan iti panagkukutel. Uray kadagitoy a panawen, adu dagiti
naduma-duma nga rikriknaen ti tattao, ubbing man wenno manakman aglalo iti
agbaliw-baliw a temperatura tayo. Masansan nga uray kasano iti panagannad tayo
ket adda latta met tiempo nga saan tayo a maliklikan daytoy. Iti met Salmo tayo
ket palagipan natayo nga mangbigbig kadagiti nagbiddutan tayo ken agbabawi
kadagiti basbasol tayo. Napintas unay daytoy nga awis iti intay panagsagsagana iti
sumungad nga Panawen Litrugico tayo – ti Kuaresma nga mangrugi inton
Mierkoles kurkuros nga mapasamak inton Pebrero 14. Iti met maikadua a naibasa,
inallokoy met ni San Pablo dagiti taga Corinto nga tuladen da isuna a kas iti
panangtulad na kenni Cristo.
Idi tiempo ni Jesus, adda dagiti pagannurutan iti sosiedad ken kasta metten
ti relihiyon da idi maipapan iti daytoy a sakit. Iti ngarud Linteg ni Moises, ket dagiti
papadi ti mangamiris ti sakit ti kudil dagiti umili ket no makita da nga kukutel ti
sakit ti maysa nga tao, ket managan ngarud daytoy tao nga narugit, ket maisina
manipud iti gimong wenno kumunidad. Mabagaan dagitoy nga agkukutel nga
pigisen da ti bado da ket ipukkaw da nga sumungadda tapno iti kasta ket malisian
ida dagiti tattao. Ket no metten naagasandan, adda latta met iti Linteg ni Moises
nga mapan iti makuna nga rito iti pannakapadalus kat kalpasanna, dayta tao nga
immimbag manipud iti kukutel na ket agsublin iti gimong wenno kumunidad.
Iti met Ebanghelyo, nangeg tayo manen iti inistoria ni San Marcos maipapan
iti pannakaagas dagiti masaksakit nga inaramid ni Jesus sadiay Galilea. Ti sakit a
kukutel ket maysa a sakit ti kudil maka perdi iti porma ti bagi nga daytoy ket
nagadu ti kaipapanan na iti historia iti Jerusalem. Ti sakit nga kukutel ket maysa
nga infection iti kudil ket daytoy ket makaalis no ti umasideg iti daytoy addaan
sakit a kukutel ket addaan iti “open wound” ngem no awan ti sugat ti umasideg ket
saan nga maakaran, dayta ti kunkuna dagiti nalalaing nga mangngagas.
Daytoy iyaasideg na ken Jesus ket makuna tayo nga maysa nga kinatibker
ken kinatured. Ti kinatured ti pakinakem dayta nga agkukutel ken ti pammati na
iti kinabileg iti pannakapaimbag ni Jesus kenkuana ket makita tayo iti kiddaw
dayta nga agkukutel. Ket iti sabali a banger, maysa met a karit kenni Jesus ti inna
pangiyawat ti imana a mangagas kenkuana. Kabayatan ngarud nga ag-agasan ni
Jesus ti agkukutel, nakaaramid met ni Jesus iti maikaniwas iti Linteg ni Moises.
Ngem ditoy tayo nga makita nga ti asi ken ayat ni Jesus iti masakit ken
agkasapulan ket nangatngato ngem iti linteg. Ngem numan pay kasta saan unay a
naglabsing ni Jesus iti linteg ta binagaan na ti napaimbag nga agkukutel nga saan
na nga ipadpadamag daytoy nga inaramid ni Juses kenkuana. Ngem saan a
tinungpal ti agkukutel daytoy ta gapu iti ragsak na, inpakaammo na iti kaaduan
nga simmayaaten isuna, nga immimbagen manipud iti kukutel na. Nga nadalus
manen isuna! Ngem ti maikadua nga inbilin ni Jesus iti agkukutel iti mangipakita
nga saan a linabsing ni Jesus ti linteg ta binaon na to naagasan nga mapan na
iparang ti bagi na nga naagasanen kadagiti papadi.
Ipakita ngarud ni San Marcos nga iti panagpaimbag ni Jesus kadagiti
addaan sakit ket maysa nga rason nga adda rigrigatnan nga agpasyar ni Jesus
kadagitoy nga luglugar ta nabara ti kita dagiti papadi ken panglakeyen ti
9
linteg ken ni Jesus.
Datayo, kakabsat. Adda kadi rikriknaen tayo? Adda kadi nasakit kadatayo
nga kayat tayo met ti maaddaan iti kinatured nga managyab kenni Apo Jesus
kadatayo tapno paimbagen natayo? Kayat tayo kadi met nga iyawat ti imatayo ken
Jesus tapno dalusan natayo iti kinarugit tayo tapno ipaayna ti bileg ti
panangsagidna kadatayo? Agpakaasitayo ngarud Kenkuana tapno
paimbagennatayo. Sapay koma ta kasta.
PANANGIPADUYAKYAK TI PAMMATI (Nicene Creed)

Mamatiak iti maymaysa a Dios...
KARARAG A SAPASAP
Dios nga Amami, di matukod ti kinaimbagmo ket sika ti gubuayan ti amin a
kinasayaat. Adtoykami nga annakmo nga agkamang kenka kadagiti kasapulanmi
iti panagbiagmi. Tunggal kararag kunatayo: APO, DENGGENNAKAM KADI.
1. Agpaay ken ni Santo Papa, dagiti Obispo, papadi ken amin a tumultulong iti
simbaan ta babaen ti grasia ti buniag ken ti naisangsangayan a
pannakadutokda agnanayon koma ti kiredda a mangiwaragawag ti Naimbag
a Damag. Dawatenmi kenka Apo. (S)
2. Agpaay kadagiti mangiturturong ti gobiernotayo ta tamingenda koma ti
rumbeng a kasapulan dagiti tao saan ket a dagiti bukodda a pagimbagan.
Dawatenmi kenka Apo. (S)
3. Agpaay kadagiti addaan iti sagubanit ti bagi ta ikamangda dagiti
panagsagabada ken ni Apo Jesus a nagsagaba ken natay gapu kadatayo.
Dawatenmi kenka Apo. (S)
4. Agpaay kadagiti mangngagas iti ospital ken iti Gimong, ta sapay koma ta
sidadaan da nga sumungbat iti awag iti panagpatulong manipud kadagiti
tattao nga addaan pagkasapulan iti medico ket sapay koma ta mataming da
manipud iti saksakit da. Dawatenmi Kenka Apo. (S)
5. Agpaaay kadagiti simmina iti pammati ta tignayen koma ti Dios ida ta
agsublidan iti pammati a nakabuniaganda. Dawatenmi kenka Apo. (S)
6. Agpaay kadagiti agngangabit ken patay ta tulongan koma ti Dios ida a
mangawat iti kinapudno ti kasasaadda ket makikaysadanto iti Ama iti
agnanayon a biag. Dawatenmi kenka Apo. (S)
Ama, agbalin kadi dagiti inyebkasmi a kararag nga instrumento ti

yaasidegmi kenka. Dimo rukoden ti kinasiasinomi babaen ti aramidmi
ngem, aklonennakam iti regtami nga agbabawi iti kinadakesmi. Dawatenmi
dagitoy gapu ken Cristo nga Apomi. Amen.

SALMO 118:1, 19-29

(Kararag a Pagyaman iti Panagballigi)
Agyamantayo iti Apo, agsipud ta isu ket naimbag, agnanayon ti napudno

nga ayatna ket kunatayo:
“AGNANAYON TI DI AGBALBALIW NGA AYATNA.”
Luktanyo ti ruangan ti kinalinteg,

Ta sumrekak nga agyaman iti Apo!
10
Daytoy ti ruangan ti Apo;
Dagiti laeng nalinteg ti makastrek.
Agyamanak kenka, O Apo, ta impangagnak,
Ken sika ti nangisalakan kaniak.
AGNANAYON TI DI AGBALBALIW NGA AYATNA.
Ti bato nga imbelleng dagiti agipatpatakder,

Nagbalin a kangrunaan a pasuli.
Aramid daytoy ti Apo,
Anian a nakakaskasdaaw iti imatangtayo!
Daytoy ti aldaw nga inaramid ti Apo.
Agragsak ken agrambaktayo.
O Apo, isalakannakami:
Dawatenmi kenka a pagballigiennakami.
Nagasat ti umay ti nagan ti Apo!
Bendisionandakayo manipud iti balayna.
Ti Apo isu’t Dios, ket innikkanatay iti silaw.
Agiggemkayo kadagiti sangsanga,

Ket aglibutkayo a mapan iti altar.
Sika ti Diosko ket agyamanak kenka;
Ipaduyakyakko ti kinatan-okmo.
Agyamankay iti Apo, agsipud ta isu ket naimbag;
Agnanayon ti napudno nga ayatna.

PAKAUNA TI AMAMI
Ita, intay kumararag a sitatalek a kas dinawat ni Cristo nga Apotayo:
AMAMI NGA ADDA’T SADI LANGIT…
kadatayo.

Kalpasan ti pannanganmi iti nailangitan a taraon, ipaaymo kad, Apo, ta
kankanayon a tarigagayanmi ti tinapay ti biag. Gapu ken Cristo nga Apomi. Amen.
11
(Daytoy iti gundaway nga intay panagkolekta ken panangidaton kadagiti saguttayo
nga agpaay iti simbaan ken kadagiti makasapul iti tulongtayo. Agkantatayo iti
maiyannatop a kanta. cf Supplement to the Roman Sacramentary)
Kitaenyo, anian a kinaragsak no adda panagkaykaysa ken panagsisinnakit.
No awatentayo iti tunggal maysa a kabsattayo; awan ti nababa, awan ti nangato,
saantayo nga agaapa wenno agririri.
Bendisionannatayo koma ti Dios, salaknibannatayo ti amin a kinadakes,

ken ipannatayo ti biag nga agnanayon: ti Ama, ken ti Anak, ken ti Espiritu Santo.
Amen.
Nalpasen ti sangkagimongan a panaglualotayo, intayon iti kappia ti Apo.
Kanta a Panggibus…
####################################################################
MIERKOLES TI KORKUROS
Pebrero 14, 2024
####################################################################
Tema: NI JESUS TI MANGITURONG KADATAYO ITI PANAGDALYASAT TAYO ITI
TIEMPO TI CUARESMA
PAKAUNA
Ita nga aldaw intay rugian ti tiempo ti Kuaresma, ti aldaw a panangikkat
kadagiti naduma-duma a maskaratayo ket itaengtayo ti rupa ken pusotayo iti Apo.
Iti daytoy nasantoan nga aldaw, nasayaat met no panunotentayo ti kaipapanan ti
biagtayo. Siasinoak kadi ken apay nga addaak ditoy? Agbibiagak kadi iti Dios ken
iti komunidadmi?
Maawistayto nga agpakuros ti dapu ti mugingtayo ket kunanto ti

mangidaulo, “Agbabawikayo ket mamatikayo iti Ebanghelio. Ngarud, intay iwaksi
dagiti makadadael ken makalapped ti pannakikaysatayo ken Apo Jesus.
Iti nagan ti Ama, ken ti Anak, ken ti Espiritu Santo. Amen.

Madaydayaw ti Dios Ama ken ti Dios Anak ken ti Dios Espiritu Santo.
(Awan iti Rito ti Panagbabawi gapu iti mapasamak nga Rito ti Panangimaldit ti
Dapu.)
KARARAG A PANGLUKAT
Ipaaymo kad, Apo, ta babaen ti nasantoan a panagayunomi, irubbuatmi ti
panagserbimi a kas soldadosmo, tapno iti pannakigubatmi kadagiti pagdaksan ti
kararruami, masalaknibankami babaen ti panangparparit ken panangtepteppelmi
iti bagimi. Gapu ken Apomi a Jesucristo nga Anakmo ket Dios, Isu a makipagbiag
ken makipagari Kenka, ken iti Espiritu Santo, iti agnanayon nga awan ti inggana.
Amen.
12
UMUNA A MAIBASA Joel 2:12-18 Agbasa:
Daytoy maibasa naadaw iti libro ni profeta Joel.
Kuna ti Apo: “Agbabawikayo iti amin a pusoyo ket agsublikayo kaniak;

agayunar, agsangit ken agdung-awkayo. Ipakita ti agsensenaay a pusoyo ti
landingityo; saan nga umdas ti panangray-abyo iti pagan-anayyo.” Agsublikayo iti
Apo a Diosyo. Naasi ken managparabur; naanus ket tungpalenna ti karina;
sidadaan a mamakawan, a saan ket a mangdusa. Nalabit a balbaliwan ti Apo a
Diosyo ti panunotna, ket paraburannakayto iti adu nga apit. Iti kasta, addanto
makan ken arak nga idatonyo kenkuana.
Puyotenyo ti trumpeta idiay Bantay Sion; ibilinyo ti panagayunar dagiti
tattao; angayenyo ti gimong. Ummongenyo dagiti tattao; isaganayo ida a tumabuno
iti nasagradoan a gimong. Yegyo dagiti babbaket ken lallakay; ummongenyo dagiti
ubbing, uray pay dagiti maladaga. Uray dagiti kakaskasar, masapul a panawanda
ti balayda ket umayda. Dakayo a papadi nga agserserbi iti Apo, iti nagbaeten ti
altar ken ti ruangan ti Templo, masapul nga agsangit ken agkararagkayo; kunayo,
“Kaasiam dagiti tattaom, O Apo. Dimo ipalubos a lalaisen ken pagang-
angawandakami dagiti sabali a nasioin iti panagkunada; ‘Sadino ti yan ti Diosyo?’
“Kalpasanna, impakita ti Apo ti panangipategna iti dagana; kinaasianna dagiti
tattaona.
Ti Sao ti Apo.
SALMO RESPONSORIO Salmo 51:1-2, 3-4, 10-11, 12.15

Sungbat: KAASIANNAKAM KAD, O APO, TA NAGBASOLKAMI.
1. Iti di agbalbaliw nga ayatmo kaasiannakam kadi, O Diosko; iti

kinaimbagmo punasem kadi dagiti basolko. Ugasam a mamimpinsan ti
kinadakesko, ket dalusannak kadagiti basbasolko! (S)
2. Bigbigek a nagbiddutak, ket dagiti basbasolko silalagipak. Nagbasolak
kenka, wen, sika laeng ti nagbasolak, nagaramidak iti saan a makaay-
ayo kenka. (S)
3. Parsuaem kaniak, O Dios, ti nadalus a puso, ket ikkannak iti baro ken
napudno nga espiritu; dinak pagtalawen iti imatangmo; dimo ipanaw
kaniak ti Espiritu Santo. (S)
4. Isublim kaniak ti rag-o ti panangisalakanmo, ket ikkannak iti
natulnog nga espiritu. Apo, tulongannak nga agsao, ket idaydayawkanto.
(S)
MAIKADUA A MAIBASA 2 Corinto 5:20-6:2

Agbasa: Daytoy maibasa naadaw iti maikadua a surat ni San Pablo kadagiti taga-
Corinto.
Adtoykami a pannakangiwat ni Kristo. Kasla ti Dios a mismo ti agdawdawat

kadakayo. Iti nagan ni Kristo, yunay-unaymi a makikappiakayo iti Dios! Awan
basol ni Kristo. Ngem gapu kadatayo, nairaman kadagiti basoltayo tapno iti
pannakipagmaymaysatayo kenkuana, mairanudtayo iti kinalinteg ti Dios. Ngarud,
iti pannakipagtrabahomi iti Dios, ipakpakaasimi daytoy kadakayo: Naawatyon ti
parabur ti Dios ket diyo ipalubos nga awan kapapaayanna. Ta kuna ti Dios,
“Dinengngegka iti dayta a tiempo tapno paraburanka.
Tinulonganka iti dayta nga aldaw tapno isalakanka.” Dumngegkayo:
Adtoyen ti tiempo ti parabur; itan ti aldaw a pannakaisalakan!
Ti Sao ti Apo.
13
AKLAMASION TI EBANGHELIO Sal 51:10-12
(Mangrugi ita nga aldaw nga saan a makanta ti ALLELUYA)
Dayaw ti maipaay kenka, O Kristo, ari ti agnanayon a gloria!
Parsuaem kaniak, O Dios, ti nadalus a puso.
Isublim kaniak ti rag-o ti panangisalakanmo.
Dayaw ti maipaay kenka, O Kristo, ari ti agnanayon a gloria!
EBANGHELIO Mateo 6:1-6, 16-18

insurat ni San Mateo
Kinuna ni Jesus kadagiti adalanna: “Kitaenyo ta diyo pagpasindayag ti
panagtungpalyo iti pagrebbenganyo iti relihionyo. Ta no kasta ti aramidenyo,
dinakayto gunggonaan ni Amayo sadi langit. Ngarud, no manglimoska, dimo
iwarwaragawag a kas iti ar-aramiden dagiti aginsisingpet iti uneg dagiti sinagoga
ken kadagiti kalsada. Ar-aramidenda daytoy tapno idaydayaw ida dagiti tattao.
Laglagipenyo nga inawatdan ti gunggonada. No manglimoska, mangtedka a saan a
maammoan ti uray kaasitgan a gayyemmo, no di ket aramidem a sililimed. Ket ni
Amam a makakita iti aramidmo a nalimed, gunggonaankanto.
“No agkararagkayo, diyo tultuladen dagiti aginsisingpet! Igagarada ti
agkararag a sitatakder kadagiti sinagoga ken kadagiti kalkalsada tapno makita ida
dagiti tattao. Laglagipenyo nga inawatdan ti gunggonada. Ngem no agkararagka,
sumrekka iti kuartom, irikepmo ti ridaw, saka agkararag iti nalimed,
gunggonaannakanto.
“No agayunarkayo, diyo ipakita iti naliday a langa a kas kadagiti
aginsisingpet, ta agpammarangda a nakapimpiman tapno maammoan dagiti tattao
nga agay-ayunarda. No agayunarka, agdiram-os ket urnosem ti buokmo tapno
awan makadlaw nga agay-ayunarka no di laeng ni Amam a di makita. Ket isu a
makaimatang iti aramidmo a nalimed, gunggonaannakanto.”
PAGPAMPANUNOTAN
Ti Mirekoles Kurkuros ket isu ti ruangan tayo nga mangrugi nga agdalyasat
iti panawen ti Kuaresma. Ket ita ngarud nga aldaw ket intay agayunar sinyal iti
intay pannakikaysa iti intero nga Simbaan Katoliko iti panagdalyasat a
mangilaglagip iti pannakaisalakan tayo gapu iti sakripisyo nga indaton ni Apo
Jesus para kadatayo. Intay awaten ti dapo a maimaldit iti muging tayo a kas tanda
iti panangawat ken panangipakita tayo iti intay panagbabawi ken panagbalbaliw
tayo. Panawen iti pannakipagdalyasat kenni Cristo. Ti panawen ti Kuaresma ket
agbayag iti innem a Domingo gundaway nga intay ilagip iti panagtutuok,
pannakatay, panagungar ken ti iyuuli ni Apo Jesus sadi langit. Tanda iti
pannakaisalakan tayo. Kuna ngarud ni Santo Papa Francisco nga ti panawen ti
Kuaresma ket tiempo iti pannakapabaro wenno panagbalbaliw iti intero a Simbaan,
iti tunggal kumunidad wenno Gimong ken ti tunggal mamati. Panawen ti grasya...
panawen iti pangngaasi ken panagayat.
Iti intay nangegan iti umuna a naibasa manipiud kenni Profeta Joel: Kuna ti
Apo: “Agbabawikayo iti amin a pusoyo ket agsublikayo kaniak; agayunar, agsangit
ken agdung-awkayo. Ipakita ti agsensenaay a pusoyo ti landingityo. Daytoy ngarud
ti ayab wenno pannakapalagip tayo manen nga agbabawi babaen iti panagayunar
ken panag-abstinensya nga dagitoy nga dua ti napateg nga paset ti Kuaresma. Ur-
urayen na tayo ni Apo Dios nga agsubli Kenkuana ket daytoy panawen ta isu ti
rumbeng nga tiempo iti intay manen panangabaruanan iti biag tayo tapno maikari
tayo nga agsubli Kenkuana. Iti
14
met maikadua a maibasa, kuna ni San Pablo: Iti nagan ni Kristo, yunayunaymi a
makikappiakayo iti Dios! Pannakisinnubli ken Apo Dios ta napugsat ti singgalot ti
relasyon tayo Kenkuana gapu kadagiti biddut ken basol nga inaramid tayo iti
panagbiag tayo. Mas pinili tayo ti naisebbang iti madi nga aramid ken basol ngem
tay nagsakripisyo nga nagteppel iti panakasulisog.
Ti panawen ti Kuaresma kakabsat ket ipalagip na kadatayo iti panagsubli iti
Managayat, Mannakaawat ken Mangngaasi nga Amatayo sadi langit. Daytoy a
timepo ngarud ket ipaayna kadatayo dagiti nagadu nga oportunidad iti intay
manen panangpabaro ken panangbangon manen iti pannakilangen tayo ken Cristo
ken ti pada tayo a tattao. Agur-uray ni Apo kadatayo iti panagsubli tayo Kenkuana
babaen iti intay panangselebrar it Sakramento ti Confesar. Isu nga daytoy a
panawen ti Kuaresma nga intay rugian ita nga aldaw ket panawen iti pannakagun-
od ti grasya, ayat ken kaasi ti Apo.
Tunggal dumteng daytoy a tiempo, ti simbaan ipalagip ken awisen natayo
nga agayunar, agabstinensia, mangted limos wenno tulong kadagiti agkasapulan
ken agkararag. Daytoy nga awis ti simbaan kadatayo tunggal dumteng ti tiempo ti
Kuaresma ket maysa kadagiti adu a wagas nga intay maamiris iti kabibiagtayo kas
anak ti Dios. Awisenna tayo ti Simbaan nga mangaramid ken mangibiag kadagitoy
tapno maiyasidegtayo iti Dios iti uneg ti uppat a pulo nga aldaw a
panagsagsaganatayo para iti fiesta ti panagungar ni Cristo. Dagiti naibasa a
nangegantayo isu ngarud koma ti intay pagpampanunotan ita a tiempo ti
kuaresma tapno kapkapnekan ken nabunga iti intay panagdalyasat ken
panagsagana iti baro a biag nga intay masagrap iti panagungar na.
Iti met ebanghelio tayo, nangegan tayo iti panangiturong ni Apo Jesus
kadagiti panagaramid iti nasayaat a kababalin. Nalawag unay ti imbaga ni Apo
Jesus. Isurona no ania dagiti tumutop ken saan a rumbeng a kababalin no intay
manglimos, agayunar ken agkararag.
Iti daytoy a panangirugitayo ti Kuaresma ket agbabawi tayo ngarud koman
kadagiti nagbasbasolantayo ken ti siaayat tayo nga agsubli ti Apo, ket
sipapakumbaba ken naimpusoan iti intay panagtungpal kadagiti pannursuro ti
simbaan tapno naing-inget ken napnoan kaipapanan a panagsubli tayo iti ayat ken
kappia iti Apo.
Sapay koma ta kasta!
PANNAKABENDISION TI DAPU (Daytoy a paset ket mausar laeng no marambakan

iti Nasantoan a Misa.)
Kakabsat: dawatentay iti Dios nga Amatayo, ta babaen ti nabuslon a

graciana, bendisionanna koma dagitoy a dapu, isuda nga ikabiltayo kadagiti
ulotayo a kas tanda ti panagbabawitayo. (Ulimek)
O Dios, ti kayatmo isu ti panagbabawi ti managbasol, a saan ket a ti

ipapatayna; timudem kad a siaasi dagiti ar-ararawmi ket bendisionam  dagitoy a
dapu nga ikorusmi kadagiti ulomi; iti kasta, dakami a mangbigbig a tapokkami ket
tapokto met laeng ti pagtungpalanmi, babaen ti pasnekmi a mangannurot kadagiti
ipaannong ti Cuaresma, magun-odmi ti pannakapakawan dagiti basbasolmi, ket
mapabaro ti panagbiagmi ket mayaspingkam ken Cristo a nagungar kadagiti natay.
Gapu ken Cristo nga Apomi. Amen. (Siuulimek a mawarsian iti dapu ti agua
bendita.)
PANNAKAIMALDIT TI DAPU ITI MUGING

(Ti dapu a maimaldit iti muging dagiti tattao ket ti dapu a binendisionan ni Apo Padi.
Kunaen iti mangidaulo ti tunggal panangikabilna ti dapu iti muging: Agbabawikayo
ket mamatikayo iti Ebanghelio. Kabayatanna makanta dagiti Panagbabawi a
kankanta)
15
KARARAG A SAPASAP
Kakabsat, iti daytoy rugi ti panawen ti panagbalbaliw, mangnamnamatayo ti
pannakikappiatayo iti Apo. Idatagtayo iti Ama dagiti dawat ken asugtayo. Ket iti
tunggal kararag kunatayo: APO, KAASIAM DAGITI TATTAOM.
1. Para ti Santa Iglesia nga inatayo, tapno mawaya-wayaan kadagiti

nataoan pagkurangan. Kumararagtayo iti Apo. (S)
2. Para kadagiti kakabsattayo a nairurumen gapu iti basol, tapno
masurotda koma ti dalan nga agturong iti pannakikappiada iti Dios ken
dagiti adda iti aglawlawda. Kumararagtayo iti Apo. (S)
3. Para kadatayo amin nga immawat iti kurkuros ti dapu iti muging tayo,
sapay koma ta arakupen ken ibiag tayo ti awis ti Simbaan iti intay
panangpabaro manen ti biag tayo babaen iti intay panagbabawi kadagiti
basbasol tayo ken agaramid tayo koma iti nasayaat nga saan laeng nga
iti panawen ti Kuaresma no di ket iti inaldaw a panagbiag tayo babaen iti
panaglimos, panagayunar ken nainget a panagkararag. (S)
4. Para kadagiti timmangken ti pusona gapu iti kinabaknang ken
kinaagum, tapno iti daytoy uppat a pulo nga aldaw ti Kuaresma ket
maragpatda ti pudno a kinaragsak babaen iti kinamanagparabur.
Kumararagtayo iti Apo. (S)
5. Para kadagiti agan-anus ken agsagsagaba gapu iti kinarigat ti biag,
tapno maadda-anda koma ti kired a mangsurot ti dalan ni Apotayo a
Jesus. Kumararagtayo iti Apo. (S)
6. Para iti tunggal maysa kadatayo, tapno sisasaganatayo koma nga
agturong iti dalan ti kappia ken pannakikaysa, panagserbi ken
panagtalek. Kumararagtayo iti Apo. (S)
Dios nga Apomi, itdem kad kadakam ti pigsa a mangibiag ti bilinmo iti
daytoy uppat a pulo nga aldaw. Dawatenmi daytoy gapu ken Cristo nga Apomi.
Amen.
III. RITO TI NASANTOAN A COMUNION

SALMO 147:1-11
(Pagdaydayaw iti Dios a Mannakabalin-amin)
Nasayaat a kantaen ti pagdayaw iti Diostayo! Nasayaat ken rumbeng ti

mangidaydayaw kenkuana! Ket kunatayo: “MADAYDAYAW TI DIOS A
MANNAKABALIN AMIN.”
Bangonen manen ti Apo ti Jerusalem;

Isublina dagiti naitalaw a tattaona.
Dagiti naupay, paragsakenna,
Ket bedbedanna dagiti sugatda.
Dagiti bituen, intudingna ti bilangda,
Ket awaganna ti tunggal maysa ti naganda.
MADAYDAYAW TI DIOS A MANNAKABALIN AMIN.
Naindaklan ken mannakabalin ti Apotayo;

Saan a matukod ti kinasiribna.
Itan-okna ti napakumbaba,
16
Ngem ti managdakdakes, ibaddekna.
Agkantakayo iti panagyaman iti Apo.
Agarpakayo nga agdaydayaw iti Diostayo.
Kumotanna ti tangatang iti ulep;

Itedna ti tudo nga agpaay iti daga,
Ket pagtuboenna ti ruot kadagiti turod.
Ikkanna dagiti animal iti kanenda
Ken dagiti sibong ti wak no umarikiakda.
Saan a maay-ayo iti napigsa a kabalio;

Awan serserbi kenkuana ti tured ti soldado.
Ngem maay-ayo kadagiti agbuteng kenkuana,
Kadagiti agtalek iti napudno nga ayatna.

PAKAUNA TI AMAMI
Ita, intay sangsangkamaysa a idatag iti kararag nga insuro ni Apotayo a
Jesucristo kadatayo:
AMAMI…
kadatayo.


Ipaaymo kad, Apo, ta saranayen dakami dagiti sakramento nga inawatmi; iti
kasta makaay-ayo Kenka ti panagayunomi, ket agserbi nga agas a mangpaimbag
kadakami. Gapu ken Cristo nga Apomi. Amen.

(Daytoy iti gundaway nga intay panagkolekta ken panangidaton kadagiti
saguttayo nga agpaay iti simbaan ken kadagiti makasapul iti tulongtayo.
Agkantatayo iti maiyannatop a kanta. cf Supplement to the Roman Sacramentary)
V. RITO TI PANANGGIBUS PAMENDISION

Ti Apo laeng ti mangted ti gracia ken pigsa a mangbaliw ken
17
mangpabaro ti wagas ti panagbiag tayo.
Bendisionannatayo koma ti mannakabalin a Dios: ti Ama, ken ti Anak, ken
ti Espiritu Santo. Amen.
Nalpasen ti sangkagimongan a panaglualotayo, intay iwaragawag iti

Naimbag a Damag ti Apo.
Kanta a Panggibus..
####################################################################
UMONA A DOMINGO TI CUARESMA
Pebrero 18, 2024
####################################################################
Tema: IPAKITA NI JESUS TI KINATIBKER NGA
MANGSARANGET KADAGITI KARIT TI BIAG
PAKAUNA
Agbabawikayo! Pabaroenyo ti puspusoyo ket agbalbaliwkayo! Dagitoy ti

mensahe iti daytoy Umuna a Domingo ti Cuaresma. Dawaten ti Dios kadatayo ti
nasayaat ken baro a wagas ti panagbiag. Kumararagtayo kenkuana tapno ibaonna
ti Espiritu a mangbalbaliw kadatayo ken ikkannatayo ti turay a mangparmek iti
basol.
Dayawentay ti Apotayo a ni Jesucristo, Isuna nga adda iti baettayo ken iti
Saona, Isuna a mangipagkaykaysa kadatayo iti sidong ti ayat. Madaydayaw ti Dios
Ama ken ti Dios Anak ken ti Dios Espiritu Santo.
RITO TI PANAGBABAWI
Iti intay panagtaripnong a kas familia ti Dios, sitatalektayo a dumawat ti
pammakawan ti Ama, gapu ta ti Dios ket naemma ken manangngaasi.
Agconfesarak iti Dios a mannakabalin amin...
Kaasiannatay koma ti managayat a Dios, pakawanenna dagiti basbasoltayo

ken iturongnatayo iti biag nga agnanayon. Amen.
Kanta a Panagbabawi (Apo, kaasiannakami)

SAAN A MAKANTA TI GLORIA
KARARAG A PANGLUKAT
Mannakabalin a Dios, madaman nga annurotenmi dagiti ipaannong ti Santa
a Cuaresma. Ipaaymo kadi ta umad-adda ti pannakaawatmi iti misterio
maipanggep ken Cristo, ket agbiagkami kas mayataday iti daytoy a misterio. Gapu
ken Apomi a Jesucristo nga Anakmo ket Dios, Isu a makipagbiag ken makipagari
Kenka, ken iti Espiritu Santo, iti agnanayon nga awan ti inggana. Amen.

UMUNA A MAIBASA Genesis 9:8-15
Agbasa: Daytoy maibasa naadaw iti libro ti Genesis
Kinuna ti Dios ken ni Noe ken kadagiti annakna, “Ita, makitulagakon

kadakayo ken kadagiti kaputotanyo ken kadagiti amin a sibibiag a parsuadagiti
amin nga animal- kadagiti amin nga kinaduam a rimuar iti bilog.
18
Daytoy ti pagtutulagantayo: Ikarik nga awanton ti layus a mangdadael kadagiti
amin a sibibiag a parsua, awanto ti layus a mangdadael iti daga. Kas pakakitaan iti
agnanayon a tulagko kadakayo ken dagiti amin a sibibiag a parsua, ikabilko ti
bullalayawko iti ulep. Daytoy ti pakakitaan ti pannakitulagko iti lubong. Tunggal
isaknapko ti ulep iti tangatang ket agparang ti bullalayaw laglagipekto ti karik
kadakayo ken kadagiti animal nga awanton ti layus a mangpukaw kadagiti amin a
parsua.”
Ti Sao ti Apo
SALMO RESPONSORIO Sal 25:4-5, 6-7, 8-9

Sungbat: ITI AYAT KEN KINAPUDNO IDALANMO, O APO, DAGITI AMIN A
MANGANNUROT ITI TULAG KEN BILBILINMO.
1. Isurom kaniak dagiti daldalanmo, O Apo; wen, ipakaammom ida kaniak.

Isuronak nga agbiag kas mayannurot iti kinapudnom; ta sika ti Dios a
mangisalakan kaniak. (S)
2. O Apo, lagipem ti kinamanangngaasim ken kinamanagayatmo nga
impakitam idi punganay. Gapu iti di agbalbaliw nga ayatmo ken
kinaimbagmo, lagipennak, O Apo! (S)
3. Nalinteg ken naimbag ti Apo; isurona dagiti managbasol iti rumbeng a
pagnaanda. Iturongna dagiti napakumbaba iti nalinteg a dalan, ket
isurona ida iti pagayatanna. (S)
MAIKADUA A MAIBASA 1 Pedro 3:18-22

Agbasa: Daytoy maibasa naadaw iti umuna a surat ni San Pedro
Natay ni Cristo gapu kadatayo. Wen, namimpinsan a natay gapu kadagiti

basbasol, ti nalinteg a tao maipaay kadagiti nakillo, tapno iturongnakayo iti Dios.
Napapatay iti bagi ngem napagungar iti espiritu, ket iti daytoy a kasasaadna napan
nangasaba kadagiti naibalud nga espiritu. Dagitoy ti espiritu dagiti saan a
nagtulnog idi tiempo ni Noe idinto a siaanus ti Dios a nagur-uray kadakuada bayat
ti pannakaaramid ti daong. Walo amin dagiti tattao nga adda iti daong;
naisalakanda iti danum. Mayasping daytoy a danum iti bautismo a makaisalakan
ita kadatayo. Saan a babaen ti pannakaugas ti rugit ti bagi, no di ket iti panagkari
iti Dios babaen ti nadalus a konsensia. Isalakannakayo ti bautismo babaen ti
panangungar ni JesuCristo a napan sadi langit ket adda itan iti makannawan ti
Dios, ket iturayanna dagiti amin nga angheles, dagiti nailangitan nga agtuturay
ken pannakabalin.
Ti Sao ti Apo
AKLAMASION TI EBANGHELIO Mat 4:4
Madaydayawka, O Cristo, ari ti agnanayon a gloria!
Saan laeng a tinapay ti pagbiag ti tao
no di pay ket ti tunggal sao
nga isawang ti Dios.
Madaydayawka, O Cristo, ari ti agnanayon a gloria!
insurat ni San Marcos
Inturong ti espiritu ni Jesus idiay let-ang. Nagyan sadiay ni Jesus iti uppat a
pulo nga aldaw ket iti dayta a tiempo, sinulsulisog ni Satanas. Adda met dagiti
atap nga ayup sadiay; ket nagserbi dagiti angheles ken Jesus.
Idi naibalud ni Juan, napan ni Jesus idiay Galilea. Inkaskasabana ti
Naimbag a Damag a nagtaud iti Dios. “Dimtengen ti aldaw,” kinunana.
19
“Asidegen ti Pagarian ti Dios. Agbabawikayo kadagiti basbasolyo ket mamatikayo
iti Naimbag a Damag.”
PAGPAMPANUNOTAN
Idi Mierkoles Kurkuros ket isu ti senial iti intay panangrugi iti panawen ti
Kuaresma, naisangsangayan ken napateg a panawen, makita tayo kadagiti linaon
ti Nasantoan a Surat nga kaadduan kadagitoy ket mangipalagip kadatayo iti intay
panagsubli kenni Apo Dios ket dagitoy ket isuda ti mangallukoy kadatayo. Ti
ngarud panawen ti Kuaresma ket napintas a panawen iti intay manen
agsarimadeng bassit ken taliawen tayo ti napalabas a panagbiag tayo, dagiti
kapanunotan tayo, dagiti sinasao ken inar-aramid tayo ken ipamaysa ken igaed
tayo koma nga balibaliwan ken pasayaaten ken iturong ida kenni Apo Dios. Ti
Kuaresma ket panawen nga ipalagip ti Simbaan nga usigen tayo ti biag tayo; saan
nga no kasano ti kaadu ti kniabaknang nga naurnong tayo wenno ti adal ken
dayaw a nagun-od tayo ngem ketdi no kasano tayo bnga maruk-atan manipud iti
kawar ti kinamanagbasol ken kinamanaginbubukod tayo. Ta no maaramid tayo
dagitoy ket mananmnama tayo ti pannakaisalakan.
Nangegan tayo iti Ebanghelyo nga insurat ni San Marcos iti panangiladawan
na iti panagdalyasat ni Cristo iti let-ang iti Judea ti uneg iti uppat a pulo nga
aldaw; napudot, awan danum, naangin, awan ti mangsaliped iti agtatayab nga
tapok ken darat nga sumabat iti rupa ni Apo Jesus. Anian a rigat ti biag ti kasta a
kapadasan. Inayon tayo pay ti pannulisog ti diablo. Uppat a pulo nga aldaw a
napnoan kaipapanan. Nagayunar ni Jesus, ngem adda ti diablo nga adu ti inpakita
na nga pagsayaatan ti biag tapno maliklikan ni Jesus ti panagtutuok, uwaw ken
bisin iti let-ang, ngem natibker ken naandor ni Apo Jesus gapu iti ayat nga nga
matungpal ti pagayatan ni Apo Dios a maispal wenno maisalakan tayo. Anian a
kinapateg ti AYAT ken KAASI na kadatayo!
Datayo, adu met dagiti karit ken tuook nga mapaspasaran tayo,ket dagitoy
kome met ti mangguyugoy kadatayo nga agayunar, agulimek, agtamed ken
agparintumeng nga umawag ti ayat, kaasi ken tulong ni Apo Dios. Ta dagitoy nga
inaramid ni Apo Jesus iti let-ang ket wagas nga panangisuro na kadatayo tapno ti
kasta ket agbalbaliw tayo koma met. So that we will be transfigured according to
His image and likeness. Dagitoy koma nga karit ti biag nga sarsarangten tayo ti
mamagbalin kadatayo nga natibker ken tumakder a mangsaranget iti solisog ti
demonyo a kas iti nasayaat a biag, adu a materyal a banbanag ken tay apagbiit
man nga ragsak? Ditaoy ngamin nga maamiris kakabsat nga dagitoy nga
pagragsakan ken nadaraw nga agmawmaw! Nalaka a mapukaw ta dagitoy dagiti
naindagaan a ragsak.
Uray ania ti kabibiag tayo, saan nga mabannog ken mauma ti Simbaan nga
mangkalbit kenn mangpalagip kadatayo iti intay pangsubli iti husta nga dalan.
Dagitoy ngarud kakabsat ti panagkasapulan tayo kadagiti nadumaduma nga
panawen iti Liturhia tayo. Ti kuaresma ket panawen nga ipalagip na iti intay
panangpasayaat iti wagaw ti panagbiag tayo isu nga ipaganetget ti Simbaan iti
intay panaglualo, panaglimos ken panagayunar. Saan laeng koma a panagayunar
iti taraon ti bagi no di ketdi iti banbanag nga mangiyaw-awan kadatayo iti dalan iti
pudpudno a biag – ti Biag ken Apo Dios! Sidadaantayo met la kadi a mangtallikod
ken mangiwaksi kadagiti nainlubongan a pagragsakantayo gapu ken Cristo?
Kunatayo ngarud: “Wen Apo, matungpal ti pagayatam.”
Sapay koma ta kasta!
PANANGIPADUYAKYAK TI PAMMATI (Apostles’ Creed)

Mamatiak iti Dios Ama a mannakabalin amin...
20
KARARAG A SAPASAP
Awatentay ti awis ni Cristo nga agbabawi ken mamati iti Naimbag a Damag.
Dumawattay kenkuana iti tulong ken kaasi tapno tarabayennatayo iti intay
panangisagana ti bagbagitayo iti daytoy tiempo ti kuaresma. Kunatayo: APO,
KAASIANNAKAMI A TATTAOM.
1. Dios Ama, tarabayem ni Santo Papa, dagiti Obispo, papadi ken relihioso
tapno agtalinaedda a napudno kenka iti baet ti adu a karit ken sulisog
nga ipaay ti lubong kadakuada. Kumararagtayo. (S)
2. Dios Ama, aywanam dagiti mangidadaulo kadagiti nasion,
nangnangruna ti pagilianmi tapno saanda koma a masisirap iti sileng ti
pirak, nainlubongan a gameng ken bileg nga isu ti pakadadaelan ti
napudno a panagserbida iti kaaduan. Kumararagtayo. (S)
3. Dios Ama, dawatenmi ti pannarabaymo kadakami iti amin a kanito ti
panagbiagmi ken ti panangitedmo ti kired ken pigsa kadakami a
mangliklik ti sulisog ken manglaban kadagiti amin a kita ti basol a
sumangbay iti biagmi ket agtalinaedkami a natarnaw iti imatangmo.
Kumararagtayo. (S)
4. Dios Ama, liwliwaem dagiti malmalday ken agsagsagaba. Ipaaymo ti
Espiritum a mangpapigsa ken mangpabang-ar kadakuada.
Kumararagtayo. (S)
5. Dios Ama, idawdawatanmi dagiti amin a kakabsatmi a pimmusayen
tapno maragpatdan ti nagloriaan a panaginana dita sidongmo.
Kumararagtayo. (S)
Dios nga Apomi, luktam kad ti puso ti tunggal maysa kadakami tapno amin
kami ket agsubli kenka tapno maibiagmi ti Naimbag a Damag ni Apo Jesus nga
Anakmo ken Apomi. Amen.
Kakabsat, intay pagyamanan ken dayawen ti Apo gapu ti kinaimbagna, ket
iti maymaysa a timek kunatayo: AGYAMAN KEN AGDAYAWKAM KENKA, APO!
SALMO 113
(Panagdayaw iti Kinaimbag ni Yahweh)
Dakayo nga adipen ti Apo,
Idaydayawyo ti naganna.
Madaydayaw koma ti nagana
Ita ken iti agnanayon nga awan inggana.
Manipud daya agingga iti laud
Maidaydayaw ti nagan ti Apo!
AGYAMAN KEN AGDAYAWKAM KENKA, APO!
Iturayan ti Apo ti amin a pagilian,
Ket ti dayagna ringbawanna ti tangatang.
Awan ti kas iti Apo a Diostayo.
Agnaed iti nangato a disso,
A mangtannawag kadagiti langit ken ti daga.
Manipud iti tapok, bangonenna dagiti napanglaw;
Aonenna dagiti nakurapay manipud iti bunton ti rugit.
Pagtugawenna ida iti denna dagiti prinsipe;
Wen, kadagiti prinsipe dagiti tattaona.
Ikkanna iti balay ti lupes nga asawa,
21
Pagbalinenna a naragsak nga ina. Madaydayaw ti Apo!

PAKAUNA TI AMAMI
Intay itulad iti lualotayo iti kararag ni Cristo nga Apotayo, ket kunatayo:
AMAMI…
kadatayo.


Agyamankam Kenka, Apo, iti panangpakanmo kadakami iti nailangitan a
tinapay, isu a mangpalagda iti pammati, mangpadegdeg iti inanama, ken
mangpapigsa iti nadiosan nga ayat. Ipaaymo kadi ta mapasgedkami iti
panagtarigagay nga umawat ken Cristo a makabiag ket napaypayso a tinapay, iti
kasta mabalinmi ti agbiag nga agpaay Kenka, babaen ti amin a sao nga agaon ita
ngiwatmo. Gapu ken Cristo nga Apomi. Amen.

(Daytoy iti gundaway nga intay panagkolekta ken panangidaton kadagiti
saguttayo nga agpaay iti simbaan ken kadagiti makasapul iti tulongtayo.
Agkantatayo iti maiyannatop a kanta. cf Supplement to the Roman Sacramentary)
V. RITO TI PANGGIBUS PAMENDISION

Kanayon koma a laglagipentayo ti kinadatdatlag ti ayat ti Dios kadatayo.
Awan ti basol a saan a pakawanen ti Apo no la ketdi agbabawi ken dumawattayo ti
pammakawan ti Dios. Itan ti tiempo a masapul nga agbalbaliwtayo.
Bendisionannatayo koma ti Dios, salaknibannatayo ti amin a kinadakes,

ken ipannatayo ti biag nga agnanayon: ti Ama, ken ti Anak, ken ti Espiritu Santo.
Amen.
Nalpasen ti sangkagimongan a panaglualotayo, intayon iti kappia, ken
ibunannagtay ti Apo babaen ti panagbiagtayo.
22
####################################################################
MAIKADDUA A DOMINGO TI CUARESMA
Pebrero 25, 2024
Pontifical Work of St. Peter the Apostle (Opus Sancti Petri)
####################################################################
Tema: NI JESUS KET ISU TI DUNGDUNGOEN NGA ANAK TI DIOS
PAKAUNA
Saan a patay ti pagtungpalan ti panagbaklaytayo iti krus; saan met a
panagsagaba ti ited ni patay no di ket panagungar. Saantayo koma nga agbuteng
nga agsagaba ken matay gapu ken Cristo; gapu ta ti Dios adda kadatayo ken
patpatgennatayo. Agtalektayo ngarud Kenkuana.
Madaydayaw ti Dios ti amin nga liwliwa, Isuna a nangpaneknek ti natan-ok
nga asina. Madaydayaw ti Dios Ama ken ti Dios Anak ken ti Dios Espiritu Santo.
RITO TI PANAGBABAWI
Bayat ti panagsaganatayo a mangngegan iti ayat ti Dios ken ni Cristo,
bigbigentayo a ti Dios ket gubbuayan ti pammakawan ken kired.
Apo, kaassiannakam kadi
Ta nagbasolkam Kenka. Apo,

ipakitam kad kadakam ta panangaasim.
Ket ipaaymo kad kadakam ta panangisalakanmo.
Kaasiannatay koma ti managayat a Dios, pakawanenna dagiti basbasoltayo
ken iturongnatayo iti biag nga agnanayon. Amen.
Kanta a Panagbabawi (Apo, kaasiannakami)
KARARAG A PANGLUKAT
O Dios, imbilinmo a denggenmi ti ay-ayatem nga Anakmo. Taraunam kad
dagiti kararuami kadagiti pannursurom, tapno kalpasan ti panangdalusmo
kadakami, ken ti panangtedmo iti nailangitan a sirib, maparagsakankamto a
mangbuybuya ita dayagmo’t sadi langit. Gapu ken Apomi a Jesucristo nga Anakmo
ket Dios, Isu a makipagbiag ken makipagari Kenka, ken iti Espiritu Santo, iti
agnanayon nga awan ti inggana. Amen.
LITURHIA TI SAO TI DIOS

UMUNA A MAIBASA Genesis 22:1-2, 9-13, 15-18
Agbasa: Daytoy maibasa naadaw iti libro ti Genesis
Sinuot ti Dios ni Abraham. Kinunana, “Abraham.” “Ania, Apo?” insungbat ni

Abraham. Kinuna ti Dios, “Alaem ni Isaac a kakaisuna ken dungdungngoem nga
anak, ket inka idiay Moria. Iti bantay nga ipakitakto kenka, idatagmonto kaniak ni
Isaac a kas daton a mapuoran.”
Idi dumtengda iti disso nga imbaga ti Dios kenkuana, nangbangon sadiay ni
Abraham iti maysa nga altar. Inurnosna dagiti kayo iti rabaw ti altar. Innala ni
Abraham ti buneng tapno patayenna ti ubing, ngem nagpukkaw ti anghel ti Apo
manipud langit. “Abraham, Abraham,” kinunana. “Ania, Apo,” insungbat ni
Abraham.
“Dimo sagiden wenno ranggasan ti ubing,” kinuna ti anghel.
23
Makitakon nga agbutengka iti Dios, ta dika nagkedked a mangted kenkuana iti
kakaisuna nga anakmo.” Inwaras ni Abraham ti panagkitana. Nakitana ti maysa a
kalakian a karnero a naisalat ti sarana iti bassit a narukbos a kayo. Napanna
innala ti karnero ket indatagna a daton a mapuoran a sukat ti anakna.
Nagsao manen ti anghel ti Apo manipud langit, “Ti Apo ti agsasao. Isapatak
iti naganko a bendisionankanto iti nawadwad, ta inaramidmo daytoy, ket dika
nagkedked a mangted kaniak iti kakaisuna nga anakmo. Ikarik a paaduekto dagiti
kaputotam a kas iti kaadu dagiti bituen sadi langit wenno dagiti darat iti igid ti
baybay. Parmekento dagiti kaputotam dagiti kabusorda. Dawatento kaniak dagiti
amin a nasion iti lubong a bendisionak ida a kas iti panangbendisionko kadagiti
kaputotam. Aramidekto daytoy gapu iti panagtulnogmo iti bilinko.
Ti Sao ti Apo.
SALMO RESPONSORIO Sal 116:10.15, 16-17, 18-19

Sungbat: AGBIAGAK ITI IMATANG TI APO ITI PAGNAEDAN DAGITI SIBIBIAG.
1. Mamatiak latta uray idi kinunak, “Nakaro unay ti panagsagabak.”

Maladingitan ti Apo no matay ti maysa kadagiti pinilina. (S)
2. Adipennak, O Apo, agserbiak kenka kas iti panagserbi daydi
nanangko. Intedmo kaniak ti wayawaya. Iruknoykonto kenka ti daton a
pagyaman, ket idatagkonto kenka ti kararagko. (S)
3. Iti imatang dagiti amin a tattaom, iti paraangan ti templom idiay
Jerusalem, tungpalekto ti inkarik kenka. (S)
MAIKADUA A MAIBASA Roma 8:31-34

Agbasa: Daytoy maibasa naadaw iti surat ni San Pablo kadagiti taga-Roma
No kaduatayo ti Dios, awan ti makabael a bumusor kadatayo! Dina

impaidam ti mismo nga Anakna, no di ket indatonna nga agpaay kadatayo amin!
No impaayna ti anakna kadatayo, dinto kadi sisasagana a mangted met kadatayo
iti isuamin?
Siasinonto ti mangidarum kadagiti pinili ti Dios? Ti mismo a Dios, ibilangna
ida nga awan basolda! Siasino ngarud ti makabalin a mangukom kadakuada? Ni
Cristo Jesus a natay. Saan la a napagungar no diket adda iti makannawan ti Dios
ket isu ti mangibabaet kadatayo.
Ti Sao ti Apo.
AKLAMASION TI EBANGHELIO Mat 17:5

Gloria ken dayaw ti maipaay Kenka, O Cristo!
Manipud iti daydi nasilnog nga ulep,
nangngegda ti timek ti Ama a nagkuna:
“Daytoy ti Anakko a dungdungoek.
Dumngegkayo kenkuana.”
Gloria ken dayaw ti maipaay Kenka, O Cristo!

insurat ni San Marcos
Inkuyog ni Jesus da Pedro, Santiago ken Juan ket is-isuda a simmang-at iti
maysa a bantay. Idiay, nagbalbaliw ti langa ni Jesus iti imatangda. Nagraniag unay
dagiti pagan-anayna ket makapurar ti pudawna. Awan ditoy lubong ti siasinoman
a makapapudaw kadakuada a kas iti kapudawda. Pagammoan, nagparang
kadakuada da Elias ken Moises a makisasao ken Jesus. Bimmallaet ni Pedro ket
kinunana ken Jesus: “Maestro, nagsayaaten ti kaaddatayo
24
ditoy! Mangbangon kami ketdi ti tallo a kalapaw: maysa ti para kenka, maysa ti
para ken Moises, ket ti maysa para ken Elias.” Napnoan ngamin dagiti adalan iti
siddaaw ken buteng ket saan nga ammo ni Pedro ti tumutop a sawenna.
Nagparang ti ulep a nanglinong kadakuada ket adda nangngegda a timek a
naggapu iti ulep. “Daytoy ti Anakko a dungdungngoek,” kinunana. “Dumngegkayo
kenkuana.” Dinagdagusda nga inwaras ti panagkitada ngem awan sabali a
nakitada no di laeng ni Jesus.
Idi sumalsalog ni Jesus ken dagiti adalanna iti bantay, imbilinna
kadakuada, “Awan pangibagbagaanyo iti naimatanganyo. Ibagayonto laeng daytoy
kalpasan ti panagungar ti Anak ti Tao.” Tinungpalda daytoy a bilin, nupay
nagsisinnaludsodda. “Ania ti kayat a sawen ti ‘panagungar kadagiti natay’?”
PAGPAMPANUNOTAN
Idatag tayo kenn i Apo Dios ti aniaman kadatayo ket awaten tayo met
manipud Kenkuana dagiti aglaplapusanan a gasya ken ayat na. Numan pay
tarigagay ti tunggal maysa kadatayo ti makaidaton iti uray aniaman Kenkuana, ti
sapsapulenna wenno ti tartarigagayan ni Apo Dios nga agtaud kadatayo ken saan
nga ti material wenno nainlubungan a banag no di ket di ti intay panangidaton ken
panagisagut Kenkuana ti puso tayo a nadarisay, puso nga awanan tulaw ti basol,
puso ken kinatao nga nagbabawi, kinatao nga kas iti imahe nga inted na kadatayo.
Puso ken kinatao a nadalus, maka Dios ken makatao!
No intay pagpanpanunutan ti ngangegan tayo iti Libro ti Genesis iti umuna
a naibasa, apay pagayatan ngata ni Apo Dios nga patayen ni Abraham ti anak na
nga ingungotenna nga ni Isaac? Saan! Dayta nga pasamak ket panangsu-ot no
sadino ti pagpatinggaan ti kina tudyo wenno kinamanagtungpal ken talek ni Isaac
iti Sao ti Dios. Daytoy ket ipakita na kadatayo no sadino ti pagpatinggaan iti
panagdengngeg ni Isaac iti bilin ni Apo Dios. Dagiti man balikas nga intay usaren
ditoy kakabsat ket TALEK, PAMMATI, SIDADAAN A PANAGTUNGPAL ken AYAT! Ni
Abraham kakabsat ket tinungpal na amin nga inbilin ti Dios kenkuana. Saan a
nagduadua kadagiti Sao ti Dios. Nga uray idi awan makita na nga daton, dakkel ti
pammati na nga adda plano ni Apo Dios iti awan ti makita da nga karnero nga
idaton. Dayoty met nga pasamak ket ipasimudaag na kadatayo iti panangidaton ti
Dios iti ANAK NA NGA KAKAISUNA NA INGUNGUTENNA. Indaton na tapno amin
tayo ket maisalakan. Dayta kakabsat ti mensahe nga inpakita kadatayo iti umuna
a naibasa. Ket idi ngarud makita ti Dios iti awan duadua a talek ni Abraham
Kenkuana a sidadaan nga idaton na ni Isaac nga anak na, nangted ngarud ti Dios
iti karnero nga indaton dagiti agama. Datayo ngata? Ania kadi ti kabaelan tayo nga
idaton a kas sakripisyo tayo iti Dios a pangpasingked tayo ti Pammati, Talek ken
ayat tayo Kenkuana iti daytoy panawen ti Kuaresma? Sidadaan tayo kadi a
mangisina wenno iti pagsasao nga Ingles ket tay masansan a mangeg tayo a LET
GO. Ania kadi iti sidadan mo nga i let go para ken ni Apo Dios ita nga panawen? Ti
pay maysa a saludsod nga intay pagpanpanunutan iti daytoy a panawen ket:
“Apay-apay kadi nga datayo nga tattao ket nadardaras tayo nga agaramid ti dakes
ngem tay pilien ken aramiden ti nasayaat?” Daytoy man kakabsat iti kanayon a
mangikuroong kadatayo iti basol, saan kadi? Gapu kadagiti saan a nasayaat a
pangngeddeng wenno desisyon tayo iti inaldaw a panagbiag tayo. Apay ngata nga
naragragsak tayo na mapasakitan tayo ti pada tayo a tao? Kitaen tayo laengen
dagiti Marites dita apay nga kaykayatda a iwaragawag ti saan a nasayaat wenno
mangpadpadakes iti pada da a tao? Malipatan da payen dagiti nasayaat nga
inaramid ken ayat nga inparabor ti tao nga padpadaksen dan
25
kenkuana. Apay nga nalaklaka tayo nga maallukoy ti solisog ti dakes nga apal nga
isu ti mangiduron kadatayo a mangdangran kadagiti pada tayo a tattao? Ti laeng
ayat, pammakawan ken panagisalakn ti Apo iti makaituong kadatayo nga agsubli
Kenkuana. Kuna tayo ngata: “Wen nga agpayso, apay nga nagrigat ti agsingpet?
Apay nga no nagdesisdir kan nga agbalbaliw ket ad -adda met nga pumigsa ti
sulisog? Kakabsat ditoy tayo nga arakupen ti awis ti Simbaan tayo ken dagiti
pagpatulad ni Apo Jesus nga aramiden tayo ita nga panawen ti Kuaresma,
AGLUALO –PRAY, AGAYUNAR – FAST ken MANGTED TI LIMOS/TULONG –
ALMSGIVING. Ket no sipupudno nga maaramid tayo dagitoy, adda metten makita a
pagnaan iti panagbalbaliw kadatayo!
Agpayso kakabsat a narigat daytoy a ganuat, kas makita tayo iti maikadua a
naibasa, nga adda insurat ni San Pablo nga: “No kaduatayo ti Dios, awan ti
makabael a bumusor kadatayo!” Iti ngarud wagas a maisalakan tayo ket isu iti
intay panangarakup iti Dios ken dagiti bilin na.
Iti met Ebanghelyo tayo nga nangegan tayo manipud ken San Marcos ket isu
iti panagbalbaliw ti langa ni Jesus sadiay bantay Tabor. Ipakita na daytoy nga
nagbalibaliw ti langa na iti imatang dagiti pasurotna tapno mamati da posible ti
panagbalbaliw no lat ketdi adda iti panagtalek ken pammati iti Dios. Dagiti ngarud
naibasa ita nga aldaw kakabsat ket nalawag ti mensahe na: Ikagumaan tayo nga
suruten ken tungpalen ti pagayatan ken bilin ti Dios iti ania man a banag nga
aramiden tayo. Ipaay tayo ngarud aminamin tayo Kenkuana ket saan na tayo a
pulos nga baybay-an. Sapay koma ta kasta!
PANANGIPADUYAKYAK TI PAMMATI (Apostles’ Creed)

Mamatiak iti Dios Ama a mannakabalin amin...
KARARAG A SAPASAP
Managayat a Dios, gapu iti kaaddam iti sibaymi mamatikami a patgam
dagiti amin a dawatenmi ket kunami: APO, DENGGEM KEN PARABURAM DAGITI
TATTAOM.
1. Agpaay kadagiti mangidadaulo ti Simbaan a naisaknap iti

sangalubungan
tapno naan-anay ti panagayatda kadatayo kas iti panagayat ni Cristo
kadagiti adalanna. Kumararag tayo ti Apo. (S)
2. Agpaay kadagiti agpanpanday-linteg tapno dagiti laeng napateg iti
Ebanghelyo ti iagkatda nga agbalin a linteg ket agbalin met ti biagda a
saksi ni Cristo nga Apotayo. Kumararag tayo ti Apo. (S)
3. Agpaay kadatayo amin a makipagrambak iti Eukaristia, tapno agbalin
ti biagtayo kas naimeng a kalapaw a mamagbaliw ti biag dagiti saan
unay
a mangipirpirit ken Cristo iti baet tayo. Kumararag tayo ti Apo. (S)
4. Agpaay kadagiti nabaybay-an ken nasugatan ti rikna tapno paimbagem ti
ayat ni Cristo dagiti sugat ken saem a marikriknada ket maikkanda ti
gundaway a makikappia kadagiti nangsugat wenno nangsa-ir
kadakuada. Kumararag tayo ti Apo. (S)
5. Agpaay kadagiti saan pay a makabigbig iti ayat ti Dios iti aglawlawda
tapno masarakanda dayta nga ayat kadagiti tattao a makalangenda iti
inaldaw. Kumararag tayo ti Apo. (S) 6. Idawdawatantayo dagiti
minataytayo tapno makibingayda iti panagungar ni Kristo. Kumararag
tayo ti Apo. (S)
Dios nga Amami, awatem dagitoy kararagmi nga idatonmi kenka. Sitatalek
kami a mapatgam ida gapu met lang ken ni Jesus nga Anakmo ken Apomi. Amen.
26
III. RITO TI NASANTOAN A COMUNION

Kakabsat, intay pagyamanan ken dayawen ti Apo ti amin-amintayo ket
sangsangkamaysa a kunatayo: MADAYDAYAW TI NAIMBAG KEN MANAGAYAT NGA
APO.
SALMO 150
(Panangidaydayaw ken ni Yahweh)
Idaydayawyo ti Dios iti Templona!

Wen, idaydayawyo ti nailangitan a bilegna.
Idaydayawyo gapu kadagiti naindaklan a gapuananna;
Idaydayawyo gapu iti di matukod a kinatan-okna!
MADAYDAYAW TI NAIMBAG KEN MANAGAYAT NGA APO.
Idaydayawyo a buyogan iti trumpeta;

Wen, idaydayawyo a danggayan ti lira ken arpa!
Idaydayawyo kadagiti tambor ken salsala;
Idaydayawyo kadagit arpa ken plauta!
Idaydayawyo kadagiti aweng ti piangpiang;

Wen, idaydayawyo babaen iti napigsa nga aweng dagiti piangpiang!
Idaydayawyo ti Apo,
Dakay amin a sibibiag a parsua!

PAKAUNA TI AMAMI
Tapno naan-anay dagiti lulualo ken ar-ararawtayo, intay idatag ti kararag ti
Apo:
AMAMI …
kadatayo.

Iruknoymi Kenka, Apo, ti di mayesbang a panagyamanmi, gapu iti
pannakiranodmi kadagiti nagloriaan a misterio ti Eucaristia, ta idinto ta
27
addakam pay laeng ditoy daga, impaaymon a mairamankami kadagit banbanag a
nailangitan. Gapu ken Cristo nga Apomi. Amen.

(Daytoy iti gundaway nga intay panagkolekta ken panangidaton kadagiti saguttayo
nga agpaay iti simbaan ken kadagiti makasapul iti tulongtayo. Agkantatayo iti
maiyannatop a kanta. cf Supplement to the Roman Sacramentary)
PAMENDISION
Saan pay a naladaw ti amin tapno agbalbaliwtayo. Awan ti banag a

makalapped kadatayo a sumurot iti dalan ni Cristo gapu ta saannatayo a
baybayan. Agbalintayo koma a dalan ti pannakabendision ti amin a tao.
Bendisionannatayo koma ti mannakabalin a Dios: ti Ama, ken ti Anak, ken

ti Espiritu Santo. Amen.
Nalpasen ti sangkagimongan a panaglualotayo, intayon iti kappia, ken

ibunannagtay ti Apo babaen ti panagbiagtayo.
28
KARARAG A PANGIDAWDAWATITI BARO NGA OBISPO
(Maikararag nu Malpas ti KARARAG KALPASAN TI KOMUNION)
Nailangitan nga Ama,

Inbaon Mo ni Apo Jesus nga Pastor ti tattaom
ken ti Espiritu Santo
a mamagkaykaysa kadakuada.
Tarabayem dagiti nadutokan nga agpili

iti baro nga obispo mi.
Itdem kadakuada iti panirigan
ken nasin-aw a pangngeddeng.
Iyebkas Mo ti pagayatam kadakuada.
Agyamankami kadagiti immun-una

nga nangidaulo kadakami
ken dagiti bendisyon a naipaay kadagiti tattao
ditoy Diosesis ti Baguio bayat iti panagserbida.
Apo, ibaon Mo ti Espritu Santom
a mangbendisyon iti agbalin nga baro
nga Obispomi tapno itultuloy na
ti gannuat iti pannakapabaro ti Simbaan,
ken pagkaykaysaenna dagiti parokya,
papadi ken tattao babaen iti ayat,
kinapudno ken kinasirib.
Itdem kenkuana iti puso ti maysa nga mangaywan

a kas ken Jesus, tapno patibkeren na
dagiti nakapsot, mangliwliwa kadagiti naupay,
pasublienna dagiti naiwawa
ken agbalin nga kired a mangsaranget
kadagiti kinadakes ita a panawen.
Babaen iti kinabileg ti nagan ni Apo Jesus, ikararagmi.

Amen.
29
APOSTLES’ CREED (ILOKANO)
Mamatiak iti Dios Ama nga Mannakabalin-Amin

A Namarsua iti Langit ken Daga.
Mamatiak met ken Jesucristo

A Bugbugtong nga Anakna ken Apotayo
A timmao iti aramid ti Espiritu Santo
inyanak ni Santa Maria Birhen
Nagtutuok iti panagturay ni Poncio Pilato
Nailansa iti krus, natay ken naitanem
Immulog iti yan dagiti natay
Nagungar iti maikatlo nga aldaw,
Immuli sadi langit
Ket situtugaw iti makannawan
Ti Dios Ama a Manakabalin-Amin.
Aggapunto sadiay nga umay mangukom
Kadagiti sibibiag ken kadagiti natay.
Mamatiak met iti Espiritu Santo.

Patiek met ti Santa Iglesia Katolika
Ti panagririnnanud ti Sasantos
Ti Pannakapakawan dagiti basbasol
ken addanto met panagungar ti bagi
Ken biag nga agnanayon.
Amen.
30
NICENE CREED (ILOKANO)
Mamatiak iti maymaysa a Dios,

Ama a mannakabalin amin,
A namarsua iti langit ken daga,
Ken kadagiti amin a makita ken di makita.
Ken iti maymaysa nga Apo, a ni Jesucristo,

Bugbugtong nga Anak ti Dios,
Nagtaud iti Ama iti sakbay ti amin a tiempo.
Dios a nagtaud iti Dios,

Silaw a nagtaud iti Silaw,
Napaypayso a Dios a nagtaud iti napaypayso a Dios.
Nayannak, saan a naparsua
Dios a kas met laeng iti Ama,
Ket gapu Kenkuana naaramid dagiti amin nga adda.
Gapu kadatayo a tattao,
Ken gapu iti pannakai-salakantayo,
Immulog a naggapu’t sadi langit.
All bow at the following words to Ket nagbalin a tao.
Ket nangala iti bagina

Iti tian ni Virjen Maria
Iti pannakabalin ti Espiritu Santo
Ket nagbalin a tao. Kasta met a nailansa iti crus gapu kadatayo,
Idi panagturay ni Poncio Pilato,
Nagtutuok ket naitanem.
Nagungar iti maikatlo nga aldaw
Kas palawagen dagiti Nasantoan a Surat.
Immuli sadi langit
Ket situtugaw iti makannawan ti Ama.
Umayto manen a sidadayag,
Tapno okumenna dagiti sibibiag ken dagiti natay.
Ket ti pagarianna dinto agpatingga.
Mamatiak met iti Espiritu Santo

Nga Apo ken mangmangted iti biag;
Isu agtaud iti Ama ken iti Anak,
Ket pagrukbaban ken daydayawen
A maitimpuyog iti Ama ken iti Anak,
Ket nagsao babaen dagiti profeta.
Mamatiak met iti Iglesia a maymaysa,

Santa Catolica ken Apostolica.
Ipaduyakyakko ti maymaysa a bunyag
A pakapakawanan dagiti basbasol,
Namnamaek ti panagungar dagiti natay,
Ken ti panagbiag iti lubong a masakbayan.
Amen
31
KARARAG MAIPANGGEP KADAGITI DATON
(Dagitoy a kararag ket para laeng iti Padi no adda Misa)
MAIKALIMA A DOMINGO ITI KADAWYAN A TIEMPO

(Pebrero 4, 2024)
O Dios nga Apomi, pinarsuam dagituy tinapay ken arak, tapno saranayenda
ti narasi a biagmi dituy daga. Ipaaymo kadi ta pagbalinem pay ida a saranay ti
pannakaisalakanmi. Gapu ken Cristo nga Apomi. Amen.
MAIKAINNEM A DOMINGO ITI KADAWYAN A TIEMPO

(Pebrero 11, 2024)
Ipaaymo kad, Apo, ta dalusam ken pabaruennakami daytuy a sacrificio ket

agpaay koma a pakagungonaan dagiti agtungpal iti pagayatam. Gapu ken Cristo
nga Apomi. Amen.
MIERCOLES TI KORKUROS
(Pebrero 14, 2024)
Apo, iti panangrogimi iti Cuaresma, idatonmi a sidadaeg daytuy a sacrificio.

Ipaaymo kadi ta gapu iti panagtungpalmi kadagiti ipaannong ti panangpenitencia
ken ti ayat, mateppelanmi dagiti makapadakes a paggustoanmi; ket iti
pannakadalusmi iti basol, mapudnoanmi nga ilagip ti panangtutuok ti Anakmo.
Amen.
UMONA A DOMINGO TI CUARESMA

(Pebrero 18, 2024)
Dawatenmi, Apo, ta aramidem kadi a mapudnoanmi ti mangiruknoy

kadagitoy a daton, isuda a pagrubbuatami a mangrambak iti daytuy napateg a
sacramento. Gapu ken Cristo nga Apomi. Amen.
MAIKADDUA A DOMINGO TI CUARESMA

(Pebrero 25, 2024)
Dawatenmi, Apo, ta daytuy a sacrificio dalusannakam koma kadagiti

basbasolmi ken pasantoennakami ti ipapatay ken panagungar ni Cristo. Gapu ken
Cristo nga Apomi. Amen.
32

Sangkagimongan - February 2024

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Sangkagimongan - February 2024

Uploaded by

Copyright:

Available Formats

MAIKALIMA A DOMINGO ITI KADAWYAN A TIEMPO .

MAIKAINNEM A DOMINGO ITI KADAWYAN A TIEMPO . 7

UMONA A DOMINGO TI CUARESMA . . . . . 18

MAIKADDUA A DOMINGO TI CUARESMA . . . . 23

LITANIA TI PANAGDAYAW ITI KAASI TI APO

Immayka tapno itedmo ti biagmo para iti pagimbagan ti amin:

Pagtitipunem iti maysa a familia dagiti nasina-sina nga annakmo: Apo,

Kaasiannatay koma ti managayat a Dios, pakawanenna dagiti basbasoltayo ken

GLORIA ITI DIOS TI KANGATOAN…

II. LITURHIA TI SAO TI DIOS

UMUNA A MAIBASA Job 7:1-4, 6-7

SALMO RESPONSORIO Salmo 147:1-2, 3-4, 5-6

1. Madaydayaw ti Apo! Nasayaat a kantaen ti pagdayaw iti Diostayo! Nasayaat ken

MAIKADUA A MAIBASA 1 Corinto 9:16-19, 22-23

Uray no ikaskasabak ti ebanghelio, awan ti kalintegak nga agparammag. Ta

ALLELUIA Mat 8:17

EBANGHELIO Marcos 1:29-39

Iti met Ebanghelio kakabsat ket ituloy tayo nga pagpanpanunotan ti

PANANGIPADUYAKYAK TI PAMMATI (Nicene Creed)

1. Inpakita ni Apo Jesus ti ayat ti Ama babaen ti panangpaimbag na ti adu a

Dios nga Amami, sagutmo kadakami ti tarigagaymi nga agserbi. Dawatenmi

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN

Sumrekkay a napnoan iti panagyaman iti templona.

Makikaysakami ken ni Francisco a Santo Papami, ni N. a Obispomi, ni N. a

KARARAG KALPASAN TI KOMUNION

IV. PANANGIDATON KADAGITI SAGUT KEN PANAGCOLEKTA

Nalpasen ti sangkagimongan a panaglualotayo, intayon iti kappia ti Apo.

LITANIA TI PANAGDAYAW ITI KAASI TI APO

Kakabsatko ken Cristo, iti panagrugitayo ti panagrambaktayo, intay

Apo Jesus, sika ti dalan a mangitunda kadakami iti Ama: Apo,

Apo Jesus, sika iti pudno a manglawag kadagiti tattaom: Cristo,

Apo Jesus, sika ti biag a mangpabaro iti lubong: Apo, kaasiannakami.

GLORIA ITI DIOS TI KANGATOAN…

O Dios, ragsakem ti agtaeng iti kararrua dagiti napudno Kenka.

PANANGIPADUYAKYAK TI PAMMATI (Nicene Creed)

Ama, agbalin kadi dagiti inyebkasmi a kararag nga instrumento ti

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN

SALMO 118:1, 19-29

Agyamantayo iti Apo, agsipud ta isu ket naimbag, agnanayon ti napudno

Luktanyo ti ruangan ti kinalinteg,

Ti bato nga imbelleng dagiti agipatpatakder,

Agiggemkayo kadagiti sangsanga,

Makikaysakami ken ni Francisco a Santo Papami, ni N. a Obispomi, ni N. a

KARARAG KALPASAN TI KOMUNION

Bendisionannatayo koma ti Dios, salaknibannatayo ti amin a kinadakes,

Maawistayto nga agpakuros ti dapu ti mugingtayo ket kunanto ti

Iti nagan ti Ama, ken ti Anak, ken ti Espiritu Santo. Amen.

Kuna ti Apo: “Agbabawikayo iti amin a pusoyo ket agsublikayo kaniak;

SALMO RESPONSORIO Salmo 51:1-2, 3-4, 10-11, 12.15

1. Iti di agbalbaliw nga ayatmo kaasiannakam kadi, O Diosko; iti

MAIKADUA A MAIBASA 2 Corinto 5:20-6:2

Adtoykami a pannakangiwat ni Kristo. Kasla ti Dios a mismo ti agdawdawat

EBANGHELIO Mateo 6:1-6, 16-18

PANNAKABENDISION TI DAPU (Daytoy a paset ket mausar laeng no marambakan

Kakabsat: dawatentay iti Dios nga Amatayo, ta babaen ti nabuslon a

O Dios, ti kayatmo isu ti panagbabawi ti managbasol, a saan ket a ti

PANNAKAIMALDIT TI DAPU ITI MUGING

1. Para ti Santa Iglesia nga inatayo, tapno mawaya-wayaan kadagiti

III. RITO TI NASANTOAN A COMUNION

KARARAG TI PANAGDAYAW KEN PANAGYAMAN

Nasayaat a kantaen ti pagdayaw iti Diostayo! Nasayaat ken rumbeng ti