VOLIM 16 (Nouvo Kontra A–Travay)

SOUFRANS
OTÈ: Ruth B. Greiner
ATIS: Frances H. Hertzler

©2009 Bible Visuals International

PO Box 153, Akron, PA 17501-0153
Telephone: 717-859-1131 Fax: 717-859-4360
Web: www.biblevisuals.org

LESON #1
PÈSEKISYON POU LANMOU KRIS LA
Tèks Biblik pou etidye: Travay 3; 4:1-31; 1 Pyè 2:19-20
Bi leson an: Pa fwa Bondyè pemèt kwayan yo soufri pou byen
yo fè osinon paske yo te byen aji.
Sa elèv ou yo ta dwe konnen: soufrans wap andire pou Kris
jodi a pa anyen pa rapò ak bèl bagay kap tann nou nan
syèl la.
Sa elèv ou yo ta dwe santi: Yo dwe prèt pou soufri pou Kris.
Sa elèv ou yo ta dwe fè: Se pou yo ankouraje zanmi yo
(tankou Pyè ak Jan) nan sèmèn sa a.
Gran pwen yo nan leson an (Sa se pou kane Monitè a ak
elèv la.)
1. Bwate kap mande a (Travay 3:1-6)
2. Bwate ki te fè lafwa nan Jezi a epi ki te mache (Travay
3:7-26)
3. Yo lage Pyè ak Jan nan prizon pou levanjil (Travay 4:1-4)
4. Pyè ak Jan preche devan gwo chèf relijye yo ki te menase
yo, malgre sa mesye yo te kontinye preche toujou.
(Travay 4:5-31)
Vèsè Pou Memorize:
« Mwen konnen ke soufrans ke map andire jodi a pa
anyen ak sa kap tann nou nan syèl la. » (Romen 8:18)
Yon ti mesaj pou Monitè a:
Pandan nap fè etid pou legliz (volim 15), nou te aprann
avèk ki siksè premye kretyen yo te genyen nan pote levanjil
nan peyi ki te pi lwen yo. Ou ta ka reflechi ke ministè yo te
fasil paske yo te obeyi kòmandman Senyè a. Men, se pa vre.
Lè w ta fè yon etid sou liv Travay(oubyen Ak Dèzapòt yo)
wap rive wè ke bagay yo te trè di anpil fwa pou apòt Bondyè
yo sitou si nou ta panse kòman anpil nan yo te pran prizon,
gen lòt yo te bat, gen lòt ki te resevwa kout wòch san konte sa
ki te mouri. (Wè sak te rive yonn nan premye temwen yo, Paul
–2 Korentyen 11:23-27) Malgre opozisyon, kretyen premye
syèk yo te kontinye preche levanjil Kris la malgre ke
obeyisans yo te trennen soufrans dèyè yo.
Te gen yon moun ki te di ke pwoblèm di se pa toujou
rezilta peche moun fè; pafwa soufrans se eprèv pou bon bagay
ou te fè. Pwoblèm okontrè konn fè nou gen plis lafwa toujou.
Lè kretyen yo fè sa Bondyè mande yo fè, eske yo ka soufri
ankò? Wi, selon pawol Bondyè a. Men sa bon pou nou konnen
ke pwoblèm nou gen pou yon ti tan an kap ban nou gwo
rekonpans pou tout tan (ann wè 2 Korentyen 4:17) Tout sa k
ap rive nou jodi a pa vo anyen devan sa k ap tann nou nan syèl
la.
LESON AN:
Eske yo poko pini w pou yon bagay ou fè ki bon, osinon
pou yon bagay ki jis?
Sa gen yon bon ti bout tan depi de (2) nanapò yo, Pyè ak
Jan, te resevwa pinisyon paske yo te fè sa ki bon ak jis. Koute
sa m pral di ou la a avèk anpil atansyon.
1. BWATE KI TAP MANDE A
(Travay 3:1-6)
Premye kretyen yo te konn priye nan tanp lan twa fwa pa
jou–9è nan maten, a midi, epi twa zè nanaprè midi. Yon jou
pandan yo te rive devan pòt tanp la ke yo te rele Bèl Pòt la, yo
te wè yon pòv bwate ki tap mande lacharite.
Montre imaj #1
Nonm nan te pare men li pou l te resevwa kichòy. Pyè ak
Jan tap gade li je pou je. La menm Pyè di li, « Gade nou. »
Nonm nan tap gade mesye yo. Li te panse yo ta pral ba li
lajan. Pyè reponn li ankò: « Mwen pa gen ni lajan ni lò pou m
bay ou men sa mwen genyen map ba ou li. »
Nonm lan tap reflechi: ki sa nèg sa yo ka ban mwen ki
bon plis ke lajan. Se lajan mwen bezwen. Lajan wi, mwen
bezwen.
Lè sa a, Pyè di ankò: « Nan non Jezikri, se pou ou leve e
mache! » Koman nonm nan tap fè mache ? Li pat konn mache
anvan sa!
2. BWATE A GEN LAFWA NAN JEZI ENPI LI
MACHE
(Travay 3:7-26)
Montre imaj #2 a
Men Pyè bese. Li pran men dwat nonm lan. Li fè l leve
kanpe. La menm, pye li ak cheviy li te vi-n djanm. Li te vi-n
ka mache! Li pat bezwen chita devan Bel Pòt la ankò enpi

Creole NT Volume 16 -- P. 1