Agmatalekka

O Brother Be Faithful
Agmatalekka, ni Jesus dandanin,
inur-uraytay’ nabayag;
Iseserrek diay langit mabiiten,
Addanto kanta nadayag;
Agtalekka, O kabsatko ken Jesus,
Ti ayatna di marukod;
Natay idiay krus ta paneknekanna,
Ayat naidaddaduma.
 Agmatalekka, kabsatko ken Jesus,
Adda diay siudad balitok;
silulukat ruruanganna a perlas,
A serkanto ti nagasat;
Matalekka ngarud kabsat ken Jesus,
Rigat dandanin aggibus;
Sipnget ladingit dandanin lumabas,
umayen bigat nadayag.
 Agmatalekka, ni Jesus umayen,
Mannakabalin nga Ari;
Kuyugen dagiti naruay nga anghel,
Agraman palmat’ balligi;
Wen matalekka, Dandanin
mangngegan
Kablaaw Mangisalakan;
“Naimbag adipen a mapagtalkan,
Nanamem ragsak nadiosan.”
Agmatalekka, dandanin gungguna,
Tuok inda agpatingga;
Mapunasto metten amin a lulua,
Balangat ragsak sukatna;
Agtalgedka, karina mapagtalkan,
Gunggunam ti agur-uay;
Makipagragsak kadagiti nasbot,
Makikuykuyog ken Jesus.
****