ALHAMDU LILLAHI RABBIL ALAMIYN WASSALATU WASSALAMU

ALA RASULILLAH WA BA’DU ASSALAMU ALAYKUM

WARAHMATULLAHI WABARAKATUHO

ASSAWM- Katigkel kanu kakan endu kainem endu kandulug sa

kaluma sa ludep a malamag a gemanat sa kasebang nu senang taman
sa kasedep nin.

NIYYAH SA PUASA- Niyyat sa puasa na sia pakambetad sa magabi

nu puasa, dikena sia kanu malamag nin, ten I taw a ebpausa sa dala
makanggu niyyat sa kanu magabi nin a dala matalima su puasa nin
mana su sia kanu hadith a nambitiala nu nabi Muhammad S.A.W.

SU KALABIHAN NU PUASA NA MADAKEL

1. Ipendua nu malaikah I taw a pebpuasa taman sa dipan makabuka.
2. Pebpandayan salkanin su sulga a kambetadan nin lusa SULGA
endu mawatan sekanin sa mga shaitan.
3. Bagampunen salkanin su dusa a nauna den endu dapan mauma.
4. Su kadpuasa nu taw na gaawa sa lekanin su kandupang.
5. Su Allahutaalah den I pembalas sa taw a pedpwasa.
6. Su pedpuasa na gagalaw sekanin sa kabuka nin endu kabagadapa
nilan sa kanu Allah lusa gay a mawli
7. Su pebpwasa a taw na pegkasla I pahala nin a puasa sa timpu na
Ramadan, bida kanu mga gay a pebpwasa sa kaped a ulan ulan.

SU HUKUMAN NU PUASA
Su Allahu ta’ala na pimbitya nin su kadpuasa sa ulan ulan na
Ramadan na WAJIB palyugat salta na pimbitiala nin kanu Qur;an.
Taman pan kanu nangawna a mga muslim a mga taw na palyugat bun
kanilan su kabpuasa.

SU MGA NAWAGIBAN SA KABPUASA

1. Muslim
2. Nabalig
3. Aden akal nin/kena buneg
4. Pakagaga sa kabpuasa

SU DALA NAWAGIBI SA KABPUASA

1. Manot a wata
 2. Buneg/naawan a akal
3. Pembungaw
4. Dili makabpuasa ka demalu atawa ka pedsakit

SU MGA TAW A MAPAKAY A PANGULIPAN NIN BUNDEN I DALA

NIN NIN KABPUASI SA ULAN ULAN A RAMADAN SAPAB SA
ADEN MGA SABAPAN NIN:
a. Pendalu a aden pon inam nin sa mabagel sa kapasd na puasa.
b. Magingay a bangandam sa kagkaydan I wata sa timpo a magingay
sekanin na ulipan nin bu kapasad a puasa amengka makambata
sekanin salta na napasad salkanin I kapebpulugu.
c. Mga taw a pakanasisita sa kabuka mana su pelalakaw (traveler),
aden pedtabangan a taw na nasisita I makabuka asal mabagel su
taw su gatutungan, galale’d sa ig atawaka salakaw pan.

SU MGA TAW A PAKABPIDIYA

1. Matuwa a dili pakagaga pebpwasa
2. Su pendalu a dala inam a kaulian I sakit nin, salta nakapayag den nu
doctor I dili den seken kaulian.

SU PALAS A KADPUASA NIN:

Kwintan/totalen nu taw a pakabpidiya su makan nin sa ludep u
ulan ulan a puasa sa talutuup na pila a kulta I makanggastu nin sa
timpu a pedpuasa pan sekanin ka metuba I kadakel a makagastu nin
sa isa a taw a papedpuasan nin

SU MAMAKABATAL SA KANU KABPUASA

1. Kambaragyuma kanu kaluma sa timpo a malamag salta
na pedpuasa sekanin.
2. Kalyu nu ig na taw sabap sa kinapangembil nn sa kanu
Kalumanin/kinakep/sinyum. U dala bun makalyu na dala
mabetel su puasa.
3. Kakan/kainem, kagamit sa dextros, hijama (kapegkulang
sa lugu).
4. Kadtitiba kanu kapanguta
5. Kauma nu bisita nu babay/mens (haydh)

Dili pakabatal kanu puasa nu taw I kakan sa kena pedtibabanendu

kainem sa kena pedtibaban endu nakandulu sa kalua sa kataw nin sa
magabi. Na niaba a mga taaw na italus nin su puasa nin ka dala
mabatal su puasa nin.

SU MGA SUNNAH SA KANU PUASA

1. Kadsalimbwat/kadsol
2. Kadsiwak
3. KADTALU SA PEBPWASA AKO; amengka aden maginsulto,
enggaten sekanin sa kalimbul, atawka aden mapakan salkanin.
4. Kapamikel sa simba sa kanu moli den a 10 a gay a nasama
kanu puasa.
5. Kadtarawih sa magabi sa puasa
6. Kakan sa tamer/kayu kulma. Mas mapya I aden gansal ah
makan a taw.
7. Kasambut nu taw semambi sa kanu danin kadpuasay
kapasad na ramadan.
8. Kasambut sa timpo a kinasedep nu senang.

SU MGA WAGIB
1. Kaenda keman sa daw I kinauma na wakto na fajr .
2. Kapananggila sa kanu mga inipanapal mana su
kandalbut,kapamelibak, kapanginsulto, kaatu sa duwa a lukes,
kadsigup katipo. Endu salakaw pan a kadusan labi labi den su
kapanakuto sa Allahu ta’ala.

SU KAPAKAYAN A PENGGULAN SA TIMPO A PEBPUASA

1. Kabpegu, katulug ka asal endaw I kagedam na egkabagel su simba
nin, kadtabungaw, kapanginuko, endu kapanuli kanu tangila.
2. Kagamit sa toothbrush uged dala toothpaste nin.

SU MGA INIPANAPAL (HARAAM)

1. Dili kabuka endu kadsalimbwat sa ludep a duwa gay atawka mas
madakel pan.
2. Kambaragyuma kanu kaluma sa timpo a malamag salta na
pedpuasa.

DET ENGGULAN NA TAW UMGKA NAKAMBARAGYUMA SA

MALAMAG SA TIMPU A PEBPWASA KANU ULAN-ULAN NU
RAMADAN
 -Makapandaludaya sekanin sa ULIPEN a taw a muslim a
baginuntulan sa agama islam, u dili nin magaga na makkadpuasa
sekanin sa 60 days, amengka dili makagaga na makapakan sekanin sa
miskinan a yanilam kadakel nna 60 person.

Su kahanda sa kanu kabpuasa

a. Su kabpuasa na ukit a kagilek sa kanu Allahu ta’ala endu
kanggalbek sa kanu kasugwan nu Allah ta’ala.
b. Su kabpuasa na gatembu nu taw I lekanin a palityaya endu daw
taman I kadsabar nin.
c. Kanggedam gedam sa gananam a mga miskinan. Lalan a
kakalimu kanilan
d. Kapenggulalan sa ped kanu rukun nu islam
e. Kapedsuti nu tawkanu ginawa nin mana su kapamelibak, katipo,
kapangantap, kapandalkita, kaatu sa duwa a lukes. Endu salakaw
pan a kahanda sa kadpuasa.