TATA IBADAH PESTA PASKAH I

TOPIK MINGGU : MARLAS NI ROHA MIDA HATUAONNA I

1. Joujou tu Parsombaon
L : Huria na hinaholongan ni Tuhanta! Aha do sialana umbahen na marpungu hita nuaeng
di bagasjoro on? Ima siala boaboa ni Tuhan i: Nunga hehe Kristus. Nunga maloha
tanoman i. Ndang disi be Ibana. Nunga talu hamatean. Jala ganup na mangolu jala na
porsea di Ahu, na so tupa mate ibana salelnglelengna!
H : Ai tangkas do huboto mangolu do Sipangolu ahu, jala Ibana parpudi jongjong di atas ni
orbuk.
L : Boto hamu ma on: Jahowa do Debata; Ibana jumadihon hita, jala Ibana nampuna hita,
bahen bangsoNa dohot birubiru pinarmahanNa.
H : Bongoti hamu ma angka bahalNa marhite hamauliateon, angka alamanNa marhite
pujipujian, mauliate ma rohamuna tu Ibana, puji hamu ma goarNa.
L : Ai pardengganbasa do Jahowa, ro di salelenglelengna do asi ni rohaNa, na
marsundutsundut do hasintonganNa. Tapuji Tuhanta, Marende ma hita!
2. Marende BE No. 96 : 1-3, “Nunga Talu Hamatean”
 Nunga talu hamatean dibaen Tuhan Jesus i
Ai na hehe do Ibana songon na nidokNa i
Haleluya, haleluya nunga hehe Jesus i Haleluya, haleluya nunga hehe Jesus i
 Ia angka boruboru lao do tu tanoman i
Ndang disi be Tuhan Jesus nunga hehe sian i. Haleluya...d.s.t - jongjong -
 Marlas roha be ma hita ala hehe Jesus i
Ai malua sude hita sian hamagoan i. Haleluya...d.s.t
3. VOTUM – INTROITUS – TANGIANG
L : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar
ni Tondi Porbadia, na tumompa langit dohot tano on. Amen! Nunga hehe Tuhan i,
nunga tutu hehe Ibana. Ari on do na jinadihon ni Jahowa, marolopolop jala
marlasniroha ma hita di si.
H : Batu naung binolongkon ni angka pande bagas, i ma gabe batu parsuhi. Pinamasa ni
Jahowa do I, halongangan do I anggo di matanta.
L : Haleluya!
H : (Mangendehon) Haleluya!, Haleluya!, Haleluya!
L : (Martangiang ma hita!) Ale Tuhan Jesus, Tuhannami! Ndang pola be mabiar hami mida
hamatean, ai Ho do ulunami, ruasMu do hami.
H : Dipaunsat Ho do hami sian haholomon tu hatiuron, sian hamatean tu hangoluan.
L : Antong pargogoi ma hami mamuji dohot mangoloi Ho, pasangaphon Ho dibagasan
haporseaon na mangolu, paima sahat hami tu lambungMu. Amen!
4. Marende BE No. 635 : 2-3 “Ro Tuhan Jesus”
Di paraloan au dongananNa, pos do rohangku di ngolungki.
PamonangonNa au anakhonNa ala naung monang jala hehe Tuhanki.
Reff: Ala hehe Jesus ro do ari sogot, mangolu au, dang mabiar au.
Huboto do sonang au raphon Jesus, sonang ma au ala naung hehe Jesus i
CMolo marujung muse ngolungku mansohot do nang sitaononki.
Ai nunga talu banuatoru, ditomu Jesus au tinobusNa i.
Reff: Ala hehe Jesus, …..
5. PATIK : ROM 10 : 9-10
L : Patik ni Debata di Parningotan Ari Haheheon ni Tuhan Jesus Paska Parjolo sadari on ima
Roma 10 : 9-10 : Ai malua ma ho, molo diparhatopot pamanganmi Tuhan Jesus I, huhut
dihaporseai roham, naung dipahehe Debata Ibana sian angka na mate. Ai roha I do
porsea, asa tu hatigoran; pamangan I do manghatindanghon, asa tu hangoluan.
Antong! Rap mangido gogo ma hita sian Debata laho mangulahon na hombar tu
patikNa i.
L+H: Ale Tuhan Debata, sai pargogoi ma hami mangulahon na hombar tu PatikMi. Amen.
6. Marende BE No. 165 :1-2 “Na Basa Do Roham Di Au”
Na basa do rohaM di au, o Jesus Tuhanki.
Diihuthon Ho au tu nadao, mambuat rohangki. -Jongjong-
Pardosa na godang do au, badia anggo Ho.
Sai tu na roa do au lao sai tu na jahat do.
7. MANOPOTI DOSA + BAGABAGA HASESAAN NI DOSA
L : Huria ni Tuhanta, na mangolu do hita di tongatonga ni zaman na lam tu majuna on.
Alai tahilala do lam tu maolna do sipata ngolungolu on. Olo do ala ni ekonomi,
hahipason, parkarejoan, dohot angka ragam ni tanggungjawab na ingkon tatuhuk di
parngoluonta on. Ndang tuk gogo, ndang mampu hita manggohi angka boban di
bagasan ngolunta, pargogoi hami Tuhan.
H : Tadok do dibagasan rohanta, molo nunga dapothu angka ondeng dibagasan
ngolungku, dapot citacitangku, tulus sangkaphu, sonang ma ngolungku. Dibahen i,
jotjot ma suda tingkingta dohot gogonta laho mamingkiri dohot mangalului angka
ondeng di ngolunta, lupa do hita sian Debata do mual ni nasa na denggan dibagasan
ngolunta on. Ndang holan hamoraon, hasangapon dohot hahipason na ringkot di ngolu
on alai Dame dohot hasintongan do ngolunta.
H : (mangendehon) BE No 182 : 2 “Haholongan Nabadia”
Husolsoli do rohangku, na gok dosa i tongtong;
Ai godang ariaringku na hubahen ambolong.
~~ tingki na hohom~~~ organ mangendehon BE 182
L: Antong, tatopoti ma dosanta na godang i tu adopan ni Debata Martangiang ma hita ! :
Ale Tuhan Debata, Amanami na di banuaginjang ! Ho do na patupahon hasesaan ni
dosa di hami halak na dangol on marhitehite Anak haholongan ni rohaM di hami,
angka na mangarsakhon dosanami. Sai sahapi ma tu bagasan rohanami hasesaan ni
dosanami i. Lehon ma tu hami TondiM na badia i, asa unang ganggu rohanami di asi ni
rohaM, alai asa hot rohanami marhaporseaon laho manggotaphon nasa dosa dohot
roha portibi on, asa hupasahat hami dirinami tu Ho, gabe pelean na mangolu jala na
badia marhitehite Tuhan Jesus Kristus Tuhannami. Amen!
Tabege ma hata bagabaga taringot tu hasesaan ni dosa: Humophop hita, gabe dosa do
Ibana na so tumanda dosa dibahen Debata, asa gabe hatigoran ni Debata hita,
marhitehite Ibana. Hasangapon ma di Debata na di ginjang!
H : Amen. (Hundul)
8. Marende BE No. 92 : 4-5 “Puji Ma Namanaluhon”
 Uju i di namanogot, di na buha siang i. Mijur do surusuruan lao tu tanoman i.
Dung diungkap batu i dipahundul ma Ibana,
paboahon di na ro ndang be dibagasan Ho
 Nunga Tu tanoman si Maria paturehon bangkeMi.
Tung beha ma di rohana dung dibege hataMi ?
Dohot mangalusi i? au pe idaonhu sogot. Ho di hasangaponMi, Ho o Jesus Tuhanhi
9. E P I S T E L : MARKUS 16 : 1- 8
L : Hata ni Debata turpuk ni ari Parningotan Haheheon ni Tuhan Jesus-Paska I sadarion,
tarsurat di Markus 16 : 1 – 8, marsorinsorin ma hita manjahasa: asa dung salpu ari
Sabbat i, dituhor si Maria Magdalena dohot si Maria ni si Jakkobus rap dohot si Salome
ma ragamragam ni na hushus, laho mamiaki bangkeNa.
H : Ja di mansai sogot di ari parjolo dung Sabbat i, laho ma nasida tu tanoman i, di na binsar
mata ni ari.
L : Masipandohan do nasida: Ise ma manggulang batu i di hita sian baba ni pintu tanoman
i?
H : Mamereng dompak i nasida, diida ma naung digulang batu i, ai na balga situtu do i.
L : Dibongoti nasida ma tanoman i, gabe diida ma dolidoli sada parulos na
marlinanglinang, hundul tungkan siamun, jadi mabiar situtu ma nasida.
H : Alai ninna do mandok nasida: Unang ma hamu mabiar! Dilului hamu do Jesus na sian
Nasaret, naung diparsilangkon. Nunga hehe Ibana; ndang dison Ibana! Ida hamu ma
inganan hapeahanna on!
L : Laho ma hamuna, paboa hamu ma tu angka siseanna dohot tu si Petrus: joloananna do
hamu tu Galilea, disi ma idaonmuna Ibana, songon naung didok hian tu hamu!
H : Dungi ruar ma nasida maporus sian tanoman i, laos angka dotdot do nasida jala tarmali.
Jadi ndang adong dipaboaboa nasida agia tu ise, ai na tahuton do rohanasida.
L : Ido sahat ni turpuk i. Martua do angka natumangihon hata ni Debata jala na umpeopsa
H : Amen.
10. Marende BE No. 93 : 3-4, “Pesta Paska hatuaon”
Tuhan Jesus do na monang, Tuhan Jesus do pasuang
las ni roha dame pe, las n iroha dame pe.
Dongan golom ma hataNa, na porsea di Ibana ndang tagamon mago be-jongjong-
Sai tapuji ma Tuhanta na pabongot tu rohanta
roha panghirimon i, roha panghirimon i.
Ia mate pe donganta, sogot ingkon idaonta saluhut di surgo i
11. MANGHATINDANGHON HAPORSEAON:
L : Tahatindanghon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok:
H : Ahu Porsea di Debata Jahowa ….. d.u. Amen !
12. Koor :
13. TINGTING
14. Koor :
15. Marende BE No. 627 : 1-… “Jesus Naung Hehe” (Pelean Ia + Ib)
 Jesus naung hehe, Haleluya, puji endehon, Haleluya.
Hamonangan ni Tuhanta i namanaluhon sibolis i.
Las ma roham puji ma Tuhan i ala naung talu hamatean i.
Sesa dosanta, Haleluya; mangolu Jesus, Haleluya
 Dia ari na patoluhon i maloha do tanomanNa i.
Jesus Raja hangoluan i, na npatundukhon sibolis i. Las ma roham…
 Bege nidok ni suruan , ida hamu ma ulosNa on.
Ndang di tanoman be Tuhan i, unang mabiar be hita on. Las ma roham ……
 Tabaritahon Tuhanta i na hehe jala mangolu i.
Singkop do panghophoponNa i di hita jolma pardosa i. Las ma roham …..
16. JAMITA: Jesaya 25 : 6-9
17. Marende BE No. 685 : 1… “Pahehe Au On” (Papungu Pelean II )
 Pahehe au on ale Debatangki, ala Jesus naung hehe mangolu tongtong.
Haleluya, puji Tuhan, Haleluya amen; Haleluya puji Tuhan, pahehe au on.
 Pahehe au on Tondi ni Tuhanhi, na papatar tu hami Sipalua i.
Haleluya puji Tuhan …… --- musik---
 Pahehe au on Jesus sihophop au, pola mate tarsilang Ho manobus au.
Haleluya puji Tuhan …….
 Pahehe au on, sai patau ma au on, baen panondang tu dongan di na rodop on.
Haleluya puji Tuhan ….
18. Tangiang Pelean + Ari Haheheon + Hatopan + Pasupasu + Amen 3x

SELAMAT PASKAH