Setiyembre 1, 2018 4. Samotrace, Neapolis ug Filipos. Buhat 16:11-40. Mga Bag-ong tumutuo.
1. Siria ug Silicia. Buhat 15:36-41.
Duha ka mga misyonerong pundok. 5. Tesalonica ug Beria. Buhat 17:1-15. 2. Deber ug Listra. Buhat 16:1-5. Pagtuon sa Batan-ong Timoteo. Kasulatan.
6. Athens. Buhat 17:16-34.
The Areopagus.
3. Prigia, Galatia, Mesia ug Troas. Buhat 16:6-10.
Ang Tawag alang sa Macedonia.
7. Corinto. Buhat 18:1-17.
“Sulti, ug ayaw pagpakahilum”. “Ug tapus sa pipila ka adlaw, si Pablo miingon kang Bernabe, "Balikon ug duawon ta karon ang mga kaigsoonan sa tanang siyudad diin gikamantala nato ang pulong sa Ginoo, ug tan-awon tag naunsa na sila.” (Buhat 15:36) Si Pablo ug Bernabe mingdisidir nga moduaw sa mga iglesia nga ilang gipananum sa ilang unang panaw. Buot ni Bernabe paubanon ang iyang ig-agaw nga si Juan Marcos pag-usab (Colosas 4:10). Dili buot ni Pablo nga hatagan si Juan Marcos og ikaduhang higayon, tungod kay wala siya nagpadayon sa nag-agi nilang panaw. Si Bernabe ug Juan Marcos miadto sa Cipro, ug si Pablo ug Silad miadto sa Asia. Human sa pipila ka panahon, gitamod ni Pablo ang buhat ni Juan Marcos: “magamit kaayo siya alang kanako sa ministeryo.” (Fil. 1:24; 2Tim. 4:11) “Ug kay gitinguha man ni Pablo nga si Timoteo makauban kaniya, iyang gikuha siya ug gisirkunsidahan niya, sa iyang pagtamod sa mga Judio niadtong mga dapita, kay silang tanan nasayud man nga ang amahan niini usa ka Gresyanhon.” (Buhat 16:3) Nahibalag ni Pablo si Timoteo didto sa Listra. Usa siya ka batan-on nga hanete sa Kasulatan pinaagi sa iyang inahan nga si Eunice ug ang iyang apohan nga si Loi (2Tim. 1:5). Nakadisidir si Pablo nga dad-on si Timoteo sa iyang panaw, tungod kay siya usa ka balaan ug may hiyas nga tawo. Si Timoteo wala matuli, tungod kay ang iyang amahan usa ka Grego. Ang Konselyo sa Jerusalem nagkauyon nga ang pagtuli kinahanglan dili ipahamtang. Nganong gipatuli siya ni Pablo? Gihigugma ni Pablo ang mga Judio, busa gibuhat kini niya sa ingon aron sa pagtabang kanila nga madawat ang mensahe nga ginawali ni Timoteo sa mas masayon. “Ug didto usa ka panan-awon mipakita kang Pablo sa takna sa kagab-hion: usa ka tawo nga taga-Macedonia nagtindog ug kaniya nangamuyo siya nga nag-ingon, "Umari ka sa Macedonia ug tabangi kami.’” (Buhat 16:9)
Ang unang plano ni Pablo mao ang pagduaw sa
natanum nga mga iglesia, apan ang plano sa Balaang Espirito lahi. Gigiyahan sila sa Balaang Espirito hinoon ngadto sa Misia, ug wala nagtugot kanila pag- adto sa Bitania. Gipaadto sila ngadto sa Troas— usa ka dunggoanan sa mga barko—ug nag-asoy kanila kon asa sila moadto sunod pinaagi sa usa ka panan-awon. Ilang nasulod ang Uropa, nan ang Maayong Balita mawali sa usa ka bag-ong dapit. Kini maoy usa ka pananglitan kon unsa ka kinahanglan nato ang pagsunod sa giya sa Balaang Espiritom bisan kon kini batok sa atong mga plano o hunahuna. Nangitag dapit si Pablo diin ang mga Judio nanagtigum didto sa Filipos. Walay sinagoga, ug nakaplagan niya ang pipila nga kababayen-an didto daplin sa suba. Si Lydia maoy usa sa mga babaye nga nanagtigum didto sa daplin sa suba didto sa Filipos. Siya nahimong unang magtutuo didto sa Uropa. Apan adunay mga problema nga mitungha. Gipalagpot ni Pablo ang demonyo gikan sa usa ka tigtagna nga babaye. Ang iyang mga agalon nasuko ug gisumbong si Pablo ug Silas ngadto sa mga awtoridad. Gipangbunalbunalan sila ug gibilanggo, apan silan nanag-awit sulod sa bilanggoan. Ang Iyang matud- anong pamatuod mitandog sa tanlag sa gwardia. “Ug kining mga Judioa mabuot pa kay sa mga Judio didto sa Tesalonica, kay kini sila midawat man sa pulong uban sa bug-os nga pagkamasibuton, nga sa adlaw-adlaw nanagtoon sa kasulatan, sa pagsusi kon tinuod ba gayud ang mga butang nga gisulti kanila.” (Buhat 17:11)
Ang Tesalonica maoy sentro sa Macedonia. Misulod si Pablo sa sinagoga aron sa
pagwali mahitungod sa kamatayon ug pagkabanhaw ni Jesus ngadto sa mga Judio. Diyutay lamang nga mga Judio ang mingtuo. Ang uban nagsugod og kagubot batok kang Pablo ug sa mga bag-ong magtutuo pinaagi sa pag-agwat og daotang mga tawo didto sa merkado. Ang mga Judio nga taga-Berea mas mabuot pa kay mingdawat sa mensahe. Sila nanagtuo sa kamatuoran human sa id-id nga pagtuon sa Kasulatan.
Ang mga emosyon dili
magdugay kon kini dili pagasundan sa personal nga pagtuon sa Kasulatan. “Ug ilang gikuptan siya ug gidala ngadto sa Areopago ug gipangutana, "Makahimo ba kami pagpakisayud unsa kining bag-ong tuloohan nga imong gipanudlo?’” (Buhat 17:19) Si Pablo naggamit og bag-ong mga metodo sa pagwali sa Maayong Balita didto sa Athens. Kadaghanan sa katawhan didto sa Athens mga Gentil, nan dili siya makagamit og Kasulatan ingon nga sukaranan sa iyang mensahe. Gigamit niya ang natural nga kalibutan ug ang pilosopiya, aron ilang masabtan ang Maayong Balita.
Wala sila mingtuo sa mga diosdios nga
nanagpakabana unsay mahitabo sa Yuta, busa ang mensahe ni Pablo pinasahi alang kanila. Kadaghan kanila nagbiaybiay sa mensahe ni Pablo, apan adunay pipila sama ni Dionisio ug Damario mingtuo. “Kay ako uban kanimo, ug walay manghilabut kanimo sa pagdaut kanimo; kay daghan akog mga tawo niining siyudara.” (Buhat 18:10)
Nahibalag ni Pablo si Priscilla ug Aquilas didto sa
Corinto. Siya mingpuyo ug nakigtambayayong kanila tungod kay sila adunay susamang panginabuhian. Apan si Pablo gisalikway sa mga Judio, busa miundang siya pagwali ngadto sa mga Judio. Iyang gipadpad ang iyang sapot ug misugod sa pagwali ngadto sa mga Gentil lamang. Ang kahimtang nakapahigawad kaniya, nan nakadisidir siya nga biyaan ang Corinto ug magpadayon sa iyang panaw. Pero, ang Dios adunay lahi nga plano pag-usab. Si Pablo nagpabilin didto sa Corinto sulod sa usa ug tunga sa tuig. Mao kadto ang iyang kinatas- an nga pagpabilin sukad pa kaniadto. Unsa ka daghan ang katawhan nga nanaghulat sa pagpamati mahitungod sa Dios diha sa imong lungsod? Sulti, ug ayaw pagpakahilum. “Ang mga mensahedor sa Dios diha sa dagkung mga ciudad dili masagmuyo mahitungod sa kadaotan, sa inhustisya, ug kakulangon, nga ilang gipangatubang samtang nagabuhat sa pagmantala sa maayong balita sa kaluwasan... Papahinumduma kadtong nanagpangabudlay sa pagluwas og mga kalag nga samtang adunay daghan nga dili mamati sa tambag sa Dios diha sa Iyang pulong, ang tibuok kalibutan dili mobiya gikan sa kahayag ug kamatuoran, gikan sa pagdapit sa usa mapailubon, dili masuk-anon nga Manluluwas. Diha sa matag ciudad, bisan kini mahimong puno sa pagpatay ug krimin, adunay daghan nga uban sa husto nga pagtudlo makakat-on nga mamahimong sumusunod ni Jesus. Nilibo ang mahimong maabot sa makaluwas nga kamatuoran ug mahatud ngadto sa pagdawat ni Cristo ingon nga usa ka personal nga Manluluwas.” E.G.W. (Prophets and Kings, cp. 22, p. 277)