Ti Ina a Baket

a Balasang
Sarita Leila P. Areola, Ph.D.
Nabaketan a balasang ni Innok Kallang. Awan
kadkadduana idiay balayda no di laeng ti inana a ni
Lelang Ippit.
Nadekket dagiti kaaanakanna kenkuana. Nadungngo
met ni Innok Kallang kadakuada nangnangruna kenni
Lallay. Anak ni Nana Bibing ni Lallay a kabsat ni
Innok Kallang.
Nakurapay dagiti nagannak ni Lallay. Isu’t
gapuna nga innalana ni Lallay a tagibien.
Manipud idin ket isunan ti pannakaina ni Lallay.
Naanus ni Innok Kallang a nangtagibi kenni
Lallay. Daytoy met ti gapuna a dimmakkel
natulnog ni Lallay.
Itugtugot ni Innok Kallang ni Lallay
no mapan idiay dapon.
Umip-ipus met a kanayon ni Lallay
kenkuana no mapanda aglaba kenni Lelang
Ippit diay karayan.
Gapu ta surot daytoy, linlinunganna pay ti
bulong ti annaaw no agtudo iti pagsikkaan.
Sinursurruan ni Innok Kallang ni Lallay nga
agtrabaho isu a dimmakkel a naayat ken nanakem
nga ubing daytoy.