B. Karangan Arguméntasi Karangan Arguméntasi nyaéta karangan anu eusina ngajéntrékeun bener henteuna hiji perkara dumasar kana alesan nu kuat. Karangan Arguméntasi biasana nerangkeun katerangan-katerangan nu dibarengan ku alesan-alesan nu dumasar kana fakta. Tujuan Karangan Arguméntasi Tujuan karangan arguméntasi nyaéta pikeun ngawawarkeun perkara anu manjing akal ( logis) sangkan nu maca percaya kana naon anu ditepikeun dina karangan. C. Rarangkén tukang –ning/-ing Rarangkén –ning /-ing nyaéta rarangkén nu sok ngabarengan atawa napel di tukangeun hiji kecap. Rarangkén –ning bakal napel kana kecap- kecap anu ditungtungan ku aksara hirup (vokal, nyaéta a, i ,u , é, o. Rangkenangkén –ing bakal napel kana kecap- kecap anu dituntungan ku aksara konsonan. Fungsi Rarangkén –ning/-ing Fungsi Rarangkén –ning/-ing nyaéta ngawangun kecap pancén anu hartina ngantebkeun. Conto Rarangkén –ning Eusining eusi + ning Jabaning jaba + ning Piraning pira + ning Rupaning rupa + ning kersaning kersa + ning Conto Rarangkén -ing Bakating bakat + ing Anaking anak + ing Tariking tarik + ing Mungguhing mungguh + ing Kalimah Aktif Kalimah Aktif nyaéta kalimah pagawéan anu jejerna nuduhkeun panglaku pagawéan anu kaungel Dina unsur caritaanna. Kalimah Aktif osok disebut kalimah migawé. Contona. 1. Dinda maca novel. 2. Ika mérésan buku. 3. Kang Mumuh niup suling. 4. Bu Sari melak tomat Kalimah Pasif Kalimah Pasif nyaéta kalimah pagawéan anu jejerna nuduhkeun nu ngarandapan Atawa nu kakeunaan pagawéan. Kalimah Pasif osok disebut kalimah dipigawé. Contonatona: 1. Hayam diparaban ku Pa Dedi. 2. Kembang dicebor ku Asih. 3. Buruan disapuan ku Bi Janah. 4. Runtah dipiceun ku Ujang. 5. Bonéka dibajuan ku Asih.