Marsiyya Maam Ceerno Mbàkke Parserigne Moussa Ka

Marsiyya Boroom Daarul Muhty | 1
Marsiyya
Maam Ceerno Mbàkke
Boroom Daarul Muhti
(1862-1943)
Aji bindaat ji : Sëriñ Móodu Jenn
© 1445 h / 2024 - Paris

Tous droits de reproduction réservés, sauf pour distribution
gratuite sans rien modifier du texte.
Pour toutes questions, suggestions, ou erreurs, veuillez
nous contacter par le biais de notre adresse mail:
serignmbayjaxate@gmail.com
Vous pouvez nous suivre sur youtube :
http://www.youtube.com/@serignembayediakhate1075

Indications (Source : Drouss.org)
Wolof Français
e=é per pér
u = ou rus rous
c = th caam thiam
ñ = gn ñam gnam
x = kh xol khol
j=j jibi jibi
nj = nd njaay ndiaye
nd = nd nday ndeye
ŋ ŋaam (machoire)
ë = eu gëm = gueum
é = è (plus dur) = rér perdu
óo = au góor gaure
q = xx suqali soukhali
Vous trouverez les vidéos (audio+texte) en suivant les liens ci-dessous :
Partie 1 Marsiyya Maam Ceerno Mbàkke (Sëriñ Abdul Ahat Ture)
Partie 2 Marsiyya Maam Ceerno Mbàkke(Sëriñ Musaa Géy Ndar)

Bismil ilaahi xaadiril muriidi
Moom lu ko soob lay def ci ab muriidi
Huwal lëzi yafhalu maa yuriidu

Dunal lëzi yuriduhul muriidu
Wahwa hayun samadun wa baaxi

Subhaanahuu zu kanafin wa waaxi
Nan sant tey feddali sunu tawhiid

Bahda salaatinaa alal wahiid
Te setlu yonnen yi ñëwoon ci dunyaa

Fahakadun lañ woon ku nekk wéy na
Te setlu Xayrul Xalqi ak Sahabaam ya

Ki tax ba Yàlla bind mboleem jaam ya
Teewul mu dem ñu naa wa maa Muhammadu

Ila rasuulun qad xalat lii lumu doon

Dunyaa su doon kërug saxoo di yaale
Xayrul Waraa waa Màkka duñ ko jaale
Waaye li yobb Ahmadul Màkkiyu

Dellu si yobb Ahmadul Mbàkkiyu
Du fi bàyyi sunu Maam Ceerno Ibrahiimu

Ki lee di xaadimam ki ley maxdoomu
Yoyu le yaari xew wi lee ko yetteel

Fa Daarul Muhti xew wi lee di mbeteel
Abki halaa Seyyidi Ibraahiima

Ma jooy le suuf ibran hawa tafhiima
Abki halaa Xaliili Ibrahiima

Ma dellu jooy le asamaaw xadiima
Jant a ngi jooy Maam Ceerno Ibrahiima

Weer a ngi jooy laylan badaa bahima
Ca mooma at sunu weeru koor wa jooy na

Naafila wu nu keroog ne taw ba sóob na

Ma jooy fi Saa Ndaama la sancoon Daaru
Ci alsashin céy Yàlla maa ka waaru
Waarootina waaru ga raw ga woon daaw

Jomeetinaa mii mbir a rëy ne leen waaw
Aa xin ala xaali xalilil laahi

Way jooy le leen ma saa nijaay lil laahi
Aa xin ala faqdi xalilil laahi

Maam Ceerno Ibrahiima Baabul Laahi
Aa xin ala xutbul waraa fil jaahi

Xaliifatin xadiimi duuna laahi
Aa xin ala xarmi rijaalilaahi

Sheexi suyooxi xa idil ilaahi
Woy ma ne woy man mi ko ñaanoon wérd

Def ko’b sëriñ fumay jëleeti fardu
Moo ma mayoon fa Daaru werdub xaadir

Ci darajaay Sheerifu Abdul Xaadir

Dellu ma may musabahaatul hasri
Dellu ma may maahuuzu waxtal hasri
Saxaadatan ridan bi duuna suxti

Moo ma ko warluloon fa Daarul Muhty
Ma jooy le Seex Ahmadu Awa Bàlla

Baayam ba fawxa woon ca kër Maam Bàlla
Ma jooy le Seex Muhamadul Habiibu

Baayam ba moo ëppoon njariñ am ceebo
Wayaa Xalilulaahi way Saa ndaama

La getti woon goor ña defum ndanjaama
Wallaahi saa rangooñ yi war naa tuuru

Ma jooy a jooy ba sama gët yi muuru
Saa ruu gi lax na sama xol bi wow na

Saa cër yi làgginañ ne Ceerno dem na
Billahi wallaahi tegal talaahi

Dootuma ree ba kekku duuna laahi

Ndaama Xalilulaahi Ibrahiimu
War ngeena yewwu jarr nag te yéemu
Garab gu rëy ga keraloon waa Daaru

Neena jirim naaj waa nga nit ñay jaaru
Imaanu diinuna aqul imaanaa

Wa saahibal islaama wal ihsaanaa
Ceernoy kenul diine di ruuhag lislaam

Moo njëkk moo mujj te moo fi xam Daam
Kennu la yor mbaarum Sëriñ bi naay na

Lee jën yi buur galo yi daanu haayna
Maam Ceerno dem na yobb far Sëriñ Ndaam

Sëriñ Momar Absa ña ngay nuyoog Daam
Kenn dootul xamle Alxuraan ci Mbàkke

Ku melni Seex Abdu ma raw waa Bogge
Woy ma ne woy man ekspres ba teer na

Te taxumaa àgg te wàcc teel na

Gi lee saxaar teggi masiin ba wéy na
Maam Ceerno mekanisiyen baa nga aynaa
Xawma saxar gu may dugal bagaas yi

Boowul ma mbuus yi ñoy woroom bagaar yi
Pake ba dem na toppi màndiwaar ga

Maam Ceerno dem na fekk Bàmba njaam ga
Ku man a feey na feey subooxun loojo

Yaw loo ci doon ci ag tefes ngay xooju
Woy ma ne woy man fu ma newoon ba tàrde

Seex Mustafaa bu sama paas bi tàrde
Mat ngab xaliifatu di xayrul fardi

Yaay doomi Ahmadu Mbàkkiyu Amdi
Bu dul kon ak Abaabakar Sidiixu

Ginaaw Rasuulilaahi ne kon nu yuuxu
Bu dul kon ak xalifa Amdil Mustafaa

Kon tay nu gën fee jooy Xadimal Mustafaa

Ma jooy le Amdil Mustafaa baayam ba
Ko jàngaloon te def donooy baayam ba
Fu miy jëleeti baay bu mel ni Ceerno

Mu di ko xoole Bàmba cëy bii xarnu
Fu nuy jëleeti kuy niroog Maam Ceerno

Mo doon peremiyeerub rijaali xarnu
Moo njëkk daw kurs ba mujj àq

Moom ba ngañaay ya fahagut la àq
Raw na ngañaay ya yépp teggi tuur ba

Ñibbi këram Njool Màkka wan ko Buur ba
Allaaxira jeexal nga kër Maam Bàlla

Seex Mustafaa amul ku dul Seex Bàlla
Seex Bàmba dem ca wamsashin fa Njurbel

Keroog la àdduna niroog ab wurmbal
Seex Anta dem ca bopp haama sasashi

Yobbu Sëriñ Aafiya murit yay bisbisi

Sëriñ Ma-Sàmba dem atum unaysasi
Jumaay Tuuba di ko jooy di bisbisi
Fekkoon na Seex Coro ak rakam Seex Absa

Dem nañ ca haama nasashin céy cam sa
Murit ya yépp di yaakaar Ceerno

Ne ndax mu toog fi ba nu matal bii xarnu
Nekete woo day dem atum basasashin

Xamnaa su doon ñàŋoor ma ngay dasasasi
Watit wa laa leen bëgg wan ak mboor ma

Ku dox doxiin wa daal di yeesal ngiir ma
Ngólool ma mag ca kër ga fekkileen ko

Doom a di baay watit wa dégluleen ko
Marsiya baa leen di xamal watit wa

Njàmmee ngi deeti suli mbooti xeet wa
Ndax ku xamul saahir sa toppi mii mboor

Xaayaan balaa neex kat nga dégg sereer

Sëriñ Masàmba neena inspektër laa
Ku reere Ceerno tay ma *conse geer* la
Maam Ceerno wàcc na defar na diine

Ñibbina àjjana caa uurul hiini
Maam Ceerno wàcc na ba fab Sëriñ Ndaam

Sëriñ Momar Absa ña ngay nuyoog Daam
Jigeenu uurul ayni yaa ngi koy teeru

Lalam ya ñoñ barsàq ñoo cay feeru
Ma ngay bunaanaat ciy lalam di buuru

Jotna bisub payoor ba dootul liiru
Bàmba takkal na ko medaayub baatin

Yu dootu tekkeeku ladaa Boroom Kun
Yëngal na firdawsi lëmbaaje Tuuba

Taxaw fa janaatin nahiimi booba
Jannaati adnin am na fay ridwaani

Nuyoo nafa ak Bàcc ak Boroom Gawaani

Maam Ceerno nax na nu ba dem jinaani
Maseefu ko seeti ladaa jiraani
Fukki fan ak juroom la xëy di buuru

Ñu naa bayit-bayit mu daal di muuru
Ñetti fan ak ñenent ci weeru Shahbaan

Di alxemes la ne meles réer Soodaan
Am na juroom ñetti fukkam yu mànke

Yeneenti weer laaj naa ko Siidi Mbàkke
Ku bëgg dégg fa mu dox ci saahir

Na nga ma jox sab nopp kon nga saagër
Ku bëgg a xam na Ceerno Faati daa def

Déglu ma ndax nga roy ko moo di haarif
Bamuy xalee la daaldi ànd ak Bàmba

Di roy jikkoom ya ak jéegoom ya ak tànkam ba
Bàmba a ko jàngal moo ko def kang-foore

Jàngal na ay foore te masla doore

Roy-roylu saahir sa di xeeñ baatin ba
Fum yenni koo mu teeñu fab yanam ba
Xolam bu jébbalu ba ak tabeem ga

Ak dëddu ga ak njàmbaar ga ak yaaram ga
Ak sàmm ga ak maandu ga ak doyloom ga

Muñam ga ak wakkiirlu ga ak wooloom ga
Moo bañ tubaab mba ab ceddo mba ab yéefér

Soppul ku daa poronoose mbaa kuy siifar
Gëmam gu mat gaa waraloon liimaan ja

Dëgal gu mat gaa waraloon tawhiid ja
Sarixatoom jaa waraloon lislaam ja

Haqiqatoom ja waraloon lihsaan ja
Tarbiya gaa waral barig hadiis ja

Tarqiya gaa waral mu ray badiis ja
Tasawufam jaa tax mu saf muriit yi

Haqiqatoom jaa tax mu soof mariit yi

Masula sopp àdduna ak dagam ya
Séytaane bànneex ak bakan mbokkam ya
Day seng jàkka ja saxal ca mbooloo

Saxal fa julli juroom moo yoolu
Masula mànke masula tiim fa Daaru

Masul di maamuun masula fay faat xaaru
Gennug fajar la mas a tiim fa Daaru

Keroog Mataar Jóob moo ko nax mu waaru
Noon na ma yaari tàkkusaan la masa tiim

Te ba mu amee ndox fay na julli ya mu tiim
Keroog lañuy tuddi Sëriñ Ma-Sàmba

And ak Sëriñ Ndaam sàntu Siidi Bàmba
Ñaareel ba mooy atam bamuy sanc Koso

Ñuy rooti Tuuba at ma melna ni kaso
Da daa saxoo naafila fil Xur’aani

Ci weeru koor jii ilimaan mooy waane

Jii ilimaan deesu ko jam moo màndu
Maseefu ko gaganti biir moy wàndu
Ku weddi laajal naari waa deymaani

Seen gag ba jàlloon jóg ñëw suudaani
Bàmba ne Maam Ceerno na leen gàgganti

Man Bàmba bis penc ba laay lijanti
Keroog la Maam Ceerno lijanti naar ya

Tasaare mahnaa ya te laalul mool ya
Céy muhjisaati Bàmba ak Maam Ceerno

Maneesu ko xibaar fayalma daynu
Maseefu ko sàbbaal du juum du fàtte

Masula jamuj ngir Bàmba moo koy àtte
Bàmba ne woon bu Ceerno daa liqaamlu

Fa Daaru Mannaan maa nga toog di laablu
Man Bàmba it sumay liqaam bay kàbbar

Ceernoo ma daa maamoomu ñii ñaar ay mbër

Te boobu Seex Bàmba a nga woon Konaakiri
Te Ceerno daawu ko xamal manaakiri
Ag jaxasoo du ko teree ibaada

Kenn manu ko defloo bidaa mbaa aada
Dënerlu ga ak yeexam ga ak déeyam ga

Du tax mu fàtte senn saa wetam ga
Noppeem ga mbaa mu melni daflaa fàtte

Te tewu ko dañ kumpa Ceernoo sotti
Masula rët masula tiit du jaaxle

Maseefu ko kalaame bor moo baaxle
Maseefu ko jiiñub dëram du giiñlu

Masula waato mba mu dox di joññlo
Ñemee ñemee ñemee ba mel ni ag gar

Te far ragal Yàlla ba mel ni bàqar
Te wex a wex xàtt ba mel ni xétar

Te far lewet domm ba mel ni am xar

Tabee tabee tabe ba mel ni mar-mar
Te aay a aay a aay ba mel ni par-par
Faqiir ya woon fa taaxi Daarul Muhti

Amal na leen daahif ya duñ ko fàtte
Jirim ya ak miskiin ya ak ñay baayoo

Nàmpalna leen ca saafaraam laa raayoo
Daggam yu rëy yaa tax mu saf faqiir ya

Ndimbal la moo taxoon mu saf xaqiir ya
Yërmande jaa taxoon mu saf saxiir ya

Teraanga jaa taxoon mu saf kabiir ya
Ñamam yu neex yaa tax mu saf siboor ya

Mbañam wotom maa tax mu soof sofër ya
Goreel na jaam ña goreloona gor ya

Ngoram gu rëy gaa walangaan fa kër ya
Xikam yu rëy yaa walangaan ca xol ya

Geejug xikam gaa duusu toyal xel ya

Du sas murit du wër di laaj hidaaya
Du jañ du ñoddi mooy boroom hinaaya
Te du la laaj te loo ko jox muy sant

Soo ko joxul su la gisee ni patt
Soo ko joxee mu ni la hamdullaahi

Soo ko joxul du ni la abdullaahi
Du woo murit du yewwi ab murit

Te loo ko jébbal xam ni mooy hamiid
Du tudd nit fum newul du bodde

Du jëw du jëwloo ña fa moom du gëdde
Ku mu denk lëf doo tu ko laaj ba abadaa

Lu mu denc it doo tu ko laali sarmadaa
Ku moy mu wan la yoon fa Daarul Muhti

Masula far-farlo du wàlli parti
Xàmmeewuloon waadoola ya ak waa nguur wa

Ca la mu nar ku bañ mu wan la yoon wa

Fu mu masa toog ñaari ngimiñ ya dar ko
Ak ñaari ndaama ya sa poos ya wër ko
Buy julli hiit fetal ya daaldi tàkk

Muy sànni jàkk wa di dox ba àgg
Te teewu ko lewet ba raw waa Mbàkke

Waaye donoo gëna dëhar fa Kokki
Li mu joxe ciy fetal maneesu ko lim

Li mu maye ciy fas it maneesu ko xam
Li mu maye ciy sàq aki nag aki mbalaan

Mayna ma am sàq fa kër Bàlla Bajaan
Masula wor ci ab dëhal kuy laaji

Li mu faj ci aajo zu hadaa’il haaji
Lu war mu def ko cogalam day gaaru

Baa aki mbaam lañ daa wutal fa Daaru
Xari talaabiir aki bëy ak naaga

Ba àddinay baax sàmm saa ngay saaga

Yonneena waa jumaa ja junnib ngurdi
Siket gëleem gaa ko sëfoon di fardi
Fukki junneek ñaar la joxoon Seex Anta

Bam ko yótee maqaama moo dib jant
Seex delluwaat yót ko lalub pëmeem ba

Ñetti junneem la yobb mook goroom ba
Ku weddi lii laajal Mataar Masóogi

Moo yobbuwoon xaalis ba moo ko sooke
Déglul ma wax la tay fa sunu Maam Ceerno

Jàmbaar ju rëy ja jaar a jaar ba raw nu
Yàllaa ko jagleel ca asal mook Bàmba

Ñu bokk seen mbir ca xadiim fab yan ba
Yawma alastu la ko Bàmba tànnoon

Murit yi bañ laa wax "balee" la genoon
Moom lañ duyal ndab la mu bokk ak Bàmba

Seex yépp dañ ca tank naan ba ñiit ba

Moo njëkk sukk mujj jóg ci baatin
Kun fayakoon moo ko dogal moo leen gën
Ngëneeli saayir ya mu bokk ak Bàmba

Ci wàllu maam moo tax mu àttan yan ba
Ahmadu Soxna Buso mom Maam Maharam
Moo sémpi raaya maami Mbàkke fa këram
Maam Maharam bindoon na bis ab dénk

Sereel ko ay ngërëm yu ànd ak tagg
Neena bu degaa nodd day dawaale

Ba sër ya xotteeku lixubil waali
Ñaari sëtam ñu baax ñi doy nañ seere

Seex Bàmba ak Maam Ceerno li ka biire
Sen yaari maam yaa bokk baay fa Mbàkke

Ñu dellu bokk benn baay am bàrke
Maam Asta Waalooy ndeyi Soxna Jaara

Bu dul kon ak moom kenn du sampi daara

Maam Absa Mbàkkeey ndeyi Soxna Faati
Miy ndeyi Maam Ceerno mi xar’aadaati
Yi yaari maam ñoo bokk genn góor ga

Ahmadu Soxna Buso way na géer ga
Ci sunu Maam Ahmadu Soxna Busó

La seeni géej di bëx-bëxi di duusu
Déglul ma wax la lëf ci mbokkag baatin

Loo xamni tuuti laa ci xam ci baatin
Ca haama sharfadin la ñëw ci dunyaa

Neeleen sunuy nopp bi dooni sunyaa
Fukki fan ak juroom ci weeru gàmmu

Di alxemes gaynde ga ñëw di yëmmu
Keroog la Seex Bàmba mu mag ma faatu

Maam Bàlla Aysa faatu at ma laatu
Bis bam ganee àddina daal di tàkku

La Bàmba xam ni am na lam doon sàkku

Fekkoon na Seex Bàmba di ñaan Buur Yàlla
Jàmbaar ju askanoo ci Mbàkke Bàlla
Yoor-yoor la judd alxemes fa poroxaan

Yoor-yoor di alxemes la tàbbi fil jinaani
Bis bam juddoo ba tàkku sér baatam ba

Seex Bàmba daw njëkkante koog baayam ba
Keroog la Maam Moor Anta naa Seex Bàmba

Sa ñaan gi nangu na kii lee yor yan bi
Xamnaa ni sooy donoy Rasululaahi

Mooy sam Aliwu mbaa Umar bilaahi
Bu Bàmba doon Muusa mu dib Haruuna

Seeni mbir ak yooye le mbir niroona
Neena keroog aluwwa jam doon jàng

La fa taxaw ca kaw lu rëy di fëgg
Te naa ko sooy amiiru mooy wasiiru

Sooy xutbu mooy xawsu te moo lay sooru

Fekkoon na Bàmbay jàng saaru xasasi
Ba ca fa arsilhu mahii la ko gise
Seex Bàmba daal di dem fa néeg Maam Faati

Jàngal ko fay sabxatu munjiyaati
Cër ya juroom ñaar cër bu nekkay amu saar

Mu julli fay ràkka saxal ko ba Pataar
Keroog la Bàmba sange mbooleem cër ya

Masula dox fi lu xaraam fa bar ya
Foofe la Bàmba toog bindal ko'b teere

Xar per ma burxal ko ndeyam muy seere
Bisub keroog la Mabba toj Pawos Koto

Ñu dégg sox ya tàkk kenn xamul fu të
Waxtu wa muy tàkku la sox yay tàkk

Loola wara jàmbaar ja maa ko bàkk
Seex Bàmba naa jihaar ja doyna faalu

Seerey limay xarfaanu maak rijaalu

Keroog la Yàlla def ci sunu Maam Ceerno
Sopp fetal jihaar ba moom ab xarnu
Ca tàkkusaan la sunu Maam Moor Anta

Laxasu gonte Poroxaan dib jant
Ñu daaldi soos kasaa ga genn réew ma

Soxna sa daal koy yanu booleeg meew ma
Ba ñu demee Njaaba Kundaa ci xarte

Soose sa berndeel ko fa lañ ko ngente
Neleen sunuy nopp lii may wax waruma

Waaye Rasuulu sax waxoon nañ mbir ma
Baayam ba jébbal ko keroog Maam Ceerno

Ne ko su ngeen dundee yilif ab xarnu
Guddi gu ñëw muy jàng tey wër néeg ba

Ba muy ayug-bis géej ga wal ca déeg ba
Géej bu walee cib déeg ba sar ca dex ya

Bamuy ayug-bis kenn du xàmme ndox ya

Li lee taxoon Maam Ceerno Ak Seex Bàmba
Seeni mbir ndiroo da fa ni diib tànkam ba
Seex Bàmba nee fu ma taxaw balaa ngoon

Mu ne fa jaas di xeeñtu mboor ma aw yoon
Ne suma doon ab dëkk Ceernooy yoon wa

Jëm si ci man ku soobu tàggoog buun wa
Baay baa ko tuddee Ceerno Ibraahiima

Mooy Sëriñam bu ndaw xawa tafhiima
Ñu teg ca ay at njool ma daal di gàddaay

Ñibbi Kajoor sañc Pataar moo mat baay
Keroog ba muy dem dafa listixaarlu

Ñu ne ko ñibbil ren kajoor te mbaarlu
Keroog la pencum Poroxaan ma daanu

Maam Faati Jóob wopp Sëriñ ba kaanu
Ca mooma at la Xaadi Momar Anta

Ñibbi Kajoor Lat Joor du naa man anta

Mboleem Kajoor jiital ko def ko xaadi
Moo raw ku teew ak kuy ñëw ak kuy maadi
Mu bolee kook Seex Anta ñuy sidwaani

Jox leen Sëriñ Ñang xaafisul Xur’aani
Mu am fa am at baay ba daal koy laaji

Jébbal ko Bàmba zi xadaa il xaaji
Bàmba a ko jàngal Al Xur’aan ak xam xam

Jàng ak liggéey la boole woon ba am ndam
Bàmba a ko yar yor ko ci waxtu sihari

Masula tagoog moom lil waxtil kibari
Masula juyoog ndigëlal Seex Bàmba

Masula fanaan fu dul fa suuf fa der ba
Buy dem mu yor satala gaak deram ba

Ak teere baag daa ja di saf laram ba
Masula juum ba tàbbi néeg Maam Faati

Ngir bëgg lekk mbaa mu naan laa yaati

Masula fanaan àll du génn daara ja
Day rafle tey yalwaan ba xëy am daraja
Ca yooya at la Bàmba ak Maam Ceerno

Ak Seex Masàmba Jóob di dox ba wër nu
Wër nañ Kajoor ak Bawol ak waa Njàmbur

Ngir bëgg am ñetti dëram bay jàmbur
Ngir boobu Naar bu ñu naa Seriiful Hasanu

Moo ko bindal ab teere bor la ca yanu
Téere bu tedd nee ñu fathul àqfaal

Ak rawdu faa iqin limaale ci ab jalaal
Ànd nañook Masàmba Jóob ba dem Saam

Amuñu lu dul fukki xasab boleek mbaam
Nee nañ mbaam ma baayi Seex Moodu Jigal

Moo ko joxoon Sëriñ ba loo laa ko jagal
Moo di Sëriñ Majibbu am nam ceebo

Seex Bàmba soppi tur wa naa Mujiibu

Mbaam ma Sëriñ Masàmba Asta Mbàkke
La ko Sëriñ Tuuba sarax moo sekki
Ba ñu demee ba toll neegi Wajja

Fa lañ fanaan Sëriñ ba xatta wa ja
Sëriñ Wajja’a nga yor mbalaanum tàndan

Di leen bijanti di niroog waa xàndan
Seex Bàmba nee ndax waxtu wuy tàggook ñoom

Jox leen mbalaan ma laaj ko day waral juum
Sëriñ ba tàggoo joxewul mbalaanam

Yàkaar ja tas Maam Ceerno sàntu waayam
Seex Bàmba nee su ko joxoon mbalaan ma

Seex Ibra Faati lay yamal maqaama
Mbaa mu yam ak Seex Ibra Faal maqaama

Di rammu ay kuréel bisub xiyaama
Boobee ba tay Maam Ceerno Ibra Faati

Masula tàggoog Bàmba fil hadaati

Te lu mu am jox ko te lu mu xam wax ko
Te lu mu amul yéene ko mbaa mu am ko
Te du ko laaj te lum ko laaj mu jox ko

Te lu mu soxla Ceerno Faati faj ko
Jii waay maneesula xalam màqaamaam

Aki ngëneelam lu dul keroog bisub xiyaama
Déglul ma wax la bis ba Bàmba ak Ceerno

Delusee Pataar nit ña di ree ngir deynu
Maam Ceerno naa seex Bàmba ñi ngi nuy reetaan

Naan du nu fay bor bi danaa ko yalwaan
Seex Bàmba naa ko ku bëgg cor sunug siis

Ngànnaay ga delusi yobbuwale sag siis
Bisub keroog la sunu maam Soxna Coro

Jébbal Sëriñ Tuuba mbalaan mu defaru
Keroog la Bàmba mës a dem ca kër ga

Waa kër ga gépp naa ko Bàmba gar nga

Mbalaan ma moo waral mbalaan yu bari yi
Dëram ya moo waral dëram yu gore yi
Wëndeelu baa tax woto yiy wëndeelu

Ba roplaani Amerig jëmbeelu
Ca tànk neeni Bàmba yaak Maam Ceerno

La woto yiy raame di daw di koornu
Ganaaw ga naar ba delusee fi soodaani

Mu jox ko ñetti junni lil biidaani
Maam Ceerno Faati jox ko ñetti téeméer

Sëriñ Masàmba Jóob tofal ca téeméer
Keroog la Gànnaar xam ni njëkk fecc

Taxul a mujje'b géew ku gëm du xàcc
Kuy rëb day xiif aka mar di raamu

Su fetalee tànn yu duuf yam taamu
Bàmba fetal na rab wa Ceerno fees ko

Dogte ko togg ko ne ñëw leen reer ko

Mosandileen te xam ni lii aw mban la
Mbana ga laalaguñ ko junniy ñay la
Ma wax la at ma Mbàkke Anta faatoo

Mooy magi Seex Anta boroom aayaatu
Keroog la Bàmba donn Mbàkke Anta

Fi saahirin wa baatinin dib jant
Daa na ko wax naa waa ji ñaari jant

Du ñu man a bokk asamaaw dub lënt
Man Mbàkke Anta duma so damay suux

Bàmba na toog ba so nde mooy sunu Seex
Ca yooya fan la woppu daaldi faatu

Mo amewoon Soxna Ja moo ka yaatu
Njaañ la ko baayam rob bisub alarba

Bisub keroog la rammu mbooleem bar ba

Yonni Sëriñ baak Ceerno ñépp gontu

Ñuy jaay ab kaamil ba yendu Njañaar
Maam Ceerno yalwaani xamul fumuy jaar
Ngir làmb yaa ngay gor sabar yay jaaxaan

Góor ñaak jigeen ña jaxasoo di caaxaan
Seex Bàmba yendu fa garab di jàng

Te masula déglu ndënd masul a jeng
Jigéen ju ñuy wax Jee moo leen romb

Nuyu Sëriñ ba daal di xam la mu làmboo
Moo leen fa toggal añ sarax leen ay lam

Booleeki ndor Maam Ceerno yor ko moo gëm
Mooy ndeyi Jee Yaasin ma faatu Ndànd

Ñu rob ko ahlulaahi awma ndend
Seex Bàmba noon na Ceerno yaa koy rammu

Yawmal xiyaamati mook ndey ja Ceernoo sàmmu
Jaay nañu jaay kaamil ba kenn jëndu ko

Te muy mbindum Seex Bàmba kenn yëggul ko

Céy Yàlla Laa ilaaha ilalaahu
Muhamadun Arsalahu ilaahu
Salla aleyhi laahu bi salaami

Wa aalihi wa sahbihi ahlaami
Amaana kuy sewal ku rëy fa Yàlla

Amaana kuy rëyal ku sew du Yàlla
Ba ñu ñëwee te amuñu hidaaya

Di yaari mbër yu nëbb seen wilaaya
Maam Faati Jòob a ko sarax sa ay nopp

La ñu canoo mu tudd ñétt opp
Ñu boolekoog lami Jee ya ak mbalaan ya

Maam Ceerno jox ko baay ba fab rawaan ya
Ñu daal di jox soxna sa Séydi Bàmba

Neeleen sunuy nopp donoy Yonnen ba
Keroog la donn mag ja ak baatin ba

Ñu jox ko Soxna Ja Tureek Taaram ba

Tuxoo Pataar ñëw Mbàkke mel nib jant
Ñu am fa yetti at mu daal di faatu

Bawol di wal-walli li léey aayaatu
Haama sasin la faatu wuyuji Yàlla

ñu robb ko Déqle ki lee xam Yàlla
Wa raddiyalaahu anil xadiimi

Maa amiihi wa laxil amiimi
Déglul ma wax la yaw keroog miraas ma

Waa Mbàkke ak waa Kokki teew turaas ma
Keroog miras ma Bàmba naa leen ceerno

moy sama wàll bu amee mu doynu
Man Yàlla doynama te doyloonaa ko

Maam Ceerno doynama man it doynaa ko
Bu benn xeeti Kokki mbaa wu Mbàkke

Taxaw fi naa Sàmba aki Demba Mbàkke

Keroog la Ceerno yeesalat njébbal ga
Feddali booleek ga wéyoon ca ndaw ga
Keroog la jaay mbokk ga ak xam-xam ba

Jëndee murit saadix wëlif am-am ba
La ñu donne woon si sunu Maam Moor Anta

Ñu jox ko Seex Bàmba mi raw ab jant
Kaamil ba Maam Moor donne woon ca baayam

Ñu jox ko Bàmba mooki doomi baayam
Bàmba ne leen na ngeen ko jox Boroom Saam

Ngir Kaamilug mag-moom la leeg nu dem Saam
Maam Abdu Xaadir baayi Mbàkke Soxna

Moo ko bindal Maam Bàlla Aysa Soxna
Ceddo ko ray moo tax ba sunu maam Bàlla

Gàddaaye Mbàkke sañc Ngay ngir Yàlla
Pël yaa ko ray moom it ñu fob kaamil ba

Jébbal ko Maam Moor Anta mooy kaamil ba

Bis ba mu faato la ñu ko jox Boroom Saam
Bis ba mu faato la ñu ko yobb yót Daam
Ñu jox ko Sëriñ Tuuba fa taaxi Njurbila

Bàmba ne leen yót leen ko Ceerno oorma la
Gisnaa fa bis màqaama Ibraahima

Muy dolli ay màqaama Ibraahiima
Boole na koog keroog mbubbum baarkeelu

Ne ko ku ñàkk sol ko daal di kiilu
Maam Ceerno ne su ma masaa na sol mbub ma

Damay nangoo nango ba summi mbub ma
Xam naa ku daj mbub ma faseekuk ñàkk

Yaa laytani ma sol ko ndax ma fenk
Ma wax la at ma Bàmba àndeeg Ceerno

Ñu seeti Aas Kamara Ndar defar nu
Ceernoo ko sàntu booba mook Sëriñ Ndaam

Ba ñu demee Kajoor la been Sëriñ Ndaam

Keroog la Ceerno yanu junnib ngurd
Booleek yëre yu Seex Bàmba kii du garde
Xam na ni jëmmi nit jikoy malaaka

Moy Ceerno Faati wutena ak Muusa ka
Ba ñu demee Ndar ba siyaare Maam Aas

Tëye na Bàmba Ndar di laaj depans
Sax na fa Ndar lil xaadiril jilaani

Te lum fa sex Ceerno ko daa yalwaani
Seex Bàmba laaj na ko fa wérdub Xaadir

Ngir bëgg jokk ji ci Abdul Xaadir
Aas naa ko toggal muñ te bulma tàggu

Diggante Muusa ak Xudar ngay sàkku
Sa mbir'a ngeeg man démb laa la fàggu

Moor Sàmba Tukulër ba laa doon sàkku
Yaa di juróom ñetteeli lawliyaa i

Yi wara yor werdu wi fil alaahi

Wa shaaminu xaadimu Bàmba Ahmadu
Man mishluhu fil harbi laysa yuu jadu
Keroog la Bàmba xëy a xëy ni meng

Di waa ji seeti kuntiiyu faf ni feng
Ca mooma at la tog fa ndar ba xàddi

Bay bëgg a wëy Gànnaar bi xayri raddi
Keroog la disoog Ceerno yoonu penku

Mu naa ko nañ daal di rañaan tay tànku
Keroog la Bàmba ñaan ci barkeb Jiili

Naa daal di gis Kuntiyu mbaa te Jiili
Rabbi bi jaahil Mustafa wa min duri

Sala xahu xabli xuruu ji min ndari
Ba bët setee ñuy bëgg dem la Maam Aas

Daaldi taxaw ni Bàmba yaa raw ñoñ Faas
Gisnaa la biig ngay bëgg dem ba Màkka

Te yaay rammu soodaan saxal fi Mbàkke

Sa rakk ji mooy sa ndimbal ci baatin
Moy sa rawaan Maam Ceerno ya dib laakin
Bisub keroog la Bamba daaldi fomm

Def yetti way jox ko fa Aas ni cumm
Ad durru wa nafhu minar rahmaani

Laysaa minal suudaani wal biidaani
Ad durru wa nafhu minal jabbaari

Laysaa minal fujjaari wal abraari
Ad durru wa nafhu minal wahaabi

Laysaa minal ahdaa i wal ahbaa bi
Yii le bëyit la Bàmba dénkoon Maam Aas

Mu yër ko daal di ni ko yeen a am sãs
Keroog la Aas jox ko fa wérdu xaadir

Bi izni rabbil halamiinal xaadir
Keroog la Bàmba jox junnem ba Maam Aas

Mu naa ko falnaa la te yaa di fugraas

Aas naa ko jox naa la Kajoor wa Gànaar
Ak Bawal ak Saalum Jolof di sam xaar
Li lee taxoon ba Daam deme Jolof Njaay

Ñoom dalaluñ ko gungewuñ ko ñoo aay
Aas naa ko ndaama li di Ceerno Faati

Fum mëna yam di saahibul ayaati
So doon Suleymaan mu di sam Hifriitu

Dafhan wa jalban moo ma dàkka yootu
Jox ko fa mbalaanum Sheex Abdul Xaadiri

Bañ donewoo ca sëtti baayub Taahiri
Mu boole koog jàkk wa ak deram ba

Ak kurusug Maam Aas yor siroom ba
Ba ñu deme Mbàkke kajoor la Baay Daam

Xarlo mbalaan ma ka ñu naan Sëriñ Ndaam
Seex Bàmba doglu ko tubay ak turki

Seex Abdu Rahmaan moo ko ñaw ngir bàrke

Neena keroog puso bu nekk ag laaya
Ci Alxuraan mooma ko doon riwaaya
Mbicam mbalaan ma moom la Bàmba reere

Bisub keroog añeku lii ka biire
La ca desoon mu jox ko Maam Seex Anta

Ni ko nga barkeloo ko yaa dib jant
Bis booy dajeek tubaab yi yobuloo ko

Ba Seex di dem Segu mu far làmboo ko
Mu daaldi fab wérd wa jox Maam Ceerno

Ne moo ko sàntu woon ba Ndar moy hawnu
Te ni ko koo ko may mu xam sahadaa

Bila saxaawatin wa xarqal xaadaa
Man Njàmme Ceerno ma ko may fa Daaru

Alhamdulilaahi ma sant waaru
Mu daldi fab werd wa jox Maam Cerno

Ne moo ko santuwoon ba Ndar moy hawnu

Te ne ko koo ko may mu xam sahadaa
Bila saxaawatin wa xarqal xaadaa
Man Njàmbe Ceerno ma ko may fa Daaru

Alhamdulilaahi ma sant waaru
Deglul ma wax la bis ba Bàmba ñibisee

Mbàkke Kajoor ak Ceerno Faati ndaama si
Njafal nga jàpp Ceerno jiite daara ja

Seex Ibra faal jébbalu ànd ak mahraja
Maam Ceerno fas ni Soxna Faati Sàmba

Danaa ko jox sha’Allaahu Siidi Bamba
La mu waxoon Yàlla doggal na loola

Ci darajaay Maam Ceerno jël na ndam la
Ka mu yoroon la jox Sëriñ Medun Jòob

Ci darajaay Maam Ceerno Faati may ajiib
Foofe la Soxna Faati Sàmba faato

Mook doom su góor sa ajaban moo yaatu

Maam Ceerno delluy wax a wax fa Bamba
Bam wutëlaat fa Soxna Xadi Sàmba
Ñaari jigéen yu Seex Muxtaar Sàmba

Raddi anhumaa halii ak Bàmba
Keroog ba Soxna loo mu baax ma faato

Laleen sëriñ ba bàyyi far nañ faatu
Keroog la Ceerno melni gaynde mbooya

Di wax ba Daam fab Soxna Penda Mbooya
Amna ca doom ju tudd Soxna Faati

Ci darajaay Maam Ceerno Ibra Faati
Bul jéema lim li Ceerno wan Seex Bamba

Ci waa këram moo doon bëtam di tànkam
Fekkoon na Cernoo'y wax Abdulaahi Jaww

Ñii ley sàngub kër gi asal ba leen jëw
Ummu xaliifatu Rasululaahi

Seex Mustafa Mbàkkiyu baabul laahi

Ca mooma at la Bàmba dem ba Fettu
Dem Ndindi dem Kunjunj di dox ba fattu
Ngir bëgg gis leeri ngëneeli Tuuba

Maam Cerno Faati fa desoon di kooba
Sax na fa Fettu fa sexaw gu rëy ga

Luy bëgg mat weer te gisul waa kër ga
Ceerno yoroon wa kër ga ak ndongoom ya

Di jiite jàkka ja di jàngal doom ya
Loolaay lëlub xaliifatul xadiimi

Seex Mustafa Mbàkkiyu moo mat doom
Ceerno ca yonni Xonn* Ndooy ca yoor-yoor

Moo ko yëggal Seex Bàmba kooko ley góor
Bàmba ne Ceerno na nga ko wax Borom Saam

Maa gi ci xalwatu damay liggéeyal borom Saam*
Keroog la Ceerno yonni Abdul Xaadir

Moo jëndi gàtt ya keroog ci saahir

Sëriñ Momar Jaara ko tudd xadwafaa
Tudee ko boppam Bàmba ñëw ne Mustafa
Bisub tuddam ba yawma ashuura

La Bàmba gis Tuuba mu leer waraa a
Seex Bàmba topp leer ga jàll Tuuba

Leeram ga jollina ba aksi booba
Lii lee taxoon Seex Mustafa moom Tuuba

Leerug mbirum juddoom ma feeñal Tuuba
Ba Bàmba dellusee la ko wax Maam Ceerno

Ñu daal di toj àll ba gor mu wër nu
Seex Móodu Ndumbe daaldi woolu kàrce ya

Seex Bàmba rëdd jàkka ja diir ca xiblaya
Seex Bàmba tudde bib ga woon fa Tuuba

Sajaratu sahaada la tekki booba*
Boobee la dee Maam Ceerno xarxal haada

Ne ko fii leey samag mujjug sahaada

Bisub keroog la Bàmba wax Boroom Saam
Ne ko jumaa dina fi am balaa Saam
Mu dellu wax Maam Ceerno baabul janna

Fii lee la tiim sampal ma beytii sunna
Mu daldi samp néeg ba tudde bëyti

Mu sul ca taalif yépp duuna bëyti
Néeg baa di xabroom ba ñu def jumaa ja

Te beyti googaay beyti gii moy waa ja
Seex Bàmba am fa ay ati at di taalif

Maam Ceerno yor saahir sa moo di xaarif
Ca mooma att la ko diggal mu am kër

Te amuloon néeg sax te dëkkee kër-kër
Boobe lay wax Seex Bàmba naa ko man de

Fettal jixaar rekka ma doy su doon doy
Daam ni ko loo yëngël soxub jixaar la

Te foo taxaw may sangi wër la aar la

Te dinga jékki ba junni akub tànk
Ñoy yam ci yaw sha Allaahu dootoo bank
May naa la ngay dund ba waxtu wu la soob

Deefu la seetsi doofi tàggoog lula soob
Soo xalamee at ma Sëriñ Tuuba demee

Te kenn xamul fumu jëm ci reew mi moo ñeme
Ngir tàgguwul kenn kudul Maam Ceerno

Te moom du feeñal mboot li tax mu raw ñu
Sëriñ Mbusoobe dal di bind ab leetar

Yonee ko Seex Siidiya moo am tiitar
Leetar ba dem feekul fa Seex Bàmba

Waa Mbàkke ak Mbusoobe ñéppiy bëmba
Seex Bamba dox Jolof di wëy ba waalo

Ñu naa ko doomi-doomi Asta waalo
Ba mu deme ba rombu Moji Indi

Maam Ibra Njaay la fa gis mu naan ba màndi

Seex Bamba romb ko fa wëy kamb kile
Alaaji Maalig la fa gis muy jàngale
Ba mu nuyoog Al Haaji waxtul hasri

La ko ni santal bi ñu dajee fil hasri
Alhamdulilahi lëzi ahrajanaa

Min zulamaatihi li nuuri hi xunaa
Ba bët setee la Bamba xëy wañeeku

Dellusi Tuuba Mbàkke gëpp ñee ko
Inal lezii amara nii bil mas’aa

Xuwal lezii amara nii bir ruj’aa
Ba mu gisee Maalig wa Ibraahiima

La far ni tépett jaaju yoonu réew ma
Ba mu ñeewee ne Ceerno Ibraahiima

Gis naa fa mbër mu tudd Ibraahiima
Jëwriñu Al haaji la fil islaami

Su nuu sàgganee mu raw nu fil hiyaami

Bisub keroog la Bamba ñaax Maam Ceerno
Yawmal xiyaamati rammul bii xarnu
Keroog la naa rammul ma axlul barri

Su ma demee géej rammu axlul bahri
Ca mooma at la jàju yoonu géej ga

Bëgg liggéeyal Mustafa may géej ga
Loo laay lëlub Al haaji Seexi Faadilu

Ñëw na ca aama wasashin min faadilu
Kazu rajab la njol ma ñëw ci dunyaa

Loolaay guddig rañaan ga toj xëram ya
Keroog la Bàmba ni Rasululaahi

Ñëw nafa Tuuba ngir ganam lilaahi
Looloo waral Seex Faadilu dem ba Màkka

Dem Tayba far siyaare kër Njool Màkka
Musaa ka yaa ngi bëgg xuus ci Bàmba

Dëppal te way Maam Ceerno yor na xol ba

Waye tàgg Bàmba ak tàgg Maam Ceerno
Mëneesu ko tàggale fil hadaati
Da ñuy cereeek sëb jaxasoo ca baawaan

Seeni mbira jiitu ñii lee jiitu ña woon
Min asashin limasashin taqabalaa

Wa bisiraa tihi kafaa ni subulaa
Loo loy judub Sëriñ Masàmba Mbàkke

Maam Ceerno am fukk ak juroom yaar Mbàkke
Keroog ba Seex Bàmba ñëwee fa Mbàkke

Ceerno di dox digante yaari Mbàkke
Sëriñ Maxujja Ture ak Maam Ceerno

Ñoo topatoo lepp nde ñoo mat hawnu
Murid bu jebbalusi ñoo lay taxawu

Tool buñ faraasu bam sax mu baxawu
Bundugilooki tooli Sëriñ Tuuba ba

Moom la ñuy njëkk bay fa Mbàkke baaba

Ceerno ko jëwriñu Sëriñ ba gorloo
Fa Mbàkke doodi ca dewen moo farlu
Sëriñ Mbusoobe ñëw mu jox ko gor ba

Ñu bay ca gent ba mu fay ko bor ba
Ca mooma at la Bàmba wax Maam Ceerno

Digante Soxna Mbàkke ak guvernu
Ñu daldi fab soxna sa jox Sëriñ Ndaam

Fa Mbàkke baaba loolu moy mbeggum Daam
Am na fa doom yu sàkk ay xaliifa

Ci daraajaay Maam Ceerno may xaliifa
Loo laay lëlub Muhammadul Amiinu

Seex Baara Mbàkke ko ku mooy Amiinu
Ca mooma at la Bàmba dugg xalwa

Ca weeru koor wa Ceerno feeteek jal wa
Ca mooma at la Bàmba woo ñiy jàng

Bañ tambalee tëral mu jog ni fàgg

Waa jay tëral amiyatul afhaali
Ba ca hiyyasil masdaril afhaali
Seex Bàmba daanu nekke fab na haal ja

Di baamu way wa ba ëlag mu jàll ca
Fihlun hiyaasul masdaril muhaddaa

Min zil shalaashati karada raddaa
Keroog la Seex Bàmba tasaare daaraja

Daaldi bàyyi jàngale moo am daraja
Bisub keroog la Bàmba woo Maam Ceerno

Digal ku muy jàngale moo ka rawnu
Mu def ko muy xaliimu kulli fannin

Sharaxa rabbi sadrahoo bil manni
Ca mooma at la ko yabal fa Njaxate

Kër Moor Biraama ngir furuuh ak luxati
Degg lul ma walbati la far la waxati

Way wa fa Maam Ceerno wayal waa Njaxate

Halaa Seexi haazaal waxti saydi jiilihi
Salaamun fariidun laa yubaaxa bi mishlihii
Salaamun kamaa miskin wa werdin wa hanbarin

Halaa Sheexi Ibraahima misbaaxul ahlihii
Nafal jahlun an xaazaa araafi jamihihaa

Kamaa tantafii bil badri zulmatu laylihii
Fakam jaahilin xad saara fahlan mubajjalaa

Wa kam min xamiilin faa xa xadlan bi fadlihii
Alaa ayuhaa maxsuudu min kulli maw tinin

Wa yaa man yasiirul xumra bahran li saylihii
Ataaka hariibun min biladin bahiidatin

Falaa tahfulan han zal hariibi li jahlihii
Wa kun lii aban barran raahiman wa naasihan

Fa abxaaka rabbul harshi haawiyaa jazlihii
Fa ajaabaho sheyhu walaahi law kuntu zaa latmin

huduuda kumu ilaa mamaatiya maa niltubi maxsuudi

Walaahi bii sëriñ yabbul ndongoom bi
Way week jawaab bi loome nañ ci tarbi
Amul fa am at Bàmba dal koy woolu

Ni daa ko doon haajar ni moom la woolu
Ca mooma at la ko yabal ca kër Makala

Huwa ala rabbil waraa tawakalla
La dalee Njàmbur jàpp waa kër Makala

Moo leen xamal laabug deseetum satala
Amulfa am at Bàmba dellu woolu ko

Ne ko shariixatu ak xaqiixatu boole ko
Ca mooma at la sañc Mbàkke Baari

Dajale fay sihaari wal kibaari
Maam Abdu loo and ak tubaba ba ñëw fa

Wisiti kër ga ngir bal ak doomam fa
Fekufa dara dara ludul ay teere

Bajo ba mer ñortam la def na meeri

Dal di tasaare kër Sëriñ Tuubaa ga
Soxna su nekk dem mu wër di saaga
Loo loo taxoon Maam Abdu Bàmba naa ko

Tàbban fa tàbban yërmandem la naagu
Tuuba fa Tuuba la waxoon Maam Ceerno

Dunyaa wa uxran texeel bii xarnu
Maam Abdu moo doon lantinoorub sharru

Maam Ceerno moo doon lantinoorub sirru
Mu yonni Ceerno boolee kook Demba Kebe

Tubab ba naa ko Bàmba laay fabbi ebe
Ba Ceerno laa wax Bàmba seen leetar ba

Mu ne ko Jibriilu ñëw na biig fa neeg ba
Wax na ma seen mbir xamal ma mbóot ya

Laayay wa iz yamkuru moo di mbóot ya
Li hawlihi tahalaa
Li hawlihilaahi tabaaraka wa taahalaa

Wa iz yamkuru bika lëzina kafaru
li yusbitooka aw yaxtilooka aw yuxrijooka
wa yamkuruuna wa yamkurulaahu
wa laahu xayrul maakiriin
Billaahi faraxtu nasaara jeewaali

Wa xayruhu hatxan bilaa tannawuli
Xanaa yëggo ba Bàmba genne Senegaal

Ñu di ko yobbu Kongo muy tabbi ci gaal
Subhaana man fil barri wal bahri maxaa

Ajral jawaari ya wa kulan jamahaa
Subhaana man li jaada fis safiina

Fi hidmatil li saahibil madiina
Subhaana man yuu li joo fin nahaari

Laylan wal asraara fil ijhaari
Keroog la Bàmba denk Ceerno ruu yi

Tàbbi ca geej ga ni ko sammal tool yi

Yaa ngi meloon ni gunne guy wattub tool
Di yeeg di seenuw goloo far di ab njool
Ñu naa ko njool mi njool far di ag ron

Guy dem ba laali asamaaw dajjeg Kun
Kun fayakuun far ni Ceerno toogal

Maay wattu lislaam say kannu ngii may yeegal
Te kun a man kannu waxaadaliya kun

Xarbaax a man xërëm niroo wulaag kenn
Lislaam a man keefar yoralma lislaam

Baatin a man saahir te Ceerno mooy Daam
Bisub keroog lako Sayer Sahiidu

Jebbal mbiram fa baari moy sahiidu
Texem murid yi la turam way seere

Moo njëkk jebbalu keroog fa Baari
Fekoon na Bàmba booleko ak Muusa Mbuub

Sëriñ Mamar Seen ak ñeneen ñu naa Mbuub

Keroog la sun Maam Ceerno gontee Baari
Fanaani Tuuba pël ya naa ko xaari
Ñu daal di roñ yëre ya yobbu woobe

Fa kër Sëriñ Mbàkke ma raw mbusoobe
Mu jàll wëy Mbàkke Bawol bañ goowe

Wa Mbàkke naa ko bul ñu yobbu boowe
Maam Ceerno jàll sañc toloog Mbàkke

Ñu naa ko ëplëw da nañ la sànk
Ba ñu ñëwee noon yay textexiy ree

Naa kuy dundal mboloo mi waay da nañ dee
Mbàkke la Daam Ahmadu Faati faatoo

Mooy magg i Maam Ceerno su dunoon yaatu
Seex Bàmba ne woon na su dundoon kenn du ma xam

Moo tax ñu lëm ko jëme biir Yàlla ko xam
Foo fee la Soxna Faati Bintu njambale

Bay bëgg a faatu Bàmba moo ko jàllale

Mbàkke la Seex Mòodu Yadaali faatoo
Fa kër Sëriñ Moor Soxna Seek maatu*
Seex Mustafa Mbàkkiyu daal di wopp

Seex Bara Mbàkke wopp bay jott app
Lu mat juroom ñett nelaw ca mbas ma

Balaa ma tar na mooma atum mbasam ma
Keroog la Ceerno mësa jooy ci dunyaa

Daal di garanti ruu ga feg yu bon ya
Ni Yàlla maag saa doom yii ak saa ndey jii

Joteenu doomi Bàmba yi reer lay jee
Moor Mbàkke lòo ma daan liikaamal Ceerno

Moo daal di faatu far jotaale Ceerno
Keroog la Ceerno woolu Maam Masoogi

Ca saate mooy baayi Mataar Masoogi
Boroomi jinne la ku man lasraar la

Mu listixaaral ko ba naa tafaar la

Ni ko da nga dëkk ci ngiirub jinne
Tuxul te dem fa guy ga bul fi sonne
Ca mooma at la tuxu dem Guy Goora

Sañc fa ab dëkkam saxal fa ngoora
Saxna fa yetti at sikar say jolli

Mu bënn fab naanu mu daal di golli
Seex Bàmba daal di yonni Abdulaay Nduur

Mu jugge Kongo ni jalañ ma ngay luur
Jox ko fa ay leetar yu ànd ak sirru

Tàggalikoog balaa fegal ko sharru
Ni ko nga sañc fa ñu naa Guy tàkko

Tudde ko Daaru foo fa naan dun tàggo
Te sàkk fab naanu te yeesal diine

Te xamni maa ngi daal di ñëw fil hiini
Boolena koog keroog yëreey barkeelu

Na ko beggal beggal ne leeg nga kiilu

Jox ko fa leetar bu baal waa kër ga
Ne ko neleen yabal ñu dem bitarka
Ku nekk mu wax ko ka ko Yàlla boole

Jarul ñu fay limaat du yell xooleel
Ku ni muni ko na ko jox ab teemeer

Balaa ngakoo yëggal mu yobuloo mer
Seex Mbàkke Maane ko yëggal waa kër ga

Jigeen ña daanu door ko ay taaparka
Mu ni yëral ma Soxna Faati Madu Maam

Ngir la mu yor suy mucc xam ni man a Daam
Su dee goor Basiiru laa koy tudde

Su de jigeen Maam Ceerno tudde Xadi
Ba mu delusee la ca amaat am Xadi

Njaareem la faatoo ku la xaar du xàddi
Xeraw lj leen ma waax ganaaw Seex Bàmba

Na Ceerno def njaboot ga ak dëkkam ba

Moo yaa ganaw Mbàkke te sedd mbootaay
Te man a muñ te man a sam ag mbootaay
Ku weddi lii laajal Soxna Faati Silla

Moo teewee demb teewe tay am fulla
Am na fa kër ga yetti at di sancaat

At mu taxaw mu làkk Cernoo lankaat*
Reew ma di feewale murit yi ak Ceerno

Seex Moodu Ndumbe naa ko yaay guvernu
Seex Moodu Ndumbe moom la Ceerno woolu

Moo sañc kër ga ñii la Bàmba wòolu
Ca mooma la Ceerno Ibraa Faati

Wòolu ko Mbàkke jox ko Soxna Faati
Ba ñu julle kori bisub talaata

Ñu yot ko gan gu Ceerno dul talaata
Seex Moodu Xabaane mat na ab xaliifa

Ci darajaay Maam Ceerno may xaliifa

Seex Bàmba way ab denk yonne Ceerno
Ni ko nga waar mbindeef yi yaa mom xarnu
Wa ansiril naasa la denkoon Ceerno

Jii wax a piir Yàlna Bàmba jarnu
Ma far la wax xasida gaag xaraf ya

Nga xamni Bàmba jox na Ceerno yëf ya
Wasiyaatun tukashirul hataayaa

Li kulli man yaj taniibul hataayaa
Usiika bil hilmi wa bil ahmaali

Maha ta adubi hala kamaali
Nazif fu aada ka anil adraani

Takun muxaddaman halal ahraani
Zulal ihwaanika linaasiha

Tanjuu minal bahdaa i wal fadihaa
Rumi tawaduha li kulli muslimi

Tanju bila taradudin min zulamin

I zaa ataaka haduudi kitaabi
Fa karimil kitaaba bil mataabi
Layin lisaanaka wa xalbaka mahaa

Lil muminiina xayra xayrin tajmahaa
Naa daytukal yawma ni ibrahiima

Halim fatan yanfahuhu tafhiima
Usiika bil sabti wa bil ihlaasi

Li wajhi man lii jaada bil xalaasi
Salamu zil jalaali wal ikraami

Halaa nabii darajatil kiraami
Ca mooma at la Ceerno fab xaqiixa

Boleek shariixatu di sàkki miiha
Mu yeesalaat diine fa Daaru Mannan

Yobbu murit ya fettoo melnib sultaan
Tarbiya karce ya fa topoon Bàmba

Di jàngaley julli teeñu yan ba

Ku weedi laajal Aliyu fa Baari
Da daa andal Maam Ceerno daan jihaari
Sëriñ Momar Jaboo 'g Sëriñ Moor Penda

Sëriñ Momar kura teggal Mbay Penda
Sëriñ Amar Faal Mbàkke moo ko jàngal

Jebbal ko jarbaat ba kafeem lay tàngal
Seex Mustafa Mbàkke ma dib xaliifa

Ceerno ko jàngal koo ku nawleem newufa
Jebalko Aminatu Loo saay nopp

Nopp ñi koy degglu te magg ma fopp
Sëriñ Masàmba Mbàkke moo ko jàngal

Fa Daaru Manaan moog rakam ya yëggal
Al haaji Fadilu nga woon fa Mbàkke

Ceerno ko mootalil bi xayri shaki
Dencal ko doom ja tudd Soxna Aysa

Zaa ta jamaalin moo di jeeja naafisha

Sëriñ Momar Roqaya moo ko jàngal
Jebbal ko taaw ba koo ku lam am yombul
Seex Coro ak rakam Sëriñ Bàlla Coro

Jàngal na leen as lëf ñu dem doora berru
Sëriñ Maxtar Binta ak Sëriñ Momar Sëy

Moo leen xamal xamal Sëriñ Muusa Sëy
Sëriñ Madun Penda la Ceerno jàngal

Jebbal ko doomi Seexi Bàmba yombul
Seex Moodu Muxtaar Joob du moo ko jàngal

Jebal ko Soxna Mbàkke moo ko yakkal
Sëriñ Ma Banji Njaay Sëriñ Móodu Xari

Moo leen xamal sàkk na fóore yu bari
Ñam jàngaloon fa taaxi Daaru Manaan

Maneesul leen a lim ku aksi far naan
Xanaa yëggo daara ya Ceerno sàkkoon

Ñiy tariloo gunne ya maa fa nekkoon

Musa limal jàngalekat ya booba
Ba tay ña ngag jàngale ño raw Tuuba
Sëriñ Mamar Mareem Ibrahiima

Ñoo daan bindal Maam Ceerno Ibraahima
Seex Moodu Jaane ak Seyiid Jaane

Abdul Kariim Loo yoo ya gaa ya waane
Sëriñ Momar Dem ak Sëriñ Momar ka

Ak Soce Njaay xamnañ Sëriñ Muusa Ka
Seex Moodu Muxtaar Joob Sëriñ Momar Ñang

Seex Ture jàngale na Daaru far lang
Ak Mustafaa Jang Madu Gëy Maam Faati

Ak Madu Mbàkke mom jiggal xad yaati
Jàngalekat ya matna waa kaamil ba

Mëneesul leen a lim yëral kaamil ba
Ma jeema lim la Ceerno Faati seexal

Te lu ma lim-limit du tax ma jeexal

Aliyu Juuf Lambaay Mapaate Silla
Seex Bàmba nee Maam Ceerno am na fulla
Sëriñ Matar Gay Ceerno Gay Asan Gay

Masamba Gay Mësula feeñ ci Ngay-Ngay
Maxari Siise ak Seriñ Mbay Siise

Majobba Siise ak Masoxna Siise
Sëriñ Mayaasin Joob Momar Joob Ñooro

Sëriñ Mataar Sàmba ñëw leen nu jooru
Sëriñ Momar Jaboo ki Ceerno Aysa

Seex Bàlla Jee cëy Abdu Mbàkke cam sa
Saa Njuga Sàll Seex Madige Sàll

Seex Paate Sàll yooyu góor a sell
Seex Mustafaa Kan ak Sëriñ Asan Kan

Sëriñ Momar Kan Ceerno bokkul ak kenn
Sëriñ Galay Ja ak Sëriñ Musa Ja

Seex Moodu Yaasin Ja du Ceerno mooy waa ja

Seex Góora Njaay tofal ca doom ja Baay Njaay
Sëriñ Mayaasin Njaay Birahim laay jaay
Seex Abdurahmaan Njaay Abaabakar Njaay

Seex Moodu Njaay bonxooy ku Bàmba doo jaay
Sëriñ Umar Seen ak Sëriñ Momar Seen

Seex Abdulaay Seen Ceerno Faati laay séen
Sëriñ Masaaxo Seex Aliwu Baaxum

Seex Paate Ndimblaan du wax ak njaaxum
Sëriñ Useynu Faal Sëriñ Majjali Faal

Moor Faal karaama xamna Sëriñ Masilla Faal
Sëriñ Moodu Jeng Xàbbaan Sëriñ Maalig Ñas

Seex Moodu Joob wàllu Biraahim lay gis
Moor Ndate Lëy Góora Bajaan Maalig Nduur

Seex Ibra Njum xamna Sëriñ Ahmadu Ndiir
Seexal Seex Ibrahima Cub bum Xabaan

Sëriñ Mataar Wañaan Sëriñ bi yaa daan

Seex Baaba Ngom Sëriñ Momar Ngom Njoorel
La leen Sëriñ bi may soree naak duural
Seex Moodu Ndaare Gëy Sëriñ Mabuuri Gëy

Seex Buubu Mbay Maam Ceerno Faati jar way
Sëriñ Abdulaay Ñang pël yi xam nañ Ceerno

Sëriñ Aliwu Ñang nga daw ba raw nu
Seex Aali Jey Sëriñ Mataar Daraame

Móodu Daraame doom ja bil kiraami
Seex Baabakar Sow Banda Sow Momar Sow

Habiibu Sow ku ngoy ci Ceerno doo sew
Seex Móodu Joob Sill ak Sëriñ Juuf

Seex Móodu Astu Sill dootu leen soof
Sëriñ Momar Ba ak Sëriñ Momar Caam

Maam Ceerno Faatee leen defar ganaw Daam
Seex Aali Sàmba Gëy Abaabakar Gëy

Dawuuda Gëy Maam Ceerno daawu leen jay

Maam Ceerno amna yaari Móodu Jong
Ñoo doon Muusa Jong Ibra Jong
Sëriñ Mataar Ndong ma dëkkoon Ndongo

Seex Ibra Faati a tax mu am ay dongo
Daawuda Gay Seex la limaalel Xaar Gay

Saalihu Gay Maam Ceerno Fattee jara way
Sëriñ Momar Jaañ ak Sëriñ Usmaan Jaañ

Maam Ceerno Faati a tax ñu fawxa waa Njaañ
Seexal na Ibrahima Mbaw Seex Moor Caam

Wa Gumba Caam doo tu ñu sibooru ni jaam
Xana xamo Sëriñ Momar Njaay Handar

Ceerno ko seexal ma nga fee di kàmpaal
Seex Moodu Laamin Seen Sëriñ Usman Seen

Seex Njambe Seen ku seenu Ceerno lay séen
Lim naa juroom ñetti fukk ak juroom ñaar

Ci seexi Maam Ceerno kii le doyuk waar

Loo laay limub satala yam daa naane
Yawmal xiyaam seexam ya ñoo koy naane
Ma dellu wax leen mbiri Daaru Mannaan

Ngeen xamni Ceernoo fonk Daaru Mannaan
Bissub dibeer la sañc Daaru Mannaan

Ca haama Taysashin murit bu mar naan
Saxal fa jàng alxuraan ak sikar

Aki xasiidati mu tog di fikar
Bënn fa teenub madrum muy baawaan

Daarul Haliimi ak Mbussobe saawaan
Boobee la Seex Sidiya fer fa Daaru

Juddo fa Guy Ngura ba am nag daaru
Yoor-yoor ba Seex fere la teen ba bënn

Ca tàkkusaan gaskat ya dal di génn
Boobee la bay fa Fettu yeti dàgg

Jox ko Sëriñ Tuuba ma tol yay jàkka

Dàggaay Sëriñ Balla Habiibu Gajaga
Bàmba a ko jox Maam Ceerno def ko asaka
Seex Bàmba fob dàggay Sëriñ Moor Musaa Ja

Jox Jurbel ak Tuuba ne Ceernooy waa ja
Limub juroom ñaar fukki sàq yu teggal

Lu mat juroom yett la moo mata ragal
Yeesal limub atam ya Ceernoy xarbaax

Wolaf lu ngeen añaan añaan ni moo baax
Ku weddi lii laajal Sëriñ Muusa Ja

Mooma ko wax fa Daaru moo di waa ja
Maam Ceerno dellu jox ko dággaay Ibra Njaay

Ak Abdu Mbàkke yaari jëwrin la fa jaay
Seex Bàmba dello koo ti dàggay

Joj Ibra Njaay mu jox Sëriñ Ndaam Abdu
Mo amewoon waa kër Sëriñ bu mag ba

Ca woowa waxtu ken du sàqi njag ba

Limub juroom fukk la woon ci ay sàq
Jigeeni Ndaam di wal di bojji sóq
Ca mooma at la pël ya xeex fa tool ba

Jam nañu ndongoom ya bisub alarba
Ku weddi lii laajal Habiibu Gajaga

Moo mag ca jewriñ ya sangub waa Gajaga
Bu dul kon ag xar baax i Mbàkke-Mbàkke

Moo ko seral ne kon badar ja dekki
Jam nañ ca pël ya fukk ak lu topp

Ñële ñu xaañ ñële di daw ñu topp
Ñaari murit la pël ya ray fa tool ba

Xareb badar ba sàkku nañ ca yool ba
Aliyu Gëy saadix la fawqa maata

Xaroona faatom ga bisub talaata
Fekkon na Maalig Siise dal di faatu

Seen taaxi Aljana ya ñooka yaatu

Jam nañ Mamar sox ni tëf Asan Gëy
Dab Njaxat Sàmb murit ya naa cëy
Hamsatu Njaay ñu fàdd gob mu daanu

Ñu xaañ ko Ibra Mbuub far kaanu
Ñu jam ko ab xeeñ dal di jam Mamar tëw

Yuxu ya ni weeb pël yaa nga mel ni ab taw
Jam nañu Móodu Jong gaa ya songoo

Wall ga ñëw Daaru ki Mbàkke dengoo
Mandumbe Saaxo lañ xaañ Móodu Xari

Ñu jam ko sox ya tàkk pël ya di xari
Pël yu jigeen ya ak ndaw ya naa ay yeegam

Mag ña di làkk naa murit yi lee gëm
Walaay murit ya buñ yoroon bal ak doom

Kon "kuuni kuuni" fay tepal mëq ak doom
Keroog Sëriñ Mbàkke Buso'k Sëriñ Daam

Ñoo tee badar ja dekki bi isni Maam Daam

Waroonaño furli fa Daarul Muhti
Kon bal ak doom ak lewar weer xatti
Jubeyru ak Amaat fa neegi Fettu

Ñoo sooke xeex ba fu ñu taxaw di maatu
Maam Ceerno bañ na pël ya ngir Jubeyru

Pël ba ca naari dootul tàggoo’k dayru
Maamam ma ray Maam Bàlla Aysa Mbàkke

Moo ray murit i Ceerno Faati Mbàkke
Ca mooma at lañ kalaame Ceerno

Tëj jëwriñam ya muy layoog guvernu
Bisub keroog lañ fa yabal si Mbaaxaan

Moog farba jaag waa rewmi ñëw di laaxaan
Mu woolu Maam Ceerno mu ñëw fa Mbàkke

Ak Ardu Aamadu'm kayel moo ñakki
Pël yaa ngi andag Ardu naa bimaami

Walaf ya andag Ceerno naa imaami

Mbaaxaan leen woo tirbinaal fa Njaaréem
Ñu wuyu si Mbàkke Ceerno ñëw di leen yeem
Ba ñu demee mu naa komandang Jànqeen

Moo leen di atte ndax mu jànqu jànqiin
Ba ñu demee Yàlla seral soloom sa

Ci darajaay Seex Bàmba may sangeem sa
Ca mooma at la gedd Daaru Mannaan

Ngir pël yu bon ya dal di seeti Xàbbaan
Ca mooma at la seeti àllub Gaawaan

Wër ko mu xat fa moom murit yi saawaan
Ba mu ñewee la woolu Seex fa Njaxami

Ni ko demal sañc ko ndax ñuy sàkkami
Ca mooma at la yegg kër Bu Kunta

Romb fa kër Baaba di saf ab jant
Ca mooma at la norooraasi daara

Fa kër Magéy waaresi doomi jaara

Waa Sañooxor waa Pir ñi daal koy faale
Mu fab lingeer ba yobuwaale
Ca mooma at la sàmp daara Mbaakol yi

Jox ko Sëriñ Muxtar mu yor leen foofele
Àll ba xat mu jàll sanc Xàbbaan

Ahmadu Jeŋ wa Paate Sàll ñoo daan
Ca mooma at la Ceerno dellusi Daarul Manaan

Seex Bàmba dàl koy woolu Daaru Rahmaan
Ne ko demal Mbàkke Kajoor te sañc

Bawol di wal Kajoor di gor di lanc
Ca mooma at la baay ba Ibraahiimaa

Faatu ca "hãama wak'sachin" mooy at ma
Bàmba yabal ko fa mu dem ko jaale

Abuu Suyuuxi Seyyidi Rijjaali
Ba mu woree la dellu Daaru Rahmaan

Fekkoon na Seex Bàmba di woorloo deymaan

Keroog ba Ceerno yendusee fa Daaru
Seex Bàmba doglu koor ga ñépp a waaru
Ñu naa bayit Sëriñ ba far bégal ko

Ba naa ku yendu Daaru jéggal nañu ko
Keroog la taalif "Haazihil Abyaati"

Ñu di ko soow ngir fonku Ceerno Faati
"Wa tarkunaa kaziba yaa ixwaani

Afdalu min tilaawatil Xur'aani
"Summa nasiihatu li ëhlil Baari

Xayrun minal jihaadi fiil kufaari"
"Kazaaka zikrul mawti afdalu lanaa

Minal xiyaami fiil layaalii zamanaa
"Fadum halas Sidhi mahan nasiiha

Wa zikri in xifta xadan fadiiha"
Yiile bayit la Bàmba denkoon Ceerno

Fa Daarul Rahmaan ngir reg yërëm nu

Ma sulliwaat tay jiile mbóoti Ceerno
Yoo xamne jombu na goney bii xarnu
Bàmba a ko waxtaane ak Sëriñ Ma-Sàmba

Ma way ko man miy werekaanu Bàmba
Seex Bàmba noon na Seex Ma-Sàmba caat ma

Suma mbindéef doon xam Biraahim xam ma
Ceernooy loxol ndayjoor ba yaay càmmooñ ba

Loxo bu nekk ak lamuy jariñ boroom ba
Ndayjoor a koy leel bu lekkul faatu

Càmmooñ a koy laabal bu laabul laatu
Am ngeen ma man Bàmba it am naa leen

Te xamu leen ma waaye man xam naa leen
Yéenay samay zaahir te maay seen baatin

Yéenay yaram wi maa di ruuh gi yor Kun
Yéen a di man ku leen jamoon ma nàcc

Ku ma jàmm it ngeen nàcc déglul Bàcc

Keroog la naan Sëriñ Ma-Sàmba Ceerno
Matul a diir mbagg nde raw na ab xarnu
Xam na ci man loo xamne kenn xamul ko

Am na ci man loo xamne kenn amul ko
Yéem naa ko ngir limu xam ci man te waxu ko

Ak limu xam ci ay araf te jàngu ko
Yéem na ko ngir xam-xam ba limu bari-bari

Xam naane maay bëxrul huluumi maa sori
Yéem naa ko ngir lumu mës a am man la ko jox

Maa ko gënal boppam te kumu jox dula ñax
Yéem na ko ngir lumu ma jox lumu rëy-rëy

Ma jox ko mbindéef yi bu dellusee naa céy
Yéem naa ko ngir luma ko jox lumu sew-sew

Mu deñc waaye masu maa laaj masuta bew
Yéem na ma ngir waxtuw jamaalin wa jalaal

Xàmmeewuleen fum ma gisee dàldi kamaal

Yéem naa ko ngir fu ma ne ak fu ma newul
La Ceerno daa yemale aajowul defal
Yéem na ma ngir suma begee ak suma bégul

Du tee ma tagg Mustafaa sax ci ndigal
Yéem naa ko ngir suma gisul man Bàmba

Du tee mu xam saag jublu ngir Yonen ba
Yéem na ma ngir masul gis ma tàbbi

Ci lu nu diisoowul bi izni Rabbi
Seere sa mooy ba Bàmba nekkee Kongo

Te bind leetar jox Boroom Saam gongo
Ne ko nga may Seex Ibra Soxna Ummi

Seex Anta ak Maam Ceerno ñëw di rommi
Maam Ceerno moo ni leen bu leen ko xutba

Lii xalimam la waaye duggul xol ba
Sëriñ Momar Jaara a ko dàldi xutba

Seex Bàmba ñibbisi di xul tey xutbu

Keroog la naa leen tàggu woon ngeen Ceerno am ?
Ba ñu laata tontu mu ni mbas ñu far luum
Keroog la Yàlla dàldi tebbi mbir ma

Ci darajay Maam Ceerno Faati mbër ma
Keroog la Boroom Saam ak Boroom Gaawaani

Dañu ne ko yaa xam Bàmba yaa di waane
Ca mooma at la ko bindoon ab leetar

Mook magam ak rakkam te ñoo am tiitër
Te mooy Boroom Saam ak Boroom Gaawaani

Te boole wu ci kenn fil ixwaani
Danaa la wax ca way wa ak wesar wa

As lëf nga xamne man a way du xarwa
Liile di tarjumaan ja njëkk way wa

Maa ko wayaale booba maa ngi ci xalwa
"Alhamdulillaahil hafiizil akrami

Summa salaatuhuu Halal Mukarrami"

"Séyyidinaa Muhammadin wal Aali
Wa sahbihii a'immatir Rijjaali"
"Wa bahduhuu fa min hubaydilLaahi

La Bàmba wax di nuyu Ahlul Laahi"
Ma dénk leen ngeen topp seen Boroom ba

Ngir bis ba kat moom rekk a fay Boroom ba
Te topp Sunnatu Rasuulul'Laahi

Ku ca awul du mëna dem lilLaahi
Yaw kii di Maam Ceerno waxal Seex Anta

Na ngeen di màggal doomi Jaara bàtta
Moom it na leen yërëm te ngeen màggal ko

Te weg ko def ko mag ni man jiital ko
Yéen jaru leen a yee nde nee ngeen jarr

Waaye ku nuur ñu ne ko am xët tarr
"Yaa ayyuhal kabiiru yaa Muhammadu

Kun li sixaarika mahãa fatah'madu"

Gis naa mu naa ko ca mujjug leetar ba
Ca tarjumaani suuf ja mooy tiitar ba
"Fal yakunil hinyaalu wan nisaa'u

Mahãka Ibraahiimu fiimaa chaa'u"
Sama Njaboot ga nañu toog fa Ceerno

Góor ak Jigéen suma ñëwee mu jar nu
Ndeem soob na Maam Ceerno na dëkki Tuubaa

Su ko manul fu ko fa soob ca boobaa
Man Bàmba man Yàlla a ma yor te xam naani

"Fu huwwa min kulli makaani daani"
"Wa hasbunal Laahu" te doyloo naa ko

"Nihmal wakiilu" loolu jàng naa ko
Looloo di leetar ba ku xam mahnaa ya

Te dégg jublu ga na roy ca gaaya
Ma dellu wax leen fi yeneen i leetar

Yu Bàmba jox Maam Ceerno moo am tiitar

"Fa innahu liman hubaydilLaahi"
La Bàmba wax di nuyu "Ahlul Laahi"
"Maa ngi nuyo ak Xarit ba Ibraahiimaa

Donoy Xaliilul'Laahi Ibraahiimaa"
"Moom masu ñoo wuute ladaa sixarihi

Te masu noo werente fii kibarihi"
"Fahlam xamal ni yaw danaa la yéege

Yaw ak képp koo àndal banaa sa ruuh gi"
"Danaa seral sa xol te gàddu say mbir

Dunyaa wa uxraa Ceerno yaa di saa mbër"
Gis naa gannaaw ga muy nuyook rakkam ya

Ak magi taalibe ya ak mbokkam ya
Ba naa ko "yaw miy Ceerno Ibraahiima

Nuyul ma saa Baay tëx ba Ibraahiimaa"
Te mooy Sëriñ Mbàkke Kajoor mu baax ma

Ngir suma masaa bëgg a taxaw mu ñaax ma

Nuyul ma saa mag ja ñu naan Kabiiru
Te mooy Sëriñ Momar Jaara liiley kabiiru
Nuyul ma Siidi Anta ak Seex Haafiya

Te nga ne leen maa ngi ci jàmm ak aafiya
Te nga nuyul ma ka ñu naan Seexu Umar

Magi Sëriñ Mbàkke Busó ak rakkam Umar
Te nga nuyul ma far Sëriñ Mbàkke Busó

Teg ca Sëriñ Ma-Sàmba Faati ak waa Mbusó
Te nga nuyul ma dëkkando ya yépp

Ni leen na seen xel dal ci man ci lépp
Te ñu rafet njort ci man bi jalwa

Damay liggéeyal Mustafaa ci xëlwa
Suma nee génnal ma dàldi génn

Su ko waxul ku koy jëfal du sonnu
Te bu ñu réeroo bu ñu yàqug mbokk

Te lu ca waay am na ko ñépp bokk

Ba mu nuyoo murit ya teg ca wa salaam
Hãleykum nee leen ko maalikum salaam
Ma wax la leetar ba amoon fa Jurbel

Gannaaw ba Daam ñëwee ñu daa ko sargal
"Matee taxa hãynuka Ibraahiimu"

Leetar la Bàmba a ko binde woon Njaareemu
"Wóolul ne man Seex Bàmba maala bind

Leetar bi ngir gërëm la maa ko bind"
"Làq nga tay jii ngërëmal Buur Yàlla

Am nga Ridan laa suxta Mbàkke Bàlla"
"Bul sikk nag ne Yàlla moo ma yónni

Ci yaw te maa digtale limu la yónnee"
"Lii mala wax Yàlla a ko wax yaw Ceerno

Santal te wóolu sa Boroom te jar nu"
"Medaay la maala ko takkal man Bàmba

Ci ndigalal Buur Yàlla ak Yonen ba

"Te maa ngi lay sàkkul fa Rabbul Hãrchi
Lu tax ba ñépp ñee la yawmal bastii"
Ba naa "Fatib nafsan wa xarra hãynaa

Sam xel na dal sa xol na sedd taw naa"
Leetar ba mat na Bàmba teg ca wa salaam

Hãleykum yaa Ceerno Faati yaa salaam
Miile medaay a jar a taf ci ab dënn

Yàlla a ko tàmpe ak Mustafaa mamu tànn
Leetar ya Seex Bàmba bindoon jox Ceerno

maneesu leen a way taxawlul way nu
Gis naa fa téere yuñ boole ciy gaal

Léppiy mbindum Seex Bàmba gaal ya diy maal
Gis naa ca mbóot yoo xamne làmmiñ du ko laal

Gis naa ca mbóot yoo xamne dees na ko misaal
Ngir Bàmba lamu taalife réewum Kongo

Daf koo joxoon Maam Seex nee leen ma gongo

La mu taalifoon "Konakry" ak "Lambarna"
Ba mu ñëwee mu jox ko sunu Maam Ceerno
Noon na ko bind naa ca "sirru sirri"

yawmal xiyaam lay feeñ duuna jëhri
Keroog la Bàmba sàkk "Fulkul Mash'huun"

Mooy bàkki bay jàlle murit ya xam yoon
Seex Bàmba mbër ma moo ko daa-daarlu

Seex Mustafaa yor ko Xaliifaa farlu
La Bàmba taalifoon fa taaxi Jurbeli

Mu jox ko Seex Faadilu Njàmmee xam lile
Xanaa yëgoo la xew fa Daarul Manaan

Ba Bàmba ñibbisee géej réew miy naan
Ci ñetti fan ciw Kori raw Tabaski

La ne jalañ ñu naa ko jaaril Mbàkke
"Wallaahi yadhun ilaa Daaris Salaam"

La Bàmba wax ñépp ni muut duuna malaam

Keroog la jaar Daarus Salaam Njool Anta
Berndeel ko mooma at ma mel ni ab jant
Fekkoon na Maam Ceerno ak Sëriñ Mbusóobe

Teeru ji woon ko Ndar bilaa kuruubi
Ba ñu xëyee ba jëmsi taaxi Daaru

Begal na leen dëfal na leen ba ñu waaru
Keroog da leen a jëndloo ji misk

Ba ñu ñëwee mu yewwi leen fa kër ga
Bàmba ne leen jeego yu ngeen fi jéggi

Danaa ko def muy ay dërëm ngeen jékki
Keroog ba Maam Ceerno ñëwee fa Daaru

La àndi Namsa Keyta gën faa waaru
Mu dàldi woo Seex Móodu Ndumbe Mbàkke

Ñu tax ko mook Maam Ceerno Faati Mbàkke
Sëriñ ba wàcc fa bawoo Daarus Salaam

Maam Ceerno fat ko ba ni ndax am na malaam

Keroog la Bàmba yeesalaatal Ceerno
Werdu wa may ko ca ndigal ci ab xarnu
Ca mooma at la ñu fa yabalsi Mbaaxaan

Mu wàcc Mbàkke mooy boroom i caaxaan
Seex Bàmba yónni Ceerno ak Seex Anta

Ba ñu demee Mbaaxaan waxul ñu gontu
Seex Bàmba yónni ca Sëriñ Moor Maane

Ba mu laataa gontu Bàmba jog mooy waane
Bisub keroog la Bàmba war karuus ga

Maam Ceerno sàntu ko garãti ruuh ga
Ba mu demee ba jublu taaxi Mbàkke

Sikar sa jolli noon ya dàldi ñàkki
Seex Bàmba laaj ku mokkaloon Sindiidi

Sëriñ Ma-Xujja Mbay ne man Muriidi
Mu ne ko "Bismillaahi xul Yàllaahu

Bil Mustafaa Sindiidi" ngir ilaahu

Ba mu taree "Wa dammiran" di baamu
Daam ne ko doy na woowu way laa taamu
Kanu ga tàkk na fetal samay noon

Kun Fa Yakuunu laa faral suba ak ngoon
Te Kun a mën kanu wa xaada liyakun

Xarbaax a mën xërëm niroo wumaak kenn
Ba Bàmba wàccee dàldi woolu Mbaaxaan

Bàjjo ba rët ni dàll fit wa jaaxaan
Mu ne ko "Looy wax wax ko Ceerno mbaa Seex

Ñooy say moroom man Yàlla Buur ba laay jeex "
Wuy Gone sob ngeen ndaw du bal am saamaan

Kon leeg mu kubuusu fa Daarul Manaan
Keroog la Mbaaxaan dàldi gis Boroom Ndar

Kalaame kook Seex Bàmba duural puutar
Ñu woolu Buurba Jolof ak Buur Saalum

Boole ca Buur Siin moo mujjoon def Saalim

Ba ñu ñëwee la Bàmba wéy Ganaaru
Maam Ceerno des fa Daaru réew may waaru
Keroog la Mbaaxaan ñëw di xàcc jaasi

Di dóor ci per ya Ceerno naa ko jaasi
Seex Bàmba jàpp ca Njoxomboore ak Buur Siin

Abdul Xafoor jébbalu bii xareey yoon
Moor Isa Jóob ak Abdulaay Xaar Seen Jóob

Dootu ñu fekki Ceerno Daaru naa wuub
Déglul ma wax la at ma Ceerno sañcee

Mbàkke Kajoor ba Ceerno Faati wàcce
Bisub talaata la rañaane Daaru

Wàcc fa Bayti ja ñu daal koy teeru
Sëriñ Gallaay Ja berndeel ko ak waa Bayti

Ba mu xëyee ba war la koy bijjanti
Bisub keroog la Ceerno yendu Ngey-Ngey

Nuyook murit yaak Sëriñ Maalum Gëy

Keroog la Ceerno jox Sëriñ Maalum Gëy
Sañeefu koo biral nde lim ba dey rëy
Keroog la rombu Kokki Guy ca yoor-yoor

Yendusi kër Ma-Ndumbe nag ya far luur
Mu jàll rombu Kër Mataar ak Déqale

Siyaare xabru Baay ba dootul yàqule
Fanaansi kër Sëriñ Ma-Ñaaw tas daara ja

Keroog la waa Ñaxal ne moo am daraja
Ñu dàldi wër mu sundumal waa Mbàkke

Leeram ga jolli na keroog ba nàkki
Fas ya di daw muy niru jàntub njolloor

Pënd ba def xun sàkk benn poloor
Bisub dibéer la Ceerno sañc Mbàkke

Ca "hãama wak'sachin bi'xayri sàkki
Boobee la sàlloo Nguy fasam wu neex wa

Bul fàtte liirub jaan fasam wu weex wa

Bul yab sa liirub jaan ba jox ko baaroom
Soo ko lugul moccoo ko gas ab xabroom
Mbàkke Kajoor la jënde woon Hiimaadu

Fasam wu rëy wa moo rawoon jiyaadu
Boobee la doon léebu ni maay Hiimaadu

Maa fiy kenol diine te maay jawaadu
Mbàkke Kajoor la Ceerno sàlloo Liimaan

Boobee la yor fa Yàlla sàrti liimaan
Mbàkke Kajoor la Ceerno sàlloo Lislaam

Boobee la roof ca xol ya sopp lislaam
Mbàkke Kajoor la Ceerno sàlloo Lihsaan

Boobee la roof ca cër ya jëf bil lihsaan
Mbàkke Kajoor la Ceerno sàlloo Nuuru

Boobee la leer gay jolli dem ba Ñooro
Mbàkke Kajoor la Ceerno am Dawaamu

Ca mooma at la ko Kajoor di raamu

Ba mu demee Muhtii la yor Maruwa'atu
Boobee la yor Xàqiiqatu ak Sariihatu
Sëriñ Ma-Saaxo la ko may fa Saalum

Ne ko nga bàrkeloo ko moo di Saalum
Xanaa yëgoo la xew ca "hãama balsashi"

at ma "Blaise" watee ba war te ñibbisi
Di laaj Sëriñ Tuubaa mbirum Soldaaru

Ngir bëgg lislaam fay maa nga Daaru
Maam Ceerno Faati ni jalañ fa Jurbel

Ak ñaari téeméer ciy murit du ab jurmal
Nitt junni ak juróom la jox Seex Bàmba

Boole ca yatti dàgga ngir Yonen ba
Dàgga ju nekk Fukki Sàqi Fukk la

Seex Bàmba bojjulu ko réew miy lekklu
Ne ko nga dimbalee ko réew ma jaay ko

Te yót ma xaalis ba nde soxla naa ko

Sëriñ Mataar Sàmba a ko jaay fa Mbàkke
Di toppatoo xaalis ba duuna shàkki
Ca mooma at loxoom yépp a futt

Àndaar ja daaral nay loxoom ngir natt
Téeméeru junni la ci saakuy ngurdi

Yaari giléem ñoo ko sëfoon ci guddi
Neena ñu mànke na juróom fukki dërëm

Waaye du tee ka joxe woon am na ngërëm
Ku weddi laajal Ibra Gëy fa Ñomre

Moo wommatoon giléem ya mësta mboore
Ñu boole kok téeméeri nag ak nitt

Ñu dàq yót Seex Bàmba kii dum natt
Keroog la Seex Bàmba ne Ceerno sab añ

Du feeñ ci dunya kon te ma xeeñ na yaa sañ
Loo man a gis tay ak ëllëg ak booba

Añub liggéeyub Soxna Faati Jóob a

Sunu demee yawmal xiyaam ngay sooga añ
Te kula xam sax dana xam te dana gañ
Bisub keroog yaw rekk a fay sol i medaay

Yaay def ma toog maak sama Nday ak sama Baay
Kula fa soob mu sowe yaa am sowetaas

Fii zaahirin wa baatinin yaa jar a taas
Seere si mooy "Blaise" ca "hãama balsashi"

Ba mu ñëwee Jurbel te dem ba dellusi
Te woo Sëriñ Tuubaa ca weeru koor wa

Mu yóbbu Seex Anta mu fay tàngoor wa
Keroog la Bàmba naan ca weeru koor ga

Ca tàkkusaani kaw du mar du goor wa
Neena keroog bu naanul woon ca koor wa

Seex Anta sax tàkk ba xëm cëy góor ga
Keroog ba muy dem dafa ne Ceerno toogal

Bul génn tay tëjul bu baax te foogal

Ba mu dikkee la ne ko soo génnoon tay
Jànt bi tiim la tiim "Blaise" mu texe tay
Lamu ko wax maneesu koo laxbaari

"Alhamdulillaahi hãlal axyaari"
Su ngeen ma déglu woon te toog ni cell

Te génne seen bagaani xol ni péll
Kon tay ma wax leen at ma Ceerno sañcee

Fa Daarul Muhti te murit yay xàcc
Bàmba ne Ceerno na nga sañc ag Daaru

Diggante Tuubaa Mbàkke kon nga waaru
Gis naa fa say may yu fay baawaani

Yu raw ya ñuy séddale fii Gaawaani
Te boo demee logal sa ngëm ca Roog-Seen

Te gëmm bul faale mbindéef bu leen séen
Bisub keroog la bind mbooleem lépp

Luy xew gannaawam jox ko Ceerno jàpp

Mu naa ko jàppul ngir "suduurul ahraar"
Bisub xiyaama ñooy "xubuurul lasraar"
Looloo taxoon Maam Ceerno faf ni patt

Waxul deful Bàmba a ko lëm ni bunt
Mas nay wax ak Seex Móodu Ndumbé Mbàkke

Keroog ba Bàmba nee meles fa Mbàkke
Ba naa ko xam naa la wéy ak liy bëgg a ñëw

Bàmba a ko bindoon jox ma moo tax duma jëw
Bàmba begal na ko keroog fa Jurbel

Wax ko fa ay hadiis danaa ko sërxal
Neena ko yaw Ceerno yaa may nuyoole ak waa Tuubaa

Sunu demee yawmal xiyaam bu boobaa
Maam Ceerno nee ku ma wanul Seex Bàmba

yawmal xiyaam du ngeen nuyoo fa bar ba
Seex Bàmba nee ku ma wanul Njool Màkka

Yawmal xiyaam du ngeen nuyoo ba mukk

Njool Màkka nee ku ma wanul Buur Yàlla
Yawma izin du ngeen nuyoo fa Yàlla
Buur Yàlla nee ku àndul ak yii Ngonk

Soo ma nuyoo duma la fay maa lànk
Yàlnanu fa ànd ak Yàlla ak ñii ñatt

yawmal xiyaamati di tàbbiy bunt
Ma wax la at ma Ceerno sañcee Daaru

Mooy "Hãama Alsashin" atam maa taaru
Mbàkke Kajoor la gonte yawma sabti

Ràkkaati Gàmmu Daaru duñu ko fàtte
Guddig Dibéer la fanaansi Daaru

Leeram ga sar ba Koso ak i Daaru
Moor Jaxate a fa njëkk a jàng ub Jazbu

Ci ndigalal Maam Ceerno moo leen jëzbu
Murit ya jóg fanaane tuddu Yàlla

Moom mooy Durus ci Alxuraan ngir Yàlla

Ba bët setee ñu xëy ca yawmal Ahdi
Weer way juróom ñatt fanam fil haddi
Ñu dàldi samp sange wër luy Daaru

Jana yu rëy la gaa ña gor fa ñaaru
Mu am fa ay at wopp ja a ko lakk
Mu randu Ciŋkóoli ñu xëy di lakk
Ñu dàldi toj àll ba gor Ciŋkóoli

Saxal fa daara réew ma dàldi boole
Foofee la sañcaloon Sëriñ Usmaana

Doomam ca "Hãama Sasashin" hamaana
Dongo ya dàldi gor ba àgg Colle

Samp fa daara Ceerno dàldi fay julli
Foofee la sañcaloon Abaabakar Faal

Ca "Hãama Hamsashin" ca leer ga lay taal
Ñu dàldi gor jat mi ba gor Mbaraakan

Samp fa daara naa ko bàrke laay ñaan

Abdul Jamiil la fa defoon ndoomam sa
Ca mooma at Maam Ceerno woo na ndoom sa
Bukki ya daw sàggani seen i ndaari

Golo ya gàddaay Ceerno toog di waare
Mbaam àll ya ak til ya ànd ak pël ya

Di daw di wéy puutar ba ànd ak bal ya
Mu dàldi lew suuf sa Ma-Koddu Sàll

Wër kilo meet ya wan ko Paate Sàll
Mu dàldi woo Saa-Ngóone ak Ma-Sàmba

Booleek Momar Jabboo ki Muxtaar Sàmb
Kiile di njay-joor ba kiiley càmmooñ ba

Ñoo daan doxal mbiram ya tay ak booba
Ñu dàldi xotti suuf sa jox Maam Ceerno

Fab Daaru taf ko ca Kajoor di bornu
Maam Ceerno dàldi woolu enseñër ya

Ñu jàjji teen ya génne doj ya ak xor ya

Gas na fa ab teenam ca "Hãama jalsashi"
Téeméeri meetar la mu yàqu "Masachi"
Tubaab ya tàmbali ca "Hãama wam'sachi"

Tubaab bu ñuy wax Buyee moo fa wàcc si
Gas na fa am at bënnul mu dellu

Wax ko Boroom Ndar Njool ma dàldi wallu
Tubaab bu tuddu Got fara ak Deburwaa

Ne fa jalañ ku nekk yor say "kruwa"(croix)
Gas nañu fa yatti weer bënnul ñu dellu

Maam Ceerno yónni Moor Jabbook ñu xellu
Ca mooma at lañu fa yabalsi "Justin"

Booleek masin ba moom du laaj ay fiftin
Masin ba rulle dàldi wéll ndox ma

Ba tay ña ngay pompu ak a sant mbër ma
Ñu dàldi jaay pàkk ya naar yay bornu

Tubaabi Njaareem yay pikkat ñooy arnu

Boobee la Daaru dàldi folli Jurbel
Wata ak Sareet ya ak dojs yaang ñu bërgal
Mbedd ya fot sunu soxna yay mbandaalu

Ñooy dawali kurs ya xewoon fa Daaru
Maam Ceerno dàldi sañc ak Daaru Koso

Ñuy rooti Tuuba at ma melna ni kaso
Yenenti at la fa am mu delsi Daaru

Sañcal fa Mahmuudan mu toog di waare
Laajal Momar Xari Silla ak Muxtaaru

Rakam bisub dibeer la Ceerno waaru
Maam Ceerno dàldi sañc ak Daaru Salaam

Yabal fa Muxtaar Sàmb rakam mu ni kaam
Deglu ma wax la la Ceerno def Daaru

Ak lamu jox tubaab ya ciy soldaaru
Ca « jamsashin » solal na ñaari téeméer

Ganaaw ga it solal na ñetti téeméer

Ñaar ak juroom fukk a soloo fa Jurbel
Ci ndigalal Seex Bàmba moo ko jërfal
Ganaaw ga lam solo maneesu ko lim

Daf ni ku yéenee dem Badar na xëy dem
Keroog la daara yépp dàldi gental

Maajali Seex Bàmba mi sàkk weetal
Ma suliwaat tay ji le mbóoti Ceerno

Yoo xam ne jomb na goneey bii xarnu
Na ngeen ko degluwaat te dolle farlu

Sàrdi bu dee watal na seeti parlu
Xaalis bi ngeen di xas xasee di xëcoo

Ak mbubi Maam Ceerno yi ngeen di xiijo
Cosaan la kat la leen di bëgg feeñal

Du wuññi mbóot waxtaan la woon wu ñu siiwal
Ne leen sunuy nopp bi sunu Maam Moor Anta

Di seeti kokki di labat la gont

Keroog la jàngloo waa Mbàkke junnib Yaasin
And ak Sëriñ sépp ba kuy dal baasin
Ba ñu demee ba àgg reewum kokki

Ba mu nuyoo xamu ñu santu Mbàkke
Ka ko taxoona jóg ñu naa ko Roqiya

Ñu may ko Ibra Penda Mbooyo tarxiya
Ñu di ko ree naa ko walaahi Njool Mbàkke

Yaa mëna jàng waaye dëkoo Kokki
Maam Sàmba Aaminata naa ko

Mbàkke doo man am fii soxna maa moom Kokki
Ahmadu Aaminata dem na booba

tubaab ya yob nañ ko géej xuloo ba
Ba sunu Maam Moor Anta takee bay war

La ko fa saa Maam Absa Mbàkke càmbar
Waa Kokki naa ko Mbàkke mat nga li nga doon

Waaye ku ñaan ku la xamul sag may du duun

Keroog la sunu Maam Absa Mbàkke laxaso
Ne nañ ko may saa doom si mbaa ma laxasu
Ñu daal di deey dajale mboleem Kokki

Gaa ña ko doon garoo di buur di fokki
Ñu dàldi xutba yawma ashuura

Ne leen sunuy nopp Biraahim jaa
Sëriñ Momar dajale gaa yi Mbàkke

Di bëgg jox alal ja gaa yi Kokki
Nekete sàkku sa defoon xaalis ba

Rot na fa Ñjaañ ba ñuy dawal fa bar ba
Maami Sëriñ Jatara moo ko dencoon

Mooy bëkk-neeg ba moom la goor ga fonkoon
Ku nekk rus ba ni tasar ndax jaaxle

Mboolo ma mépp naa ko dooto baaxle
Ba déy la egee ñepp wax ba ni wedam

Maam Absa Mbàkke ni fa seex ñu ne xedam

Ahmadu Sekk sama maam gewal ba moo ko ni
Sunu xaalis ba rot na booba
Maam Absa Mbàkke dàldi tiji gaalam

Genee juroomi sàkku ngurd ne leen am
Sarax ko foofe sunu Maam Moor Anta

Ne ko naa doomi Faati melnib jant
Te bul ko wax waa kokki baa waa Mbàkke

Su ngeen dundee ngeen bokk sant Mbàkke
Keroog la Maam Moor Anta naa waa Mbàkke

Xaalis ba wéy na Mbàkke gontee Kokki
Ndaw su fi sant Jóob bawoo Kokki

Balaa sëyati am ku fi sant Mbàkke
Bile xibaar maa leen ko wax man Musaa

Maa xam cosaani Mbàkke tay ci siisa
Li lee waral xaalis bi ngeen di xas xasee

Boleeg mbalaan yi fi sëriñ du soose

Gaynde yu mag ya dem nañ céy njaloor ya
Kuy deeti f0dd Seytaane ki tekki joor ya
Ma dellu wax leen fi beneenub xaalis

Boo xamni Maam Faatee ko sàkku laa gis
Ku weddi laajal Soxna Faati Binta

Moo ma ko doon xibaar céy guy du mbant
Nee na ma yett weer yu nekkaan sama yaay

Ràbblu fa yett fukk jox ko sama baay
Mbalaan ya mës na bari lool bam jaay leen

Jox sama yaay xaalis ba naa nu fableen
Keroog la na su ngeen dundee am xaalis

Aki mbalaan yu bare loolu laa gis
Lilee waral xaalis bi ak mbalaan yi

Maam Ceerno nee médd la yeen ay tan yi
Ma dellu wax leen fi benenub xaalis

Boo xamne Maam Ceernoo ko fàggu kaay gis

Keroog ba sunu Maam Xaadim Momar Anta
Faatoo te dunya lepp melnib gent
Xaalis ba ak sàkk ya ak mbalaan ya

Lepp ni xuss ak fas ya ak mbaamam ya
Miraas ma jot ñu dàldi woo wa Kokki

Ñu ni tirim ñook doom ya ak wa Mbàkke
Seex Bàmba dàldi wax ni « maak Biraahim

Dun dondu baatin lan donoo fa laa yam »
Te Ceerno sedoo na ma sedoo naa ko

Sedaleleen sunu wàll deloo naa ko
Ñu dàldi sedd ñett doomi nday ya

Boleeg cérub Soxna sa fawxa ndey ya
Keroog la Soxna Faati fab donoom ba

Ak waa këram gépp sarax ko Bàmba
Naa ko alal ja ak diine yaa xam yilla

Sopaxndikul ma ko ëlëg fa Yàlla

Jébalu foofe jébalaat ko Ceerno
Ne ko bu ëlëgee na moom ab xarnu
Keroog la Bàmba boole seen alal ja

Yonee ko Seex Siidiya naar ya am ca
Yii yaari waanee mën a soppi xaalis

Wute nañook ñiy sàcc gaal di rokas
Ma dellu wax leen fi benenub xaalis

Boo xamni Njareem la ko yobb maa gis
Maam Ceerno mas naa yobb nitt juni

Yu teg juroom ñett mu daal ko génee
Def ko ci gaal Sëriñ ba jox ko Awa Saar

Mu tëj ko ren ba dewen kenn du fa jaar
La dalee hãma masasin ba bamsasin

Mu woolu Maam Ceerno mu dàldi lagg si
Ba mu ñëwee Sëriñ ba yonni Awa Saar

Mu jëli xaalis ba mu fees ab beñuwaar

Bisub keroog la Bàmba dàldi digle
Nitt ak juroom ñett ba dàldi begle
Arafi Tuuba la murit bu ko defoon

Fum mëna faato ruuh ga ñëw Tuuba di kun
Keroog la Bàmba sulli saa waxtaan wi

Ma way ko man miy werekaanu yoon wi
Netali Maam Ceerno cosaanal maam ya

Wax na keroog ba sulli mbooti daam ya
Bisub keroog la Bàmba wax jumaa ja

Maam Ceerno ak xibaar ya Ceernooy waa ja
Maam Ceerno dàldi delu waajal Tuuba

Ca Amsashin jiite jumaa ja booba
Boobe la Maam Ceerno di wax Seex Bàmba

Nitt ak juroom ñett na wéy ba Tàmbaa
Bàmba a ko naa nit ak jine ak malaaka

Ñépp a nga naa leeg fi defar unaaka

Jumaa ji maa ngi ko binde woon ca Kongo
Su ngeen ko ligeeyul ñeneel ligeey ko
Jàangal ilal ardi latii baaraknaa

Fiihaa ca laa ko way ca géej geejal naa
Keroog la Bàmba naa ko moo di beyti

Ci soowu jant na nga ut ag beyti
Noon na ko yaari beyti yii ci Mbàkke

Ñoo wuutu ñaari beyti yee ca Màkka
Ku weddi laajal bëkk-neegub Ceerno

Bu tudd Daam Sekk meloow bii xarnu
Maam Ceerno mas na ko ni wunti Àjjana

Amna ci bunt bu ma tiim fi le ma ne
Te ni ko Bàmba moo ma ko wax fa Jurbel

Jëmbat fa yaari xay te dee ko ormaal
Keroog la Ceeerno sàkk Baytil Maamuur

Ci ndigalal Seex Bàmba moo di maxfuur

Mbirum Sëriñ Tuuba ak mbirum Maam Ceerno
Maneesu ko l0qarti sarlooy arnu
Deleen siyaare Daaru tey dem Tuuba

Ku ajji umra sant Yàlla booba
Tay jii ma wax la kër ya sunu Maam Ceerno

Sancal Sëriñ Tuuba si seenub xarnu
Mbàkke Kajoor la njëkk laalub sàkket

Di sàkketal Seex Bàmba bul ko ãket
Fukki at ak juroom la am ci dunya

Boobe la watu Alxuraan bi sunyaa

Tuxoo Pataar ñëw Mbàkke mel nib jant
Moo di attum taarix ba hãama siridoo

Maasam ga faatu na ñu ba àtte maridoo
Moo di atub junni ak ñaari téeméer

Yu teg juroom ñeneenti fukk ak juroom yaar

Sancal na Bàmba kër ca hãama asashi
Mbàkke bawol boobe la Bàmba’y ñibisi
Daaru Salaam Ceerno ko sancal Bàmba

Ca kasashin feral Sëriñ Ma-Sàmba
Seex Bàmba dem Tuuba ci hãama wasashi

Maam Ceerno sancal ko fa masta ñibisi
Maam Ceerno sancal na ko Mbàkke Baari

Ci hãama baysashin ma laaka maahal kibaari
Seex Bàmba dem géej Ceerno dellu Mbàkke

Sanc fa yaari kër di xaar Njool Mbàkke
Sancal na Bàmba kër fa Daarul Manaan

Taax na ko mook Seex Móodu Ndumbe Xabaan
Sancoon na kër digante Ndaam ak Daaru

Ci ndigalal Seex Bàmba réew may waaru
Ca mooma at la Bàmba wéy Ganaari

Maam Ceerno topp ca ba dem jaraari

Maam Ceerno tàntal na fa Siidi Bàmba
Ci aksashin ba fa Sëriñ Ma-Sàmba
Ci hãama baksashin ladaa Sarsaara

La Ceerno sancal Bàmba neegi daara
Ca mooma at la way inalaziina

Teg ca ilaa Sarsaara way wa jee na
Foofe la naar ya dóore woon Mbay Penda

Nangul tobortoom dog loxool Moor Penda
Ba naar ya deloo ay hasaan ñoo leen ray

Ba ñaari naar des ca xibaar bi lee rëy
Bañ dellusee Maam Ceerno wax ko Bàmba

Mu naa ko laa shakka ku merloo Bàmba
Ganaaw ga Bàmba a leen sarax ay naaga

Hasaan ya togoo kay dawal di saaga
Maam Ceerno jox na fukki fas Seex Bàmba

Booba le ak fukki gëleem yuy bëmb

Ak fukki junni ak ñaar yu mat ciy ngurd
Laajal Móodu Xari Jóob bul weddi
Moo sàntu woon Maam Ceerno muy ataaya

Fanweeri peñ la yanu woon ba Gaaya
Keroog la Ceerno ray gëleem ñu toj ko

Móodu Xari a ko yonnu fab ko lepp
Nar ya di sorxale sagam yay waaru

Móodu xari a ma ko xibaar fa Daaru
Maam Ceerno ñibisi ci hãama daksashin

Seex Bàmba ñëw Joloof ci hãama aksashin
Keroog la Daam yónni Sëriñ Moor Absa

Mu woo si Maam Ceerno fa Daaru cam sa
Keroog la leen Bàmba ni « yéen la Yàlla

Di woowaando bu leen di fàtte Yàlla »
Moo tax ñu bokk wuyuji seen Boroom ba

Yàlla na leen sunu Boroom xaroom ba

Keroog la Maam Ceerno rañaane Daaru
Fetal ca àll bay dawal ñu waaru
Romb Tamaaka naari goor yay ràbb

Mu romb Ñiñaar gaa ya naa mooy Bàmba
Wàcc na kër Seex Móodu Géy fa Jamooy

Wàcc fa Njaañ Seex Ibra Saar amna ag may
Yónnee na kër Sëriñ Sire lóo Sanoosi

Ne ko Sëriñ bi ñëw na maa ngi noosi
Ba mu xëyee dox Kokki yendu Luga Lóo

Fa la dajeeg seex Bàmba ak Seex Sire Lóo
Keroog la Alaaji Ma-Sàmba Soxna

Ganale Maam Ceerno ba dig ko soxna
Keroog la Seex Bàmba ni sunu Maam Ceerno

Yàlla yabal na ma Jolof yaay awnu
Demal Jolof te seet barab bu tàlli

Bu bari ndox te nooy a nooy te àlli

Nga sanc fa ag daaru ni yaa di keemaan
Te soo demee tudee ko Daaru Rahmaan
Ca mooma at la Ceerno sancal Bàmba

Fa Daaru Rahmaan mook Sëriñ Ma-Sàmba
Ku weddi lii laajal Sëriñ Ndari Kebe

Këram la Ceerno tekki woon limar kabi
Neena keroog fekku fa ludul menn mata

Maam Ceerno far ko may sëf ak fukki mata
Ca mooma at la ko jëlal soxnaam sa

Woddu ko may koy fas mu tuub fa saa sa
Seex Bàmba am fa yetti at tuxoo fa

Wéy Daaru Xudoosin mu sanc foofa
Seex Bàmba am Jolof yaari at wéy Jurbel

Ca lasashin tubaab ya dàldi koy bërgal
Maam Ceerno Faati Mbàkke daal koy sancal

Seex Anta daal koy teeru daal koy tàntal

Seex Móodu Ndumbe Mbàkke ak Sëriñ Ma-Sàmba
Ño fetewoon ligéey bi sengal Bàmba
Seex Bàmba dàldi koy yabal fa Tuuba

Ni ko demal sancaat ko Ceernooy kooba
Te sanc Xudoosin wa Daarul Minani

Wa Daarul Manaan defal foo man a ne
Daarul Haliimu moo di kër Sëriñ Ndaam

Maam Ceerno yóbb fa jigeeni Maam Daam
Ku weddi laajal Seexu Abdul Xaadir

Maam Ceerno Faati a ko fa ngente baadir
Mooy rakki Soxna May donooy sheriif la

Ku bari xam-xam la boroom tawhiid la
Keroog la Daam jox Ceerno Mãto(« Manteau »)

Ne ko demal Ndaam na la mag ñi sàntu
Te fuma am kër nag fa toog fanaan fa

Te ku la siyaare texee fi ak foofa

Ci alsashin Seex Bàmba woolu Ceerno
Ni ko nga dem sengg ko te taax ko jar nu
Bisub keroog la ni ko noo def Tuuba

Mooy sa misaalum kër ya ngay am Tuuba
Keroog la Maam Ceerno fanaani Tuuba

Te yobuloowul ab dëram bës booba
Ñi xam ni fumu dem Bàmba jox ko ay junni

Ba bët setee la Ceerno doora yónne
Bisub keroog gam toroxalna tarasuul

Ceernoy donooy Seex Bàmba miy donooy rasuul
Ca mooma at la Ceerno toog fa Tuuba

Ba sengg yaari kër yi taax ko booba
Desal na junniy sengg aki téemeer ya

Desal na junniy denk may ko buur ya
Desal na siy bunt juroomi barigoo

Ba muy rañaan loo fab mu naa la bàyyi ko

Ba na fa lépp dàldi dellu Daaru
Waa Daaru ak Tuuba ku nekk ay waaru
Ku weddi lii laajal Muhamadu Xari

Meetar la woon mooma ko wax moo ka gore
Keroog la kofar foor (coffre fort) ba des fa Tuuba

Mu jox ko Ceerno Faal mu tëj ca booba
Boobe ba tay Seex Ceerno Faal delloogul

Ngir darajay Maam Ceerno Faati sooful
Téeméeri junni a ca desoon ak nitt

Di ko xaroo jumaa ja far ni mott
Ba xili xaala ja amee fa Tuuba

Sëriñ Mbusoobe a jëli koofar foor ba
Wata a ko sëf àndi ko Daarul Muhty

Maam Ceerno far génn ci bandal parti
Ca mooma at la Ceerno bojj dàgga ya

Yóbbu ko Jurbel gaa ya wommat taarka ya

Téeméeri mbaam lañu njëk sëf fa Daaru
Cogali mbaam lañ daa watal yu gaaru
Mbojj ma mat na weeru lëmb di yandaar

Gëleem ya sëf nañ mbojj maa rëyum kaar
Taxawlu naa waa Daaru ne leen maalum

Ngëneeli Maam Ceerno maneesu ko lim
Kok mën la ngacc géej bu wal ba wër nu

Musaa ka mënta lim ngëneeli Ceerno
Musaa ka tee nga jooyle Ceerno Jaxate

Xawma ku woomal ku ko deeti joxati
Maam Ceerno Faati a ko mayoon xàccum piis

Daan na ko woo ceeb ak cereey maraakiis
Seex Masayer Géy la ko jaay fa Ngeraan

Ci ñetti téeméer naa ko dootoo xaraan
May ko juroom benn daraa ak lalab weñ

Ak matla ya ak mbajj ya Ceerno moo sañ

Neena ma lam ko may ci xeeti xaalis
Maneesu ko siifar ki lee di faaris
Waay Njàmbe joyalal Mataar Masóogi

Bu xaru doon dagan mu naani tooke
Xawma ku koy taajati booli ceeb ya

Ak lay ja ak soos ba di déglu léeb ya
Ceernoo taxoon mu denc Soxna Mbàkke

Teg ca Aminta Mbàkke far di takke
Bul jéema lim ñi wara jooy Maam Ceerno

Mbaa te nga dem jëndi këyit kër arnu
Ma wax la bis ba Ceerno gede Daaru

Walaay keroog Sëriñ Mataar moo waaru
Ci fukki waxtook benn waxtu montar

La ruuh ga wuyuji Yàlla waxtu yoor-yoor
bisub keroog garab ya jooy na daaru

Jàkka ja jooy na baayu maam(fas mbaam bëy) ya gaaru

Wolof ya naa wooy naar ya naa yaa wéyli
Luy pël ni ay yéegam ba goor muy jawli
Lawbe ya kër Seex Yoro naa jaraw raw

Kenn talatul kenn ñu naa werewrew
Ràbb ya sant Mbeng noddkat ya

Kuy bëgg wax faf luu ni bàq bët ya
Ba ca marax Seex Awa Bàlla àksi

Fekoon na baayam woolu woon ko am si
Ba mu ñëwee wër Bayti Mahmuur ba

Ni leen waxoon na ni fi leey xabroom ba
Ñu dàldi koy defar defar bu sell

Ñu dàldi woo saadix ba Paate Sàll
Mu dàldi ñëw laxasu moo ko sang

Cangay gu ànd ak gët moo ko sàng
Moog Móodu Faati Gay limal Sëriñ Njaay

Ñi lee defar Maam Ceerno kenn du yii gaay

Ci ndigalal xariit ba Iisa Jénn
Seex Móodu Jaw Paxa a nga toog ni jonn
Seen téew ga doy na muhjisaati Ceerno

Seere na seen digante Bàmba jar nu
Ma wax la gaa ya gas darihatoom ba

Daat nañ ko yiit nañ ko yaatal ruum ba
Sëriñ Mataar Sàmba a ko njëkk tàmbali

Muhamadul Habiibu moo ko yegale
Seex Faati Faal moo njëkk jañ daaga

Keroog la suuf sa riir ba melni laat ga
Seex Awa Bàlla teg ca Abdu Rahmaan

Ak Haabidul Xudoosi ñépp doon ñaan
Sëriñ Muhamadu Xari ak Galaay Njaay

Tegal Momar Njaay Kokki ak yeneen gaay
Seex Awa Bàlla doom ja moo ko julee

Ne Abdu Rahmaan Mbàkke nanga ko jàlle

Seex Haabidul Xudoosi ñëw barkeelu
Xam na malaaka yaa nga fay jëmbeelu
Fi laylatil jumaati lañ ko tàbbal

Ci biir dariyatoom ba loolu yombul
Mbalaani Seex Bàmba ak mbalaani Màkka

Lañ sàngee sa waa ji bëgooni ràkka
Lalal ko tappi Màkka ya ak Madiina

Ak njegenaayu Bàmba ya ak maasiina
Ak der ba Bàmba doneewoon ca Maam Aas

Daa ko dawal ca mbeex ma mbir yi lee saas
Yaa ajaban yém na darihatoom ba

Ci saahirin wa baatinin ak ruum ba
Ku dem janoog màqaama Ibraahiima

Ma nga ñu taf ca penku Ibraahima
Seriif ba ne màqaama Ibraahima

Ka anahu màqaama Ibraahima

Jàngal wa man daxalahu amaana
Ñu bokk baat ki lee am maaana
Fukki junni ak ñaar la joxoon Seriif ba

Umar la tudoon moo siyaare néeg ba
Keroog Sëriñ Saaxo la ñawloo tappi ya

Ak rido ya ak kemaan ya sàng neeg ba
Nee na ko képp ku siyaare Béyti

Lumu ca am nga am ca wàll bayti
Fekk na ñawlo woon na ko ay càngaayam

Lu mat weer ba fab ko tëj ci gaalam
Ku weddi lii nga laaj ko Bàlla Xayta

Mba te nga laaj Daam Sekk moo yor bayta
Ñooy wékk-néeg yi daa defar këram ya

Ñoo mujj laal sëram ya ak yëreem ya
Déglul ma ñaanal doom ya yor jikoom ya

Ku ñàkk baay na jéema raasi doom ya

Budul kon ag doom ya ñu gën fee yoqi
Waaye garab lañ fa gajee fay seqi
Siyareleen doom a di baay taaw a di caat

Miraas ma góor ña yammi cër bul naagu xaat
Siyaare leen Ahmadu Awa Bàlla

Mat na ab xaliifatu ca kër Maam Bàlla
Taaw la bu taaru akbarul awlaadi

Te darajaam siiw na ba wër bilaadi
Donnug Suleymaan ja mu defoon Dawuuda

Yalna ko Móodu donne Ceerno xuuda
Siyaare leen Siidiya moy rakkam ja

Seex Awa Bàlla gesu leen jëmam ja
Moy saahibul jamaali wal jalaali

Te mom la baay ba wóolu woon fil haali
Maymunatun may doomi Seexi Bàmba

Ci ay mayam la tàbbi mo fab yan ba

Mo tax ñu rob Ceerno fa Baytil Mahmuur
Mom la ko baayam xamaloon mo am muur
Xana xamoo Muhamadul Habiibu

Moo bari xam-xam halimul adibu
Siyaare leen ko jox ay idaaya

Xam-xam ba rawna xam-xam ug riwaaya
Moom la ñu tudde Xaadim Momar Anta

Baayub Sëriñ ba yalna melnib jant
Li wa taxoon mu atte Daarul Muhty

Jox leen ko atte yi bu leen ko fab parti
Yaari rakam ya doynanu siyaare

Amuñu kem si mbokki doomi Jaara
Seetal ma sellug Habidul Xudoosi

Mahmoodunaa farhatunaa ci suusi
Ñii ñaar a teggi tuur ba raw fa Daaru

Surnaalli màkkata ya ñoo koy xaaru

Ëskëy marhaaba Aabidu Rahmaani
Moo mësa jiite baay ba fil asmaani
Moo maanu moo yaru ndiroog Maam Ceerno

Fa Daaru Mannaan la wotom di kornu
Seex Faati Faal yalna ko Yàlla faale

Mooy turandoo Seex Bàmba fii rijaali
Moo taaru moo tabbe jubboog baayam ba

Te am fula am fayda moy yaaram ba
Abdul jamil a am jamal te yaatu

Te am xorom cam su ko bañ na faatu
Te Yàlla may rakkam Habibulaahi

Mooy turandoo Maam Bàlla hibullaahi
Siyaare leen Seydinaa Usmaanaa

Mo tabbe mo xaajaanu mo am maanaa
Haliyun Aydara sëttub Maam Makala

Du njar ci soow mi ñaari wàlli Mbàkke la

Baayub tëhub Njool Màkka mooy Habaas
Fegal nu mboose wa balla ag baasi
Seydina Hamsatu sangub gaa ya

Xareeb xunayni daana ngaabi raaya
Yalna yor raaya ngëneeli Daaru

Ba ku ko gis jébbalu mba nga waaru
Te Yàlla may Seydina Suhaybu

Dundag Souhaybu ga te may ko xaybu
Te Yàlla may Seex Mbàkke doomi Xadi

La gaa yu baax ya daa mbebet bay xàddi
Seyduna mañ tudde Mbàkke Anta

Yàlna nu bok fenk mel nib jant
Daam Faati yalna jël ci mbóoti turandoom

Ahmadu Faati Mbàkke mësta am moroom
Mihdaadu sangub asiyatu mubashara

Yalna nu am bàrke te tàggook kasara

Basiiru Mbàkke doomi sunu Maam Ceerno
Yalna fawxa turandoo wam defar nu
Subayru Mbàkke yalna ànd ak bayre

Ak bàrke ak ngëram di baabu xayri
Te may Omar omran te weyëlan abadaa

Dund gu ànd ak bàrke te ànd ak waladaa
Xaalidu Mbàkke yalna ànd ak xalidiin

Fi janatin firdawsi waay ne leen amiin
Yalna nu Bàmba may ay màqaama

Ci darajay Maam Ceerno Ibrahiima
Te may ma bàrke ak ngërëm nangul ma

Way wii ma way ba ku ma am nangul ma
Te bole ma ak muliim ba Soxna Jóob Jaañ

Faj sunu aajo bu nu kenn man a gaañ
Ba lépp luñ ko yéene woon ci dunya

Ma mën ko ko defal bi dooni sunya

Te Yàlla full fan yi te dolli wer gi
Ci darajay Seex Fàllu yokk mën gi
Te yalna Yàlla dolli Faati Saar

Sutura ak teranga ngir Maam Jaara
Te Yàlla may ko waa ju am màqaama

Ci darajay màqaama Ibrahiima
Te Yàlla may mboleem ñi dooni sawjaat

Ñu xëy dajeek Maam Ceerno fil janaat
Te yalna doom ya mujj diy xaliifa

Ci darajay Seex Fàllu may xaliifa
Te yalna Seex dem Màkka jàll Tayba

Siyaare aj umra te delusi Tuuba
Te Yàlla may ko ngërëmal Njool Màkka

Te nangu ajam ci darajay Njool Mbàkke
Aamiina aamiina ne leen aamiina

Ndax Yàlla ngeen aji ba gis maamoona

Salaa alaa Xayril Waraa Yaasiina
Wa aalihi wa sahbihii aamiina

Marsiyya Maam Ceerno Mbàkke Parserigne Moussa Ka

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Marsiyya Maam Ceerno Mbàkke Parserigne Moussa Ka

Uploaded by

Copyright:

Available Formats

Marsiyya Boroom Daarul Muhty | 1

Aji bindaat ji : Sëriñ Móodu Jenn

© 1445 h / 2024 - Paris

Marsiyya Boroom Daarul Muhty | 2

Vous trouverez les vidéos (audio+texte) en suivant les liens ci-dessous :

Partie 1 Marsiyya Maam Ceerno Mbàkke (Sëriñ Abdul Ahat Ture)

Partie 2 Marsiyya Maam Ceerno Mbàkke(Sëriñ Musaa Géy Ndar)

Partie 3 Marsiyya Maam Ceerno Mbàkke(Sëriñ Musaa Géy Ndar)

Partie 4 Marsiyya Maam Ceerno Mbàkke(Sëriñ Musaa Géy Ndar)

Marsiyya Boroom Daarul Muhty | 3

Huwal lëzi yafhalu maa yuriidu

Wahwa hayun samadun wa baaxi

Nan sant tey feddali sunu tawhiid

Te setlu yonnen yi ñëwoon ci dunyaa

Te setlu Xayrul Xalqi ak Sahabaam ya

Teewul mu dem ñu naa wa maa Muhammadu

Marsiyya Boroom Daarul Muhty | 4

Waaye li yobb Ahmadul Màkkiyu

Du fi bàyyi sunu Maam Ceerno Ibrahiimu

Yoyu le yaari xew wi lee ko yetteel

Abki halaa Seyyidi Ibraahiima

Abki halaa Xaliili Ibrahiima

Jant a ngi jooy Maam Ceerno Ibrahiima

Ca mooma at sunu weeru koor wa jooy na

Marsiyya Boroom Daarul Muhty | 5

Waarootina waaru ga raw ga woon daaw

Aa xin ala xaali xalilil laahi

Aa xin ala faqdi xalilil laahi

Aa xin ala xutbul waraa fil jaahi

Aa xin ala xarmi rijaalilaahi

Woy ma ne woy man mi ko ñaanoon wérd

Moo ma mayoon fa Daaru werdub xaadir

Marsiyya Boroom Daarul Muhty | 6

Saxaadatan ridan bi duuna suxti

Ma jooy le Seex Ahmadu Awa Bàlla

Ma jooy le Seex Muhamadul Habiibu

Wayaa Xalilulaahi way Saa ndaama

Wallaahi saa rangooñ yi war naa tuuru

Saa ruu gi lax na sama xol bi wow na

Billahi wallaahi tegal talaahi

Marsiyya Boroom Daarul Muhty | 7

Garab gu rëy ga keraloon waa Daaru

Imaanu diinuna aqul imaanaa

Ceernoy kenul diine di ruuhag lislaam

Kennu la yor mbaarum Sëriñ bi naay na

Maam Ceerno dem na yobb far Sëriñ Ndaam

Kenn dootul xamle Alxuraan ci Mbàkke

Woy ma ne woy man ekspres ba teer na

Marsiyya Boroom Daarul Muhty | 8

Xawma saxar gu may dugal bagaas yi

Pake ba dem na toppi màndiwaar ga

Ku man a feey na feey subooxun loojo

Woy ma ne woy man fu ma newoon ba tàrde

Mat ngab xaliifatu di xayrul fardi

Bu dul kon ak Abaabakar Sidiixu

Bu dul kon ak xalifa Amdil Mustafaa

Marsiyya Boroom Daarul Muhty | 9

Fu miy jëleeti baay bu mel ni Ceerno

Fu nuy jëleeti kuy niroog Maam Ceerno

Moo njëkk daw kurs ba mujj àq

Raw na ngañaay ya yépp teggi tuur ba

Allaaxira jeexal nga kër Maam Bàlla

Seex Bàmba dem ca wamsashin fa Njurbel