ΧΑΙΡΕΤΙΣΜΟΙ ΤΗΣ ΥΠΕΡΑΓΙΑΣ

ΘΕΟΤΟΚΟΥ
ΟΙ ΧΑΙΡΕΤΙΣΜΟΙ , ἤτοι , οἱ 24 οἴκοι , είς τήν
ὙΠΕΡΑΓΙΑΝ ΘΕΟΤΟΚΟΝ
 ΕΙΣΑΓΩΓΗ

  Οἱ Ἅγιοι Πατέρες τῆς ἐκκλησίας μας λέγουν , ὅτι προσευχή χωρίς χαιρετισμούς τῆς ΠΑΝΑΓΙΑΣ , εἶναι σάν
φαγητό , χωρίς λάδι καί ἁλάτι . 
   Ὄχι ὅτι οἱ προσευχές , μένουν ἀνενέργητες , ἀλλά ἐξαίροντες τούς χαιρετισμούς τῆς ΘΕΟΤΟΚΟΥ , προτρέποντες 
πάντας εἰς τήν καθημερινήν μελέτην των , καί ἀπαραίτητα , εἰ δυνατόν καθημερινῶς εἰς τό πρόγραμμα τῆς
πνευματικῆς των  ἐργασίας ἕκαστος , νά ἔχει  τούς χαιρετισμούς τῆς ΠΑΝΑΓΙΑΣ , εἰ δυνατόν τό ἑσπέρας , εἰ  δέ
λόγῳ ἐργασίας ἀδυνατεῖ κάποιος ,  μπορεῖ , καί τό πρωΐ, ἀλλα καί οἰαδήποτε ὥρα τῆς ἡμέρας .
   Ὡσαύτως καί ἐν τέλει , μπορεῖ να ἀπαγγέλει εὐλαβῶς , μερικές φορές τό  :  .. ΘΕΟΤΟΚΕ ΠΑΡΘΕΝΕ , χαῖρε ,
Κεχαριτωμένη ΜΑΡΙΑ ... ὅπως ἀναφέρεται εἰς τό τέλος τῶν  χιρετισμῶν · μερικοί λέγουν αὐτό , 3, ἄλλοι 12 , ἄλλοι
33 , καί τινές δέ 59 , ὄσα εἶναι τά χρόνια τῆς ΠΑΝΑΓΙΑΣ μας. 
   Ἐάν κάποιος συμπεριλαμβάνει τούς Χαιρετισμούς τῆς ΠΑΝΑΓΙΑΣ εἰς τήν προσευχήν του , τό ἑσπέρας , συνήθως
, λέγονται , εἰς τό μέσον , ἤ εἰς τό τέλος τοῦ ἀποδείπνου · ἄν λόγῳ χρόνου , ἤ  ὑποχρεώσεων , ἤ ἄλλης τινός αἰτίας ,
ἀδυνατεῖ οὕτως καί κάνει μόνο τούς χαιρετισμούς , μπορεῖ νά κανει , τήν ἀρχήν καί τέλος , ἁπλά , ὡς κατωτέρω.
ἡ εὐλογία τῆς ΠΑΝΑΓΙΑΣ, καί τοῦ ἐκ ΕΚΕΙΝΗς τεχθέντος , νά εἶναι, μετά πάντων ὑμῶν καί ἡμῶν .ἀμήν
.γένοιτο ... 
 ΜΡ                      ΘΥ
Δι ᾿ εὐχῶν τῶν Ἁγίων πατέρων ἡμῶν  , Κύριε , Ἰησοῦ Χριστέ , ὁ Θεός ἡμῶν  , ἐλέησον , καί σῶσον ἡμᾶς .
Αμήν. 
Ἅγιος ὁ Θεός , Ἅγιος Ἰσχυρός , Ἅγιος Ἀθυάνατος  , ἐλέησον ἡμᾶς (τρίς).
Δόξα Πατρί καί Υἱῷ , καί Ἁγίῳ Πνεύματι · καί νῦν καί ἀεί , καί εἰς τούς αἰῶνας , τῶν αἰώνων . Ἀμήν .
Παναγία Τριάς ἐλέησον ἡμᾶς · Κύριε , ἱλάσθητι ταῖς ἁμαρτίαις ἡμῶν · Δέσποτα συγχώρησον τάς ἀνομίας ἡμῖν · Ἅγιε ,
ἐπίσκεψαι καί ἴασαι τάς ἀσθενείας ἡμῶν , ἕνεκεν τοῦ ὀνόματος σου · Κύριε, ἐλέησον · Κύριε , ἐλέησον · Κύριε ,
ἐλέησον ...
Δόξα ...καί νῦν .... 
Πάτερ ἡμῶν ὁ ἐν τοῖς οὐρανοῖς , ἁγιασθήτῳ τό ὄνομά σου , ἐλθέτω ἡ Βασιλεία σου , γενηθήτῳ τό θέλημά σου , ὡς ἐν
οὐρανῷ καί ἐπί τῆς γῆς · τόν ἄρτον ἡμῶν τόν ἐπιούσιον , δὀς ἡμῖν σήμερον , καί ἄφες ἡμῖν , τά ὀφειλήματα ἡμῶν ὡς
καί ἡμεῖς ἀφίεμεν τοῖς ὀφειλέτες ἡμῶν  , καί μή εἰσενέγκεις ἡμᾶς εἰς πειρασμόν , ἀλλά, ρῦσαι ἡμᾶς ἀπό τοῦ πονηροῦ .
Δι ᾿ εὐχῶν τῶν ἁγίων πατέρων ἡμῶν .... 

                       ☦☦☦

Ἀπολυτίκιον , ἦχος πλ. δ ΄
 
Τῷ προσταχθέν μυστικῶς λαβών ἐν γνώσει ,
 ἐν τῇ σκηνῇ τοῦ Ἰωσήφ σπουδῇ  ἐπέστη ,
 ὁ Ἀσώματος λέγων τῇ Ἀπειρογάμῳ · 
ὁ κλίνας τῇ καταβάσει τούς οὐρανούς , 
χωρεῖται ἀναλλοιώτως ὅλως ἐν Σοί ,
 ὅν καί βλέπων ἐν μήτρᾳ Σου , λαβῶντα δούλου μορφήν ,
ἐξίσταμαι κραυγάζειν Σοι · χαῖρε  , Νύμφη Ἀνύμφευτε ...
 
Κοντάκιον  , ἦχος πλ΄δ΄
 
Τῇ Ὑπερμάχῳ Στρατηγῶ τά νικητήρια ,
ὡς λυτρωθεῖσα τῶν δεινῶν εὐχαριστήρια  ,
ἀναγράφω Σοι ἡ πόλις Σου ΘΕΟΤΟΚΕ ·
ἀλλ ᾿ ὡς ἔχουσα τό κράτος ἀπροσμάχητον ,
ἐκ παντοίων με κινδύνων ἐλευθέρωσον ,
ἵνα κράζω Σοι · χαῖρε , Νύμφη Ἀνύμφευτε ...
             ΣΤΑΣΙΣ       Α ΄
 
Ἄγγελος πρωτοστάτης , οὐρανόθεν ἐπέμφθη , εἰπεῖν τῇ ΘΕΟΤΟΚῼ τό χαῖρε , Ὑπεραγία ΘΕΟΤΟΚΕ σῶσον ἡμᾶς  (3φορές)· καί σύν
τῆ ἀσωμάτῳ φωνῇ , σωματούμενον σε θεωρῶν , Κύριε , ἐξίστατο καί ἴστατο , κραυγάζων πρός αὐτήν τοιαῦτα · 
 
χαῖρε , δι ᾿ ἧς ἡ χαρά ἐκλάμψει , 
   χαῖρε , δι ᾿ ἧς ἡ ἀρά ἐκλείψει · 
χαῖρε , τοῦ πεσόντος Ἀδάμ ἡ ἀνάκλησις , 
   χαῖρε , τῶν δακρύων τῆς Εὔας ἡ λύτρωσις · 
χαῖρε , ὕψος δυσανάβατον ἀνθρωπίνοις λογισμοῖς , 
   χαῖρε , βάθος δισθεώρητον , καί Ἀγγέλων ὀφθαλμοῖς· 
χαῖρε , ὅτι ὑπάρχεις Βασιλέως καθέδρα , 
   χαῖρε , ὅτι βαστάζεις , τόν βαστάζοντα πάντα · 
χαῖρε , ἀστήρ ἐμφαίνων τόν ἥλιον , 
   χαῖρε , γαστήρ ἐνθέου σαρκώσεως · 
χαῖρε , δι 'ἧς νεουργεῖται ἡ κτίσις , 
   χαῖρε , δι 'ἧς βρεφουργεῖται ὁ Κτίστης ·  
 
                  χ α ῖ ρ ε , Ν ύ μ φ η  Ἀ ν ύ μ φ ε υ τ ε . 
Βλέπουσα ἡ Ἁγία , ἑαυτήν ἐν ἁγνείᾳ , φησί τῷ Γαβριήλ θαρσαλέως · τό παράδοξον σου τῆς φωνῆς ,
δυσπαράδεκτον Μου , τῇ ψυχῇ φαίνεται · ἀσπόρου γάρ συλλήψεως τήν κύησιν , πῶς λέγεις ;κράζων :
 
                        Ἀ λ λ η λ ο ύ ϊ α   
Γνῶσιν ἄγνωστον γνῶναι , ἡ ΠΑΡΘΕΝΟΣ ζητοῦσα , ἐβόησε πρός τόν λειτουργοῦντα · ἐκ λαγόνων ἁγνῶν Υἱῶν , πῶς ἐστὶ τεχθεῖναι
δυνατόν , λέξον μοι , πρός ἥν ἐκεῖνος ἔφησεν ἐν φόβῳ , πλήν κραυγάζων οὕτω· 
 
χαῖρε , βουλῆς ἀπορρήτου μύστις , 
   χαῖρε , σιγῆς δεομένων πίστις · 
χαῖρε , τῶν θαυμάτων Χριστοῦ τό προοίμιον , 
   χαῖρε , τῶν δογμάτων αὐτοῦ τό κεφάλαιον · 
χαῖρε , κλῖμαξ ἐπουράνιε , δι ᾿ ἧς κατέβη ὁ Θεός , 
   χαῖρε , γέφυρα μετάγουσα , τούς ἐκ γῆς πρός οὐρανόν · 
χαῖρε , τό τῶν Ἀγγέλων πολυθρύλητον θαῦμα , 
   χαῖρε , τό τῶν δαιμόνων , πολυθρήνητον τραῦμα · 
χαῖρε , τό φῶς ἀρρήτως γεννήσασα , 
   χαῖρε , τό πῶς μηδένα διδάξασα · 
χαῖρε , σοφῶν ὑπερβαίνουσα γνῶσιν , 
   χαῖρε , πιστῶν καταυγάζουσα φρένας · 
 
                 χ α  ῖ ρ ε , Ν ύ μ φ η Ἀ ν ύ μ φ ε υ τ ε  
Δύναμις τοῦ Ὑψίστου ἐπεσκίασεν τότε , πρός σύλληψιν τῇ Ἀπειρογάμῳ · καί τήν εὔκαρπον ταύτης νηδύν , ὡς
ἀγρόν ὑπέδειξεν ἡδύν ἅπασι ,τοῖς θέλουσιν , θερίζειν σωτηρίαν, ἐν τῷ ψάλλειν οὕτως 
 
                            Ἀ λ λ η λ ο ύ ϊ α 
Ἐχουσα θεοδόχον , ἡ ΠΑΡΘΕΝΟς τήν μήτραν , ἀνέδραμεν πρός τήν Ἐλισάβετ · τό δέ βρέφος ἐκείνης , εὐθύς ἐπιγνόν τόν ταύτης
ἀσπασμόν , ἔχαιρε , καί ἅλμασιν ὡς ἄσμασιν , ἐβόα πρός τήν ΘΕΟΤΟΚΟΝ ·
 

χαῖρε , βλαστοῦ ἀμαράντου κλῖμα, 

   χαῖρε , καρποῦ  ἀκηράτου κτῆμα · 
χαῖρε , γεωργόν γεωργοῦσα φιλάνθρωπον , 
   χαῖρε , φυτουργόν τῆς ζωῆς ἡμῶν φύουσα · 
χαῖρε , ἄρουρα βλαστάνουσα εὐφορίαν οἰκτιρμῶν , 
   χαῖρε , τράπεζα βαστάζουσα , εὐθηνείαν ἱλασμῶν · 
χαῖρε , ὅτι λειμῶνα τῆς τρυφῆς ἀναθάλλεις, 
   χαῖρε ,ὅτι λιμένα τῶν ψυχῶν ἑτοιμάζεις · 
χαῖρε , δεκτόν πρεσβείας θυμίαμα , 
   χαῖρε , παντός τοῦ κόσμου ἐξίλασμα · 
χαῖρε , Θεοῦ πρός θνητούς εὐδοκία , 
χαῖρε , θνητῶν πρός Θεόν παρρησία ·  
 
          χ α ῖ ρ ε , Ν ύ μ φ η Ἀ ν ύ μ φ  ε υ τ ε 
Ζάλην ἔνδοθεν ἔχων , λογισμῶν ἀμφιβόλων , ὁ σώφρων Ἰωσήφ ἐταράχθη , πρός τήν ἄγαμον Σε θεωρῶν , καί
κλεψίγαμον ὑπονοῶν Ἄμεμπτε · μαθών δέ Σου τήν σύλληψιν , ἐκ Πνεύματος Ἁγίου,ἔφη · 
 
                                Ἀ λ λ η λ ο ύ ϊ  α 
 ΣΤΑΣΙΣ     Β΄
 

 Ἤκουσαν οἱ ποιμένες , τῶν Ἀγγέλων ὑμνούντων , τήν ἔνσαρκον Χριστοῦ παρουσίαν  , καί δραμόντες ὡς πρός ποιμέναν ,
θεωροῦσιν τοῦτον ὡς ἀμνόν ἄμωμον , ἐν τῆ γαστρί ΜΑΡΙΑΣ βοσκηθέντα , Ἥν ὑμνοῦντες εἶπον ·
 

χαῖρε , ἀμνοῦ καί ποιμένος Μήτηρ , 

   χαῖρε , αὐλή λογικῶν προβάτων · 
χαῖρε , ἀοράτων ἐχθρῶν ἀμυντήριον , 
   χαῖρε , Παραδείσου θυρῶν ἀνοικτήριον · 
χαῖρε , ὅτι τά οὐράνια συναγάλλεται τῇ γῇ , 
   χαῖρε , ὅτι τά ἐπίγεια , συγχορεύει οὐρανοῖς · 
χαῖρε , τῶν Ἀποστόλων τό ἀσίγητον στόμα , 
   χαῖρε , τῶν Ἀθλοφόρων τό ἀνίκητον θάρσος · 
χαῖρε , στερρόν τῆς πίστεως ἔρρεισμα , 
   χαῖρε , λαμπρόν τῆς χάριτος γνώρισμα · 
χαῖρε , δι ᾿ ἧς ἐγυμνώθη ὁ ἅδης , 
   χαῖρε , δι ᾿ ἧς ἐνεδύθημεν δόξαν ·
 
                         χ α ῖ ρ ε , Ν ύ μ φ η Ἀ ν ύ μ φ ε υ τ ε 
Θεοδρόμον ἀστέρα , θεωρήσαντε Μάγοι , τῇ τούτου ἠκολούθησαν αἴγλῃ , καί ὡς λύχνον κρατοῦντες αὐτόν , δι
᾿ αὐτοῦ ἠρεύνων κραταιόν ἄνακτα , καί φθάσαντες τόν ἄφθαστον , ἐχάρησαν αὐτῷ βοῶντες 
 
                              Ἀ λ λ η λ ο ύ ϊ α 
Ἴδον παῖδες Χαλδαίων , ἐν χερσί τῆς ΠΑΡΘΕΝΟΥ , τόν πλάσαντα χειρί τούς ἀνθρώπους , καί Δεσπότην νοοῦντες αὐτόν , εἰ καί δούλου
ἔλαβεν μορφήν  , ἔσπευσαν τοῖς δώροις θεραπεῦσαι , καί βοῆσαι τῇ Εὐλογημένῃ · 
 
χαῖρε , ἀστέρος ἀδύτου Μήτηρ , 
   χαῖρε , αὐγή μυστικῆς ἡμέρας · 
χαῖρε , τῆς ἀπάτης τήν κάμινον σβέσασα , 
   χαῖρε , τῆς Τριάδος , τούς μύστας φωτίζουσα · 
χαῖρε , τύραννον ἀπάνθρωπον ἐκβαλοῦσα τῆς ἀρχῆς , 
   χαῖρε , Κύριον φιλάνθρωπον , ἐπιδείξασα  Χριστόν · 
χαῖρε , ἡ τῆς βαρβάρου λυτρουμένη θρησκείας, 
   χαῖρε , ἡ τῆς βορβόρου , ρυομένη τῶν ἔργων · 
χαῖρε , πυρός προσκύνησιν παύσασα , 
   χαῖρε , φλογός παθῶν ἀπαλλάττουσα · 
χαῖρε , πιστῶν ὁδηγέ σωφροσύνης , 
   χαῖρε , πασῶν γενεῶν εὐφροσύνη · 
 
                  χ α ῖ ρ ε , Ν ύ μ φ η Ἀ ν ύ μ φ ε υ τ ε  ....
Κήρυκες ​θεοφόροι , γεγονότες οἱ Μάγοι , ὑπέστρεψαν εἰς τήν Βαβυλῶνα · ἐκτελέσαντες σου τόν χρησμόν , καί
κηρύξαντες σε τόν Χριστόν ἅπασιν , ἀφέντες τόν Ἡρώδην ὡς ληρώδην , μή εἰδότα ψάλλειν · 
 
                         Ἀ λ λ η λ ο ύ ϊ α 
Λάμψας ἐν τῇ Αἰγύπτῳ , φωτισμόν ἀληθείας , ἐδίωξας τοῦ ψεύδους τό σκότος · τά γάρ εἴδωλα ταύτης Σωτήρ , μή ἐνέγκατά σου τήν ίσχύν
πέπτωκεν , οἱ τούτων δέ ρυσθέντες ἐβόων πρός τήν ΘΕΟΤΟΚΟΝ · 
 
χαῖρε , ἀνόρθωσις τῶν ἀνθρώπων , 
   χαῖρε , κατάπτωσις τῶν δαιμόνων · 
χαῖρε , τῆς ἀπάτης τήν πλάνην πατήσασα , 
   χαῖρε , τῶν εἰδόλων τόν δόλον ἐλέγξασα · 
χαῖρε , θάλασσα ποντίσασα Φαραώ τόν νοητόν , 
   χαῖρε , πέτρα ἡ ποτίσασα , τούς διψόντας τήν ζωήν ·
χαῖρε , πύρινε στῦλε , ὁδηγῶν τούς ἐν σκότει , 
   χαῖρε , σκέπη τοῦ κόσμου , πλατυτέρα νεφέλης · 
χαῖρε , τροφή τοῦ μάννα διάδοχε , 
   χαῖρε , τρυφῆς ἁγίας διάκονε ` 
χαῖρε , ἡ γῆ τῆς ἐπαγγελίας , 
   χαῖρε , ἐξ ᾿ ἧς ρέει , μέλι καί γάλα · 
 
             χ α ῖ ρ ε , Ν ύ μ φ η Ἀ ν ύ μ φ ε υ τ  ε · 
Μέλλοντος Συμεῶνος , τοῦ παρόντος αἰῶνος , μεθίστασθαι τοῦ ἀπατεῶνος , ἐπεδόθης ὡς βρέφος αὐτῷ , ἀλλ ᾿
ἐγνώσθης τούτῳ καί Θεός τέλειος , διόπερ ἐξεπλάγη Σου , τήν ἄρρητον σοφίαν κράζων 
        
                          Ἀ λ λ η λ ο ὐ ϊ α 
 ΣΤΑΣΙΣ   Γ ΄       
 

Νέαν ἔδειξεν κτίσιν , ἐμφανίσας ὁ Κτίστης , ἡμῖν τοῖς ὑπ ᾿ αὐτοῦ γενομένοις · ἐξ ᾿ ἀσπόρου βλαστήσας γαστρός , καί φυλάξας ταύτην ὥσπερ ἦν
ἄφθορον , ἵνα τό θαῦμα βλέποντες , ὑμνήσωμεν αὐτήν βοῶντες · 
 

χαῖρε , τό ἄνθος τῆς ἀφθαρσίας , 

   χαῖρε , τό στέφος τῆς ἐγκρατείας · 
χαῖρε , ἀναστάσεως τῦπον ἐκλάμπουσα , 
   χαῖρε , τῶν Ἀγγέλων τόν βίον ἐμφαίνουσα · 
χαῖρε , δένδρον ἀγλαόκαρπον ἐξ᾿ οὗ τρέφονται πιστοί , 
   χαῖρε , ξύλον εὐσκιόφυλλον ὑφ ᾿ οὗ σκέπονται πολλοί · 
χαῖρε , κυοφοροῦσα ὁδηγόν πλανωμένοις , 
   χαῖρε , ἀπογεννῶσα λυτρωτήν αἰχμαλώτοις · 
χαῖρε , Κριτοῦ δικαίου δυσώπησις , 
   χαῖρε , πολλῶν πταιόντων συγχώρησις · 
χαῖρε , στολή τῶν γυμνῶν παρρησίας, 
   χαῖρε , στοργή πάντα πόθον νικῶσα · 
 
           χ α ῖ ρ ε , Ν ύ μ φ η Ἀ ν ύ μ φ ε υ τ ε . 
Ξένον τόκον ἰδόντες , ξενωθῶμεν τοῦ κόσμου , τόν νοῦν εἰς οὐρανόν μεταθέντες · διά τοῦτο γάρ , ὁ ὑψηλός
Θεός , ἐπί γῆς ἐφάνη ταπεινός ἄνθρωπος , βουλόμενος ἑλκῦσαι πρός τό ὕψος τούς αὐτῷ βοῶντας · 
 
                            Ἀ λ λ η λ ο ύ ϊ α 
Ὅλος ἦν ἐν τοῖς κάτω , καί τῶν ἄνω οὐδόλως ἀπῆν ὁ ἀπερίγραπτος Λόγος · συγκατάβασις γάρ θεϊκή , οὐ μετάβασις δέ τοπική γέγονεν , καί
τόκος ἐκ ΠΑΡΘΕΝΟΥ θεολήπτου ἀκουούσης ταῦτα · 
 
χαῖρε , Θεοῦ ἀχωρήτου χώρα , 
   χαῖρε , σεπτοῦ μυστηρίου θύρα · 
χαῖρε , τῶν ἀπίστων ἀμφίβολλον ἄκουσμα , 
   χαῖρε , τῶν πιστῶν , ἀναμφίβολον καύχημα · 
χαῖρε , ὄχημα πανάγιον τοῦ ἐπί τῶν Χερουβίμ , 
   χαῖρε , οἴκημα πανάριστον , τοῦ ἐπί τῶν Σεραφίμ · 
χαῖρε , ἡ ταναντία εἰς ταυτό ἀγαγοῦσα , 
   χαῖρε , ἡ παρθενίαν καί λογχείαν ζευγνῦσα · 
χαῖρε , δι ᾿ ἧς ἐλύθη παράβασις , 
   χαῖρε , δι ᾿ἧς ἠνοίχθη παράδεισος · 
χαῖρε , ἡ κλείς τῆς Χριστοῦ βασιλείας , 
   χαῖρε ,  ἐλπίς ἀγαθῶν αἰωνίων 
 
                χ α ῖ ρ ε , Ν ύ μ φ η  Ἀ ν ύ μ φ ε υ τε 
Πᾶσα φύσις Ἀγγέλων κατεπλάγη , τό μέγα τῆς Σῆς ἐνανθρωπήσεως ἔργον · τόν ἀπρόσιτον γάρ ὡς Θεόν ,
ἐθεώρει πᾶσιν προσιτόν ἄνθρωπον , ἡμῖν μέν συνδιάγοντα , ἀκούοντα δέ παρά πάντων οὕτως · 
 
                       Ἀ λ λ η λ ο ύ ϊ α 
Ρήτορας πολυφθόγγους , ὡς ἰχθύας ἀφώνους , ὁρῶμεν ἐπί Σοί ΘΕΟΤΟΚΕ · ἀποροῦσι γάρ λέγειν , τό πῶς καί ΠΑΡΘΕΝΟΣ
μένεις , καί τεκεῖν ἴσχυσας , ἠμεῖς δέ τό μυστήριον θαυμάζοντες  πιστῶς βοῶμεν · 
 

χαῖρε , σοφίας Θεοῦ δοχεῖον , 

   χαῖρε , προνοίας αὐτοῦ ταμεῖον · 
χαῖρε , φιλοσόφους ἀσόφους δεικνύουσα , 
   χαῖρε , τεχνολόγους , ἀλόγους ἐλέγχουσα · 
χαῖρε , ὅτι ἐμωράνθησαν οἱ δεινοί συζητηταί , 
   χαῖρε , ὅτι ἐμαράνθησαν , οἱ τῶν μύθων ποιηταί ·
χαῖρε , τῶν Ἀθηναίων τάς πλοκάς διασπῶσα , 
   χαῖρε , τῶν ἁλιέων τάς σαγήνας πληροῦσα · 
χαῖρε , βυθοῦ ἀγνοίας ἐξέλκουσα , 
   χαῖρε , πολλούς ἐν γνώσει φωτίζουσα · 
χαῖρε , ὁλκάς τῶν θελόντων σωθῆναι , 
   χαῖρε , λιμήν τῶν τοῦ βίου πλωτήρων · 
 
        χ α ῖ ρ ε , Ν ύ μ φ η Ἀ ν ύ μ φ υ τ ε 
Σῶσαι θέλων τόν κόσμον , ὁ τῶν ὅλων κοσμήτωρ , πρός τοῦτον αὐτεπάγγελτος ἦλθεν · καί ποιμήν ὑπάρχων ὡς
θεός , δι ᾿ ἡμᾶς ἐφάνη καθ ᾿ ἡμᾶς ἄνθρωπος , ὁμοίῳ γάρ τό ὅμοιον καλέσας ,  ὡς Θεός ἀκούει · 
 
                 Ἀ λ λ η λ ο ύ ϊ α
           ΣΤΑΣΙΣ    Δ΄
 

Τεῖχος εἶ τῶν παρθένων , ΘΕΟΤΟΚΕ ΠΑΡΘΕΝΕ , καί πάντων τῶν εἰς Σέ προστρεχόντων , ὁ γάρ τοῦ οὐρανοῦ καί τῆς γῆς ,
κατασκεύασέ Σε ποιητής Ἄχραντε , οἰκήσας ἐν τῇ μήτρᾳ Σου , καί πάντας Σοι προσφωνεῖν διδάξας · 
 

χαῖρε , ἡ στήλη τῆς παρθενίας, 

   χαῖρε , ἡ πύλη τῆς σωτηρίας · 
χαῖρε , ἀρχηγέ νοητῆς ἀναπλάσεως , 
   χαῖρε , χορηγέ θεϊκῆς ἀγαθότητος · 
χαῖρε , Σύ γάρ ἀναγέννησας τούς συλληφθέντας αἰσχρῶς , 
   χαῖρε , Σύ γάρ ἐνουθέτησας , τούς συληφθέντας τόν νοῦν · 
χαῖρε , ἡ τόν φθορέα τῶν φρενῶν καταργοῦσα , 
   χαῖρε , ἡ τόν σπορέα τῆς ἁγνείας τεκοῦσα · 
χαῖρε , παστάς ἀσπόρου νυμφεύσεως , 
   χαῖρε , πιστούς Κυρίῳ ἁρμόζουσα · 
χαῖρε , καλή κουροτρόφε παρθένων , 
   χαῖρε  , ψυχῶν νυμφοστόλε Ἁγίων · 
 
                χ α ῖ ρ ε , Ν ύ μ φ η Ἀ ν ύ μ φ ε υ τ ε  
Ὕμνος ἅπας ἠττᾶται , συνεκτείνεσθαι σπεύδων , τῷ πλήθει τῶν πολλῶν οἰκτιρμῶν Σου · ἰσαρίθμους γάρ τῇ
ψάμμῳ ὠδάς , ἄν προσφέρονμεν Σοι Βασιλεῦ Ἅγιε , οὐδέν τελοῦμεν ἄξιον , ὧν δέδωκας ἡμῖν , τοῖς Σοί βοῶσιν
· 
 
                              Ἀ λ λ η λ ο ύ ϊ α 
Φωτοδόχον λαμπάδα , τοῖς ἐν σκότει φανεῖσαν , ὁρῶμεν τήν Ἁγίαν ΠΑΡΘΕΝΟΝ · τό γάρ ἄϋλον ἅπτουσα φῶς  , ὁδηγεῖ πρός γνῶσιν
θεϊκήν ἅπαντας , αὐγῆ τόν νοῦν φωτίζουσα , κραυγῆ δέ τιμωμένῃ ταῦτα · 
 
χαῖρε , ἀκτίς νοητοῦ ἡλίου , 
   χαῖρε , βολίς τοῦ ἀδύτου φέγγους · 
χαῖρε , ἀστραπή τάς ψυχάς  καταλάμπουσα , 
    χαῖρε , ὡς βροντή τούς ἐχθρούς καταπλήττουσα · 
χαῖρε , ὅτι τόν πολύφωτον ἀνατέλεις φωτισμόν , 
   χαῖρε , ὅτι τόν πολύρρυτον ἀναβλύζεις ποταμόν · 
χαῖρε , τῆς κολυμβήθρας ζωγραφοῦσα τόν τῦπον , 
   χαῖρε , τῆς ἁμαρτίας ἀναιροῦσα τόν ρύπον · 
χαῖρε , λουτήρ ἐκπλύνων συνείδησιν , 
   χαῖρε , κρατήρ κιρνῶν ἀγαλλίασιν · 
χαῖρε , ὁσμή τῆς Χριστοῦ εὐωδίας,
   χαῖρε , ζωή , μυστικῆς εὐωχίας · 
 
     χαῖρε,Νύμφη Ἀνύμφευτε.
Χάριν δοῦναι θελήσας ὁφλημάτων ἀρχαίων , ὁ πάντων χρεωλύτης ἀνθρώπων  , ἐπεδήμησεν πρός τούς
ἀποδήμους , τῆς αὐτοῦ χάριτος , καί σχίσας τό χειρόγραφον , ἀκούει παρά πάντων οὕτως ·
 
                           Ἀ λ λ η λ ο ύ ϊ α 
Ψάλλοντες Σου τόν τόκον , ἀνυμνοῦμεν Σε πάντες , ὡς ἔμψυχον ναόν ΘΕΟΤΟΚΕ · ἐν τῇ Σῇ γάρ , οἰκήσας γαστρί , ὁ συνέχων πάντα τῇ
χειρί Κύριος ,ἡγίασεν , ἐδόξασεν , ἐδίδαξεν βοᾶν Σοι πάντας ·
 
χαῖρε , σκηνή τοῦ Θεοῦ καί Λόγου , 
   χαῖρε , Ἁγία , ἁγίων μείζων · 
χαῖρε , κιβωτέ χρυσωθεῖσα τῷ πνεύματι , 
   χαῖρε , θησαυρέ τῆς ζωῆς ἀδαπάνητε · 
χαῖρε , τίμιον διάδημα βασιλέων εὐσεβῶν , 
   χαῖρε , καύχημα σεβάσμιον , ἱερέων εὐλαβῶν ·
χαῖρε , τῆς Ἐκκλησίας ὁ ἀσάλευτος πύργος , 
   χαῖρε , τῆς βασιλείας τό ἀπόρθητον τεῖχος · 
χαῖρε , δι ᾿ ἧς ἐγείρονται τρόπαια , 
   χαῖρε , δι ᾿ ἧς ἐχθροί καταπίπτουσιν · 
χαῖρε , χρωτός τοῦ ἑμοῦ θεραπεία , 
   χαῖρε , ψυχῆς τῆς ἑμῆς  σωτηρία · 
 
                 Χ α ῖ ρ ε , Ν ύ μ φ η Ἀ ν ύ μ φ ε υ τ ε ...
Ὤ !!! ΠΑΝΥΜΝΗΤΕ ΜΗΤΕΡ , ἡ τεκοῦσα τόν πάντων ἁγίων , ἁγιώτατον Λόγον (τρίς) , δεξαμένη τήν νῦν
προσφοράν , ἀπό πάσης ρῦσαι συμφορᾶς ἅπαντας , καί τῆς μελλούσης λύτρωσαι κολάσεως τούς Σοί βοῶντας ·
 
                                     Ἀ λ λ η λ ο ύ ϊ α 
Ἄγγελος πρωτοστάτης , οὐρανόθεν ἐπέμφθη εἰπεῖν τῆ ΘΕΟΤΟΚῼ τό χαῖρε , καί σύν τῇ ἀσωμάτῳ φωνῇ , σωματούμενον Σε θεωρῶν 
Κύριε , ἐξίστατο , καί ἵστατο κραυγάζων πρός αὐτήν τοιαῦτα ·
 
χαῖρε , δι ᾿ ἧς ἡ χαρά ἐκλάμψει ,    
   χαῖρε , δι ᾿ ἧς ἡ ἀρά έκλείψει · 
χαῖρε , τοῦ πεσόντος Ἀδάμ ἡ ἀνάκλησις ,
χαῖρε , τῶν δακρύων τῆς Εὔας ἡ λύτρωσις ·
χαῖρε , ὕψος δυσανάβατον ἀνθρωπίνοις λογισμοῖς , 
   χαῖρε , βάθος δυσθεώρητον , καί Ἀγγέλων ὀφθαλμοῖς ·
χαῖρε , ὅτι΄ὑπάρχεις , Βασιλέως καθέδρα , 
   χαῖρε , ὅτι βαστάζεις ,  τόν βαστάζοντα πάντα · 
χαῖρε , ἀστήρ ἐμφαίνων τόν ἥλιον ,
    χαῖρε , γαστήρ ἐνθέου σαρκώσεως ·
χαῖρε , δι ᾿ ἧς νεουργεῖται ἡ κτίσις , 
   χαῖρε , δι ᾿ ἧς βρεφουργεῖται ὁ Κτίστης · 
 
       Χ α ῖ ρ ε , Ν ύ μ φ η  Ἀ ν ύ μ φ ε υ τ ε ...
Καί πάλιν τό : 
  
  Τῇ Ὑπερμάχῳ Στρατηγῷ τά νικητήρια , 
   ὡς λυτρωθεῖσα τῶν δεινῶν , εὐχαριστήρια , 
   ἀναγράφω Σοι ἡ πόλις Σου ΘΕΟΤΟΚΕ ` 
   ἀλλ ᾿ ὡς ἔχουσα τό κράτος ἀπροσμάχητον , 
   ἐκ παντοίων με κινδύνων ἐλευθέρωσον , 
   ἵνα κράζω Σοι ` χαῖρε , Νύμφη Ἀνύμφευτε .
 
καί τό :...
  Ἄξιον ἐστίν ὡς ἀληθῶς , μακαρίζειν Σε τήν ΘΕΟΤΟΚΟΝ , τήν Ἀειμακάριστον , καί Παναμώμητον , καί
Μητέρα τοῦ Θεοῦ ἡμῶν · τήν Τιμιωτέραν τῶν Χερουβίμ , καί ἐνδοξωτέραν ἀσυγκρίτως τῶν Σεραφίμ , τήν
ἀδιαφθόρως , Θεόν Λόγον τεκοῦσαν , τήν ὄντως ΘΕΟΤΟΚΟΝ , Σέ μεγαλύνωμεν ... 
Καί τό :
Τήν ὡραιότητα τῆς παρθενίας Σου , καί τό ὑπέρλαμπρον τό τῆς ἁγνείας Σου , ὁ Γαβριήλ καταπλαγείς ἐβόα Σοι
ΘΕΟΤΟΚΕ , ποῖον Σοι ἐγκώμιον προσαγάγω ἐπάξιον , τί δε ὀνομάσω σε , ἀπορῶ και ἐξίσταμαι · διό , ὡς
προσετάγην βοῶν Σοι · χαῖρε , ἡ Κεχαριτωμένη .
 
ὁμοίως τό , πολλά ἀγαπητό εἰς τήν ΠΑΝΑΓΙΑΝ :... 
ΘΕΟΤΟΚΕ ΠΑΡΘΕΝΕ , χαῖρε , Κεχαριτωμένη ΜΑΡΙΑ , ὁ Κύριος μετά Σοῦ · Εὐλογημένη Σύ ἐν γυναιξίν , καί
εὐλογημένος , ὁ καρπός τῆς κοιλίας Σου , ὅτι Σωτῆρα ἔτεκες τῶν ψυχῶν ἡμῶν... (τρίς , ἤ ὅσας βούλεται ἕκαστος ) 
Δόξα Πατρί καί Υἱῷ  καί Ἁγίῳ Πνεύματι · καί νῦν , καί ἀεί , καί εἰς τούς αἰῶνας τῶν αἰώνων . ἀμήν .
 
Δι ᾿ εὐχῶν τῶν ἁγίων πατέρων ἡμῶν , Κύριε, Ἰησοῦ Χριστέ , ὁ Θεός ἡμῶν , ἐλέησον , καί σῶσον ἡμᾶς ,   ἀμήν ....
 
Δόξα Σοι Μῆτερ τοῦ Θεοῦ , δόξα Σοι ΠΑΝΑΓΙΑ, 
εὐχαριστοῦντες , προσκυνοῦμεν Σε ΜΗΤΕΡΑ τοῦ Ὑψίστου ...