Etimologji[Redakto 

| Redakto nëpërmjet kodit]

Edhe pse e propozuar për herë të parë në vitin 1956, termi "shkenca kompjuterike" shfaqet në një
artikull të vitit 1959 në gazetën “Communications of the ACM” , në të cilin Louis Fein argumenton
krijimin e një shkolle për Shkenca Kompjuterike analoge ne shkollën e Harvardit për biznes në
1921, duke justifikuar emrin duke argumentuar se, si shkenca e menaxhimit , lënda është aplikuar
dhe ndërdisiplinore në natyrë, ndërsa ka karakteristikat tipike të disiplinës akademike. Përpjekjet e
tij dhe ato të të tjerëve si analisti numerik George Forsythe u shpërblehen: universitetet vazhdonin
të krijonin programe të tilla, duke filluar me Purdue në vitin 1962. Pavarësisht nga emri i saj, një
sasi e konsiderueshme e shkencave kompjuterike nuk përfshin studimin e vetë kompjuterave. Për
shkak të kësaj, janë propozuar disa emra alternativë. Disa departamente të universiteteve kryesore
preferojnë termin shkencë informatike, për të theksuar pikërisht këtë ndryshim. Studiuesi danez 
Peter Naur sugjeroi termin datalogjik(datalogy) për të pasqyruar faktin se disiplina shkencore sillet
rreth të dhënave dhe trajtimit të të dhënave, duke mos përfshirë domosdoshmërisht kompjuterat.
Institucioni i parë shkencor që ka përdorur këtë term ishte Departamenti i Datalogjisë në
Universitetin e Kopenhagës, i themeluar në 1969, ku Peter Naur ishte profesor i parë në datalogji.
Termi përdoret kryesisht në vendet skandinave. Një term alternativ, i propozuar gjithashtu nga
Nauri, është shkenca e të dhënave(data science) ,kjo është duke u përdorur tani për një fushë të
veçantë të analizës së të dhënave, duke përfshirë statistikat dhe bazat e të dhënave.