Lecionario Dominical AnoB2 RONGA

LEMBE DRA”B”
A N O “B”
TIDONDRO TA TINSONTO
LECCIONÁRIO DOMINICAL
\
LEITURAS E COMENTÁRIOS LITÚRGICOS EM RONGA
NSONTO YA KUSUNGULA KU NKAMA WA KU LAVISELA

HOSI
Primeira Leitura:Is.63,16b-17;64,1,3b-8.
(63,16b-17,19b;64,2b-7)
Introdução:
AHosi yi ta xika hi le matilweni, hi ku trutrumela ku huluxa hine vhanu,
hikusa hi swivumbiwa swa mandla ya kwe.
Dondro ya Buku dra Muprofeta Ezaya:
Wene Yehova, u Tatana weru; avito draku i Muhuluxi weru wa masiku ni masiku.
Alee Yehova! Hikola ka yini loko u hi yinga-yingisa kule ni tindlela ta ku, ni ku
2
nonohisa timbilu teru, akuva hi nga ha ku txhavi? Tlhelela, hikola ka malandra ya

ku, atinxaka ta pfindla dra ku! Mawaku, loko nha unga handrula matilo, u xika,
atinhava afa ti ta trekatreka mahlweni kwa ku. Loko u yentxile le'swi txhavisaka,
leswi afaka hi nga swi laviselanga, u xikile, kutani tinhava ti trekatrekile mahlweni
kwa ku. A ku si yingeliwa ni khale, a ku si yingelisisiwa hi ndleve, a ku si voniwa
hi mahlu Xikwembu Nkulukumba mun'wwana, ahandle kwa ku, lw'a tiraka akuva a
pfuna la'va mu laviselaka. wa ku tlhangaveta lw'a trhavelaka ku yentxa le'swa ku
lulama, ni la'va ku drimukaka hi ku famba tindleleni ta ku. Lavisa, u hlundrukile, afa
hi dohile, ni khale afa swi tanu,... xana hi ta huluka? Hikweru hi fana ni mhunu lw'a
nga ni ntima ni ku lulama kweru hinkwaku ku fana ni nkhantju lo'wu nga wa nsila;
hinkweru ha buna, swanga hi matluka; ni vusomboloki byeru byi hi khalutisa swanga
mheho. A ku na mhunu lw'a khongotaka hi vito dra ku, lw'a pfukaka ka namarela ku
wene; hikusa u hi fihleli mombo wa ku, kutani u hi hambi ku fa hi vusomboloki
byeru. Kambe swoswi, we Yehova, u Tatana weru; hine hi vumba, hi wene muvumbi
weru, hinkweru hi ntiro wa mavoko ya ku.
Ritu dra Hosi!
Psalma: 79(80), 2ac-3b, 15-16, 18-19.
Ntekelelo: Hi pfuxe nangweso, we Xikwembu

Nkulukumba
U vaningisa mombo wa ku, hi ta huluxiwa.
1 - Reya ndleve,wene Mubyisi wa Yisrael,

Wene lw'a trhamaka makari ka makerubime ya
ku phatima.
Pfuxa ntamu wa ku, u tela ku hi pfuna.
2 - Buya, Xikwembu Nkulukumba wa makhandra,

Lavisa na u tilwini, u vona, u pfuna vinya lowu.
Mpfenkela lexi avoko dra ku le'dra xinene dri
xi simekiki.
3 - Avoko dra ku a dri ve henhla ka mhunu wa voko

dra ku le'dra xinene,
Ahenhla ka n'wana wa mhunu lwe u tihlauleliki yene.
Kutani hi nga ha ku fularele;
Hi hanyise, hi ta vitana vito dra ku.
Segunda Leitura. I Cor. 1, 3-9.
Introdução:
2
3
Atimpswalu ta Xikwembu Nkulukumba hi tone ti ta ka kota ku hi pfuxa, ti hi

luleka, na hi kari hi lavisela aku tivonekisa ka Yesu Kriste, Hosi yeru.
Dondro ya Papela dra ku Sungula dra S.Paulo ku va-le-Korinte:
Vamakweru: Atimpswalu a ti ve ku n'wine ni ku rula, swi pfa ku Xikwembu

Nkulukumba Tatana weru, ni le ku Hosi Yesu Kriste. Ndri tlangela Xikwembu
Nkulukumba wa nga hi minkama hinkwayu ha n'wine, hikola ka timpswalu ta
Xikwembu Nkulukumba leti n'wi nyikiwiki tone ku Yesu Kriste, hi leswi ku
mintxhumu hinkwayu n'wi fuyisiwiki ku yene, aku vulavuleni hinkwaku, ni ku tiveni
hinkwaku; swanga heswi vumboni bya Kriste byi tiyisiwiki amakari kwenu, n'wi ko
n'wi nga pfumali nyiko ni yin'we; na n'wi lavisela ku pfuleteka ka Hosi yeru Yesu
Kriste, lweyi a taka a n'wi tiyisa ku tlhasa vugan'wini, n'wi nga ti va ni nandru
asikwini dra Hosi yeru Yesu. Xikwembu Nkulukumba a dumbeka, lweyi n'wi nga
viteliwa hi yene aku tlhangana ni N'wan'a kwe Yesu Kriste, Hosi yeru.
Ritu dra Hosi!
Ta ku Drumisa Ivangeli:
Aleluya! Aleluya!
Hi kombe lirere la ku, Yehova,
U hi nyika ku huluxa kwa ku.
Evangelho: Mc. 13, 33-37.
Introdução:
Amukriste a fanekela aku trhama na a tibekiselile, hikusa a nga tivi nkama,
nambi siku ledri aHosi yi taka mu yendrela ha drone, yi mu londra amintiro ya kwe.
Ivangeli ya Yesu Kriste Abukwini dra Marka:
Ankameni lowo, Yesu a byela vadondrisiwa va kwe a ku: "Lavisani, n'wi hiteka,
n'wi khongota, hikusa a n'wi tivi leswaku nkama wu ta va wini. Swi fana ni mhunu
lw'a yendraka, a siyiki yindlu ya kwe, n'a nyiki malandra ya kwe antamu, ni ku
yavela mun'wana ni mun'wana ntiro wa kwe, a va a leleta ni muyimeli wa nyangwa
akuva a hiteka. Hitekani-ke, hikusa a n'wi tivi nkama lowu a Hosi ya yindlu yi taka
buya ha wone, kumbe ku ta va xidambyeni, kumbe avusikwini le'byikulu, kumbe
loko ku dringa nkuku, kumbe mixweni; suka a txhuka e ku tlhasa, a n'wi kuma na
n'wi khutriyelile. Kambe leswi ndri n'wi byelaka swone, ndri byela hinkwavu, ndri
li: Hitekani.
3
4
Ritu dra Huluxu
NSONTO YA WUBIDRI KU NKAMA WA KU LAVISELA HOSI
Primeira Leitura: Isaías 40, 1-5. 9-11
Introdução:
Agundru dra Hosi, yi nga ndlela le'yikulu ya Xikwembu Nkulukumba, yi
bekisiwa hi mahanyela la'manene, ya vukriste. A wa buya, abuyela ku ta hi
mbuwetela ni ku hi tirula, hi ndruluka, hi huma swihonweni, hi nhingena anfunwini
wa matilo.
Miyetani, miyetani tiko dra nga, ku hlaya Yehova, Xikwembu Nkulukumba weru.
Kanelani hi vumbilu ku Yerusalem, nwi bandlukana ku yene leswaku ankama wa
kulwa kwakwe wu helile, ni leswaku vusomboloki byakwe byi drivaleliwile,
leswaku a yamukeli kubidri hi voko dra Yehova aswidrilo swakwe hinkwaswu.
Aritu dra lw'a bandlukanaka, dri ku: Bekisani ndlela ya Yehova amahuleni;
khulelani makwandrasini gundru dra Xikwembu Nkulukumba weru! Ankhinsi
mun'wana ni mun'wana wu ta seleteliwa, anhava yin'wana ni yin'wana ni xitrunga
xin'wana ni xin'wana swi ta hirimuxiwa. Switrunga swi ta ndruluka livala, kutani
tinhava ti ta ndruluka livala. Ku ta pfuleteliwa ku phatima ka Yehova, kutani nyama
yin'wana ni yin'wana yi ta ku vona xikan'we, hikusa nomu wa Yehova wu hlayile.
Ntlhantukela nhaveni le'ya ku leha, wene lw'a rerelaka Tsiyon amhaka le'ya
vunandri; tlakuxa ritu hi ntamu, wene lw'a rerelaka Yerusalem amhaka le'ya ku
nandrika; dri tlakuxe, u nga txhave; byela miti ya Yuda, u ku: Lavisani Xikwembu
Nkulukumba wenu! Lavisani Hosi Yehova awa ta hi ntamu; awa tifumela hi voko
dra kwe; lavisani, awa ta ni hakelo dra kwe, anyiko ta ku tlangeliwa kwa kwe yi le
amahlweni kwa kwe.
Ritu dra Hosi!
Psalma: 84(85), 9ab-10, 11-12, 13-14.
Ntekelelo: Hi kombe lirere la ku, Yehova

U hi nyika ku huluxa kwa ku.
1 - Ndri ta yingela leswi Xikwembu Nkulukumba a taka

swi kanela;
Hikuva a ta vulavula ku rula.
Kunene ku huluxa kwa kwe ku le kusuhi
ni la'va mu txhavaka,
4
5
Akuva vumenyemenye byi trhama tikweni dreru.
2 - Alirere ni wunene swi tlhanganile,

Aku lulama ni ku rula swi ncuntanile.
Awunene swi mila misaveni;
Aku lulama ku lavisa hansi, na ku li tilwini.
3 - Mfuri Yehova a ta nyika le'swa hombe;

Amisava yeru mi ta nyika mihandru ya yone.
Aku lulama ku ta famba mahlweni kwa kwe;
Ku hi beka ndleleni ya minkondro yakwe.
Segunda Leitura: II Pe. 3, 8-14.
Introdução:
Aku tlhasa ka Hosi, akuheleni ka misava ni le nkameni wa ku fa kweru, i
ntxhumu lo'wu fanelaka aku rindreliwa hi mun'wana ni mun'wana na a xwengile a
nge na swihono; ku djuleka mfuri a hika dra kwe dri li kuruleni.
Dondro ya Papela dra S. Pedro:
Varandriwa: Ku ni mhaka yin'we, yi nga n'wi kohleni, leswaku asiku drin'we ku

Hosi dra ku va swanga khume dra madzana ya malembe, ni khume dra madzana ya
malembe swanga siku drin'we. AHosi a yi hlweli ku yentxa leswi yi nga dumbisa
swone, swanga heswi vanwe va pimisaka leswaku i ku hlwela: ya ku n'wi lehisela
mbilu, leswi yi nga swi randrikiki leswaku ni mun'we a lahleka, ya ka ku randra
leswaku hinkwavu va ta va ndruluka. Kambe asiku dra Hosi dri ta tlhasa swanga hi
khamba, ledri matilu ma taka hundra ha drone hi ku druma lo'kukulu; amasungulo
ya hinkwaswu ma ta pswa, ma munyeka; misava na yone, ni mintiro le'mi nga ku
yone, mi ta pswa ku hela. Kolahu, leswi hinkwaswu leswo swi taka munyeka, n'wi
fanela kuva vhanu la'va ku nhati amahanyeleni la'ya ku xwenga ni ya vukhongoti; hi
ku lavisela ni ku hangweyesisa ku tlhasa ka siku dra Xikwembu Nkulukumba, ledri
matilu ma taka pswa ha drone, ma munyeka, ni masungulo ya hinkwaswu ma pswa
ma nyuka! Ha ku lavisela matilu la'mampswa ni misava le'mimpswa hi ku dumbisa
kwa kwe, leswi ku lulama ku yakiki ku swone. Hi leswo-ke, varandriwa, leswi n'wi
laviselaka leswo, khinyelani akuva n'wi kumiwa hi yene na n'wi ni ku rula, na n'wi
nge na bati ni nsandru.
Ritu dra Hosi!
5
6
Aleluya! aleluya!
Bekisani gundru dra Hosi,
N'wi hamba tindlela ta kwe ti lulama
Kutani anyama yin'wana ni yin'wana
yi ta vona ku huluxa ka
Xikwembu Nkulukumba.
Introdução:
Aku basisa ni ku lulamisa ka gundru ledri aHosi yi taka tlhasa ha drone, hi
fanela ku swi yentxa hi ku pfuxeta amihandru ya moya ni tinfanelo ta ku trakamisiwa
kweru.
Asungulela dra Ivangeli dra Yesu Kriste, N'wana wa Xikwembu Nkulukumba.

Swanga hi leswi nga traliwa hi Ezaya, muprofeta, a nga ku: Vonani, ndri ruma
xirun'wa xa nga amahlweni kwa ku, le'xi taka bekisa ndlela ya ku: Aritu dra lw'a
bandlukanaka ahuleni dri li: Bekisani gundru dra Hosi, n'wi hamba tindlela ta kwe
ti lulama! Ka humeleli Yohan, lw'a faka a bapatisa huleni, arera ta bapatiso dra ku
ndruluka, loko ku yisaka ku drivaleliweni ka swihono. Atiko hinkwadru dra le
Yudea ni va le Yerusalem hinkwavu va huma va ya ku yene; afa va bapatisiwa hi
yene anfuleni wa Yordane, na va tihlaya swihono swa vu. Yohan afa a yambala voya
bya kamele, ni bandi dra nhlonge alikhalwini, af'a dondrisa, a ku: Ku ta mun'wana
antrhaku kwanga, lw'a ndri tlulaka hi ntamu, ndri nga fanelikiki ku nha ndri karama
ndri ntxhunxa ngoti ya tintangu takwe. Mine ndri n'wi bapatisa hi mati, kambe yene
a ta n'wi bapatisa hi Moya lo'wa ku Xwenga.
Ritu dra Huluxu!
NKHUVU WA MARIA WA KU BELEKIWA NANGENA XIHONO
Primeira Leitura: Gen. 3, 9-15. 20.
Introdução:
Namunhla hi drimuka ankhuvu wa Maria lw'a nga tluleliwangakiki hi xihono.

Amaritu lawa ma taka dondriwa ku buku dra Genesis ma khanela hi ku yavanyisiwa
ka vatatana veru va ku sungula ntrhaku ka xihono xa ntumbuluku. Ntlhanta-kubidri
hi bekeliwa xidumbiso xa leswaku Eva a ta hlula nala hi ku mu kandretela nhloko.
6
7
Axidumbiso lexi afa xikongometiwa ka Maria, lweyi a nga ka a nga tluleliwanga hi

xihono.
Dondro ya Buku dra Genesis:
Yehova Xikwembu Nkulukumba a vitana mhunu a ku ku yene: U kwini? Aku: Ndri

dri yingelile aritu dra ku axirambeni, ndra ku txhava, h'eswi ndri nga yambalangakiki
ntxhumu, ndra ku tumbela. A ku: U byeliwi hi mani leswaku a ku yambalanga
ntxhumu? Xana we ku da muri lowu ndri ku leletiki ndri ku: U nga ve da wone,
xana? Amhunu a ku: Ansati lwe u nga ndri nyika yene akuva a va na mine, yene a
ndri nyiki muri, ndra ku da. Yehova Xikwembu Nkulukumba a ku ku wansati:
Impswini leswi u swi yentxiki? Awansati a ku: Anyoka ye ku ndri kanganyisa, ndra
ku da. Yehova Xikwembu Nkulukumba a ku ku nyoka: Leswi u yentxiki leswi, u
ruketeliwile swifuyweni hinkwaswu ni swiharini hinkwaswu swa nhova; u ta famba
hi khuri, u da ntrhuri masiku hinkwawu ya ku hanya kwa ku. Ndri ta beka ku yalana
makari kwa ku ni wansati, ni le makari ka lixaka la ku ni lixaka la kwe; li ta ku
pfotlota nhloko, wene u li luma xirendre. Amhunu a ku txhula nkat'a kwe avito dra
Eva, hi leswi a nga mamana wa hinkwavu la'va hanyaka.
Ritu dra Hosi!

Psalma: 97(98), 1, 2-3ab, 3cd-4.
Ntekelelo: Yimbelelani lisimu limpswa.

Nkulukumba a yentxi mahlolwana.
1 - Yimbelelani Yehova lisimu lo'limpswa hikusa

Yehova a yentxi mintxhumu le'mi hlamalisaka;
Avoko dra kwe le'dra xinene, ni nkono wa kwe
lo'wa ku xwenga swa mu pfunile.
2 - Yehova a vonekisi huluxo dra kwe;

Aku lulama kwa kwe a ku pfuleteli mahlweni ka
matiko.
A drimuki lirere la kwe ni ku dumbeka kwa kwe ku
yindlu ya Yisrael.
3 - Avugamu hinkwabyu bya misava

byi voni huluxo bya Xikwembu Nkulukumba weru.
Huwelelani hi ku trhava ku Yehova n'wine misava
hinkwayu.
Segunda Leitura: Ef. 1, 3-6. 11-12.
7
8
Introdução:
Maria a kumi matovoko ya ku ka a nga tluleliwi hi xihono hikola ka
timpswalu ni ntamu wa Yesu Kriste. Axileswo na hine hi kumi andjombo ya ku
ndruluka vadi va pfindla dra Nfumo wa Matilo. A hi yingiseteni mhaka ya dondro
dra Papela dra S. Paulo dri taka hlayiwa swoswi.
Dondro ya Papela dra S. Paulo ku va-le-Efesa:
A ku tlangeliwe Xikwembu Nkulukumba, Tatana wa Hosi yeru Yesu Kriste, a nga

hi tovokisa hi ku tovokisa hinkwavu ka moya amatilwini ku Kriste, swanga hi leswi
faka a nga hi hlaula ku yene, na misava mi nga sanga na tumbuluka, akuva hi va va
ku xwenga ni la'va pfumalaka bati amahlweni kwa kwe; hi lirandru la kwe a hi yimisi
khale akuva hi ta hlayiwa vana va kwe ha Yesu Kriste, hi ku tirandrela ka mbilu ya
kwe, aku twaliseni ka lidrumo dra timpswalu ta kwe leti a nga hi hanana tone hi
murandriwa wa kwe, hi leswi hi nga yimiseliwa khale, hi ku tiyisa lo'ka khale ka lwe
a yentxaka hinkwaswu hi kungu dra ku randra kwa kwe, akuva hi ta va hi nkhensa
lidrumo la kwe, hine la'va nga rangela ku dumba ku Kriste.
Ritu dra Hosi!
Aleluya! Aleluya!
Xawani,wene,lw'a kumiki timpswalu;
AHosi yi na wene!
U ni ndjombo makari ka vavasati.
Evangelho: Lc. 1, 26-38.
Introdução:
Xikwembu Nkulukumba a nga hluliwi ha ntxhumu. Swanga hi leswi afaka a
hlauli Maria akuva ava Mamana wa Muhuluxi, a mu tumbuluxi n'a tali hi timpswalu,
a nga mu trikanga a tluleliwa hi xihono.
Ivangeli ya Yesu Kriste Abukwini dra Luka:
Ku nkama luwa, a nwhetini ya ntlhanu na yin'we, axirun'wa Gabriel xi rumiwi hi

Xikwembu Nkulukumba amutini wa le Galilea lo va liki i Nazaret, ku lwe
wanhwanyana lw'a butiwiki hi nuna lwe va liki i Yosefa, wa yindlu ya Davida; avito
dra lwe wanhwanyana af'e Maria. Axirun'wa xi ku xa nhingena ku yene, xi ku ku
yene: Xawani, wene, lw'a kumiki timpswalu: Ahosi yi na wene! Yene kambe a ku
txhuka hi rito ledro, a yanakanya leswaku xana a losela ledri i dra ku yini xana?
8
9
Kutani axirun'wa xi ku ku yene: U nga txhave, Maria hikusa u kumi timpswalu ku

Xikwembu Nkulukumba; lavisa, u ta va ni nyimba, u ta beleka n'wana wa
wandrisanyana, u ta mu txhula vito dra Yesu. Lweyo a ta va nkulu, a ta hlayiwa
n'wana wa lw'a nga Henhla-Henhla; Hosi Xikwembu Nkulukumba a ta mu nyika
xitrhamu xa vuhosi xa Davida tatana wa kwe; a ta fuma yindlu ya Yakob hi minkama
hinkwayu; avuhosi bya kwe byi nga vi na vugamu. Kambe Maria a ku ku xirun'wa:
Xana swi ta yentxisa ku yini leswi ndri nga tivikiki wanuna? Axirun'wa xi yangula
xi ku ku yene: Amoya lo'wa ku Xwenga wu ta ta henhla kwa ku, ni ntamu wa lw'a
nga Henhla-Henhla wu ta ku fukumeta; hi leswo-ke leswi swa ku xwenga swi taka
belekiwa swi ta txhuliwa N'wana wa Xikwembu Nkulukumba. Mfuri lavisa,
Elizavet, axaka draku, na yene a ni nyimba, a ta beleka wandrisanyana avuduhwatini
bya kwe; kutani ahweti leyi i ya vutlhanu na yin'we ku lwe afaka va ku i xihiko.
Hikusa a ku na xa ntxhumu le'xa ku ka xi nga koteki ku Xikwembu Nkulukumba.
Maria a ku: Hi swone, ndri nandra wa Hosi; a ku yentxiwe ku mine swanga heswi u
hlayisaka xi-swone. Kutani axirun'wa xi suka ku yene.
Ritu dra Huluxu!
NSONTO YA WURARU KU NKAMA WA KU LAVISELA HOSI

Primeira Leitura: Is. 61, 1-2a. 10-11.
Introdução:
Aku buya ka Hosi ku kongometa aku ta ta hi humexa vukaraweni bya moya,
hi ntlhantlheka, hi ndruluka swipfundri amimoyeni yeru. A hi trhaveni atimbilwini
teru.
Amoya wa Hosi Yehova wu le henhla kwa nga, hikusa Yehova a ndri totile akuva
ndri drungulela la'va ku nabyala madrungula la'manene; a ndri rumi akuva ndri daha
la'va nga ni timbilu le'ti trhovekiki, ni ku byela la'va bohiwiki akuva va ntrhuxiwa,
ni la'va nga bohelweni akuva va pfuleliwa; ni ku hlaya lembe le'dra vunene bya
Yehova. Ndri ta titrhavela ku Yehova ngopfu; amoya wa nga wu ta titrhavela ku
Xikwembu Nkulukumba wa nga, hikusa a ndri yambexile minkhantju ya huluxo, a
ndri fukumetile hi xiyambalu xa vululami, swanga hi mubuti lw'a tixongisaka hi
ntlontlo, ni mutekiwa lw'a ti xongisaka hi swilongo swa kwe. Hikusa swanga hi loko
misava mi humexa swihluke swa yone, ni masimu ya wone ma milisa timbeu ta
wone, hi swoswo Hosi Yehova a ta milisa ku lulama ni ku nkhensa mahlweni ka
matiko hinkwawu.
Ritu dra Hosi!
9
10
Psalma: Lc. 1, 46b-48, 49-50, 53-54.
Ntekelelo: Amoya wa nga wu ta titrhavela

ku Xikwembu Nkulukumba wanga.
1 - Ahika dri ta twalisa Yehova.

Ni moya wanga wu tinyonxeli ku
Xikwembu Nkulukumba, a Muhuluxi wa nga.
Hikusa a langusi aku trongahateka ka nandra wakwe,
Atinxaka hinkwatu ti ta ndri hlaya lwe wa ndjombo.
2 - Hi leswi lwe wa ntamu a ndri yentxeliki le'swikulu.

Avito dra kwe dri xwengile.
Na dro lilondro dra kwe dri le tinxakeni ni le tinxakeni.
Ku la'va mu txhavaka.
3 - A xurisi la'va ndlala hi le'swinene, a va a tlhelisa la'va

ku fuya na va nge na ntxhumu.
A pfunisi Yisrael, anandra wa kwe.
A drimuka lirere dra kwe.
Segunda Leitura: I Tess. 5, 16-24.
Introdução:
Axikhongoto hi xone xi hi nyikaka a ntamu wa ku hlula sathana, hi va hi
trhama hi tihanyela hi matovoko, na hili kari hi lavisela ku buya ka Hosi.
Dondro ya Papela dra ku Sungula dra S. Paulo ku va-le-Thesalonika:
Vamakweru: Trhavani hi minkama hinkwayu, n'wi nga kaluteni ku khongota.

Tlangelani hi hinkwaswu: Hikuva hi kone ku randra ka Xikwembu Nkulukumba ha
Yesu Kriste ha n'wine. N'wi nga timeni moya. N'wi nga dreleni vuprofeta. Dringani
hinkwaswu, n'wi bekisa le'swinene. Txhavani hinkwaswu le'swi fananaka ni wubihi.
Xikwembu Nkulukumba wa ku rula a n'wi xwengise hi ntshima ya kwe, hi matlhelo
hinkwawu, leswaku hinkwaswu le'swi nga ku n'wine, amoya ni hika ni miri, a swi
bekisiwe, swi nga vi na ku soliwa, aku tlhaseni ka Hosi Yesu Kriste. Lw'a n'wi
vitaniki awa dumbeka, a ta swi yentxa yene.
Ritu dra Hosi!
Aleluya! Aleluya!
Amoya wa Hosi wu le henhla kwa nga
10
11
Hikusa yi ndri totile, akuva ndri

drungulela swisiwana Ivangeli.
Evangelho: Jo. 1, 6-8. 19-28.
Introdução:
Tani hi swileleto swa Yohan Mubapatisi, hi fanekela aku bekisa andlela ya
Hosi, hi yi tlhutlha yi basa, hi trhama na hi lavisela aku tlhasa kwa kwe.
Ivangeli ya Yesu Kriste Abukwini dra Yohan:
Ku nkama luwa, ka humeleli mhunu, lweyi a nga rumiwa hi Xikwembu

Nkulukumba, a vito dra kwe e Yohan. Lweyo a teli ku ta hamba vumboni, a ta ta
hambela livaningo vumboni, akuva hinkwavu va ta pfumela ha yene. Af'a nge yene
livaningo. Kambe a tile ku ta hambela livaningo a vumboni.Hi byolebyi avumboni
bya Yohan, loko va-Yuda va le Yerusalem va ruma vaprista ni va-Levi va ya mu
vutisa, va ku: Wene, u mani? A pfumelile, a nga kanetanga, a pfumela leswaku: A
hi mine Kriste. Kutani va mu vutisa, va ku: U mani-ke? Xana u Eliya na? a ku: A
ndri yene. Kumbe u muprofeta xana? A yangula aku: Ihi. Va ku ku yene kolahu: U
mani? Akuva hinga yangula lava va hi rumiki. U tihlaya yini xana? A ku: Mine, ndri
ritu dra lweyi a huwelelaka huleni aku: Lulamisani ndlela ya Hosi, swanga heswi
muprofeta Ezaya a hlayisiki xi-swone. La'va rumiwiki afa ve vaFarisi. Va mu vutisa,
va ku ku yene: Xana u bapatisela yini, loko u nge Kriste, nambi e Eliya, nambi e
muprofeta xana? Yohan a va yangula a ku: Mine ndri bapatisa hi mati; kambe
amakari kwenu a kone lweyi n'wine n'wi nga mu tivikikiki, lweyi a taka ntrhaku kwa
nga, lweyi mine ndri nga fanelangakiki ku ntrhunxa ni ngoti ya xifambu xa kwe.
Atimhaka leti ti humeleli Bethania, halahaya ka Yordane, lomu faka Yohan a
bapatisa kone.
Ritu dra huluxu!
NSONTO YA WUMUNE KU NKAMA WA KU LAVISELA HOSI
Primeira Leitura:II Sam.7,1-5.8b-11.16.
Introdução:
Ka maritu lawa hi taka ma yingela Xikwembu Nkulukumba a dumbisa ka
David leswaku avuhosi bya kwe byi ta va bya ku tiya, aku rula ku ta va kone atikweni
dra Yisrael. Ku xidumbiso lexi Xikwembu Nkulukumba afa a kongoma ku khanela
hi Nfumu wa ku ka la ku hela, wa N'wan'a kwe Hosi Yesu Kriste xikan'we ni Kereke.
Dondro ya Buku dra Wubidri dra Samuel:
Ku ti loko ahosi yi trhami andlwini ya yone, ni loko Yehova a yi nyikile nkama wa

ku wisa matlhelo hinkwawu ku valala va kwe, ahosi yi ku ku Nathan amuprofeta:
11
12
Lavisa swoswi, mine ndri trhamile andlwini ya nkedar, kasi areka dra Xikwembu
Nkulukumba dri trhama atendeni. Nathan a ku ku Hosi: Famba u ya tira hinkaswu
le'swi nga mbilwini ya ku, hikusa Yehova a na wene. Ku ti ku vusiku byolebyo aritu
dra Yehova dri ta ku Nathan dri ku: Famba u ya byela nandra wa nga Davida, u ku
ku yene: A hlaya swoleswo Yehova: Xana wene u ta ndri yakela yindlu, leyi ndri
taka trhama ku yone xana? Ndri ku humexile avudelweni bya tihamba, ni le ku
landreni ka tone, akuva u ta va mufambisi wa tiko dra nga Yisrael; ndri vi na wene
hinkwaku lomu u yiki ha kone; ndri heti valala va ku hinkwavu amahlweni kwaku;
ndri ta hamba vito dra ku dri va le'drikulu, swanga hi mavito ya la'vakulu la'va nga
misaveni. Mfuri ndri ta ku bekela tiko dra nga dra Yisrael ambangu, ndri ta va
simeka lakakuva va trhama mbangwini wa vu, va nga suki; avana va vusomboloki
va nga ka va nga ha dri xanisi swanga hi le ku sunguleni, ankameni lowu ndri nga
leletela tiko dra nga dra Yisrael avatremi. Ndri ku nyikile ku wisa ku valala va ku
hinkwavu. Ayindlu ya ku ni nfumu wa ku swi ta tiyisiwa hi laha ku nga helikiki
amahlweni ya ku; axitrhamu xa ku xa vuhosi xi ta tiya hi laha ku nga helikiki.
Ritu dra Hosi!
Psalma: 88(89), 2-3, 4-5, 27, 29.
Ntekelelo: Ndri ta yimbelela lirere la

Yehova hi la ku nga helikiki.
1 - Ndri ta yimbelela lirere la Yehova

hi la ku nga helikiki,
Ndri drungula vudumbeku bya ku hi nomu
wa nga avatukulwini ni le avatukulwaneni.
Hikusa ndri ti; Alirere dri ta yakiwa ku
kondra ku va ha khale.
U tiyisa vudumbeki bya ku matilwini.
2 - Ndri yentxi xipfumelelano ni muhlauliwa wa

muhlauliwa wa nga.
Ndri fungi ku Davida nandra wa nga
Ndri ta tiyisa mbeu ya ku.
Ndri yaka xitrhamu xaku xa vuhosi.
Avatukulwini ni le vatukulwaneni.
3 - Yene a ta bandlukana ku mine:

Hi we Tatana wa nga, Xikwembu Nkulukumba wa nga,
ribye dra huluxo dra nga.
Ndri ta ku bekisela lirere dra nga hi la ku nga helikiki,
Ni xipfumelelano xa nga xi ta tiyisiwa ku yene.
12
13
Segunda Leitura: Rom. 16, 25-27.
Introdução:
Ava-Yuda ni tin'wana tinxaka ta vhanu, afa swi fanekela akuva va nhingena
aKerekeni hi ku fanana, ku tinxaka hinkwatu ku nga vi na nkulu kumbe ntrongo.
Lawa mayentxela ma ti ta dondrisa ha yene Yesu Kriste Hosi yeru. Axi-swoswo a
hi twaliseni Tatana a nga yene Xikwembu Nkulukumba.
Dondro ya Papela dra S. Paulo ku va-le-Roma:
Vamakweru: Kutani lweyi a swi kotaka ku n'wi tiyisa hi Ivangeli yanga ni hi dondro
ya Hosi Yesu Kriste, hi ku pfuleteliwa ka xihundla, lexi faka xi fihliwile, ke he
minkameni ya vukulukulu, kambe swoswi xi vonekisiwi hi matralwa ya vaprofeta,
hi leleto dra Xikwembu Nkulukumba lw'a nga helikikiki, akuva ava-matiko
hinkwavu va dondrisiwa va ta va vayengiseti aku pfumeleni, ku Xikwembu
Nkulukumba lw'a tlharihiki aswa-kwe, a ku ve ni lidrumo hi minkama ni minkama
ha Yesu Kriste! Amen.
Ritu dra Hosi!
Aleluya! Aleluya!
Ndri nandra wa Hosi,
a ku yentxiwe ku mine swanga
heswi u hlayisiki xi-swone.
Introdução:
AN'wana wa ku belekiwa hi wanhwanyana wa ku titrongahata, wa ku kala
xihono, wa le Nazaret, a ta va N'wana wa Xikwembu Nkulukumba, lweyi aNfumo
wa kwe wu nga tiki gama wu helile.
Ku nkama luwa, ahwetini ya ntlhanu na yin'we, axirun'wa Gabriel xi rumiwa hi

Xikwembu Nkulukumba amutini wa le Galilea lo va liki i Nazaret, ku lwe
wanhwanyana lw'a butiwiki hi nuna lwe va liki i Yosefa, wa yindlu ya Davida; avito
dra lwe wanhwanyana af'e Maria. Axirun'wa xi ku xi nhingena ku yene, xi ku ku
yene: Xawani, wene, lw'a kumiki timpswalu: AHosi yi na wene! Yene kambe a ku
txhuka hi ritu ledro, a yanakanya leswaku xana a losela ledro i dra ku yini xana?
Kutani axirun'wa xi ku ku yene; u nga txhave, Maria, hikusa u kumi timpswalu ku
13
14
Xikwembu Nkulukumba; lavisa, u ta va ni nyimba, u ta beleka n'wana wa

wandrisanyana, u ta mu txhula vito dra Yesu. Lweyo a ta va nkulu, a ta hlayiwa
n'wana wa lw'a nga Henhla-Henhla; Hosi Xikwembu Nkulukumba a ta mu nyika
xitrhamu xa vuhosi xa Tatana wa kwe Davida; a ta fuma yindlu ya Yakob hi
minkama hinkwayu; avuhosi bya kwe byi nga ka byi nga vi na vugamu. kambe
Maria a ku ku xirun'wa: Xana swi ta yentxisa ku yini leswi ndri nga tivikiki wanuna?
Axirun'wa xi yangula xi ku ku yene: Amoya lo'wa ku Xwenga wu ta ta henhla kwa
ku, ni ntamu wa lw'a nga Henhla-Henhla wu ta mu fukumeta; hi leswo-ke leswi swa
ku xwenga swi ta belekiwa swi ta txhuliwa N'wana wa Xikwembu Nkulukumba.
Mfuri lavisa, Elizavet, axaka dra ku, na yene a ni nyimba, a ta beleka wandrisanyana
avuduhwatini bya kwe; kutani ahweti leyi i ya vutlhanu na yin'we ku lwe afaka va
ku i xihiko. Hikusa a ku na xa-ntxhumu le'xa ku ka xi nga koteki ku Xikwembu
Nkulukumba. Maria a ku: Hi swone, ndri nandra wa Hosi; a ku yentxiwe ku mine
swanga heswi u hlayisiki xi-swone. Kutani axirun'wa xi suka ku yene.
Ritu dra Huluxu!
KU BELEKIWA KA HOSI
MHAMBA YA KU LAVELELA - WUSIKU
Primeira Leitura: Is. 9, 2-7(1-6).
Introdução:
Amhunu lweyi a hanyaka kule na Kriste, a trhama munyameni, a nga na ku
rula moyeni wa kwe. Yesu Kriste i mutlhavukanyisi wa ku tiya, i Tatana wa
minkama hinkwayu, aHosi ya ku rula.
Ku nkama luwa: Atiko ledri faka dri famba munyameni dri vonile ku vonekisa
lo'kukulu. Lava faka va yakile tikweni dra ntrhuti wa lifu, aku vonekisa ka vaninga
henhla kwavu. U yandrisile tiko, u yengetelile ku nyonxa ka drone. Va trhavile
mahlweni kwa ku swanga hi la'va trhavaka aku trhoveleni, swanga hi la'va trhavaka
aku yavelaneni ka mihandru. Hikusa ampinga lowu faka wu rwala, ni nkhavi (lowu
afaka dri wu phyita) makatla ya drone, ni nhonga ya muxanisi wa drone, u swi
trhovile ku fana ni le sikwini dra Midian. Hikusa swifambo hinkwaswu swa lw'a
kandretelaka hi pongwe ni swiyambalo le'swi traniki angatini, swi ta va swa ku
hisiwa, swa ku trhivela ndrilo ha swone. Hikusa hi belekeliweli n'wana, hi nyikiwile
n'wana wa Wandrisanyana; avufumi byi bekiwile akatleni dra kwe. A ta txhuliwa
14
15
Mutlhavukanyisi lwe wa ku hlamalisa, Xikwembu Nkulukumba lwe wa ntamu,

Tatana lw'a ngeke na ku hela, Hosi ya ku rula. Aku kulisiwa ka vufumi bya kwe ni
ka ku rula ku nga ve na vugamu, axiluvelweni xa Davida ni le nfun'weni wa kwe, ku
wu tiyisa ni ku wu nyika ntamu hi ku yavanyisa ni hi vululami, ku sukela swoswi ku
kondra ku va ha khale. Alitsimbu dra Yehova wa makhandra dri ta vanga leswo.
Ritu dra Hosi!
Psalma: 95(96), 1-2a, 2b-3, 11-12, 13.
Ntekelelo: Namunhla ku belekiwi

Muhuluxi, Yesu Kriste Hosi yeru.
1 - Yimbelelani Yehova alisimu le'drimpswa

Yimbelelani Yehova, misava hinkwayu.
Yimbelelani Yehova n'wi nkhensa vito dra kwe.
2 - N'wi hlaya huluxo dra kwe hi masiku ni masiku.

Drungulani avumenyemenye bya kwe amatikweni;
Ni mahlolwana ya kwe amakari ka matiko hinkwawu.
3 - Amatilu a ma nyonxe, amisava na yone a mi trhave;

A li drume likhulu ni ku tala ka drone.
A mi nyonxe miri hinkwayu ya mutrhu.
4 - Amahlweni ka Yehova; hikusa iwa ta,

Hikusa a tela ku ta trema timhaka ta misava.
A ta trema ta vhanu hi ku lulama,
Ni ta matiko hi ku dumbeka kwa kwe.
Segunda Leitura: Tito, 2, 11-14.
Introdução:
Yesu Kriste lweyi a belekiwiki hi yene mutiruli wa vhanu hinkwavu. Kambe
akuva mun'wana ni mun'wana a ta kuma ku huluxiwa, ku djuleka a hanya misaveni
hi ndlela ya ku lulama.
Dondro ya Papela dra S. Paulo ku Tito:
Murandriwa: Hikuva timpswalu ta Xikwembu Nkulukumba le'ti huluxaka vhanu

hinkwavu ti vonekisiwile; ti hi dondrisa leswaku hi drela vusandri ni ku navela ka
misava, hi hanya hi ku ti khoma ni ku lulama ni vukhongoti, ankameni wa swoswi,
na hi lavisela ku dumba lo'ku nyonxisaka, ni ku humelela ka ku phatima ka
15
16
Xikwembu Nkulukumba lwe'nkulu ni Muhuluxi weru Kriste Yesu, lweyi a nga

tinyiketa hikola kweru, akuva a hi tirula vusombolokini hinkwabyu, a tibasisela tiko
le'dri taka va dra kwe, le'dri khinyelaka mintirweni le'minene.
Ritu dra Hosi!
Aleluya! Aleluya!
Ndri n'wi tivisa aku nyonxa lo'kukulu:
Amuhuluxi wenu a belekiwile,
Yesu Kriste Hosi Yeru.
Introdução:
Leswi Xikwembu Nkulukumba a dumbisiki hi nomu wa vaprofeta swi
yentxekile namunhla: "Hi belekeliwi Muhuluxi a nga Kriste Yesu, amutini wa
Davida". A hi swi yingelisiseni a Ivangeleni ya Luka.
Amasikwini lawu, ka ku humexiwa nawu hi Kezar Augusto wa leswaku avhanu

hinkwavu va misava va traliwa. Atralo le'dra ku ranga ledro dra yentxiwi ankameni
lo faka Kirinus a fuma Siria. Va hanga ku khoma ndlela hinkwavu, va ya traliwa
mavito; amun'wana ni mun'wana a tiyela mutini wa kwa vu. Yosefa na yene a suka
Galilea, amutini wa le Nazaret, a ntlhantukela Yudea, amutini wa davida, lo va liki
i Betlehem, hi leswi afaka e wa yindlu ya Davida ni wa ndangu wakwe. A ya tralisa
vito kun'we na maria, mubutiwa wa kwe, lwe fak'e ni nyimba. Va ku na ve he kone,
amasiku ya kwe ya ku beleka ma ku hela; a hanga ku beleka ndrisanyana wa kwe
wa mativula, a mu trondriyela hi kapulana, a mu lata nkhubyini hikuva ifa wu nge
kone mbangu wa ku yanela vone andlwini ya vayeni.
Afa ku ni vabyisi atikweni drodro lava faka va trhamisa nhoveni va lavelela
mintlhambi ya vu amalaveleleni ya vusiku. Kutani axirun'wa xa Hosi xa ku
tivonekisa ku vone, aku phatima ka Hosi ku va trandrela makari, va va va txhava hi
ku txhava lo'kukulu. Axirun'wa xi ku ku vone: N'wi nga txhaveni, hikuva lavisani,
ndri n'wi bikela ku trhava lo'kukulu, lo'ku taka va ka tiko hinkwadru; h'eswaku
namunhla n'wi belekeliwi Muhuluxi a nga Kriste Hosi, amutini wa Davida. Mfuri
axikombiso xenu, n'wi ta kuma n'wana a trondriyeliwiki hi kapulana ankhubyini.
Kutani hi nomu-lo, ku humelela kun'we ni xirun'wa avunyingi bya yimpi ya tilu, va
drumisaka Xikwembu Nkulukumba va ku:
Aku twala a ku ve ku Xikwembu Nkulukumba ahenhla-henhla, ni ku rula amisaveni
amakari ka vhanu lava a titrhavelaka ha vone.
16
17
Ritu dra Huluxu!
MHAMBA YA MPUNDRU
Primeira Leitura: Is. 62, 11-12.
Introdução:
Ezaya, ku siku ledri dra nkhuvu a hi byela madrungula mampswa lawa ma
liki Xikwembu Nkulukumba a na hine, avakriste va faneli ku huwelela madrungula
lawa ku vhanu va matiko hinkwawo.
Lavisa, Yehova a tivisile aku ya tlhasa vugan'wini bya misava, aku: Byelani
wanhwana wa Tsiyon: Lavisa, a huluxo du dra ta; lavisa, a ni hakelo dra kwe, anyiko
ya ku tlangela kwa kwe yi le mahlweni kwa kwe. Va ta hlayiwa tiko le'dra ku
xwenga, vatiruliwa va Yehova; wene kambe u ta txhuliwa Mudjuliwa, muti lo'wu
ngeke na ku trikiwa.
Ritu dra Hosi!

Psalma: 96(97), 1, 6. 11-12.
Ntekelelo: Namunhla ku hine ku ni ku

vonakala ku belekiwi Hosi!
1 - Yehova awa fuma; a mi trhave misava;

Aswihlale le'swinyingi a swi nyonxe.
Amatilu ma hlaya ku lulama kwa kwe;
Ku ku matiko hinkwawu ma vona vumenyemenye bya
kwe.
2 - Aku vaninga ku byaliwela lwe wa ku lulama
17
18
Ni ku trhava, lwe wa mbilu ya ku lulama.

Nyonxani ku Yehova, n'wine valulami;
N'wi twalisa vito dra kwe le'dra ku xwenga.
Segunda Leitura: Tito, 3, 4-7.
Introdução:
A nkhuvu wa ku belekiwa ka Yesu i nkhuvu wa ku belekiwa kweru na hine
avuton'wini bya moya hi ku bapatisiwa. Amoya lo'wa ku xwenga hi wu yamukeliki
asikwini dra ku trakamisiwa wu hi yentxi swiru swa Miri ya Kriste.
Dondro ya Papela dra S.Paulo ku Tito:
Murandriwa: Kambe ke ku tibyiwa avumbilu ni lirandru dra Xikwembu

Nkulukumba, Muhuluxi weru, a ku hi huluxa ku nge ha mintiro ya ku lulama leyi hi
mi yentxiki, kambe hi lirere dra kwe, hi ku hlamba ka ku pswaliwa lo'kumpswa, ni
ku bandruliwa hi Moya lo'wa ku Xwenga, lowu a wu txheleteliki ku hine hi ku tala,
ha Yesu Kriste, Muhuluxi weru, akuva hi hlayiwa valulami hi timpswalu ta kwe, hi
hambiwa madapfindla hi ku lavisela ka vutomi le'byi nga gamikikiki.
Ritu dra Hosi!
Aleluya! Aleluya!
A twalisiwe Xikwembu Nkulukumba
ahenhla matilweni, a ku rula
misaveni ku vhanu lava a va
randraka.
Introdução:
Xikan'we ni vabyisi, hinkweru ha rambiwa a ku ya khisamela andrisana Yesu,
hi twalisa Xikwembu Nkulukumba Tatana.
Ankameni lowo, aswirun'wa swi tiki swi suka ku vone swi muka tilwini,
avabyisi va byelani va ku: A hi fambeni-ke, hi ya tlhasa Betlehem, hi ya vona mhaka
le'yi humeleliki leyi Hosi yi hi bikeliki yone. Va ya tlhasa hi ku hangwesa va kuma
Maria na Yosefa ni xin'wananyana le'xi yetleliki nkhubyini. Va ku va xi vona, va
18
19
hanga paluxa mhaka leyi va byeliwiki yone hi ndrisanyana lweyo. Kutani hinkwavu
lava va swi yingelaka va hlamala hi leswi vabyisi va va byelaka swone. Kambe
Maria if'a bekisa timhaka leto hinkwatu, a ti yanakanya mbilwini ya kwe. Avabyisi
va muka va twalisa Xikwembu Nkulukumba, va mu nkhensa hikola ka hinkwaswu
leswi va swi yingeliki ni leswi va swi voniki, swanga hi leswi va byelisiwiki xi-
swone.
Ritu dra Huluxu!
MHAMBA YA NHLIKANHI
Prtimeira Leitura: Is. 52, 7-10.
Introdução:
Ezaya a tivisa muti wa ku Hlauleka wa Yerusalem leswaku ma tlhasile
amasiku ya lidrumu ni ya ku khanya loku Yesu Kriste a hi buyiselaka hi ku belekiwa
kwa kwe.
Mi xongile swa kunhati atinhaveni amilenge ya lw'a tisaka timhaka le'ta vunandri,
ya lw'a reraka ta ku rula, ya lw'a buyisaka timhaka le'tinene ta ndjombo, lw'a reraka
ta huluku, lw'a byelaka Tsiyon, a ku: Xikwembu Nkulukumba awa ku fuma! Aritu
dra valaveleli va ku! Va tlakuxa ritu, va bandlukana kun'we, hi ku nyonxa; hikusa
va hlalela kusuhi loko Yehova a buya Tsiyon. Yimbelelani, banani minkulungwana
kun'we, n'wine marumbi ya Yerusalem; hikuva Yehova a miyetile tiko dra kwe a
tiruli Yerusalem! Yehova a fukumuli voko dra kwe le'dri hlaulekiki mahlweni ka
matiko hinkwawu, kutani vugamu hinkwabyu bya misava byi ta vona huluxo dra
Xikwembu Nkulukumba weru.
Ritu dra Hosi!
Psalma: 97(98), 1, 2-3ab, 3cd-4, 5-6.
Ntekelelo: Hinkwabyu vugamu bya misava byi

voni huluxo dra Xikwembu Nkulukumba weru.
1 - Yimbelelani Yehova lisimu le'drimpswa;

Hikusa a yentxi mintxhumu le'mi hlamalisaka,
19
20
Avoko dra kwe le'dra xinene, ni nkono wa kwe

lo'wa ku xwenga swa mu pfunile.
2 - Yehova a vonekisi a huluxo dra kwe;

A ku lulama kwa kwe aku pfuleteli
mahlweni ka matiko.
A drimuki lirere dra kwe ni ku dumbeka kwa kwe ku
yindlu ya Yisrael.
3 - Huwelelani hi ku trhava ku
Yehova n'wine misava hinkwayu;
Banani tihuwa ta ku nyonxa n'wi yimbelela.
Segunda Leitura: Heb. 1, 1-6.
Introdução:
Amuhlauliwa Paulus a hi byela leswaku a N'wana lweyi a vabyisi va yiki mu
nkhisamela, a hi ntrongwana wa ku fana ni van'wana: Yene i mutiruli wa vhanu
hinkwavu.
Dondro ya Papela dra S.Paulo ku va-Heberu:
Vamakweru: Xikwembu Nkulukumba, ka ti loko a kanelile khale na vatatana, hi

minkama ya ku tala ni makanelela ya ku tala, hi vaprofeta, a ku kanela na hine
amasikwini lawa ya swoswi ya vugamu hi N'wan'a kwe; lweyi a nga mu beka a va
mudi wa pfindla dra mintxhumu hinkwayu, lweyi na kone a nga vumba misava ha
yene. Leswi afaka e ku phatima ka lidrumo dra kwe ni xivumbeko xa ntshima ya
kwe, a va lweyi a tamelaka hinkwaswu hi ritu dra kwe dra ntamu, ka ti loko a hambile
ku basisa ka swihono, e ku trhamisa vokweni dra xinene dra wukuku bya le henhla,
a yentxiwa lw'a tlulaka tintrumi, swanga hi leswi a kumiki a vito le'dri tlulaka dra
tone ngopfu. Hikusa hi yini a makari ka tintrumi, leyi a nga yi byela ni kan'we a ku:
U n'wan'a nga, namunhla ndri ku belekile? Nagweso a ku: Ndri ta va tatana ku yene,
yene a ta va n'wana ku mine? Na kone kambe, loko a nhingenisa n'wan'a kwe lwe
wa mativula amisaveni, a ku: Atintrumi hinkwatu ta Xikwembu Nkulukumba a ti
mu nkhisamele!
Ritu dra Hosi!
Aleluya! Aleluya!
Dri xwengile siku ledri dri hi buyiseliki livaningo;
Tanani hi ta nkhisamela Hosi, namunhla alivaningo
20
21
Le'drikulu dri xikeli misaveni.
Evangelho: Jo. 1, 1-18.
Introdução:
A N'wana wa Nkulukumba, aRitu le'dri ti yentxiki Mhunu, a kone axikari
kweru, avonekisi aku twaliseka kwa kwe ku vhanu lava Yene a va randraka.
Aritu afa dri kone ku sunguleni, a Ritu afa dri kone ku Xikwembu Nkulukumba, a
Ritu afa e Xikwembu Nkulukumba. Afa e kone ku sunguleni ku Xikwembu
Nkulukumba. Hinkwaswu swa tumbuluxiwi hi yene: Ahandle kwa kwe a ka
tumbulukanga ntxhumu amakari ka leswi swi nga tumbuluka. Avutomi afa byi ko
ku yene; kutani avutomi i livaningo dra vhanu. Alivaningo dri vaningile
amunyameni, kambe amunyama a wu dri yamukelanga. Ka humeleli mhunu, lweyi
a nga rumiwa hi Xikwembu Nkulukumba, avito dra kwe i Yohan. Lweyo a teli ku ta
hamba vumboni, a ta ta hambela livaningo vumboni, akuva hinkwavu va ta pfumela
ha yene. Af'a nge yene livaningo, kambe a teli ku ta hambela livaningo vumboni.
Afa dri livaningo le'drinene, le'dri vaningaka mhunu mun'wana ni mun'wana lweyi
a taka misaveni. Afa e kone misaveni, kutani misava ma tumbuluxiwi ha yene, kutani
amisava a mi mu tivanga. A ti ka-le-kwavu, kambe a va-le-kwavu a va mu
yamukelanga. Kambe hinkwavu, la'va mu yamukeliki, a va nyiki ntamu wa ku va
vana va Xikwembu Nkulukumba, va nga la'va pfumeliki ku vito dra kwe, la'va nga
pswaliwangakiki ha ngati, nambi ku ku randra ka nyama, nambi ku ku randra ka
wanuna, kambe va pswaliwiki hi Xikwembu Nkulukumba. Kutani Ritu dri tiyentxi
nyama, kutani dra yaki makari kweru; ha hlaleli ku phatima ka drone, ku nga ku
phatima ka n'wana lwe wa mun'we wa Tatana; afa a tali hi timpswalu ni
xihlayelamfuri. Yohan a mu hambeli vumboni a huwelela a ku: hi yelweyi afaka ndri
hlaya yene loko ndri ku: Lweyi a taka ntrhaku kwa nga, afa e kone ndri nga sanga
na va kone, hikusa hi lweyi afaka a ndri rangela. Kutani hi ku tala kwa kwe hi
yamukelile, hine hinkweru, atimpswalu henhla ka timpswalu; hikusa anau wu
nyikiwe ha Moxe, kambe atimpswalu ni xihlayelampfuri swi humeleli ha Yesu
Kriste. A ku na mhunu lweyi a voniki Xikwembu Nkulukumba ni kan'we; a N'wana
lwe a nga mun'we, lweyi a nga xifuveni xa Tatana, hi yene lweyi a hi tlhamuxeliki
yene.
Ritu dra Huluxu!
NKHUVU WA NDANGU WA KU HLAWULEKA
Primeira Leitura: Ben-Sirá 3, 3-7. 14-17.
21
22
Introdução:
Abuku dra Ben-Sirá dri kanela hi nawu wa vumune. A hi tikambeni
amahikeni yeru akuva hi ta vona lexi xi nga vaka xi fanela ku wololoxiwa amhakeni
ya ku txhava avapswele.
Dondro ya Buku dra Ben-Sirá:
AHosi yi drumisa a tatana amahlweni ka vana yiva yi tiyisa nfanelo ya

mamana ahenhla kwa vu. Lweyi a txhavaka a tatana wa kwe a ta drivaleliwa
swihono, lweyi a bekisaka mamana wakwe a tihlengeletela avukosi. Lw'a txhavaka
tatana wa kwe a ta trhavisiwa hi vana funtri loko a khongota, a ta yingeliwa. Lw'a
txhavaka atatana wa kwe, a ta lehiseliwa amasiku ya ku hanya kwa kwe, lweyi a
yingisetaka Hosi a ta rulisa mbilu ya mamana wa kwe. N'wan'a nga, bekisa tatana
wa ku loko a duhwalile, u nga txhuke u mu xanisa loko a ha hanya. Nambi loko a ku
duhwala ku mu pepukisa nhloko, mu drivaleli mfuri u nga txhuke u mu hambula
wene we heke ni ntamu. Avunene lebyi u yentxelaka tatana wa ku byi nga ka byi
nga drivaliwi; ha byone u ta pumbeliwa aswihono swa ku.
Ritu dra Hosi!
Psalma: 127(128), 1-2. 3. 4-5.
Ntekelelo: Va ni ndjombo la'va txhavaka Hosi,

Va ni ndjombo la'va landraka tindlela ta kwe.
1 - Va ni ndjombo hinkwavu la'va txhavaka Yehova.

La'va fambaka tindleleni ta kwe,
I, u ta da mihandru wa mintiro ya mandla yaku
U tovoka, swi xonga ku wene.
2 - Ankat'a ku a ta hamba swanga hi vinya lo'wu belekaka

ngopfu, andlwini ya ku;
Avana va ku va ta hamba swanga hi minhlwari
le'mimpswa.
Aku trandreleni ka tafula dra ku.
3 - Lavisani anuna lw'a txhavaka Yehova, a ta tovokisiwa

xi-swoswo.
Yehova a tovokisi swi pfa ku Tsiyon, u vona
andjombo ya Yerusalem,
Amasikwini hinkwawu ya ku hanya kwa ku.
22
23
Segunda Leitura: Col. 3, 12-21.
Introdução:
Ntsena alirandru dra Xikwembu Nkulukumba hi drone dri nga tiyisaka aku
rula ni ntwananu wa xihlayelamfuri andreni ka ndangu. Na hine hi tlhanganiki lani,
amuhlauliwa Paulus awa hi drimuxa atimhaka leti ta lirandru.
Dondro ya Papela dra S.Paulo ku va-le-Kolosa:
Vamakweru: Hi leswo-ke leswi n'wi nga vahlauliwa va Xikwembu Nkulukumba,

la'va ku xwenga ni varandriwa, yambalani lilondro dra vumbilu, avunene, aku
titrongahata, aku nabyala, aku tiyisela. N'wi byatrhana ni ku drivalelana milandru,
loko mun'we e ni mhaka leyi a holovelaka mun'wana ha yone; swanga heswi Kriste
a n'wi drivaleliki na n'wine yentxisani xi-swoswo. Ahenhla ka hinkwaswu leswo
yambalani lirandru, lolu xi nga xitrimbo xa ku hetiseka. Na kone aku rula ka Kriste
aku fume atimbilwini tenu, loko n'wi vitaneliwiki kone amirini min'we; na kone
vanani la'va tlangelaka. Aritu dra Kriste a dri trhame ndreni kwenu, dri yandra, na
n'wi dondrisana hi vutlhari hinkwabyu, ni ku khongotelana hi mapsalma, ni tinsimu,
ni ku yimbelela ka moya, n'wi yimbelela ku Xikwembu Nkulukumba hi vumbilu a
timbilwini tenu. Na kone hinkwaswu leswi n'wi swi yentxaka, nambi dri ritu, nambi
wu ntiro, yentxani hinkwaswu hi vito dra Hosi Yesu, n'wi tlangela Xikwembu
Nkulukumba tatana ha Yene. Vavasati, yingisetani vanuna venu swanga hi le'swi
fanelaka Hosini. Vanuna, randrani vasati venu, n'wi nga veneni na xiviti ku vone.
Vana, yingisetani vapswele venu mintxhun'wini hinkwayu, hikuva i swa hombe
leswo Hosini. Vatatana, n'wi nga hlundrukiseni vana venu, va ti hela timbilu.
Ritu dra Hosi!
Aleluya! Aleluya!
Aku rula ka Kriste aku trhavise timbilu tenu.
A dri ve ku n'wine aritu dra kwe.
Introdução:
Yesu Kriste, hikuva a li Nwana wa Xikwembu Nkulukumba, a nga sindrisiwi
23
24
ku landrelela swihena ni swileleto swa Tempele, kambe yene a pfumelile ku tibeka

hansi ka nawu wa Moxe, lo'wu sindrisaka aku hlaulekisa a vana va mativula ya
xinuna a Hosini. Yesu a yentxi leswi akuva a hi dondrisa hine vhanu aku yentxa ku
randra ka Xikwembu Nkulukumba.
Loko amasiku ya ku hondloliwa kwa vu ma helile, tani hi nau wa Moxe, va mu yisa

Yerusalem aku ya mu vonekisa mahlweni ka Hosi, swanga h'eswi swi traliwiki
anawini wa Hosi wa ku: An'wan'a munwana ni munwana wa wanuna lwe wa
mativula a ta hlayiwa lw'a hlauleliwiki Hosi, va ya humexa ni mhamba swanga
h'eswi ku hlayisiwiki anawini wa Hosi, yi nga ya matuva mabidri kumbe mavondlo
mabidri ya matuva. Lavisani, amunhu ifa e kone Yerusalem, avito dra kwe e Simeon;
lweyo if'e mululami ni mukhongoti, afak'a lavisela ku miyetiwa ka Yisrael; aMoya
lo'wa ku Xwenga ifa wu ku yene. Mfuri ifa ana a pfuleteliwi hi Moya lo'wa ku
Xwenga leswaku a nga fe n'a nga sanga na vona Kriste wa Hosi. A yisiwa tempeleni
hi Moya. Avapswele va ku na va nhingenisa ndrisanyana Yesu, ku ta yentxa ha yene
hi xihila xa nau; na yene, a ku mu yamukela mavokweni ya kwe, a ku nkhensa
Xikwembu Nkulukumba a ku: Swoswi, we Hosi, trika nandra wa ku, a suka hi ku
rula, swanga h'eswi u hlayisiki xi-swone, hikuva amahlu ya nga ma voni ku huluxa
kwa ku, loko u nga bekisa kone amahlweni ka matiko hinkwawu, alivaningo dra ku
vaninga matiko. Ni xitwaliso xa tiko dra ku dra Yisrael. A tatana ni mamana wa kwe
afa va hlamala hi leswi a hlayiwaka ha swone. Kutani Simeon a va hlayela
tindjombo, a hanga byela Mamana wa kwe: Lavisa,lwe, a belekeliwi ku wisa ni ku
pfuxa la'va ku tala Yisraeleni, ni ku va xikombiso le'xi taka landruliwa; na wene
mfuri, alipanga dri ta ku tlhava hika, akuva amiyanakanyo le'mi nga timbilwini
le'tinyingi mi humelela livaleni. Ifa ku na Anna, amuprofeta wa wansati, an'wan'a
Fanuel, wa lixaka dra Aser. Yene if'a duhwali ngopfu, a nga va ni nuna hi malembe
ya ntlhanu na mabidri avunhwanyaneni bya kwe; kutani ifak'e nsati wa mufelwa wa
malembe ya tlhanu wa makume na makume mararu na mune, afak'a nga suki
tempeleni, a gandrela Hosi hi ku titrona swa-ku-da ni ku khongota vusiku ni
nhlikanhi. Na yene a tlhasa hi wolowo nkama; a nkhensa Xikwembu Nkulukumba,
a hlaya swa nwana ku hinkwavu lava faka va lavisela ku huluxiwa ka Yerusalem.
Va ku va heta hinkwaswu swa nau wa Hosi, va muka Galilea, amutini wa kwa vu
wa Nazaret. Andrisanyana if'a kula, a kuma ntamu n'a tali hi vutlhari; ni timpswalu
ta Xikwembu Nkulukumba ifa ti ku yene.
Ritu dra Huluxu!
NKHUVU WA MARIA WA KU XWENGA MAMANA WA

NKULUKUMBA
24
25
Primeira Leitura: Num. 6, 22-27.
Introdução:
Aku rula hi ku kuma hi loko hi yentxa aku randra ka Xikwembu Nkulukumba.
Hi swoleswo amutrali wa buku dra Tinhlayo a leleta xitrhungu xa ka Yisrael leswaku
xi landrelela a milawu ya Xikwembu Nkulukumba, akuva xi ta yamukela
amatovoko.
Dondro ya Buku dra Tinhlayo:
Yehova aku vulavula ku Moxe, aku: Vulavula ku Aaron ni vana va kwe, uku: N'wi
ta tovokisa xiswoswo vana va Yisrael, n'wi ku ku vone: Yehova a a ku tovokise, a
ku bekisa; Yehova a a ku phatimisele vuso bya kwe, a va ni vumbilu ku wene;
Yehova a a ku tlakuxeli vuso bya kwe henhla kwaku, aku nyika ku rula. Va ta beka
vitu dranga henhla ka vana va Yisrael ndri ta va tovokisa.
Ritu dra Hosi!
Psalma: 66 (67), 2-3, 5, 6 e 8.
Ntekelelo: Xikwembu Nkulukumba a hi tele vusiwana.

A hi hanana makateko yakwe.
1 - Xikwembu Nkulukumba a a ve ni vumbilu ku hine a

a hi tovokise,
A vaningise avutomi byakwe amakari kweru,
Akuva a ndlela yaku yi tibyiwa amisaveni ni huluxo
dra ku a makari ka matiku.
2 - Amatiku amanyonxe, a ma trave,

Hikusa u ta trema timhaka ta matiku hi ku lulama,
U ta fambisa matiku misaveni.
3 - Amatiku a ma ku twalise Xikwembu Nkulukumba,

Amatiku hinkwawu a ma ku twalise.
Amisava a mi humexe mihandru ya yone:
Xikwembu Nkulukumba, Xikwembu Nkulukumba
weru a ta hi tovokisa,
Kutani a vugamu bya misava hinkwayu byi ta mu
txhava.
25
26
Segunda Leitura: Gálatas 4, 4-7.
Introdução:
Xikwembu Nkulukumba a hi rumeli Nwanakwe, lwe a ti yentxiki mhunu
akurini dra Mamana Maria, a ku ta hi tlhanganisa hinkweru hi nau wa xivamakwavu.
Kunene avukriste hi byo vuxaka bya xihlayelamfuri le'byinga swikotaka ku yaka a
kurula lo'kunene a misaveni.
Dondro ya Papela dra S.Paulo ku va-le-Galatia:
Kambe ke ku tlhasa ku hetiseka ka minkama, Xikwembu Nkulukumba a ku ruma

N'wan'a kwe, lwe a belekiwiki hi wansati, lw'a nga tumbuluka hansi ka nau, akuva
a tirula la'va nga hansi ka nau, akuva hi nyikiwa kuva hi hlayiwa vana. Kambe leswi
n'wi nga vana, Xikwembu Nkulukumba a rumi Moya wa N'wan'a kwe atimbilwini
tenu, lo'wu bandlukanaka, wu ku: Abba, tatana! Hi leswo-ke, a we he mundrema wa
ku va nwana; kambe loko u nwana, u mudi wa pfindla ha Xikwembu Nkulukumba.
Ritu dra Hosi!
Evangelho: Luc. 2, 16-21.
Introdução:
Maria afa a bekisa ambilwini yakwe amaritu hinkwawu lawa afaka a byeliwa
hi Xikwembu Nkulukumba. A N'wan'a kwe, tani hiku hlaya ka nau, loko a tlhasi ku
ntanga ya ntlhanu wa masiku na mararu va mu txhuli vitu dra Yesu le'swiliki "a Hosi
i Muhuluxi weru".
Va tlhasa hi ku hangweyesa va kuma Maria na Yosefa ni xinwananyana le'xi

yentleliki nkubyini. Va ku va xi vona, va hanga paluxa mhaka leyi va byeliwiki yone
ya ndrisanyana lweyo. Kutani hinkwavu la'va swi yingelaka va hlamala hi leswi
vabrisi va vabyelaka swone. Kambe Maria if'a bekisa timhaka leto hinkwatu a ti
yanakanya mbilwini yakwe. Avabyisi va muka, va twalisa Xikwembu Nkulukumba,
va mu nkhensa hikola ka hinkwaswu leswi va swi yingeliki ni leswi va swi voniki,
swanga hi leswi ba byelisiwiki xiswone. Ka ti loko ku hundri masiku ya ntlhanu na
mararu ya ku mu soka ha wone a txhuliwa vitu dra Yesu, ledri faka xirunwa xi mu
26
27
txhuli drone n'a nga sanga na va kone anyimbeni ya mamana wa kwe.
Ritu dra Huluxu!
KU KOMBISEKA KA HOSI
Primeira Leitura: Is. 60, 1-6.
Introdução:
Loko a vayuda va tlheleli tikweni dravu, ntrhaku ka ku buya hi le vukaraweni
bya Babiloni, va tlheli va yakisa a muti wa Yerusalem ni Tempele. Avaprofeta afa
va tiyisa xitrhungu va xi byela hi ta Yerusalema mumpswa laha Xikwembu
Nkulukumba a taka nkhinsameliwa hi vhanu hinkwavu. A Yerusalema mumpswa hi
Kereke dri tlhanganisaka vhanu va tinxaka hinkwatu.
Sekeleka u yima u va u phatima, Yerusalem, hikusa ku vonekisa kwa ku ku tlhasile,

ni vumenyemenye bya Yehova byi humeleli ku wene. Hikuva, lavisa, munyama wu
ta fukumeta misava, ni tlavi le'dra ntima dri ta fukumeta matiku; kambe ahenhla kwa
ku Yehova a ta humelela ni vumenyemenye bya kwe byi ta voneka henhla kwaku.
Amatiku ma ta ta aku vonekiseni kwa ku, ni tihosi ti ta ta aku phatimeni ka ku pfuka
kwa ku. Tlakuxa mahlu ya ku matlhelweni hinkwawu, u lavisa: Hikwavu va
hlengeletana va ta ku wene; vana va ku va pfa kule, ni vana va ku va vasati va
tameliwa hi minkono. Kolahu u ta swi vona, u ta trhavisisa; ambilu ya ku yi ta tlula-
tlula, yi va yi yahlama; hikusa ndralu ya likhulu yi ta buyisiwa ku wene, ni vukosi
bya matiku byi ta ta ku wene. Avunyingi bya makamele, ni makamele la'mampswa
ya Midian, ni ya Efa, ma ta ku fukumeta; hinkwavu va ta pfa Xeba, va ta buyisa gole
ni miri ya ku nuhela, kutani va ta twalisa swidrumisu swa Yehova.
Ritu dra Hosi!
Psalma: 71(72), 2, 7-8, 10-11, 12-13.
Ntekelelo: Va ta ku nkhisamela, we Hosi,

a vhanu va matiku hinkwawu.
1 - Xikwembu Nkulukumba nyika Hosi

aswiyavanyiso swa ku.
Ni ku lulama kwa ku ku N'wana wa Hosi.
Yi ta yavanyisa atiku dra ku hi ku lulama.
27
28
Ni la'va xanisekaka va ku hi swinene.
2 - Aminkameni ya kwe, lwe wa ku lulama a ta hluka;

Ni ku yandra ka ku rula loko hweti ye he kone.
Yi ta fuma ku sukela likhulwini ku ya tlhasa likhulwini.
Ni ku sukela nambyeni, ku ya tlhasa vuganwini
bya misava.
3 - Atihosi ta le Tarsis ni ta swihlale ti ta buyisa swinyiko.

Atihosi ta le Xeba ni ta le Seva ti ta nyika swihananu.
Mfuri atihosi hinkwatu ti ta nkhinsama mahlweni ka
yone. Hinkwawu matiku ma ta yi tirela.
4 - Hikuva yi ta ntrhunxa lw'a pfumalaka loko a drila.

Ni swisiwana ni lwe wa ku ka a nge na mupfuni
Yi ta va ni lilondro ku swisiwana,ni le ku lwe
wa ku pfumala
Yi ta huluxa mahika ya la'va ku pfumala.
Segunda Leitura: Ef. 3, 2-3a. 5-6.
Introdução:
S. Paulo a rumiwi ku huwelela leswaku a vayuda ni vamatiku va fanela ku
nhingena kunwe a tempeleni hikusa hinkwavu i vana va Xikwembu Nkulukumba
Tatana.
Dondro ya Papela dra S.Paulo ku va-le-Efesa:
Loko fa n'wi yingelile ma yavelela ya timpswalu ta Xikwembu Nkulukumba leti ndri

nyikiwiki tone hikola kwenu, leswaku hi ku pfuletela a ndri tivisi xihundla, lexi faka
xi nga tibyisiwi vana va vhanu ku tinwana tinxaka, swanga hi leswi kutani xi nga
pfuleteliwa ku vapostola va kwe va ku xwenga ni vaprofeta, hi Moya, xa leswaku:
Ava-matiko va yaveliwa pfindla na hine, va va miri minwe na hine, va yaveliwa na
vone xidumbiso ku Kriste Yesu hi ivangeli.
Ritu dra Hosi!
Evangelho: Mt. 2, 1-12.
Introdução:
A tlhaso dra tintlhari ta le vuxeni a Betlehema a ku ya gandrela Yesu, i
xikombiso xa leswaku avamatiku va ku tala va ta buya va vumba xitrhungu xinwe
28
29
xa Nkulukumba xikanwe ni vayuda.
Ivangeli ya Yesu Kriste Abukwini dra Mattheo:
A tiki Yesu a belekiwa a Betlehem, a mutini wa Yudea, amasikwini ya Hosi Heroda,

vonani, atintlhari ta le vuxeni ti tlhasa Yerusalem, ti ku: Xana yi kwini Hosi ya va-
Yuda le yi belekiwiki? Hikusa ha voni nyeleti ya kwe vuxeni, hi teli ku ta mu
nkhinsamela. Ku ku loko Heroda ahosi, a swi yingelile, a ku txhuka, na wone muti
wa Yerusalem hinkwawu kunwe na ye. A ha nga ku hlengeleta vaprista la'vakulu
hinkwavu, ni vatrali va tiku, a vutisa leswaku xana Kriste a fanele ku belekiwa kwini
xana? Va mu byela va ku ku yene: Hi le Betlehem wa Yudea; hikusa ka traliwi
swoleswo hi mu profeta a nga ku: Na wene, Betlehem, tiko dra Yudea, A ku ntrongo
amakari ka mintsindra ya Yuda, Hikusa ku ta huma ku wene mufambisi, lweyi a ta
ka byisa tiko dra nga dra Yisrael. Heroda, a tiki a vitana xihundleni atintlhari, a hanga
ti vutisa nkama lo ku nga voneka nyeleti ha wone. A tiki a va ruma Betlehem, a va
byela a ku: Fambani, n'wi ya vutisisa swinene ta nwana; ku ta ku loko nwi mu
kumile, ndri tivisani ndri ta kota ku ya na mine, ndri ya mu nkhinsamela. Vone-ke,
va ti loko va yingeli Hosi, va ku famba; kutani lavisani, a nyeleti leyi faka va yi
vonile le vuxeni, afa yi famba yi va rangela mahlweni, yi ko yi ya yima henhla ka
mbangu lo antrongwana afaka a trhami ku wone. Va ti va vona nyeleti, va ku trhava
hi ku trhava lo'kukulu ngopfu. Ni loko va nhingena ndlwini, va kuma ntrongwana
kunwe ni mamana wa kwe, Maria; va wa hansi, va mu nkhinsamela; va ti va pfula
vukosi byavu, va ku mu humexela swihlengwe, gole ni miri ya ku nunhwela ni mira.
Ku ku loko va kombisiwi hi Xikwembu Nkulukumba anorweni leswaku va nga ha
tlheleli ku Heroda, va ku tlhatlhamuka va timukela kwavu hi yinwanyana ndlela.
Ritu dra Huluxu!
NKHUVU WA NTRAKAMISU WA HOSI
Primeira Leitura: Is. 42, 1-4, 6-7.
Introdução:
A buku dra Muprofeta Ezaya dri ta ka dondriwa swoswi dri khanela hi
lirandru dra Xikwembu Nkulukumba ku N'wan'akwe lw'a nga ti yentxa mhunu,
akuva a ta hi tirula avukaraweni ni le munyameni wa xihono.
Hi lweyi anandra wa nga, lweyi ndri mu yimelaka; amuhlawuliwa wa nga, lweyi

moya wa nga wu mu trhavelaka. Ndri beki moya wa nga henhla kwa kwe, a ta
humexela va-matiko ku lulama. Angaka anga bandlukani anga ka a nga tlakuxi ritu,
29
30
angaka anga ndri twalisi amaruweni. Angaka anga trhovi lihlanga le'dri fahlekiki;
angaka anga timi ngoti ya motre le'yi fufunaka. A ta humexa ku lulama hi
xihlayelamfuri. Angaka anga heli mbilu ni ku karala, a ko a tiyisa ku lulama
misaveni; kutani swihlale swi ta lavisela nau wa kwe. Mine Yehova, ndri ku vitani
avululamini; ndri ta ku khoma hi voko ndri ku bekisa; ndri ku beka akuva u va
xipfumelelano ku tiko, ni ku vonekisa ka matiko; akuva u pfula mahlu ya la'va ku-
fa-mahlu, ni ku humexa vakhomiwa bohelweni, ni le ndlwini ya bohelo la'va
trhamaka munyameni.
Ritu dra Hosi!
Psalma: 28(29), 1a e 2, 3ac-4, 9b-10.
Ntekelelo: Yehova a ta katekisa axitrhungu xa kwe a ku

ruleni.
1 - Vana va Xikwembu Nkulukumba, hlayelani Yehova,

Hlayelani Yehova vukulu ni ntamu hlayelani Yehova
Vukulu le'byi fanelaka vito dra kwe.
Nkhinsamelani Yehova na n'wi yambali swiyambalo
swa ku xwenga.
2 - Aritu dra Yehova dri druma henhla ka mati

Yehova a kone henhla ka mati la'makulu
Aritu dra Yehova dri ni ntamu;
Aritu dra Yehova dra twalisiwa.
3 - Xikwembu Nkulukumba wa vumenyemenye a drumisa

tilo.
Aritu dra Yehova dri hohlota a makamba ya mimutrhu;
Yehova a fume nkameni wa ntita,
Yehova a fuma, e Hosi hi masiku.
Segunda Leitura: Actos 10, 34-38.
Introdução:
Ku dondro le'yi landraka amupostolo Petros a paluxa amhaka ya leswaku
Xikwembu Nkulukumba a nga na xihlawuhlawu; Yene i Tatana wa hinkwavu la'va
yentxaka a ku randra kwa kwe. Ntlhanta kubidri Petros a khanela hi ta Yesu Kriste,
lweyi a totiwiki ava a tiyisiwa hi Moya wa ku Hlawuleka akuva a ta va Muhuluxi
wa Misava.
Dondro ya Buku dra Mintiro ya Vapostola:
30
31
Petros; a ku loko a yahlami nomu, a ku: Ha kunene ndra swi yingelisisa leswaku
Xikwembu Nkulukumba a nga langusi vuso. Kambe atikweni drinwana ni drinwana
lw'a mu txhavaka ni ku tira swa ku lulama, i wa yamukela ku yene. Hi yone mhaka
leyi a yi rumeliki vana va Yisrael loko a drunguli Ivangeli dra ku rula ha Yesu Kriste;
hi Yene Hosi ya hinkwavu. Nwine nwa swi tiva le'swi humeleliki atikweni
hinkwadru dra Yudea ku sukela hi dra galilea, antrhaku ka ku bapatisa lo'ku
dondrisiwiki hi Yohan. Yi nga mhaka ya Yesu lw'a pfiki le Nazaret, leswaku
Xikwembu Nkulukumba a mu toti hi Moya wa ku Xwenga ni ntamu, atifambela na
yentxa swinene, a hanyisa hinkwavu la'va kandreteliwiki hi Diabolos, hikusa
Xikwembu Nkulukumba if'e na ye.
Ritu dra Hosi!
Evangelho: Mc. 1, 6b-11 (7-11).
Introdução:
Hi siku dra ku trakamisiwa ka Yesu Kriste a Moya wa ku Hlawuleka wu
xikeli ku Yene; kutani ku twala ritu dra Nkulukumba Tatana na dri paluxa leswaku
Yesu i Nwana kwe wa ku randreka ngopfu. Axivoniso lexi xi hi dondrisa a mhaka
ya ku hlamalisa ya vuraru bya ku hlawuleka bya Nkulukumba.
Ku nkama luwa, Yohan af'a dondrisa, a ku: Ku ta munwana antrhaku kwanga, lw'a
ndri tlulaka hi ntamu, ndri nga fanelikiki ku nha ndri karama ndri ntrhunxa ngoti ya
tintangu ta kwe. Mine ndri nwi bapatisile hi mati, kambe yene a ta nwi bapatisa hi
Moya lo'wa ku Xwenga. Amasikwini lawo, Yesu a pfa Nazaret, wa le Galilea; a
bapatisiwa hi Yohan a Yordaneni. A ku na a ha huma matini, a vona matilu ma
kendlukiki hi le makari, ni Moya wu xikelaka henhla kwa kwe, swanga hi tuva. Ku
humelela ni ritu le'dri pfaka matilwini, dri ku: Wene, u N'wan'a nga, lwe wa ku
randreka, lwe andri trhavisaka.
Ritu dra Huluxu!
NSONTO YA WUBIDRI KU NKAMA WA NTOLOVELO
Primeira Leitura: I Samuel 3, 3b-10. 19.
31
32
Introdução:
Akuva hi yingelisisa a Ritu dra Nkulukumba ku djuleka hi trhama na timbilu
teru ti li kuruleni, hi reya ndleve, na hi ti bekiseli ku yentxa leswi a ritu dri ta ka hi
byela swone, ku fana na Samuel lweyi a tiki a dri yingela a trutrumela ku Eli akuva
a ya kuma antlhavukanyisu ya leswi Xikwembu Nkulukumba faka a djula swone ku
yene.
Dondro ya Buku dra ku Sungula dra Samuel:
Ku nkama luwa, Samuel af'a yetleli tempeleni dra Yehova lomu ku trhamaka a reka
dra Xikwembu Nkulukumba, ku humelela leswaku Yehova a vitana Samuel. A ku:
Hi mi lwe. A ku trutrumela ku Eli, a ku: Hi mi lwe, hikusa u ndri vitanile. A ku: A
ndri ku vitananga; famba u ya yetlela. A famba a ya yetlela. Nagweso Yehova a
tlhela a vitana: Samuel. Samuel a pfuka a ya ku Eli, a ku: Hi mi lwe, hikusa u ndri
vitanile. A yangula a ku: a ndri vitananga n'wan'a nga, famba u ya yetlela. Samuel
afa a nga si tiva Yehova, nambi dra ku va ritu dra Yehova afa dri nga sanga na
pfuleteliwa ku yene. Yehova a tlhela kambe a vitana Samuel ka vuraru. A pfuka a
ya ku Eli, a ku ku yene: Hi mine lwe; hikusa u ndri vitanile. Eli a yingelisisa leswaku
i Yehova lw'a vitanaka ntrongwana. Hi leswo-ke, Eli a ku ku Samuel: Famba u ya
yetlela; ku ta ku loko a ku vitana, u ta ku: Hlaya, Yehova, hikusa nandra wa ku a wa
yingela. Samuel a famba a ya yetlela mbangwini wa kwe. Yehova a ta, a yima, a
vitana ku fana ni minkama minwana, a ku: Samuel. Samuel! Kutani Samuel a ku:
Hlaya, hikusa nandra wa ku awa yingela. Samuel afa a kula; na Yehova afa e na
yene; a nga trikanga ritu ni drinwe dra maritu hinkwawu ya kwe dri wa hansi.
Ritu dra Hosi!
Psalma: 39(40), 2, 4ab, 7-8a, 8b-9, 10.
Ntekelelo: Hosi, ndri tele ku ta yentxa

a ku randra kwa ku.
1 - Ndri laviseli Yehova hi ku tiyisela,

Kutani a karameli ku mine, a yingeli xidrilo xanga
A nonwini wa nga, a bekile lisimu le'drimpswa
Axidrumiso xa Xikwembu Nkulukumba weru.
2 - A ku randri switlhavelo ni timhamba ta mapa;

U pfulile tindleve tanga
A wu djuli timhamba ta ku hisiwa ni timhamba
ta xihono.
3 - Hi laha-ke ndri ti ki: Lavisa ndra ta,
32
33
Hi leswi buku dri ndri leletiki swone.

Ndri nyonxile a ku yentxeni ka ku
randra kwa ku Xikwembu
Nkulukumba wa nga;
Anau wa ku wu le mbilwini ya nga.
4 - Ndri hlayile ku lulama nhlhengeletanwini le'yikulu;

A ndri pfalanga milomu ya nga,
Yehova, wa switiva.
Segunda Leitura: I Cor. 6, 13c-15a. 17-20.
Introdução:
Paulo a drimuxa a vakriste va le Korinte, lava faka va hanya swanga vahedeni
leswaku a miri yavu yi tirela ku nkhensa Xikwembu Nkulukumba. Na hine
vamakweru a hi bekiseni miri yeru hikuva yone i tempele dra Moya wa ku Xwenga.
Dondro ya Papela dra Wubidri dra S.Paulo ku va-le-Korinte:
Kambe miri, a hi ya vumbuye, kambe i ya Hosi, na yo Hosi i ya miri. Kambe

Xikwembu Nkulukumba a pfuxi Hosi; na hine a ta hi pfuxa hi ntamu wa kwe. Xana
a nwi swi tivi leswaku miri yenu i swiro swa Kriste xana? Kambe lwe a ti
tlhanganisaka ni Hosi, a ti yentxa moya munwe na yone. Trutrumani nwi txhava
vumbuye! A xihono xinwana ni xinwana le'xi yentxiwaka hi mhunu xi le handle ka
miri: kambe lwe a yentxaka vumbuye, a tidohela miri ya kwe. Xana a nwi swi tivi
leswaku amiri yenu i tempele dra Moya lo'wa ku Xwenga, lo'wu nga ku nwine lo'wu
pfaka ku Xikwembu Nkulukumba xana? Ni leswaku a nwe he venu? Hikusa nwi
xaviwile hi nxavu; ha kone bongani Xikwembu Nkulukumba hi miri yenu.
Ritu dra Hosi!
Introdução:
Kriste a wa hi randra hinkweru. La'va mu yingisetaka va hanya a ku nyonxeni
lo'kukulu. Kambe a swi yaneli kuva va nyonxa wuswavu ntsena; va sindrisiwa ku
kwehleta vanwana, vava drungulela a maritu lawa ma va trhavisaka akuva navone,
loko va ma yingiseta, va kuma a huluxo.
33
34
Asiku le'dri ntlhantamaka, Yohan afa a yimi kone nangweso, e ni vabidri

vadondrisiwa vakwe. A tiki a lavisa Yesu lweyi a hundraka, a ku: Vonani, i
Xihambana xa Xikwembu Nkulukumba! Avadondrisiwa va kwe vabidri va mu
yingela loko a vulavula, va ku landra Yesu. Yesu a ndruluka a va lavisa, loko va mu
landra, a ku ku vone: Nwi djula yini? Va ku ku yene: Rabbi (hi leswaku: Mufundrisa
loko ku tlhamuxeliwa) u trhama kwini? A ku ku vone: Buyani nwa ta ku vona. Va
ku ya, va ya vona lomu a trhamaka kone; kutani va trhama ku yene siku ledro, hikusa
afa nkama wu djula ku va wa wukhume. Andreas, makw'a Simon Petros, afa e
munwe wa la'vabidri la'va yingeliki maritu ya Yohan, va landra Yesu. Yelweyo a
ranga a ya kuma makwavu, Simon, a mu byela a ku: Hi kumi Mesiya (hi leswaku:
Kriste mutotiwa, loko ku tlhamuxeliwa). Kutani a mu tisa ku Yesu. Yesu a mu lavisa
a ku: Hi wene Simon, n'wan'a Yona u ta txhuliwa Kefas (hi leswaku: Petros, aribye,
loko ku tlhamuxeliwa).
Ritu dra Huluxu!
NSONTO YA WURARU KU NKAMA WA NTOLOVELO
Primeira Leitura: Jonas 3, 1-5. 10.
Introdução:
Xikwembu Nkulukumba a randra le'swaku a mudohi a tilaya a ta kota ku
hanya. Loko hi tilaya yene a wa hi drivalela nkama hinkwawu.
Dondro ya Buku dra Muprofeta Yona:
Aritu dra Yehova dri tlhela dri ta ku Yona, dri ku: Pfuka u ya Nineve, amuti
lo'wukulu, u ya wu rerela nyiwa leyi ndri ta ka ku leleta yone. Yona a pfuka a ya
Nineve, tani hi ritu dra Yehova. Nineve afa wu muti lo'wukulu amahlweni ka
Xikwembu Nkulukumba; afa wu na ni minfambu ya masiku mararu. Kutani Yona a
sungula ku nhingena mutini hi nfambu wa siku drinwe; a bandlukana a ku: Ka ha
sali mune wa makume ya masiku, kutani Nineve a ta mbundrumuxiwa. Avhanu va
Nineve va ku pfumela ku Xikwembu Nkulukumba; va beka siku dra ku titrona swa-
ku-da; hinkwavu va yambala masaka, a ku sungula hi la'vakulu aku ya tlhasa ku
la'vatrongo. Xikwembuu Nkulukumba a vona ku yentxa kwa vu, leswaku va
ndruluki amafambeleni yavu la'manfani: Xikwembu Nkulukumba a ndruluka ku
biheni loku faka a hlayi leswaku a ta va yentxa kone; a nga ku yentxanga.
Ritu dra Hosi!
Psalma: 24 (25), 4bc-5ab, 6-7bc, 8-9.
34
35
Ntekelelo: Ndri dondrise, Hosi,

a tindlela ta huluxo!
1 - Yehova, ndri tivisi tindlela ta ku,

Ndri dondrisi mintila ya ku.
Ndri fambisi swineneni swa ku, u ndri dondrisa,
Hikusa u Xikwembu Nkulukumba wa ku huluka
kwa nga.
2 - Yehova, drimuka timpswalu ta ku ni lirere laku

Hikusa swa vi kone minkama hinkwayu.
Ndri drimuki hi lirere dra ku,
Hikola ya vunene bya ku, Yehova.
3 - Yehova i munene, i mululami;

Hi leswo-ke a komba vahoni andlela;
A fambisa la'va titrongahataka ku lulameni,
A va dondrisa ndlela ya kwe.
Segunda Leitura: I Cor. 7, 29-31.
Introdução:
Amisava, vamakweru, ya khaluta, wene mukriste ku djuleka u tira hi nkhinkhi
na u drimuka Xikwembu Nkulukumba minkama hinkwayu hikuva hi yene ntsena
lw'a nga ni vutomi le'byi nga helikiki.
Dondro ya Papela dra ku Sungula dra S. Paulo ku va-le-Korinte:
Ndri hlaya leswo, vamakweru, ankama wu gomile, la'ka kuva swoswi la'va nga ni
vasati va va swanga hi loko va nge na vu; ni la'va drilaka va va swanga hi loko va
nga drili; la'va trhaviki va va swanga hi loko va nga trhavanga; la'va xavaka va va
swanga hi loko va nga vi na ntxhumu; ni la'va titirelaka hi swa misava leyi va va
swanga hi loko va nga tiri ha swone; hikuva mavonekela ya misava leyi ma khaluta.
Ritu dra Hosi!
Evangelho: Marcos 1, 14-20.
Introdução:
A Ivangeli yi hi byela leswaku a mhunu a ta nhingena nfunwini wa matilu
loko a tilaya minkama hinkwayu, a trhika mahanyela la'manfani, a yingiseta ava a
landra leswi a ritu dra Xikwembu Nkulukumba dri mu leletaka swone.
35
36
Ka ti, antrhaku ka ku bohiwa ka Yohan, Yesu a ya Galilea, a dondrisa Ivangeli dra

Xikwembu Nkulukumba, a ku: A nkama wu hetisekile, ku trhindrekeli anfumu wa
Xikwembu Nkulukumba: ndrulukani, nwi pfumela ku Ivangeli. Loko a khaluta
kusuhi ni nambu wa le Galilea, a vona Simon na Andreas, amakw'a Simon, va kukuta
nambyeni; hikusa afa ve vaphasi va tinhlampfi. Yesu a ku ku vone: Ndri landrani;
ndri ta nwi yentxa ku va vaphasi va vhanu. Vone, va hantla va trika minkukutu, va
mu landra. A fambiki kutrongonyana, a vona Yakob, nwan'a Zebedea, na Yohan
amakwavu, va busetelaka minkukutu ya vu a byatrhwini. A hatla a va vitana. Va
hanga trika rorw'a vu, Zebedea, abyatrhwini, kunwe ni vatiri, va mu landra.
Ritu dra Huluxu!
NSONTO YA WUMUNE KU NKAMA WA NTOLOVELO
Primeira Leitura: Deut. 18, 15.20.
Introdução:
Aku yingiseta a ritu dra vaprofeta, a ritu dra la'va rumiwiki hi Hosi, swi fana
ni ku yingiseta ritu dra kwe Xikwembu Nkulukumba. Axileswo a hi yingiseteni hi
xitxhavu a ritu ledri hi byeliwaka hi lava hi swi tivaka leswaku i varumiwa va Hosi.
Dondro ya Buku dra Deuteronoma:
Yehova Xikwembu Nkulukumba wa ku, a ta ku pfuxela muprofeta lw'anga ha mine,

makari kwa ku, amakari ka vamakwenu; n'wi ta mu yingiseta; swanga hi leswi u
kombelisiki xi-swone ku Yehova, Xikwembu Nkulukumba wa ku, le Horeb, hi siku
dra nhlengeletanu, u ku: Ndri nga ha vi yingela ritu dra Yehova, Xikwembu
Nkulukumba wa nga; ndri nga ha vi vona ndrilo lo'wukulu lowu, suka ndri fa.
Yehova a ti ku mine: Leswi va hlayiki swone i swa hombe. Ndri tava pfuxela
muprofeta lw'anga ha wene, amakari ka vamakwavu, ndri ta beka maritu ya nga
anon'weni wa kwe, a ta va byela hinkwaswu leswi ndri taka mu leleta swone. ku ta
ku loko mhunu a nga yingiseti maritu ya nga lawa a taka ma hlaya hi vito dra nga,
ndri ta mu drihisela a mhaka leyi. Kambe muprofeta lw'a taka hlaya hi vito dra nga,
hi ku tirulisa, a ritu ledri ndri nga mu leletangakiki ku dri hlaya, kumbe a hlaya hi
36
37
mavito ya swikwembu swimbeni amuprofeta lweyo a ta fa.
Ritu dra Hosi!

Psalma: 94(95), 1-2, 6-7, 8-9.
Ntekelelo: Namunhla loko fa nha nwi nga yingela ritu dra

kwe, nwi nga nononhwiseni timbilu tenu.
1 - Tanani ha ta bandlukana hi ku trhava ku Yehova,

Hi huva hi ku nyonxa ku ribye dra huluxiwo dreru.
A hi yeneni mahlweni ka mombo wa kwe
hi ku tlangela,
Hi huvela yene hi ku nyonxa hi mapsalma.
2 - Tanani hi drumisa, hi karama,

Hi nkhisamela Yehova muvumbi weru.
Hikuva yene i Xikwembu Nkulukumba weru;
Hine hi tiku dra vudelo bya kwe, hi timhaka ta
voko dra kwe.
3 - Nwi nga nononhwiseni timbilu tenu,

swanga hi le Meriba,
Swanga hi le sikwini dra Massa huleni:
Loko avatatana venu va ndri dringa,
Va ndri kambeta, nambi va vona mintiro ya nga.
Segunda Leitura: I Kor. 7, 32-35.
Introdução:
Ku maritu lawa hi ta ka ma yingela, Paulo a hi dondrisa leswaku a mutxhatu
i ntxhumu wa lisima; kambe ku lweyi a djulaka ku ti nyikela hi mbilu hinkwayu a
ntirweni wa Hosi, swi yampswa a nga teki kumbe ku tekiwa, akuva a ta swikota ku
tirela Hosi na a ntrhunxekile.
Afa ndri nga swi randra leswaku nwi nga hlatiyeli. Lweyi a nga tekangakiki, a
yanakanya swa Hosi, leswi a nga trhavisaka Hosi xi-swone. Kambe lw'a tekiki, a
yanakanya swa misava leyi, leswi a nga trhavisaka nsati wa kwe xi-swone. Awansati
a hambanile ni wanhonyana hi leswi: Lweyi a nga tekiwangakiki, a yanakanya swa
Hosi, akuva ava lwe wa ku xwenga amirini ni le moyeni; kambe lwe a tekiwiki, a
yanakanya swa misava, leswi a nga trhavisaka nuna wa kwe xi-swone. Ndri hlaya
swoswo, ndri djula ku nwi pfuna nwine, ku nge ku nwi reya ha xirimba, kambe swi
37
38
leswaku nwi famba hi nfanekelo, hi laha nwi ta ka namarela Hosini, nwi nga
drivatiwi hi ntxhumu.
Ritu dra Hosi!
Aleluya! Aleluya!
Atiko le'dri trhamisaka munyameni
Dri voni livaningo le'drikulu
Ni le ku vone la'va trhamisaka mbangwini ni le
ntrhutini wa ku fa. Alivaningo dri humeleli ku vone.
Introdução:
Yesu hi yene muprofeta lw'a nga tivisiwa hi Moxe leswaku a ta buya. Yene a
teli ku ta ta hi dondrisa milau le'mimpswa hi maritu ni hi mintiru ya kwe, ni ku ta
huluxa vhanu hinkwavu. Yene a teli ku ta ta hi dondrisa a xihlayelamfuri, hikusa
yene, tani hi ku hlaya kwa kwe, i xihlayelamfuri ha bya kwe.
Kutani va ya nhingena Kapernaum; ku ku hi siku dra savata a nhingena sinagogeni,

a dondrisa. Afa va hlamala hi dondriso dra kwe; hikusa af'a va dondrisa swanga hi
loko e ni ntamu, ku nge ku kota vatrali. asinagogeni dra vu amhunu af'e kone, lw'a
nga ni moya lo'wunfani, a hangweyesa a bandlukana a ku: Xana mhaka yeru na wene
hi yini, wene, Yesu wa le Nazaret? U teli ku hi suvisa xana? Ha ku tiva lweyi u nga
yene, wene: U Muxwengi wa Xikwembu Nkulukumba! Kambe Yesu a wu
khwavela, a ku: Miyela, huma ku yene! Amoya lo'wunfani wu mu trekatrekisa, wu
bandlukana hi ritu le'drikulu, wu huma ku yene. Va ha nga ku hlolelwa hinkwavu,
va va va vutisana va ku: Xana impswini leswi? I dondro yimpswa ni ya ntamu! A
leleta mimoya le'minfani, mi mu yingela. Axidrumu xa kwe xi hatla xi hangalaka
hinkwaku atikweni hinkwadru le'dri nga kusuhi ni Galilea.
Ritu dra Huluxu!
NSONTO YA WUNTHLANU KU NKAMA WA NTOLOVELO
Primeira Leitura: Job 7, 1-4. 6-7.
Introdução:
38
39
Amaritu ya dondro leyi ya ku sungula ma hlayiwi ha Yob, na a li xikari xa

nhlomulo lo'wukulu hikola ka ku dringiwa hi mavabyi. Kambe lweyi a kholwaka ku
Kriste, nambi a xaniseka, awa swi tiva leswaku a ta hlula, ku fana na yene Kriste, a
fiki a tlhela a pfuka a kufeni.
Dondro ya Buku dra Yob:
Xana mhunu a nga na ku lwa misaveni? Amasiku ya kwe a ma fani ni masiku ya

mhunu lwe a roliwiki? Swanga hi xikarawa le'xi navelaka ntrhuti, ni lweyi a roliwiki
a langusela hakelo dra kwe: Hi leswo ndri yaveliwa tihweti ta le'swa ku-ka-ndlela,
avusiku bya minkaralu byi bekeliwa mine. Loko ndri yetlela hansi, ndri li: Ndri ta
pfuka nkama muni? Avusiku byi lehile; ndri buluvundreka vurongo byi kota byi
huma. Amasiku ya nga ma nga hundra hi ku kahlula ku tlula xitiro xa muluki, ma
hela na ku nge na ku dumba. Drimuka leswaku vutomi bya nga i hika ntsena: Amahlu
ya nga ma nga ha voni le'swa hombe.
Ritu dra Hosi
Psalma: 146(147), 1-2, 3-4, 5-6.
Ntekelelo: Drumisani Yehova, a holisaka timbilu

le'ti trhovekiki.
1 - Drumisani Yehova hikusa swa xonga ku drumisa

Xikwembu Nkulukumba weru,
Swa nandrika a fanela ku drumisiwa.
Yehova a pfuxa Yerusalem, a hlengeleta
vahlongoliwa va Yisrael.
2 - A holisa la'va thlavekiki timbilu,

A trimbelela timbanga ta vu.
A hlaya ntalo wa tinyeleti,
A ti tiva hi mavito ya tone hinkwatu.
3 - I yikulu Hosi yesu, yi ni ntamu lo'wukulu,

A yingelisiso dra yone a dri na ku pimisiwa.
Yehova a seketela la'va titrongahataka;
A xikisa la'vafani ku ya tlhasa misaveni.
Segunda Leitura: I Cor. 9, 16-19. 22-23.
Introdução:
Aku txhumayela Ivangeli hi maritu ni hi mintiru i nfanelo ya mukriste wini
39
40
na wini. Akuva mhaka leyi hi ta yi yingelisisa, a hi reyeni ndleve ku leswi a hi

byelaka Paulus.
Vamakweru: Hikuva nambi ndri dondrisa Ivangeli, a ndri na leswi ni nga ti twalisaka
ha swone, hikuva ndri boheteliwile; ahina, yowee mine loko ndri nga dondrisi
Ivangeli! Hikuva loko ndri yentxa swoswo hi ku swi randra, ndri ni hakelo; nambi
ndri yentxa na ni nga swi randri, ndri bekeliwi ntiro. Xana a hakelo dra nga hi drini-
ke? Hi leswaku loko ndri dondrisa Ivangeli na ndri nga hakelisi, ndri nga ti tipfuna
hi ntamu lowu ndri nga na wu aku dondriseni ka Ivangeli. Hikuva nambi ndri
ntrhunxekile ku hinkwavu, ndri tiyentxa nandra wa hinkwavu akuva ndri ta kuma
la'vanyingi. Ka la'va gome ndri tiyentxi lwe wa gome, akuva ndri ta kuma la'va
gome, ndri tiyentxi hinkwaswu ku hinkwavu akuva, ha swone hinkwaswu, ndri
huluxa vanwana. Kambe ndri yentxa leswo hikola ka Ivangeli, akuva ndri ta va ni
ku yaveliwa swa drone.
Ritu dra Hosi!
Aleluya! Aleluya!
Yesu a titekeli minkaralo yeru, a
tirwexi ni mavabyi yeru.
Introdução:
Marka a hi komba leswi Yesu afaka a tirisa xi-swone, funri a hi tivisa ni ndlela
ya leswi a Hosi yi faka yi txhumayelisa xiswone a ivangeli.
Hi nomu-lo, va humiki sinagogeni, va ya ndlwini ya Simon na andreas, kun'we na

Yakob na Yohan. Kambe a mamana wa nsati wa Simon af'a yetlelile a ni ku hisa ka
miri, va hatla va mu hlayela ku Yesu. A trhindrekeliki, a mu pfuxa, hi ku mu khoma
voko, kutani ku hisa ka miri ku mu trika, a va a va tirela. Amadambyini, loko dambu
dri pelile, va mu tisela hinkwavu la'va vabyaka, ni la'va xanisekaka hi mademona.
Amuti hinkwawu afa wu hlengeletani anyangweni. A hanyisa la'va ku tala la'va
xanisekaka hi vuvabyi bya ku kari ni bya ku kari, a humexa ni mademona ya ku tala;
40
41
na kone, af'a nga pfumeleli mademona ku vulavula, hikusa afa ma mu tiva.

Ampundrwini, na ka ha ti mphu, a pfuka a huma, a tiyela mbangwini wa mananga,
a ya khongota kone. Simon ni lava faka ve na ye, va mu landra. Va ya mu kuma va
ku ku yene: Hinkwavu va ku djula. Kutani a ku ku vone: A hi fambeni kun'wanyana,
amitaneni le'mi nga kusuhi, akuva ndri ya dondrisa na kone; hikusa ndri humeli
swone. Kutani a famba, a dondrisa masinagogeni ya vu, hi dra Galilea hinkwadru,
na a pfa a humexa mademona.
Ritu dra Huluxu!
NSONTO YA WUNTHLANU NA YINWE KU NKAMA WA

NTOLOVELO
Primeira Leitura: Levítico 13, 1-2. 45-46.
Introdução:
ku fana ni leswi amhunu wa ku vabya hi nhlokonho afaka a sindrisiwa aku
trhama kule ni vanwane vhanu, hi xiswoswo amavabyi ya xihono ma hi yahlukanisa
ni Xikwembu Nkulukumba. A hi ti voneleni ka mindringo ya xihono, xi fanaka ni
ntungu wa nhlokonho.
Dondro ya Buku dra Levitika:
Yehova a ku vulavula na va Moxe na Aaron, a ku: Loko mhunu a na ni nhlongeni

ya nyama ya kwe axipfa, kumbe xilondra, kumbe abati le'dra ku phatima, le'dri
ndrulukaka anhlongeni ya nyama ya kwe, abati dra nhlokonho, a a buyisiwe ku
Aaron muprista, kumbe ku munwe wa vana va kwe va vaprista. A wa nhlokonho
lweyi wu nga ku yene ntungu, aswiyambalu swa kwe a swi handruliwe, anhloko ya
kwe a yi fukumuliwe, a ta fukumeta nomu wa kwe, a bandlukana a ku: Ndri ni ntima,
ndri ni ntima. Amasiku hinkwawu lawa antungu wu ta ka va ku yene ha wone a ta
va e na ni ntima, a na ni ntima; a ta trhamisa vuswakwe; avutrhamu bya kwe byi ta
va handle ka minxaxa.
Ritu dra Hosi!
Psalma: 31(32), 1-2. 5. 7. 11.
Ntekelelo: Hosi, wene u xitlhangu xanga;

Hi wene ntsena u ni hananaka a huluxo.
1 - A ni ndjombo lweyi xidoho xa kwe xi drivaleliwaka,
41
42
Lweyi swihono swa kwe swi fukumeliwiki

A tovokile mhunu lweyi Yehova a nga mu hlayelikiki
vusomboloki,
Lweyi ku kanganyisa ku nge ke kone mbilwini ya kwe.
2 - Ndri ku tivisile a xihono xa nga,

A ndri byi fihlanga vusomboloki bya nga.
Ndri li: Ndri ta hlaya ku doha kwa nga ku Yehova.
Kutani wene u wu hlangulile nandru wa xihono xa nga.
3 - Ti trhavisani ha Yehova, nwi nyonxa, nwine valulami;

Yimbelelani nwine hinkwenu la'va nga ni timbilu
le'ta ku lulama.
Segunda Leitura: I Cor. 10, 31--11, 1.
Introdução:
Paulo a hi dondrisa leswaku a ntiru wunwana ni wunwana hi wu yentxaka, hi
fanekela a ku wu longoloxa hi moya wa ku nyonxisa Xikwembu Nkulukumba a nga
na hine minkama hinkwayu.
Dondro ya Papela dra ku Sungula dra S.Paulo ku va-le-Korinte:
Vamakweru: Hi swoswo nambi nwi da, nambi nwi nwa, nambi nwi yentxa yini na
yini, yentxani hinkwaswu hi ku twalisa Xikwembu Nkulukumba. Nwi nga
khunguvanyiseni va-Yuda, nambi ve va-Geriki, nambi dri Kereke dra Xikwembu
Nkulukumba; swanga h'eswi na mine, ndri trhavisaka hinkwavu ku mintxhumu
hinkwayu, ndri nga tidjulelikiki le'swi pfunaka mine, ndra ka ku djula le'swi pfunaka
la'vanyingi, akuva va huluxiwa. Vanani vayetisi va nga, swanga hi mine ndri nga
mu yetisi wa Kriste.
Ritu dra Hosi!
Introdução:
Yesu a yentxi a mahlolwana ya ku hanyisa a mhunu wa ku vabya hi
nhlokonho akuva a hi dondrisa leswaku yene a nyikiwi ni ntamu wa ku drivalela
vhanu aswihono.
42
43
Ku nkama luwa, kutani lwe wa nhlokonho a ta ku yene, a mu khongota a wa hi

matrolo amahlweni kwa kwe, a ku ku yene: Loko u swi randra, wa swikota ku ndri
basisa. A viki ni lilondro, a nalavuta voko, a mu khumba a ku ku yene: Ndra swi
randra; basisiwa. Hi nomu-lo a nhlokonho yi mu trika, a basisiwa. A mu laya ngopfu,
a hatla a mu tlhelisa a ku: Tivone, u nga yi byela mhunu xa-ntxhumu, kambe famba
u ya tivonekisa ku muprista, u yisa ku yene leswi Moxe a nga leleta swone, hikola
ka ku basisiwa kwa ku, byi va vumboni ku vone. Lweyo kambe a ku awa suka, a ku
ya sungula ku hangalasa amhaka leyo, a va a yi twalisa, lakakuva Yesu a nga ha
swikoti ni ku nhingena amutini alivaleni; kambe af'a ti trhamela handle,
amimbangwini ya mananga; kutani va ya ku Yene, va pfa matlhelweni hinkwawu.
Ritu dra Huluxu!
NSONTO YA WUNTHLANU NA TIBIDRI KU NKAMA WA

NTOLOVELO
Primeira Leitura: Is. 43, 18-19. 21-22. 24b-25.
Introdução:
Ku dondro le'yi taka hlayiwa, Xikwembu Nkulukumba a bikela vana va
Yisrael leswaku a ta va buyisela huluxo dra ku hlamalisa. Ahuluxo ledri i tirulo dra
swihono, ledri na hine hi dri yamukelaka loko hi pfumela ka Yesu Kriste.
A Hosi yi hlaya leswi: n'wi nga ha drimukeni le'swi hundriki, n'wi nga yanakanyeni
timhaka ta khale. Lavisani, ndri ta yentxa ntxhumu lo'wu wumpswa wu ta humelela
swoswi; xana n'wi nga ka n'wi nga wu tivi? Ina ndri ta hamba ndlela ahuleni, ni mila
akwandrasini. Atiko ledri ndri tumbuluxiki drone, dri ta drungula ku twala kwa nga.
Kambe a wu ndri khongotanga, wene Yakob kambe u kholwile ha mine, wene
Yisrael, kambe u ndri xanisile hi swidoho swa ku, u ndri raratile hi vusomboloki bya
ku. Hi mine, hi mine lw'a hlangulaka swihono swa ku hikola kwanga; kutani ndri
nga ka ndri nga ha drimuki swihono swa ku.
Ritu dra Hosi!
Psalma: 40(41), 2-3, 4-5, 13-14.
Ntekelelo: Hosi, huluxa moya wa nga

hikusa mine ndri ku dohelile.
43
44
1 - A ni ndjombo lw'a londrisaka muxaniseki

Hi siku dra khombo Yehova a ta mu tirula
Yehova a ta mu mpfekela, a ta mu hanyisa;
A ta va mhunu wa tindjombo misaveni, kutani
a nga mu nyikete ku randreni ka valala va kwe.
2 - Yehova a ta mu pfuna likhulwini dra vuvabyi

A ta ndruluta swinene vuyetlelelo bya kwe
Vuvabyini bya kwe
Mine ndri li: Yehova ndri yentxele vurombe.
Segunda Leitura: II Cor. 1, 18-22.
Introdução:
Paulo, ku papela dra kwe ku va Kriste va-le-Korinte, a va tivisa leswaku
aswidumbiso hinkwaswu leswi Xikwembu Nkulukumba a hi yentxeliki swone, swi
hetisekile hikola ka Yesu Kriste a hi feliki axihamban'wini.
Dondro ya Papela dra Wubidri dra S. Paulo ku va-le-Korinte:
Vamakweru: Xikwembu Nkulukumba, lw'a dumbekaka, a swi tiva leswaku a maritu

ya nga ku n'wine a ma vanga: Im, ma tlhela ma va: Ihi. Hikusa N'wana wa Xikwembu
Nkulukumba, a nga Yesu Kriste, lwe n'wi nga dondrisiwa ta kwe hi mine, na
Silvano, na Timoteo, a swa vanga ku yene: Im, swi tlhela swi va: Ihi; kambe swe ku
va: Im, ku yene. Hikusa aswidumbiso hinkwaswu le'swi nga kone swa Xikwembu
Nkulukumba, e ku va: Im, ku yene, akuva Xikwembu Nkulukumba a drumisiwa hi
hine. Lw'a hi tiyisaka kun'we na n'wine ku Kriste, lw'a hi totiki, hi Xikwembu
Nkulukumba; a hi fungiki, a hi nyikiki xirangana xa Moya atimbilwini teru.
Ritu dra Hosi!
Aleluya! Aleluya!
A Hosi yi ndri rumi ku byela vabohiwa aku ntrhunxeka,
yi ndri totile akuva ndri drungulela swisiwana Ivangeli.
Evangelho: Marcos, 2, 1-12.
Introdução:
Hosi Yesu a yentxi mahlolana ya ku hanyisa atimbabyi hi ku susumetiwa hi
44
45
vumbilu bya kwe. Nakone a yentxeli akuva a kombisa avukulukumba bya kwe ku
lava va nga siki na mu tiva.
Antrhaku ku man'wanyana masiku, a tlheliki a nhingena Kapernaum, ku twala

leswaku a kone andlwini. Avhanu la'vanyingi va hlengeletana, lakakuva ku nga ha
vi na mbangu wakuva va yanela mahlweni ka nyangwa; afa a va dondrisa ritu.
Kutani va tlhasa vhanu, va mu tisela mhunu wa ku wonyana swiro, na a byatrhiwi
hi mune wa vavanuna. Voneke, loko va hluleka ku mu yisa ku yene, hikola ka
xitrhungu, va tlhantula lwangu dra yindlu leyi fak'a trhami ku yone; va tiki va pfula,
va ku nembeleta vunanu lebyi afaka xilema xi yetleli ku byone. Yesu, a tiki a vona
ku pfumela kwa vu, a byela lwe wa ku wonyana swiro: N'wan'a nga, u drivaleliwi
swihono swa ku! Kambe afa ku ni van'wana va vatrali la'va trhamiki kone, lava faka
va tipimisela timbilwini ta vu leswaku: Xana lweyi, a hlayisa xi-swoswo ha yini?
Awa sandra! Xana i mani lw'a kotaka ku drivalela swihono, loko a nge Xikwembu
Nkulukumba ntsena? Yesu a hatliki a swi tiva amoyeni wa kwe, leswaku va
tipimisela swoswo andreni kwa vu, a ku ku vone: Xana n'wi tipimisela yini a timhaka
leti atimbilwini tenu? Xana ku nabyala yini, loko ndri ku ku xilema lexi: U
drivaleliwi swihono swa ku; kumbe loko ndri ku ku xone: Pfuka u tlakula vunanu
bya ku, u famba? Kambe akuva n'wi ta tiva leswaku N'wana wa mhunu a na ni ntamu
wa ku drivalela swihono amisaveni (a ku ku lwe wa ku wonyana swiro): Pfuka, ku
hla mine, u tlakula vunanu bya ku, u tifambela ndlwini ya ku! A hanga ku pfuka, a
hatla a tlakula vunanu, a huma mahlweni ka hinkwavu, lakakuva va hlamala
hinkwavu, va twalisa Xikwembu Nkulukumba, va ku: A hi ngi vona le'swa ku nhati!
Ritu dra Huluxu!
WAWURARU WA NORA
Primeira Leitura: Joel 2, 12-18.
Introdução:
A hi yingiseteni Muprofeta Yoel a nge:" Handrulani timbilu tenu ku nga li
minkhantxu yenu".
Dondro ya Buku dra Muprofeta Yoel:
Kambe swoswi, ku hlaya Yehova, ndrulukelani ku mine hi timbilu tenu hinkwatu,

ni hi ku titrona swa-ku-da, ni hi swidrilo ni hi nkosi. Handrulani timbilu tenu, swi
nge swiyambalu swenu; ndrulukelani ku Yehova Xikwembu Nkulukumba wenu;
45
46
hikuva a ni vumbilu a ni timpswalu, a hlwela ku hlundruka, a tali lirere, a vilela hi

le'swa ku biha. i mani lw'a swi tivaka loko kumbe xana a ta tlhela a tretra, a siya
ndjombo antrhaku kwa kwe: Mhamba ya mapa ni le'ya swa-ku-nwa ku Yehova
Xikwembu Nkulukumba wenu? Yimbani nanga a Tsiyon, hlaulani siku draku titrona
swa-ku-da, n'wi leleta nhlengeletanu, hlengeletani swiduhwati, hlengeletani
vatrongwana, ni la'va yanwaka mavele: Amulovoli a a hume kwartweni dra kwe, ni
ntlhonwa ndlwini ya yone. Avaprista, avatireli va Yehova, a va drile makari ka
ligumba hi aletare, a ve ku: Yehova, tretrelela vhanu va ku, u nga nyikete pfindla dra
ku aku tsandriweni, lakakuva matiko ma va hleka; va nga hlaya ha yini makari ka
matiko leswaku: A kwini Xikwembu Nkulukumba wa vu? Kutani Yehova a vi ni
xikwele hi tiko dra kwe, a yentxela vhanu va kwe lilondro.
Ritu dra Hosi!
Psalma: 50(51), 3-4, 5-6a, 12-13, 14 e 17.
Ntekelelo: Hi dohile Hosi

Hi twele vusiwana.
1 - Ndri yentxele vumbilu,Xikwembu Nkulukumba,

hi lirere dra ku;
Hi vunyingi bya timpswalu ta ku, tima
swidoho swa nga.
Ndri nhlampswe swinene, u susa
vusomboloki bya nga,
U ndri basisa hi ku susa swihono swanga.
2 - Hikusa mine, ndri tiva swidoho swanga,

Ni swihono swanga swile mahlweni
kwa nga masiku hinkwawu.
Ndri honeli wene, wene ntsena;
Ndri yentxi le'swaku biha mahlweni kwa ku.
3 - Xikwembu Nkulukumba ndri vumbele

a mbilu le'ya ku basa.
Beka ndreni kwa nga a moya lo'wumpswa,
lo'wa ku tiya.
U nga ndri tekele moya wa ku lo'wa ku xwenga.
4 - Ndri tlhelisele ku trhava ka huluxo dra ku,

U va u ndri seketela hi moya lo'wa nkhinkhi.
Hosi, pfula milomu yanga,
Kutani a nomu wanga wu ta twalisa swidrumiso swaku.
46
47
Segunda Leitura: 2 Cor. 5, 20---6,2.
Introdução:
Tlhelelani ku ntwanano na Xikwembu Nkulukumba... Hi wolu a nkama
lo'wunene!
Vamakweru: Hi leswo-ke, hi tinyumi, le'ti kanelaka hikola ka Kriste, swanga hi loko

Xikwembu Nkulukumba a ku tratriya ha hine. Hi n'wi khongota hi nkonta ya Yesu
Kriste, hi li: Tlhanganani ni Xikwembu Nkulukumba. Lweyi faka a nga tivi xihono,
a mu yentxi xihono ha hine, akuva hine hi va ku lulama ka Xikwembu Nkulukumba
ku yene. Leswi hi tirisanaka na yene, ha n'wi khongota na kone n'wi nga ti yamukela
vumbilu bya Xikwembu Nkulukumba mahala. Hikusa a li: Ndri ku yingelile hi
nkama lo'wa home. Ndra ku pfunile hi siku dra ku huluxa. Lavisa, kutani i nkama
lo'wa hombe: kutani hi dro siku dra ku huluxa.
Ritu dra Hosi!
Aleluya! Aleluya!
Alidrumo ni ku twalisiwa a swi ve ku Wene,
Yesu Kriste, Hosi.
Ku nkama luwa, Yesu a ku ku vadondrisiwa: Tivonelani leswaku n'wi nga txhuki

n'wi yentxa ku lulama kwenu mahlweni ka vhanu, akuva n'wi ta langusiwa hi vone.
Loko swi nge tano n'wi nga ka n'wi nga kumi hakelo ku Tatana wenu lw'a nga
matilweni. Hi leswo-ke loko u nyika xinyiko, u nga txhuki u yimba nanga amahlweni
kwa ku, swanga hi leswi a vamandrendre va yentxisaka xi-swone, a masinagogeni
ni le maruweni, va ta twalisiwa hi vhanu. Ndri hlayela mfuri ndri li ku n'wine: Va
yamukeli hakelo dra vu. kambe wene, loko u nyika xinyiko, a voko dra ku dra
ximantxhi dri nga vi tiva le'swi tiraka hi dra xinene, akuva ku nyika kwaku ku
yentxiwa xihundleni; kutani tatana wa ku lweyi a ku vonaka xihundleni a ta ku
tlhelisela swone. Kutani loko u khongota, u nga koti vamandrendre, hikusa va randra
ku khongota na va yimile a masinagogeni ni le ma tlhanganwini ya tindlela, va ta
voniwa hi vhanu. Ndri hlayela mfuri ndri li ku n'wine: Va kuma hakelo dra vu. Wene
loko u khongota, nhingena yindlwaneni ya ku; ku ta ku laha u pfaliki a xipfalu xaku,
47
48
khongota Tatana wa ku lweyi a nga xihundleni; Tatana wa ku l'wa ku vonaka

xihundleni a ta ku tlhelisela swone. Loko n'wi titrona swa-ku-da, n'wi nga vi fana ni
vamandrendre la'va tiwonyanisaka mimombo; hikusa va tiphumisa liso, akuva swi
ta voneka vhanwini leswaku va titroni swa-ku-da. Ndri hlayela mfuri ndri li ku
nwine: Va kuma hakelo dra vu. Kambe wene, loko u titrona swa-ku-da, ti toti nhloko,
u hlamba ni liso, swi nga ti voneka vhanwini leswaku u titrona swa-ku-da, kambe
swi ta voniwa hi tatana wa ku, lweyi a nga xihundleni; kutani Tatana wa ku lweyi a
ku vonaka xihundleni, a ta ku tlhelisela swone.
Ritu dra Huluxu!
NSONTO YA KU SUNGULA KU NKAMA WA MAHLOMULU
Primeira Leitura: Gen. 9, 8-15.
Introdução:
Antrhaku ka ntita, ka humeleli axitrhungu ximpswa, le'xi nga basisiwa hi
mati, lexi a xi yentxiki Xikwembu Nkulukumba na Noa, e nkameni wolowo xa ve
xikombiso xa xipfumelelano le'xikulu, Xikwembu Nkulukumba a xi yentxiki na hine
vhanu e ngatini ya N'wan'a kwe Yesu Kriste.
Xikwembu Nkulukumba a ku vulavula na Noa ni vana va kwe, a ku: Lavisani, mine,

ndri ta tiyisa xipfumelelano xa nga na n'wine, ni vatukulu venu antrhaku kwenu;
kun'we ni le'swi hanyaka hinkwaswu le'swi nga na n'wine, atinyanyana, ni swifuyo,
ni swihari hinkwaswu swa misava le'swi nga na n'wine, hinkwaswu le'swi humiki
ngalaweni, aswihari hinkwaswu swa misava. Ndri tiyisa ximpfumelelano xa nga na
n'wine xa leswaku yi nga tlheli ya ha suvisiwa nyama hinkwayu hi mati ya ntita, ku
nga tlheli ka ha va na ntita, ya ku hona misava. Xikwembu Nkulukumba a ku: Hi
xone xikombiso xa xipfumelelano lexi ndri xi tiyisaka makari kwa nga na n'wine, ni
swivangwa hinkwaswu le'swi hanyaka le'swi nga na n'wine, ku kondra ku tlhasa
swikandratrolweni hinkwaswu. Ndri beka nkwangulatilo wa nga tlavini, xi va
xikombiso xa xipfumelelano makari kwa nga ni misava. Ku ta ku loko ndri tisa tlavi
henhla ka misava, ankwangulatilo wu ta voneka tlavini, ndri ta drimuka
xipfumelelano xa nga le'xi nga makari kwa nga na n'wine ni hinkwaswu le'swi
hanyaka swa nyama hinkwayu, lakakuva mati ma nga ha ndruluki ntita ya ku suvisa
nyama hinkwayu.
48
49
Ritu dra Hosi!
Psalma: 24(25), 4bc-5ab, 6-7bc, 8-9.
Ntekelelo: Atindlela ta Yehova hinkwatu

i lirere ni swinene.
1 - Yehova,ndri tivise tindlela ta ku,ndri dondrise mintila

yaku
Ndri fambise swineneni swa ku, u ndri dondrisa,
Hikusa u Xikwembu Nkulukumba wa ku huluka kwa
nga.
2 - Yehova, drimuka timpswalu ta ku ni lirere dra ku.

Hikusa swa vi kone minkama hinkwayu.
Ndri drimuke hi lirere dra ku.
Hikola ya vunene bya ku, Yehova.
3 - Yehova i munene, i mululami;

Hi leswo-ke, a komba vahoni a ndlela;
A fambisa la'va titrongahataka ku lulameni.
A va dondrisa ndlela ya kwe.
Segunda Leitura: I Pedro 3, 18-22.
Introdução:
Kriste a feli hine hinkweru hi nga vadohi. Aku bapatisiwa hi kone ku hi
nyikaka amihandru ya lifo dra kwe, le'dri hi basisaka ku swihono sweru.
Dondro ya Papela dra S.Pedro:
Vamakweru: Hikuva Kriste a xanisekile kan'we hikola ka swihono,yene,lwe wa ku

lulama, hikola ka la'va ku somboloka, akuva a hi yisa ku Xikwembu Nkulukumba,
na a dlayiwi nyameni, kambe a hanyisiwi moyeni; lowu afaka a fambi ha wone, a ya
drungulela ni mimoya le'faka mi bohelweni, leyi khale faka mi nga yingisetanga,
loko Xikwembu Nkulukumba a ha yimela hi ku leha ka mbilu amasikwini ya Noa,
ya ku yakiwa ka ngalawa, leyi vhanu va ku hlawa, hi leswaku ntlhanu na vararu, va
nga huluxiwa ku yone hi mati. Ma huluxa na n'wine swoswi, hi ku pimanisa, ndri
hlaya ku bapatisiwa ku nge ku susa ka xambya dra nyama, ka ku va ku vutisa ka
lipfalu le'drinene ku Xikwembu Nkulukumba, lweyi atintrumi ni tihosi ni mintamu
swi bekiwiki ahansi kwa kwe.
Ritu dra Hosi!
49
50
Aleluya! Aleluya!
Amhunu a nga ka a nga hanyi ha kati ntsena,
kambe hi ritu hinkwadru le'dri humaka
non'weni wa Xikwembu Nkulukumba.
Introdução:
Yesu na a nga si na sungula aku txhumayela, a tinyiketi axikhongotwini. Na
a nga si na tlhangana ni xitrhungu a ranga a djulisisa antwanano ni Tatana wa kwe
Lw'a nga Matilwini.
Ivangeli ya Yesu Kriste abukwini dra Marka:
Ku nkama luwa, hi nomu-lo, Yesu a susumeteliwa hi Moya a huleni; a ya trhama

kone mune wa makume ya masiku, a dringiwa hi Satana; af'e makari ka swihari, ni
swirun'wa ifa swi mu tirela. Ka ti antrhaku ka ku bohiwa ka Yohan, Yesu a ya
Galilea, a dondrisa Ivangeli dra Xikwembu Nkulukumba, a ku: Ankama wu
hetisekile, ku trhindrekeli anfumo wa Xikwembu Nkulukumba; ndrulukani, n'wi
pfumela ku Ivangeli.
Ritu dra Huluxu!
NSONTO YA WUBIDRI KU NKAMA WA MAHLOMULU
Primeira Leitura: Gen. 22, 1-2. 9a. 10-13. 15-18.
Introdução:
Abraham hikola ka likholo dra kwe, a nga ganaganekanga aku humexa
mukwa akuva a tlhava n'wan'a kwe a yentxa gandrelo ha yene. Xikwembu
Nkulukumba na yene a nga ganaganekanga akunyikela N'wan'a kwe Yesu Kriste
hikola ka lirandru ku hine vanhu.
50
51
Amasikwini lawo, Xikwembu Nkulukumba a ku dringa Abraham, a ku ku yene:

Abraham. A ku: Hi mine lwe. A ku: Teka n'wan'a ku, lw'a pswaliwiki e swa kwe,
lwe u mu randraka, Yisak, u ya tikweni dra le Moria; u ya mu hamba gandrelo dra
ku hisa henhla ka nhava yin'we ku leti ndri taka ku komba. Va ku ya tlhasa
mbangwini lowu afaka Xikwembu Nkulukumba a mu byeli wone; Abraham a
nalavuta voko dra kwe, a teka mukwa akuva a tlava n'wan'a kwe. Axirun'wa xa
Yehova xa ku mu vitana na xi matilweni, xi ku: Abraham, Abraham. A ku: Hi mine
lwe. Xi ku: U nga nalavute voko dra ku henhla ka ndrisanyana, u nga mu yentxe
ntxhumu, hikusa swoswi ndra swi tiva leswaku u txhava Xikwembu Nkulukumba,
wene, leswi u nga ndri yalelangakiki n'wan'a ku lw'a pswaliwiki e swa kwe.
Abraham a ku tlakuxa mahlu, a lavisa, vonani, afa ku ni truna dra hamba yi khomiwi
nkun'hwini hi timhondro. Kutani Abraham a ku famba, a ya teka nkuzi ya hamba a
yi hamba gandrelo dra ku hisa mbangwini wa n'wan'a kwe. Axirun'wa xa Yehova xi
tlhela xa ku vitana Abraham na xi matilwini, xi ku: Ndri hlambanyile ha mine, ku
hlaya Yehova, leswi u yentxiki leswo, u nga ndri yalelangakiki ni n'wan'a ku lw'a
pswaliwiki e swa kwe, ndri ta ku tovokisa kunene, ndri yandrisa vatukulu va ku
ngopfu-ngopfu, va ta fana ni tinyeleti ta matilo, va ta va swanga hi sava le'dri nga
kone ankingeni wa likhulu; alixaka la ku li ta fuya nyangwa ya valala va drone;
amatiko hinkwawu ya misava ma ta tovokela alixakeni dra ku, hikusa u yingisetile
ritu dra nga.
Ritu dra Hosi!
Psalma: 115(116), 10-15, 16-17, 18-19.
Ntekelelo: Ndri ta famba mahlweni ka Yehova,

Atikweni dra la'va hanyaka.
1 - Ndri pfumelile, nambi ndri vulavula.

Afa ndri xanisiwa ngopfu.
Ku ni lisima mahlweni ka Yehova
Aku fa ka varandriwa va kwe.
2 - Yehova, ndri nandra wa ku swinene,

Ndri nandra wa ku, ndri n'wana wa ntrhamandagu wa
ku.
U ntrhunxi mapindra ya nga.
Ndri ta ku humexela mhamba ya ku tlangela
Ndri vitana vito dra Yehova.
3 - Ndri ta driha swihlambanyo swa nga ku Yehova.

Amahlweni ka vhanu va kwe hinkwavu
Atinxonxeni ta yindlu ya Yehova,
51
52
Amakari kwa ku, Yerusalem.
Segunda Leitura: Rom. 8, 31b-34.
Introdução:
Leswi afaka a djula ku swi yentxa Abraham ku n'wan'a kwe Yisak, afa swi
dringanisa alifa dra Yesu Kriste Lw'a tlhaviwiki axihambanwini, akuva yi va
mhamba ya ku hlampswa aswihono swa misava.
Dondro ya Papela dra S.Paulo ku va-le-Roma:
Vamakweru: Loko Xikwembu Nkulukumba a yimi na hine, i mani lw'a taka lwa na
hine? Yene lw'a nga tretrelelangakiki ntxhima ya N'wan'a kwe a nga ku hi nyika
yene hinkweru, xana anha a nga hi hanani hinkwaswu ha yini, kun'we na yene? I
mani lw'a taka rambela vahlauliwa va Xikwembu Nkulukumba na? Xikwembu
Nkulukumba hi yene lw'a va hlayaka valulami. I mani lw'a taka yavanyisa? Kriste
Yesu hi lweyi a nga fa, a va a pfuka, a nga xineneni xa Xikwembu Nkulukumba, a
hi khongotelelaka mfuri.
Ritu dra Hosi!

Alidrumo ku wene, Hosi ya ku twaliseka!

Axikari ka tlavi ku twali aritu dra Tatana dri ku:
Lweyi i N'wan'anga wa ku randreka mu yingisetani
Evangelho: Mc. 9, 1-9 (2-10).
Introdução:
Hi ku ti ndruluta ka Yesu, Nkulukumba a djuli ku hlevela avapostola avukulu
bya N'wan'a kwe, akuva vone va ta paluxa amhaka leyo ku vhanu hinkwavu, ntrhaku
ka kufa ni ku pfuka kwa kwe.
Ankameni lowo, Yesu a teka va Petros, na Yakob, na Yohan, a va yisa nhaveni le'ya
ku leha, hi tlhelo, na ve swa-vu; kutani a ndrulutiwa mahlweni kwa vu. Aminkhantyu
ya kwe mi basa mi va ya ntlhohe swinene, lakakuva ku ngeke na munhlampswi
amisaveni lw'a nga kotaka ku basisisa xi-swoswo. Kutani Eliya na Moxe va
humelela ku vone, va kanela na Yesu. Petros a yangula a ku ku Yesu: Rabbi, i swa
52
53
hombe loko hi trhamisa kola; hi ta yaka mintronga miraru, amun'we wu va wa ku,

amun'we wu va wa Moxe, amun'we wu va wa Eliya. Hikusa af'a nga tivi leswi a
yangulaka swone, hi leswi faka va vi ni ku txhava ngopfu. Kutani atlavi dri humelela,
dri va fukumeta, ni ritu le'dri pfaka tlavini dri ku: Lwe hi n'wan'a nga lw'a
randrekaka; mu yingelani. Kutani va hatla va lavisa matlhelo hinkwawu, va nga ha
voni mhunu, loko a nge Yesu ntsena, kun'we na vone. Loko va fulamela hansi ka
nhava, a va leleta leswaku va nga byeli mhunu leswi va swi voniki, loko N'wana wa
mhunu a nga si na pfuka makari ka vafi.
Ritu dra Huluxu!
NSONTO YA WURARU KU NKAMA WA MAHLOMULU
Primeira Leitura: Ex. 20, 1-17.
Introdução:
Akuva vhanu va ta tiva ku txhava Xikwembu Nkulukumba ni ku bekelana
xlisima hi xivone, yene Nkulukumba a va dondrisile amilawu ya kwe ha Moxe.
Dondro ya Buku dra Eksoda:
Amasikwini lawo, Xikwembu Nkulukumba a vulavula maritu lawo hinkwawu, a ku:

Hi mi Yehova Xikwembu Nkulukumba wa ku, lw'a ku humexeliki tikweni dra
Egipta, andlwini ya vukarawa. U nga txhuke u va ni swikwembu swin'wanyana
mahlweni kwa nga. U nga tiyentxele xithombe le'xa ku vatliwa, nambi xa ku va
xithombe xini ni xini xa mintxhumu le'mi nga henhla tilweni, nambi xa ku va xa
mintxhumu le'mi nga hansi misaveni, nambi xa ku va xa mintxhumu le'mi nga
matini, ahansi ka misava. U nga vi swi khisamela, nambi ka ku va ku swi tirela,
hikuva mine Yehova, Xikwembu Nkulukumba wa ku, ndri Xikwembu Nkulukumba
wa litsimbu, lw'a baka vana hi vusomboloki bya vapswele va vu, a ya gama lixakeni
la vuraru ni la vumune ku la'va ndri vengaka; ndri va yentxela vumbilu la'va ndri
randraka, la'va bekisaka milau ya nga, ndri ya tlhasa lixakeni la khume dra madzana.
u nga vi tlanga hi vito dra Yehova, Xikwembu Nkulukumba wa ku; hikusa Yehova
a nga wu trike nandru wa lwe a tlangaka hi vito dra kwe. Drimuka siku dra savata,
u dri hlaula. U ta tira ha ntlhanu wa masiku na drin'we, u yentxa ntiro wa ku
hinkwawu; kambe asiku dra ntlhanu na mabidri i savata dra Yehova, Xikwembu
Nkulukumba wa ku. U nga vi yentxa ntiro ni mun'we hi siku ledro, wene, ni n'wan'a
ku, ni n'wan'a ku wa wansati, ni nandra wa ku, ni xifuyo xa ku, ni muyeni wa ku,
53
54
lwe a nga ndangu kwa ku. Hikusa ha ntlhanu wa masiku na siku drin'we Yehova a
hambi tilo, ni misava, ni likhulu, ni mintxhumu hinkwayu le'mi nga ku swone: A
wisa hi siku dra ntlhanu na mabidri. Hi laha-ke Yehova a nga tovokisa siku dra
savata, a va a dri hlaula. Vana ni swihluwa ku tatana wa ku, ni ku mamana wa ku,
akuva masiku ya ku ma yandra misaveni leyi u nyikiwiki yone hi Yehova,
Xikwembu Nkulukumba wa ku. U nga vi dlaya. U nga vi yentxa vumbuye. U nga vi
yiva. U nga vi lumbeta wa-le-kwenu hi vumboni bya ku hemba. U nga vi navela
yindlu ya wa-le-kwenu; u nga vi navela nsati wa kwe, nambi a ku va nandra wa kwe
wa wanuna kumbe wa wansati, nambi ya ku va homu ya kwe, kumbe mbongolo ya
kwe, nambi xa ku va xin'wanyana xa-ntxhumu xa wa-le-kwenu.
Ritu dra Hosi!
Psalma: 18(19), 8, 9, 10, 11.
Ntekelelo: Hosi, u na ni maritu ya vutomi

le'byi nga helikiki!
1 - Anau wa Yehova wu hetisekile, wu wisisa hika.

Avumboni bya Yehova bya dumbeka,
byi tlharihisa lwe wa ku drivala.
2 - Amilau ya Yehova mi lulamile, mi trhavisa mbilu.

Axileleto xa Yehova xi basile, xi vaninga mahlu.
3 - Aku txhava Yehova ku xwengile,

ku trhama hi la ku nga helikiki;
Aswiyavanyiso swa Yehova i swinene,
swi lulamile hinkwaswu
4 - Swi tlula gole hi lisima, kunene ni gole le'dri

nyingi dra ku basa,
Ku tlula ni vulombe hi vunandri, ni le'byi trhonaka
swihlengeni swa byone.
Segunda leitura: I Cor. 1, 22-25.
Introdução:
Ha ka nyingi swanga hi vayuda ni va-matiko lava Paulus a kanelaka ha vone,
na ye hine, hi randra Nkulukumba loko a hi yentxela leswi swi hi nyonxisaka, na hi
drivala leswaku Kriste a hi tiruli hikola ka ku hi hluphekela ni ku hi fela
axihambanwini.
54
55
Vamakweru: Ava-Yuda va kombela mahlolana, ava-Geriki va djula vutlhari; kambe

hine, hi dondrisa Kriste, lweyi a vambiwiki, ku va-Yuda xi nga xikhunguvanyiso,
ku va-matiko byi nga vusinge; kambe ku vone la'va vitiwiki, nambi ve va-Yuda,
nambi ve va-geriki, Kriste, ntamu wa Xikwembu Nkulukumba ni vutlhari bya
Xikwembu Nkulukumba. Hikusa avusinge bya Xikwembu Nkulukumba byi
hundrisa vhanu hi vutlhari, ni gome dra Xikwembu Nkulukumba dri hundrisa vhanu
hi ntamu.
Ritu dra Hosi!
Hikuva Xikwembu Nkulukumba

a randri misava swa ku nhati,
a ko a nyika a N'wan'a kwe,
lwe wa ku va swa-kwe, akuva
mani na mani lwey'a pfumelaka
ku yene a nga lahleki,
kambe a kuma vutomi le'byi nga gamikiki.
Introdução:
Ava-Yuda afa va pimisa leswaku Xikwembu Nkulukumba a gandreliwa
ntsena atempeleni dra Yerusalem. Kambe Yesu Kriste, ku siku ledri a yiki basisa a
Tempele, a paluxi leswaku yene i Tempele dra xihlayelamfuri. Hi kufa ni ku pfuka
kwa kwe ku siku dra vuraru a yaki a Tempele drimpswa dra la'va gandrelaka
Xikwembu Nkulukumba hi moya ni hi xihlayelamfuri.
Ku nkama luwa, APaska dra va-Yuda afa dri kusuhi; kutani Yesu a ntlhantuka, a ya
Yerusalem. Kolahu a kuma a Tempeleni la'va xavisaka tihomu, ni tihamba, ni
matuva, ni la'va ntxintxaka mali, va trhamisile. Ku ti loko a hambi xisepu hi
tingotinyana, a hlongola hinkwatu a Tempeleni, tihomu, ni tihamba; a hangalasa
mapataka ya vantxintxi, a wisa ni matafula yavu. Kutani a ku ku la'va xavisaka
matuva: Susani leswi la, n'wi nga txhuki n'wi yentxa a yindlu ya Tatana yi va yindlu
ya minxavo. Kutani avadondrisiwa va kwe va drimuka leswaku ku traliwile:
Ankhinkhi hikola ya yindlu ya ku yi ndri dile. Ava-Yuda va mu yangula kolahu va ku
ku yene: U nga hi komba xikombiso xini xana, leswi u tiraka leswi? Yesu a yangula
a ku ku vone: Hahlulani Tempele ledri, kutani n'ta dri pfuxa ha masiku mararu. Ava-
55
56
Yuda va mu byela kolahu, va ku: A Tempele ledri, dra yakiwi ha mune wa makume
ya malembe na ntlhanu na drin'we, kutani wene u ta dri pfuxa ha masiku mararu?
Kasi yene afa a hlaya Tempele dra miri ya kwe. Hi leswo-ke, loko a pfuxiwi ku feni,
avadondrisiwa va kwe va drimuka leswaku afa a hlayile leswo; kutani va pfumela
ku matralwa ni ku ritu ledri Yesu a nga hlaya drone. Loko e Yerusalem, aPaskeni,
afesteni, la'va ku tala va pfumela ku vito dra kwe, leswi va voniki swikombiso leswi
a swi yentxaka. kambe yene Yesu afa a nga va dumbi, leswi a va tiviki hinkwavu. Na
swone a nga fanelanga leswaku mhunu a mu tivisa ntxhumu xa mani na mani;
hikusa afa a tiva le'swi nga kone ndreni ka mhunu.
Ritu dra Huluxu!
NSONTO YA WU MUNE KU NKAMA WA MAHLOMULU
Primeira Leitura: Crónicas 36, 14-16. 19-23.
Introdução:
Ava-Yuda, hikuva va nga yingiseti amilau ya Xikwembu Nkulukumba, va
kumiwi hi xikhatiso xa ku yisiwa vukaraweni, aBabilona. Kambe Xikwembu
Nkulukumba hikola ka vumbilu bya kwe, a va drivalelile a va buyisa a tikweni dravu
e nkameni wa kufuma ka hosi Kiros.
Dondro ya Buku dra Makronika:
Amasikwini lawo, atihosana hinkwatu ta vaprista, ni vhanu, va doha ngopfu-ngopfu,

hi ku landra tinkasi hinkwatu ta matiko; va va va nyamisa ni yindlu ya Yehova leyi
faka a yi xwengisi Yerusalem. Yehova, Xikwembu Nkulukumba wa va tatana wa
vu, a tekisa ku va rumela malandra ya kwe, hikuva a va ni lilondro ku tiko dra kwe
ni vuyako bya kwe. Kambe va hleka malandra ya Xikwembu Nkulukumba, va
sandra maritu ya kwe, va yeyisa vaprofeta va kwe, amahlundru ya Yehova ma ko
ma pfurela tiko dra kwe, a ka ha vanga na ku huluxiwa. Va hisa yindlu ya Xikwembu
Nkulukumba, va mbundrumuxa lihlampfu dra Yerusalem, va hisa tiyindlu hinkwatu
ta vuhosi ta wone, va hona mintxhumu hinkwayu le'ya lisima ya wone. A yisa Bavel,
la'va hulukiki alipangeni, kutani va mu tirela ni vana va kwe, ku kondra ku pfuka
nfumu wa Persia, ku hetisa ritu dra Yehova le'dri hlayiwiki hi nomu wa Yeremiya,
atiko dri ko dri trhavela masavata ya drone; dri wisa hi nkama hinkwawu lowu dri
honiwiki ha wone, ku ko ku hela malembe ya ntlhanu wa makume na makume
mabidri. Alembeni dra ku sungula dra Korex, ahosi ya Persia, akuva ku yentxeka
ritu dra Yehova ledri a dri hlayiki hi nomu wa Yeremiya, Yehova a pfuxa mbilu ya
56
57
Korex, ahosi ya Persia, a ruma ku rera anfun'weni wa kwe hinkwawu, na kone a trala
a ku: Ku hlaya Korex, ahosi ya persia: Yehova, Xikwembu Nkulukumba wa tilu a
ndri nyiki minfumo hinkwayu ya misava; a ndri leleti ku mu yakela a yindlu a
Yerusalem, atikweni dra Yuda. mani na mani wa tiko dra kwe lw'a nga makari
kwenu, Yehova, Xikwembu Nkulukumba wa kwe, a a ve na yene, a a ntlhantuke.
Ritu dra Hosi!
Psalma: 136(137), 1-2, 3, 4-5, 6.
Ntekelelo: Alidrimi dra nga a dri namarele

vuxinyinyi bya nga,
Loko ndri nga ku kumbuki.
1 - Aminkingeni ya milambu ya le Bavel,

Afa hi trhama hansi hi drila mfuri
loko hi kumbuki Tsiyon.
Hi hayeka switende sweru
Aswiwumatini swa nkinga.
2 - Hikuva kone lava nga hi khoma

Afa va kombela tinsimu ku hine;
Ku ku vaxanisi veru va kombela tinsimu ta ku trhava,
Va ku: A n'wi hi yimbeleleleni tinsimu ta le Tsiyon.
3 - Hi nga yimbelelisa ku yini lisimu dra Yehova atikweni

dra va-matiko?
Loko ndra ku ku drivala, Yerusalem,
Avoko dra nga le'dra xinene a dri ndri drivale.
4 - Alidrimi dra nga a dri namarele vuxinyinyi bya nga,

Loko ndri nga ku kumbuki;
Loko ndri nga beki Yerusalem
Ahenhla ka ku nyonxa kwa nga hinkwaku.
Segunda Leitura: Ef. 2, 4-10.
Introdução:
Avutomi bya mhunu, ntrhaku ka xihono, hi nga byi fananisa ni vukarawa bya
xitrhungu xa ka Yisrael a Bavel. Kambe Xikwembu Nkulukumba a hi tirulile hikola
ka timpswalu leti a hi hananiki tone ha Yesu Kriste.
57
58
Vamakweru: Xikwembu Nkulukumba lw'a taliki lirere, hi lirandru le'drikulu dra

kwe, ledri a nga hi randra ha drone, a hi hanyisi kun'we na Kriste, na fa hi feli
xihonweni (n'wi huluxiwile hi timpswalu); mfuri a hi pfuxe kun'we na yene, a hi
trhamisisa ambangu mun'we na yene amatilwini ha Kriste Yesu, akuva aminkameni
le'mi taka a ta vonekisa avupfundri le'byi hundrisaka bya timpswalu ta kwe, hi
vunene bya kwe ku hine ha Kriste Yesu, hikusa n'wi huluxiwile hi timpswalu, hi ku
pfumela; leswo a swi pfi ku n'wine, i nyiko ya Xikwembu Nkulukumba. A swi humi
mintirweni, amhunu a nga titwalisi; hikusa hi ntiro wa kwe, leswi ha Kriste Yesu hi
vumbeliwiki mintiro le'minene, leyi Xikwembu Nkulukumba a nga hi bekisela yone
ku sunguleni, akuva hi famba ha yone.
Ritu dra Hosi!
Hikuva Xikwembu Nkulukumba a randri misava

swo nhati, a ko a nyika N'wan'a kwe, lwe wa ku va
swa-kwe, akuva mani na mani lwey'a pfumelaka ku
yene a nga lahleki, kambe a kuma vutomi le'byi nga
gamikiki.
Introdução:
Xikwembu Nkulukumba a randri amisava lakakuva a nyikela a N'wan'a kwe
lwe wa mun'we, akuva yi va mhamba ya ku hi huluxa, hi ku hi fela a tlhela a pfuka.
Ku nkama luwa, Yesu a byela Nikodema a ku: Swanga h'eswi Moxe a nga
hayeka nyoka a huleni, hi swoswo swi fanekelaka a N'wana wa mhunu a hayekisiwa
xi-swone, akuva mani na mani lwey'a pfumelaka ku yene a nga suvi, kambe a kuma
vutomi le'byi nga gamikiki. Hikuva Xikwembu Nkulukumba a randri misava swa ku
nhati, a ko a nyika N'wan'a kwe, lwe wa ku va swa-kwe, akuva mani na mani lwey'a
pfumelaka ku yene a nga lahleki, kambe a kuma vutomi le'byi nga gamikiki. Hikuva
Xikwembu Nkulukumba a nga rumelanga N'wan'a kwe a misaveni akuva a ta ta
yavanyisa misava, kambe hi leswaku misava mi ta huluxiwa hi yene. Lwey'a
pfumelaka ku yene a nga yavanyisiwi; kambe lwey'a nga pfumelikiki a
yavanyisiwile ni swoswi, hikuva a nga pfumelanga ku vito dra N'wana wa
Xikwembu Nkulukumba lwe wa ku va swa-kwe. aku yavanyisa hi koloku: Leswaku
alivaningo dri tile a misaveni, kutani vhanu va randri munyama ku tlula livaningo;
hikuva amintiro ya vu afa mi bihile. Hikuva mani na mani lwey'a tiraka swa ku biha,
58
59
a yalana ni livaningo; kutani a nga ti livaningweni amintiro ya kwe mi nga ti txhuka

mi khwaveliwa. Kambe lw'a tiraka le'swinene, a ta livaningweni, akuva mintiro ya
kwe mi vonekisiwa leswaku mi tiriwela ku Xikwembu Nkulukumba.
Ritu dra Huluxu!
NSONTO YA WU NTHLANU KU NKAMA WA MAHLOMULU
Primeira Leitura: Jer. 31, 31-34.
Introdução:
Amuprofeta, ku dondro le'yi taka hlayiwa, avulavula hi ta xipfumelelano
ximpswa, Xikwembu Nkulukumba a dumbisaka ku xi yentxa ni xitrhungu xa kwe.
Axipfumelelano lexo, hi lirandru ni vumbilu lebyi yene a hi kombiki hi N'wan'a kwe
Yesu Kriste.
Dondro ya Buku dra Muprofeta Yeremiya:
Lavisani, ku hlaya Yehova, ku ta ta masiku lawa ndri taka yentxa axipfumelelano

le'ximpswa ni yindla ya Yisrael ni ya Yuda. Ku nge ku fana ni xipfumelelano lexi
ndri khomiki hi voko a ku va humexa a tikweni dra Egipta; va nga la'va nga hona
xipfumelelano xa nga, kasi afa ndri n'winyi wa vu, ku hlaya Yehova. kambe hi lexi
axipfumelelano lexi ndri taka xi yentxa ni yindlu ya Yisrael antrhaku ka masiku
lawa, ku hlaya Yehova. Ndri ta beka nau wa nga ndreni kwa vu, ndri wu trala
timbilwini ta vu; ndri ta va Xikwembu Nkulukumba wa vu, vone va va vhanu vanga.
Va nga ha dondrisi mun'wana ni mun'wana nakulobye, ni mun'wana ni mun'wana
lwe a yakelaniki na ye, a ku: Tiva Yehova: Hikusa va ta ndri tiva hinkwavu, ku
sukela ka lwe'ntrongo ku ya gama ku lwe'nkulu, ku hlaya Yehova; hikusa ndri ta va
drivalela ku somboloka kwa vu, ndri nga ka ndri nga ha drimuki aswihono swa vu.
Ritu dra Hosi!
Psalma: 50(51), 3-4, 12-13, 14-15.
Ntekelelo: Beka ndreni kwa nga, Hosi,

Amoya lo'wumpswa, lo'wa ku tiya.
1 - Ndri hlampswe swinene, u susa vusomboloki bya nga,

U ndri basisa hi ku susa swihono swa nga,
Hikuva mine, ndri tiva swidoho swa nga,
Ni xihono xa nga xi le mahlweni kwa nga.
2 - Beka ndreni kwa nga moya lo'wumpswa, lo'wa ku tiya.

U nga ndri txukumete kule ni mombo wa ku
59
60
U nga ndri tekele moya wa ku lo'wa ku xwenga.
3 - Ndri tlhelisele ku trhava ka huluxo draku

U va u ndri seketela hi moya lo'wa nkhinkhi.
Ndri ta dondrisa vahoni tindlela ta ku.
Segunda Leitura: Hebr. 5, 7-9.
Introdução:
Axipfumelelano lexi Nkulukumba tatana a dumbisiki, hi nomu wa Muprofeta
Yeremiya, leswaku a ta yentxa, xi hetisekile hi loko Yesu Kriste a pfumeli ku hi fela
xihambanwini.
Dondro ya Papela dra S.Paulo ku-va-Heberu:
Vamakweru: Yelweyo, ka ti loko, amasikwini ya ku hanya kwa kwe anyameni, a

humexile swikhongoto ni mintratriyo, kun'we ni swidrilo le'swikulu ni minyembeti,
ku lweyi afaka a swikota ku mu huluxa ku feni, a va a yingeliwa hikola ka ku txhava
Xikwembu Nkulukumba. nambi e N'wana, a dondrile ku yingiseta hi leswi a
vavisekiki ha swone. Ni loko a hetisekile, a vi lw'a vangelaka vayingiseti va kwe
hinkwavu a huluxo le'dri nga helikiki.
Ritu dra Hosi!
Loko mhunu a ndri tirela, a nga ndri landri

ni lomu ndri nga kone, na ye mutireli wa nga
a ta va kone.
Introdução:
Ku fana ni mbeu, loko yi byaliwa, yi milaka yi va yi pswala timbeu le'tinyingi,
xiswoswo, Kriste a file a va a lahliwa, akuva alifo dra kwe dri pfuxa avutomi bya
la'vanyingi.
Ku nkama luwa, ava-Geriki van'we afa ve kone amakari ka la'va ntlhantukeliki

Yerusalem ku ta gandrela afesteni. Volavo va trhindrekela ku Filipi lwe wa
Bethsaida wa le Galilea, va mu kombela , va ku: Hosi, hi randra ku vona Yesu. Filipi
60
61
a ta a byela Andreas. Filipi na Andreas va ya byela Yesu. Yesu a va yangula a ku:

Ankama wu tlhasile, akuva N'wana wa mhunu a ta twalisiwa. Ndri hlayela mfuri
ndri li ku n'wine: Loko nhleke ya vele, le'yi weliki misaveni, yi nga fi, yi ta trhama
yi swa-yone; kambe loko yi fa, yi ta beka vana la'va ku tala. Lw'a randraka vutomi
bya kwe, a ta lahlekeliwa hi byone; kambe lweyi a vengaka a vutomi bya kwe a
misaveni leyi, a ta byi bekisa ku tlhasa vutomini le'byi nga helikiki. Loko a mhunu
a ndri tirela, a nga ndri landra; ni lomu ndri nga kone, na ye mutireli wa nga a ta va
kone. Ni loko mhunu a ndri tirela, Tatana a ta mu komba xitxhavu. Swoswi amoya
wa nga wa txhuka-txhuka. Ndri ta ku yini? Tatana, ndri huluxe ku nkama lowu!
Kambe ndri teli swone, ku ta vona nkama lowu. Tatana, twalisa vito dra ku! Ka
hanga tlhasa ritu le'dri pfaka tilwini, dri ku: Ndri dri twalisile, ndri ta tlhela ndri dri
twalisa. Axitrhungu lexi faka xi yimile xi swi yingela, xi ku: Dre ku druma.
Avan'wana va ku: Axirun'wa xi vulavuli na ye. Yesu a yangula a ku: Aritu ledri a
dri humelelanga hi nkonta ya nga, kambe hi nkonta yenu. Swoswi ku kone ku
yavanyisiwa ka misava leyi; swoswi amufumi wa misava leyi a ta txukumetiwa
handle. Na mine, loko ndri ta va ndri tlakuxiwi misaveni, ndri ta tikokela hinkwavu
ku mine. Afa a hlaya tone, a fanisa mafela lawa a taka fa ha wone.
Ritu dra Huluxu!
NSONTO YA WUBIDRI YA PASKA
Primeira Leitura: Actos 4, 32-35.
Introdução:
Avakriste va ku sungula va hi nyika a xikombiso xa likholo le'drinene, dra
ntwananu wa ku hlamalisa ni dra ku nyonxa nkama hinkwawo. Avukriste bya vu afa
byi li bya ku fakaza aku Pfuka ka Hosi.
Dondro ya Buku dra Mintiru ya Vapostola:
Avunyingi bya la'va pfumeliki afa ve mbilu yinwe ni moya munwe; funri ifa ku nge
na munwe lw'a liki amintxhumu leyi a nga na yo i ya kwe swa-kwe, kambe ifa
hinkwaswu ku vone swiva swa vu hinkwavu. Na swone avapostola ifa va hlaya hi
ntamu lo'wukulu a vumboni bya ku pfuka ka Hosi Yesu; avumbilu le'byikulu ifa byi
li henhla kwa vu hinkwavu. Nangweso ifa ku nge na xisiwana amakari kwa vu;
hikusa hinkwavu lava faka ve ni masimu, kumbe tiyindlu, va ya xavisa, va buyisa
nxavu wa le'swi xavisiwiki, va ta beka milengeni ya vapostola; kutani ifa swi
yaveliwa ku munwana ni munwana swang'eswi afaka a pfumalisa xiswone.
Ritu dra Hosi!
61
62
Psalma: 117(118), 2-4, 16ab-18, 22-24.
Ntekelelo: Twalisani Yehova hikuva i munene,

Hikuva lirere dra kwe hi le'dri nga helikikiki.
1 - Yisrael a a ku:
I, a lirere dra kwe hi le'dri nga helikikiki.
A ye ku-ke ayindlu ya Aaron:
I, alirere dra kwe hi le'dri nga helikikiki.
La'va txhavaka Yehova a ve ku-ke:
I, alirere dra kwe hi le'dri nga helikikiki.
2 - Avoko le'dra xinene dra Yehova dri tlakukile,

Avoko le'dra xinene dra Yehova dri yentxa
le'swa ntamu,
Ndri nga fe, ndri ta hanya;
Ndri drungula swiyentxo swa Yahi.
Yahi a ndri be ngopfu,
Kambe a nga ndri nyiketelelanga kufeni.
3 - Aribye le'dri nga yaliwa hi vayaki,

Dra ndruluki ribye dra hoka.
Leswo swa yentxiwi hi Yehova;
Hi le'swi hlamalisaka mahlwini yeru.
Ledri hi siku ledri Yehova a nga dri yentxa,
A hi trhaveni, a hi nyonxeni ha drone.
Segunda Leitura: I Jo. 5, 1-6.
Introdução:
Loko hi kholwa ka Yesu Kriste hi ta swikota a ku hlula amisava. Ahi bekiseni
amilawu Ya kwe hi va hi hanya avutomi bya lirandru.
Dondro ya Papela dra ku Sungula dra Yohan:
Lweyo ni lweyo lw'a pfumelaka leswaku Yesu i Kriste, a pswaliwi hi Xikwembu

Nkulukumba; lweyo ni lweyo-ke lw'a randraka mupswali, a randra ni lw'a
pswaliwiki hi yene. Hi switiva hi swoleswo leswaku hi randra vana va Xikwembu
Nkulukumba, hi leswi hi randraka xikwembu Nkulukumba hi bekisaka swileleto swa
kwe. Hikuva a ku randra ka Xikwembu Nkulukumba hi loko hi bekisa swileleto swa
kwe; a swileleto swa kwe a swi bindri. Hikuva hinkwaswu le'swi pswaliwiki hi
Xikwembu Nkulukumba swi hlula misava; kutani a ku hlula lo'ku hluliki misava, hi
62
63
ku pfumela kweru. I mani lw'a hlulaka misava, loko a nge lw'a pfumelaka leswaku
Yesu i Nwana wa Xikwembu Nkulukumba? Lweyo hi lw'a nga ta hi mati ni ngati a
nga Yesu Kriste; ku nge ha mati swa-wone, ka ku va wo mati ni ngati.
Ritu dra Hosi!
Aleluya! Aleluya!
Yesu a mu byela aku: Leswi u ndri voniki, Thomas,
u pfumelile. Va ni ndjombo la'va nga ndri
vonangakiki, nambi swi tanu va pfumeliki.
Introdução:
Yesu a tlhela a tivonekisa ku vadondrisiwa va kwe, na Thomas a li kone
axikari kwa vu, lweyi a faka a kanetile leswaku Yesu a pfukile kufeni. Kolaho a Hosi
ya mu dondrisi leswaku a ku pfumela a hi ntxhumu wa kuvoniwa hi mahlu ya nyama,
kambe i ku yamukela hi mbilu aritu dra Xikwembu.
Loko ku ti phu, a siku droledro le'dri sungulaka viki, kasi a tinyangwa ta mbangu
lowu vadondrisiwa afaka ve ku wone afa ti pfaliwile, hi ku txhava va-Yuda, Yesu a
ta ta yima a makari kwavu; a ku ku vone: Aku rula a ku ve na nwine! Loko a hlayi
leswo, a va komba mavoko ni reve dra kwe. Avadondrisiwa va ha nga ku nyonxa
ngopfu hi ku vona Yesu. Yesu a tlhela a ku ku vone: Aku rula a ku ve na nwine!
Swanga heswi Tatana a ndri rumiki, na mine ndra nwi ruma. Loko a hlayi leswo a
va huhutela a ku ku vone: Yamukelani a Moya lo wa ku Xwenga. Loko nwi drivalela
vhanu aswihono swa vu, swi ta drivaleliwa ku vone; loko nwi swi tiyisa, swi ta
tiyisiwa. Kambe Thomas, amunwe ku la'va khume na vabidri, lweyi va mu txhulaka
Didimus, afa a nge kone ku vone loko Yesu ata. Avadondrisiwa vanwana va mu
byela va ku: Hi voni Hosi! Kambe a ku ku vone: Loko ndri nge ku vona amavokweni
ya kwe ambanga le'yi trunyiwiki hi timhengu, ni loko ndri nge ku beka litiho dra nga
ambangeni le'yi trunyiwiki hi timhengu, ni loko ndri nge ku beka voko dra nga a
reveni dra kwe, ndri nga pfumeli. Loko ku heli ntlhanu wa masiku na mararu,
avadondrisiwa va kwe afa ve ko ndlwini nangweso, na ye Thomas e na vone; Yesu
a ta, na tinyangwa ti pfaliwile, ayima amakari kwa vu a ku: A ku rula a ku ve na
nwine! Kutani a ku ku Thomas; tisa litiho draku halenu, u lavisa mavoko ya nga; na
kone tisa voko dra ku, wa ta beka reveni dra nga, kutani u nga vi mukaneti, kambe
63
64
ya ku va mupfumeli. Thomas a yangula a ku ku yene: Hosi ya nga ni Xikwembu

Nkulukumba wa nga! Yesu a mu byela a ku: Leswi u ndri voniki, Thomas, u
pfumelile: Va ni ndjombo la'va nga ndri vonangakiki, nambi swi tanu va pfumeliki.
Yesu a yentxi swikombiso swinwanyana le'swa ku tala amahlweni ka vadondrisiwa
va kwe, le'swi nga traliwangakiki abukwini ledri. Kambe atimhaka leti ti traliwi
akuva nwi pfumela leswaku Yesu i Kriste, Nwana wa Xikwembu Nkulukumba, ni
akuva hi ku pfumela, nwi va ni vutomi avitweni dra kwe.
Ritu dra Huluxu!
NSONTO YA WURARU YA PASKA
Primeira Leitura: Actos, 3, 13-15. 17-19.
Introdução:
Ku maritu ya kwe, ma ta ka dondriwa swoswi, Petrosi a sola a xihono xa va-
Yuda va dlayiki Yesu, lweyi Nkulukumba Tatana a mu pfuxiki kufeni. Ntlhanta
kubidri Petrosi a dondrisa leswaku ku djuleka aku tilaya akuva amhunu a kuma a
lidrivalelo dra swihono swa kwe.
Ku masiku lawaya, Petrosi a ku ku xitrhungu: Xikwembu Nkulukumba wa

Abrahamu ni wa Yisak ni wa Yakob, Xikwembu Nkulukumba wa vatatana veru a
drumisile nwana wa kwe, Yesu lweyi nwime nwi nga mu nyiketa Pilato ni ku mu
landrula amahlweni kwa kwe, kasi yene ifa a mu yavanyiseli ku nha a ntrhunxiwa.
Kambe nwine, nwi landrulile Lwe wa ku xwenga ni wa ku lulama, nwa vi nwi
kombela ku va nwi hananiwa wanuna wa mudlayi; nwi dlayile Hosi ya vutomi, leyi
Xikwembu Nkulukumba a yi pfuxiki ku feni, yi nga mhaka leyi hine hi nga timboni
ta yone. Swoswi ke vamakweru, ndra switiva leswaku nwi yentxile leswi hi ku
kohleka; na tone tihosana tenu, hi swoleswo. Kambe Xikwembu Nkulukumba a
hetisile hi swoswo leswi a nga ranga a tivisa hi nomu wa vaprofeta hinkwavu, aku
vaviseka ka Kriste wa kwe. Hi leswo-ke, tisolani nwi ndruluka, akuva swihono
sweru swi suliwa.
Ritu dra Hosi!
Psalma: 4, 2. 4. 7. 9.
Ntekelelo: Hi humexele aku vaninga
64
65
ka vuso bya ku Yehova.
1 - Loko ndri huwelela ndri yangula, Wene Xikwembu

Nkulukumba wa ku lulama kwanga.
U ndri ntrhunxile loko ndri kamiwe mbilu,
Ndri babelele u yingiseta xikhongoto xa nga.
2 - Tivani leswaku Yehova atilangeli lwe a mu randraka

Yehova a wa ndri yingela loko ndri huwelela ku yene.
La'vanyingi va ku: Hi ta kombisiwa hi mani makateko?
Hi humexele a ku vaninga ka vuso bya ku Yehova!
3 - Ndri ta tilata hi ku rula, ndri hatla ndri

khutriyela vurongo.
Hikusa axivundreni xa nga, Wene Yehova, u ndri yakisa
hi ku dumba.
Segunda Leitura: I Jo. 2, 1-5a.
Introdução:
Yesu Kriste a ti yentxi mhamba ya xihlayelamfuri, le'yi basisaka aswihono
sweru ni swa vhanu va minkama hinkwayu.
Vana va nga, ndri nwi tralela timhaka leti, akuva nwi nga ti txhuka nwi doha. Kambe
loko mhunu a dohile, hi ni Muyimeli ku Tatana, a nga Yesu Kriste, lwe wa ku
lulama. Hi yene a nga mhamba ya ku susa swihono sweru; swi nge sweru ntsena,
kambe swa ku va swa misava hinkwayu. Laha hi swi tivaka ha kone leswaku ha mu
tiva, hi loko hi bekisa swileleto swa kwe. Lw'a liki: Ndra mu tiva n'a nga bekisi
swileleto swa kwe, iwa hemba, axihlayelamfuri a xi kone ku yene. Kambe lw'a
bekisaka ritu dra kwe, a lirandru dra Xikwembu Nkulukumba dri hetiseki ku yene
swinene.
Ritu dra Hosi!
Evangelho: Lucas 24, 35-48.
Introdução:
Amhamba ya Kuxaniseka, ni Kufa ni Kupfuka ka Yesu akufeni, akufeni, afa
yi hlayiwi hi matralwa ya khale leswaku yi ta yentxeka. Leswi avadondrisiwa va swi
fakazeliki ntrhaku ka ku swivona, hine hi faneli kupfumela, nambi hi nga
65
66
swivonanga.
Ku nkama luwa, avadondrisiwa va le Emmaus va drungula le'swi humeleliki

andleleni, ni leswi a tibyiwiki hi vone aku khemeleleni ka kati. Va ku na va khanela,
Yesu a ku yima amakari kwa vu, a ku ku vone: Aku rula a ku ve na nwine! Kambe
vone va ku khindlimuka va txhava, va pimisa leswaku va vona xintrhuti. Yene aku
ku vone:Xana nwi khindlimukela yini? Xana amiyanakanyo le'ya ku nhato mi
humelelela yini atimbilwini tenu? Lavisani mandla ni minkondro yanga, leswaku hi
mine hi ntshima ya nga. Ndri tevetelani nwi vona, hikusa axintrhuti a xi na nyama
na marhambu swanga heswi nwi ndri vonaka ndri nga naswu. A tiki a va byela
swoswo, a ku va komba mandla ya kwe ni minkondro ya kwe. Va ku na va nga si
pfumela hi nkonta ya ku trhava ni ku hlamala, aku ku vone: Xana nwi ni swa-ku-da
kola xana? Va ku mu nyika nhluve wa nhlampfi le'ya ku woxiwa. A ku teka a da
mahlweni kwa vu. A hanga ku ku vone: Hi wo maritu lawa ndri nga nwi byela, loko
ndre he na nwine ndri ku: Swi fanekeli ku hetiseka le'swi nga traliwa ha mine
anawini wa Moxe ni le vaprofeteni ni le mapsalmeni. Ka hanga va kone a pfulaka
xifuva, akuva va yingela matralwa; a ku ku vone: Swi tralisiwi xiswoswo, leswaku
Kriste a ta yingela ku vaviseka, a pfuka makari ku la'va kufa hi siku dra vuraru; ku
ta dondrisiwa matiku hinkwawu hi vito dra kwe a ku ndruluka ni ku drivaleliwa ka
swihono, aku sungula hi Yerusalem. Nwine nwi timboni ta tone.
Ritu dra Huluxu!
NSONTO YA WU MUNE KA PASKA
Introdução:
A misaveni hinkwayu a ku na munwana mhunu, lweyi a nga vaka a swikota
ku hi huluxa, handle ka Kriste.
Ku masiku lawaya, Petros a ha nga va byela, a tali hi Moya lo'wa ku Xwenga, a ku:
Nwi vafumi va tiku na nwi vakulu, loko namunhla hi rambiwa hikola ka ku pfuna
mhunu wa mbabyi, hi leswaku xana yelweyi a hanyisiwa hi mani, nwa nga swi tiva,
nwine ni tiku hinkwadru dra Yisrael, leswaku a hanyisiwe hi vitu dra Yesu Kriste,
wa le Nazaret, lweyi nwi nga mu vamba; kambe Xikwembu Nkulukumba a mu
pfuxile amakari ka vafi. Ha yene amhunu lwe a yimile amahlweni kwenu e ntomi.
66
67
Hi yene lw'a nga ribye le'dri dreliwiki hi nwine vayaki, dri hambiwiki kambe
le'drinene dra nsongo. Na swone, a ku na ku huluka ha munwana, hikuva a ku na
vitu drimbe ahansi ka tilu, ledri vhanu va dri nyikiwiki, ledri hi nga fanekelaka ku
huluka ha drone.
Ritu dra Hosi!
Psalma: 117(118), 1, 8-9, 21-23, 26, 28cd-29.
Ntekelelo: Aribye le'dri nga yaliwa hi vayaki

dra ndruluki ribye le dra hoka.
1 - Drumisani Yehova nwine matiku hinkwenu;

Mu twalisani nwine tintrhundru hinkwenu.
Hikusa lirere dra kwe i drikulu ku hine;
A ku dumbeka ka Yehova ku trhama
hi la ku nga helikiki.
Drumisani Yehova.
2 - Ndri ta ku twalisa hikusa u ndri yingelile.

U vi huluxo dra nga. Aribye le'dri nga yaliwa hi vayaki,
dra ndruluki ribye dra hoka.
Leswo swa yentxiwi ha Yehova.
Hi le'swi hlamalisaka mahlwini yeru.
3 - Aku tovoke lw'a taka hi vitu dra Yehova.

Hine hi nwi tovokisa na hi ndlwini ya Yehova.
Wene, u Xikwembu Nkulukumba wa nga,
ndri ta ku twalisa;
Xikwembu Nkulukumba wa nga ndri ta ku tlakuxa
Twalisani Yehova hikusa i munene.
Hikusa lirere dra kwe hi dro'dri nga helikiki.
Introdução:
Na hi li kari hi li misaveni, Nkulukumba a hi yentxi vana va kwe hikola ka
timpswalu ta kwe. kambe atilweni hi kone hi ta ka mu vona ni ku mu tiva tani hi
leswi a nga xiswone.
67
68
Varandriwa: Lavisani lirandru le'dra ku nhati, ledri a hi nyikiki drone Tatana, loko
hi hlayiwa vana va Xikwembu Nkulukumba. Kutani hi hine lavo. Hi leswo-ke
amisava a mi hi tivi, hikuva a ma mu tivanga na Yene. Swirandriwa, kutani hi vana
va Xikwembu Nkulukumba, ka ku ka ku nga si voneka leswi hi ta ka va swone;
swoleswi-ke hi swi tivaka leswaku, a ta ku awa voneka, ha ku fana na Yene, hikuva
hi mu vona swanga hi leswi a nga swone.
Ritu dra Hosi!
Aleluya! Aleluya!
Mine ndri mubyisi lwe'munene;
ndri tiva tihamba ta nga,
ndri tibyiwa hi tone.
Introdução:
Yesu Kriste i Mubyisi lwe munene: Yene a nyiketi a vutomi bya kwe hikola
ka tihamba ta kwe, a nga hine hinkweru.
Ku nkama luwa, Yesu a ku: Hi mine mubyisi lwe'nene. Amubyisi lwe'nene a nyiketa
avutomi bya kwe hikola ka tihamba. Kambe amutireli wa male, leswi a ngeke
mubyisi, ni tihamba ti ngeke ta kwe, loko a vona hava dri ta, a trika tihamba a
trutruma; kutani a hava dri wutla tihamba, dri ti hangalasa. Amutireli wa mali a
trutruma hikuva i mutireli wa mali, a nga ti karati ha tihamba. Mine ndri mubyisi
lwe'munene; ndri tiva tihamba ta nga, ndri tibyiwa hi tone, swanga h'eswi Tatana a
ndri tivaka, ni leswi Mine ndri tivaka tatana; ndri nyiketa vutomi bya nga hikola ka
tihamba. Ndri ni tihamba tinwanyana, le'ti nge ke ta ranga ledri. Na tone swi fanekela
leswaku ndri ti tisa, ta ta yingela ritu dra nga. Kutani ku ta va ni nthlambi munwe na
mubyisi munwe. hi leswi Tatana a ndri randraka, hikuva ndri nyiketa avutomi bya
nga akuva ndri tlhela ndri byi kuma. a ku na mhunu lweyi a ndri tekelaka byone,
kambe ni byi nyiketa ha swanga. ndri ni ntamu wa ku byi nyiketa; ndri ni ntamu wa
ku tlhela ndri byi teka. Ndri leletiwi swoswo hi tatana.
Ritu dra Huluxu!
68
69
NSONTO YA WUNTHLANU YA PASKA
Introdução:
Sawul, hikola ka ntamu wa timpswalu ta Yesu Kriste, a trikile andlela
le'yinfani yaku xanisa vakriste, ava a ndruluka mutxhumayeli wa Ritu. Ahi
yingelisiseni.
Sawul, ka ti loko a tlhasa le Yerusalem, a dringisa ku tlhangana ni vadondrisiwa;

kambe hinkwavu ifa va mutxhava, va nga kholwi leswaku yene i mudondrisiwa.
Kambe Barnabas a tiki wa mu teka, a mu yisa ka vapostola, a vatlhavukanyisa hi
laha a voniki a Hosi ndleleni, ni leswi yi mu byeliki, ni laha a nga dondrisa hi ku tiya
le Damaseka hi vitu dra Yesu. A nga trhamisa na vu a nhingena ni ku huma le
Yerusalem, a dondrisa hi ku tiya hi vitu dra Hosi. Nangweso a khanela ni ku
kanetana ni va-Hellenista; kambe volava va dringisa ku mu dlaya. Avadondrisiwa
va tiki va swi yingela, va mu fulameta le Kezaria, va ha nga mu ruma le Tarsos. A
Kereke afa dri ni ku rula a tikweni dra Yudea hinkwadru ni le Samaria, dri yakisiwa
ni ku famba kutrhaveni ka Hosi; na swone ifa dri yandra hi ku pfuna ka Moya lo'wa
ku Xwenga.
Ritu dra Hosi!
Psalma: 21(22), 26b-27, 28, 30, 31, 32.
Ntekelelo: Ndri ta ku twalisa Hosi,

amakari ka nhlengeletana.
1 - Ndri ta hetisa ku hlambanya kwa nga mahlweni ka

la'va mu txhavaka
Aswisiwana swi ta da swi xura
La'va djulaka Yehova va ta mu drumisa
Atimbilu tenu a ti hanye hi la ku nga helikiki.
2 - Avugamu hinkwabyu bya misava byi ta

kumbuka Yehova,
69
70
byi ta ndrulukela ku Yene,

Kutani tinxaka hinkwatu ta matiku ti ta
khisama mahlweni kwaku
Avafuyi va misava hinkwavu va ta da,
va ta khisama na vone,
Va ta mu khisamela hinkwavu la'va xikelaka ntrhurini.
3 - La'va ta ka tumbuluka va ta mu tirela;

Alixaka le'dri taka dri ta byeliwa swa Hosi
Va ta ta, va ta hlaya ku lulama kwa kwe
Ku tiku le'dri taka tumbuluka, leswaku a swi yentxile.
Introdução:
Alikholo ni lirandru dra xihlayelamfuri hi
yone a tshinya ya milawu hinkwayu.
Vana va nga, hi nga randreni hi ritu, kumbe hi lidrimi; a hi yeni ku randra hi ku

yentxa ni hi xihlayelamfuri. Hi leswo hi taka swi tiva ha swone leswaku hi le
xihlayelamfurini, hiva hi ta tiyisa timbilu teru amahlweni kwa kwe, loko kumbe
atimbilu teru ti hi yavukanyisa, hikuva Xikwembu Nkulukumba i nkulu ku timbilu
teru, ativa hinkwaswu. Swirandriwa, loko timbilu teru ti nga hi khwaveli, laho hi na
ni ku tiya ku Xikwembu Nkulukumba kutani lexo n lexo hi xi kombelaka, ha xi
yamukela ku Yene, hikuva hi bekisa swileleto swa kwe hi yentxaka leswi a
trhavisaka ha swone. Aleleto dra kwe hi ledri; leswaku hi pfumela avitweni dra
N'wan'a kwe Yesu Kriste, ni leswaku hi randrana swanga h'eswi a nga hi leletisa
xiswone. Lw'a bekisaka swileleto swa kwe, a trhama ku Yene, na Yene a trhama ku
yene. Kolahu-ke, ha Moya lowu a nga hi nyika wone, hi tiva leswaku a trhamisi ku
hine.
Ritu dra Hosi!
Evangelho: João 15, 1-8.
Introdução:
Lweyi a trhamaka ku Yesu, na Yesu a trhama ku yene, lweyo hi yene a bekaka
a mihandru le'minyingi, hikusa, ahandle ka Yesu, a hi na ku kota ntxhumu.
70
71
Hi mine nsinya le'yinene ya vinya; Tatana mudrimi. Alikambu drinwana ni drinwana

dra ku ka dri nga beki vana ha mine, awa dri trema; kutani alikambu drinwana ni
drinwana le'dri bekaka vana, awa dri khakhata akuva dri ta hundrisa ku beka vana.
Ni swoswi nwine nwi basile hikola ka ritu ledri ndri nwi byeliki drone. Trhamani ku
mine, na mine ku nwine; swanga h'eswi alikambu dri nga kotikiki ku beka vana
wuswadrone, loko dri nga trhami a nsinyeni, hi swoswo na nwine, loko nwi nga
trhami ku mine. Hi mi nsinya, hi nwi tinkambu. Lwa tramaka ku mine, na mine ku
yene, a beka mihandru ya ku tala; hikusa ahandle kwa nga a nwi koti ku tira
ntxhumu. Loko mhunu a nga trhami ku mine, ata txukumetiwa, swanga hi likambu;
kutani dro woma; va dri rola, va dri txukumeta andrilweni, dri psha. Loko nwi
trhama ku mine, ni maritu ya nga ma trhama ku nwine, kombelani hinkwaswu leswi
nwi swi randraka, nwi ta nyikiwa. Tatana wa nga a twalisiwa kolahu, loko nwi beka
mihandru le'ya ku tala; hi kone nwi taka va vadondrisiwa va nga.
Ritu dra Huluxu!
NSONTO YA WUNTHLANU NA YINWE YA PASKA
Primeira Leitura: Actos 10, 25-26. 34-35. 44-48.
Introdução:
Xikwembu Nkulukumba a nga na xihlawu-hlawu: Wini na wini a yentxaka a
kurandra kwa kwe a wa mu yamukela. A dondro leyi yi landraka yi khanela hi ku
hlamala loku ava-Yuda va viki na kone loko va vona a Moya wa ku Hlawuleka wu
yamukeliwa hi va-matiku, leswi swi hi dondrisaka leswaku a xitrhungu xa
Nkulukumba xi vumbiwa hi vhanu va tinxaka hinkwatu.
Ku masiku lawaya, Petros a nhingena, Kornelio a ya mu tlhangaveta, a wa milengeni

ya kwe, a mu khisamela. Petros a mu pfuxa a ku: Pfuka! Na mine ndri mhunu ntsena.
Petros, a ku loko a yahlami nomu a ku: Ha kunene ndra swi yingelisisa leswaku
Xikwembu Nkulukumba a nga langusi vuso. Kambe a tikweni drinwana ni drinwana
lw'a mu txhavaka ni ku tira swa ku lulama, iwa yamukeleka ku yene. Petros a ku na
a ha hlaya timhaka leto, a Moya lo'wa ku Xwenga wa ku wa henhla ka hinkwavu
la'va yingeliki ritu. Avapfumeli hinkwavu va ku soka la'va tiki na Petros, va ku
hlolelwa hi leswi anyiko ya Moya lo'wa ku Xwenga yi txheliwa a henhla ka
vamatiku na vone. Hikusa afa va va yingela va kanela hi tindrimi, va kulisa
71
72
Xikwembu Nkulukumba. Petros a hanga yangula, a ku: Xana mhunu a nga sivela ku
nha volava va bapatisiwa, va nga la'va yamukeliki Moya lo'wa ku Xwenga swanga
ha hine? A hanga leleta leswaku va bapatisiwa avitweni dra Yesu Kriste. kutani va
mu kombela ku xwa na vu masiku manwana.
Ritu dra Hosi!
Psalma: 97(98), 1, 2-3ab, 3bc-4.
Ntekelelo:Yehova a vonekisi huluxo dra kwe:

Aku lulama kwa kwe aku pfuleteli mahlweni ka
matiku.
1 - Yimbelelani Yehova alisimu le'drimpswa;

Hikusa a yentxi mintxhumu le'mi hlamalisaka
Avoko dra kwe le'dra xinene, ni nkono wa kwe lo'wa
ku xwenga swa mu pfunile.
2 - Yehova a vonekisi huluxo dra kwe;

Aku lulama kwa kwe a ku pfuleteli mahlweni ka
matiku.
A drimuki lirere dra kwe, ni ku dumbeka kwa kwe ku
yindlu ya Yisrael;
3 - Avugamu hinkwabyu bya misava byi voni huluxo dra

Xikwembu
Nkulukumba weru.
Huwelelani hi ku trhava ku Yehova,
Nwine misava hinkwayu.
Banani tihuwa ta ku nyonxa, nwi yimbelela.
Introdução:
Nkulukumba awa hi randra swinene-nene, la kakuva ahi rumela Nwana kwe
akuva ata hi fela hikola ka swihono sewru. Lweyi a hanyaka alirandrwini, a le
mavokweni ya Nkulukumba; na ye Nkulukumba a le mbilwini ya kwe.
Swirandriwa, llleswi Xikwembu Nkulukumba ahi randrisiki xi-leswi, i nfanelo hi

randrana na hine. A nga kone mhunu lw'a samaka a vona Xikwembu Nkulukumba
72
73
ni siku ni drinwe. Loko hi randrana, Xikwembu Nkulukumba a trhami ku hine ni

lirandru dra kwe dri hetisekile ku hine. Leswi hi swi tivaka ha swone leswaku hi
trhami ku yene, n'eswaku na yene a trhami ku hine, hi leswi a hi nyikiki Moya wa
kwe. Na hine hi swi vonile, hi va hi tiyisa leswaku Tatana a rumi Nwana, ava
Muhuluxi wa misava. Lweyo ni lweyo lw'a hlayaka leswaku Yesu i Nwana wa
Xikwembu Nkulukumba a trhami ku yene, na yene a trhami ku ye Xikwembu
Nkulukumba. Na hine hi swi tivile, hi va hi pfumela alirandru ledri Xikwembu
Nkulukumba a nga na drone ku hine. Xikwembu Nkulukumba i lirandru: Lw'a
trhamaka lirandrwini a ku trhama ku Xikwembu Nkulukumba, na ye Xikwembu
Nkulukumba a trhama ku yene.
Ritu dra Hosi!
Introdução:
Akuna xikombiso le'xikulu xa lirandru le'xi tlulaka a ku nyikela avutomi
hikola ka murandriwa.
Ku nkama luwa Yesu a hlayile ku vadondrisiwa va kwe a ku:

Swanga h'eswi tatana a ndri randriki, na mine ndri nwi randrile; trhamani
alirandrwini dra nga. Loko nwi bekisa milawu ya nga, nwi ta trhama alirandrwini
dra nga; swanga h'eswi na mine ndri bekisiki milawu ya Tatana wa nga, kutani ndri
trhami alirandrwini dra kwe. Ndri nwi byeli leswo akuva ku trhava kwa nga ku
trhama ku nwine nikuva aku trhava kwenu ku hetiseka. Anawu wa nga hi lo:
Leswaku nwi randrana, swanga h'eswi ndri nwi randriki. Akuna mhunu lw'a nga ni
lirandru le'dri tlulaka dra loko mhunu a bekela vana-kulobye avutomi bya kwe. Nwi
vana-kulori loko nwi yentxa hinkwaswu leswi ndri nwi leletaka. A ndra ha nwi txhuli
malandra, hikusa a nandra a nga switivi leswi a nwinyi wa kwe a tiraka swone. ndri
nwi txhuli vana-kulori, hikusa ndri nwi tivisile hinkwaswu leswi ndri swi yingeliki
hi Tatana. Ahi nwine nwi ndri hlawuliki, kambe hi mine ndri nwi hlawuliki, ndri
nwi bekiki akuva nwi ya, nwi beka mihandru, ni mihandru yenu mi va le mi trhamiki;
akuva, nambi nwi kombela yini na yini ku Tatana hi vitu dra nga, a ta nwi nyika.
Ndri nwi leleti leswo akuva nwi randrana.
Ritu dra Huluxu!
NSONTO YA WUNTHLANU NA TIBIDRI KA PASKA
73
74
Solenidade da Ascenção do Senhor
Introdução:
Yesu Kriste, ntrhaku ka kuva a kaneli ni vadondrisiwa va kwe hi ta Nfumu
wa Matilo nikuva a tlheli a dumbisa ku va rumela Moya wa ku Xwenga, a
ntlhantukeli matilweni na va mu vona.
Dondo ya Buku dra Mintiru ya Vapostola:
We Teofilo, ndra yentxi buku dra nga dra ku ranga hi hinkwaswu leswi Yesu a nga
sungula ku swi tira ni ku swi dondrisa, ku txhikela sikwini ledri a nga tekeliwa le
henhla, loko a leletile hi Moya lo'wa ku Xwenga vapostola lava a va langiki; va nga
lava a nga tikomba ku vone n'a hanyile antrhaku ka ku yingela ku vaviseka kwa kwe,
a va nyika swikholwiso le'swinyingi hi ku tikomba ku vone hi masiku ya mune wa
makume, a ku ntsentse a va byela ta nfumu wa Xikwembu Nkulukumba. Na swone,
a ku a hlengeletana na vu, a va leleta kuka va nga yi kule na Yerusalem, kambe va
trhamisela kone axidumbiso xa Tatana, lexi xa ku hamba nwi xi yingela ha mine, hi
leswaku: Yohan yene, a bapatisi hi mati, kambe nwine nwi ta bapatisiwa hi Moya
lo'wa ku Xwenga, loko ku hundri masikwanyana. Vone-ke, va tiki va hlengeletana,
va mu vutisa va ku: Hosi, xana u ta pfuxela Yisrael anfumu hi nkama lo? A ku ku
vone: A hi swenu ku tiva minkama ni tinguva, leti Tatana a ti bekeliki tone hi ntamu
wa vukulu bya kwe. Kambe nwi ta nyikiwa ntamu, loko Moya lo'wa ku Xwenga u
ta va wu xikeli ku nwine; kutani nwi ta va timboni ta nga, la Yerusalem, ni le tikweni
hinkwadru dra Yudea, ni le Samaria, ni ku ya tlhasa vuganwini bya misava. A tiki a
va byela leto, na va ha mu lavisile, a ku ntlhantukisiwa, atlavi dri va dri mu fihla
mahlwini ya vu. va ku na va ha ronyeleli tilwini loko a famba, ku txhuka ku va ni
vavanuna vabidri, va humelela ku vone va li minkhantxwini ya ntlhohe. Volavu va
ku: Vavanuna va Galilea, xana nwi yimeli yini, na nwi lavisa tilwini? Yesu yelweyo
a susiwiki ku nwine ku ya tilwini, a ta buya hi ko laha nwi mu hlaleliki a fambiki ku
ya tilwini ha kone.
Ritu dra Hosi!
Psalma: 47, 2-3, 6-7, 8-9.
Ntekelelo: Xikwembu Nkulukumba antlhantukeli makari

ka ku bandlukana ka ku trhava.
Yehova, hi mpfumawulo wa nanga.
74
75
1 - Nwine, matiku hinkwawu, wombani mandla;

Tlakuxelani ku Xikwembu Nkulukumba mihuwelelo
ya ku trhava.
Hikuva Yehova, lw'a nga Henhla-Henhla, awa trhavisa;
Hi yene Hosi le'yikulu ya misava hinkwayu.
2 - Xikwembu Nkulukumba antlhantukeli makari ka

ku bandlukana ka ku trhava,
Yehova hi mpfumawulo wa nanga.
Yimbelelani Xikwembu Nkulukumba yimbelelani;
Yimbelelani Hosi yeru, yimbelelani;
3 - Hikusa Xikwembu Nkulukumba i Hosi ya

misava hinkwayu.
Yimbelelani lisimu.
Xikwembu Nkulukumba a fuma matiku,
Xikwembu Nkulukumba a trhama xiluvelweni xa kwe
le'xa ku hlawuleka.
Segunda Leitura: Efésios 1, 17-23.
Introdução:
Xikwembu Nkulukumba a kombisi ntamu wa kwe lo'wu nga helikiki hi ku
pfuxa N'wan'a kwe Yesu, ni hi ku mu trhamisisa xineneni xa kwe matilweni.
Vamakweru: Akuva Xikwembu Nkulukumba wa Hosi yeru Yesu Kriste, Tatana wa

ku phatima, a mi nyika moya wa wutlhari ni wa ku pfuletela hi ku mu tivisisa; akuva
amahlu ya timbilu tenu ma vaningiwa, nwi ta kota ku tiva leswaku a ku dumba ka
ku vitaniwa kwenu hi lo'ka ku yini, ni leswaku avupfundri bya ku phatima ka pfindla
dra kwe ku tinsasi hi le'bya ku yini, ni leswaku a vukulu le'byi hundrisaka bya ntamu
wa kwe ku hine, vapfumeli hi le'bya ku yini, hi laha ntamu wa ku tiya kwa kwe wu
pfisaka ha kone, lowu a nga tira ha wone ku kriste, loko a mu pfuxa kufeni, ava a
mu trhamisisa avokweni dra kwe dra xinene amatilwini, ahenhla ka minfumo, ni
ntamu, ni vukulu ni vuhosi, ni mavitu hinkwawu la'ma vitiwaka, a ndri hlayi ku
nkama lowu ntsena, ndri hlaya ni le ku lo'wu taka. Mfuri a beki hinkwaswu a hansi
ka minkondro ya kwe, a va a mu nyika nikuva nhloko a henhla ka hinkwaswu a
kerekeni, ledri mi nga miri ya kwe ni hetiseko dra lwe a hetisekisaka hinkwavu hi
hinkwaswu.
75
76
Ritu dra Hosi!
Evangelho: Marcos, 16, 15-20.
Introdução:
Yesu Kriste, antrhaku ka kuva a dondrisile avapostola va kwe a tinfanelo
hinkwatu ni ku va bekela a swileleto swa vugamu, a ntlhantukeli matilweni, a ya
trhamisa avokweni dra xinene dra Nkulukumba Tatana.
Ku nkama luwa, Yesu a humelela ku vadondrisiwa va kwe a ku ku vone: Fambani

misaveni hinkwayu, nwi ya byela swivumbiwa hinkwaswu Ivangeli. Lw'a
pfumelaka, a va a bapatisiwa, a ta huluka; kambe lw'a nga pfumelikiki a ta
yavanyisiwa. Kambe aswikombiso le'swi taka heketa vapfumeli, swi ta va swoleswi:
Hi vito dra nga, va ta hlongola mademona, va ta kanela hi tindrimi le'timpswa, va ta
khoma tinyoka, nambi va nga nwa ntxhumu lo'wu dlayaka wu nga ka wu nga va
yentxi ntxhumu; va ta ntlhanteka timbambyi mavoko, ti ta hanya. A Hosi Yesu, loko
a keneli na vone, a tekeliwa tilwini, a ya trhamisa xineneni xa Xikwembu
Nkulukumba. Kambe vone va suka, va ya dondrisa hinkwaku, na Hosi yi tira kunwe
na vu, yi va yi tiyisa ritu hi mahlolana la'ma heketaka drone.
Ritu dra Huluxu!
NSONTO YA PENTEKOSTA
Primeira Leitura: Actos, 2, 1-11.
Introdução:
Hi siku dra PenteKosta, avapostola, hi ku nyikiwa hi Moya wa ku Xwenga,
va huweleli atimhaka ta Nfumu wa Xikwembu Nkulukumba hi tindrimi ta ku tala,
swi va swi hlamalisa ngopfu avhanu. Le'swi yentxekiki kolanu na swi voniwa hi
mahlu ya nyama swa yentxeka ni swoswi.
Asiku dra Pentekosta loko dri tlhasile, ifa va hlengeletani hinkwavu ambangu
munwe. Kanwe ku yingeliwi apongwe le'dri pfaka tilwini, dri fanaka ni dra xidzedze
le'xa ku lebya, dri tata yindlu hinkwayu leyi faka va trhamisi ku yone. Kutani ku
76
77
voneka ku vone atindrimi le'ti yavaniki swanga hi ndrilo, ti ta trhamisa henhla ka

munwana ni munwana wavu; va ha nga tala hinkwavu hi Moya lo'wa ku Xwenga,
va sungula ku kanela hi tindrimi timbe, swanga heswi Moya wu va nyikaka ku hlaya
swone. Kambe ifa ku ni va-Yuda lava faka va trhama Yerusalem, va nga vavanuna
la'va nga ni vukhongoti, va pfiki matikweni hinkwawu la'ma nga hansi ka tilu.
Apongwe ledro dri ku dra humelela, avunyingi byi hlengeletana, va hlamala ngopfu
hi leswi faka munwana ni munwana a va yingela va kanela hi lidrimi dra kwa vu.
Va ha nga txhukisiwa, va hlamala hinkwavu, va ku: Xana volavu hinkwavu va
kanelaka, a hi va-Galilea kasi? Ke, hi swa ku yini, hine hi va yingelaka va kanela hi
lidrimi ledri munwana ni munwana weru a belekeliwiki ku drone? Va-Parta, ni va-
Mede, ni va-Helamita, ni vayaki va le Mezopotamia, ni le Yudea, ni le Kapadokia,
ni le Ponto, ni le Asia, ni le Frigia, ni le Pamfilia, ni le Egipta, ni matlhelo ya Libia,
kusuhi na Kirene, ni la'va luveliki Roma, va-Yuda ni va-Proselita va-Kreta, ni va-
Arabia, hi va yingela va kanela hi tindrimi teru atimhaka le'tikulu ta Xikwembu
Nkulukumba.
Ritu dra Hosi!
Psalma: 103(104), 1ab, 24ac, 29bc-30, 31, 34.
Ntekelelo: Rumela, Hosi, a Moya wa ku, wu bindrula vuso

bya misava byi va byimpswa.
1 - Nkhensa Yehova hika dra nga.

Yehova Xikwembu Nkulukumba wa nga u nkulu
ngopfu
Yehova, amintiru ya ku a hi ku tala ka yone!
Amisava mi tali swivumbiwa swa ku.
2 - U susa moya wa swone, swi fa swi buyela ntrurini wa

swone.
U ruma moya wa ku, swi tumbuluxiwa;
U bindrula vuso bya misava byi va byimpswa.
3 - Avumenyemenye bya Yehova a byi trhami hi la ku nga

helikiki.
Yehova a a nyonxe amintirweni ya kwe.
Aku yanakanya kwa nga a ku yamukeleke ku yene,
ndri ta nyonxa ku Yehova.
Segunda Leitura: I Cor. 12, 3b-7. 12-13.
77
78
Introdução:
Amupostolo Paulo, ku maritu lawa ma ta ka dondriwa swoswi, a hi byela
leswaku hinkweru hi miri minwe, nambi leswi munwana ni munwana a nga ni nyiko
ya kwe a ndreni ka Kereke.
Vamakweru: A ku na mhunu lw'a nga hlayaka leswaku Yesu i Hosi, loko ku nge hi
Moya wa ku xwenga. Atinyiko tone, ti yavanile: Amoya, wone, i munwe ntsena.
Amatirela wone, ma yavanile; kambe Hosi i yinwe ntsena. Ni mintiru mi yavanile,
kambe i Xikwembu Nkulukumba munwe, lw'a tiraka hinkwaswu ku hinkwavu.
Kambe ku voneka ka Moya ku nyikiwa munwana ni munwana, akuva a ta pfuna
hinkwavu. Hikusa swanga hi leswi amiri mi nga minwe, namb'eswi mi nga ni swiro
le'swinyingi; na swo swiro hinkwaswu swa miri minwe, namb'eswi swi taliki, swi
yentxa miri minwe ntsena; Kriste na yene swi tanu. Hikusa hi Moya lowu wa munwe
hine hinkweru hi bapatisiwile, akuva hi va miri minwe, nambi ve va-Yuda, nambi
ve va-Geriki, nambi ve vandrema, nambi ve la'va ntrhunxekiki; na kone hinkweru
hi swengisiwi Moya munwe.
Ritu dra Hosi!
Aleluya! Aleluya!
Buya, Moya wa ku Hlawuleka, tata timbilu
ta vapfumeli vaku
tshivela ku tone a ndrilo wa lirandru draku.
Evangelho Jo. 20, 19-23.
Introdução:
Loko Yesu a pfukile kufeni a rumeli vapostola va kwe a ku ya txhumayela
Ivangeli ku vhanu va misava hinkwayu, a va niki ntamu wa ku drivalela swihono hi
vito dra kwe.
Loko ku te mphu, asiku droledro le'dri sungulaka viki, kasi atinyangwa ta mbangu
lowu vadondrisiwa afaka ve ku wone afa ti pfaliwile, hi ku txhava va-Yuda, Yesu a
ta ta yima a makari kwa vu; a ku ku vone: A ku rula a kuve na nwine! Loko a hlayi
78
79
leswo a va komba mavoko ni reve dra kwe. Avadondrisiwa va ha nga ku nyonxa

ngopfu hi ku vona Yesu. Yesu a tlhela a ku ku vone: A ku rula a ku ve na nwine!
Swanga h'eswi Tatana a ndri rumiki, na mine ndra nwi ruma. Loko a hlayi leswo, a
va huhutela, a ku ku vone: Yamukelani Moya lo'wa ku Xwenga. Loko nwi drivalela
vhanu swihono swa vu, swi ta drivaleliwa ku vone; loko nwi swi tiyisa, swi ta
tiyisiwa.
Ritu dra Huluxu!
NSONTO YA "SANTÍSSIMA TRINDADE
Primeira Leitura: Deuteronómio 4, 32-34. 39-40.
Introdução:
Xikwembu Nkulukumba a ti vonekisile ku Moxe anhaveni ya Sinai, swanga
e Muvumbi wa hinkwaswu, Hosi ya tilo ni misava. Nangweso a ti vonekisile swanga
i tatana lwe a hanyaka kusuhi na hine, lwe a hi wundlaka hi ritu dra kwe, heswi hi
nga vana vakwe. Swa fanela akuva hi mu tlhelisela alirandru hi lirandru.
Dondro ya Buku dra Deutoronoma:
Moxe a kanela ka xitrhungu a ku: Vutisa ta masiku ya khale la'ma ku rangeliki, aku
sukela siku ledri Xikwembu Nkulukumba a tumbuluxiki mhunu amisaveni ku drone,
ni ku sukela vuganwini dra tilo kuya tlasa vuganwini byinwana bya drone, xana-ke
swi ve kone le'swanga hi leswi, kumbe ka yingeliwi swanga hi leswi na? Hi drini
tiko le'dri nga yingela ritu dra Xikwembu Nkulukumba, lw'a vulavulaka ndrilweni
swanga h'eswi a dri yingeliki, dri sala dri hanya xana? Xana Xikwembu Nkulukumba
xi kone le'xi drigisiki ku ya titekela tiko a makari ka tiko drinwana, hi mindringo, ni
hi swikombiso, ni hi mahlolwana, ni hi ku lwa, ni hi voko dra ntamu, ni hi voko
le'dra ku navuluka, ni hi mintxhavo le'mikulu, swanga h'eswi hinkwaswu Yehova
Xikwembu Nkulukumba wenu, a nwi yentxeliki swone le Egipta mahlweni kwenu?
Swi tive namunhla u yanakanya mbilwini ya ku leswaku Yehova i Xikwembu
Nkulukumba tilwini ahenhla, ni le misaveni ahansi; a ku na mumbeni. U ta bekisa
swiyimiso swa kwe, ni swileleto swa kwe leswi ndri ku leletaka swone namunhla,
akuva swi ta xongela wene ni vana va ku antrhaku kwa ku, u yandrisa a masiku
yaku a misaveni leyi Yehova, Xikwembu Nkulukumba wa ku a ku nyikaka yone, ku
kondra ku ya va ha khale.
Ritu dra Hosi!
79
80
Psalma: 32(33), 4-5, 6, 9, 18-19, 20, 22.
Ntekelelo: Va tovokile avhanu lava Xikwembu

Nkulukumba a ti hlawuleliki vone va va
pfindla dra kwe.
1 - Hikuva aritu dra Yehova dri lulamile;

A dumbekile mintirweni ya kwe hinkwayu.
A randra ku lulama ni ku simama;
Amisava mi tele hi lirere dra kwe.
2 - Amatilu ma yentxiwi hi ritu dra Yehova,

Ni yimpi hinkwayu ya wone hi hika dra nomu wa kwe.
Hikuva a ku kanela, kutani antxhumu wu va kone;
A leleta, kutani xi va kone;
3 - Lavisani, amahlu ya Yehova ma le henhla ka la'va mu

txhavaka,
A henhla ka la'va laviselaka lirere dra kwe,
Aku va huluxa ku feni,
Ni ku va hanyisa nkameni wa ndlala.
4 - Amahika yeru ma laviseli Yehova.

Hi yene mupfuni weru ni xitlhangu xeru.
Alirere la ku a live henhla kweru, Yehova,
swanga hi leswi hi ku laviseliki.
Segunda Leitura: Romanos 8, 14-17.
Introdução:
Loko fa Yesu Kriste a nga hi dondrisanga a mhaka leyi, ana hi nga tivi
kuhlaya leswaku Nkulukumba i Tatana weru. Kambe hi kola ka ndondro yoleyo, ha
tiya ku bandlukana ku yene hi ku Aba-Tatana. Amoya wa vukarawa wu suvisiwile
hi moya vunwana.
Dondro ya Papela dra S.Paulo ku va-le-Roma:
Vamakweru: Hikusa hinkwavu la'va fambisiwaka hi Moya wa Xikwembu

Nkulukumba i vana va Xikwembu Nkulukumba, vone. Hikusa a nwa yamukelanga
moya wa vukarawa wa ku va nwi tlhela nwi txhava; kambe nwa yamukeli moya wa
vunwana lowu hi bandlukanaka ha wone; Abba, hi leswaku Tatana. Na wo moya wu
tiyisa kunwe ni moya weru leswaku hi vana va Xikwembu Nkulukumba. Kambe
80
81
loko hi vana, hi vadi-va-pfindla, mfuri avadi-va-pfindla dra Xikwembu

Nkulukumba, avadi-kulobye na Kriste, loko nha hi yingela ku vaviseka kunwe na
yene, akuva hi ta phatimisiwa kunwe na ye na kone.
Ritu dra Hosi!
Aleluya! Aleluya!
Ndri Alfa na Omega, ku hlaya Hosi Xikwembu
Nkulukumba,
Lw'a nga kone, Lwe faka e kone, Lw'a taka,
Lwe wa ntamu hinkwawu.
Evangelho: Mat. 28, 16-20.
Introdução:
Yesu Kriste, ntrhaku ka ku pfuka kwa kwe a tikombisi hi ku gamisa ku
vadondrisiwa va kwe a va a va nyika ntamu wa kwe kun'we ni ku va rwhexa ntiru
lowu faka a va vitaneli wone.
Ku nkama luwa: Avadondrisiwa la'va khume na mun'we, va ya Galilea, anhaveni

leyi Yesu afaka a va leleti yone. Va tiki va mu vona, va ku khisama; kambe afa va
ganaganeka. Kutani Yesu a trhindrekela, a kanela na vu, a ku: Ndri nyikiwi vuhosi
hinkwabyu, a tilwini ni le misaveni; hi leswo-ke, fambani, n'wi ya dondrisa matiko
hinkwawu, n'wi va bapatisa hi vito dra Tatana, ni dra N'wana, ni dra Moya lo'wa ku
Xwenga; nwi va dondrisa ku bekisa hinkwaswu, leswi ndri nwi leletiki swone. Na
swone, lavisani, mine ndri na n'wine masiku hinkwawu, ku kondra ku hela minkama.
Ritu dra Huluxu!
NKHUVU WA KU GANDRELA MIRI NI NGATI YA KRISTE
Primeira Leitura: Exodo 24, 3-8.
Introdução:
Anhaveni ya Sinai, Xikwembu Nkulukumba a yentxi xipfumelelano ni vana
va Yisrael, angatini ya swihari leswi afaka va gandrela ha swone, kambe leswi ifa
xili xikombiso, xa xipfumelelano le'ximpswa Xikwembu Nkulukumba afaka ata xi
yentxa ni xitrhungu xakwe angatini ya nwanakwe Yesu Kriste.
81
82
Ku masiku lawaya: Moxe a ya, a ya byela vhanu a maritu ya Yehova hinkwawu, ni

swiyavukanyiso hinkwaswu. Avhanu hinkwavu va yangula hi ritu drinwe, vaku:
Hinkwawu maritu lawa Yehova a hlayiki wone hi ta ma yentxa. Moxe a ku trala a
maritu ya Yehova hinkwawu, a pfuka mixweni, a yaka aletare ahansi ka nhava a
yaka mokolona ya khume na mabidri tani hi tinxaka le'ta khume na tibidri ta Yisrael.
A ruma vayisanyana va Yisrael aku hamba tihamba ta ku hisiwa, va tlhavela Yehova
ni timhamba ta ku rula hi tinkunzi. Moxe a teka yinwe ngati, a yi beka xibyeni; a
yinwe a yi halatela aletareni. A teka buku dra xipfumelelano, a hlaya tindleveni ta
vhanu. Kutani vaku: Hinkwaswu leswi Yehova a swi hlayiki hi ta swi yentxa, hi va
hi yingiseta. Laho-ke Moxe a teka ngati a xuva vhanu ha yone aku: Hi le ngati ya
xipfumelelano lexi Yehova a hambiki xone na nwine hi maritu lawa hinkwawu.
Ritu dra Hosi!
Psalma: 115(116), 12-13. 15-16b. 17-18.
Ntekelelo: Ndri ta tamela ntrheko wa ku huluxa.

1 - Ndri ta tlhelisela yini ku Yehova

Hikola ya mintiro yakwe hinkwayu le'ya ku xonga
ku mine xana!
Ndri ta tamela ntrheko wa huluxo.
2 - Ku ni lisima mahlweni ka Yehova

Aku fa ka varandriwa va kwe.
Yehova ndri nandra wa ku swinene,
Ndri nandra wa ku, ndri nwana wa ntrhamandangu
wa ku!
U trhuxi mapindra ya nga.
3 - Ndri vitana vito dra Yehova.

Ndri ta driha swihlambanyo swanga ku Yehova
Amahlweni ka vhanu hinkwavu.
Segunda Leitura: Hebreus 9, 11-15.
Introdução:
82
83
Atimhamba leti afaka va gandrela ha tone ankameni wa Testamente dra khale

afa ti nga li taku hetiseka, afa xili xifaniso ntsena xa mhamba ya xihlayelamfuri, leyi
Kriste a yi yentxiki axihambanwini, akuva a huluxa avhanu va misava hinkwayu.
Vamakweru: Kriste a humeleliki, a nga muprista lwe'nkulu wa matovoko la'ma taka,

a tremakanyi tende le'dri tlulaka hi vukulu ni ku hetiseka ka drone, le'dra ku ka dri
nga yentxiwanga ha mavoko, hi leswaku le'dri ngeke dra ntumbuluko lowu: A va a
nhingena xi-kanwe ambangwini lo'wa ku xwenga, ku nge ha ngati ya xiphongo ni
marole, kambe ka vi hi ngati ya kwe, a kumiki ku tiruliwa lo'ku nga helikiki. Hikusa
loko nha ngati ya tinkunzi, ni ya swiphongo, ni nora wa xithole lowu va xuvaka ha
wone la'va nga ni xambra, swi basisa hi tlhelo dra ku basisiwa ka nyama, ngopfu-
ngopfu angati ya Kriste, lweyi a tihumexeliki Xikwembu Nkulukumba ha swa-kwe
hi Moya lo'wu nga helikiki, a ngeke na xisandru, yi ta basisa timpfalu tenu ku mintiro
le'mi fiki, nwi ta kota ku tirela Xikwembu Nkulukumba lw'a hanyaka. Hi leswo-ke,
e mutlhanganisi wa xipfumelelano le'ximpswa, akuva, ku ti loko ku fa ku humeleli
ku tirula swidoho le'swi nga tumbuluka a xipfumelelanweni xa ku sungula, la'va
vitaniwaka ku da pfindla le'dri nga helikiki va nyikiwa leswi va dumbisiwiki swone.
Ritu dra Hosi!
Aleluya! Aleluya!
Hi mine kati le'dri hanyaka le'dri xikaka tilwini.
Loko mhunu a da kati ledri a ta hanya hi la ku nga
helikiki.
Evangelho: Marcos 14, 12-16. 22-26.
Introdução:
Yesu Kriste Hosi yeru, a yentxi a gandrelo dra kusungula dra misa ku siku
ledri a va-Yuda afaka va thlava a mhamba ya Paska tani hi leleto dra nawu wa
Testamente dra khale. Yesu a yentxi leswi akuva a hi dondrisa leswaku a mhamba
ya Miri ni Ngati yakwe hi yone yinga ya xihlayelamfuri leyi yi suvisaka atimhamba
hinkwatu ta khale.
Hi siku dra ku sungula dra makati la'ma ngeke na handrelo, loko va tlhava Paska,
avadondrisiwa va kwe va ku ku yene: Xana u randra leswaku hi ya ku lungisela
83
84
kwini ambangu lo u taka dela Paska ku wone? A hanga ku ruma vadondrisiwa va

kwe vabidri a ku ku vone: Yanani mutini, nwi ta tlhangana ni mhunu lw'a rwaliki
hotro ya mati; mulandrani. Lomu a taka nhingena kone, byelani anwinyi wa yindlu
leswaku a Mufundrisa a li: Xana mbangu wa nga wu kwini, lo ndri taka dela Paska
ku wone, kunwe ni vadondrisiwa va nga? Yene a ta nwi komba yindlu ya le henhla,
le'yikulu, le'yi nga xiheli, nwi ta hi bekisela (Paska) kone. Avadondrisiwa va ya
mutini, va ya kuma swanga hi leswi a va byelisiki xi swone, va hanga bekisa Paska
kone. Va ku na va da, a teka, a kati, a nkhensa, a khemelela, a va nyika a ku: Tekani,
leswi i miri yanga. A teka a ntrheko, a tlangela, a va nyika wone, va nwa ha wone
hinkwavu. Kutani a va byela a ku: Leswi i ngati yanga ya xipfumelelano le'yi
halateliwaka la'va ku tala. Ndri hlayela mfuri, ndri nwi byela leswaku ndri nga ha
tame ndra ha nwa le'swi pswalaka hi nvinya, ku kondra ku tlhasa siku ledri ndri taka
nwa swone, swi li le'swimpswa anfunweni wa Xikwembu Nkulukumba. Ku ti loko
va yimbelelile, va huma, va ya nhaveni ya Minhlwari.
Ritu dra Huluxu!
NSONTO YA WUNTHLANU NA TIRARU KU NKAMA WA

NTOLOVELO
Primeira Leitura: Oseias 2, 14b-15b. 19-20.

(16b-17. 21-22).
Introdução:
Amuprofeta Hoxea a tirisa xifaniso xa lirandru dra vatekani akuva a hi
dondrisa alisima dra lirandru dra Xikwembu Nkulukumba ku hine vhanu, alirandru
dra kutala hi vunene ni vumbilu le'byi nga heliki.
Dondro ya Buku dra Muprofeta Hoxea:
Hi leswo-ke, lavisani, ndri ta mu koka Yisrael, ndri mu yisa huleni; ndri vulavula ni
mbilu ya kwe. Kutani kolahu a ta yimbelela swanga hi le masikwini ya vumpswa
bya kwe, ni ku fana ni le sikwini ledro a nga huma ha drone loko a huma tikweni dra
le Egipta. Ndri ta ku teka mine, u va wa nga ku kondra ku ya va ha khale; ndri ku
teka hi ku lulama, ni ku yavanyisa, ni lirere, ni timpswalu. Ndri ku teka, mine, aku
dumbekeni; kutani u ta tiva Yehova.
Ritu dra Hosi!
Psalma: 102 (103), 1-2, 3-4, 8, 10, 12-13.
84
85
Ntekelelo: Yehova a ni timpswalu, a ni vumbilu.

A nga hatli a hlundruka, a tali lirere.
1 - Nkhensa Yehova, hika dra nga,

Ni hinkwaswu le'swi nga ndreni kwa nga
A swi nkhense vito dra ku xwenga kwa kwe.
Nkhensa Yehova, hika dra nga.
Unga drivale ni xinwe xa swinyiko swa kwe.
2 - Hi yene lw'a drivalelaka ku somboloka

kwa ku hinkwaku,
Lw'a holisaka mavabyi ya ku hinkwawu;
Lw'a tirulaka vutomi bya ku kheleni,
Lw'a ku yambexaka hi lirere ni hi timpswalu.
3 - Yehova a ni timpswalu, a ni vumbilu,

A nga hatli a hlundruka, a tali lirere.
A nga hi yentxi ha swihono sweru,
A nga hi tlheliseli ha ku somboloka kweru.
4 - Swanga h'eswi avuhumadambu ku travukaniki

ni le vupeladambu,
A trhinetisi xi-swoswo ku hine aswidoho sweru.
Swanga h'eswi Tatana a yentxelaka vana
va kwe timpswalu.
Yehova a vavelisa xi-swoswo la'va mu txhavaka.
Segunda Leitura: II Cor. 3, 1b-6.
Introdução:
A valala va muapostola Paulo afa va djula leswaku yene Paulo a va komba
amapapela ya kufakaza leswaku yene i murumiwa wa Kereke, akuva va ta kholwa
ku yene. Kambe Paulo, ku dondro leyi hi taka yi yingela swoswi, a hlaya leswaku
avufakazi byikulu bya ntiru wakwe byi fanela ku kombisiwa hi mahanyela ya va-
Korinte, lava va dondrisiwiki ha yene.
Kambe xana hi fanela ku tidjulela mapapela ya ku hi yimela ha wone ku nwine,

swanga hi vanwana na? Ni mapapela ya ku hi yimela la'ma pfaka ku nwine na?
Nwine nwi papela dreru, le'dri traliwiki atimbilwini teru, dri tibyiwaka, dri
hlayiwaka hi vhanu hinkwavu; nwa voneka leswaku nwi papela dra Kriste le'dri
traliwika hi ku tirela kweru, ku nge ha inki, kambe ka ku va hi Moya wa Xikwembu
Nkulukumba lw'a hanyaka; ku nge matambeni ya mabye, ku matambeni ya nyama,
85
86
ti nga timbilu. Kutani hi ni ku dumba koloko ku Xikwembu Nkulukumba ha Kriste.

A ndri li hi ni ntamu wa ku yanakanya ntxhumu ha sweru le'swanga swi pfa ku hine;
kambe antamu weru wu pfa ku Xikwembu Nkulukumba, lw'a hi nyikiki ntamu wa
ku va vatireli va xipfumelelano le'ximpswa, xi nge xa letela, xi xa moya; hikusa a
letela drone dra dlaya, kambe a moya wa hanyisa.
Ritu dra Hosi!
Aleluya! Aleluya!
Hi ku randra kwa kwe a hi beleki hi ritu dra
xihlayelamfuri, akuva hi ta va swirangana swa
swivumbiwa swa kwe.
Introdução:
Hi ku hi rumela nwana Yesu Kriste. Xikwembu Nkulukumba a hetisile
axidumbiso xakwe xa lirandru, a xi hlayiki hi nomu wa muprofeta Hoxeya, a nga
ku: "Ku droledro siku, ndri ta ku teka mine, we Yisrael, u va wanga hi la ku nga
helikiki". Axileswo, loko Yesu a he kone misaveni, axikari ka vadondrisiwa vakwe,
afa swi nga djuleki a ku titrona swakuda.
Ku nkama luwa: Avadondrisiwa va Yohan ni vaFarisi afa va titrona swa-ku-da.

Kutani va ta ku yene, va ku: Xana avadondrisiwa va Yohan ni vadondrisiwa va
vaFarisi va titronela yini swa-ku-da, kasi avadondrisiwa va ku a va titroni? Yesu a
ku ku vone: A va swi koti vatrhekeli va vukati ku titrona swa-ku-da, loko mulovoli
e he na vone. Ankama hinkwawu lo va nga ni mulovoli, va hluleka ku titrona swa-
ku-da. Kambe masiku ma ta ta, lawa mulovoli a taka susiwa ku vone; laho-ke, va ta
titrona swa-ku-da, asikwini ledro. A ku na mhunu lw'a babaka hi xihlama xa
kapulana le'drimpswa ankhantxu wa khale, suka axihlama le'ximpswa xi handrula
nkhantxu wa khale, ahandrukela dra kone dri ta biha ku tlulisa. Nangweso a ku na
mhunu lw'a txhelaka vuvinya le'byipswa aminkwameni ya khale, suka avuvinya
le'byimpswa byi handrula minkwama; ku honeka ni vuvinya na yo minkwama.
kambe va txhela vuvinya le'byimpswa aminkwameni le'mimpswa.
Ritu dra Huluxu!
86
87
NSONTO YA WUNTHLANU NA MUNE KU NKAMA WA

NTOLOVELO
Primeira Leitura: Deuteronómio, 5, 12-15.
Introdução:
Andreni ka milau ya khume ya Xikwembu Nkulukumba, leyi Moxe a yi
yamukeliki anhaveni ya Sinayi, wu kone lowu wu khanelaka hi timhaka ta ku bekisa
a siku dra Sabata. Kambe hinkwaswo leswi ifaka swi leletiwa ankameni wa khale,
afa swi kongometiwa a ku bekiseni ka siku dra Sonto, dri nga siku dra nawu
lo'wumpswa wa vukriste.
Bekisa siku dra sabata u dri hlaula, swang'eswi Yehova, Xikwembu Nkulukumba
wa ku, a ku leletisiki xi-swone. U ta tira ntlhanu wa masiku na drinwe, u yentxa ntiro
wa ku hinkwawu; kambe a siku dra ntlhanu na mabidri i sabata dra Yehova,
Xikwembu Nkulukumba wa ku. U nga vi yentxa ntiro ni munwe ku drone, wene, ni
nwan'a ku, ni nwan'a ku wa wansati, ni nandra wa ku, ni nandra wa ku wa wansati,
ni homu ya ku, ni mbongolo ya ku, ni xifuyo xa ku xini ni xini, ni muyeni wa ku
lw'a nga ndangu kwa ku, akuva nandra wa ku, ni nandra wa ku wa wansati, va wisa
ku fana na wene. U ta drimuka leswaku u vi nandra tikweni dra Egipta, ni leswaku
Yehova, Xikwembu Nkulukumba wa ku, a ku humexile ku drone hi voko dra ntamu,
ni hi voko le'dra ku nalavuka; hi leswo-ke Yehova Xikwembu Nkulukumba wa ku,
a ku leletiki ku bekisa siku dra sabata.
Ritu dra Hosi!
Psalma: 80(81), 3-4, 5-6ab, 6c-8a, 10-11ab.
Ntekelelo: Yimbelelani ku Xikwembu Nkulukumba,

a ntamu weru.
1 - Yimbelelani ku Xikwembu Nkulukumba, a

ntamu weru;
Nwi huva hi ku nyonxa ku Xikwembu
Nkulukumba wa Yakob.
Simani lisimu, nwi yimba dandana,
Ni xitende le'xa ku nandrika, ni nkaku.
Yimbani nanga hi voneko dra hweti
87
88
Ni hi hweti le'yi tlhanganiki, hi siku dra nkhuvu weru.
2 - Hikusa leswo i xiyimiso ku Yisrael,

Ni nau wa Xikwembu Nkulukumba wa Yakob,
A wu beki ku Yosefa byi va vumboni,
Aku humeni kwa kwe loko a ya tikweni dra Egipta.
3 - Kutani mine afa ndri yingela lidrimi le'dri

nga tibyiwiki.
Ndri susi ntrhalu katleni dra kwe,
Amavoko ya kwe ma trika ku byatrha xihundru,
Wene u vitani timpfalwini, ndri va ndri ku kulula.
4 - Ku nga ve na Xikwembu ximbeni,

U nga karame ku Xikwembu xa matiko,
Hi mine Yehova, Xikwembu Nkulukumba wa ku,
Lw'a ku humexiki tikweni dra Egipta.
Introdução:
A ntamu wa Ivangeli wu ti vonekisa ngopfu-ngopfu a nkameni wa swikarato
ni mahlomulo ni tinxaniso. Muapostola Paulo, ku papela drakwe le'dri taka dondriwa
swoswi a khanela hi tinxaniso leti a ti kumiki, ava funri a komba a ku nyonxa
kwakwe hi loko a hlulile.
Vamakweru: Xikwembu Nkulukumba lw'a nga ku: Alivaningo a li vaninge

amunyameni, hi yene lw'a vaningiki timbilu teru, akuva hi vaninga vhanu hi ku tiva
ka lidrumo dra Xikwembu Nkulukumba amombyeni wa Kriste. Kambe anhlengwe
leyi, hi na yu aswibyeni swa vumba, akuva avukulu bya ntamu lowu byi va bya
Xikwembu Nkulukumba, byi nga vi byeru. Ho kamiwa nhlomulweni hi matlhelo
hinkwawuu, kambe a hi heli timbilu; ha ganaganeka, kambe a hi triki ku dumba; ha
xanisiwa, kambe a hi fulareliwi; hi wisiwa hansi, kambe a hi suvi; hi rwala masiku
hinkwawu ni hinkwaku amirini yeru aku fa ka Yesu, akuva na byo vutomi bya Yesu
Kriste byi vonekisiwa amirini yeru. Hikusa hine, la'va hanyaka, hi nyiketiwa hi
minkama hinkwayu aku feni hikola ka Yesu, akuva a vutomi bya yesu na byone byi
vonekisiwa anyameni yeru le'mi faka.
Ritu dra Hosi!
88
89
Aleluya! Aleluya!
A Ritu dra ku hi xo xihlayelamfuri xa ku.
Va xwengise axihlayelamfurini xa ku.
Evangelho: Marcos 2, 23--3, 6.
Introdução:
Yesu Kriste, loko a lamulela vadondrisiwa vakwe ni loko a hanyisa mbabyi
hi siku dra sabata, a nga djuli ku suvisa anawu wa sabata, kambe a yentxela a ku hi
dondrisa leswaku a siku dra sabata dri yentxeliwi mhunu. Mfuri Kriste a djula ku
komba leswaku yene i Nwinyi wa sabata. Axileswo, avukhongoti le'byi nyonxisaka
Xikwembu Nkulukumba hi le'byi hi yisaka antirweni wa kupfuna vanakulori.
Ku ti hi siku dra sabata, loko a hundra amakari ka masimu, avadondrisiwa va kwe

va sungula ku trhova mimoko, na va famba. AvaFarisi va ku ku yene: Lavisa; xana
va yentxela yini le'swi yilaka hi sabata? A ku ku vone: Xana a nwi ngi dondra leswi
Davida a nga swi yentxa, loko a pfumali swa-ku-da, e ni ndlala, yene ni lava faka ve
na ye? A nhingeni ndlwini ya Xikwembu Nkulukumba, ankameni wa Abiathar,
muprista lwe'Nkulu, a da makati ya xikombiso, la'ma nga fanelikiki ku diwa hi
vhanu, loko va nge vaprista aswa-vu, a va a nyika lava faka ve na ye? Kutani a ku
ku vone: A sabata dri yentxeliwi mhunu, swi nge leswaku amhunu a yentxeliwi
sabata. Hi leswo-ke Nwana wa mhunu i Hosi ni ku dro sabata. A tlhela a nhingena
sinagogeni; afa ku ni mhunu kone lw'a womeleliki voko. Kambe afa va mu langusa,
loko nha a hanyisa hi sabata, va ta kota ku mu rambela ha swone. A ku ku mhunu
lwe wa ku womelela voko: Sekeleka, u ta la makari. Kutani a ku ku vone: Xana ku
pfumeleliwa yini hi sabata, aku yentxa swinene kumbe swa ku biha, ku huluxa
mhunu, kumbe ku dlaya xana? Kambe vone va miyela. A tiki a va rala-rala hi
mahlundru, a vaviseka hikola ya ku nonoha ka timbilu ta vu, a ku ku mhunu lweyo:
Nalavuta voko dra ku. A hanga ku nalavuta voko, dri tlhela dri va dritomi. Va tiki
va huma avaFarisi, va hatla va hlengeletana ni va-Heroda, va kanela makungu
leswaku xana va ta mu dlayisa ku yini?
Ritu dra Huluxu!
NSONTO YA WUKHUME KU NKAMA WA NTOLOVELO
Primeira Leitura: Génesis 3, 9-15.
Introdução:
Hi kola ka ku dringiwa hi Sathana, avatatana veru va ku sungula va lahla a
89
90
ndlela ya ntwanano ni Xikwembu Nkulukumba, va sala na va nge na ntamu; kutani

axihono xi va kokela andleleni ya ku tikulisa ni ya wubihi hinkwabyu. Nambi
swilitano, Xikwembu Nkulukumba a dumbisi leswaku awunene byi ta hlula
awubihi. Yesu Kriste a ta hanyisa avhanu va misava hinkwayu.
Xikwembu Nkulukumba a vitana mhunu a ku ku yene: U kwini? A ku: Ndri dri

yingelile ritu dra ku axirambeni, ndra ku txhava, h'eswi ndri nga yambalangakiki
ntxhumu, ndra ku tumbela. a ku: U byeliwi hi mani leswaku a ku yambalanga
ntxhumu? Xana we ku da muri lowu ndri ku leletiki ndri ku: U nga ve da wone,
xana? Amhunu a ku: ansati lwe u nga ndri nyika yene akuva a va na mine, yene a
ndri nyiki muri, ndra ku da. Yehova Xikwembu Nkulukumba a ku ku wansati: I
mpswini leswi u swi yentxiki? Awansati a ku: anyoka ye ku ndri kanganyisa, ndra
ku da. Yehova Xikwembu Nkulukumba a ku ku nyoka: Leswi u yentxiki leswi, u
ruketeliwile swifuyweni hinkwaswu ni swiharini hinkwaswu swa nhova; u ta famba
hi khuri, u da ntrhuri masiku hinkwawu ya ku hanya kwa ku. Ndri ta beka ku yalana
makari kwa ku ni wansati, ni le makari ka lixaka dra ku ni lixaka dra kwe; dri ta ku
pfotlota hloko, wene u dri luma xirendre.
Ritu dra Hosi!
Segunda Leitura: II Cor. 4, 13--5, 1.
Introdução:
Ka dondro leyi hi taka yi yingela swoswi, Amupostolo Paulo a hi
tlhavukanyisa hi ta minxaniso leyi hi mi kumaka lomu misaveni: leswaku hi faneli
kutiyisela a ku xanisekeni hinkwaku hikusa a likholo dreru ku Yesu Kriste lw'a
pfukiki, dri hi nyika a dumbo dra leswaku na hine hi ta pfuka antrhaku ka lebyi
vutomi, hi va hi yamukela angiyana ya vutomi bya ku ka byi nga heli.
Kambe leswi hi nga ni moya munwe wa ku pfumela (swanga hi leswi ku traliwiki

leswaku: Ndre ku pfumela, ndra hanga hlaya) na hine ha pfumela, ha hanga hlaya ha
kone: na hi tiva leswaku, lw'a pfuxiki Hosi Yesu, a ta hi pfuxa na hine na Yesu, a ta
hi yimisa kunwe na nwine. Hikusa hinkwaswu leswi swe ku humelela hikola kwenu,
akuva atipswalu ti ta ku ta yandra, ti yandrisa ni ku tlangela ka la'vanyingi aku
twaliseni ka Xikwembu Nkulukumba. Hi leswo-ke, a hi heli timbilu; kambe nambi
awumhunu byeru bya le handle byi fa, awumhunu byeru bya le ndreni byi
bandruliwa hi siku drinwana ni drinwama; hikusa anhlomulo weru, lo'wa ku vevuka,
lo'wu nga wa nkamanyana, wu hi tirela lidrumo dra ku phatima le'dri nga helikikiki,
90
91
le'dri ngeke na ku pimiwa, hine hi nga langusikiki le'swi voniwaka, swa ku va le'swa
ku ka swi nga voniwi; hikusa le'swi voniwaka i swa nkamanyana; kambe le'swi nga
voniwikikiki i swa minkama le'mi nga helikikiki. Hikuva ha swi tiva leswaku loko
yindlu yeru ya la misaveni, leyi wu nga ntronganyana, yi hahluka, hi na ni vuyako
bya Xikwembu Nkulukumba, ayindlu le'ya ku ka yi nga hambiwanga ha mavoko,
le'yi ngeke na ku hela, amatilwini.
Ritu dra Hosi!
Aleluya! Aleluya!
Swoswi ku kone ku yavanyisiwa ka misava leyi;
Swoswi amufumi wa misava leyi a ta
Txukumetiwa handle.
Evangelho: Marcos 3 , 20-35.
Introdução:
Yesu Kriste, heswi a nga Nwana wa Xikwembu Nkulukumba, a ni ntamo wa
ku hlongola Sathana ni hinkwayu mimoya le'mnfani. Kambe avatrali ni vafarisi,
nambi leswi afaka va vona amanhlolana lawo, a va kholwanga ku yene, mfuri afa va
fedula vaku: Leswo a swi yetxa hi ntamo wa Belzebule. Vamakweru, hi faneli
kusimamela atinfanelo teru hinkwawu nkama, hinga landreni aswivula-vula swa
vhanu.
Kutani a nhingena ndlwini. Axitrhungu xi tlhela xi hlengeletana, lakakuva va nga

swi koti ni kuda. Va tiki va swi yingela va-kwavu, va ku tata mu khoma, hikuva ifa
va pfa Yerusalem, va ku: A hambani nhloko. Kutani vatrali la'va fulameliki, va pfa
Yerusalem, va ku: A ni Beelzebule; na kone: A hlongola mademona hi hosi ya
mademona. Kutani a va vitana, a vabyela hi swifaniso a ku: Xana Sathana a nga
swikotisa ku yini ku hlongola Sathana? Ni loko anfumo wu travukanile aku tilwisa,
anfumo lowo a wu swi koti ku yima. Ni loko ayindlu yi travukanile aku tilwisa,
ayindlu leyo yi nga ka yi nga swi koti ku yima.Ni loko Sathana a tilwisa e yene, a
travukana ha swa-kwe, a naga swi koti ku yima, ku tava ku hela kwa kwe. Kambe a
ku na mhunu lw'a nga nhingenaka ndlwini ya lwe wa ntamu, ni ku phanga vukosi
bya kwe, loko a nga ranganga a boha lwe wa ntamu, hi kone a taka phanga yindlu
ya kwe. Ndri hlayelanfuri ndri li ku nwine: Avana va ta drivaleliwa swihono swavu
hinkwaswu, ni swisandru hinkwaswu va sandriki ha swone. Kambe lweyi a taka
Sandra Moya lo'wa ku xwenga a nga ka a nga drivaleliwi, hi laha ku nga helikiki,
kambe a ta va ni nandru wa xihono le'xa ku ka xi nga heli. A hlaya swoswo hi leswi
faka va ti: A ni moya lo'wunfani. Kutani ku tlhasa mamana wa kwe ni vamakwavu,
va yima handle, va ruma mhunu ku yene, a mu vitana. Kambe axitrhungu afa xi
91
92
trhamile, xi mu trandrela makari; va ku ku yene: Lavisa, amamana va ku ni

vamakwenu va kola handle, va ku djula. A va yangula, a ku: Xana amamana wa nga
i mani, ni vamakweru i vamani? Kutani a ralarala la'va trhamisiki, va mu trandrela
makari, a ku: Hi lava, amamana wa nga ni vamakweru. hikuva lweyi a taka yentxa
ku randra ka Xikwembu Nkulukumba, hi yene amakweru, ni makweru wa wansati,
na mamana.
Ritu dra Huluxu!
NSONTO YA WU KHUME NA YINWE KU NKAMA WA

NTOLOVELO
Primeira Leitura: Ezequiel 17, 22-24.
Introdução:
Ku dondro leyi yi taka hlayiwa swoswi, amuprofeta Ezekiel a tivisa
leswaku a tihosi ta tiko dra Yuda ti ta susiwa axitrhanwini xa vuhosi, ti mukisiwa a
Babilona. kambe amatrhanwini ya tone, Nkulukumba a ta beka ahosi yimbeni,
le'yikulu kufana ni muri wa mukhedari, lowu antrhutini ka tinkambo ta wone ku taka
yaka avhanu hinkwavu va misava.
Dondro Ya Buku dra Muprofeta Ezekiel:
A hla swoleswo a Hosi Yehova: Mine nfuri ndri ta susa swa xihlokoti le'xa ku
tlakuka xa nkedar, ndri swi beka; ndri ta trhova likambyana la vuhluko bya drone
le'dra ku nabyala, ndri ya dri simeka nhaveni le'ya ku leha ya ku tlakuka; ndri ta dri
simeka nhaveni le'ya ku tlakuka ka Yisrael; dri ta humexa tinkambu dri va dri beleka
mhandru, wu va nkedar lo'wa hombe. Ahansi ka wone ku ta yaka tinyanyana
hinkwatu ta tinxaka hinkwatu; ti trhama ntrhutini wa wa tinkambu ta wone. Amiri
hinkwayu ya nhova mi ta swi tiva leswaka mine Yehova ndri trongahati muri lo'wa
ku tlakuka, ndri tlakusi muri lo'wa ku trongahateka, ndri womisi muri lo'wumanti,
ndri hlukisi muri lo'wa ku woma; mine Yehova, ndri kaneli leswo, ndri va ndri swi
yentxa.
Ritu dra Hosi.
Psalma: 91 (92), 2-3. 13-14. 15-16.
Ntekelelo: Hi ntxhumu lo'wa hombe aku tlangela Yehova.
1 - Hi ntxhumu lo'wa hombe aku tlangela Yehova,

Ni ku yimbelela vito dra ku, wene lw'a nga
Henhla-Henhla;
92
93
Aku hlaya lirere dra ku dra mixweni,

Ni ku dumbeka kwa ku vusikwini.
2 - La'va byaliwiki ndlwini ya yehova,

Va ta rumbuka tinxonxeni ta Xikwembu
Nkulukumba weru.
3 - Va ha ta beleka mihandru ni le vuduhatini bya vu;

Va ta tala hi nhome, va la'vampswa;
Akuva va ta hlaya ku lulama ka
Xikwembu Nkulukumba;
I ribye dra nga, a ku na ku somboloka ku yene.
Segunda Leitura: II Cor. 5, 6-10
Introdução:
Ha swi tiva hi likholo leswaku avutomi breru la'misaveni, byi fana ni bya
lweyi a kumekaka akubohiweni, leswi wumbeni nkama swi hi nyikaka akunavela
kumuka ku Tatana atilweni. Nambi swi li tano, hi fanela hi hiteka hi ku yentxa
mintru le'minene, le'mi nyonxisaka yene Nkulukumba Tatana, hikusa avutrhamu
byeru atilweni byi bekisiwa hi hanyela dreru le'drinene laha misaveni.
Hi leswo-ke, hi ni ku dumba lo'kukulu hi minkama hinkwayu, na hi tiva leswaku

loko ha ha trhami amirini leyi, le kule ni Hosi, (hikuva hi famba hi ku pfumela, ku
nge ha ku swi vona); kambe hi ni ku dumba lo'kukulu, hi randraka ngopfu ku rura
mirini, hi ya trhamisa Hosini. Hi leswo-ke, hi yentxa hi ntamu ku nha hi trhavisa
yone, nambi hi kone andlwini leyi, nambi hi huma ku yone. Hikuva swi fanekeli
hine hinkweru hi humelela mahlweni ka xitrhamu xa ku trema xa Kriste, akuva
munwana ni munwana a yamukela le'swi dringanaka ni swiyentxo swa kwe, loko e
he mirini, nambi swi le'swinene, nambi swi le'swinfani.
Ritu dra Hosi!
Ntekelelo:
Aleluya! Aleluya!
Ambeu i Ritu dra Xikwembu Nkulukumba,
Kriste i mu xuvi, mani na mani lw'a murandraka
93
94
a ta kuma avutomi le'dringa helikiki.
Introdução:
Anfumo wa nkulukumba la'misaveni, nambi leswi amsungulo ya wone ma
nga ya kusoleka, wu kula kufana ni mbewu le'yi byaliwaka na yi li yintrongo,
ntrhaku yi ndrulukaka muri lo'wukulu. Kriste hi yene a sunguliki ku wu yaka
amisaveni, kambe avhanu va fanela ku wu yandrisa hi mavoko yavu. Anfumu lowu
i wa lirandru, ni kurula ni kululama.
Ivangeli ya Kriste Abukwini dra Marka:
A va brela, a ku: Anfumo wa Xikwembu Nkulukumba hi wolowu, swanga hi mhunu

lw'a xuviki mbeu amisaveni! a yetlela, a pfuka, vusiku ni nhlikanhi, ambeu yi tlhava
yi mila, n'a nga tivi mamilela ya yone, yene. Amisava ha swa yone mi beka
mihandru! ku sunguleni axikhava, antrhaku amoko, antrhaku tinhleke le'ti wupfiki
amokweni. Kambe amihandru, loko mi wupfile, va hatla va nhingenisa kone asikela,
hikusa aku trhovela ku tlhasile.
A va byela, a ku: Xana hi ta fanisa anfuma wa Xikwembu Nkulukumba ha yini?
Kumbe hi ta wu behela xifanisweni xini xana? Wu fana ni nhleke ya sinapi; ku liki
loko yi byaliwa misaveni, yi yitrongo ku timbeu himkwatu le'ti nga misaveni; kambe
loko yi byaliwile, yi kula ku tlula timbowa hinkwatu, yi hamba tinkambu le'tikulu,
lakakuva ni tinyanyana ta tilu ti trhamisa antrhutini wa kone. If'a hlaya ritu hi
swifaniso swa ku tala, hi laha va kotiki ku yingela. If'a nga kaneli na vu,loko ku nge
hi swifaniso; kambe if'a tlhamuxela hinkwaswu ku vadondrisiwa va kwe na ve
swavu.
Ritu dra Huluxu!
NSONTO YA WU KHUME NA TIBIDRI KU NKAMA WA

NTOLOVELO
Primeira Leitura: Job. 38, 1. 8-11.
Introdução:
Xikwembu Nkulukumba, swanga i mutumbuluxi wa tilo ni misava ni wa
hinkwaswo leswi nga ku swone, hi yene nwinyi wa
ntamu hinkwawo, a ku na ntxhumu lo'wu nga mu hlulaka.
Dondro ya Buku dra Yob:
94
95
Kutani yehova a yangula Yob, na e xidzedzeni, a ku: Hi mani lwe a pfaleliki alikhulu
hi xipfalu, hi siku ledri dri nga pfhanya dri huma khurini xana; Loko ndri hamba
tlavi xi va xiyambalo xadrone, ni munyana lo'wa ku trindra wu va ntehe wa nga, ndri
dri bekela mapfalwana ni swipfalu, ndri li: U ta tlhasa haleno, ku nge mahlweni;
Aku kukumuka ka mavimbi ya ku kuta hela kola?
Psalma: 107, 23-24. 25-26. 28-29. 30-31.
Ntekelelo: Twalisani Yehova,

Hikuva lirere dra kwe dri trhami hi la
ku nga helikiki.
1 - Volavo va famba likhulwini hi tingalawa,

va yentxa ntiro matini la'makulu,
Lava va vona swi yentxo swa Yehova,
Ni swihlamaliso swa kwe aminsigeni.
2- Hikuva a vulavula,a pfuxa mheho le'ya xidzedze,

le'yi kukumuxaka mavimbi ya kone ma tlakukela
tilwini, ma fulamela ma ya tlhasa minsingeni:
Amahika ya vu ma munyeka hi nkonta ya nkarateko.
3- Avutlhari bra vu hinkwabru byi hela;

Lahu va drila ku Yehova atimpfalwini ta vu.
A va huluxa tinxanisweni ta vu.
A yentxa akuva xidzedze xi tremeka, ku va ni ku rula.
ku ku amavimbi ya kone ma miyela.
4- Lahu va trhama hikuva ma trhamisiwa,
Swoswo a yisa lomu faka va navela kone.
A va twalise Yehova hi lirere dra kwe,
Ni mahlolwana ya kwe ku vana vhanu.
Segunda Leitura: II Coríntios 5, 14-17.
Introdução:
Yesu kriste, hi kufa ni ku pfuka kwakwe a ndruluti amisava ni vhanu va yona
swi va swivumbiwa swimpswa. Hi xiswoswo, wini na wini a namareliki ku Kriste
hi likholo, a ndruluki mhunu mumpswa, ku djuleka a va ni mahanyela mampswa,
la'ma nyonxisaka kriste.
Dondro ya Papela dra S. Paulo ku va-le-Korinte va Vubidri:
Hikuva alirandru dra Kriste dra hi sindrisa, hi pimisa leswaku, leswi munwe a nga
95
96
fela hinkwavu, lahu hinkwavu va file; mfuri a feli hinkwavu, akuva la'va hanyaka
va nga ha tihanyeli, va ku hanyela lw'a nga fa, a tlhela a pfuka, hikola kwavu. Hi
leswo-ke hi h nga ha tivi mhunu hi nyama ni loko nha he tiva Kriste yi nyama, kutani
a ha ha mutivisi xi-swone. Hi swoswo loko mhunu e ku Kriste, i xivumbiwa
le'ximpswa kutani; le'swa khale swi hundrile; vonani,hinkwaswu swe ku ndruluka
le'swimpswa.
Ritu dra Hosi!

Evangelho: Marcos 4,35-40 (35-41).
Intodução:
Yesu Kriste, hi ku miyeta a xidzedze xa mheho ni ku khwavela nambu. Swi
va swi mu yingiseta a kombile ntamu wakwe ni vukulukumba bya kwe. Nambi
swilitano ntsena lweyi anga ni li kholo hi yene a swi vonikiki leswaku yesu i Nwana
wa Nkulukumba.
Asikwini ledro, loko dambu dri pelile, a ku ku vone: A hi weleleni halahaya. Kutani
va tlhelisa xitrhungu. va mu teka hi byatrhu ledri faka e ku drone. amanwana
mabyatrhu afa ma na yene. Kutani ku humelela xidzedze le'xikulu xa mheho,
amavimbi ma nhingena abyatrhwini, laka kuva bya trhu dri sunguls ni ku tala.
Kambe yene af'e nyalwini, a khutriyeli xidanwini. Va hanga ku mu pfuxa, va ku ku
yene: Mufundrisa, xana a hi txhumo ku wene loko hi suva? A pfukiki, akwavela
mheho, a ku ku nambu: Miyela; u ku ntse! Kutani amheho yi miyela, ku va ni nhuta
le'yikulu.
A ku ku vone: Xana nwi ni vutoya ha yini? A nwi si va na ku kholwa xana? vone,
va txhava ngopfu va byelana va ku: Xana lweyi i mani, leswi na wo mheho na wo
nambu, swi mu yingisetaka?
Ritu dra Huluxu!
NSONTO YA WU KHUME NA TIRARU KU NKAMA WA

NTOLOVELO
Primeira Leitura: Sabedoria 1, 13-15; 2, 23-25, (23-24).
Introdução:
Xikwembu Nkulukumba hi yene a tumbuluxiki le'swi hanyaka, funtri a swi
96
97
tumbuluxili akuva swi tama swi hanya. Xiswoswo amhunu hikuva a tumbuluxiwe
axifanisweni xa Xikwembu Nkulukumba a nga fanekeli kufa. Sathana hi yene a hi
buyiseliki alifo.
Dondro ya Buku dra Vutivi:
Yehova ahi mutumbuluxi wa lifo a ku luza la'va ku hanya, a hi leswi swi mu

nyonxisaka. Hikusa yene a tumbuluxi hinkwaswu akuva swi ta va kone. Axiswoswo
a swivumbiwa hinkwaswo swi fanekela aku londrovota atindlela hinkwato ta
huluxo. A swi bekeliwanga masungulu ya lifo. Nambi a ntamo wa lifo a wu fumi
misava; hikusa a kululama a ku na vugamu. Na swilitano Yehova a vumbi amhunu
axifaniswani xa kwe. Kasi alifo dri koti dri kumeka misaveni hi kola ka mona wa
Sathana. Axiswoswo, va ta fakaza lava vanga va ka Sathana.
Ritu dra Hosi!
Psalma: 30 2-4. 5-6. 11-12a. 13b.
Ntekelelo: Ndra ku kulisa Yehova, hikusa u ndri tlakuxile.
1 - Ndra ku kulisa Yehova. hikusa u ndri tlakuxile.

A ku pfumelanga leswaku. Avalala va nga va
trhava ha mine.
Yehova, u huluxi hika dranga xeol, u ndri pfuxile,
akuva ndri nga fulamela xireni.
2- Yimbelelani Yehova, nwine tinsasi ta kwe,

Twalisani vito dra kwe dra ku xwenga,
hikusa aku hlundruka kwa kwe i ka nkamanyana
ntsena, kambe avumbilu dra kwe i bra
vutomi hinkwabru.
3 - Yingela, Yehova u ndri yentxela vurombe.

Yehova, vana mupfuni wanga.
U ndruluti xidrilo xa nga hi ku nyonxa.
U ntlhantlhi xiyambalo xanga xa saka
Yehova, Xikwembu Nkulukumba wa nga,
ndri ta ku twalisa hi la ku nga helikiki.
Segunda Leitura: II Coríntios 8, 7.9 13-15.
Introdução:
Ku dondro leyi landraka. Amupostolo Paulo a byela vakriste va le Korinte
leswaku va tiva kupfuna hi swihanano swavu ava Kriste va le Yerusalema afaka va
97
98
pfumala, na va drimuka Kriste lwe a nyikeliki vutomi bra kwe hikola ka lirandru ku
hine hinkweru.
Swanga hi leswi nwi talelwiki mahlhelo hinkwawu, akupfumeleni ni ku vulavuleni,

ni le ku khinyeleni hinkwaku, nile ku hi randreni, talelwani ni le ntirweni lowu wa
timpswalu, Hikusa nwitiva vumbilu bya Hosi yeru, Yesu Krisre, leswaku, namb'eswi
faka a taleliwi, a tiyentxi xisiwana hikola kweru, akuvanwi talelisiwa hi vusiwana
brakwe. A swi fanekeli akuva vanwana va kuma ku pfuneka, nwine nwi va
khombyeni; kambe aku dringana a ku ve kone, Ankameni wa swoswi, andralo yenu
yi pfuna vusiwana byenu; ka traliwiki: lwe faka a hlengeleti le'swinyingi, a nga
vanga ni le'swi tlulaka; ni yelwe faka a hlengeleti le'switrongo, a nga pfumalanga.
Ritu dra Hosi!
Aleluya, Aleluya!
Yesu Kriste, Muhuluxi weru a hluli lifo.
Ava a vaninga avutomi bya vhanu hi ritu dra Ivangeli.
Evangelho: Marcos 5. 21-43.
Introdução:
Yesu kriste a teli ku ta ta hi tirula ku lifo ni ka mavabri hinkwawu; Aku
hanyisa timbabyi ni mahlolana manwana la a mayentxiki i xikombiso xa vutomi
le'byinga gamikiki, lebyi Kriste a hi buyiseliki brone.
Ku ti loko yesu a tlheli a welela halahaya hi byatrhu, axitrhungu le'xikulu xi

hlengeletana ku yene na a trhamisi ankingeni wa nambu, Kutani ku tlhasa munwe
wa tihosana ta Sinagoge, lwe va liki i Yairus a tiki a wa mu vona a ku tiwisa milengeni
ya kwe a mu khongota ngopfu a ku Anwananga wa wanhwanyana a kusuhi ni ku fa;
tana u muntlante ka mavoko, a ta huluxiwa a va ntomi kutani a ya na ye, ni
xitrhungu le xikulu xi mu landra, afa ximu kamanyeta. A nsati lw'a vabyiki hi vukuvali
amalembe ya khume na mabidri, lwe faka a yingeli ku vaviseka lo'kukulu hi tinyanga
le tinyigi, lw'a humexiki ni vukosi bra kwe hinkwabru a nga pfuniwangikiki
ntrxhumu, kambe swi yi malhlweni ku biheni a ti loko a yingeli timhaka ta Yesu, a
ta hi le trhaku amakari ka xitrhungu a khumba nkhantxu wa kwe. Hikuva afa aku:
98
99
Loko ndri nga khumba nkhantxu wakwe ntsena, n'ta hanyisiwa. Kutani hi nomu-
lo'aku halaka ngati ya kwe ku hela. Kutani a tiyingela mirini ya kwe leswaku a
holisiwile avuvabrini bra wke. Yesu a hatla a swi tiva andreni kwa kwe leswaku ku
humi munwe ntamu ku yene, a ndrulukela xitrhungwini, aku: Xana i mani lw'a
khumbiki minkhantxu ya nga? Kambe avadondrisiwa va kwe va ku ku yene: Wa swi
vona leswaku axitrhungu xa ku kamanyeta,nambi swi tano u li: Hi mani lw'a ndri
khumbiki? Yene ifa'a ralarala matlhelo hinkwawu, a ta vona lweyi a yentxiki leswo.
Kambe lwe wansati a txhavaka, a rurumelaka, hi ku tiva le swi yentxiwiki ku yene,
a ta mu khisamela, a mu byela hinkwaswu le'swi nga swone. Kambe a ku ku yene:
Nwan'anga, aku pfumela kwaku ku ku yene: Nwan'anga, aku pfumela kwakwe ku
ku huluxile; famba hi ku rula u holisiwile avuvabyini bya ku. A ku na a ha kanela, ku
tlasa vhanu la'va pfaka kaya ka lwe wa hosana ya sinagoga, va ku Yone: Anwan'a ku
a file, xana wa ha karatela yini mufundrisa? kambe Yesu a nga londrisanga ritu ledri
va dri kanelaka, a ku ku hosana ya sinagoga: U nga txhave; pfumela ntsena. Kutani
a nga pfumelelanga mhunu aku mu heketa, loko va nge va Petros, na Yakob, na
Yohan, amakwavu wa Yakob. Loko va tlhasile andlwini ya hosana ya sinagoge, a
vona pongwe, ni la'va drilaka, va bongosaka ngopfu; a nhingena a ku ku vone: Xana
nwi bela yini pongwe, nwi drilela yini? Antrongwana a nga fanga, e ku khutriyela.
Kutani va mu hleka. Kambe yene, a va humexa hinkwavu, a teka tatana wa nwana
ni mamana wa kwe, ni lava faka ve na ye, a ya nhingena laha ntrongwana afaka e
kone. Kutani a khoma voko dra ntrongwana,a ku ku yene: Talitha kumi! Loko swi
tlhamuxeliwa, hi leswaku: Nhwanyana, ndri li ku wene: Pfuka! Hi nomu-lo lwe
wanhwanyana a pfuka, a sungula ni ku ti fambela; hikuva af'e wa khume dra
malembe na malembe mabidri. Kutani va hlamala hi ku hlamala lo'kukulu. A hanga
va leleta ngopfu leswaku ku nga txhuke ku va ni mhunu lw'a taka swi tiva, kutani a
ku: A va mu nyike a da.
Ritu dra Huluxu!
NSONTO YA WU KHUME NA MUNE KU NKAMA WA

NTOLOVELO
Primeira Leitura: Ezequiel 2, 2-5.
Introdução:
Xikwembu Nkulukumba afa a swi tiva leswaku avana va Isaraeli i vhanu va
timbilu ta kunononhwa, kambe hikola ka lirandru ku vone, a rumeli amuprofeta
Ezekiel na aku: "nambi va yingiseta nambi va yala va ta swi tiva leswaku amuprofeta
avi kone makari kwavu". Ahi tiveni ku yingiseta
99
100
varumiwa va Xikwembu Nkulukumba.
Dondro ya Buku dra Muprofeta Ezekiel:
A ku n'a ha vulavula na mine, amoya wa ku nhingena ku mine, wa ku'ndri yimisa hi

milenge ya nga; Kutani ndri mu yingela lw'a vulavulaka na mine. A ku ku mine:
Nwana wa mhunu, ndri ku ruma ku vana va Yisrael ku matiko ya ku pfuka, la'ma
ndri pfukeliki; vone ni vatatana va vu va ndri doheli aku kondra ku tlhasa sikwini
droledri. Avana va ni mona, va ni timbilu ta ku nononhwa; ndri ku ruma ku vone; u
ta ya ku ku vone: A hla swoleswo Hosi Yehova. Vone, nambi va yingiseta, nambi
va yala hikuva-- vone va nga yindlu le'yi ndri pfukeliki-- va ta swi tiva leswaku
amuprofeta a vi kone makari kwa vu.
Ritu dra Hosi!
Psalma: 122(123), 1-2a. 2bcd. 3-4.

Ntekelelo: A mahlu ma lavisa Xikwembu
Nkulukumba weru.
A kondra a hi yentxela vumbilu.
1 - Amahlu ya nga ndri ma tlakuxeli ku wene,

Wene lw'a trhamiki tilwini.
Lavisani, swanga hi mahlu ya malandra.
Loko ma lavisa voko dra venyi va wone.
2 - Loko ma lavisa voko dra Hosi yakwe,

Amahlu yeru ma mu lavisisa xiswoswo Yehova
Xikwembu Kulukumba weru,
A kondra a hi yentxela vumbilu.
3 - Hi yentxele vumbilu Yehova, hi yentxele vumbilu,

Hikuva hi tali ngopfu hi ku soliwa.
Ahika dreru dri tali ngopfu hi swisandru
swa la'va trhamisekaka, ni swisolo swa la'va
tikulisaka.
Introdução:
Muapostolo Paulo ku papela ledri hi ta ka dondra swoswi, a hi byela leswaku
a swikaratu ni swixaniso kumbe swihingakanyo swimbeni leswi a swi kumiki
antirweni wa Ivangeli swi mu pfuni a ku ka a nga ti kulisi, funri swi yentxi akuva a
tiva a kubeka a kudumba kwakwe hinkwaku a mavokweni ni le ntanwini wa Hosi.
100
101
Dondro ya Papela dra S. Paulo ku va-le-Korinte:
Vamakweru: Akuva ndri nga kukumuxiwi hi vukulu bya xipfuletelo, ndri nyikiwi
mutwa anyameni, yi nga ntrumi ya Sathana, akuva ya ta ndri hodlota ndri nga ti
kukumuxiwa. Ha wone ndra khongoti Hosi kararu, akuva wu suka ku mine. Kambe
Hosi yi ku ku mine: Ti ku dringanile a timpswalu ta nga hikusa antamu wa nga wu
hetiseka agomeni. Hi leswo-ke, ndri ta randra ku ti twalisa agomeni dra nga, akuva
ntamu wa Kriste wu trhama ku mine. Hi leswo-ke ndri ti trhavelaka gomeni ni le
xisandrwini, ni le vusiwaneni, ni le ku xanisiweni ni le vuhimbine hikola ka Kriste;
hikusa ndra ku ndri va ni gome, ka ku va kone ndri nga ni ntamu.
Ritu dra Hosi!
Aleluya! Aleluya!
Amoya wa Hosi wu le henhla kwa nga:
Hikusa yi ndri totile, akuva ndri drungulela
swisiwana Ivangeli.
Introdução:
Avhanu va le Nazareta, nambi leswi afaka va hlamala vutivi bya Yesu, a va
kholwanga leswaku Yesu i Mesiya hikusa vone afa va mu vona hi mahlo ya nyama
ntsena ku nge li hi mahlo ya likholo.
Ku nkama luwa: Yesu a huma kone aya tikweni dra kwavu; avadondrisiwa va kwe
va mu landra. Ku ti loko sabata dri tlhasile, a sungula ku dondrisa asinagogeni;
kutani la'vanyingi la'va mu yingeliki va hlamala va ku: Xana lweyi a swi kumi kwini
leswi? Hi le'bya ku yini avutlhari lebyi a nyikiwiki byone, ni mahlolwana lawa ya
ku nhati ma yentxiwaka hi mavoko ya kwe? Xana lwe a hi lwe wa muvatli, anwan'a
Maria, ni makw'a Yakob, na Yose, na Yuda, na Simon? Xana a vamakwavu va
vavasati a va kola kweru xana? Kutani va khunguvanyeka ha Yene, kambe Yesu a
ku ku vone: Amuprofeta a nga pfumali xitxhavu, loko ku nge tikweni dra ka kwavu,
amaxakeni ya kwe ni le ndlwini ya kwe. A nga swi kotanga ku yentxa mahlolwana
kone; nambi dri li drinwe, loko ku nge ku ntlhanteka mavoko ku vavabyi va nge
vangani, a va hanyisa. A hlamala hi ku kala ka ku pfumela kwavu. A hanga
tifambela, a trendreleka hi miti a dondrisa.
Ritu dra Huluxu!
101
102
NSONTO YA WU KHUME NA NTHLANU KU NKAMA WA

NTOLOVELO
Primeira Leitura: Amós 7, 12-15.
Introdução:
Amuprofeta Amos a tivisile a Hosi ya Israel ni xitrhungu hinkwaxu
aswikhatiso leswi Nkulukumba afaka a pimisa ku va yentxela, hikola ka
vusomboloki byavu. Kambe vone, matrhanwini ya ku ndruluka, va ku mu
hlundrukela va mu hlongola. Hi nga trikeni ku txhumayela a Ritu dra Xikwembu hi
mahanyela la manene, nambi avhanu va hi nyenya.
Dondro ya Buku dra Muprofeta Amos:
Ku masiku lawaya, Amatsiya a ku ku Amos: Muvoni, suka, u trutrumela tikweni dra

le Yuda, u ya da kati kolomo, u pfhumba kolomo. U nga tlhele wa ha pfhumba Beth-
El, hikusa kone i mbangu wa ku hlauleka wa Hosi, wu nga muti wa vuhosi nfuri.
Kolahu Amos a yangula, a ku ku Amatsiya: A ndri muprofeta mine, a ndri nwana wa
muprofeta; ndra ku va mubyisi ni mubekisi wa makuwa. Yehova e ku ndri teka na
ndri ntrhaku ka ntlhambi; Yehova a ku ku mine: Famba u ya pfhumba ku tiko dra
nga dra Yisrael. Ritu dra Hosi!
Psalma: 84(85), 9ab-10. 11-12. 13-14.
Ntekelelo: Hi kombe lirere dra ku, Yehova,

U hi nyika ku huluxa kwaku.
1 - Ndri ta yingela leswi Xikwembu Nkulukumba

Yehova a taka swi kanela;
Hikuva a ta vulavula ku rula ku vhanu
va kwe ni ku tinsasi ta kwe;
Kunene ku huluxa kwa kwe kule kusuhi ni
la'va mu txhavaka.
Akuva vumenyemenye byi trhama tikweni dreru.
2 - Aku lulama ni ku rula swi ncuntanile.

Aswinene swi mila misaveni;
Aku lulama ku lavisa hansi, na ku le tilwini.
3 - Mfuri Yehova a ta nyika le'swa hombe,

Amisava yeru mi ta nyika mihandru ya yone.
102
103
Aku lulama ku ta famba mahlweni kwa kwe;

Ku hi beka ndleleni ya minkondro ya kwe.
Introdução:
Mupostolo Paulo a paluxa amhaka le'yikulu Xikwembu Nkulukumba afaka a
kongomi ku yi yentxa a misaveni: Aku tlhanganisa avhanu va misava hinkwayu,
vava xitrhungu xinwe a nfunwini wa Nwan'akwe Yesu Kriste.
A ku tlangeliwi Xikwembu Nkulukumba Tatana wa Hosi yeru Yesu Kriste, a nga hi

tovokisa hi ku tovokisa hinkwaku ka Moya amatilwini ku Kriste, swanga hi leswi
faka a nga hi hlawula ku Yene, na misava mi nga sanga na tumbuluka, akuva hiva
va ku xwenga ni la'va pfumalaka bati amahlweni kwa kwe; hi lirandru dra kwe a hi
yimisi khale akuva hi ta hlayiwa vana va kwe ha Yesu Kriste, hi ku tirandrela ka
mbilu ya kwe, aku twaliseni ka lidrumo dra timpswalu ta kwe leti a nga hi hanana
tone hi murandriwa wa kwe lweyi hi kumaka ha yene aku tiruliwa hi ngati ya kwe,
ku nga ku drivaleliwa ka swihono, ni vupfundri bya timpswalu ta kwe; leti a nga hi
yandrisela tone avutlharini hinkwabru, ni le ku yingelisiseni hinkwaku: a hi tivisile
xihundla xa ku randra kwa kwe, hi vumbilu bya kwe, lebyi a nga titiyisela khale a li
yene (amhaka le'yi taka humelela a ku heteleleni ka minkama) leswaku: A ta
tlhanganisa hinkwaswo, a swa le matilweni ni swa le misaveni, ku Kriste, ava nhloko
ya swone lweyi hi nga nyikiwa ha yene pfindla, hi leswi hi nga yimiseliwa khale, hi
ku tiyisa lo'ka khale ka lwe a yentxaka hinkwaswu hi kungu dra ku randra kwa kwe,
akuva hi tava hi nkhensa lidrumu dra kwe, hine la'va nga rangelela ku dumba ku
Kriste; lweyi na nwine nwi tiki nwi yingela ritu dra xihlayelamfuri, dri nga Ivangeli
dra ku huluka kwenu, nwi pfumela ku yene nanwine; kutani nwi fungiwi hi moya
lo'wa ku xwenga lo'wa xidumbiso; lowu wu nga xirangana xa pfindla dreru, aku
txhikela ku tiruliweni ka lava (Xikwembu Nkulukumba) a nga tikumela vone, aku
drumisiweni ka lidrumu dra kwe.
Ritu dra Hosi!
Aleluya! Aleluya!
Xikwembu Nkulukumba, Tatana wa Hosi yeru
Yesu Kriste, vaningela amahlu ya timbilu tenu,
akuva nwi ta kota ku tiva leswaku aku dumba ka
ku vitaniwa kwenu hi lo'ka ku yini.
103
104
Introdução:
Swanga hi leswi Yesu Kriste a nga murumiwa wa Nkulukumba Tatana, na
Yene a rumi vapostola va kwe a ku famba va txhumayela Ivangeli misaveni
hinkwayu.
Ku nkama luwa, Yesu a vitana la'va khume na vabidri; a sungula ku va ruma ha

vabidri, n'a va nyiki ntamu wa ku hlula mimoya le'minfani; a va leleta leswaku va
nga teki ntxhumu xa ndlela, loko yi nge nhonga ntsena; va nga teki kati, ni nkwama,
ni mali amabandini; a ve ku yambala tintangu, kambe va nga yambali minkhantxu
mibidri. A yengeta a ku ku vone: Hinkwaku lomu mi taka nhingena ndlwini,
trhamisani kone, nwi kondra nwi suka kone. Na kone, loko a munwe mbangu wu
yala ku nwi yamukela ni ku nwi yingiseta, sukani kone, nwi phumuna ntrhuri lo'wu
nga milengeni yenu, byiva vumboni ku vone. Kutani va famba, va ya khongotela
vhanu leswaku va ndruluka, na kone va hlongola mademona l'a manyingi, va tota
timbabyi ta ku tala hi mafura, va ti hanyisa.
Ritu dra Huluxu!
NSONTO YA WU KHUME NI NTHLANU NA YINWE KU NKAMA

WA NTOLOVELO
Primeira Leitura: Jeremias 23, 1-6.
Introdução:
Xikwembu Nkulukumba, na a sola avarangeli va xitrhungu xa Israel a hlaya
leswaku ata va susa ava a beka varangeli vanwana, lava va taka byisa avana va Israel
hi nfanelo. Ntlhanta-kubidri, a tivisa leswaku, alixakeni dra Davida, ku ta pswaliwa
Hosi Yesu Kriste lw'a taka fuma hi la ku nga heliki.
Yili Hosi: Yowee vone vabyisi la'va honaka, la'va hangalasaka ntlhambi wa vudelo
bya nga, ku hlaya Yehova. Hi leswo-ke, a hlaya swoswo Yehova, Xikwembu
Nkulukumba wa Yisrael, ha vabyisi la'va byisaka tiko dra nga: Nwi hangalasi
ntlhambi wa nga, nwi wu hlongola, a nwi tikaratanga ha wone; lavisani, ndri ta
tlhelisela ku nwine hi vubihi bya mintiro yenu, ku hlaya Yehova. Kutani mine, ndri
ta hlengeleta le'swi saliki swa ntlhambi wa nga amatikweni hinkwawu lomu ndri wu
hlengeliki kone, ndri swi tlhelisela vudelweni bya vu; swi ta beleka swi yandra. Ndri
104
105
ta swi nyika vabyisi la'va taka swi byisa; swi nga ha txhavi swi nga ha rurumeli, ku
nga ha pfumaleki ni xinwe ku swone, ku hlaya Yehova.
Lavisani, ku hlaya Yehova, amasiku ma ta lawa ndri taka pfuxela Davida ha wone
ahluke dra ku lulama, a ta yavanyisa hi nfanelo ni hi ku lulama atikweni. Amasikwini
ya kwe, Yuda a ta huluxa, na ye Yisrael a ta trhamiseka, hi drone avito dra kwe ledri
va taka mu txhula ha drone: Yehova, aku lulama kweru.
Ritu dra Hosi!
Psalma: 22(23), 1-3a. 3b-4. 5. 6.
Ntekelelo: Yehova mubyisi wa nga:

A ndri pfumali ntxhumu.
1 - Yehova mubyisi wa nga; a ndri pfumali ntxhumu.

A ndri wisisa wudelweni le'bya lihlaza,
A ndri fambisa matini la'ya ku rula.
A hanyisa hika dra nga.
2 - A ndri fambisa mintileni ya ku lulama

Hikola ya vito dra kwe.
Nambi ndra ku famba nkhinsini wa ntrhuti wa ku fa,
A ndri na ku txhava khombo ni drinwe, hikusa u
na mine.
Antxhongotelo wa ku ni nhonga ya ku hi swone
swi ndri miyetaka.
3 - U ndri bekisela tafula mahlweni ka valala vanga;

U tota nhloko ya nga hi mafura;
Antrheko wa nga wa nkhapa.
4 - Kunene, le'swinene ni lirere swi ta ndri landrela

hi masiku hinkwawu ya ku hanya kwanga;
Kutani ndri ta trhama ndlwini ya Yehova hi masiku.
Introdução:
Yesu Kriste, hikola ka lifo dra kwe, atlhanganisile avayuda ni vamatiko va va
xitrhungu xinwe andreni ka Kereke, lani a va nyikaka a ku hanya hi ntwananu ni
kurula, malhweni ya Nkulukumba.
105
106
Vamakweru: Ha Kriste Yesu, nwine lava faka mi kule, kutani nwi trhindrekelile hi
ngati ya Kriste. Hikusa yene i ku rula kweru, lweyi a nga yentxa swibidri swiva
swinwe, hi ku hahlula khumbi dra la makari ledri faka dri travukanyisa, hi leswi a
nga helisa hi nyama ya kwe le'swi nga vanga wulala, wu nga nau wa swileleto, lo'wu
yimiki hi swihila, akuva a hamba lavu vabidri amhunu munwe lwe mumpswa hi ku
yentxa kurula; nakone ata tlhanganisa lavu vabidri va va miri minwe ku Xikwembu
Nkulukumba hi xihambano lexi a hetiki a wulala ha xone. A tile a ta ta drungula
Ivangeli dra kurula, ku nwine lava faka nwi kule ni ku lava faka ve kusuhi; hikusa
ha yene hi kumi ndlela ya ku trhindrekela, hi vubidri byeru hi moya munwe, ku
Tatana.
Ritu dra Hosi!
Aleluya! Aleluya!
Atihamba ta nga ti yingela ritu dra nga,
Na mine ndra ti tiva;
Ta ndri landra.
Introdução:
Yesu hi yene amubyisi lwe'nene wa tihamba ta kwe, kambe ku lava a
vahlawuliki akuva va mu pfuna antiru wa wubyisi, awa switiva ku va nyika nkama
wa ku wisa, ni wa ku ti nyiketa a dondrweni ya ku yeta, akuva antiru wu ta bindrula
swinene.
Ku nkama luwa, avapostolo va hlengeletana ku Yesu va mu drungulela hinkwaswu

leswi va swi tiriki, ni leswi va swi dondrisiki. Aku ku vone: Tanani nwine swenu
ambangwini wa mananga, nwa ta wisa kutrongo. Hikusa a vhanu la'vanyingi afa va
ta, vanwana va suka, la'kakuva va nga kumi na nkama wa ku da. Kutani va suka hi
byatrhu, va ya ku mbangu wa mananga, na ve swavu. Kambe la'vanyingi va va vona
loko va famba, va va tiva kutani va trutrumela kone hi milenge, va pfa mitini
hinkwayu, va ya, va rangela. Aku a wa huma Yesu a vona xitrhungu le'xikulu, a xi
twela vurombe hikusa afa xi fana ni tihamba le'ti ngeke na mubyisi; a sungula ku va
dondrisa le'swa ku tala.
Ritu dra Huluxu!
106
107
NSONTO YA WU KHUME NI NTHLANU NA TIBIDRI KU

NKAMA WA NTOLOVELO
Primeira Leitura: II Reis 4, 42-44.
Introdução:
Abuku dra vubidri dra Tihosi hita ka dondra swoswi, dri hi drungulela
amhaka ya ku yandrisiwa ka makati, ankameni wa Muprofeta Elixa akuva xitrhungu
xa Yisrael xi kuma kuda xi xura, leswi kombaka alirandru dra Nkulukumba ku vana
va kwe. Nakone leswi ifa xi li xikombiso xa Sacramento dra Eucaristia, ledri Kriste
a dri yentxiki hi siku dra xilalelo xa Paska.
Dondro ya Buku dra Vubidri dra Tihosi:
Ku tlhasa mhunu lw'a pfaka Baal-Xalixa, a buyisela mhunu wa Xikwembu

Nkulukumba makati ya swirangana, makati ya makume mabidri ya sevada ni swa
nwevu ankameni wa kwe. A ku: Nyika vhanu va da. Anandra wa kwe a ku: O! Ndri
ta phamela dzana dra vhanu hi leswi xana? A ku: Nyika vhanu va da; hikuva Yehova
a hlayile a ku: Va ta da swi sala. Kutani a va phamela va da; kutani swi sala,
swang'eswi Yehova a hlayisiki xi-swone.
Psalma: 144(145), 10-11. 15-16. 17-18.
Ntekelelo: U pfula voko dra ku, Yehova

U xurisa ku navela ka mintxhumu
hinkwayu le'mi hanyaka.
1 - Amintiro ya ku hinkwayu mi ta ku twalisa Yehova.

Ni tinsasi ta ku ti ta ku nkhensa.
Ti ta vulavula hi ku twala ka nfumu wa ku,
Ti drungula ntamu wa ku.
2 - Amahlu ya swivumbiwa hinkwaswu ma lavelela wene,

Wene u swi nyiki swa ku-da swa swone hi nkama
wa kone.
U pfula voko dra ku,
U xurisa ku navela ka mintxhumu le'mi
107
108
hanyaka hinkwayu.
3 - Yehova a lulamile atindleleni ta kwe hinkwato;

A ni lirere mintirweni ya kwe hinkwayu
Yehova a le kusuhi ni hinkwavu la'va mu vitanaka,
Ku hinkwavu la'va mu vitanaka hi swinene.
Introdução:
Avukriste byi hi sindrisa a ku hanya alirandrwini, hikusa hinkweru hi swiro
swa miri minwe, dri nga Kereke, hinkweru hi yamukeli likholo drinwe, hi fumiwa
hi Hosi yinwe, hi va gandreli va Nkulukumba munwe, kambe akuva swi ta va tano
ku djuleka hiva vhanu va ku titrongahata, ni ku tipimela ni ku randrana.
Vamakweru: Ndra nwi khongota, mine, lwe ndri nga mubohiwa Hosini, akuva nwi
ti fambela hi laha swi fanelaka avitiwo ledri nwi vitaniwaka ha drone, nwiva ni ku
titrongahata hinkwaku, ni ku nabyala hinkwaku, ni ku leha ka mbilu, nwi byatrhana
hi lirandru, nwi khinyela ku bekisa vumunwe bya Moya hi pindra dra kurula. Ku ni
Miri minwe ni Moya munwe, swanga hi leswi nwi vitaniwelaka akudumbeni kunwe
ka vitiwo drenu. Hosi i yinwe, ni ku pfumela i kunwe, ni bapatiso i drinwe;
Xikwembu Nkulukumba i munwe, a nga Tatana wa hinkwavu lw'a nga henhla ka
hinkwavu, ni le makari ka hinkwavu, ni le ndreni ka hinkwavu.
Ritu dra Hosi!
Aleluya! Aleluya!
Amuprofeta lwe nkulu a vonekile amakari kweru;
Xikwembu Nkulukumba a drunguli xitrhungu
xa kwe.
Introdução:
Yesu Kriste, hi ku yandrisa makati ni tinhlapfi a kombisa avukulukumba bya
kwe ni vumbilu bya kwe ku xitrhungu lexi afaka xi mu landra hi ku randra ku yingela
a ritu dra kwe; ntlhanta kubidri a va bekeli axitiviso xa Kati dra vutomi lebri nga
heliki a dumbisiki ku va hanana drone, dri nga kati dra miri ya kwe ni ngati ya kwe
108
109
lomu ka Sacramento dra Eucaristia.
Ku nkama luwa, Yesu a suki a wela nambu wa le Galilea, wu nga Tiberias. Afa
xitrhungu le'xikulu xi mu landra, hikusa afa va voni swikombiso leswi a swi yentxiki
ku timbabyi. Kambe Yesu a ntlhantukela nhaveni a trhamisa kone kunwe ni
vadondrisiwa va kwe. Kambe Paska, dri nga festa dra va Yuda, afa dri kusuhi. hi
leswo-ke Yesu ku ti loko a tlakuxi mahlu ya kwe, a voni leswaku axitrhungu
le'xikulu xi ta ku yene, a ku ku Filipi: Xana hi ta xava kwini a makati, akuva lava va
ta da xana? kambe afa a hlaya leswo ku ku mudringa; hikusa yene afa a tiva leswi a
djulaka ku yentxa swone. Filipi a mu yangula a ku: Amakati ya madzana mabidri ya
vadenari ma nga ka ma nga yaneli ku munwana ni munwana a yamukela
le'switrongo. Amunwana wa vadondrisiwa va kwe, Andreas, makw'a Simon Petros,
a mu byela, aku: Ku na ndrisanyana munwe haleno a nga na ntlhanu wa makati ya
sevada na tinhlampfi tibidri; kambe swi nga va yini ku la'va ku tala va ku nhati xana?
Kambe Yesu a ku: Trhamisisani vhanu. Afa kuni byanyi le'byinyingi ambangwini
lowo. Avavanuna lavo va ku trhamisa, antalo wa vu wu djula ku tlhasa ku ntlhanu
wa makume ya madzana. Yesu a teka makati; ku ti loko a tlhangelile, a nyiketa la'va
trhamisiki; hi swoswo na to tinhlampfi, hinkwaswo leswi va swi randraka. Loko va
xurile, a ku ku vadondrisiwa va kwe: Hlengeletani swibuwu le'swi saliki akuva ku
nga txhuki ku lahleka ntxhumu. Va hanga swi hlengeleta, va tata khume dra
swihundru na swibidri hi swibuwu swa makati ya sevada ya ntlhanu, le'swi saliki ku
la'va diki. Hi leswo-ke, avhanu la'va voniki xikombiso le'xi tiriwiki hi yene, va ku:
Lweyi, kunene, i muprofeta lweyi a faneliki ku ta misaveni. Yesu, loko a tiva
leswaku va djula ku ta mu wutla, va mu yentxa Hosi, a tlhela a muka nhaveni ha
swa-kwe.
Ritu dra Huluxu!
NSONTO YA WU KHUME NI NTHLANU NA TIRARU KU

NKAMA WA NTOLOVELO
Primeira Leitura: Ex. 16, 2-4. 12-15.
Introdução:
Avana va Yisrael, loko va tlhasi anhaveni ya Sinai, hi ku karala hi nfambu ni
hi ku yingela ndlala, va sunguli ku nununutela Moxe na Aroni; kolahu Xikwembu
Nkulukumba hikola ka vumbilu byakwe, a va yentxeli amahlolana ya ku va hanana
swakuda swa mana ni nyama ya tikungu, akuva va ta swi tiva leswaku yene i Tatana
lwe'nene.
109
110
Ku masiku lawaya, a nhlengeletanu ya vana va Yisrael hinkwayu, yi nununutela

Moxe na Aroni a huleni. Avana va Yisraelva ku vone: Ingi nha he ku fa hi voko dra
Yehova atikweni dra Egipta, lomu faka hi trhama tinhlembetweni ta nyama lomu
faka hi da vuswa hi xura! Hikusa nwi hi humexi, nwi hi tisa huleni ledri, akuva nwi
dlaya nhlengeletano leyi hi ndlala. Kolahu Yehova a ku ku Moxe: Lavisa, ndri ta
nwi nisela vuswa le'bya ku pfa tilweni; vhanu va ta huma va hlengeleta le'byi
yanelaka siku drinwana ni drinwana, akuva ndri va dringa, loko nha va ta famba hi
nau wa nga, kumbe swi nge swone. Moxe, aku: Ndri yingeli ku nununutela ka vana
va Yisrael; va byele, u ku: Amadambyeni nwi ta da nyama, amixweni nwi ta xura hi
vuswa; nwi ta swi tiva leswaku ndri Yehova, Xikwembu Nkulukumba wenu. Ka ku
hi le madambyeni, atinkungu ta ku huma, ti fukumeta minxaxa. Amixweni ambere
afa yi wile yi trandreli minxaxa. ka ku ku ntlhantlheka mbere le faka yi wile, lavisani,
ahenhla ka hula afa ku na ni leswi swanga tinhlekenyana, leswi swanga xi trhwathwa
amisaveni. Avana va Yisrael va ku va swi vona, va ku byelana, va ku: I ntxini lexi!
Hikusa afa va nga swi tiva leswaku i ntxini. Moxe a ku ku vone: Lexi, hi vuswa lebyi
Yehova a nwi nyikaka byone akuva nwi da.
Ritu dra Hosi!
Psalma: 77(78), 3. 4bc. 23-24. 25. 54.
Ntekelelo: Yehova a va nyiki mavele ya tilu.
1 - Leswi hi nga swi yingela, leswi hi swi tivaka,

Leswi a vatatana veru va nga hi byela swone,
Aswidumbiso swa Yehova, ni ntamu wa kwe
Ni swihlamaliso swa kwe leswi a nga swi yentxa.
2 - A leleti amatlavi ahenhla,

A pfuli tinyangwa ta tilu;
A va nisela mana, swi va swa-ku-da swa vu
A va nyika mavele ya tilu.
3 - Hinkwavu va di swa-ku-da swa la'vakulu

A ruma swa-ku-da ku vone akuva va xura.
A tisa ntremanweni wa kwe lo'wa ku xwenga.
Anhaveni leyi avoko dra kwe le'dra xinene a
faka dri yi kumile.
110
111
Segunda Leitura: Ef. 17. 20-24.
Introdução:
Aku trakamisiwa i ku pswaliwa a vutomini le'byimpswa. Amukriste a
sindrisiwa ku txukumeta a mahanyela ya khale, ya vuhedeni, a teka mahanyela ya
mhunu lwe'mumpswa anawini wa Yesu Kriste.
Vamakweru: Ndri hlaya leswi, ndri tiyisa Hosini, ndri li: Nwi nga txhuki nwa ha
famba swanga hi va-matiko, la'va fambaka a miyanakanyweni ya vu ya swa ku ka-
ndlela; kambe nwine a nwa dondranga Kriste xiswoswo, loko nha nwa mu
yingisetile, nwa dondrisiwi hi yene (swanga h'eswi axihlayelamfuri xi nga ku Yesu);
leswaku loko ku li ku famba kwenu ka khale, nwi txukumeta mhunu wa khale, lw'a
honekaka hi ku navela ka ku kanganyisa, nwi va la'vampswa amoyeni wa ku
yanakanya kwenu nwi yambala mhunu lwe mumpswa, lw'a vumbiwiki hi xifaniso
xa Xikwembu Nkulukumba, aku lulameni ni ku xwengeni ka xihlayelamfuri.
Ritu dra Hosi!

Aleluya! Aleluya!
Amhunu a nga ka a nga hanyi ha kati ntsena,
kambe hi ritu hinkwadru le dri humaka nonweni
wa Xikwembu Nkulukumba.
Introdução:
Axitrhungu lexi faka xi landrela Yesu, loko yene a xiyandrisela swakuda afa
xi nga ha djuli ku mu trika; kolahu, Yesu a londrovoti ku xi dondrisa leswaku ku
djuleka xone xi hitekela a pawu dri mbeni, ledri nyikaka a vutomi le'byi nga gamikiki
a pawu dra Ritu ni dra Sacramento dra Eucaristia.
Ku nkama luwa, loko-ke a xitrhungu xi vona leswaku Yesu a nge he kone, nambi ve
vadondrisiwa va kwe, va ku nhingena mabyatrhwini na vone, va ya Kapernaum, va
111
112
ya djula Yesu. Ku ti loko va mukumi ku tlhelo drinwana dra nambu, va ku ku yene:

Rabbi, xana wa tlhasi drini lomu? Yesu a yangula a ku ku vone: Ndri hlayelamfuri,
ndri li ku nwine leswaku nwa ndri djula, ku nge hi leswi nwi nga vona swikombiso,
kambe hi leswi nwi nga da makati nwi xura. Tirelani swa-ku-da swi nge swa-ku-da
le'swi lahlekaka, kambe swi swa-ku-da leswi trhamaka avutonwini le'byi nga
helikiki, leswi Nwana wa mhunu a taka nwi nyika swone. Hikusa Tatana, Xikwembu
Nkulukumba, a mu fungile. Va hanga mu byela va ku: Xana hi ta yentxa yini ku tira
mintiro ya Xikwembu Nkulukumba xana? Yesu a va yangula a ku ku vone: A ntiru
wa Xikwembu Nkulukumba hi wolowu, leswaku nwi pfumela ku lwe a mu rumiki.
Va hanga ku ku yene: Xana u tira xikombiso xihi xana, akuva hi ta xi vona, hi ta
pfumela ku wene? Xana u tira yini? Avatatana veru va di mana huleni swanga h'eswi
ku traliwiki leswaku: A va nyiki ku da kati le'dri humaka tilwini. Yesu a va byela a
ku: Ndri hlayelamfuri, ndri li ku nwine: Moxe a nga nwi nyikanga kati le'dri humaka
tilwini; kambe Tatana a nwi nyika kati le'dri humaka tilwini le'dri nga drone. Hikusa
a kati dra Xikwembu Nkulukumba hi le'dri xikaka tilwini, le'dri nyikaka vutomi
misava. Va hanga ku ku yene: Hosi hi nyike masiku hinkwawu a kati droledro.
Kambe Yesu a va byela a ku: Hi mine kati dra vutomi. Lweyi a taka ku mine, a nga
vi na ndlala; ni lweyi a pfumelaka ku mine, a nga vi na tora, ni siku ni drinwe.
Ritu dra Huluxu!
NSONTO YA WU KHUME NA TLHANU NA MUNE KU NKAMA

WA NTOLOVELO
Primeira Leitura: I Reis, 19, 4-8.
Introdução:
Hikola ka kuva a musomboloki Izebel, ansanti wa Akhab, Hosi ya Yisrael, a
hlota Eliya akuva a ta mu hamba vubihi, Eliya a ti fambela antrungeni a kongoma
ku wunwe ntrunga lowu va liki i Horeb, wa nhava ya Sinai. Mphamu wunwe ntsena
lowu a Ntrumi ya Xikwembu Nkulukumba yi mu buyiseliki wu dringanile a ku
famba mpfuka hinkwawu. Na xone xilalelo xa Hosi, xi tanu: Xi hi nyika antamu wa
kuva ku hitekeni kweru hi kota a ku ndruluta amatramela ya vumhunu bya misava
hi teka a matramela ya huluku lawa ma taka hi tlhasisa ku Xikwembu Nkulukumba.
Dondro ya Buku dra ku Sungula dra Tihosi:
Ku masiku lawaya, Eliya yene a famba siku drinwe ahuleni, a ya a trhamisa

hansi ka ximurana, a ti kombelela kufa a ku: Swi dringanile! Swoswi, Yehova, susa
ahika dranga hikusa a ndri tlule vatatana va nga hi vunene. A tilata a yetlela vurongo
a hansi ka ximurana. Kutani, lavisani, a xirunwa xi mu khumba xi ku ku yene: Pfuka
112
113
u da. A lavisa a vona hi le nhlokweni ya kwe a katinyana le'dri woxiwiki ahehla ka

maribye la ma hisaka ni khuwana dra mati. A ha nga da, a nwa, a tlhela a yetlela.
Axirunwa xa Yehova xi tlhela xi ta ka vubidri xi mu khumba xi ku: Pfuka u da,
hikuva anfambu waku wu lehi ngopfu ku tlula ntamu wa ku. A pfuka a da, a nwa;
kutani hi ntamu lowu a wu kumiki aswa-ku-deni leswo a famba mune wa makume
ya masiku ni mune wa makume ya vusiku, a ya tlhasa a Horeb, yi nga nhava ya
Ritu dra Hosi!
Psalma: 33(34), 2-3. 4-5. 6-7. 8-9.
Ntekelelo: Nampswani, nwi vona leswaku Yehova

i munene.
1 - Ndri ta khensa Yehova hi minkama hinkwayu,

Axidrumisu xa kwe xi ta va nonwini wa nga hi masiku
Ahika dra nga dri ta ti twalisa ha Yehova
La'va ti trongahataka va ta swi yingela va trhava.
2 - Kulisani Yehova kunwe na mine, a hi twaliseni kunwe

avitu dra kwe.
Ndri djulileYehova kutani a ndri yangulile.
A ndri huluxile ku trhaveni kwa nga hinkwaku.
3 - Lw'a lavisaka ku yene i wa mu vaningela,

Kutani tingana ti nga ve kone mombyeni wa kwe
Amuxaniseki lweyi a khongotile,kutani Yehova a
mu yingela,
A mu huluxa ku xanisekeni kwa kwe hinkwaku.
4 - Axirunwa xa Yehova xi trandrela la'va mu txhavaka

Kutani xi va tirula.
Nampswani, nwi vona leswaku Yehova i munene.
A ni ndjombo mhunu lweyi a trhavelaka ku yene.
Segunda Leitura: Efésios 4, 30--5,2.
Introdução:
Aku pfumela ku Xikwembu Nkulukumba a hi ku mutiva ntsena. Lwe a
pfumelaka ku Xikwembu Nkulukumba a sindrisiwa akuva a tiva a ku fakaza a
likholo dra kwe hi ku bekisa a mahanyela ya vukriste lawa ma ta ka mu ntlhantlha
ka mapindra ya vukwele mava ma mu nhingenisa a nfunwini wa lirandru swanga ha
113
114
Xikwembu Nkulukumba lwe a nga nhlovo ni xifaniso xa lirandru.
Dondro ya Papela dra S. Paulo ku va-le-Efesa:
Vamakweru: Mfuri nwi nga hlunamiseni Moya lo'wa ku Xwenga wa

Xikwembu Nkulukumba, lowu nwi nga fungiwa ha wone, hikola ka siku dra ku
tiruliwa. A xiviti hinkwaxu ni tihanyi ni mahlundru ni pongwe ni swifingeto a swi
susiwe ku nwine, kunwe ni mona hinkwawu. Vanani la'va pfunanaka swanga hi
leswi na ya Xikwembu Nkulukumba, a nga nwi drivalela ha Kriste. Nwi va nwi
famba hi lirandru swanga h'eswi Kriste a nga nwi randra, a nga ti nyiketa hikola
kwenu, yi nga mhamba ni gandrelo le'dri nuhelaka ku Xikwembu Nkulukumba.
Ritu dra Hosi!

Aleluya! Aleluya
Mine ndri kati le'dri hanyaka, le'dr pfaka tilwini,
ku hlaya Hosi, Lwe a daka a kati ledri a ta hanya hi
la ku nga heliki!
Introdução:
A mahlweni ya swisandru ni vununununu bya va yingiseti va kwe Yesu a
phikelela hi ku hlayisisa leswaku yene "i kati le'dri xikiki hi le tilwini". Lwe a ta ka
da drone, a ta hanya hi la ku nga heliki tani hi ma tumbulukela ya kati ledro, byi nga
vutomi bya ku ka vugamu. Kasi ke, a kati ledro yo va yone a miri ya Hosi.
Ava-Yuda afa va nununutela hikola ka leswi a va byeliki a ku: Hi mine a kati

le'dri xikiki tilwini; afa va hlaya va ku: Xana yelweyi a hi Yesu, nwan'a Yosefa,
lweyi hi tivaka a tatana wa kwe ni mamana wa kwe? Xana a nga hlaya ha yini
leswaku: ndri xiki tilwini. Yesu a va yanguliki a ku ku vone: Nwi nga txhuki nwi
nununutela. Aku na mhunu lweyi a nga ta ka ku mine loko Tatana lw'a ndri rumiki
a nga mu kokeli ku mine; kutani mine n'ta mu pfuxa hi siku dra vugamu. Ku traliwile
a mabukwini ya vaprofeta: Hinkwavu va ta dondrisiwa hi Xikwembu Nkulukumba.
Mani na mani lweyi a yingisetaka Tatana, ni ku dondra ku yene, a ta ku mine. A hi
leswaku mhunu a voni Tatana, loko a nge lweyi a pfaka ku Xikwembu Nkulukumba.
Yene a voni Tatana. Ndri hlayelamfuri ndri li ku nwine: Lweyi a pfumelaka ku mine,
a na ni vutomi le'byi nga gamikiki. Hi mine kati dra vutomi. Ava tatana venu va dile
114
115
manna huleni, kutani va file. Hi droledri a kati le'dri xikaka tilwini, akuva loko
mhunu a da drone, a nga fi. Hi mine kati le'dri hanyaka le'dri xikiki tilwini. Loko
mhunu a da kati ledri, a ta hanya hi laha ku nga helikiki; kutani a kati ledri ndri ta
ka nyika drone, hi nyama ya nga leyi ndri ta ka nyika hikola ka vutomi bya misava.
Ritu dra Huluxu!
NSONTO YA WU MAKHUME MABIDRI KU NKAMA WA

NTOLOVELO
Primeira Leitura: Provérbios 9, 1-6.
Introdução:
A Buku dra Maproverbia dri kanela hi vutlhari bya Nkulukumba, a nga yene
Xikwembu Nkulukumba ha bya kwe a rambaka a vhanu a ku trhindrekela va da
ankhumbyini wa kwe. I xifaniso xa Kriste lweyi a yakiki a Kereke, le'dri yavelaka a
miri ni ngati ya kwe, ku fana ni swa-ku-da leswi swi nyikaka a ntamu ku lwe a nga
xisiwana moyeni.
Dondro ya Buku dra Maproverbia:
Avutlhari byi yaki yindlu ya byone, byi vatli timhandre ta yone ta ntlhanu na tibidri;
byi tlhavi tihomu ta byone, byi patranyeta vuvinya bya byone; byi bekisi tafula dra
byone. Byi rumi vanwhanyana na byone, byi yimi switrungeni swa muti, byi
bandlukana byi ku: Mani na mani lw'a pfumalaka vutivi a a hambukele haleno. Ku
la'va pfumalaka ku yanakanya, byi ku: Tanani, nwi da swa-ku-da swa nga, nwi nwa
vuvinya le'byi ndri byi patranyetiki. Trikani vuhunguki, nwi ta hanya, nwi famba
ndleleni ya ku yingelisisa.
Ritu dra Hosi!
Psalma: 33(34), 2-3. 10-11. 12-13. 14-15.
Ntekelelo: Nampswani nwi vona leswaku Yehova i

munene.
1 - Ndri ta khensa Yehova hi minkama hinkwayu,

Axidrumiso xa kwe xi ta va nonwini wa nga hi masiku;
Ahika dra nga dri ta ti twalisa ha Yehova;
2 - Txhavani Yehova nwine tinsasi ta kwe,

Hikusa akuna lexi va xi pfumalaka la'va mu txhavaka.
115
116
Atindrawunyana ta pfumala, tiva ni ndlala;

Kambe la'va djulaka Yehova a va kiyeli ntxhumu ni
munwe lo'wa hombe.
3 - Tanani vana, ndri yingelani:

Ndri ta nwi dondrisa ku txhava Yehova.
Hi wini mhunu lw'a navelaka ku hanya
Lw'a randraka masiku ya ku da tindjombo.
4 - Txhavisa lidrimi dra ku ku le'swinfani,

Ni milomu ya ku a ku hlaya maritu ya ku kanganyisa.
Fularela le'swa ku biha, u yentxa le'swa hombe;
Djula kurula u ku landrelela.
Introdução:
A mukriste wini na wini, ani nfanelo ya ku khenga a mintiru ya vusomboloki,
a ku fana ni vupopswi byi nga nsinya wa ku beleka anhlomulo. A mukriste a fanela
a ku djula ni ku hamba a ku randra ka Xikwembu Nkulukumba, a ti kombelela ku
Moya lo'wa ku Xwenga leswaku wu tala a hikeni dra ke, ni kuva a minkameni
hinkwayu wu mu kongometa a Hosini kumbe a xikhongotweni xikanwe ni
vamakwavu kumbe axikhongotweni xa xihundla, a ti kombelela a va a tlangela a
timpswalu ta Xikwembu Nkulukumba.
Vamakweru: Tivonelani kolahu, nwi famba hi ku lulama swinene, nwi nga fambi
swanga masinge, kambe swanga hi la'va ku tlhariha; tamelisisani nkama, hikusa
masiku a mafani. Hi leswo-ke, nwi nga veneni masinge vanani la'va yingelisisaka
ku randra ka Hosi. Na kone, nwi nga popsweni hi vuvinya, lebyi kungani xifi ku
byone; kambe talani hi Moya swi kanelisana ni mapsalma, ni mahuvo, ni tinsimu ta
Moya, nwi yimbelela, nwi khensa atimbilwini tenu ku Hosi, nwi tlangela hi
minkama Xikwembu Nkulukumba, Tatana, hikola ka hinkwaswu hi vitu dra Hosi
Yeru Yesu Kriste.
Ritu dra Hosi!
116
117
Aleluya! Aleluya!
Lw'a daka a Miri ya nga anwa ni Ngati
ya nga a trhama ku mine na mine ni trhama
ku yene, ku hlaya Hosi.
Introdução:
Yesu a tlhela a kandrakanya hi mahlayela ya mpfumawulo leswaku a kati
le'dri dri xika hi le tilweni, ledri a ta ka va nyika drone, hi yene ha bya kwe, i nyama
ya kwe ni ngati ya kwe. I swakuda le'swi nyikaka avutomi le'byi nga heliki, na kasi
hi manna, apfa ku nga huluki mhunu a ku feni. Yesu apfa a hlaya a timhaka leto na
a kongometa a xilalelo a nga Eucaristia.
Ku nkama luwa, Yesu a ku ku xitrhungu: Hi mine kati le'dri hanyaka, le'dri xikiki
tilwini. Loko mhunu a da kati ledri, a ta hanya hi laha ku nga helikiki; kutani a kati
ledri ndri ta ka nyika drone, hi nyama ya nga, leyi ndri ta ka nyika hikola ka vutomi
bya misava. Avayuda afa va kanetana, va ku: Xana lweyi a nga hi nyikisa ku yini a
nyama ya kwe hi yi da! Yesu a va byela a ku: Ndri hlayela mfuri ndri li ku nwine:
Loko nwi nga di nyama ya Nwana wa mhunu, nwi nga nwi ni ngati ya kwe, a nwi
na vutomi andreni kwenu. Lweyi a daka a nyama ya nga, a nwa ni ngati ya nga, a na
ni vutomi le'byi nga helikiki; kutani mine n'ta mu pfuxa hi siku dra vugamu. Hikusa
a nyama ya nga i swakuda swinene, ni ngati ya nga i swakunwa swinene. Lweyi a
daka nyama ya nga, a trhama ku mine, na mine ku yene. Swanga heswi Tatana, lw'a
hanyaka a ndri rumiki, na mine ndri hanyaka ha Tatana, na yene lw'a ndri daka, a ta
hanya ha mine na yene. Hi drone a kati le'dri xikiki tilwini; a swi fani ni leswi a
vatatana venu va nga da manna, kutani va fiki: Lw'a daka kati ledri, a ta hanya hi la
ku nga helikiki.
Ritu dra Huluxu!
NSONTO YA WU MAKHUME MABIDRI NA YINWE KU NKAMA

WA NTOLOVELO
Primeira Leitura: Josué 24, 1-2a, 15-17. 18b.
Introdução:
Va tlhasi a tikweni ledri faka va dumbisiwi drone, na ve kari va byisiwa ha
Yehoxua. A vana va Yisrael va ti bekela a xifungu xa ku dumba a Xikwembu xa vu
ni ku pfuxeta a xipfumelelwanu xa le nhaveni ya Sinai: Hi ku drimuka leswi a Hosi
yi va pfunisiki xiswone, va funga a ku yi tirela.
117
118
Dondro ya Buku dra Yehoxua:
Yehoxua a ku hlengeleta a tinxaka ta Yisrael hinkwatu a xekem a vitana ni vakulu

va Yisrael ni venyi va mindangu ya vu, ni vatremi va vu ni tindruna ta vu; va ti
humelelisa mahlweni ka Xikwembu Nkulukumba. Yehoxua a ku ku vhanu
hinkwavu: Loko nha swi bihile ku nwine aku tirela Yehova, namunhla ti langelani
lwe nwi ta ka tirela yene, kumbe swikwembu leswi a vatatana venu va nga swi tirela,
leswi a faka swi halahaya ka Nambu, kumbe swikwembu swa va-Amori, lava nwi
trhamiki a tikweni dra vu; loko ali mine ni yindlu yanga hi ta tirela Yehova. Avhanu
va yangula va ku: A swi ve kule na hine a ku trika Yehova, hi ya tirela swikwembu
swimbeni. Hikuva Yehova, Xikwembu Nkulukumba weru, hi yene a nga hi humexa
tikweni dra le Egipta, andlwini ya vukarawa, hine ni vatatana veru, a yentxa
mahlolana la'makulu lawo a malweni kweru, a hi mpfenkela andleleni hinkwayu
le'hi nga famba ha yone, ni le makari ka matiku hinkwawu lawa hi nga khaluta ku
wone. Na hine hi ta tirela Yehova; hikusa hi ye Xikwembu Nkulukumba weru.
Ritu dra Hosi!
Psalma: 33(34), 16-17. 18-19. 20-21. 22-23.
Ntekelelo: Nampswani nwi vona leswaku Yehova i

munene.
1 - Ndri ta khensa Yehova hi minkama hinkwayu.

Axidrumisu xa kwe xi ta va nonwini wa nga hi masiku
Ahika dra nga dri ta twalisa ha Yehova
2 - Amahlu ya Yehova ma lavisa valulami,

Atindleve ta kwe ti pfulekeli ku huwelela kwavu
Aliso dra Yehova dri pondroleli la'vanfani
Aku susa ku yanakanyiwa kwa vu misaveni.
3 - Yehova a le kusuhi ni la'va ngani mbilu le'ya ku

trhoveka,
A huluxa la'va nga ni moya lo'wu ti trongahataka.
Amakhombo ya mululami i manyingi,
Kambe Yehova a mutirula ku wone hinkwawu.
4 - A bekisa marambu ya kwe hinkwawu,

A ku na le'dri trhovekaka ni drinwe.
Akhombo dri ta dlaya lwe'nfani,
118
119
Mfuri la'va hambulaka mululami va yavanyisiwa.
5 - Yehova a tirula amahika ya malandra ya kwe

La'va txhavelaka ku yene hinkwavu va nga
yavanyisiwe.
Introdução:
A ntlhanganu wa nuna ni nsati wu fanekela ku va xikombiso xa ntlhanganu
wa Yesu ni Kereke dra kwe. Akuva swi tava tanu ku djuleka avatekani va tiva a ku
ti beka hansi hi vubidri bya vu, hi vuntanga bya tinfanelo, amahlweni ya Kriste.
Amatrhamela lawa, ma va byisa hi vubidri na munwana ni munwana, a kongoma
xitrhanwini le'xi mu lumbaka a xikari ka nhlengeletanu.
Vamakweru: Titrongahatani vanwe a hansi ka vanwana aku txhaveni ka Kriste.

Vavasati, yingisetani ntshima ya vanuna venu, swanga hi loko nwi yingiseta Hosi.
Hikuva a nuna i nhloko ya nsati, swanga ha Kriste a nga nhloko ya Kereke, yene
lw'a nga Muhuluxi wa miri; kambe swanga hi leswi Kereke dri yingisetaka Kriste,
hi swoswo na vo vavasati a va yingiseti vanuna va vu atimhakeni hinkwatu.
Vavanuna, randrani vasati venu, swanga hi leswi Kriste na yene a nga randra Kereke,
a va a tinyikela drone, akuva a dri xwengisa a dri basisiki a ku nhlampsweni ka mati
hi ritu, akuva a ti humexela drone dri va Kereke dra ku phatima, le'dri nge ke na bati
ni nkonyo, nambi xa kuva xa ntxhumu le'xa ku nhatu, kambe driva le'dra ku xwenga,
le'dri nge ke na xisandru. Hi leswo-ke avavanuna va fanekelaka ku randra vasati va
vu, swanga hi miri ya vu. Lw'a randraka nsati wa kwe a wa ti randra; hikuva a ku na
mhunu lw'a samaka a venga nyama ya kwe; kambe a wa yi wundla, a wa yi bekisa
swanga ha Kriste a yentxelaka Kereke, hikuva hi swiru swa miri ya kwe. Hikola ka
leswo, amhunu a ta sukela tatana wa kwe ni mamana wa kwe, a namarela ku nsati,
vava nyama yinwe hi vubidri bya vu. Axihundla lexi i xikulu; ndri hlaya xa Kriste
ni Kereke.
Ritu dra Hosi!
Aleluya! Aleluya!
Amaritu ya ku Hosi, i moya ni vutomi;
Uni maritu ya vutomi le'byi nga heliki.
119
120
Evangelho: João 6, (55) 61-70 (60-69).
Introdução:
A maritu ya Yesu hi tlhelo dra kati dra vutomi laha o ko va yene ha bya kwe,
ma sindrisa a ku pfumela ku yene. Xihlayelamfuri xa ku karata a ku xi twisisa, mfuri
xi yaliwaka hi va-Yuda. A vutlhari bya vumhunu ha bya swone, byi nga ka byi nga
twisisi a xihundla xa xilalelo xa Hosi."Tatana o va yene ntsena, lwe a hlawulaka a
vadondrisiwa va Nwana".
Hikusa anyama ya nga i swa-ku-da swinene, ni ngati ya nga i swa-ku-nwa swinene.

La'va ku tala ku vadondrisiwa va kwe va hlaya kolahu va ku: Aritu ledri dra
nononwha; i mani lwey'a nga yingelaka drone? Kambe Yesu a switiviki a ndreni kwa
kwe leswaku a vadondrisiwa va kwe va nununuta hikola ka swone, a ku ku vone:
Amhaka leyi ya nwi khunguvanyisa xana? Nwi ta ku yini kê, loko nwi ta hlalela
Nwana wa Mhunu loko a ntlhantukela lomu faka e kone khale. Amoya hi wone
lo'wu hanyisaka; anyama a yi pfuni ntxhumu. Amaritu lawa ndri nwi byeliki wone,
hi moya ni vutomi. Kambe avanwe va kone ku nwine la'va nga pfumelikiki. Hikusa
Yesu apfa a switiva ni le ku sunguleni leswaku la'va nga pfumelikiki i va mani, ni
leswaku i mani lw'a ta ka mu wonga. Kutani afa a hlaya a ku: Hi laha ndri nwi byeliki
leswaku amhunu a nga swikoti ku ta ku Mine loko a nga nyikiwanga hi Tatana.
Kutani la'vanyingi ku vadondrisiwa va kwe va tlhela ntrhaku, va nga ha fambi na
yene. Hi leswo-ke Yesu a byela la'va khume na vabidri a ku ku vone: Xana a nwi
randri ku suka, na nwine xana? Simon Petros a mu yangula a ku: Hosi, hi ta suka hi
ya ku mani? U na ni maritu ya vutomi le'byi nga helikiki! Na hine hi pfumelile, hi ku
tivile leswaku u Muxwengi wa Xikwembu Nkulukumba.
Ritu dra Huluxu!
NSONTO YA WU MAKHUME MABIDRI NA TIBIDRI KU NKAMA

WA NTOLOVELO
Primeira Leitura: Deut. 4, 1-2. 6-8.
Introdução:
120
121
Moxe a byela xitrhungu xa Yisrael leswaku a ku hetisela a milawu ya Hosi

swi ta hamba a ku tlakuka ni ku phatima. Nyaheke, amilawu ya Xikwembu
Nkulukumba, i ndlela ya vutomi; swi fana ni nawu wa Ivangeli, le'yi nyikaka a
vutomi ni huluku ku lweyi a yi bekisaka.
Dondro ya Buku dra Deutoronoma:
Moxe a khanela ka xitrhungu a ku: Swoswi, we Yisrael, yingela swiyimisu ni

swiyavanyiso leswi ndri nwi dondrisaka swone, akuva nwi swi yentxa; akuva nwi
hanya, nwi nhingena, nwiva ni tiku ledri Yehova, Xikwembu Nkulukumba wa
vatatana venu, a nwi nyikaka drone. Nwi nga vi yengetela ntxhumu ku leswi ndri
nwi leletaka swone, nakone, nwi nga vi pumba ntxhumu ku swone, akuva nwi bekisa
swileleto swa Yehova, Xikwembu Nkulukumba wenu, leswi ndri nwi leletaka
swone. Swi bekisani, nwi swi yentxa, hikuva hi byo vutlhari byeru, hi ko ku
yingelisisa kwenu a mahlweni ka matiku la'ma ta ka yingela swiyimisu leswi
hinkwaswu, va ku: Ha kunene, a tiku le'drikulu ledri, dri ni vutlhari ni ku yingelisisa.
Hikusa hi drini tiku le'drikulu ledri swikwembu swa drone swi nga kusuhi na drone,
swanga hi leswi Yehova, Xikwembu Nkulukumba weru, a nga kusuhi na hine
masiku hinkwawu loko hi mu khongota? Hi drini tiku le'drikulu le'dri nga ni
swiyimisu ni swiyavanyisu le'swi lulamiki, le'swanga hi nawu hinkwawu lowu, ndri
wu bekaka amahlweni kwenu namunhla?
Ritu dra Hosi!
Psalma: 14(15), 2. 3. 4. 5.
Ntekelelo: A ta va mani xana, lw'a ta ka yaka nhaveni

ya ku ya ku xwenga?
1 - Hi lw'a fambaka swineneni, a yentxa le'swi lulamiki

A va a hlayela mfuri hi mbilu ya kwe.
2 - Alidrimi dra kwe a dri hlayi ku lumbeta,

A nga yentxeli mhunu kulobye swa ku biha,
A nga humexeli makwavu xisolo.
3 - Amahlweni kwa kwe a mubihi a wa dreliwa,

A ku twalisa la'va txhavaka Yehova.
Ni loko a hlambanyile a nge he na ku ndruluka,
Nambi ku nga va ku honekeliwa ku yene.
4 - A nga voleki vhanu mali ya kwe hi bindru,

A nga yamukeli nyiko akuva yavanyisa lw'a nge
121
122
ke na nandru.
Lw'a yentxaka leswi a nga trekatrekisiwi ni siku
ni drinwe.
Segunda Leitura: Tiago 1, 17-18. 21b-22. 27.
Introdução:
Yakob a rumela a madrungula lawa ku va-Yuda hinkwavu la'va pfumeliki
avukristi na va kumekaka na va hangalaki atikweni dra nfumu wa va Roma. A
papeleni drakwe hinkwadru a ti hita ngopfu hi ku tlhamuxela avakristi la'vampswa,
leswaku amabuku ya Xikwembu Nkulukumba, lawa vone va-Yuda va ma bekisaka
hi xitxhavu le'xikulu, a nsinya ya mhaka ya wone hi ritu dra Ivangeli. Kambe ke, a
mhunu a nga na ku gama hi ku yi yingela ntsena, kambe a fanekela a ku yi yingela
ni ku yi tirisa, ngopfu-ngopfu hi tlhelo dra timpswalu ta ku pfuna la'va kiyelaka.
Dondro ya Papela dra Yakob:
Varandriwa vamakweru: A ku hanana hinkwaku lo'ka hombe, ni nyiku hinkwayu

le'ya ku hetiseka, swi pfa henhla, swi xika ku Tatana wa swivaningo, lw'a nge ke na
ku ndruluka, ni xintrhuntinyana xa ku ndruluka. Hi ku randra kwa kwe a hi bekeli hi
ritu dra xihlayelamfuri, akuva hi ta va swirangana swa swivumbiwa swakwe. Nwi
yamukela hi ku nabyala a ritu le'dri byaliwiki, le'dri kotaka ku huluxa mimoya yenu.
Kambe vanani vayentxi va ritu, nwi nga vi vayingeli ntsena, nwi tikanganyisa.
Avukhongoti le'bya ku basa, le'byi nge ke na xisandru a mahlweni ka Xikwembu
Nkulukumba Tatana, hi le'bya ku kamba swirombe ni mafelwa a mahlomulweni ya
vu, a ti bekisa a ngavi na bati dra misava.
Ritu dra Hosi!
Aleluya! Aleluya!
Tatana a djuli ku hi hanana avutomi hi
ritu dra xihlayelamfuri,
Akuva hi ta va va ku sungula ku swivumbiwa
hinkwaswu.
Evangelho: Marcos 7, 1-8a. 14-15. 21-23.
Introdução:
Ava-farisi ni vatrali afa va randra a ku ti yentxa avalulami a mahlweni ya
Xikwembu Nkulukumba, hi ku hetisela ntsena a milawu ya xihena xa ku ti basisa hi
122
123
le handle na ve kari va nyenya a milawu ya Xikwembu Nkulukumba atimbilwini

tavu. Ku maritu lawa ma landraka Yesu a dondrisa leswaku le'swi djulekaka kuva
swi basisiwa hi swihena ni mintiru ya ku biha, le'mi tumbulukaka a ndreni ka timbilu
ta vhanu.
Ku nkama luwa, kutani va-farisi, ni vanwe vatrali la'va pfiki Yerusalem, va

hlengeletana ku yene. Va vona vanwe va vadondrisiwa va kwe, la'va daka makati hi
mandla la'ya nsila, heswaku hi mandla la'ya ku ka va nga hlambanga.(Hikusa ava-
Farisi ni va-Yuda hinkwavu, a va di loko va nga hlambisiwanga mandla swinene, va
bekisa xihila xa va-khale; nakone loko va pfa hubyeni, a va di na va nga sa nga na
hlamba; mfuri swi tele leswi va nga leletiwa leswaku va swi bekisa: Swanga hi ku
nhlampswa mintrheko, ni makhuwana ni swibya swa nsuku). Ava-Farisi ni vatrali
va mu vutisa ha kone, va ku: Xana avadondrisiwa va ku a va fambi hi xihila xa la'va
khale? Nakone va dela yini kati hi mandla la'ya ku ka va nga hlambanga? Yene, a
ku ku vone: Ezaya a hlayeli mfuri loko a profeti tenu, va mandrendre, swanga hi
le'swi traliwiki: Atiku ledri dri ndri txhava hi molomu, kambe timbilu ta vu ti le kule
na mine; kambe va ndri gandrela mahala, hi ku dondrisa tidondro le'ti nga swileleto
swa vhanu. nwa ku tiva nawu wa Xikwembu Nkulukumba, nwi bekisa xihila xa
vhanu. Kutani a yengeta a vitana xitrhungu a ku ku xone: Ndri yingelani hinkwenu,
nwiva nwi yingelisisa: A kuna xa ntxhumu a handle ka mhunu le'xi kotaka ku mu
nyamisa, loko xi nhingena ku yene; kambe le'swi humaka ku mhunu, hi swone le'swi
nyamisaka mhunu. Hikusa a ndreni, a mbilwini ya mhunu, ku huma miyanakanyu
le'minfani, ni vumbuye, ni ku yiva, ni ku dlaya ni ku woswana, ni ku navela ka
vukosi , ni mona, ni ku kanganyisa, ni ku titrika, ni tihlu dra ku biha, ni xisandru, ni
ku ti kukumuxa, ni vusinge. Hinkwaswu leswo swa ku biha swi huma ndreni, kutani
swi nyamisa mhunu.
Ritu dra Huluxu!
NSONTO YA WU MAKHUME MABIDRI NA TIRARU KU NKAMA

WA NTOLOVELO
Primeira Leitura: Isaías 35, 4-7a.
Introdução:
Amuprofeta a rera ku vana va Yisrael la'va nga ku nhlunhameni ni le
bohelweni leswaku Xikwembu Nkulukumba a ta va humexa avukaraweni bya
Babiloni, a va tlhelisela atikweni dra vu, ava mfuri a va daha, a hanyisa la'va ku fa
mahlu, ni la'va ku fa tindleve, ni timbheveve, a va a drivalela a swidohi a ku
123
124
sombolokeni ka swone, hinkwavu a va nyika a mintamu mimpswa. Hinkwawu lawa

i maritu ya vunandri, ya ku pfuxeta a timbilu le'ti karaliki, na ma beka ankongometo
wa ku buya ka Mesiya, Muhuluxi wa misava.
Byelani la'va nga ni timbilu le'ti txhukisiwiki: Tiyani, nwi nga txhavi! Lavisani
Xikwembu Nkulukumba wenu. Ku driha ku ta ta, a hakelo dra Xikwembu
Nkulukumba; ku ta ta yene, a ta nwi huluxa. Hi laha mahlu ya la'va ku-fa-mahlu ma
ta ka pfuleka, ni tindleve ta la'va ku-fa-tindleve ti ta pfuleka. Hi laha lwe wa ku khuta
a ta ka tlula swanga nhlangu; kutani lidrimi dra mbheveve dri ta yimbelela; hikuva
mati ma ta huma mabalasini, ni minambyana le huleni. Apfunye le'dra ku ketemuka
dri ta ndruluka mativa ya mati, ni le tikweni le'dra ku woma ku ta va ni tinhlovo ta
mati.
Ritu dra Hosi!
Psalma: 145(146), 7. 8. 9. 10.
Ntekelelo: Drumisa Yehova, hika dra nga.
1 - Lw'a yentxelaka la'va xanisiwaka a ku yavukanyisa;

Lw'a nyikaka la'va ndlala swa-ku-da,
Yehova a ntrhunxa vabohiwa.
2 - Yehova a pfula mahlu ya la'va ku-fa-mahlu,

Yehova a wololoxa la'va wovekiki,
Yehova a randra la'va ku lulama.
3 - Yehova a londrovota va-matiku,

A seketela xirombe ni nhlolokati;
Kambe a ndlela ya la'vanfani a wa yi hambukisa.
4 - Yehova a ta fuma hi la ku nga helikiki,

Xikwembu Nkulukumba wa ku Tsiyon,
a fuma tinxakeni ni le tinxakeni.
Drumisani Yehova.
Segunda Leitura: Tiago 2, 1-5.
Introdução:
A mukkristi a fanekela ku randra ngopfu
a swisiwana ni la'va ku xaniseka, laha misaveni, ku tlula aswipfundri, hikusa
124
125
Xikwembu Nkulukumba a hlawuli la'va kuva va nga na ntxhumu, akuva va ta va

swiru swa ku sungula anfunwini wa matilu.
Dondro ya Papela dra Tiago:
Vamakweru: A ku pfumela kwenu ku Hosi yeru Yesu Kriste, Hosi ya ku phatima,

ku nga veneni ni lihlawuhlawu a vhanwini. Hikusa loko ku nhingena mhunu
anhlengeletanwini yenu, lw'a nga ni xitlanwana xa gole, a yambali minkhantxu le'ya
hombe, ku nhingena ni xisiwana xi yambali minkantxu le'ya ku honeka, nwa ku nwi
lavisa ku lw'a yambaliki minkantxu le'ya hombe nwi ku: Wene, trhamisa la'ka
hombe; nwi ku ku xisiwana: Wene, yima lahaya, kumbe trhamisa la hansi ka
vunalavutelo bya minkondro ya nga; a nwi hlawulanga ndreni kwenu xana, nwi va
vayavukanyisi va miyanakanyu le'minfani xana? Yingelani, vamakweru la'va
randriwaka; Xikwembu Nkulukumba a nga ti hlawulelanga swisiwana a misaveni
xana, swi va vapfundri ku pfumeleni, vadi va pfindla dra nfumu, lowu a wu
dumbisiki la'va mu randraka?
Ritu dra Hosi!
Aleluya! Aleluya!
Yesu a ali kari a huwelela Madrungula la'mampswa
ya Nfumu wa matilu, mfuri afa a daha mavabyi
hinkwawu a xikari ka xitrhungu.
Introdução:
Tani hi Matralwa ya khale, Mesiya a tava lwe wa ku hanyisa swi fa-mahlu,
swi lema, swi fa-tindleve, ni timbheveve. Yesu, hi ku yentxa mahlolana manwe
ntsena, a ti kombisile leswaku hi yene Mesiya lwe a hlayiwiki, nakone a kombisa
leswi ma ta ka tirisa xiswone a masacramento a Kerekeni: Hi swikombiso ni maritu,
ku yamukeliwa a makateko ya Xikwembu Nkulukumba.
Ku nkama luwa, a tlhela a huma amintremanweni ya le Tir, a tremakanya hi dra le
125
126
Sidon, a kongoma nambu wa le Galilea, hi ku tremakanya mintremano ya le

Dekapolis. Va mu tisela mhunu wa ku fa tindleve, wa ku dukudela, va mu kombela
ku mu ntlhanteka voko. Ku ti loko a mutrhineteli tlhelweni, akulenyana ni xitrhungu,
a nhingenisa tintiho atindleveni ta kwe, a thuka mari, a khumba lidrimi dra kwe.
Nangweso a lavisa tilwini, a hefemula, a ku ku yene: Effata! Hi leswaku: Pfuleka!
Kutani ku pfuleka tindleve ta kwe, ku ntrhunxeka nsiha wa lidrimi dra kwe, a va a
kanela swinene. A hanga va leleta ku ka va nga byeli mhunu; kambe loko a ku va
leleta, hi laha vone va tekisaka ku hundrisa ku swi hangalasa. Nakone afa va hlamala
ngopfu-ngopfu, va ku: A yentxi hinkwaswu swinene, a yingelisa va ku-fa-tindleve,
a vulavulisa timbeveve.
Ritu dra Huluxu!
NSONTO YA WU MAKHUME MABIDRI NA MUNE KU NKAMA

WA NTOLOVELO
Primeira Leitura: Isaías 50, 5-9a.
Introdução:
A "Nandra wa Hosi" a ta nyenyiwa a poyiliwa a va a rambeliwa hi va
mandrendre. A mhaka leyi ya likholo hi yi kuma ha kanyingi a bukwini dra Ezaya,
loko a rera a nyiwa ya nhlomulo wa Kriste, ankameni lo'a kumekaka wuswakwe a
xikari ka valala, na a trutrumiwi hi vadondrisiwa va kwe ni switrhungu hinkwaswu,
kambe na a nga tlheleli ntrhaku hikusa afa a switiva leswaku a huluxu dri fanela a
ku pfela xihambanwini.
Hosi Yehova a ndri pfuli ndleve, kutani a ndri yalanga, a ndri tlhelelanga ntrhaku.
Ndri nyiketile nhlana wa nga ku lava faka va ndri ba, ni tinhama tanga ku lava faka
va ndri truvulela malepfu; a ndri fihlanga liso dra nga loko va ndri thukela mari.
Hosi Yehova a ta ndri pfuna, hikolahu a ndri hluliwanga hi xisandru; hikolahu ke a
mombo wa nga ndri wu hambi swanga ribye, ndra swi tiva leswaku ndri nga ka ndri
nga vi na tingana. Lw'a ndri lulamisaka a le kusuhi; xana ndri ta kanetiwa hi mani?
A hi rambelaneni! Amukaneti wa nga hi mani? A a trhindrekeli ku mine! Lavisani,
Hosi Yehova a ta ndri pfuna:Hi mani lw'a ta ka ndri yavanyisa?
Ritu dra Hosi!
Psalma: 115(116), 1-2. 3-4. 5-6. 8-9.
Ntekelelo: Ndri ta famba mahlweni ka Yehova

126
127
1 - Ndri randra Yehova,

Hikuva a yingela ritu dra nga ni mikhongoto ya nga,
Hikuva a ndri reyeli ndleve ya kwe;
Ndri ta mu vitana ha kone hi masiku hinkwawu ya ku
hanya kwa nga.
2 - Amapindra ya ku fa afa ma ndri trondriyelile,

Atimpfalu ta Seol ti ndri khomile,
Ndra kumi ku xaniseka ni khombo.
Lahu ndra hanga ku vitana vito dra Yehova,
Ndri ku: Yehova, ndra ku tratriya, huluxa hika dra nga.
3 - A ni vumbilu Yehova, a lulamile;

Xikwembu Nkulukumba weru a ni timpswalu.
Yehova a londrovota la'va ku nabyala;
Afa ndri karateka, yene a ndri pfuna.
4 - Kunene, wene, u huluxi hika dra nga ku feni,

Amahlu ya nga minyembetini, ni milenge ya
nga ku weni.
Ndri ta famba mahlweni ka Yehova,
Introdução:
A likholo dra xihlayelamfuri a hi ledri dri gamaka ntsena hi ku hiseka ka ku
pfumela ni ku nyonxa hi maritu ni timhaka le'ti reriwaka ha Xikwembu
Nkulukumba. Im-him! A likholo dra xihlayelamfuri, hi ledri dri hisekaka a moyeni
wa mukriste, dri huma ahandle dri ti vonekisa hi mintiru ya drone, dri pfuna hi
timpswalu, ngopfu.ngopfu a vamakweru la'vanga ku vileleni, ku xanisekeni ni le
vusiwanine.
Vamakweru: Swi pfuna yini, loko a mhunu a ku: A ni ku pfumela n'a nge na mintiru?
A ku pfumela loku ku nga mu huluxa xana? Loko a makwenu kumbe makwenu wa
wansati, va swelile, va pfumala ni swa-ku-da swa siku drinwana ni drinwana, kutani
munwe ku nwine a ku ku vone: Fambani hi ku rula, nwi kufumela, nwi xura, na nwi
nga va nyiki leswi swi djuliwaka hi miri, swi pfuna yini xana? Hi swoswo a ku
pfumela, loko ku nge na mintiru, ku tifelile. Kambe a munwe a ta ku: Wene, u ni ku
127
128
pfumela; mine, ndri ni mintiru, Ndri kombe ku pfumela kwa ku, na ku nge na mintiru
ya kone; mine, ndri ta ku komba ku pfumela kwa nga hi mintiru ya nga.
Ritu dra Hosi!
Aleluya! Aleluya!
A ku twaliseka kwa nga ku le xihambanwini xa
Hosi;
Hikola kwa kwe, a tiku dri vambiwile hikola kwanga
Mine ndri vabiwile hi nkonta ya tiku.
Introdução:
Hi vitu dra vanakulobye, Petros a rera leswaku Yesu i Mesiya. Kambe ku
tivisiwa leswaku Mesiya i munwe lwe a fanekelaka a ku xaniseka ni kufa, swa mu
khunguvanyisa. Kambe, yene Yesu a mu kawuka a ku:"Wini na wini, lw'a randraka
akuva mudondrisiwa wa nga a fanekela a ku ni landra ku kondra a ndri kuma a
xihambanwini".
Ku nkama luwa, Yesu a suka kunwe ni vadondrisiwa va kwe, a ya mitaneni ya le

Kezaria wa Filipi, va ku na ve he ndleleni, a vutisa vadondrisiwa va kwe, a ku ku
vone: Xana a vhanu va li ndri mani? Va ku ku yene: Va li: Yohan Mubapatisi;
avanwe va li: Eliya; avanwana kambe va li: Munwe wa vaprofeta. Yene a va vutisa
a ku: Nwine-ke, nwi li ndri mani xana? Petros a yangula a ku ku yene: U Kriste!
Kambe a va laya kuva va nga byeli mhunu ata kwe. A ha nga sungula ku va dondrisa
leswaku swi fanekele Nwana wa Mhunu a yingela ku vaviseka lo'kukulu, ni ku
txukumetiwa hi vakulu ni vaprista la'vakulu, ni vatrali, ava adlawa, a tlhela a pfuka
loko ku hundri masiku mararu. Af'a va byela ritu ledro alivaleni. Petros a mu tekela
tlhelweni, a sungula ku mu laya. Kambe yene a ndruluka, a vona vadondrisiwa va
kwe, a laya Petros a ku: Suka kule na mine, Sathana, hikuva a ku drimuki swa
Xikwembu Nkulukumba, kambe u drimuka swa vhanu. Kutani a vitana xitrhungu
kunwe ni vadondrisiwa va kwe, a ku ku vone: Loko mhunu a randra ku ndri landra,
a a tiyale, a a ti rwexe xihambanu xa kwe a ndri landra. Hikuva lweyi a randraka ku
huluxa vutomi bya kwe a ta byi lahla; kambe lweyi a ta ka lahla vutomi bya kwe ha
mine ni Ivangeli, yene a ta byi huluxa.
Ritu dra Huluxu!
128
129
NSONTO YA WU MAKHUME MABIDRI NI NTLHANU KU NKAMA WA

NTOLOVELO
Primeira Leitura: Sabedoria 2, 12a. 17-20.

Introdução:
Avhanu va misava leyi, ha kanyingi, a va swi randri leswi swi yentxiwaka hi
mululami, hikusa a mintiru ya kwe le'minene i ntxhumu lowu wu va mangalaka.
Nambi swi li tanu, a mululami, swanga heswi a nga nwana wa Xikwembu
Nkulukumba, ku djuleka a simamela a tinfanelo ta kwe a nga tlheleli ntrhaku.
Dondro ya Buku dra Wutivi:
Ahi bekeleni ntlhamu a mululami hikusa awa hi hingeleta, nakone ahambana ni

mintiru yeru. A hi sola hikola ka ku tlula milawu, leyi hi wundliwiki ha yone, hi ta
swi vona loko nha xi li xihlayelamfuri a maritu ya kwe, swi ta ti komba avuganwini
bya vutomi bya kwe hikusa loko mululami a li nwana wa Xikwembu Nkulukumba,
xone xi ta mu pfuna, xiva xi mu huluxa a mandleni ya valala va kwe. Ahi mupfukeni
hi swifingeto ni ti nxaniso akuva hi ta tiva a marulela ya kwe ni ku tikhoma kwa
kwe. Ahi mu nyikeni lifo dra nxambya hikusa a hanya na a hlaya leswaku Xikwembu
Nkulukumba xi ta mu pfuna.
Ritu dra Hosi!
Psalma: 53(54), 3-4. 5. 6. 8.
Ntekelelo: A Hosi i munwe ni la'va seketelaka hika dra

nga.
1 - Xikwembu Nkulukumba hi vitu dra ku, ndri huluxe

Hi ntamu wa ku ndri lulamisele mhaka yanga.
Xikwembu Nkulukumba yingela xikhongoto xa nga
Reyela ndleve maritu ya nomu wanga.
2 - Hikuva ava tiku drinwana va ndri pfukela ntamu

Avhanu la'va lebyaka va djuli vutomi byanga.
Lavisani, Xikwembu Nkulukumba i mupfuni wanga.
3 - A Hosi i munwe ni la'va seketelaka hika dranga.

Ndri ta ku humexela timhamba hi ku swi randra
Ndri ta nkhensa vitu dra ku, Yehova, hikuva i drinene.
129
130
Segunda Leitura: Tiago 3, 16---4, 3.
Introdução:
Avukwanga ni ku navela ka ku tlula mpimu ka mintxhumu ya misava swi
txhuka swi yentxa leswaku a munhu a dlula a marengu lawa ya ku soleka akuva a ta
kuma leswi a navelaka swone. Kasi kurula lo'kunene ku yakiwa hi vutivi bya
lirandru, yi nga nyiku ya Xikwembu Nkulukumba.
Dondro ya Buku dra Yakob:
Varandriwa: Hikusa lomu ku ngani xikwele ni ku tengisana, hi lomu ku nga ni

mubangu ni mintiru hinkwayu le'ya ku biha. Kambe avutlhari le'byi pfaka henhla, a
ku sungula ka byone hi ku basa; kutani byiva ni ku rula, ni ku nabyala, ni ku
yingelana, byi tele lirere, ni mihandru le'ya hombe; a byi na ku hlawula, a byi na ku
tiyentxisa. Amihandru ya ku lulama mi byaliwa ku ruleni hi la'va yentxaka ku rula.
Ku huma kwini aku lwa ni ku kanetana, lo'ku nga makari kwenu xana? A ku humi
ku ti nyonxiseni kwenu lo'ku lwaka swirweni swenu xana? Nwa navela, a nwi na
ntxhumu; nwa dlaya nwi ni mona, nwiva nwi nga koti ku kuma ntxhumu; nwi
kanetana, nwi lwa, kambe a nwi na ntxhumu, hi leswi nwi nga kombelikiki. Nwa
kombela, nwi nga yamukelisiwi, hi leswi nwi kombelaka hi ku biha, akuva nwi swi
hangalasa a ku ti nyonxiseni kwenu.
Ritu dra Hosi!
Aleluya! Aleluya!
Xikwembu Nkulukumba a hi tlhanganisile
hikola ka Ivangeli, akuva hi kuma ku twalisiwa
ka Hosi yeru Yesu Kriste.
Introdução:
A va-Yuda afa va nga si swi tiva leswaku Mesiya a nga lwe wa ku
trongahatiwa, wa ku xanisiwa ni ku hikeliwa akuva a ta huluxa misava. Kambe, ku
Ivangeli leyi yi landraka Yesu a hlaya leswaku a mhunu a fanekela ku titrongahata
akuva a ta tlakuxiwa.
130
131
Ku nkama luwa, Yesu ni vadondrisiwa va suka kolahu, va tremakanya hi dra

Galilea;kambe af'a nga randri ku tibyiwa hi mhunu. Hikusa af'a dondrisa
vandondrisiwa va kwe, a ku ku vone: Nwana wa mhunu a nyiketiwa mavokweni ya
vhanu, va ta mu dlaya; kambe loko a dlawile, a ta pfuka loko ku hundri masiku
mararu. Kambe afa va nga dri yingeli ritu ledro, nakone afa va txhava ku mu vutisa.
Kutani va tlhasa Kapernaum; loko ve ndlwini a va vutisa: Xana ifa nwi kanela yini
andleleni? Kambe va ku miyela; hikusa andleleni ifa va kanetana hi leswaku lw'a
nga nkulu hi mani. A tiki a wa trhamisa, a vitana la'va khume na vabidri, a ku ku
vone: Loko mhunu a djula kuva lwe wa ku ranga, a tava lwe wa vugamu ni nandra
wa hinkwavu. A tekiki ntrongwana, a mu yimisa a makari kwa vu, a mu xingara a
ku ku vone: Lweyo ni lweyo lw'a yamukelaka munwe wa vatrongwana la'va ku nhati
hi vito dra nga, awa ndri yamukela; nangweso lweyo ni lweyo lw'a ndri yamukelaka,
a nga yamukeli mine kambe a yamukela lw'a ndri rumiki.
Ritu dra Huluxu!
NSONTO YA WU MAKHUME MABIDRI NI NTLHANU NA

YINWE KU NKAMA WA NTOLOVELO
Primeira Leitura: Números 11, 25-29.
Introdução:
A moya wa Yehova i ntamu ni livaningo. Mfuri i nyiku leyi Xikwembu
Nkulukumba a hananaka lweyi a murandraka akuva a ta tirela vambeni, ku nga li ku
ti tirela yene ha bya kwe.
Dondro ya Buku dra Tinhlayo:
Ku masiku lawaya, Yehova a xikela tlavini, a vulavula na ye, a susa swa moya
lo'wunga henhla kwa kwe, a wu beka henhla ka vakulu la'va ntlhanu wa makume na
makume mabidri. Ku ti loko a moya wu trhamisi a henhla kwa vu va hanga ku
profeta, kambe a va tlhelanga va swi yentxa. Avavanuna vabidri afa va sali a
minxaxeni, a vitu dra munwe afa e Eldad, a dra munwana afa e Medad: Amoya wa
ta trhama ahenhla kwa vu; afa ve la'va traliwiki, kambe afa va nga yanga Tendeni,
ve ku profeta minxaxeni. Andrisanyana a ku trutruma a ya byela Moxe, a ku: Eldad
na Medad va profeta a minxaxeni, Yehoxua, anwan'a Nun, a nandra wa Moxe aku
sukela vutrongwaneni bya kwe, a yangula a ku: Hosi ya nga, va tsimbe! Moxe a ku
ku yene: Xana u na ni wukwele hikola kwanga xana? Mawaku! Loko fa tiko
hinkwadru dra Yehova dri profeta, ni loko fa Yehova a nga beka moya wa kwe
ahenhla kwa vu!
Ritu dra Hosi!
131
132
Psalma: 18(19), 8. 10. 12-13. 14.
Ntekelelo: A swiyavanyisu swa Yehova i swinene,

swi lulamile hinkwaswu.
1 - Anawu wa Yehova wu hetisekile, wu wisisa hika

Avumboni bya Yehova bya dumbeka,
Byi tlharihisa lwe wa ku drivala.
2 - Amilawu ya Nkulukumba mi lulamile, mi trhavisa

mbilu.
Aswileleto swa Yehova swi basile swi vaninga mahlu.
Aku txhava Yehova ku xwengile ku trhama ni la ku
nga helikiki;
Aswiyavanyisu swa Yehova i swinene, swi lulamile
hinkwaswu.
3 - Na kone, a nandra wa ku a mamuliwa ha swone;

Aku bekiseni ka swone ku na ni hakelo le'drikulu.
I mani lw'a nga tivaka swihoxo swa kwe?
Ndri drivalele leswi ndri nga swi tivikiki.
4 - Nangweso bekisa nandra wa ku swihono

le'swi tiriwaka ha vomu
Swi nga ti ndri fuma.
Kutani ndri ta hetiseka.
Ndri ta pfumala nandru wa xidoho le'xikulu.
Introdução:
Aswipfundri le'swi xanisaka ni ku yivela aswisiwana, a Hosini swi ta kuma a
xikhatiso le'xikulu. Avukosi le'byi kumiwaka, ni le'byi tirisiwaka ahandle ka
nfanelo, aku kanganyisa avatiri a ku holeni i tava swimangalu le'swi ta ka yisa a
swipfundri aku yavanyisiweni.
Tanani swoswi vapfundri, drilani, nwi bongosa hikola ka minxaniso yenu, le'mi ta
ka nwi humelela. Avupfundri byenu byi bolile, aminkhantxu yenu mi diwi hi
tinsumba. Agole drenu ni silivela swi kurile; a ku kura ka swone ku tava vumboni
132
133
ku nwine, ku ta da nyama yenu swanga hi ndrilo. Mu ti hlengeleteli vukosi

masikwini ya vugamu. Lavisani, a hakelo dra vatiri la'va trhoveliki masimu yenu,
ledri nwi va deliki, dra bandlukana aku bandlukana ka vatrhoveli ku nhingeni a
tindleveni ta Hosi ya makhandra. Nwi tinyonxisile misaveni, nwi tlangile, nwi xurisi
timbilu tenu, a siku dra ku tlhava. Nwi mu yavukanyisile, nwi mu dlayile lwe wa ku
lulama yene a nga nwi yaleli.
Ritu dra Hosi!
Aleluya! Aleluya!
A Ritu draku Hosi, i xihlayelamfuri;
Hi xwengise a xihlayelamfurini.
Evangelho: Marcos 9, 38-43. 45. 47-48.
Ku nkama luwa, Yohan, munwe ku la'va khume na vabidri, a ku ku Yesu:

Mufundrisa, hi voni lw'a hlongolaka mademona hi vitu dra ku, kambe hi mu
tsimbile, hi leswi a nga hi landrikikiki. Kambe Yesu a ku: Nwi nga mu tsimbeni,
hikusa a kuna mhunu lw'a ta ka hamba mahlolana hi vitu dra nga, a ta kota ku hatla
a ndri hleva. Hikuva lwá nga yalaniki na hine, a yima na hine. Hikussa lweyo ni
lweyo lw'a taka nwi nwisa ntrheko wa mati hi vitu dra nga hi leswi nwi nga va ka-
Kriste, ndri hlayela mfuri ndri nwi byela ndri li: A nga ka a nga lahlekeliwi hi hakelo
dra kwe. Nangweso lweyo ni lweyo lw'a ta ka khunguvanyisa munwe wa lavatrongo
lava va pfumelaka ku mine, swi nga va swa hombe ku yene loko a trimbeleliwa ribye
dra ku sila anhanwini, a txukumetiwa likhulwini. Loko voko dra ku dri ku
khunguvanyisa, dri treme. I swa hombe ku wene loko u nhingena vutonwini na u
xilema, ku tlula loko u ya Geheneni, andrilweni lou nga timekikiki na u na mavoko
mabidri. Ni loko nenge wa ku wu ku khunguvanyisa, wu trema. I swa hombe ku
wene ku nhingena vutonwini na u khuta, ku tlula loko una milenge mibidri, u
txukumetiwa Geheneni. Ni loko tihlu dra ku dri ku khunguvanyisa, dri suse. I swa
hombe u nhingena anfunwini wa Xikwembu Nkulukumba na una tihlu drinwe
ntsena, ku tlula loko u na mahlu mabidri, u txukumetiwa Geheneni, lomu axivungu
xa vu xi nga fikikiki kone, ni ndrilu wu nga timekikiki kone.
Ritu dra Huluxu!
NSONTO YA WU MAKHUME MABIDRI NA TLHANU NA

MABIDRI KU NKAMA WA NTOLOVELO:
133
134
Primeira Leitura: Genesis 2, 18-24.
Introdução:
Xikwembu Nkulukumba a nyiki amhunu akuva a fuma aswihari hinkwaswu
swa misava. Loko e wansati, a matralwa ma mubekela a mbangu wa lisima ku
wanuna. Va tumbuuxiwile akuva munwe ava wa munwana, akuva ku hetiseka a ntiru
wa vu hi nfanelo wa xihlayelamfuri a vutonwini bya vu hinkwabyu.
Kutani Yehova Xikwembu Nkulukumba a ku: Ahi swa hombe loko mhunu a trhama
swa kwe, ndri ta mu yentxela mupfuni lwe wa nga ha yene. Yehova Xikwembu
Nkulukumba a vumbi hi misava swihari hinkwaswu swa nhova, ni tnyanyana ta tilo;
a ku swi yisa ku mhunu akuva a vona leswi a nga swi txhulisaka xiswone; hinkwaswu
leswo a mhunu a ku swi txhula swivumbiwa hinkwaswu le'swa ku hanya mava
mavitu ya swone. A mhunu a ku txhula swifuyu hinkwaswu mavitu, ni tinyanyana
hinkwatu ta tilo, ni swihari hinkwaswu swa nhova; kambe ku mhunu a nga kumanga
mupfuni lwe wanga ha yene. Yehova Xikwembu Nkulukumba a hanga yetlelisa
mhunu hi vurongo le'byikulu, kutani a kutriyela; a ku teka drinwe ku timhera ta
kwe, a tlhanganisa nyama mbangwini wa drone. alihera drodro Yehova Xikwembu
Nkulukumba a dri tekiki mhunwini a ku hamba wansati, a mu yisa ku mhunu. Kutani
mhunu a ku: Kunene swoswi lweyi i rambu dra marambu ya nga, i nyama ya nyama
ya nga, a ta txhuliwa wansati hikusa a humexiwi ku wanuna. Hi leswo ke wanuna a
ta siya tatana wa kwe ni mamana wa kwe, a ta namarela nsatini wa kwe; kutani va
tava nyama yinwe.
Ritu dra Hosi!
Psalma: 127(128), 1-2. 3. 4-5. 6.
Ntekelelo: Yehova a hi tovokise hi masiku hinkwawu

ya ku hanya kweru.
1 - Va ni ndjombo hinkwavu la'va txhavaka Yehova

La'va fambaka tindleleni ta kwe.
I, u ta da mhandru wa mintiru ya mandla ya ku
U tovoka swi xonga ku wene.
2 - Ankat'a ku a ta hamba swanga hi nvinya lo'wu

belekaka ngopfu, andlwini ya ku.
Avana va ku va ta hamba swanga hi minhlwari
134
135
le'mimpswa
A ku trandreleni ka tafula dra ku.
3 - Lavisani a nuna lw'a txhavaka Yehova

A ta tovokisiwa xiswoswo.
Yehova a a ku tovokise swi pfa Tsiyon.
U vona ndjombo ya Yerusalem
Amasiku hinkwawu ya ku hanya kwa ku.
U vona ni vana va vana va ku.
A ku rula a ku ve ku Yisrael.
Introdução:
I vi hikola ka ku xaniseka ni ku fa, Xikwembu Nkulukumba a tlakuxiki a
Nwan'a kwe Yesu. Yesu hi ndlela leyo a kumi ntamu wa ku huluxa vhanu hinkwavu
va misava, swanga vamakwavu, va ku pswaliwa kunwe.
Dondro ya Papela dra S. Paulo ku va-Heberu:
Vamakweru: Yesu lweyo ha ku mu vona a trendrevuteliwi nhloko hi ku twala ni

xitxhavu, yelweyi a nga yentxiwa nkamanyana lwe'ntrongo ku tintrumi, ni leswi a
yingeliki ku vaviseka ka ku fa, akuva hi timpswalu ta Xikwembu Nkulukumba a ta
yingela ku fa hikola ka hinkwavu. Hikuva afa swi fanekeli leswaku lweyi
hinkwaswu swi yentxeliweliki yene, na swone swa yentxiwi hi Yene, loko a tisa
vana la'vanyingi a ku phatimeni, a hetisekisa hi mavaviseko amusunguli wa ku
huluka kwa vu. Hikuva nambi e muxwengisi, nambi ve va xwengisiwa, va huma ku
munwe hinkwavu; hikola ya mhaka leyo, a nga na tingana ku va txhula vamakwavu.
Ritu dra Hosi!
Aleluya! Aleluya!
Loko hi randranana, Xikwembu Nkulukumba
a trhama ku hine, mfuri ku hine a lirandru
dra kwe dri hetisekile.
Introdução:
Ku milawu ya khale a ku hahluliwa ka mutxhatu ifa swi pfumeleliwa, kambe
ntrhaku, Yesu a bekisi milawu le'ya xikhale, le'yi yalelaka a ku hahluliwa ka
mutxhatu. Lweyi a djulaka a ku nhingena a nfunwini wa matilo ku djuleka a ti
135
136
trongahata a moyeni swanga xitrongwatana.
Ku nkama luwa, va trhindrekela ku Yesu, a vanwe va va-Farisi va tiki va tlhasa, va

mu vutisa loko nha swi pfumeleliwa wanuna ku hlongola nsati; va mu dringa ha
swone. A va yangula, a ku: Xana Moxe a leleti yini xana? Va ku: Moxe a hi pfumeleli
leswaku hi trala papela dra ku dlaya vukati, hi mu hlongola. Kambe Yesu a ku ku
vone: A nwi traleli leleto ledro hikola ka ku nonoha ka timbilu tenu. Kambe ankama
a nga sungula ku vumba misava, a va yentxi nuna ni nsati. Hi leswo-ke, amhunu a
ta siya tatana wa kwe ni mamana wa kwe, a ta namarela nsati wa kwe; va ta va nyama
yinwe hi vubidri bya vu; hi leswo-ke a ve he vabidri, ya ku va nyama yinwe. Ke,
leswi Xikwembu Nkulukumba a nga swi tlhanganisa kunwe, amhunu a nga txhuke
a swi travukanyisa. Loko va tlhasi ndlwini, avadondrisiwa va tlhela va mu vutisa
mhaka leyo. A ku ku vone: Lweyi a hlongolaka nsati wa kwe, a teka munwana, a
yentxa vumbuye ku yene. Na kone, loko wansati a hlongola nuna wa kwe, a tlhela a
kandra ni munwanyana wanuna, a yentxa vumbuye. Kutani va mu tisela
vatrongwana, akuva a va khumba; kambe avadondrisiwa va khwavela vhanu lavo.
Yesu, a tiki a swi vona, a hlundruka, a ku ku vone: Trikani vatrongwana va ta ku
mine, nwi nga va tsimbeni, hikuva a nfumu wa Xikwembu Nkulukumba i wa vola'va
ku nhati. Ndri hlayela mfuri, ndri nwi byela ndri li: Lwe wa ku ka a nga yamukeli
nfumu wa Xikwembu Nkulukumba swanga hi ntrongwana, a nga ka a nga nhingeni
kone. Kutani a va xingara, a va tovokisa, na a va ntlhanteki mavoko.
Ritu dra Huluxu!
NSONTO YA WU MAKHUME MABIDRI NA NTLHANU NA

TIRARU KU NKAMA WA NTOLOVELO:
Primeira Leitura: Sabedoria 7, 7-11.
Introdução:
A vutivi i ntxhumu lo'wu nga henhla-henhla ka mintxhumu hinkwayu. Byi pfa
ku Xikwembu Nkulukumba, byone i ndlela ni nfanelo, leswi a mhunu a yingisetaka
a Hosi ni wale kwavu.
Dondro ya Buku dra Wutivi:
Axi-swoswo, ndri kombeli a vutlhari ndri nyikiwile, ndri kombeli a moya wa wutivi,
136
137
na wone ndri nyikiwile. Ndri voni leswaku swi nga ni yampswela a ku tlula a nhonga
ni xitrhamu xa nfumu, nakone, a ni byi fanisanga ni pfindla dra misava. A ni byi
fanisanga ni maribye ya ku phatima, hikusa a gole hinkwadru a mahlweni ya vutivi,
i misava ntsena, ndri byi randri a ku tlula a vutomi ni ku xonga. Ndri byi ranganyeti
a phambili ka livaningo dra dambu, hikusa a mavaningela ya byone a ma heli.
Xikanwe na byone, ni buyeliwi hi vukosi, a mandleni ya vutlhari ku tele hi
vupfundri.
Ritu dra Hosi!
Psalma: 89(90), 12-13. 14-15. 16-17.
Ntekelelo: Hi xurise hi lirere dra ku.

I tava drone a ku trhava kweru.
1 - Hi dondrise ku hlaya masiku yeru.

Akuva hiva ni mbilu leýa ku tlhariha.
Buya, Yehova, ku ta kondra ku va drini xana?
Va na ni lilondro ku malandra ya ku.
2 - Hi xurise hi lirere dra ku na we he mixo, akuva

hi ta trhava,hi va hi nyonxa hi masiku yeru hinkwawu.
Dringanisa masiku ya ku nyonxa kweru ni masiku
lawa u hi trongahatiki ha wone,
Ni malembe lawa hi voniki le'swinfani ha wone.
3 - Antiru wa ku a wu voneki ku malandra ya ku,

Ni ku twala kwa ku ku vana va wone.
Avumbilu bya Hosi Xikwembu Nkulukumba weru
a byi ve henhla kweru;
Hi tiyisele ntiru wa mavoko yeru;
I, antiru wa mavoko yeru, wu tiyise.
Introdução:
Aritu dra Xikwembu Nkulukumba dri yentxa akuva a mhunu a ti kamba.
Drone a dri fananisiwe na timbangi le'ti nyikaka vurongo a dri drivatani. Drone dri
pfuxa lweyi a khutriyelaka, dri sindrisa a mhunu a triketa a mahanyela ya khale.
Hikusa a ritu dra Xikwembu Nkulukumba dra hanya, dri ni ntamu, dra kariha ku
137
138
tlula lipanga drini ni drini le'dri lotiwiki hi matlhelo mabidri, dri ya tlhasa a makari
ka hika ni moya, a makari ka vutlhanganu ni mimongo, dri yavanyisa makungu ni
miyanakanyo ya mbilu. Mfuri akuna swivumbiwa le’swi fihliwiki a mahlweni kwa
kwe; kambe hinkwaswu swe ku trhama ntsena swi le livaleni a mahlweni ka lweyi
hi nga ni mhaka na ye.
Ritu dra Hosi!
Aleluya! Aleluya!
Swi ni ndjombo a swisiwana moyeni,
hikusa nfumo wa matilo i wa swone.
Evangelho: Marcos 10, 17-27. (Forma Breve)
Introdução:
Xikwembu Nkulukumba, ku lweyi a mu vitaneliki ntiru wa Ivangeli a djula
ava ni mbilu leýi travukaniki ni swa misava le'ýi landraka a milawu hi nfanelo.
Kambe, leswo swi nga koteka loko hi pfuniwa ha yene.
Ku nkama luwa, Yesu a ku a khoma ndlela, a mhunu munwe a trutrumela ku yene,

a wa hi matrolo, a mu vutisa a ku: Mufundrisa lwe'nene, xana n'ta yentxa yini akuva
ndri da pfindla dra vutomi le'byi nga helikiki? Yesu a ku ku yene: Xana u ndri hlayela
yini lwe'nene? A ku na lwe'nene, loko a nge Xikwembu Nkulukumba ntsena. U tiva
milawu: U nga yentxi vumbuye, U nga dlayi, U nga yivi, U nga lumbeti hi ku hemba,
U nga doheli mhunu, Txhava tatana wa ku ni mamana wa ku. Yene a ku ku yene:
Mufundrisa ndra bekisi hinkwaswu leswo ndre he ntrongo. Kambe Yesu a ku a mu
lavisa a mu randra, a ku ku yene: I xinwe ntsena lexi u pfumalaka xone: Famba, u
ya xavisa hinkwaswu leswi u nga naswo, u nyika swisiwana; u ta va ni nhlengwe a
tilwini; kutani tana, u ndri landra. Kambe yene a vavisekiki hi ritu ledro, a suka hi
ku nhlunama: Hikuva af'e ni vukosi le'byikulu.
Yesu a ralarala matlhelo hinkwawu, a byela vadondrisiwa va kwe a ku: Swi
nononhwisa ku yini ku vafuyi ku nhingena a nfunweni wa Xikwembu Nkulukumba!
Kambe avadondrisiwa va hlamala hi maritu ya kwe. Yesu a tlhela a va byela
nangweso, a ku ku vone: Vananga swi nononwhisa ku yini, ku la va dumbaka vukosi
ku nhingena a nfunweni wa Xikwembu Nkulukumba. Swa nabyala loko kamele dri
nhingena hi moya wa ximari, ku tlula loko mufuyi a nhingena anfunweni wa
Xikwembu Nkulukumba. Vone kambe va hundrisa ku hlamala, va byelana va ku: I
mani-kê lw'a nga huluxiwaka? Loko a va lavisile, Yesu a ku ku vone: Loko ve vhanu,
va hluleka, kambe loko e Xikwembu Nkulukumba, swi nga koteka: Hikuva
138
139
Xikwembu Nkulukumba a nga hluli hi ntxhumu.

Ritu dra Huluxu!
NSONTO YA
WU MAKHUME MABIDRI NA NTLHANU NA MUNE KU NKAMA
WA NTOLOVELO:
Primeira Leitura: Isaías 53, 10-11.
Introdução:
Muprofeta Ezaya a khanela hi ta minxaniso ya Yesu leyi ha yone a nga hi
kumela a huluxu. Ahi drimuxa leswaku akuva hi ta kuma huluxu, a hi patreni a
minxaniso yeru, ni ya Yesu Kriste Muhuluxi.
Yehova a randrile ku mu trhova, a mu yisa ku vavisekeni. Loko a hika dra ke dri ta

va dri hambile a mhamba ya nandru a ta vona vatukulu, a ta yengeta masiku ya kwe,
kutani ku randra ka Yehova ku ta ya mahlweni mavokweni ya kwe. Ata vona ntiru
wa mahlomulo ya hika dra kwe, a ta tiyentxela; hi ku tiva kwa kwe, a nandra wa nga
lwe wa ku lulama, a ta lulamisa la'vanyingi, kutani yene ata ti rwalela ku somboloka
kwa vu.
Ritu dra Hosi!
Psalma: 32(33), 4-5. 18-19. 20. 21.
Ntekelelo: A lirere draku a dri ve henhla kweru,

Yehova, drone a drive ku hine.
1 - Hikuva a ritu dra Yehova dri lulamile,

Adumbekile mintirweni ya kwe hinkwayu.
A randra ku lulama ni ku simama;
Amisava mi tele hi lirere dra Yehova.
2 - Lavisani, a mahlu ya Yehova ma le henhla

ka la'va mu txhavaka,
A henhla ka la'va laviselaka lirere dra kwe,
Aku va huluxa kufeni
Ni ku va hanyisa nkameni wa ndlala.
3 - A mahika yeru ma laviseli Yehova,

Hi yene mupfuni weru ni xitlhangu xeru.
139
140
Alirere dra ku a dri ve henhla kweru Yehova,

Swanga hi leswi hi ku laviseliki.
Introduçäo:
Ahi trhindrekeleni ka Yesu Kriste hi ku dumba, hikusa yene a tiva avusiwana
byeru, yene a nkama hinkwawu a ti nyiketela ku hine akuva a hi pfuna. Hi yene a
mugandreli ni muyimeli weru mahlweni ka Xikwembu Nkulukumba Tatana.
Vamakweru: Leswi hi nga na ni muprista lwe'nkulu, lw'a tremakanyiki matilu, Yesu,

Nwana wa Xikwembu Nkulukumba, ahi tiyiseni ku tihlaya kweru. Hikusa a hi na
muprista lwe'nkulu lw'a dluvaka ku tretrelela gome dreru, leswi a nga dringiwa na
yene hi matlhelo hinkwawu ku fana na hine, kambe a nga vanga na xihono. Hi leswo-
ke, a hi yeneni hi vurena axiluvelweni xa timpswalu, akuva hi nyikiwa lirere hi kuma
timpswalu ku hi pfuna ankameni lou fanekelaka.
Ritu dra Hosi!
Aleluya! Aleluya!
Nwana wa mhunu a teli ku tirela, ni ku nyikela
vutomi bya kwe xi va xitirulo ku la'va ku tala.
Evangelho: Marcos 10, 35-45 (Forma longa)

10, 42-45 (Forma breve)
Introduçäo:
Yesu a dondrisa xitrhungu leswaku ku nfumu wa Xikwembu Nkulukumba a
murangeli a hi lweyi a kandretelaka vambeni, a kuva lweyi ava tirelaka hi xitxhavu
swanga h'eswi yene a nga va tirelisa xiswone.

(Forma longa)
Ku nkama luwa, Yakob na Yohan, avana va Zebedea, va ta ku yene va ku:

Mufundrisa, hi randra leswaku u hi yentxela leswi hi ta ka kombela swone ku wene.
A ku ku vone: Xana nwi djula leswaku ndri nwi yentxela yini? Va ku ku yene: Hi
nyiki leswaku munwe a trhama xineneni, munwe aximantrini xa ku. Kambe Yesu a
ku ku vone: A nwi tivi leswi nwi swi kombelaka. Xana nwi nga swikota ku nwa
140
141
ntrheko lo ndri nwaka wone, ni ku bapatisa hi bapatiso ledri ndri bapatisiwaka ha

drone? Vone va ku ku yene: Hi nga swikota. Kambe Yesu a ku ku vone: Antrheko
lo ndri nwaka, nwi ta wunwa, na dro bapatiso ledri ndri bapatisiwaka ha drone, nwi
ta bapatisiwa ha drone na nwine; kambe loko ku li ku trhama axineneni kumbe
ximantrini xa nga, a hi mine ndri nga nyikaka, kambe swone ku ta nyikiwa la'va
bekiseliwiki swone. Va tiki va swi yingela la'va khume va sungula ku hlundrukela
Yakob na Yohan. Kutani Yesu ava vitana a ku ku vone: Nwa swi tiva leswaku lava
ingiki va fuma matiko, va ma fuma hi ku nononwha, ni leswaku vakulu va wone va
ma yentxa hi ntamu. Kambe a swi tanu a makari kwenu; kambe lw'a djulaka kuva
nkulu a makari kwenu, atava mu tireli wenu; nangweso lw'a djulaka kuva wa ku
ranga a makari kwenu, a ta va nandra wa hinkwavu. Hikuva na yene Nwana wa
mhunu a nga telangakiki ku tireliwa, kambe ku va ku tirela, ni ku nyiketa vutomi
bya kwe xiva xitirulo ku la'va ku tala.
Ritu dra Huluxu!
NSONTO YA WU MAKHUME MARARU KU NKAMA WA

NTOLOVELO
Primeira Leitura: Jeremias 31, 7-9.
Introduçäo:
Ntrhaku ka kuva Yehova a bi vana va Yisrael hi lembe dra 721, hikola ka
vusomboloki bya vu Xikwembu Nkulukumba a va rumeli a ritu dra ku hlaya leswaku
Yehova, hikola ka timpswalu ta kwe, a ta va landrela, a va ntlhantlha, va huma
avukaraweni bya Babiloni, va tlhelela a tikweni dra vu.
A timpswalu ta Xikwembu Nkulukumba i tinyingi nakone a ti heli. Ni namunhla
yene awa mu yamukela wini na wini lw'a ndrulukaka a buya ku yene.
Hikusa a hlaya swoswo Yehova: Yimbelelani hi ku trhava ha Yakob, nwi huwelela

ha lwe wa ku ranga makari ka matiku; paluxani, drumisani nwi ku: Yehova, huluxa
tiku dra ku, ansalonyana ya Yisrael. Lavisani, ndri ta va buyisa va pfa tikweni dra le
nwalungu, ndri va hlengeleta va pfa vuganwini bya misava; kunwe na vu ku ta va
lwe wa ku fa mahlu ni lwe wa ku khuta, lwe a nga ni nyimba kunwe ni lwe a
lunwaka; va ta tlhelela haleno na va tali ngopfu. Va ta buya na va drila; ndri ta va
fambisa na va tratriya, ndri va yisa milambyeni ya mati, hi ndlela le'ya ku lulama le
va nga tiki khunguvanyeka ku yone; hikuva ndri Tatana ku Yisrael, Efraim i nwan'a
nga wa mativula.
141
142
Ritu dra Hosi!
Psalma: 125(126), 1-2ab. 2cd-3. 4-5. 6.
Ntekelelo: A Hosi yi hi yentxeli mahlolwana.
1 - Loko Yehova a buyisi vakhomiwa va le Tsiyon

Afa hi fana ni la'va loraka.
Laho a nomu weru afa wu tali hi tinhleko,
Ni tindrimi teru ti tali hi ku yimbelela ka ku nyonxa.
2 - Lahu-ke va ku a makari ka matiku:

Yehova ava yentxeli le'swikulu.
Im, Yehova a hi yentxeli le'swikulu;
Hi nyonxile.
3 - Yehova, buyisa ku khomiwa kweru

Swanga hi minfula ya le Nyingitimu.
La'va byalaka hi minyembeti
Va ta trhovela va hula hi ku nyonxa.
4 - Va ya, va ya na va drila.
Na va tameli mbeu leyi va xuvaka yone;
Va buya na va huva hi ku nyonxa,
Na va rwala tinyandra ta vu.
Introduçäo:
Hi xihlayelamfuri a muprista wa ku hetiseka i munwe ntsena a nga yene Yesu
Kriste, lweyi hi tlhelo drinwe a nga Nwana wa Nkulukumba, kutani hi tlhelo
drimbeni a nga Nwana wa Mhunu. Axiswoswo hi yene mu tlhanganisi wa
Xikwembu Nkulukumba ni mhunu. Hi ku landrela avafundrisa hikola ka kutotiwa
kwa vu, ni vakriste hikola ka sakramento dra Bapatiso, va yamukelisiwile na vone a
vuprista bya Kriste.
Hikuva a muprista lwe'nkulu wini ni wini, a tekiwiki a makari ka vhanu, a

bekiwa a ku pfuna vhanu atimhakeni tavu ku Xikwembu Nkulukumb, akuva a tisa
ku yene aminhlengo ni timhamba hikola ka swihono, aswi kotaka ku yentxela
vurombe la'va kholwaka ni la'va hoxiki, leswi na yene a trandreliwiki hi minkaralo.
142
143
Hikola ka yone, swanga hi leswi a humexelaka tiko timhamba, a fanekela ku

tihumexela tone na yene swoswo hikola ka swihono. Na kone a kuna mhunu lw'a
nga titekelaka vutireli lebyo bya ku nkhensiwa, loko a nge lw'a vitaniwaka hi
Xikwembu Nkulukumba, swanga ha Aaron. Hi swoswo na yene Kriste a nga
tinkhensanga akuva a tiyentxa muprista lwe'nkulu ha swa-kwe; kambe lweyi a
kaneliki na ye e ku mu byela a ku: U Nwananga: Ndri ku belekile namunhla. Swanga
hi leswi a hlayaka ambangwini munwana, a ku: U muprista hi laha ku nga helikiki.
Hi nawu wa Melkisedek.
Ritu dra Hosi!

Aleluya! Aleluya!
Yehova, ndri tivise tindlela ta ku
ndri dondrise mintila ya ku.
Introduçäo:
Aku hanyisiwa ka mhunu lweyi wa kufa mahlu i xikombiso xa leswaku Yesu
Kriste hi yene Mesiya lweyi a matralwa a faka ma kanela ha yene. Na ye Bartimea,
hi ku mu txhula vitu dra "Nwana wa Davida" a paluxa leswaku Yesu hi yene Mesiya
Muhuluxi.
Kutani va txhikela Yerekho. A ku a huma Yerekho, yene ni vadondrisiwa va kwe,

ni xitrhungu le'xikulunyana, anwan'a Timea, Bartimea, xi nga xikombeli xa ku-fa-
mahlu, af'a trhama ndleleni. Ku ti loko a yingeli leswaku hi Yesu wa le Nazaré, a
sungula ku dandlukana a ku:Nwan'a Davida, Yesu, ndri yentxeli vurombe!
La'vanyingi afa va mu khwavela akuva a miyela. Kambe yene af'a a tshima ku
hundrisa ku bandlukana: Nwan'a Davida, ndri yentxeli vurombe! Yesu a yima a ku:
Mu vitanani! Va hanga ya mu vitana lwe wa ku-fa-mahlu, va ku ku yene: Tiya
ntamu, sekeleka, a wa ku vitana. Yene a txukumetiki nkhantxu wa kwe a tlula hi
milenge, a ta ku Yesu. Yesu a mu yangula a ku: Xana u randra ku nha ndri ku
yentxela yini? Lwe wa ku-fa-mahlu a ku: Rabboni, a ku nha ndri tlhela ndri vona.
Yesu a ku ku yene: Muka, a ku pfumela kwa ku ku ku hanyisile. Hi nomu-lo, a tlhela
a vona, kutani a mu landra ndleleni.
Ritu dra Huluxu!
143
144
NSONTO YA WU MAKHUME MARARU NA YINWE KU NKAMA

WA NTOLOVELO:
Primeira Leitura: Deuteronómio 6, 2-6.
Introduçäo:
Ansinya ya nawu hinkwawu wa vakriste i kuva a mhunu a randra Xikwembu
Nkulukumba hi hika dra kwe hinkwadru ava a randra va-le-kwavu swanga hi leswi
ati randrisaka xiswone. Hi nga ka hi nga swikoti ku randra Xikwembu Nkulukumba,
loko hi nga randri a vhanu kulobye.
Moxe a byela xitrhungu a ku: Akuva u ta txhava Yehova, Xikwembu Nkulukumba

waku, bekisa swiyimisu swakwe hinkwaswu, ni swileleto hinkwaswu leswi ndri ku
leletaka swone, wene, ni nwan'a ku, ni ntukulu waku, hinkwawu masiku ya ku hanya
kwaku; akuva masiku yenu ma ta yandrisiwa. Yingela, we Yisrael, khinyela ku swi
yentxa, akuva swi ta ku xongela, u yandra ngopfu a tikwini dra ntrwamba ni
vulombe, swang'eswi Yehova, Xikwembu Nkulukumba wa vatatana venu, a ku
dumbisiki xiswone.Yingela, we Yisrael; Yehova, Xikwembu Nkulukumba weru, i
Yehova munwe. U ta randra Yehova, Xikwembu Nkulukumba wa ku, hi mbilu ya
ku hinkwayu ni hi hika draku hinkwadru, ni hi ntamu waku hinkwawu. A maritu
lawa ndri ku leletaka wone namunhla, ma ta va mbilwini yaku.
Ritu dra Hosi!
Psalma: 17(18), 2-3a, 3bc-4, 47, 50-51ab.
Ntekelelo: Ndra ku randra, we Hosi,

Wene u ntamu wa nga.
1 - Ndra ku randra hi mbilu ya nga hinkwayu, Yehova,

ntamu wa nga.
Yehova i ribye dra nga, akhokholo dra nga, ni
Muhuluxi wa nga.
2 - Xikwembu Nkulukumba wa nga, ribye dra nga ledri

ndri txhavelaka ku drone,
Xitlhangu xa nga, lihondro dra ku huluka kwa nga.
Ndri huwelela ndri ku: A ku bongiwe Yehova!
144
145
Kutani ndri huluxiwa ku valala va nga.
3 - Awa hanya, Yehova a ndri hlayeliwi tindjombo

Ribye dra nga!
A a kulisiwe Xikwembu Nkulukumba wa ku
huluka kwa nga.
A hanana Hosi ya kwe aku huluka lo'kukulu
A tamela mutotiwa wa kwe hi lirere.
Introduçäo:
A timhamba ta va-Yuda leti apfaka va ti hamba hi swifuyu atindlwini ta laha
misaveni, afa ti phindhiwa hi nguva yinwana ni yinwana, leswi kombaka leswaku
afa ti nga hetisekanga, kasi a mhamba ya Kriste ya ku nyikela a ngati ya kwe ha bya
kwe, ayi vilelanga ku phindha hikusa yi hetiseki ngopfu. A tempeleni dra le tilwini,
Yesu Kriste a wa ti nyikela hinkwawu nkama ku Nkulukumba Tatana akuva yene
ava mhamba ya ku hanyisa a vhanu hinkwavu.
Vamakweru, loko ve vaprista va khale, va vi la'va taliki, hikusa ifa va siveliwa hi ku

fa ku trhama hi masiku. Kambe lweyi hi leswi a trhamaka hi la kunga helikiki a na
ni vuprista lebyinga hundrelikiki ku vambe. Hi leswo naswone awa swikota hi
minkama hinkwayu aku huluxa la'va trhindrekelaka ku Xikwembu Nkulukumba ha
yene, leswi a hanyaka hi masiku hinkwawu akuva ava khongotela. Hikusa afa hi
fanekelwa hi muprista lwe'nkulu lwe waku tanu, wa ku xwenga lw'a nge ke na
nandru, ni xambya, lw'a travukaniki ni vadohi, lw'a nga tlakuxiwa henhla ka matilu,
lweyi swi nga djulikikiki leswaku, hi masiku hinkwawu, a ranga a tihumexela
timhamba hikola ka swihono swa kwe ava a humexela tiku, swanga hi vaprista
la'vakulu vanwana; hikusa e ku swi tirha kanwe ntsena hi ku ti humexa ha swa-kwe.
Hikusa nawu wu beka vhanu la'va nga ni gome, va va vaprista la'vakulu; kambe a
ritu ledri fungaka le'dri nga hlayiwa a ntrhaku ka nawu, dri beka Nwana lw'a
hetisekiki hi la ku nga helikiki.
Ritu dra Hosi!
Aleluya! Aleluya!
Loko mhunu a ndri randra, a ta bekisa ritu dra nga;
kutani Tatana a ta mu randra, hi ta ta ku yene, hi
145
146
ta hamba hi trhama ku yene.
Evangelho: Marcos 12, 28b-34.
Introduçäo:
A nawu lo'wu nga wukulu ku tlula hinkwayu a ndreni ka khume dra milawu,
afpa yi li mhaka swinene a vutonwini bya va-Yuda. Vone afpa va yengetela ngopfu
a mpfumawulo wa milawu, va nyika ngopfu a lisima amintiro le'yi voniwaka. Kutani
Yesu a buya a ta ta kombisa axihlayelamfuri xa nawu lo'wukulu a nga lowu: "U ta
randra Xikwembu Nkulukumba ku tlula mintxhumu hinkwayu u va u randra a
muvundramani swanga heswi u ti randrisaka xiswone". Hi yone leyo, a nhloko ya
mhaka ya vukhongeli.
Ku nkama luwa munwana wa mutrali a trhindrekela ku Yesu a mu vutisa a ku: Xana

a nawu lo'wa ku ranga ku hinkwayu, hi wini? Yesu a yangula, a ku: Lo'wa ku ranga
hi: Yingela, Yisrael, Hosi Xikwembu Nkulukumba weru i Hosi yinwe; kutani u ta
randra Hosi, Xikwembu Nkulukumba wa ku, hi mbilu ya ku hinkwayu, ni hi moya
wa ku hinkwawu, ni hi ku yanakanya kwa ku hinkwaku, ni hi ntamu wa ku
hinkwawu. A wa wubidri hi lowu: U ta randra wa-le-kwenu swanga ha wene. A ku
na nawu wumbeni lowu tlulaka lowu. Amutrali a ku ku yene: Hi swone, we
Mufundrisa, u hlayeli mfuri leswaku i munwe ntsena, ni leswaku a ku na wumbeni
a handle kwa kwe; n'eswaku a ku mu randra hi mbilu hinkwayu, ni hi xifuva
hinkwaxu, ni hi ntamu hinkwawu, ni ku randra wa-le-kwavu swanga hi loko a ti
randra, swi tlula timhamba ta ku hisiwa hinkwatu ni switlhavelo hinkwaswu. Yesu,
loko a vona leswaku a yanguli hi xifuva, a ku ku yene: A wu kule ni nfumo wa
Xikwembu Nkulukumba. Kolahu a ka ha vanga na mhunu lw'a nga tiya ku mu vutisa
ntxhumu.
Ritu dra Huluxu!
NSONTO YA WU MAKHUME MARARU NA TIBIDRI KU NKAMA

WA NTOLOVELO:
Primeira Leitura: I Reis 17, 10-16.
Introduçäo:
Amuprofeta Eliya a ti travuxi ku va-kwavu hikusa a lixaka ledro dra ku
hlawuliwa, apfa dri wi axihonweni xa ku nkhisamela a mintxhumu ya ku vatliwa ni
ya ku vumbiwa. A suki a famba na a tali hi ku dumba. A timpswalu ta mu felakazi
146
147
wa le Tsarefath, a tlangeliwi hi ntamu wa ku bekisa, ya Xikwembu Nkulukumba,

hikusa a nga ti drivali a timbilu ta vurombe.
Dondro ya Buku dra Tihosi:
Ku masiku lawaya, a muprofeta Eliya a suka a ya Tsarefath, a ku tlhaseni kwa kwe

anyagweni ya muti, lavisa, wansati wa mufelwa afa a rolela tihunyi kone; a mu
vitana a ku ku yene: Ndri djulele a matinyana a xibyeni ndri nwa, ndra ku kombela.
Ku ti loko a ha famba ku mu djulela wone a mu vitana a ku: Ndri buyisele ni linsense
dra kati avokweni dra ku, ndra ku kombela. Yene a ku ku yene: Yehova, Xikwembu
Nkulukumba wa ku a wa hanya! A ndri na dru a kati ni dritrongo, kambe ndri ni
ntsena mapa matrongonyana anhlembetweni ni mafura matrongo ankhuvini; lavisa,
ndri rolela tihunyi tibidri ndri muka, ndri ya swekela nwan'a nga na mine, hi ta da,
kutani hi ta fa. Eliya a ku ku yene: U nga txhavi, famba u ya yentxa swang'eswi u
hlayisiki xiswone, kambe, ranga u ndri swekela ku swone akatinyana u ndri buyisela
drone; antrhaku hi kone u ta ka ti swekela ni nwan'aku. Hikusa a hlaya swoleswo
Yehova, Xikwembu Nkulukumba wa Yisrael a li: Amapa ma nga ka ma nga heli
anhlembetweni, ni mafura ma nga kale ankhuvini, ku ko ku tlhasa a siku ledri
Yehova a ta ka nisa ampfula misaveni. A famba a ya yentxa swang'eswi Eliya a
byelisiki xiswone. Hi leswo, va da, yene kunwe ni ndangu wa kwe na yene hi
masiku. Amapa a ma helanga anhlembetweni, ni mafura a ma kalanga ankhuvini,
swanga hi ritu dra Yehova, ledri a nga hlaya drone ha Eliya.
Ritu dra Hosi!
Psalma: 145(146), 7. 8. 9. 10.
Ntekelelo: Hika dra nga drumisa Yehova.
1 - Lw'a yentxelaka la'va xanisiwaka a ku yavukanisa;

Lw'a nyikaka la'va ndlala swa-ku-da
Yehova a ntrhunxa vabohiwa.
2 - Yehova a pfula mahlu ya la'va ku fa mahlu;

Yehova a wololoxa la'va wovekiki,
Yehova a randra la'va ku lulama.
3 - Yehova a londrovota va-matiku,

A seketela xirombe ni nhlolokati;
Kambe a ndlela ya la'vanfani awa yi hambukisa.
4 - Yehova a ta fuma hi la ku nga helikiki.

Xikwembu Nkulukumba wa ku, Tsiyon,
a fuma tinxakeni ni le tinxakeni.
147
148
Introduçäo:
A timhamba ta va-Yuda, leti afaka va ti hamba hi swifuyu a tindlwini ta laha
misaveni, afa ti phindhiwa hi nguva yinwana ni yinwana, le'swi kombaka leswaku
afa ti nga hetisekanga. Kasi amhamba ya Kriste ya ku nyikela a ngati ya kwe ha
byakwe a yi vilelanga ku phindha hikusa yi hetiseki ngopfu. A tempeleni dra le
tilwini, Yesu awa ti nyikela hinkwawu nkama ku Xikwembu Nkulukumba Tatana
akuva yene ava mhamba ya ku huluxa avhanu hinkwavu.
Hikusa Kriste a nga nhingenanga ambangwini wa ku xwenga lo'wu yentxiwiki hi

mavoko, lo'wu nga xifaniso ntsena xa lo'wu nga wone; kambe a nhingeni tilwini,
antshima ya drone, a ya humelela swoswi a mahlweni ka Xikwembu Nkulukumba
hikola kweru. A hi leswaku a ti humexa yene ha kunyingi, swanga hi loko muprista
lwe'nkulu a nhingena lembe drinwana ni drinwana a tisa ngati yinwana; hikusa nha
a fanekelile ku yingela ku vaviseka ha kunyingi, ku suka aku tumbulukeni ka misava;
kambe swoswi a humeleli kanwe a ku hetisekeni ka minkama, a ta helisa swihono
hi ku tihumexa ava mhamba. Kutani swanga hi loko ku leletiwa leswaku vhanu va
fa kanwe nangweso ku yavanyisa ku ta va kone, hi swoswo, Kriste, ku ti loko a
humexiwi kanwe ku byatsha swihono swa la'vanyingi, a ta voniwa dra vubidri ku
nge ha mhamba ya xihono, a humelela ku la'va mu laviselaka va ta huluxiwa hi yene.
Ritu dra Hosi!
Aleluya! Aleluya!
Swi ni ndjombo swisiwana moyeni,
hikusa nfumu wa matilu i wa swone.
Evangelho: Marcos 12, 38-44 (Forma longa)

Marcos 12, 41-44 (Forma breve)
Introduçäo:
Axinyikelo xa mufelakazi, xitrongo hi mpimu wa xone, kambe xi vi xikulu
hi ntlhamuxelo wa xone. Hi tlhelo dra Ivangeli, a hi ntalu wa swinyikelo lo'wu nga
ni lisima, kambe ntsena a nkongometo wa ku hetiseka wa moya lo'wu rumaka a ku
hamba xinyikelo. A hi tiveni aku nyikela hi ku khululeka ka mbilu.
148
149
(Forma longa)
Ku nkama luwa, Yesu, aku dondriseni kwa kwe, af'a ku: Tivonani ku vatrali, la'va
randraka ku ratela hi makapulana ya ku leha, ni ku losiwa tihubyeni, ni switrhamu
swa ku ranga a masinagogeni, ni vutrhamu bya ku ranga a minkhubyini . Vone, la'va
daka a tiyindlu ta vavasati la'va ku felwa, na va hamba swanga va khongota le'swa
ku leha, vone va ta kuma ku yavanyisiwa lo'ku hundrisaka. A tiki a trhama kusuhi
ni lomu va bekisaka kone nhlengo, a langusa leswi xitrhungu xi txhelisaka xi-swone
mali anhlengweni. Avafuyi la'va ku tala afa va txhela la'manyingi. Ka ku tlhasa lwe
wa ku felwa wa xisiwana, a txhela kone aswimalinyana swibidri, le'swi dringanaka
ni kodrante. Yene a vitana vadondrisiwa va kwe a ku ku vone: Ndri hlayelamfuri
ndri li ku nwine: Lwe wa mufelwa lwe wa xisiwana a txheli ku tlula hinkwavu la'va
txheliki nhlengweni, hikuva, hinkwavu va txheli na swi pfa ku taleliweni kwa vu,
kambe yene a txheli na swi pfa ku pfumaleni kwa kwe, hinkwaswu leswi a nga
naswu, swa vutomi bya kwe hinkwabyu.
Ritu dra Huluxu!
NSONTO YA WU MAKHUME MARARU NA TIRARU KU

NKAMA WA NTOLOVELO:
Primeira Leitura: Daniel 12, 1-3.
Introduçäo:
A va-Yuda afa va hlupheka hi ku karatiwa hi Hosi ya Síria, Antíoco Epifâneo,
ankameni lo'muprofeta Daniel a nga trala ha wone abuku dra kwe, hi malembe ya
167-165 na Yesu anga si va kone. Leswi va-Yuda va ku dlayiwa afaka va li vanyingi,
ku vi ni ku hiteka ka ku randra ku tiva leswaku leswi va dlayiwiki hi mhaka ya ku
mpfekela a vitu dra Xikwembu Nkulukumba, byi ta va na byili byini avugamu bya
vu na? Daniel a ha nga kanela hi ku pfuka ka vafi, a kombisa leswaku a ku pfuka
kufeni, i xiyenge xa ku sungula antrhaku ka lifo.
Dondro ya Buku dra Muprofeta Daniel:
Ankameni luwa, Mikael, a hosana le'yikulu, le'yi yimelaka a vana va tiku dra ku, a
ta humelela; wu ta va nkama wa nhlomulo lo'wukulu, lo'wa ku va ke heke loko
matiku ma tumbuluka ku tlhasa swoswi, lo'wa nga hi lowu wu nga siki na va kone.
Ankameni lowo a tiku dra ku dri ta huluka, va nga hinkwavu la'va ta ka kumiwa va
149
150
traliwi abukwini. La'vanyingi, la'va khutriyelaka ntrhurini wa misava va ta pfuka,

avanwana va ta pfukela vutonwini le'byi nga gamikiki, a vanwana va ta pfukela
tinganeni ni le ku nyenyiweni lo'ku nga gamikiki. La'va ku tlhariha va ta phatima ku
fana ni ku phatima ka mpfuka, ni la'va dondrisiki la'vanyingi a ku lulama va ta fana
ni tinyeleti hi minkama ni minkama.
Ritu dra Hosi!
Psalma: 15(16), 5. 8. 9-10. 11.
Ntekelelo: Ndri bekise we Hosi,

ndri dumbe ku wene.
1 - Yehova i yavelo dra nga, ntsheko lo'ndri

yaveliwiki wone;
Hi wene lw'a ndri tiyiselaka yavelo dra nga.
Ndri beki Yehova a mahlweni kwa nga hi
masiku hinkwawu;
Ndri nga ka ndri nga trekatrekisiwi,
hikusa a li tlhelweni dra nga le'dra xinene.
2 - Hi leswo-ke a mbilu ya nga yi trhavile, ni hika dra

nga dri nyonxile;
Na yo nyama ya nga yi ta trhama hi ku dumba.
Hikusa u nga wu nyikete moya wa nga Xoel,
Nakone u nga pfumele leswaku murandriwa wa ku a
vona xira.
3 -U ta ndri tivisa ndlela ya vutomi;

Andralu ya ku trhava yi kone malhweni kwa ku.
Ni ku nyonxa vokweni dra ku le'dra xinene, hi la ku nga
helikiki.
Segunda Leitura: Hebreus 10, 11-14. 18.
Introduçäo:
A timhamba ta nawu wa khale afa ti li tinyingi, kambe afa ti nga swikoti a ku
drivalelisa aswihono. Amhamba ya Yesu yive yinwe ntsena, a Kalvariyo, kambe yi
swikotile, ku la'va pfumeliki, a ku susa hinkwavu vhanu a vubihini va nhingena a ku
saseni.
Kasi muprista munwana ni munwana a yimile, na a gandrela siku drinwana ni

drinwana, a tekisa ku humexa timhamba tinwe le'ti dluvaka ku susa swihono ni siku
150
151
drinwe; lweyo, e ku a humexa mhamba yinwe ntse hikola ka swihono, a ku trhamisa

hi laha ku nga helikiki, avokweni dra xinene dra Xikwembu Nkulukumba, na a
rindrela ku kondra a valala va kwe va bekisa va va vunalavutelo bra minkondro ya
kwe. Hikuva ha mhamba yinwe e ku hetisisa hi laha ku nga helikiki la'va
xwengisiwiki. Kambe lomu leswi swi drivaleliwiki, a ke he na ku humexiwa ka
mhamba hikola ya swihono.
Ritu dra Hosi!
Aleluya! Aleluya!
Hitekani-ke hi minkama hinkwayu, nwi
ta kota ku yima a mahlweni ka Nwana wa mhunu.
Introduçäo:
Aku fana ni leswi swi nga sungula swi tiveka leswaku, ku trhama ni ku
trhama, Yerusalem a ta hlaseliwa a hohlotiwa, hi tiyimpi ta va-Roma, na drone a
siku dra vugamu, dri ta rangeliwa hi swikombisu, na kasi ankama wunene i xihundla
xa Xikwembu Nkulukumba. A xiswoswo, vamakweru, hi fanekele a ku trhama na
hi ti bekiselile. Axitiviso lexi nangweso, xi tirela ni lifo dra munwana ni munwana
ku hine hinkweru.
Ku nkama luwa Yesu, na a kanela ni vadondrisiwa va kwe hi tlhelo dra ku buya kwa
kwe a va byelile a ku: Kambe amasikwini lawo, loko ku hundri nhlomulo lowo, a
dambu dri ta yentxa munyama, ni hweti yi nga ha humexe aku vaninga ka yone; na
to tinyeleti, ti ta wa tipfa tilwini, ni mintamu le'mi nga matilweni mi ta
trekatrekisiwa. Hi lo nkama va ta vona Nwana wa mhunu, a ta hi matlavi hi ntamu
lo'wukulu ni ku phatima. Hi lo nkama a ta ruma xirunwa, a hlengeleta vahlawuliwa
va kwe, va pfa ku mune wa timheho, ku sungula vuganwini bya misava, ku ya
txhikela vuganwini bya tilu. Dondrani hi nkuwa axifaniso lexi: Loko tinkambu ta
wone ti sungula ku nabyala, ku mila ni matluka, ma switiva leswaku minyuku mi
kusuhi. Hi swoswo na nwine, loko nwi vona leswo, tivani leswaku a le kusuhi,
anyangweni. Ndri hlayelamfuri ndri li ku nwine leswaku avhanu va nkama lo va nga
ka va nga khaluti, leswo hinkwaswu swi nga sanga na humelela. Atilu ni misava swi
ta hundra, kambe a maritu ya nga ma nga ka ma nga hundri. Kambe loko dri siku
ledro ni nkama wa siku, akuna mhunu lw'a switivaka, nambi swi swirunwa swa le
tilweni, namb'e Nwana, loko a nge Tatana.
Ritu dra Huluxu!
151
152
NSONTO YA WU MAKHUME MARARU NA MUNE KU NKAMA

WA NTOLOVELO:
Primeira Leitura: Daniel 7, 13-14.
Introduçäo:
Yesu Kriste hi ku tiya a hlaya mahlweni ka muprista lwe'nkulu (Mk. 14, 62)
leswaku hi yene Mesiya, a ti paluxile swanga i Hosi ya ku ka vugamu, Hosi ya tilo
ni misava. Yene a nyikiwi hi Tatana a ntamu wa ku fuma a tinxaka hinkwatu, a
vhanu va tindrimi hinkwatu ni va minfumu hinkwayu.
Dondro ya Buku dra Muprofeta Daniel:
Na ndri lavisa, ndri vona xivonisweni xa vusiku, lavisani, munwe lw'a fanaka ni
nwana wa mhunu a ta hi matlhavi ya tilu, a ta ku lwe wa masiku, a yisiwa mahlweni
kwa kwe. A nyikiwa wuhosi, ni ku phatima, ni nfumu, akuva tintrhundru hinkwatu,
ni matiku hinkwawu, ni va tindrimi hinkwatu, va mu tirela. Avukosi bya kwe hi
vuhosi le'byi nge ke na vugamu, le'byi nge ke na ku hela; na kone a nfumu wa kwe
wu nga helisiwi.
Ritu dra Hosi!
Psalma: 92(93), 1ab. 1c-2. 5.
Ntekelelo: Yesu Kriste i Hosi, ku vutrhamu

le'byi phatimaka.
1 - Yehova a wa fuma a yambali ku tlakuka;

Yehova a yambalile, a tikhami hintamu.
2 - Na kone a misava mi tiyisiwile mi nga trekatreke.

A xiluvelo xa ku xi tiyile ke he khaleni ka khale.
3 - Avumboni bya ku byi dumbeka swinene;

A ku xwenga ku fanela yindlu ya ku Yehova,
ku kondra ku ya va ha khale.
Segunda Leitura: Apocalipse 1, 5-8.
Introduçäo:
152
153
A buku dra Mpfuletelo dri traliwi ankameni wa Hosi Dioclesiano, munwe wa

vaxanisi vakulu va Kereke. Ku buku ledri Yohan a hamba tndlela ta ku tivisa a
vadondrisi va drone a matrhamele ya ku lavisela le'swinene ni ku dumba a hosini, hi
ma yentxela ya ku susa a ku ganaganeka loko a mhunu a li xikari ka tinxaniso, hikusa
Kriste i masungulo ni vugamu.
Dondro ya Buku dra Mpfuletelo:
Ni le ku Yesu Kriste, a nga mboni le'yi dumbekaka, a mativula ya la'va ku fa,

ahosi ya tihosi ta misava! Ku lw'a hi randraka, lw'a nga hi hlampswa swihono sweru
hi ngati ya kwe, kutani a hi hambi nfumu ni vaprista ku Xikwembu Nkulukumba
Tatana wa kwe, ku yene a ku ve lidrumo ni ntamu hi masiku ni masiku. Amen.
Lavisani, a ta hi matlavi, kutani mahlu hinkwawu ma ta mu vona, na vone la'va nga
mu tlhava; kambe tinxaka hinkwatu ta misava ti ta tiva swifuva hikola kwakwe.
Ahina. Amen. Ndri Alfa na Omega, ku hlaya Hosi Xikwembu Nkulukumba, Lw'a
nga kone, Lwe faka e kone, Lw'a takava kone, lwe wa ntamu hinkwawu.
Ritu dra Hosi
Aleluya! aleluya!
A katekile lw'a taka hi vitu dra Hosi,
U katekile a nfumu lo'wu taka wa
tatana weru Davida.
Evangelho: Joäo 18, 33b-37.
Introduçäo:
Drinwe vitu dra Bíblia, ledri Mesiya a txhuliwiki drone, hi dra ku i Hosi.
Kambe Yesu, nambi loko aswitiva leswaku yene i Hosi, a dri yalile minkama
hinkwayu, hi ku tiva leswaku avuhosi lebyi afaka va mu hlaya byone, i bya ku
hambana ni vuhosi lebyi hakunene a nga Hosi ha byone. Amahlweni ka Pilatos, Yesu
a pfumelile hi ntiyiso leswaku yene i Hosi, ava a tlhamuxela leswaku a nfumu wa
kwe a wu fani ni wa misava, kambe wone wova "Nfumu wa ku ka vugamu wa le
tilweni, Nfumu wa xihlayelamfuri ni vutomi, Nfumu wa ntiyiso, Nfumu wa lirandru
ni ku rula".
Ivangeli ya Yeus Kriste Abukwini dra Yohan:
Ku nkama luwa, Pilato a tlhela a nhingena ndlwini ya vuhosi, a vitana Yesu a ku ku

yene: Xana u Hosi ya va-Yuda xana? Yesu a mu yangula a ku: Xana u hlaya mhaka
leyi ha swa-ku, kumbe a vanwana ve ku byela a mhaka ya nga xana? Pilato a yangula
153
154
a ku: xana ndri mu-Yuda xana? Atiku dra kwenu ni vaprista la'vakulu va ku nyiketi
ku mine. U yentxi yini? Yesu a yangula a ku: anfumu wa nga a hi wa misava leyi.
Loko fa a nfumu wa nga wu wa misava leyi, afa malandra yanga ma ta lwa, akuva
ndri nga ti nyiketiwa ku va-Yuda; kambe swoswi a nfumu wanga a hi wa lomu.
Pilato a ku ku yene: Xana u Hosi wene? Yesu a yangula a ku: U hlaya swone, ndri
Hosi; ndri pswaliweli swone, ndri teli swone misaveni, akuva ndra ta tiyisa
xihlayelamfuri. Mani na mani lw'a nga wa xihlayelamfuri a yingiseta ritu dranga.
Ritu dra Huluxu!
NKHUVU WA VAHLAWULEKI HINKWAVU
(Domingo mais próximo do dia 1 de Novembro)
Primeira Leitura: Apoc. 7, 2-4. 9-14.
Introduçäo:
Amudondrisiwa lwe waku randreka ngopfu, mupostola Yohan, ku ndrimana
leyi taka hlayiwa swoswi, a hi drungulela amhaka leyi a yi voniki hi mahlu ya moya
na li xihlaleni xa patmos. Afa e kari a vona le matilwini aswitrhungu swa vhanu
vanyingi, va ku kala nhlayu, avahlawuliwa va tinxaka-nxaka hinkwatu, va tindrimi
hinkwatu, na va namaretiwi aswikombiso swa xahambano, va basisiwi hi ngati ya
Hambana a nga Yene Hosi Yesu Kriste. Ahuluxo i dra vhanu hinkwavu lava
pfumelaka a Muhuluxi hi ku hetiseka.
Dondro ya Buku dra Mpfuletelo dra Yohan:
Mine Yohan, ndri vona yinwana ntrumi yi huma wuxeni, na yi ni xifungo xa

Xikwembu Nkulukumba lw'a hanyaka; yi bandlukana hi ritu le'drikulu ku mune wa
tintrumi le'ti nyikiwiki ntamu wa ku hona misava ni likhulu; yi ku: N'wi nga honeni
misava, ni likhulu, ni miri, hi ko hi funga malandra ya Xikwembu Nkulukumba weru
a mimombyeni ya vu. Na ku yingela ntalo wa la'va ku fungiwa: Vali khume dra
madzana ya madzana, na mune wa madzana, ya madzana, na mune wa makhune ya
madzana, la'va fungiwiki ku tinxaka hinkwatu ta vana va Yisrael. Antrhaku ka leswo
ndri lavisa: Ku voneka axitrhungu le'xikulu lexi faka ku nge na mhunu lw'a kotaka
ku xi hlaya, xa matiko hinkwawu, ni xa tinxaka, ni xa tintrhundru ni xa tindrimi; va
yimi mahlweni ka xiluvelo, ni le mahlweni ka Hambana, na va yambali minkhantyu
le'ya ntlhohe, va tameli minkindru a mavokweni ya vu. Va ku bandlukana hi ritu
le'drikulu, vaku: Ahuluxo i dra Xikwembu Nkulukumba weru lw'a trhamiki
xiluvelweni, ni dra Hambana. Atintrumi hinkwatu afa ti yimi, ti trandrela xiluvelo,
ni vakulu, ni mune wa swivumbiwa; kutani tiwa hi mimombo mahlweni ka xiluvelo,
ti khinsamela Xikwembu Nkulukumba, ti ku: Amen. Aku nkhensa, ni lidrumo, ni
vutlhari, ni ku tlangela, ni xihluwa, ni vuhosi, ni ntamu, a swi ve ku Xikwembu
Nkulukumba weru hi masiku ni masiku. Amen. Amunwana ku vakulu a yangula a
154
155
ku ku mine: La'va yambaliki a mikhantyu le'ya ntlhohe i vamani xana; va pfa kwini?
Kambe ndri ku ku yene: Ku tiva ha wene, Hosi yanga. A ku ku mine: Lava, hi la'va
pfaka nhlomulweni lo'wukulu, va nhlampswiki minkhantyu ya vu, va mi basisa hi
ngati ya Hambana.
Ritu dra Hosi!
Psalma: 23(24), 1-2. 3-4ab. 5-6.
Ntekelelo: Hi ledri a lixaka dra la'va djulaka a Hosi

La'va djulaka mombo wakwe.
1 - A misava i ya Yehova ni hinkwaswu le'swi

nga ku yone,
A misava ni la'va yakiki ku yone.
Hikusa yene a mi sunguli henhla ka malwandle,
A mi tiyisi henhla ka milambu.
2 - I mani lw'a nga ntlhantukelaka nhaveni ya Yehova,

Lw'a nga trhamaka mbangwini wa ku hlauleka
Kwa kwe?
Hi lwe wa mandla la'ya ku ka nsila,
Lwe wa mbilu ya ku basa,
Lw'a nga nyiketikiki moya wa kwe madrimini.
3 - A ta yamukela ku tovoka ka Yehova,

Ni ku lulama ka Xikwembu Nkulukumba, muhuluxi
wa kwe.
Hi drodro lixaka dra la'va mu djulaka,
La la'va djulaka mombo wa ku Yakob.
Introduçäo:
Swoswi, hi vana va Xikwembu Nkulukumba hikola ka lirandru dra ke. A
tilweni hi ta mu vona swanga hi leswi a nga swone. A hi djuleni, ku sukela swoswi
a ku xwengisa a ma hika yeru, hikusa lava va basiki timbilu hi vone va taka vona
Dondro ya Papela dra ku Sungula dra Johan:
Varandriwa: Lavisani lirandra le'dra ku nhati. ledri a hi nyikiki drone Tatana, loko
hi hlayiwa vana va Xikwembu Nkulukumba. Kutani hi hine lavo. Hi leswo-ke a
misava a mi hi tivi, hikuva a ma mu tivanga na yene. Varandriwa, kutani hi vana va
155
156
Xikwembu Nkulukumba, ka ku ka nga si voneka leswi hi taka va swone: Swoleswi-

ke hi tivaka leswaku a ta ku awa voneka, ha ku fana na yene, hikuva hi ta mu vona
swanga hi leswi a nga swone. Lweyo ni lweyo lw'a nga ni ku dumba koloku ku yene
awa tibasisa, swanga h'eswi na yene a basiki.
Ritu dra Hosi!
Aleluya! Aleluya!
Tanani ku mine, hinkwenu la'va karaliki
na n'wine n'wi bindriwaka, ndri ta n'wi wisisa.
Evangelho: Mat. 5, 1-12a.
Introduçäo:
Hosi Yesu Kriste, a komba vadondrisiwa a ndlela ya Nfumu wa Xikwembu
Nkulukumba. A madrungula lawa hi taka ma yingela i mahlayela ya ku gomisa, ya
ndlela leyi yi kongometisanaka a nfun'wini wa le tilwini.
Ku nkama luwa, Yesu loku a vona switrhungu, a ku ntlhantukela nhaveni; a ku awa

trhamisa, a vadondrisiwa va kwe va trhindrekela kusuhi na ye. Ku ti loku a yahlamuli
nomu wa kwe, a va dondrisa a ku:
Swi ni ndjombo swisiwana moyeni, hikusa nfumu wa matilu i wa swone. Va ni
ndjombo la'va nga nhlomulweni, hikusa va ta miyetiwa. Ti ni ndjombo a timbulwa,
hikusa ti ta da pfindla dra misava. Va ni ndjombo la'va nga ni ndlala ni tora dra
le'swa ku lulama, hikusa va ta xurisiwa. Va ni ndjombo la'va nga ni lirere, hikusa va
ta yentxeliwa lirere na vone. Va ni ndjombo la'va basiki timbilu, hikusa vone va ta
vona Xikwembu Nkulukumba. Va ni ndjombo valulami, hikusa vone va ta txhuliwa
vana va Xikwembu Nkulukumba. Va ni ndjombo la'va xaniseliwaka ku lulama;
hikusa nfumu wa matilu i wa vu. Nwita va ni ndjombo loko va nwi ruka, va nwi
xanisa, va hlaya maritu hinkwawu ya ku biha ha nwine hi ku hemba,hikola
kwanga.Trhavani, nwi trhavisisa, hikusa hakelo drenu i drikulu amatilwini.
Ritu dra Huluxu!
NKHUVU WA KU DRIMUKA VAPFUMELI HINKWAVU LA VA

FIKI
(2 DE NOVEMBRO)
156
157
Primeira Leitura: II Macabeus 12, 43-46.
Introduçäo:
A ku pfumela a vutonwini le'byi nga gamiki swi hi yentxa leswaku hi pfuna
hi mikhongoto a vafi, akuva Hosi yi ta va twela vurombe yi va tretrelela aswihono
swa vu.
Dondro ya Buku dra Wubidri dra Macabeus:
Masikwini lawo, Yudas Macabeu a hlengisile a vhanu va kwe a nhlengo wa

mimpimo ya makhume mabidri ya madracma a ma rumela Yerusalem akuva ma ya
nyikeliwa swanga magandrelo ya ku drivaleliwa ka swihono. A yentxisa xiswoswo
hikola ka ku pimisa a ku pfuka ka vafi. Hikuva loko fa a nga dumbi leswaku la'va
yetleliki ntrhurini va ta pfuka, a swita va na swi nga djuleki, nakone afa swi ta va na
swi xihlekisu ku khongotela la'va fiki. Nangweso, funtri yene afa a pimisa leswaku
a hakelo drinene dri bekiseliwi la'va fiki na va lulamile: I mapimisela manene lawo.
Kavi hi swoswo yene a yentxiki magandrelo hikola ka la'va fiki, leswaku va ta kuma
ku tiruliwa aswihonweni swa vu.
Ritu dra Hosi!

Psalma: 129(130), 1-2. 3-4. 5-6a. 6b-7. 8.
Ntekelelo: Ndri laveleli Yehova; ahika dra nga

dri mu lavelelile.
1 - Ndri bandlukana ku wene, Yehova, ndri le ku

yeteni a hansi.
We Hosi yingela ritu dra nga.
Atindleve ta ku a ti yingesete ritu dra
mintratriyo ya nga.
2 - Loko wene, u trotra vusomboloki,

I mani, we Hosi lw'a taka yima xana?
Kambe a lidrivalelo dri le ku wene,
Akuva u txhabyiwa.
3 - Ndri laveleli Yehova; ahika dra nga

dri mulavelelile,
Ndri dumbi ritu dra kwe.
Ahika dra nga dri lavelela Hosi
Hi lavelelo le'dri hundrisaka dra la'va
lavelelaka mixo.
157
158
4 - Ndri li, le'dri hundrisaka dra la'va

lavelelaka mixo.
Yisrael, dumba Yehova.
Hikuva lirere dri le ku Yehova,
Dri le ku yene ni tirulo le'dra ku yandra.
Yene a ta tirula Yisrael
Aku sombolokeni kwa kwe hinkwaku.
Segunda Leitura: I Tes. 4, 13-14. 17b-18.
Introduçäo:
Paulo a dondrisa a vakriste va-le-Thesalonika afaka va kohleka he'swi taka
humelela valekwavu la'va tiyetleleliki, avuganwini bya minkama: A swikotile ku
vatlhamuxela leswaku a vahlauliwa va ta pfuka va va kunwe na Yesu lw'a hluliki
lifu. Ntrhaku na vone vahlauliwa la'va ku hanya hi vugamu va ta landrela, akuva va
ta va xikanwe na Yesu ku kondra ku hela minkama.
Dondro ya Papela dra ku Sungula dra S.Paulo ku va-le-Thesalonika:
Kambe a ndri swi randri, vamakweru, leswaku n'wi kohla hi timhaka ta la'va
tiyetleleliki, n'wi nga ti vaviseka swanga hi vanwana la'va ngeke na ku dumba.
Hikusa loko hi kholwa leswaku Yesu a file, a va a pfuka, hi swoswo ni la'va yetleliki,
Xikwembu Nkulukumba a ta va buyisa ha Yesu kunwe na yene. Hi va ni Hosi kolahu
hi minkama hinkwayu. Hi leswo-ke, miyetanani hi maritu wolawa
Ritu dra Hosi!
Aleluya! Aleluya!
Hi mine ku pfuka ni vutomi, ku hlaya Hosi.
Lweyi a pfumelaka ku mine, nambi a file,
a ta hanya.
Ku nkama luwa, Yesu a byela switrhungu a ku: Hinkwaswu leswi Tatana a ndri
nyikaka, swi ta ta ku mine, kutani lweyi a taka ku mine, ndri nga ka ndri nga mu
hlongoli. Hikusa ndri xikile, ndri pfa tilwini, swi nge leswaku ndra ta yentxa ku
randra kwa nga, kambe ku ku randra ka lweyi a ndri rumiki. Kutani hi kone ku
randra ka lw'a ndri rumiki, leswaku ku hinkwaswu leswi a ndri nyikiki swone, ndri
nga vi lahla ntxhumu ku swone; kambe ndri ta swi pfuxa asikwini dra vugamu.
Hikusa hi kone ku randra ka lw'a ndri rumiki leswaku mani na mani lweyi a
158
159
hlalelaka N'wana, a pfumelaka ku yene, a va ni vutomi le'byi nga gamikiki; kutani

mine n'ta mu pfuxa sikwini dra vugamu. Ritu dra Huluxu!
ÍNDICE
NSONTO YA KUSUNGULA KU NKAMA WA

LAVISELA HOSI ....................................................... 1
NSONTO YA WUBIDRI KU NKAMA WA KU
LAVISELA HOSI ....................................................... 5
NKHUVU WA MARIA WA KU BELEKIWA

NANGENA XIHONO................................................. 10
NSONTO YA WURARU KU NKAMA WA KU

LAVISELA HOSI ...................................................... 15
NSONTO YA WUMUNE KU NKAMA WA KU
LAVISELA HOSI ...................................................... 19
KU BELEKIWA KA HOSI
- MHAMBA YA KU LAVELELA – WUSIKU.................. 24
- MHAMBA YA MPUNDRU ....................................... 29
- MHAMBA YA NHLIKANHI ...................................... 33
NKHUVU WA NDANGU WA KU HLAWULEKA .......... 38
NKHUVU WA MARIA WA KU XWENGA MAMANA

WA NKULUKUMBA ................................................. 43
KU KOMBISEKA KA HOSI ....................................... 47
NKHUVU WA NTRAKAMISU WA HOSI ..................... 52
NSONTO YA WUBIDRI KU NKAMA WA NTOLOVELO. 56

NSONTO YA WURARU KU NKAMA WA NTOLOVELO. 60
NSONTO YA WUMUNE KU NKAMA WA NTOLOVELO. 63
NSONTO YA WUNTHLANU KU NKAMA WA
NTOLOVELO ............................................................ 68
NSONTO YA WUNTHLANU NA YINWE KU NKAMA
WA NTOLOVELO ..................................................... 72
NSONTO YA WUNTHLANU NA TIBIDRI KU NKAMA
WA NTOLOVELO ...................................................... 76
WAWURARU WA NORA ........................................... 80

NSONTO YA KU SUNGULA KU NKAMA
WA MAHLOMULU ................................................... 85
NSONTO YA WUBIDRI KU NKAMA WA
MAHLOMULU .......................................................... 89
NSONTO YA WURARU KU NKAMA WA
MAHLOMULU .......................................................... 94
NSONTO YA WU MUNE KU NKAMA WA
MAHLOMULU ......................................................... 100
159
160
NSONTO YA WU NTHLANU KU NKAMA

WA MAHLOMULU ................................................... 104
NSONTO YA WUBIDRI YA PASKA ........................... 108

NSONTO YA WURARU YA PASKA ........................... 113
NSONTO YA WU MUNE KA PASKA .......................... 116
NSONTO YA WUNTHLANU YA PASKA .................... 121
NSONTO YA WUNTHLANU NA YINWE YA PASKA ... 125
NSONTO YA WUNTHLANU NA TIBIDRI KA PASKA
- Solenidade da Ascenção do Senhor.............................. 129
NSONTO YA PENTEKOSTA ................................... 135

NSONTO YA "SANTÍSSIMA TRINDADE .................. 139
NKHUVU WA KU GANDRELA MIRI NI NGATI
YA KRISTE ............................................................ 144
NSONTO YA WUNTHLANU NA TIRARU KU NKAMA
WA NTOLOVELO ................................................... 149
NSONTO YA WUNTHLANU NA MUNE KU NKAMA
WA NTOLOVELO ................................................... 153
NSONTO YA WUKHUME KU NKAMA WA
NTOLOVELO ........................................................ 158
NSONTO YA WU KHUME NA YINWE KU NKAMA
WA NTOLOVELO .................................................. 163
NSONTO YA WU KHUME NA TIBIDRI KU NKAMA
WA NTOLOVELO .................................................. 167
NSONTO YA WU KHUME NA TIRARU KU NKAMA
WA NTOLOVELO .................................................. 171
NSONTO YA WU KHUME NA MUNE KU NKAMA
WA NTOLOVELO .................................................. 176
NSONTO YA WU KHUME NA NTHLANU KU NKAMA
WA NTOLOVELO ................................................... 180
NSONTO YA WU KHUME NI NTHLANU NA YINWE
KU NKAMA WA NTOLOVELO ................................ 184
NSONTO YA WU KHUME NI NTHLANU NA TIBIDRI
KU NKAMA WA NTOLOVELO ................................. 188
NSONTO YA WU KHUME NI NTHLANU NA TIRARU
KU NKAMA WA NTOLOVELO.................................... 193
NSONTO YA WU KHUME NA TLHANU NA MUNE KU NKAMA WA NTOLOVELO
......................................... 198
NSONTO YA WU MAKHUME MABIDRI KU NKAMA
WA NTOLOVELO ..................................................... 203
NSONTO YA WU MAKHUME MABIDRI NA YINWE
KU NKAMA WA NTOLOVELO .................................. 208
NSONTO YA WU MAKHUME MABIDRI NA TIBIDRI
NSONTO YA WU MAKHUME MABIDRI NA TIRARU
NSONTO YA WU MAKHUME MABIDRI NA MUNE
NSONTO YA WU MAKHUME MABIDRI NI NTLHANU
160
161
KU NKAMA WA NTOLOVELO ................................... 228

NSONTO YA WU MAKHUME MABIDRI NI NTLHANU
NA YINWE KU NKAMA WA NTOLOVELO .................. 232
NSONTO YA WU MAKHUME MABIDRI NA TLHANU
NA MABIDRI KU NKAMA WA NTOLOVELO .............. 236
NSONTO YA WU MAKHUME MABIDRI NA NTLHANU
NA TIRARU KU NKAMA WA NTOLOVELO ............... 241
NSONTO YA WU MAKHUME MABIDRI NA NTLHANU
NA MUNE KU NKAMA WA NTOLOVELO .................. 245
NSONTO YA WU MAKHUME MARARU KU NKAMA
WA NTOLOVELO .................................................... 249
NSONTO YA WU MAKHUME MARARU NA YINWE
NSONTO YA WU MAKHUME MARARU NA TIBIDRI
NSONTO YA WU MAKHUME MARARU NA TIRARU
NSONTO YA WU MAKHUME MARARU NA MUNE
KU NKAMA WA NTOLOVELO ................................ 267
NKHUVU WA VAHLAWULEKI HINKWAVU.............. 271

- (Domingo mais próximo do dia 1 de Novembro)
NKHUVU WA KU DRIMUKA VAPFUMELI HINKWAVU

LA VA FIKI
- (2 DE NOVEMBRO) ............................................................. 276
161

Lecionario Dominical AnoB2 RONGA

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Lecionario Dominical AnoB2 RONGA

Uploaded by

Copyright:

Available Formats

LEMBE DRA”B”

LEITURAS E COMENTÁRIOS LITÚRGICOS EM RONGA

NSONTO YA KUSUNGULA KU NKAMA WA KU LAVISELA

Dondro ya Buku dra Muprofeta Ezaya:

nonohisa timbilu teru, akuva hi nga ha ku txhavi? Tlhelela, hikola ka malandra ya

Psalma: 79(80), 2ac-3b, 15-16, 18-19.

Ntekelelo: Hi pfuxe nangweso, we Xikwembu

1 - Reya ndleve,wene Mubyisi wa Yisrael,

2 - Buya, Xikwembu Nkulukumba wa makhandra,

3 - Avoko dra ku a dri ve henhla ka mhunu wa voko

Segunda Leitura. I Cor. 1, 3-9.

Atimpswalu ta Xikwembu Nkulukumba hi tone ti ta ka kota ku hi pfuxa, ti hi

Dondro ya Papela dra ku Sungula dra S.Paulo ku va-le-Korinte:

Vamakweru: Atimpswalu a ti ve ku n'wine ni ku rula, swi pfa ku Xikwembu

Ritu dra Hosi!

Evangelho: Mc. 13, 33-37.

Ivangeli ya Yesu Kriste Abukwini dra Marka:

Ritu dra Huluxu

NSONTO YA WUBIDRI KU NKAMA WA KU LAVISELA HOSI

Primeira Leitura: Isaías 40, 1-5. 9-11

Dondro ya Buku dra Muprofeta Ezaya:

Psalma: 84(85), 9ab-10, 11-12, 13-14.

Ntekelelo: Hi kombe lirere la ku, Yehova

1 - Ndri ta yingela leswi Xikwembu Nkulukumba a taka

Akuva vumenyemenye byi trhama tikweni dreru.

2 - Alirere ni wunene swi tlhanganile,

3 - Mfuri Yehova a ta nyika le'swa hombe;

Segunda Leitura: II Pe. 3, 8-14.

Dondro ya Papela dra S. Pedro:

Varandriwa: Ku ni mhaka yin'we, yi nga n'wi kohleni, leswaku asiku drin'we ku

Ritu dra Hosi!

Evangelho: Mc. 1, 1-8.

Ivangeli ya Yesu Kriste Abukwini dra Marka:

Asungulela dra Ivangeli dra Yesu Kriste, N'wana wa Xikwembu Nkulukumba.

Ritu dra Huluxu!

NKHUVU WA MARIA WA KU BELEKIWA NANGENA XIHONO

Primeira Leitura: Gen. 3, 9-15. 20.

Namunhla hi drimuka ankhuvu wa Maria lw'a nga tluleliwangakiki hi xihono.

Axidumbiso lexi afa xikongometiwa ka Maria, lweyi a nga ka a nga tluleliwanga hi

Dondro ya Buku dra Genesis:

Yehova Xikwembu Nkulukumba a vitana mhunu a ku ku yene: U kwini? Aku: Ndri

Ritu dra Hosi!

Ntekelelo: Yimbelelani lisimu limpswa.

1 - Yimbelelani Yehova lisimu lo'limpswa hikusa

2 - Yehova a vonekisi huluxo dra kwe;

3 - Avugamu hinkwabyu bya misava

Segunda Leitura: Ef. 1, 3-6. 11-12.

Dondro ya Papela dra S. Paulo ku va-le-Efesa:

A ku tlangeliwe Xikwembu Nkulukumba, Tatana wa Hosi yeru Yesu Kriste, a nga

Ritu dra Hosi!

Evangelho: Lc. 1, 26-38.

Ivangeli ya Yesu Kriste Abukwini dra Luka:

Ku nkama luwa, a nwhetini ya ntlhanu na yin'we, axirun'wa Gabriel xi rumiwi hi

Kutani axirun'wa xi ku ku yene: U nga txhave, Maria hikusa u kumi timpswalu ku

Ritu dra Huluxu!

NSONTO YA WURARU KU NKAMA WA KU LAVISELA HOSI

Dondro ya Buku dra Muprofeta Ezaya:

Psalma: Lc. 1, 46b-48, 49-50, 53-54.

Ntekelelo: Amoya wa nga wu ta titrhavela

1 - Ahika dri ta twalisa Yehova.

2 - Hi leswi lwe wa ntamu a ndri yentxeliki le'swikulu.

3 - A xurisi la'va ndlala hi le'swinene, a va a tlhelisa la'va

Segunda Leitura: I Tess. 5, 16-24.

Dondro ya Papela dra ku Sungula dra S. Paulo ku va-le-Thesalonika: