Catechesis 2:

GITAWAG SA PAGKABALAAN
Giandam ni Michael Jose Casano
GIPILI SA DIOS ARON MAHIMONG
BALAAN
 Unsa ang tawag sa atong pamilya? Si San Pablo,
nga gitawag sa Dios mihimo og lawom nga pag-
usab sa iyang kinabuhi – (cf. Buhat 9: 1-28) –
mahimong motubag sama niining mosunod:
 < Bulahan ang Ginoo […] kinsa nagpili kanato diha
kaniya, sa wala pa buhata ang kalibutan, aron
mahimo kitang balaan ug walay sala sa iyang
atubangan. Tungod sa gugma…> (Efeso 1: 3-4).
 Ang Pamilya natawo gikan sa desisyon sa usa ka
lalaki ug usa ka babaye nga magsugod sa usa ka
kasinatian sa kinabuhi nga hiusa, tinabangan sa
Grasya ni Kristo. Kung kini mahitabo, ang
kinabuhing minyo, nga puno sa mga kabag-ohan
ug mga bag-ong hagit sa kinabuhi nga atubangon,
maghimo alang sa mga magtiayon nga bag-ong
dalan alang sa ilang pagkabalaan ug usa ka
prebilihiyong dalan ngadto sa pagkabalaan,
sumala sa rito sa Kasal.
 Sa sama nga paagi, ang kinabuhi sa
pamilya, nga nabugkos sa mga relasyon,
usahay komplikado ug uban sa mga
relasyon nga dili kanunay sayon, mahimo
nga haum ug masayon nga kahimtang sa
pagpamalandong sa lihok sa Balaang
Espiritu sa Dios, nga makahimo sa pag-
usab sa kasingkasing sa tawo, mag-usab sa
ilang mga kinaiya ug maghimo sa mga
sakop sa pamilya nga mahigugma sama nga
si Kristo nahigugma.
ANG PAGKABALAAN: TAWAG ALANG
SA TANAN (Universal Call to Holiness)

 < Kay ako mao ang Ginoo nga inyong

Dios busa balaana ang inyong
kaugalingon kay ako balaan man >
(Leveticus 11:44)
 Si Papa Francisco, sa iyang apostolic
exhortation Gaudete et Exsultate, atol sa
ikatulo ka tuig sa iyang paglingkod isip Santo
Papa, nag-awhag sa matag tawo sa pagtubag sa
iyang kaugalingong tawag sa pagkabalaan.
Ang Ginoo dili motawag sa matag usa nga
wala niya mailhi ug walay pangalan, apan
iyang gitunol ang Iyang personal nga tawag
ngadto sa matag usa.
 Atong hatagan sa pagtagad ang pipila ka
mga pamalandong diin ang Santo Papa
nagpadayag sa klaro nga pagdapit nga
dili mahadlok modawat sa personal nga
tawag sa pagkabalaan.
 < Buot nakong pamalandongan ang pagkabalaan nga
naa sa […] katawhan sa Dios […]: sa mga ginikanan
nga nagpadako sa ilang mga anak uban ang dakong
gugma, sa mga lalaki ug babaye nga naningkamot
aron sa pagsuporta sa ilang mga pamilya, sa mga
masakiton […]. Kasagaran, kini nga pagkabalaan
atong Makita diha sa ‘atong mga silingan’, niadtong
nagpuyo sa atong taliwala nga nagpadan-ag sa
presensiya sa Dios. Mahimo nga tawgon nato sila
nga ‘anaa sa tunga – tunga nga hut-ong sa
pagkabalaan’> (Gaudete et Exsultate 7).
 < Tanang magtotoo, bisan unsa pa ang ilang
kahimtang ug estado, gitawag sa Dios – ang
matag usa sa iyang kaugalingon paagi – ngadto
sa hingpit nga pagkabalaan diin ang Amahan sa
Iyang kaugalingon hingpit ug balaan >.
(Gaudete et Exsultate 10).
 <‘Ang matag usa sa iyang kaugalingong
paagi’[…]. Ang mahinungdanon mao nga ang
matag magtotoo magsusi sa iyang
kaugalingong dalan, aron mapadayag ang
pinaka maayo sa ilang kaugalingon, ang
pinaka personal nga gasa nga gibutang sa Dios
sa ilang kasingkasing (1Cor. 12:7) imbes nga
mosundog, nga walay paglaum, sa usa ka butang
nga dili para nila > (Gaudete et Exsultate 11).
 < Aron mahimong balaan wala nagkinahanglan nga mahimong Obispo, pari o
usa ka relihiyoso. Kanunay kitang matental sa panghunahuna nga ang
pagkabalaan alang lamang niadtong makahimo pagpalayo gikan sa mga
ordinaryong kalihukan aron paggahin og dakong panahon sa pag-ampo. Dili
kini mao ang tumong. Gitawag kitang tanan nga mahimong balaan pinaagi sa
pagpuyo sa kinabuhi uban ang gugma, ug sa pagsaksi sa tanan nga atong
gibuhat, sa bisan diin nga dapit nga anaa kita […]. Minyo ka ba?
Pagkahimong balaan pinaagi sa paghigugma ug sa pag-atiman sa inyong bana
o asawa, sama sa gibuhat ni Kristo sa Simbahan. Nagtrabaho ka ba alang sa
panginabuhian? Pagkahimong balaan pinaagi sa paghago uban ang
kaligdong ug kahanas diha sa pag-alagad sa imong mga igsoon. Ikaw ba usa
ka ginikanan o apohan? Pagkahimong balaan pinaagi sa mapailubong
pagtudlo sa mga gagmay’ng bata unsaun pagsunod si Jesus> (Gaudete et
Exsultate 14).
 < Kining pagkabalaan diin ang Dios
nagtawag kaninyo motubo pinaagi sa
ginagmay nga mga buhat > (Gaudete
et Exsultate 16).
 < Nga unta kamo makaamgo unsa
kining pulonga, ang mensahe ni Jesus
nga ang Dios buot makigsulti sa
kalibutan pinaagi sa inyong kinabuhi
[…]. Ang Ginoo magdala niini sa
katumanan bisan pa sa inyong mga
kapakyas ug sayop nga mga lakang,
basta magpabilin kamo nga abli alang
sa Iyang balaang grasya, nga naghinlo
ug nag-iwag > (Gaudete et Exsultate
24).
 Sa nangaging panahon ug sa kasamtangan, posible
gihapon nga makakita kita og mga bata, kadtong mga
nagpadulong sa pagkabatan-on (adolescents), mga
batan-on, mga biyuda ug mga minyo nga makapakita
kanato sa dalan sa pagkabalaan alang sa matag edad
ug estado sa kinabuhi: hinumdumi, panaglitan, ang
batang si Laura Vicuna, nahimong santo sa panuigon
nga dose (12) anyos, ang batan-on nga si Pier
Giorgio Frassati o ang balaang ginikanan ni Theresa
of Lisieux. Kining ideya sa ‘mga silingang santo’
haum kanato, suod kanato, ug maka ‘relate’ kita niini.
Tingali, mahimo nga atong mahimamat ang pipila
kanila?
 Giawhag ang matag usa nga
maggahin sa panahon sa
pagbasa pag-usab sa
catechesis ug mamalandong
unsay milanog sulod sa iyang
kasingkasing sa linain nga
paagi.
 MGA PUNTOS NGA HISGUTAN ALANG SA
MGA MAGTIAYON/ALANG SA MGA PAMILYA

 Aron mahimong balaan ‘sumala sa iyang katakus’: mao kini ang

tawag sa Dios nga mahimong pinaka maayong hubad sa atong
kaugalingon. Unsa ang mga espirituhanong gasa nga gihatag kanato
sa Ginoo?
 Ang Ginoo ‘naggiya kanato aron mahimong balaan’: kanus-a nako
nasinati nga gigiyahan ako niining panaw sa pagkabalaan?
 Aduna bay mga panghitabo, panagtagbo o mga opurtunidad nga
nagpalambo kanako o nagpalambo sa among pamilya?
MGA PUNTOS NGA HISGUTAN SA
KATILINGBAN
 Ang matag tawo makahimo, pinaagi sa iyang kinabuhi, sa pagtunol
ngadto sa kalibutan sa usa ka mensahe diin ang Dios mitugyan niini
ngadto kaniya.
 Ang matag usa maghinumdum mahitungod sa usa ka tawo nga ilang
gigahinan sa panahon: unsay mensahe nga gihatag sa Ginoo kanako
pinaagi nianang tawhana?
 Mahinumdum kita niining nahibiling mga adlaw: magpaambit kita
uban ang kayano kinsa ang ‘mga mensahero’ sa Ginoo nga atong
nahimamat.
 The End 
Gihubad sa bisaya ni Fr. Nestor B. Morata, DCM
Ubos sa pagtugot ni Bishop Abel C. Apigo, DD.