Sa nakaraang aralin ay iyong natutuhan ang pagpapahalaga sa katotohanan sa
pamamagitan ng pagsusuri ng iyong mga balitang napakinggan, patalastas na nabasa at
mga napanood. Maaari mo ba akong tulungang matukoy kung alin sa mga sumusunod na impormasyon ang may katotohanan at wala? Sa iyong palagay, ano ang ginagawa ng babaeng nasa larawan? Ano ang tawag ninyo sa babasahing hawak ng babae? Nagbabasa ba kayo ng dyaryo o magasin? Ano-ano ang nilalaman ng dyaryo at magasin? “Mga Pinagkukunang Impormasyon” Kasanayan sa pagbabasa ugaliin natin tuwina; Nang pahayaga’t magasin, gayundin ang lathalain. Kung may nais malaman, mga bagong kaalaman, Ang radyo at telebisyon palagi nating pakinggan. Siyempre pa sa pagtuklas ng katotohanan, at marubdod na pananaliksik ang kinakailangan. Sa tulong ng internet isang pindot mo lamang, makikita mong lahat ang iyong kailangan. Ngunit sa paggamit ng ganitong mga kagamitan, Mahalaga ang pagtuklas sa katotohanan. Sa mga makukuha mong iba’t ibang kaalaman, maging mapanuri, upang di-malihis ng daan. Malalaswang panoorin patuloy na lumalaganap, Mga blogsite sa internet na pornograpiya ang makakalap, Mga larong mararahas, mahu-hook ka sa isang iglap, Di mo namamalayan, masamang epekto ang iyong nasagap. Kaya kaibigan, Kaisipa’y palawakin. Maging mapagmatyag, mensahe’y timbangin. Impormasyonn at teknolohiya ay biyaya sa atin, kaya ating pagyamanin at ‘wag abusuhin. Isa-isahin ang magagandang dulot na makukuha sa iba’t ibang pinagkukunang impormasyon, tulad ng dyaryo at magasin. 1. 2. 3. 4. 5. Ipaliwanag. Ano-ano ang mabuting epekto naibibigay sa atin ng mga balitang naririnig, nababasa sa dyaryo at napapanood sa telebisyon? Ano-anong klaseng balita o palabas ang kailangan ninyong panoorin o pakinggan? Paano nakabubuti ang pagbabasa ng dyaryo o magasin? Paano ito nakakasama? Iguhit ang hugis puso kung ang sitwasyon ay nakabubuti at hugis tatsulok kung hindi nakabubuti. ______1. Ang pagbabasa ng dyaryo araw-araw ay ugaliin. _______2. Magbasa ng magasin araw-araw para masubaybayan ang paborito mong artista. _______3. Binabasa ni Aeron sa dyaryo ang kanyang horoscope araw-araw. _______4. Ang mga bata ay isinasantabi ang pagbabasa ng dyaryo. _______5. Magbasa ng Dyaryo upang mas lumawak at malaman ang mga bagong balita.