ti Elementaria. Siak ni Sir Wilbert nga mangbayabay kanyayo iti Physical Education Grade 3. Ita nga aldaw ket intayo adalen ken amuen maipanggep ti naduma-duma a sukog iti bagi nangnangruna unay dagiti posisyon ken garaw a mabalin nga aramiden no nakatakder. Siguradwenyo nga nakasagana kayo iti daytoy nga leksion ken nakaaramat kayo ti sports attire tapno komportable kayo nga aramiden dagiti pagsanayan. Ania kadi dagiti ehersisio nga intay aramiden? Kayatyo kadi a maamwan? Intayo ngarud rugianan daytoy nga leksion. Surutenyo dagiti maaramid a pagsanayan. Mingmingan dagiti ladawan ket aramiden dagitoy babaen ti tulong ni tatang wenno ni nanang. sungbatan dagiti suma saludsod No simmaranta ka, nakasagana kan iti sumaruno nga aramiden tayo itatta nga aldaw. Kayatmo kadi ti agkanta? Buyaen ken kantaen ti video a kadua ti siasinuman a kabbalaymo ken aramiden ti maiyannatup a garaw na. Namayat kadi detoy nga kanta ubbing? Ti panagaramid ti sukog ket makapasalun-at ken papintasen na ti postura iti bagi tayo ubbing. Dagitoy ket mabukel babaen ti panagunnat, panagkillo, panagtiritir wenno panagkukot ti naduma-duma a paset ti bagitayo kas koma iti ima, saka, ulo, takyag, abaga ken dadduma pay. Nakurangan kayo py ubbing ti inaramidtayo nga pagsanayan? Kayatyo pay ti maysa? Sige ngarud ubraentayo ti sumaruno nga pagsanayan. Ti paulo ti pagsanayan tayo ket POPCORN. Babaen ti panangbayabay ti natataeng ngem sika, ubraem dagiti garaw a maiyannatop iti ibagbaga na. Laglagipen: Ti bagi tayo ket makabukel ti nadumaduma a sukog babaen ti panagunnat, panagkillo, panagtiritir ken panagkukot. No maigaraw mo ti bagim ken makaporma ka ti sukog iti naduma- duma a wagas, manamnama nga ayatem ti ag-ehersisio ken mapatalinaed iti kinasalun-at ti bagim. Naawatanyo met laeng ti leksion tayo ubbing? Adda ngarud aramiden tayo. Nakasagana kayo Kadin? No naaramidyo dagiti nadumduma a garaw, nalaing kayo ngarud ket naawatanyo ti leksion. Tatta intayon rukuden no naawatanyo ti leksion tayo babaen ti maudi nga pagsanayan. Nakasagana kayon? Denggen a nasayaat ti palakpak ti maysa a kabbalaymo ket alistuam nga aramiden dagiti sumaganad a garaw a maiyannatop ti kada palakpak: Tatta alaen ti notbuk mo ket ikkan ti tsek ti umno wenno ti batog a maiyannatop a kabaelam ti epakitak nga checklist. Kablaawan kayo ubbing ta naturposyo daytoy leksion tayo. Sapay koma ta adu ti nasursuroyo ken kanayon a nasalun-at kayo. Manen siak ni Sir Wilbert a mangibati ti pagsasao nga “Exercise and stay healthy”.