Kelas VI

Pangajhârân 4
Bâbhurughân Becce’
“ Mon è tobi’ oreng sake’ , jhâ’ nobi’ân orèng laèn “
Lalampa’an
Ngèrèng sabelluna èmolaè pangajhârân bhâb Bhâk-tebbhâghân
panèka,saè adu’a’ dhimèn , saterrossa saè talèktèghi patètè bâca’an è bâbâ
panèka.
“ Bhâk-tebbhâgân , èngghi panèka sèttong otabâ pan-saponapan okara sè
èkoca’aghi ka orèng laèn akdhi rèngtowa ka ana’na otabhâ sabhâligghâ , dâri
sakanca’an nalèka toju’ aghâlimpo’ . Sè èkoca’aghi ghâpanèka marlowaghi
jâwâbhân.
Saterrossa neng okara “ Bhâk-tebbhâghân “ jâwâbhânna bâdâ sè
namong materros oca’ sè bâdâ è “ bhâk-tebbhâghân “ ghâpanèka, akadhi
conto : “ Cèlat bârâ’ Cèlât temor “ .
Bâdâ jhughân neng “ bhâk-tebbhâghân “ oca’ sè èpasamar akadhi : È
antarana Bhumè ben Langngè’ bâdâ apa ... ? Otabâ È nga’-tengnga’enna
Pasar bâdâ apa... ? . Manabhi sapanèka bhâk-tebbhâghân ghâpanèka
aghândhu’ tatengnger èngghi panèka :
a. Okarana èndhâ
b. aghândhu’ tojjhuwân panglèpor atè
c. marlowaghi jâwâbhân
d. Biyasana èghuna’aghi è bâkto amaèn
Manabi abhâdhiyâ “ Bhâk-tebbhâghân “ ngemodhi pole de’ cèrè-
cèrèna macemma bhâk-tebbhâghân . Bâdâ sè jhâwâbhânna neng okara sè
ètebbhâkaghi . Bâdâ jhughân sè kodhu onèng kaè’anna sè ètebbhâkâghi
akadhi :
* Cèlat bârâ’ Cèlat tèmor , apa ? jâwâbhânna Cèlattong
* Korbina takok ka kèlap , budu’na bânga ka kelap , apa ? jâwâbhânna Obih
(polana korbina bâdâ è dhâlâm bhumè budu’na bâdâ è lowar bhumè ).
Bhâk-tebbhâghân panèka bisa èkalako ènalèkana sampèyan akompol
sakanca’an ka anggui panglèpor ate.
* Latèyan :
1. Manabi amola’ana settong lalampa’an / kalakowan,sabelluna kodhu adu’a’
dhimèn , adu’a’ dâ’ pasera ?
2. Ponapa sè èmaksod bhâk-tebbhâghân ?
3. Apa bâ’na sakancaan seggut amaèn bhâk-tebbhâghân ?
4. Kabârâ’ ghâdeb , katèmor ghâdeb , ghâdeb.......
5. Parèngè conto jâwâbhân bhâk-tebbhâgân bâdâ neng okara sè èsebbhut !
6. Parèngè conto jâwâbhân bhâk-tebbhâghân bâdâ neng okara sè ètolès !
7. Salaèna Obih ponapa polè sè rajâ è dâlem tana ?
8. jâwâb bhâk-tebbhâghân panèka : mon ghi’ kènè’ akalambi dhing pon towa
abângkang ?
9. Buwâna sèrè apa ?
10. Ghâbhâi 3 bhâk-tebbhâghân salaèna sè ampon ka sebbhut !