ANG DALAN SA KRUS SA MGA KABUS

Pangulo: Sa ngalan sa Amahan ug sa Anak ug sa Espiritu Santo.

Akto sa Paghinulsol (Tanan)

Ginoo kong Hesukristo, nagabasol ako sa akong mga sala nga tanan sa
bug-os kong kasing-kasing, tungod sa kahadlok nga mapildi ko ang langit ug
maangkon ko ang impyerno, apan labaw sa tanan tungod kay nagugma ako
kanimo,Diyos ko, hingpit nga kaayo ug takus sa tibuok kong gugma, nagsaad
ako ug malig-on nga dili na ako makasala pag-usab ug nga likayan ko ang mga
kahigayonan sa pagpakasala. Amen.

Verse:“Dios namo sa kalooy, Ikaw ang among Amahan. Magbuhat, manunubos,

ug Ginoo sa nga tanan.” (Sung by the Choir)

Refrain: Hesus, malooy ka kanamo, pasayloon mo kami. Ang sala gidumtan

namo, dili na mag-usab kami.” (Sung by the Choir)

PASIUNANG PAG-AMPO

Leader: Makagagahum ug tunhay na diyos, kanunay kang magbantay kanm.

Ang dalan padulong kanimo mao si kristo kinsa ngapadayag sa imomg kalooy
ug naghatag kanamo ug paglaum.

All: Ginoong HesuKristo, karon among subayon ang dalan sa imong krus.
Molakaw kami dala sa among kasingkasing
1
ang mga pag-ampo ug mga
paglaum sa among mga pamilya ug higala, sa mga walay kasi-lungan ug
gigutom ,sa mga gipadaplin ug gidaugdaug. Kaloy-i sila ug pasayloa kami sa
among mga kakulangon sa pagtagad kanila
Verse: “Sa panihapon sa Ginoo, gihatag ni Hesukristo ang Lawas ug Dugo niya,
kaluwasan sa nga tanan.” (Sung by the Choir)

Refrain: “Hesus, malooy ka kanamo, pasayloon mo kami. Ang sala gidumtan

namo. Dili na mag usab kami.” (Sung by the Choir)

2
 ANG UNANG ESTASYON:

“ANG KATAPUSANG PANIHAPON”

Pangulo: Nagasimba ug nagadayeg kami kanimo, O Kristo.

Tubag: Kay tungod sa imong santos nga krus gitubos mo ang kalibotan.

PAGBASA: “Gikan sa Ebanghelyo ni San Mateo”

Ug samtang nangaon sila, mikuha si Jesus sa pan, nagpasalamat sa Dios ug

gipikaspikas niya kini ug gihatag sa iyang mga tinun-an. Ug miingon siya,
“Dawata ninyo kini ug kan-a. Kini mao ang akong lawas.”

Unya gikuha niya ang kupa, nagpasalamat sa Dios ug gihatag kanila. “Inom
kamong tanan niini,” siya miingon; “Kini mao ang akong dugo nga naglig-on
sa kasabotan, ang akong dugo nga gipaagas alang sa daghan aron sa
pagpasaylo sa mga sala. Sultihan ko kamo nga dili na gayod ako mousab pag-
inom niining maong bino hangtod sa adlaw nga moinom ako sa bag-ong bino
uban kaninyo didto sa gingharian sa akong Amahan.”

“Ang Ebanghelyo sa Ginoo”

PAMALANDONG: 3

Diha sa gasa ni Kristo sa Eukaristiya, atong gihandom ang Misteryo sa iyang

pagpasakit, kamatayon, ug pagkabanhaaw, nga maoy hiniusang sakripisyo
alang kana-tong tanan. Diha sa Eukaristiya, gipadayag ni Hesus ang tinood na
paghigugma, ug mao kanang pagkabahin ug pagpaambit sa kaugalingon
ngadto sa uban aron sila mabuhi.

Sama sa atong pagkahiusa sa Dios diha sa Eukaristiya, mamahimo unta

kitang mahiusa kaniya sa tinuoray gayod diha sa mga kabos sa atong taliwala.
Labing daan nanga samad ni kristo nga dayag dihaa sa lapobrihon sa daghang
mga tao mas milala gumikan sa giyera, korapsyun, katalagman, ug
kapitalismo. Sa atong kaugalingon mga mata atong makita ag mga batang
nagpuyo sa kalsada, mga giabandonang katigulaangan, ug mga pamilyang wa-
lay tarung nga puloy-anan nga naga ntos sa material ug espiritwal nga
kagutom. Makita nato sila nga gipakaubos tungod sa ilang pagpakalimos.
Busa atong pangutan-on ang atong kaugalingon: diha sa atong pagsa ulog sa
santos na eukaristiya nakadumdum ba kita sa mga kabus nga nagluya ug
gigutom? Malipayon ba kitang mopaambit sa atong kaugalingon alang sa
kagutom ug kauhaw sa mga kabus? Nahimo ba kitang pan ngadto sa uban?

PAG-AMPO: Alang sa mga kabus ug gigutom

Labaw’ng mahigugmaong Dios, diha sa imong gasa sa eukaristiya nahiusa

kami nganha kanimoug sa kanunay among gihandom ang imong tiunay ug dili
matungkad na gugma. Imo kaming gitudloan sa paghigugma, pagpaam-bit, ug
paghiusa. O Dios, niining panahon s kuresma, ablihi ang among mga mata
aron kami makakita sa pag-antos sa mga gigutom. Ablihi ang among mga
dalunggan diha sa pagpaminaw sa ilng mga pagbakho, ang among mga
kasingkasing sa pagbati sa ilang pag antos, ug sa among mg kamot diha sa
mahigugmaong pag-alagad kanila. Diha sa kalisod ug kagutom, himoa kaming
andam sa pagpaambit kon unsa ang anaa
4 kanamo ug nga makakaplag kami sa
tinuod nga kalipay diha sa among paghatag sa among kaugalingon pinaagi ni
kristo among Ginoo. Amen.
Himaya sa Amahan, sa Anak ug sa Espiritu Santo. Maingon sa sinugdan,
karon sa gihapon ug sa mga katuigan nga tanan. Amen.

Verse: “Sa tanamansa Olibo, nag ampo si Hesukristo. Siya andam sa pagtuman,
kabubut-on sa Ginoo.” (Sung by the Choir)

Refrain: “Hesus,malooy ka kanamo, pasayloon mo kami. Ang sala gidumtan

namo, dili na mag-usab kami.” (Sung by the Choir)

5
 ANG IKADUHANG ESTASYON:

“ANG PAG-ANTOS SA TANAMAN”

Pangulo: Nagasimba ug nagadayeg kami kanimo, O Kristo.

Tubag: Kay tungod sa imong santos nga krus gitubos mo ang kalibotan.

PAGBASA: “Gikan sa Ebanghelyo ni San Markos”

Ug miingon siya kanila, “Dako kaayo ang akong kasubo nga halos ikamatay
ko. Pabilin kamo dinhi ug pagtukaw.”

Mipadayon siya sa unahan ug mihapa sa yuta ug nag-ampo nga kon mahimo

ilikay siya sa takna sa pag-antos. Miingon siya, “Amahan ko, mahimo mo ang
tanan. Kuhaa kining kupa gikan kanako. Apan dili ang akong pagbuot maoy
matuman kondili ang imo.”

Unya mibalik siya ngadto sa iyang mga tinun-an ug iyang naabtan nga
nangatulog silang tulo. Si Jesus miingon kang Pedro, “Simon, natulog ka diay?
Dili ka ba gayod makahimo pagtukaw bisag usa lamang ka oras?” Ug siya
miingon kanila, “Pagtukaw ug pag-ampo aron dili kamo madaog sa panulay.
Andam ang espiritu apan luya ang lawas.”. Apan diha-diha miabot ang mga
kasundalohan uban ni Judas. Si Judas midool kay Jesus ug mihalok kaniya.
Human niini midool ang mga kasundaluhan kay Jesus sa pagdakop kanina.
Nakigbatok ang mga apostoles apan gidala gayod sa mga kasundalohan si
Jesus.

6
“Ang Ebanghelyo sa Ginoo”
PAMALANDONG:

Usahay ang mga lihok sa kinaiyahan makadala kanato ug kadautan sama sa

mga bagyo ug uban pa nga kalamidad. Kining mga panghitabo lisod us sakit
kaayo dawaton ilabina kun kita ug ang atong mga mi-nahal sa kinabuhi maoy
naapiktuhan niini. Makasisnai gyod kita ug kaguol, mawad-a ug paglaum .
apan kinahanglan makaamgo usab kita nga kining mga katalag-man,
baghang bunga usab kini sa atong walay pag-tahod ug pag-amping sa
kinaiyahan . nalimtan nato ang atong tulubagon dili lamang sa isigkatawo
kondiusa b sa kinaiyahan. Ang paglaum sa katawhan angsumikad sa palaum sa
kinaiyahan.

Kon alimahan nato ang mga samad sa kinaiyhan, maalim usab ang mga
samad sa katawhan ug sa katilingban.

PAG-AMPO: Alang sa dugang paghigugma sa Kinaiyahan

Amahan namong langitnon, imonggiugot ang tanag maayong butang dinhi

sa kalibitan. Mapaub-sanon kaming nangaliyupo nga ihatag mo kanamoang
igong kusog sa mga panahon sa kalamidad. Sa among pagsagubang niining
mga katalagman, himua kaming maampingonsa kinaiyahan. Amo untang
panalipdan ang bahandi sa kinaiyahan nga imong gasa kanamo. Mamahimo
unta kaming responsabling magbalantay sa among gipangayo pinaagi ni
Kristo, among Ginoo. Amen.

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.
7

Verse: “Si Hesus nga magtutudlo, sa kamatuoran. Gitaral sa hukuman, sa

bakak gipasanginlan.” (Sung by the Choir)

Refrain: “Hesus, malooy ka kanamo,pasayloon mo kami. Ang sala gidumtan

namo, dili na mag-usab kami.” (Sung by the Choir)
 ANG IKATULONG ESTASYON:

SI HESUS ATUBANGAN SA LABAW’NG HUKMANAN

Pangulo: Nagasimba ug nagadayeg kami kanimo, O Kristo.

Tubag: Kay tungod sa imong santos nga krus gitubos mo ang kalibotan.

PAGBASA: “Gikan sa Ebanghelyo ni San Marcos”

Ug unya ang mag saserdote nga punoan ug sanhedrin nangitag

ikabutangbutang batok kang Hesus aron ilang ikapapatay siya: apan wala siyay
hingkaplagan; kay bisan tuod daghan ang misaksig bakak batok kaniya, ang
ilang mga pahayag nagkasumpaki. Unya dihay nangatubang ingon nga mga
saksi, ug batok kaniya naghimo silag mga bakak nga pahayag, nga nanag-
ingon “kami nakadungog kaniya nga nag-ingon “Gubaon ko kining temploha
nga hinimo sa kamot, ug sulod sa tulo ka adlaw patindungon ko ang laing
templo nga dili hinimo sa kamot.” “Ngani, bisan pa niini, ang ilang
pagpamatuod wala magkatukma.”

“Ang Ebanghelyo sa Ginoo”

PAMALANDONG:

Ang mga pangulong pari, mga kadagkoan sa mga hudiyo ug mga magtutudlo
sa balaod nagkatigom aron sa pagpanita
8
ug pamaagi aron ilang mapa-patay si
hesus. Nangita sila og testigo aron mag butang-butang batok kang hesus.
Nagkapuki sila sa pagpangita ug bakak nga sumbog si batok kang hesus. Kini
nga kinaiya nagpadayon gihapon sa pagkuyanap diha sa atong katilingban
karon panahona. Atong hinumduman ang mga tawong nahisakop diha sa ilang
pagpuyo (kay nadaog man sa mga pagsulay) ilabina sa mga dalagagita nga
nahimong batan-ong inahan diha sa atong katilingban. Sa laing-laing mga
pamaagi, sila usab gihukman sa walay saktong basihan diha sa atong
katilingban karon. Sila nga unto angay natong tanbangan sa ilang
pagkasukamod, ato nahimong gitamay ug gihukman sa nahitabo sa ilang
kinabuhi. Atong hinumduman sa kanunay nga ang ilang dignidad isip mga
tawo gihapon nga sama kanato, bililhon nga mga anak sa dyos. Busa, sama
kang hesus, mogahin unta kita og mapalandongong kahilom diha sa atong
kinabuhi aron atong makitaang ilang sitwasyon sama sa paglantaw sa diyos
kanila.

PAG-AMPO: Alang sa mga baan-ong inahan ug mga batan-on

Langitnong amahan, pinaagi sa pag kaehemplo ni hesu-kristo imong anak,

hatagi kami sa grasya sa tinuoray nga pag-amoma sa mga tawong
nahisukamod diha sa ilang kinabuhi ilabina sa mga kabatan-onan karong
panahona .hinaut pa unta nga makita ka namo diha sa ilang mga panagway sa
ginoo, aron usab kami mag-madasigon sa pagtabang kanila diha sa pag dala
kanila gikan sa mga pagsubo ngadto sa pag maya ug gikan sa kapuno sa
kabalaka ngadto sa pag kapuno sa pag laum. Kini among gipangayo pinaagi ni
cristo among ginoo, Amen.

Himaya sa Amahan, sa Anak ug sa Espiritu Santo. Maingon sa sinugdan, karon

sa gihapon ug sa mga katuigan nga tanan. Amen.

Verse: “Atubangan ni pilato, gihukman

9 si hesuskristo. Sya ang magbayad, sa

mga sala sa kalibutan” (Sung by the Choir)

Refrain: “Hesus, malooy ka kanamo, pasayloon mo kami ang sala gidumtan

namo dili na mag usab kami.” (Sung by the Choir)
 IKA-UPAT NGA ESTASYON:

SI HESUS ATUBANGAN NI PILATO

Lider: Nagasimba ug nagadayeg kami kanimo, O Kristo.

Tanan: Kay tungod sa imomg balaang krus gitubos mo ang kalibutan

PAGBASA: “Gikan sa Ebanghelyo ni San Juan”

Si Jesus mitubag, “Ang akong pagkahari dilimiya niining kalibutana. Kon ang
ag akong pagkahari iya pa niining kalibutana, nan moaway unta akong mga
alahad aron dili ako ikatugyan ngadto sa mga Hudiyo. Apan ang akong paghari
dili gikan niining kalibutana.” ug si pilato maingon kaniya “Hari ka ba diay?” Si
jesus mitubag kaniya “Sumala sa giingon mo, ako hari. Ug alang niini ako
nagpakatawo, ug alang niini mianhi ako sa kalibutan aron magapanghimatuod
ako sa kamatuoran . Ang tanan sila nga iya sa kamatuoran nagapatalinghug sa
akong tingog.” Si Pilato nangutana kaniya, “Kay unsa bay kamatuoran?”

Miabot ang asawa ni Pilato ug miingon, “Ayaw pahilabti kanang tawhana nga
walay sala kay gabii pinaagi sa damgo, nasamok ako pag-ayo tungod kaniya.”
Unya gidani sa mga pari ang mga katawhan sa pagpangayo kay pilato nga
buhian niya si Barabas ug ipapatay si Jesus. Apan nangutana si Pilato kanila,
“Kinsa man niining duha ang inyong gusto nga akoang buhian. Ug mitubag
sila, “Si Barabas!”. “Nan, unsa may akoang buhaton kang Jesus nga ginganlan
ug Mesiyas?”. Sila mitubag. “Ilansang siya sa krus!”

“Ang Ebanghelyo sa Ginoo”

10
PAMALANDONG:

Mga igsoon, hilabihan kalawom ang atong kasubo tungod sa halos kada-
adlaw nga pagpamay sa mga tawo nga nasupetsahan nga “pusher o user” sa
ginadili nga droga. Kadaghanan kanila, gipamatay sa makalilisang pa gayod
nga pinaagi. Supak kini sa balaod sa diyos! Ngahi supak man usab kini sa
nasudlong balodnon tungon kay wla man niagi ug “Due process”. Gumikan sa
kangitngnit sa sala ang moral nga dignidad ug integridad sa tawo
gipaka-walay-balaan. Diha sa ebanghelyo, si jesus miingon kang pilato,
“mianhi ako sa kalibutan aron pag saksi sa kamaturan.” unsa ang
kamaturan? Ang tanan kinabuhi balaan ug angayan respetuhan ug tahuraon.
Ang tanan kinabuhi balaan ug angyang respetuhan ug tahuron. Ang tanan
managsama atuban-gan sa kamatuoran.”unsa kamaturan? Ang tanang
kinabuhi ballanug angayang respetuhan ug tahuron. Ang tanan managsa
atuban-gan sa dios nga nag-amping ug nahigugma bisan gani nagdto sa
mga tawo nga nahisallag sa laing dalan. Ang pinaka-dako nga pagpadayag
sa gugma sa dios alang sa tanan katawhan gipakita diha sa paghatag ni
hesus sa iyang kinabuhi diha sa krus, aron mabuntog makasas-alang
kalibutan ug mahibalik ngadto sa Dios.

PAG-AMPO: Alang sa mga PSUD

Langitnong amahan diha sa walay-kinutuban mong gugma,gimugmana mo

kami susama sa imong panag-away ug gipanalanginan sa grasya sa kinabuhi,
diin among paga-respetuhan, panalipdad ug ampingan. Tabangi kami nga
mamahimong instrumento sa kalooy, pag amoma ug paglaum sa daghan
namong
11

Mga igsoong pilipinon nga nahilambigit ug nahiagum diha sa ginadali nga

droga. Tabangi kami sa pag-amoma ug pag-atiman sa kalibutan nga imong
gitugyan nganhi kanato, aron amo kining mausab gikan sa kangitngit sa sala
ngadto sakinabuhi nga puno sa grasya, pinaagi sa pagka-himo na-mong asin ug
kahayag sa among nasud aron sa pag saksi diha sa kamatuoran. Kini gipangyo
pinaagi ni kristo among ginoo.Amen

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

Verse: “Gihampak ang manunubos, sa mga tawo nga dautan. Aron kita
pasayloon, sa atong mga kasal- anan” (Sung by the Choir)

Refrain:“Hesus, malooy ka kanamo, pasayloon mo kami. Ang sala gidumta

namo,dili na mag usab kami.” (Sung by the Choir)

12
 ANG IKA-LIMANG ESTASYON:

“ANG PAGHAMPAK KANG HESUS”

Lider: Nagasimba ug nagadayeg kami kanimo. O Kristo

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Juan”

Busa gikuha ni Pilato si Jesus ug iyang gipalatigo.Ug ang mga sundalo

nanaglukong ug mga sampinit, ug kini ilang gipahaum sa iyang ulo, ug siya
ilang gisul-oban ug kupo nga mapula.Ug kaniya miduol sila nga nanag-ingon,
"Mabuhi ang Hari sa mga Judio!" ug unya ilang gipanagsagpa siya.Ug si Pilato
migula na usab ug miingon kanila, "Tan-awa, ania gidala ko siya kaninyo sa
gawas aron mahibalo kamo nga wala akoy nakitang ikasumbong batok
kaniya."Ug si Jesus migula nga sinul-oban sa purongpurong nga mga sampinit
ug sa kupo nga mapula. Ug si Pilato miingon kanila, "Tan-awa, ania ra ang
tawo!"

“Ang Ebanghelyo sa Ginoo”

PAMALANDONG:

Bisan siya Dios, iyang gisul-uban ang iyang kaugalingon sa bisti sa

pagkamapausanon alang sa atong kalapasan. Bisan siya walay buling a sala,
iyang na-hiaguman ang kasakit ug pag-antos daw sama sa usa ka kriminal ug
13
gitaral ngadto sa kamatayon sa Krus.

Ang pag-antos usa ka realidad sa kinabuhi. Ang kasakit kabahin na sa atong

tagsa-tagsa ka kinabuhi.Pipila niiing mga pag-antos, atong natagamtanan
resulta sa atong pagkamakakasasala. Pipila usab niini sa atong na-hiaguman,
bunga sa inhustisya ug pagpandaog-daog. Apan ang pinakalabaw ug
mahinngdanon nga kasakit mao an pag-antos nga nahiaguman tungod ug
alang sa kaayohan sa uban. Ug ma kini an pag-antos sa aong Ginoong
Hesukisto usa ka pag-antos nga dili maka-runganun, apan gawasnun nga
gidawat tungod ug alang sa atong kaluwasan. Mao usab kini ang kasakit sa
atong mga igsoon nga nanimpad sa laing nasud. Ing-ani usabang pag-antos
nga ilang natagamtaman diha sa mga kamot sa ilang mga abusadong agalon.
Isip usa ka langaw, daghan kanila ng waly igong gahum o kusog sa pagbarug
batok niini tungod sa kahadluk, ug tungod sa kabalaka nga kong sila musokol,
sila mawad-an ug trebaho. Busa, daghan kanila ang nag-antos na lamang sa
lkhilo. Apan luyo niining tanan, ang ilang mga pag-antos wala na-sayang.
Ang ilang mga pag-antos nakahatag ug kinabuhi nga nidagayday diha sa
kasakit ug ka-matayon sa atong Ginoong HesuKristo, mas mahatagan unta
nato ug mas lawum nga kahulugan ang atong mga tagsa-tagsa ka mga pag-
antus ug mas maikagun unta kita nga moatubang ug mosagubang niini.

PAG-AMPO: Alang sa mga OFW

Langitnong Amahan, hatagi kami sa kaikag ug ka-piskay sa pagbarug batok

sa among tagsa-tagsa ka pag-suway, kasakit ug pag-antos sa kinabuhi. Dasiga
ang matag-usa kanamo sa paghalad niining mga kasakit isip pakighiusa sa pag-
antus sa imong anak. Himoang balaan ang among mga pag-antos ug itugot
nga mas mahatagan unta namo ug kahulugan ang gugma nga nagpahipi luyo
sa kasakit ug pagpaubos sa imong anak. Among gisalig kanimo ang among
mga igsoong nagtrabaho sa lahing nasud, kinsang nag-antos sa mga
pagpangdaog-daog. Panalipdi ug lig-una sila sa kanunay ug tanduga ang
14
kasing-kasing sa ilang mga agalon diha sa pagbag-o. Pinaagi ni Kristo, among
Ginoo. Amen.
Himaya sa Amahan, sa Anak ug sa Espiritu Santo. Maingon sa sinugdan, karon
ug sa gihapon, hangtod sa kahangturan. Amen.

Verse: “Ang krus sa kasal-anan, gipas-an ni HesuKristo. Ang krus sa kadaugan,

kaluwasan sa nga tanan.” (Sung by the Choir)

Refrain:“Hesus, malooy ka kanamo, pasayloon mo kami. Ang sala gidumtan

namo, dili na mag-usab kami.” (Sung by the Choir)

15
 IKA-UNOM NGA ESTASYON:

SI HESUS NAGPAS-AN SA IYANG KRUS

Lider: Nagasimba ug nagadayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Markos”

Ug tapus nila siya bugalbugali, ilang gihukasan siya sa kapa nga mapula,
ug ilang gibalik pagsul-ob kaniya ang iyang kaugalinon nga sapot.Ug
ilang gidala siya sa gawas aron ilansang sa Krus.

“Ang Ebanghelyo sa Ginoo”

PAMALANDONG:

Matag karon ug unya, ang atong nasod nahiagum sa nagkalain-laing mga

kalamidad, natural ug binuhatan sa tawo. Kini nakaapekto sa daghang,
mga kinabuhi sa atong maa isig-kaingon. Matag karon ug unya, atong ma-
dungog ug mabasa sa mga balita ang mga pamilya nga naapektohan pag-
ayo. Daghang mga kinabuhi ang na-wala, mga katigayunan nga
nangadaot ug ang tibuok panginabuhian nahanaw. Ilang gipas-an ang krus
sa matag-adlaw nilang pag-antos diha sa ilang kawad-on ug kini
nadugangan pa gayod pinaagi sa atong walay pagpakabana sa ilang mga
panginahanglanon. Niining ika-unom nga estasyon sa krus, atong
gipamalandongan si Kristo nga nagpas-an sa iyangkrus. Kita gitandog sa
16
atong paninguha sa pagtabang kaniya diha sa pagpas-an sa iyang krus, ato
karon hinumduman ang iyang mga pulong nga nagkanayon,"sa matag
higayon nga maghimo ka-mo niini alang sa usa sa labing ubos niining
akong mga ig-soon, gihimo ninyo kini alang kanako." Ato sud-ungon ang
imahe ni Kristo nga nagpas-an sa iyang Krus diha sa mga pamilyang
naapektohan sa mga nilabay nga kalamidadpinaagi sa atong
pagtabangkanila sa pagpagaan sa ilang krus, diha sa pag-abot dili lang
ang atong ang atong mga pag-ampo, hilabi na gayud sa atong
presensiya ugpag-tabang.

PAG-AMPO: Alang sa mga Biktima sa mga Katalagman

Makagagahom nga Amahan, among gihandom ang mga pamilya nga

naapektohan sa nagkalain-laing mga kalamidad sa kinabuhi. Tabangi
kami sa pagpakabana sa ilang mga panginahanglanon. Tabangi usab
kami sa paggula sa among mga kaugalingon aron kami makahalad sa
tibouk namong kaugalingon ngadto sa mga tawo nga nagkinahanglan.
Hatagi kami sa grasya sa pagtuman sa among paninguha sa patabang.
Tabangi kami sa pagpangita kanimo diha sa mga dagway among sa mga
kaigsoonan nga gisakit. Kini among gipangayo pinaagi ni Kristo among Ginoo.
Amen.

Himaya sa Amahan, sa Anak ug sa Espiritu Santo. Maingon sa sinugdan, karon

sa gihapon ug sa mga katuigan nga tanan. Amen.

Verse: “Si Simeo Cireneo, mibulig kang Hesukristo. Kita unta mobulig
usab, sa mga nanginahanglan.” (Sung by the Choir)
17

Refrain: “Hesus, malooy ka kanamo, pasayloon mo kami. Ang

salagidumtan namo, dili na mag-usab kami.” (Sung by the Choir)
 IKA-PITO NGA ESTASYON:

“SI SIMON NGA TAGA CIRENE MIPAS-AN SA KRUS NI HESUS”

Lider: Nagasimba ug nagadayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Markos”

Ug ilang gipugos sa papas-an sa iyang krus ang usa ka lumalabaynga nag-

singabut sa siyudad gikan sa balangay, si Simon nga taga-Cirene,ang
amahan nila ni Alejandro ug ni Rufo. Ug ilang gidala si Jesus ngadto sa usa
ka dapit nga ginganlan ug Golgota (nga sa ato pa, dapit sa kalabira).

“Ang Ebanghelyo sa Ginoo”

PAMALANDONG:

Sa atong panahon karon, dayag kaayo na sa hinay-hinay

nawad-an na ug bili ang kamatuoran batok sa matahom nga
pagpanglinlang sa kalibutan. Apan sa atong pagbasa karon, kita
gipahinumduman nga ang tinuod na kalipay, masinati nato sa
panahon na makasinati kita ug kasakit ug pagpanglutos. Isip mga
sumusunod ni Kristo, magmakanunayon unta kitang mangita sa
kamatuoran aron malamdagan ang tanan nganaa sa kadautan.
Ilabina karong panahona, nga nagsingabot na ang Eleksyon
2019, nga kini unta mahimong mabulukon ug mabungahon nga
18
pagpadayag sa atong responsibilidad isip mga katawhan sa
nasud ug katawhan sa Dios. Nga kita nga mupili sa musunod nga
mga lederes sa atong nasodmagmakanunayon unta sa
pagpamalandong sa sakto nga desisyon sa pagpili sa usa ka
kandidato ug dili kita magpahaylo sa salapiug gahombugti sa
atong mga boto. Susama ni Simon nga taga-Cirene, ang usa ka lider
andam mo pas-an sa krus sa tibuok nasud ug dililamang sa
iyahang krus sa kinabuhi. Nga ang pagpatay ug pagdaug-daug sa
mgananginahanglan dili tubag aron maangkon ang tiunay na

kalinaw. Ug usab ang tinuod na ainahan sa nasud mupangga ug,

muatiman sa iyahang mga anak labi na samga pobre ug mga
gipangdaug-daug. Ang atong nasud Pilipinas, mas nanginahanglan
karon ug tarong ngamga lideres sapanggamhanan nga mauy
mupadilaab sa kasingkasing sa katawhan aron mamahimo kitang
hiniusang nasud ubos niKristo nga atong Ginoo.

PAG-AMPO: Alang sa mga Kandidato sa Eleksyon ug anaa sa Panggamhanan

Amahan namong mahigugmaon, sa panahon sa kalibog ug haylo sa dautan, lig-

ona kami sa kanunay. Unta magpabilin kami sa pagbarog sa kamatuoran ug dili
mamahimong buta sa mga pagpanlinlang. Ginoo, himoa usab kaming igmat sa
mga panghitabo sa among katilingban ilabina sa Gobyerno ug sa Simbahan.
Nga ang mga lideres sa panggamhanan ug sa Simbahan mualagad dili tungod
sa ilahang kaugalingong katuyoan apan tungod sa ilahang dakong gugma sa
katawhan sa Dios, na kita usab anaay responsibilidad sa pagtabang sa atong
mga lideres na mamahimong epektibo ang ilahang mga programa alang sa
katilingban. Ginoo, sa ingon ana nga paagi mahimo unta kaming sama ni
Simon, nga andam sa pagdawat sa amoang kaugalingong krus aron
makatabang sa uban nga nanginahanglan. Kini among gipangayo pinaagi ni
Kristo among Ginoo. Amen. 19

Himaya sa Amahan, sa Anak ug sa Espiritu Santo. Maingon sa sinugdan, karon

sa gihapon ug sa mga katuigan nga tanan. Amen.
Verse: “Si Simeon Cireneo, mibulig kang HesuKristo. Kita unta mobulig usab, sa
mga nanginahanglan.” (Sung by the Choir)

Refrain: “Hesus, malooy ka kanamo, pasayloon mo kami. Ang sala gidumtan

namo, dili na mag-usab kami.” (Sung by the Choir

20
 IKA-WALONG ESTASYON: GITAGBO NI HESUS ANG MGA
BABAYE SA JERUSALEM

Lider: Nagasimba ug nagadayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Lukas”

Ug misunod kaniya ang usa ka dakungpanon sa katawhan, ug sa

mga babaye nga nanaghilak ug nanagminatay tungod kaniya.
Apan si Jesus milingi ug miingon kanila, "Mga babayeng anak sa
Jerusalem, ayaw kamo paghilak tungod kanako, hinonoa
panghilak kamo tungod sa inyong mga anak. Kay kon ang kahoyng
lunhaw gibuhatan man gani nila niini, unsa man kahay
dadanatan salaya na?"

“Ang Ebanghelyo sa Ginoo”

PAMALANDONG:

Atong nadungog sa mga balita ang nagkalain-laing inhustisya nga

nahitabo sa atong katilingban karon. Ngani apil na niini ang dili
makatarunganon nga mga pagpatay. Ug kasagaran, ang atong makita
nga rason mao ang kalisud ug kapit-us
21
sa kinabuhi nga maoy hinungdan
niining tanan, apil usab ang Gobyerno nga wala nagpakabana, o apil ba
kaha sa pagbuhat sa mga inhustisya. Aduna kitay batasan sa pagpasangil
sa uban ug wala nato nakita nga kabahin pod diay kita sa rason sa mga
inhustisya nga nahitabo sa atong katilingban karon.
Kung atong pamalandungan ang mga panghitabo sa atong katilingban,
atong makita nga dili man diay ang kalisud maoy hinungdan niining
tanan. Epekto lamang kini sa mas lawum nga hinungdan nga mao ang
atong pagka- ignorante, kakulang sa pagpamalandong ug walay
pagpakabana sa uban. Ang dili makaangayan nga pagpatay epekto sa
dilimapalandungon nga buhat diin tungod niini, daghan ang nahimong
biyuda ug ilo.

22
Si Hesus miingon, “Ayaw kamo paghilak alang kanako; hilaki ninyo ang
inyong mga kaugalingon ug ang inyong mga anak”. Kita
gipahinumduman ni Hesus sa pag-tan-aw sa atong kaugalingon aron
atong aninawon kung giunsa pagguba sa atong espirituhanong pagka-
ignorante ang atong disposasyon sa pagpamalandong ug pagtimbang-
timbang sa mga butang nga makaayo kanato. Ang pagka-ignorante
makatakod kini sa ubanmao nga kinahanglan ato na kining tambalan
aron dili na kini mutakod pasa uban. Atong isabwag ang lisu sa
paghigugma kay pinaagi niining gugma, atong maputol ang kadena nga
maoy naggapos kanato sa atong pagka-ignorante. Ug pinaagi niiniatong
mabuhat ang mga butang ngamaayo ug malungtaron, alang sa
kaayuhan sa tanan.

PAG-AMPO: Alang sa pagtan-aw sa Kaugalingon

Ginoo, sama nga imung gibalik ang panan-aw sa buta, kami usab
nanginahanglan sa kapasidad sa pag-tan-aw sa mga kakulang sa
among kinabuhi ilabina diha sa espirutuhanong aspetoniini.
Tambali ang among mga kasing-kasing aron kini mamaayo gikan sa
paeka-ignorante ug walaypagpakabana. Ug aron kami sa kanunay
makaala-gad kanimougsa imung simbahan. Kini among gipangayo
pinaagi ni Kristo uban sa Espiritu SantoDios nga usa, hang-tud sa
kahangturan. Amen. 23

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.
Verse: “Ang sala sa mga tawo, nagpa-antos kang Hesukristo. Ug
didto sa Kalbaryo, gilansang siya sa Krus.” (Sung by the Choir)

Refrain: “Jesus, malooy ka kanamo, pasayloon mo kami. Ang sala

gidumtan namo, dili na mag-usab kami.”(Sung by the Choir)

24
 IKA-SIYAM NA ESTASYON: SI HESUS GILANGKATAN SA IYANG
SAPOT UG GILANSANG SA KRUS

Lider: Nagasimba ug nagadayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Juan”

Ug sa gikalansang na si Jesus sa mga sundalo diha sa krus,

ilanggikuha ang iyang mga bisti ug ila kining gibahin sa upat, usa
alang sa matag sundalo. Apan ang iyang kamisola walay tinahian,
lunlon hinabol sukad sa taas hangtud sa ubos. Ug sila nanag-ingon
ang usa sa usa, "Dili ta pagtabastabason, kon-dili ripahon ta kon
kinsay makataa-iya niini."Kini aron matuman ang kasulatan nga
nagaingon: “Ilang gibahinbahin angakong mga bisti alang sa ilang
kaugalingon, ug ang akong sinina ilang giripahan."

“Ang Ebanghelyo sa Ginoo”

PAMALANDONG:

Sukwahi sa atong panglantaw nga luyo sa pito ka bil-liones na mgatawo

sa kalibutan, ang atong katilingban nagapuyo
25 sa iya-iya nga batasan. Ang
mga tawo pirmi ga-lihok pinasikad sa "ako-ako"lang nga kinaiya. 'Sigon
sa atong makita, gusto nato angkunon ug kung unsa ang anaa sauban
ato pa gyud kuhaon. Usahay nahimo usab kitang hakog kon diin
gilantaw lang nato kung unsa pa ang mga butang nga atongginahandum
nga makuha. Kini klaro ug tataw sa mga lugar nga adunay panagbingkil
sa utlanan sa yuta diin usahay magaresulta kini sa kugubot ugpatay. Mag-
ampo kita ug atong huna-hunaon ang ubang mga tawo ,ilabi na
karongPanahonsa Kwaresmaatong hatagan ug dakong bili ang atong
isig- kaingon.

26
PAG-AMPO: Alang sa gipanghikawan

Langitnong Amahan, sa panahon nga kami makalimot sa

paglantaw sa among igsuon ug mabuta usab kami sa kihakog nga
angknon ang dili amo, nagaampo kami nga among mahinumdurnan
kanunay ang sakripisyo nga lmong gihimo alang kanamo. Nagaampo
usab kami nga mahimo unta kaming mga tinubdan sa kusog sa uban
ug dili ang hinungdan sa kasakit. Kini among gipangayo pinaagi ni Kristo
among Ginoo. Amen.

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

Verse: “Ang pagbasol niining tawo, gdawat ni Hesukristo. Ang atong

paghinulsol, susama niya dawaton.” (Sung by the Choir)

Refrain: “Jesus, malooy ka kanamo, pasayloon mo kami. Ang sala

gidumtan namo, dili na mag-usab kami.” (Sung by the Choir)

27
IKA-NAPULO NGA ESTASYON: SI HESUS NAGBITAY SA KRUS

Pangulo: Nagasimba ug nagadayeg kami kanimo, O

Kristo. Tubag: Kay tungod sa imong krus gitubos mo ang
kalibutan. PAGBASA: “Gikan sa Ebanghelyo ni San
Mateo”

Ug sa ulo, ibabaw kaniya, ilang gibutang ang sumbong batok kaniya,

sinulat nga nag-ingon, “Mao kini si Hesus, ang Hari sa mga Judio.” Ug
dihay duha ka mga tulisan nga gilansang sa uban kaniya, usa sa iyang too
ug isa sa iyang wala. Ug siya gibiaybiay sa mga nanagpangagi nga nanag-
yango-yango sa ilang mga ulo ug nanag-ingon, “Ikaw nga maoy moguba
sa templo ug mo-patindog niini sulod sa tulo ka adlaw, luwasa ang imong
kaugalingon! Anak ka man kaha sa Dios, kanaug sa krus.”

“Ang Ebanghelyo sa Ginoo”

PAMALANDONG:

Giangkon ni Hesus sa iyang kaugalingon ang kasakit sa paglansang sa

krus. Iyang gidawat ang makalilisang nga kabangis sa pag-antos, ang
pagkaguba sa iyang lawas ug sa pagtamak sa iyang dignidad. Wala siya
mosulay sa pag-ikyas o sa pagpaminus sa maong pag-antus bisan pa man
ug wala siya’y sala, apan gitugotan niya ang iyang kaugalingon nga
ilansang sa krus. Samtang nagatindog kita atunbangan sa
28
gipanghimaraut nga Ginoo, kinsa wala mogamit sa iyang gahum sa
pagkanaug gikan sa Krus, ang pag-antus hangtud sa katapusan, atong
tun-an gikan kaniya. Ang tinuod nga hulagway sa kagawasan, mao ang
dili pagkagiw gikan sa unsay angayang atubangon, ug sa pagpabilin niini
bisan sa panahon sa pag-antos.
Atong sulayan usab ang pagtan-at niining hulagway sa kasakit sa mga
tawo nga atong gitamak-tamakan, ilabi na kadtong mga bata nga
nagkabikil sa balaod nga, sama sa ilang mga pamilya, mga biktima
lamang sa kakabos, kagutom, ug pagpasagad. Dili gayod angayan nga sa
ilang pangidaron, silutan sa pagkabilanggo nga maoy naisip sa uban nga
solusyon sa maong problema sa atong komunidad. Susama ra kini nga
atong gipatay ang ilang kaugmaon. Dili pagkabilanggo ang subad niini,
kundili mao ang mga anak ang

29
magbayad sa sala sa ilang mga ginikanan. Manghinaut kita nga hulagway
sa gilansang nga Hesus alang kanato usa ka pagpahinumdom sa atong
katungdanan ug mga kalapasan nga dili unta nato isangon ngadto sa
uban, ilabi na sa mga kabataan.

PAG-AMPO: Alang sa Saktong Paggiya sa mga Kabataan

Ginoo, ginadayeg ka namo tungod sa imong gugma ug pagkamatinud-

anon. Nagpasalamat kami sa paghimo sa matag bata sumala sa imong
larawan ug panagway. Ginoo, ang among mga kasing-kasing nagsakit
alang niining mga bata nga kulang s apag-atiman ug paggiya ilabi na
niadtong adunay bikil sa balaod. Dasiga Ginoo ang nasyonal ug lokal nga
mga opisyales sa among katilingban sa pagmugna ug mga palisiya nga
magpalambo sa mga sistema nga maghatag ug barato, maayo nga pag-
atiman ug kalidad nga edukasyon. Giyahi sila uban sa Imong gugma ug
kalooy aron nga sila kanunay maghunahuna sa matuod, dungganon,
makatarunganon, putli, matahum, dalaygon, ug takus nga pagdayeg
alang niining mga bataa. Kami mapa-ubsanong nangaliyupo kanimo sa
paghatag sa imong matahom nga grasya sa matag pamilya. Nanghinaut
kami nga ang matag panimalay mamahimong dapit sa kalinaw, kaputli,
gugma, takos nga pagserbisyo ug pagtoo. Amen.

30

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

Verse:“Ang pagbasol niining tawo, gidawat ni HesuKristo. Ang atong

paghinulsul, susama niya dawaton.” (Sung by the Choir)
Refrain: “Hesus, malooy ka kanamo, pasayloon mo kami. Ang sala
gidumtan namo, dili na mag-usab kami.” (Sung by the Choir)

31
 IKA-NAPULO’G USA NGA ESTASYON: SI MARIA SA TIILAN SA KRUS

Pangulo: Nagasimba ug nagdayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Juan”

Ug mao kini ang gibuhat sa mga sundalo. Apan sa duol sa krus ni Hesus,
nanag-tindog ang iyang inahan, ug ang babayeng igsoon sa iyang inahan,
ug si Maira nga asawa ni Clopas, ug si Maria Magdalena. Ug sa pagkakita
ni Hesus sa iyang inahan ug sa tinun-an nga iyang hinigugma nga
nanagtindog sa duol, siya mi-ingon sa iyang inahan, “Babaye, tan-awa
ang imong anak! “Unya miingon siya sa tinun-an, “Tan-awa ang imong
inahan!” Ug sukad niadtong taknaa gidawat siya sa tinun-an ngadto sa
iyang kaugalingon puloy-anan.

“Ang Ebanghelyo sa Ginoo”

PAMALANDONG:

Walay laing sama sa paghigugma nga

32 gipakita sa atong mga inahan. Sila

ang labing masakitan kon kita adunay mga pag-antos ug balatian. Walay
laing gusto ang atong mga inahan, kon dili mao ang maayo natong
kaugmaon ug maangkon nato ang kaanindto sa kinabuhi. Mao usab kini
ang gitan-aw sa atong Ginoon HesuKristo sa higayon sa pagtugyan niya
alang kanato sa iyang inahan nga aron kita makasinati sa iyang inahanon
nga pag-pangga.

Susama usab niini ang matang sa pag-pangga ug paggiya sa atong

Inahang Simbahan. Apan, adunay uban, hilabi na ang mga kabataan nga
imbis nga pagpangga ug maayong pagpanggiya sa ilang masinati, mga
pagpang-abuso man hinoon ug pagpanamas-tamas sa ilang inosenting
kalibutan ang ilang nahi-aguman niadtong mga kapariang hakog sa
lawasnong kinahanglan. Dakong kaulaw kini nga ilang gipahamtang
nganhi sa atong Inahang Simbahan ug sa ilang mga igsuong kaparian.

33
Atong paninguha-on nga ang lakang nga gihimo karon sa atong Santo
Papa ug mga kaobispuhan sa tibuok kalibutan mamahimong
malamopuson ug pagulbad ug pagsugpo niining makalilisang nga lihok sa
dautan nga maka-uliot sa atong mahal nga Simbahan.

PAG-AMPO: Alang sa Inabusong mga Kabataan ug sa kaputli sa mga

kaparian.

Ginoong Diyos, gihatag nimo si Maria nga mahimo namong inahan sa

kalooy ug giya sa Simbahan. Nangamuyo ug naga-ampo kami nga pinaagi
sa iyang inahanong pagpanalipod, matabangan unta ang nahisukamod
namong Simbahan ug bag-o-honang nahugawang hulagway sa iyang
mga kaparian. Tabangi labaw sa tanan ang mga kabataan ug ang ilang
pamilya nga maoy labing naapiktohan niining mga kalaswaan sa
kalibutan. Kini among gipangayo pinaagi ni HesuKristo, among Ginoo.
Amen.

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

Verse: “Namatay si HesuKristo, didto sa Kalbaryo. Aron nga kita maluwas,

sa sala ug kamatayon.” (Sung by the Choir)
34
Refrain: “Hesus, malooy ka kanamo, pasayloon mo kami. Ang sala
gidumtan namo, dili na mag-usab kami.” (Sung by the Choir)
IKA-NAPULO’G DUHA NGA ESTASYON: ANG KAMATAYON NI HESUS

Pangulo: Nagasimba ug nagdayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Juan”

Tapos niini, sa nahbaloan ni Jesus nga ang tanan nahingpit na, siya
pagpalampos siya miingon (sa pagtuman sa kasulatan), “giuhaw ako.”
Ug sa duol dihay duha ka panaksan nga puno saa suka, ug ilang gibutang
sa isopo ang usa ka espongha nga natuhop sa suka ug kini ilang giyunol
sa iyang baba. Sa nakainm na si Jesus sa suka, siya miingon, “Natapos
na.” Ug siya, miduko ang ulo, tugyan sa iyang espiritu.

“Ang Ebanghelyo sa Ginoo”

PAMALANDONG:

“Ug natapos na”. Natapos na ang pagsigot-hisgot, mga diskasyon ug

pagpalampos sa BOL. Natapos na ang pagpasaka sa gil-uman tang maoy
sulbad sa gipangandoy tang kahapsay
35 ug kalinaw sa Mindanao. Usab,
uban niii, ang mga panghinaot nga matapos na usab ang mga kahadlok,
kagubot ug gubat na nasinati sa kadaghanan natong mga igsuong
Muslim ug mga Christiano. Ang mga pagpanghadlo, pagpanghulga ug
pagdagmal, pagpangira ug pagpamumba hatag ug lawomna samad sa
atong nasud. Hinungdan nga adunay lawom na pagkabahin-bahin ug
paglain-lain. Apan labaw sa tanan, kabalo kita nga dili maibot ang usa ka
dakong kahoy kung sanga lamang ang atong putlon niini. Busa, magala-
un kita nga matapos na ang dugay nang gipas-an sa tang problema sa
“bias” nga nakaugat s mga kagahapon nga inhustisya. Ang mga pulong
unta sa atong ginoong midulot diha sa kinahiladman sa atong mga
kasing-kasing aron mabat-unan ta ang tininuod ug malamong pagdawat
sa bag-ong pamaagi sa pagpalambo s atong nasud ug pagpatubo sa
dugay tang gipangandoy nga kalinaw.

36
 PAG-AMPO: Alang sa kalinaw sa Mindanao

Ginoo sa Hustisya, nagapasalamat kami nimu sa paghatag mo kanamo

sa Imong anak nga nagpakita kanamo kon unsa tinuod nga kalinaw.
Among gisalig diha kanimo ang among mga pangaliyupo ug pag-ampo
aron sa ingon mamahimo kaming malambigiton sa pagkab-ot sa
gipangandoy namong kalinaw. Tabangi kami sa pagbag-o sa among
galamhan ug makahinumdom kami nga ang kalinaw makab-ot dili pinaagi
sa gubot ug a gubatn apan pinaagi sa pagbalik sulod ug sulod diha sa
among kaugalingon. Kini aong gipangayo ug gipasalamatan, pinaagi sa
among Ginoong Hesukristo, Amen.

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

VERSE: “Namatay si Hesukristo, didto sa Kalbaryo. Aron nga kita maluwas, sa

sala ug kamatayon.” (Sung by the Choir)

REFRAIN: Hesus, maloy ka kanamo, pasayloon mo kami. Ang sala gidumtan

namo, dili a mag-usab kami. (Sung by the Choir)

37
IKA-NAPULOG TULO NGA ESTASYON: ANG PAGLUBONG SKANG HESUS

Pangulo: Nagasimba ug nagdayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Mateo”

Siya miadto kang Pilato ug iyang gipangayo ang lawas ni Jesus. Ug si

Pilato nagsugo nga ipahatag kini kaniya. Ug gikuha ni Jose ang lawas ug
gilimisan niya kini sa malinis nga panaptong lino,ug gipahimutang niya
kini sa sulod sa iyang bag-ong lubnganan nga kinubkob niya diha sa kilid
sa pangpang; ug iyang giligid ang usa ka dakung bato ug gisap-ong kini sa
pultahan sa lubnganan, ug unya mipahawa siya.

“Ang Ebanghelyo sa Ginoo”

PAMALANDONG:

38
Si Jose nga taga Arimatea nga-andam ug luna alang sa patayng lawas ni
Jesus bisan sa iyang kahadlok sa mga Hudiyo. Hinaut nga ang iyang
pagkamanggihatagon ug pagkamalumo sa namata nga si Jesus
makatandog sa atong nabugnaw ug nitig-a nga kasingkasing tungod sa
paghatag og bili sa atong kaugalingon kaayohan ug kahayahay. Daghan
sa atong mga igsoon dinhi sa Mindanao ang nawad-an sa ilang
kaugalingong yuta ug luna ilabina silang mga biktima sa gubat, mina,
iligal nga pagpamutol sa mga kahoy, ug dili malangkubong pag-usbaw.
Dili susama nato, wala silay igong lugar diin sila makapahulay sa ilang
gikapoy nga mga lawas ug huna-huna. Susama ni Jose, mo gawas unta
kita sa atong hayahay nga pagpamuyo aron sa pagkighiusa kanila.
Makakaplag unta sila ug luna sa atong kasingkasing. Sa atong pag-abi-
abi ug pagdawat

39
kanila, kita nag-abi-abi ug nag dawat kang Jesus nga atong Ginoo nga
nakighiusa sa mga kabos ug mga langyaw.

PAG-AMPO: Alang sa mga Nawad-an sa ilang luna, ilabina sa Mindanao

Mahigugmaong Amahan, hinaut nga ang kamatayon sa Imong

bugtong Anak mopukaw sakaayo sa among kasingkasing. Mahimamat
unta Ka namo sa mga kabus nga mahinagbo diha sa mga kadalanan, sa
mga kalbaryohan, sa kabukiran. Madasig unta kami sa mapalandong
paglihok alang sa among mga igsoon giaoag ug gipahawa sa ilang mga
Lugar. Mahupay unta sila sa maong pagtabang kanila ug sa among
panagtagbo, ikaw kanunay mag-uban kanamo. Pinaagi ni Kristo among
Ginoo. Amen.

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

Verse: “Sa pagkabanhaaw sa Ginoo, gibag-o ang kalibutan. Si Kristo buhi

ug Hari, karon, hangtod sa kahangturan..” (Sung by the Choir)

Refrain: “Hesus, malooy ka kanamo, pasayloon mo kami. Ang sala gidumtan

namo, dili na mag-usab kami.” (Sung by the Choir)
40
IKA-NAPULO’G UPAT NGA ESTASYON: Ang Pagkabanhaw ni Hesus
Pangulo: Nagasimba ug nagdayeg kami kanimo, O Kristo.

Tanan: Kay tungod sa imong balaang krus gitubos mo ang kalibutan.

PAGBASA: “Gikan sa Ebanghelyo ni San Mateo”

Ug sa paghilabay na sa adlaw nga igpapahulay, sa nagbanag pa ang

nahaunang adlaw sa semana, si Maria Magdalena ug ang usang Maria
miadto sa pagtan-aw sa lubnganan. Ug tan-awa, miabut ang usa ka
dakung linog; kay dihay manolunda sa Ginoo nga mikunsad gikan sa
langit ug miabut ug iyang giligid ang bato, ug milingkod siya niini. Ang
iyang dagway sama sa kilat, ug ang iyang sapot maputi sama sa nieve. Ug
tungod sa kalisang nila kaniya, ang mga bantay nangurog ug nahimong
daw mga patay. Apan ang manolunda miingon sa mga babaye, "Ayaw
kamo kalisang; kay nasayud ako nga nangita kamo kang Jesus nga
gilansang sa krus. Wala na siya dinhi; kay siya nabanhaw, sumala sa iyang
giingon. Umari kamo, tan-awa ninyo ang dapit nga iyang nahimutangan.

PAMALANDONG:

ANG Anghelmiingon sa babaye. “ Lakaaw s maka-usa ug sultihi ang

Iyang mga tinun-an nga nabanhaw siya.” Isip mga Kristyano, ang atong
41
pagsaksi sa nabanhaw nga Ginoo ipasayag gayod nato diha sa
pagsangyaw sa maayon balita. Mao kini ang atong misyon! Uban sa atong
kaugalingon ma karisma, sa ginagmay nga pa-maagi, ato untang epektibo
nga sa pagsangyaw niining maayong balita. Gasa kini sa Diyos ug busa
gamiton ta kini aron sa pagpaduol kang Kristo ngadto sa nagkadaiyang
mga kultura ug rasa. Sa laing bahin, mohimo usab unta kita ug kabag-
ohan batukan ta ang mga peke nga mga balita

42
ug ipakaylap ang kamatuoran nga mao estorya sa kasakit, kamatayon, ug
pagkabanhaw ni Kristo.

PAG-AMPO: Alang sa pagkaylap sa kamatuoran ug sa Maayong Balita

Dios nga among Amahan, Ikaw nagahatag ug gahom kanamo nga

mahimong mga saksi sa imong anak, an nabanhaw nga Ginoo. Hinaot nga
ang pagkbanhaw ni Kristo, magdasig kanamo sa among kinabuhing
Kristohanon. Sama sa giingon sa among santo Papa Francisco, ang
pagkabanhaw….. “magdasig sa atong mga pulon ug mga buhat sa
pagtandog sa kasingkasing sa mga tawo ug mupalayo kanila sa ilang
panaw sa kahingpitan sa kinabuhi nga mao si Jesus-Kristo nga gipadala
sa Amahan alang sa tanan.” Kini among gi-ampo pinaagi kang Kristo
nga among Ginoo. Amen.

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

Verse: “Sa dalan sa Kalbaryo, gitubos kita ni Kristo. Puy-an nato ang tiunay,
nga kinabuhing Kristohanon..” (Sung by the Choir)

Refrain: “Hesus, malooy ka kanamo, pasayloon mo kami. Ang sala gidumtan

43
namo, dili na mag-usab kami.” (Sung by the Choir)
 KATAPUSANG PAG-AMPO

LEADER:

Diyos namong Amahan, nagpasalamat kami kanimo tungod ni Kristo,

nga imong gipadala isip among Manluluwas. Nagsaad kami karon sa
pagunod kaniya ug pagpadayon sa imong misyon sa pagtukod sa
Gingharian sa katarongan, kaa-ngayan, kalinaw, ug pag amping sa
kinaiyahan.

ALL:

Busa tabangi kami nga mahimong mga buhing saksi sa imong gugma
ug paglaom. Magmatinud-anon unta kami sa Imong kalooy kanamo, diha
sa pagbasol namo sa among mga sala, pagbag-o sa among kinabuhi, ug
paguman sa among mga buluhaton isip Kristohanon, isip Pilipinhon. Kini
among gipangayo sa ngalan ni Kristo amon Ginoo. Amen.

Himaya sa Amahan, sa Anak ug sa Espiritu Santo. Maingon sa sinugdan,

karon sa gihapon ug sa mga katuigan nga tanan. Amen.

SA NGALAN SA AMAHAN, UG SA ANAK,

44 UG SA ESPIRITU SANTO. AMEN.
45