Mondolan wonten wingking dipun jumbuhaken kaliyan filosofi
masyarakat jawa ingkang pinter nyimpen wadi (rahasia), mboten remen mbukak aibe liyan utawi priyangga . Masyarakat jawi badhe rapet sanget anggenipun nyimpen lan nalika matur ugi solah bawanipun tansah alus, ngati ati . Menika kangge bukti luhuring budi pekerti piyantun jawi . iket
mboten gampil ucul. Tumraping piyantun Jawi makna iket menika supados manungsa gadhah pikiran ingkang kenceng, mboten gampil goyah namung karana faktor kahanan utawi tiyang sanes tanpa pertimbangan ingkang becik Rasukan
Minangka pangriptanipun Gusti Ingkang
Maha Kuwaos, manungsa kedah ngrasuk utawi nganut sawijining margi utawi agama kanthi bener-bener sadhar manembah dhumateng Gusti ingkang Maha Agung. BENIK
Makna filosofi saking benik inggih menika bilih
manungsa nalika tumindak kedah dipun nik-nik tegesipun kedah dipun etung kanthi setiti, ampun ngantos ngrugekaken tiyang sanes lan saged njagi antawisipun kepentingan pribadi kaliyan tiyang sanes. SABUK
Sa-buk tegesipun namung bak buk , mboten
bathi, lan mboten rugi. Maknanipun bilih manungsa kedah ngginakaken badanipun kangge kerja ingkang temen, ampun ngantos pakaryanipun mboten ngasilaken utawi mboten pikantuk bathi. EPEK
Epek = apek; golek;
tegesipun, urip menika kedah dipun manfaataken kangge pados ilmu ingkang migunani. TIMANG
Timang inggih menika pralambang bilih ilmu
ingkang dipun tekuni kedah dipun pahami kanthi jelas lan gamblang supados mboten mamang lan nimbulaken raos kuatir. JARIK
Jarik tegesipun aja gampang
serik. WIRU
Wiru tegesipun wiwiren aja nganti
kleru. CANELA
Canela : canthelna jroning nala, utawi
peganglah kuat di dalam hatimu. Canela sami kaliyan selop,cripu utawi sandal. Canela dipun agem wonten suku, tegesipun nalika manembah dhumateng Gusti Ingkang Maha Asih menika kedah dumugi ati. (khusuk) CURIGA/KERIS
Curiga dipun agem wonten wingking
tegesipun nalika nyembah kedah ngungkuraken godhaning Syetan ingkang tansah ngganggu manungsa nalika badhe tumindak ing kabecikan