Шернур муниципал районысо

«Ким Васин лӱмеш Шернур рӱдераҥдыме книгагудо-влак»

муниципал бюджет тӱвыра тöнеж
Шернур рӱдö книгагудо
Краеведений сектор

Мый илышым гына

возенам
70 ий лӱмгече вашеш виртуальный
книга выставке

пгт. Шернур, 2020

 Илибаева Мария Каликаевнан
70 ий лӱмгечыжлан пöлеклалтше
виртуальный книга выставкым ончаш
темлена.
Авторын книга-влакшым Шернур рӱдö
библиотекын фондыштыжо муаш
лиеш.
 Илибаева
Мария Каликаевна

•марий серызе, 
•журналист, 
•Туныктышо,
•Россий серызе-влак
ушемын йыжъеҥже
(2000),
•Марий Эл Республикын
Калык серызыже (2018)

1950-2020
 «Кечан ӱмылыштö” – авторын
икымше книгаже. Романыште ик
пашазе коллективын саманна
вашталташ тӱҥалме жапысе
илышыже кумдан сӱретлалтеш.
Автор шкежат ятыр ий нунын
коклаште тыршен. Садланак герой-
влакын койыш-шоктышыштым,
илыш тургымыштым
ӱшандарышын, раш да келгын
почын пуа.

Илибаева, М.К. Кечан ӱмылыштö [Текст]: роман / М.К.

Илибаева. – Йошкар-Ола: Марий книга савыктыш,
1994. – 264 с.
 Марий сылнымутышто шке
вержым мушо тиде автор
айдемын кумыл толкынжым,
шӱм-чон поянлыкшым моткоч
тӱткын эскерен мошта. Повесть
ден ойлымаш-влак чатка
сюжет, проста йылме дене, а
тӱҥжö – шонаш таратыше
кумыл дене ойыртемалтыт.

Илибаева, М.К. Кумыл [Текст]: повесть ден ойлымаш-

влак / М.К. Илибаева. – Йошкар-Ола: Марий книга
савыктыш, 2003. – 192 с.
«Шÿдö йолташ» йомак книга,
садик да изирак классыште
тунемше йоча-влаклан

Илибаева, М.К. Шӱдӧ йолташ [Текст]: сказки / М.К.

Илибаева. – Йошкар-Ола: Издательство ОАО «МПИК»,
2016. – 55 с.
«Мыскара аршаш» книга икмыняр
ужаш гыч шога. Мутлан, авторын
«Калыкмутыш ешартыш-влакше»
марий литературышто у жанр, у
шомак семын палдырнат. Авторын
шке ойжым кызытсе саманлан
келыштарен ешарымыжлан кöра
ондаксе калыкмут, шиждеак, шке
акшым, кӱлешлыкшым йомдара.
Чыла тидым автор возымашкыже
мыскара шӱлышым шыҥдарен
ышта.
Илибаева, М.К. Мыскара аршаш [Текст]: ойлымаш,
манеш-манеш лапчык, калыкмутыш ешартыш-влак /
М.К. Илибаева. – Йошкар-Ола, 2009. – 128 с.
«Кугу тӱня — шыгыр тӱня» — пел курым утла
жапым авалтыше кумда философиян
роман-тетралогий. Действий-влак
утларакше Пошкырт ден Марий
кундемлаште эртат.
Айдемын ош тӱняшке молан толмыж
нерген йодыш роман мучко йош­кар шӱртӧ
семын шуйна. Тиде шӱртӧ кажне геройын
пӱрымашыж гоч эрта да тудын молан ты
тӱняште улмыжым рашемдаш полша.
Романыште пел курым утла жапысе тӱрлӧ
саманын сынжым, кажне саманыште
власть кучемысе оза-влакын тыглай еҥын
илышыштыже сай-уда палым кодымыштым
ужына.

Илибаева, М.К. Кугу тӱня – шыгыр тӱня [Текст]: ныл книган

роман / М.К. Илибаева. – Йошкар-Ола: Марий книга савыктыш,
2010. – 672 с.
 Пÿртÿс нерген шуко ойлена,
утларакшым тудым сеҥаш кÿлмö
шотышто. Молан сеҥыме, а
аралыме нерген огыл? Пÿртÿс
мыланна тушман мо? А ме шкеже
утларак сайын палена мо
суртвольык ден янлык-влакын
тÿняштым? Тиде книга да тудын
авторжо Мария Илибаева пÿртÿсыш,
янлык-влак тÿняшке окнам
кумданрак почаш полша.

Илибаева, М.К. Ужында, колында, могай нуно улыт!

[Текст] / М.К. Илибаева. – Йошкар-Ола: «Марий книга
издательстве» савыктыш пöрт, 2016. – 48 с.
Романыште тӱҥ шотышто ял илыш да у
саманыште яллан могай вер ойыралтме
нерген каласкалалтеш. Илышнан
глобализаций йыжыҥыш куснымыж
семын еҥ-влакын шӱм-чоныштышт,
ушыштышт могай вашталтыш-влак
эртымымат ужына. Книгам Марий Эл
Республикын «2013–2020 ийласе
жаплан Марий Эл Республикын
кугыжаныш национальный
политикыже» кугыжаныш программыж
почеш савыктыме.

Илибаева, М.К. Тиде ушдымо тӱняште [Текст]: роман /

М.К. Илибаева. – Йошкар-Ола: «Марий книга
издательстве» савыктыш пöрт, 2019. – 448 с.