PRAYER OF CONSECRATION

Himayaon ka,
Sr. San Jose,
Tigpanalipod sa
Manluluwas, Esposo sa
Bulahan nga Birhen
Maria
 ang Dios atong
Amahan, mihatag
kanimo sa Iyang
Bugtong Anak.
 Diha kanimo,
misalig si Maria;
uban kanimo
nahimong tawo si
Jesukristo.
 Ikaw nakig-uban
kang Jesukristo
ug sa Bulahan nga
Inahan.
 Naghatag kami sa
among pagdayeg
uban sa tinuod nga
gugma ug pagtahod.
 Gipili ka namo karong
adlawa aron
mahimong among
amahan, among
tigpanalipod ug among
manlalaban.
 Ang Dios among
Amahan, mitugot
kanamo sa pagsaulog
niining tuiga nga
gigahin alang sa imong
kadungganan
 ingon man usab sa
malipayong pagsaulog
sa ika 500 nga
kasumaran sa
Kristianismo sa among
nasud.
 Uban sa
mapasalamaton nga
kasingkasing giila ka
namo nga dakong gasa
gikan sa Dios alang
kanamo,
aron mahimong among
kauban, magtutudlo,
sumbanan ug
tigpanalipod niining
Tuig sa Jubiliyo.
 Midangop kami
kanimo aron among
ihalad ang among
katawhan, ang
Simbahan sa
Pilipinas,
 ang among
Diyosesis sa Surigao,
ang among mga
parokya ug ang mga
pamilya.
 Uban sa Amahanong
gugma ug pag-atiman,
imong gihatag ug
gimugna ang kinabuhi
sa Balaang Banay sa
Nazareth.
 Mapaubsanon
kaming mohangyo
kanimo nga imong
panalanginan ang
among mga
paningkamot,
 ug tabangi kami sa
pagmugna sa
simbahan,
ang lawas ni Kristo,
diha sa masinugtanong
pagtoo, way paglubad
nga gugma ug dili
matarog nga paglaum,
diha sa among
mahigugmaong
Amahan.
Kanunay ka’ng andam
sa pagpaminaw ug
pagsugot sa kabubut-
on sa Amahan ug
nanalipod ka kang
Jesus sa tanang
kakuyaw.
 Ipahilayo kami sa
tanang kadautan nga
magguba sa mga mithi
sa Ebanghelyo ug mga
pagtulun-an sa among
nasud.
 Panalipdi kaming
tanan diha sa among
pagpakigbugno batok
sa moralidad ug mga
pisikal nga kasakitan
sa katilingban.
Among gisalig kanimo
ang tanan namong
mga pangandoy ug
mga damgo nga
magdala kanamo sa
kaluwasan.
 Among gisalig
kanimo ang tanang
mga pamilya,
ug ang tanang mga
amahan;
 nga sila unta,
magmatinud-anon sa
ilang tawag nga
nagsalamin sa gugma
sa atong langitnong
Amahan.
Gisalig namo kanimo,
ang tanan namong
mga buluhaton, aron
pagtabang sa among
mga kaigsoonan diha
sa ilang mga pag-
antus.
Kanimo Sr. San Jose,
uban ni Jesus ug
Maria, among gihalad
ang among lawas ug
kalag, uban sa tanan
namong mga na-
angkon ug nadawat.
 Kanimo Sr. San Jose,
alang kanamo, ipakita
usab ang imong
pagka-amahan. Giyahi
kami sa dalan sa
kinabuhi.
 Nagahangyo kami sa
imong pangama alang
sa mga grasya, kalooy
ug kaisog, ug panalipdi
kami sa tanang
dautan. Amen.
 HIMNO NI SAN JOSE

O Senyor San Jose,

matarong ka gayud
Ang imong
kinabuhi, santos
nga matuod. 
 O Senyor San Jose,
nakita ka nga takus
Gi-isip nga
Magbalantay sa bata
nga si Jesus.
  O Senyor
San Jose Esposo
ka nga putli
Sa Inahan sa Dios,
putli-on mo kami.
 O Senyor San Jose,
bantayan mo kami
Sa among
kamatayon, labanan
mo kami.