Kidung
Nyukcruk galur ti karuhun
Nutur lacak para wali
Nyambuang ka balaréa
Titinggal ti nini aki
Ngawaris kabudayaan
Seni sunda sawér asli
Pépéling jalan pituduh
Nuduhkeun diri sing lilir
Hahalang lugal disinglar
Mun hayang salamet diri
Di dunya ukur ngumbara
Peupeujeunh sing répéh rapih
Ngahiji ngajadi dulur
Sadaya mahlukna Gusti
Hubungan sabilulungan
Kedalkeun katineung ati
Ka ibu sareng ka rama
Neneda ka Maha Suci
Sawér Pangantén
Nyukcruk galur ti karuhun
Nutur lacak para Wali
Nyambuang ka balaréa
Titinggal ti nini aki
Ngawaris kabudayaan
Seni sunda sawér asli
Neda agung cukup lumur
Neda jembar pangaksami
Bili aya kalepatan
Wiréh ayeuna simkuring
Nyawér anu panganténan
Nyanggakeun mugi ditampi
Ka hidep muga ditungtun
Pépéling tawis ka asih
Pibekeleun hidep jaga
Ngarandapan laki-rabi
Ngamudi ngarumah tangga
Sangkan panggih tentrem ati
Seni sunda pikeun suluk
Gambaran siloka diri
Hirup ulah kajongjonan
Mawa diri sing taliti
Satincak maké pikiran
Pikiran ieu pépéling
Répéh rapih nu salembur
Kacai jadi saleuwi
Ka darat jadi salogak
Pageuh pakuat-pakait
Ulah ingkah balilahan
Ancrubna ngajadi hiji
Neda agung cukup lumur
Neda jembar pangaksami
Bilih aya kalepatan
Wiréh ayeuna simkuring
Nyawér anu panganténan
Nyanggakeun mugi ditampi .
Asép mimiti diwuruk
Dangukeun ku dua cepil
Simpen di manah nu jembar
Ayeunamah béda deui
Jaman hidep lalagasan
Teu aya anu meredih
Ti wangkid ieu kapayun
Asép kedah taki-taki
Nyubadanan kawajiban
Ngurus ngatur laki-rabi
Anu kadada kaduga
Geusan Asép hirup mukti
Saur Rosululoh éstu
Rejekimah tetep puhit
Kawas arék hirup lana
Tapina kudu saimbang
Jeung ibadah nu tong pegat
Sing kawas ajal rék tepi
Ka Euis puputon kalbu Apa nyawér téh sakitu
Muga hirup sing rastiti Mugia hidep anaking
Kapan arék rumah tangga Runtut raut sauyunan
Ka panutan sing gumati Ka cai jadi saleuwi
Tuturkeun dunya ahérat Ka darat jadi salogak
Kitu kawajiban istri Jauh bala i parek rejeki
Piwuruk Euis sakitu Wur tawur jati rahayu
Catet dina sanubari Rahayu manjing walagri
Kantun ieu pamegetna Pang nepikeun salawasna
Aduh Asép deudeuh teuing Pinayungan Maha Suci
Ieu piwulang tarima Ginanjar sapapaosna
Regepkeun ku sanubari Amin Ya Robal Alamin
Run turun jati rahayu
Rahayu manjing walagri .
Garutan (kates) > Panambih gaya > Laras Pelog
Balungbung agung rahayu Turun ti Gunung gumuruh
Lumingjing manjing walagri (2x) Kahujanan ku malati
Bray caang bray narawangan Nya moyan di pamoyanan
Wangi diri sanubari Papanggih jeung urang dami
Goréjag saré kalintang Anu keur mener ngaraja
Rancagé haté anaking Madep ka Dayeuh ka wangi – Mung Ahung
Nempatkeun jalan laratan
Ka tampian geusan mandi
Ka leuwi sipat tahunan
Leuwi nu ngaruncang diri
Diri anu sakiwari
Rék muru nu lurung tujuh
Ngaliwat ka papajaran
Bongan hayang pulang anting,padugdegan-padugdegan
Jeung usikna pangancikan - Mung Ahung.
Sok hayang aya nu nyaah Paneda abdi dikabul
Anu nyari kana diri Meureun resep sasarengan
Nu béla geus sayaktosna Gandrung...geus moal sulaya deui
Anu sapikir jeung abdi Wantun sumpah-wantun sumpah
Nu matak naon mun manggih Abdimah narah papisah.
Diusir 1000 x carék wiwilanganana
Abdimah rék montél baé
Mo benang diulah-ulah
Haté luas bibilasan
Mo poho saumur-umur
Moal weléh panasaran
Hayang nanjung kawas-kawas batur
Meureun kahalangan bisi ( 2 x )
Kulak canggem bagja awak
Kapan cenah mungguh jalmi
Kasemper ku tutulisan
Meureun kitu tulis diri
Ku indung sering-sring dikantun
Tara matak nyeri ati ( 2x )
Ku bapa rajeun ditinggal
Tara matak rengat galih
Naha ari ku gamparan
Mana nyeri-nyeri teuing.
Sanggem abdi gening ti kapungkur
Badé tetep nyari asih (2 x )
Kana maksad moal baha
Ka manage seja ngiring
Mung panuhun sing salamet
Ulah gampil luntur galih.