Gladhen 1 : Mangerteni Perangane Crita Wacanen crita ing ngisor iki! Asal Usul Kutha Surabaya Dhek jaman semana, Baya sing panggone ana kali bengawan lagi golek pangan. Olehe golek pangan ora sengaja nganti tekan pesisir. Ing papan iku, Baya ketemu karo Iwak Sura sing uga lagi golek pangan. Rumangsa keganggu, Iwak Sura banjur ngelingake baya.” He...baya...karepmu iki apa? Kowe rak wis duwe papan dhewe. Kena apa kowe golek pangan nganti tekan kene? Apa kowe ora ngerti...yen papan iki isih klebu panguwasaku?” Baya ora kalah banter olehe mbengok,” Sura...kowe ngertia. Papanmu ana tengah segara. Dadi kowe ora duwe kuwasa menging aku golek pangan ana kene.” Saya suwe olehe bengkerengan saya rame, amarga rumangsa padha benere. Kewan loro mau banjur gelut, perang tanding nganti pirang-pirang dina. Wong-wong sacedhake pesisir sing padha meruhi perang tandhinge Iwak Sura karo Baya mau banjur padha bengok-bengok. “Ana Sura karo Baya.....ana Sura karo Baya....ana Sura karo Baya....” Mula suwene- suwe papan panggonan mau banjur karan Surabaya. Sawise kowaca, coba garapen perangane crita kaya tuladha ing ndhuwur Garapan Omah