PAGSULAT NG KATITIKAN

NG PULONG

QUARTER 2: MODULE 1
 Ang opisyal na tala ng isang pulong ay
tinatawag na katitikan ng pulong. Ito ay
kalimitang isinasagawa nang pormal,
obhetibo, organisado, sistematiko at
komprehensibo o nagtataglay ng lahat ng
mahahalagang detalyeng tinalakay sa pulong.
 Matapos itong maisulat at mapagtibay sa susunod
na pagpupulong ,ito ay nagsisilbing opisyal at legal
na kasulatan ng samahan ,kompanya , o
organisasyon na maaaring magamit bilang prima
facie evidence sa mga legal na usapin o sanggunian
para sa susunod na pagpaplano at pagkilos.
Mahahalagang Bahagi
ng Katitikan ng
Pulong
MAHAHALAGANG BAHAGI NG KATITIKAN NG PULONG

1. Heading
Ito ay naglalaman ng pangalan ng
kompanya, samahan, organisasyon,o
kagawaran. Makikita ang petsa ,
lokasyon, at maging ang oras ng
pagsisimula ng pulong.
HEADING:

 PAMAGAT NG KOMPANYA/ SAMAHAN/

ORGANISASYON
 DEPARTMENT
 LOKASYON
 LAYUNIN
 PETSA AT ORAS
 PINAGDAUSAN
 TAGAPANGUNA
MAHAHALAGANG BAHAGI NG KATITIKAN NG PULONG

2. Mga Kalahok o dumalo

Dito nakalagay kung sino ang nanguna sa
tagapagdaloy ng pulong gayundin ang
pangalan ng lahat ng mga dumalo
kasama ang mga panauhin. Maging ang
pangalan ng mga liban o hindi nakadalo
ay nakatala rin dito.
MGA KALAHOK O DUMALO

 BILANG NG MGA DUMALO

 MGA DUMALO (buong pangalan)
 MGA LIBAN (buong pangalan)
MAHAHALAGANG BAHAGI NG KATITIKAN NG PULONG

3. Pagbasa at Pagpapatibay ng
nagdaang katitikan ng pulong
Dito makikita kung ang nakalipas na
katitikan ng pulong ay napagtibay o
may pagbabagong isinagawa sa mga
ito.
PAGBASA AT PAGPAPATIBAY NG NAGDAANG KATITIKAN
NG PULONG

I. Call to Order
II. Panalangin
III.Pananalita ng Pagtanggap
IV. Pagbasa at pagpapatibay ng Nagdaang
Katitikan ng Pulong
V. Pagtalakay sa Adyenda ng Pulong
(Paksa/Talakayan/Aksyon/Taong Magsasagawa)
MAHAHALAGANG BAHAGI NG KATITIKAN NG PULONG

4. Action items o usaping napagkasunduan

Dito makikita ang mahahalagang tala

hinggil sa mga paksang tinalakay . Inilalagay
rin sa bahaging ito kung sino ang taong
manguna sa pagtalakay ng isyu at maging
ang desisyong nabuo ukol dito.
MAHAHALAGANG BAHAGI NG KATITIKAN NG PULONG

5. Pabalita o patalastas
Hindi ito laging makikita sa katitikan ng
pulong ngunit kung mayroon mang pabalita
o patalastas mula sa mga dumalo ay tulad
halimbawa ng mga suhestiyong agenda
para sa susunod na pulong ay maaaring
ilagay sa bahaging ito .
MAHAHALAGANG BAHAGI NG KATITIKAN NG PULONG

6. Iskedyul ng susunod na pulong – Itinatala sa bahaging

ito kung kailan at saan gaganapin ang susunod na
pulong.

7. Pagtatapos - Inilalagay sa bahaging ito kung anong oras

nagwakas ang pulong.

8. Lagda – Mahalagang ilagay sa bahaging ito ang pangalan

ng taong kumuha ng katitikan ng pulong at kung kailan
ito isinumite.
 Mga Dapat Gawin ng
Taong Naatasang kumuha
ng Katitikan ng Pulong
ANG TAONG KUMUHA NG KATITIKAN
NG PULONG AY KAILANGAN BANG
IPALIWANAG AT BIGYANG
INTERPRETASYON ANG MGA NAPAG-
USAPAN SA PULONG?
 Ayon kay Bargo (2014) dapat tandaan ng
sinumang kumuha ng katitikan ng pulong na
hindi niya trabahong ipaliwanag o bigyang -
interpretasyon ang mga napag-usapan sa pulong. Sa
halip, ang kanyang tanging gawain ay itala at iulat
lamang ito. Napakahalaga na siya ay maging
obhetibo at organisado sa pagsasagawa nito.
Ayon kay Sudaprasert sa kanyang aklat ng English for the
Workplace 3 (2014), ang kumukuha ng katitikan ng pulong ay
kinakailangang :

1.Hangga’t maaari ay hindi participant sa nasabing pulong

2.Umupo malapit sa tagapanguna o presider ng pulong
3. May sipi ng mga pangalan ng mga taong dadalo sa pulong
4. Handa sa mga sipi ng adyenda at katitikan ng nakaraang
pulong
5. Nakapokus o natuon lamang sa nakatalang adyenda ng
pangkat
6. Tiyaking ang katitikang ng pulong na ginagawa ay
nagtataglay ng tumpak at kompletong heading.
7. Gumamit ng recorder kung kinakailangan.
8. Itala ang mga mosyon o pormal na suhestiyon nang
maayos.
9. Itala ang lahat ng paksa at isyung napagdesisyunan
ng koponan.
10. Isulat o isaayos agad ang mga datos ng katitikan ng
pulong pagkatapos ng pulong.
Tatlong Uri/ Estilo ng
Pagsulat ng Katitikan
ng Pulong
Tatlong Uri/ Estilo ng Pagsulat ng Katitikan ng
Pulong

1. Ulat ng katitikan – ang lahat ng

detalyeng napag-usapan sa pulong ay
nakatala. Maging ang pangalan ng mga
taong nagsalita o tumalakay sa paksa
kasama ang pangalan ng mga taong sumang-
ayon sa mosyong isinagawa.
Tatlong Uri/ Estilo ng Pagsulat ng Katitikan ng
Pulong

2. Salaysay ng katitikan – isinalaysay

lamang ang mahahalagang ng detalye
ng pulong. Ang ganitong uri ay
maituturing na isang legal na dokumento.
Tatlong Uri/ Estilo ng Pagsulat ng Katitikan ng
Pulong

3. Resolusyon ng katitikan - Nakasaad lamang sa

katitikan na ito ang lahat ng isyung
napagkasunduan ng samahan. Hindi na itinatala
ang pangalan ng mga taong tumalakay nito at
maging ang mga sumang-ayon dito. Kadalasan
mababasa ang mga katagang “Napagkasunduan
na … Napagtibay na..
VI. Pagtatapos ng Pulong
VII. Iskedyul ng Susunod na Pulong
VIII. Lagda (Inihanda at isinumite)
Mga Dapat Tandaan sa
Pagsulat ng Katitikan
ng Pulong
Mga Dapat Tandaan sa Pagsulat ng Katitikan ng Pulong

 
Ayon kay Dawn Rosenberg McKay , isang editor at
may-akda ng “The Everything Practice Interview Book
at The Everything Get-a-job Book, sa pagkuha ng
katitikan ng pulong mahalagang maunawaan ang
mga bagay na dapat gawin bago ang pulong, habang
isinagawa ang pulong at pagkatapos ng pulong .
 Bago ang Pulong:
 Tiyaking handa ang lahat ng mga kagamitan
bago magsimula ang pagpupulong tulad notbuk,
papel ,bolpen, lapatop, recorder.

 Gamitin ang adyenda para gawin nang mas

maaga ang outline o balangkas ng katitikan ng
pulong. Maglaan ng sapat na espasyo para sa
bawat paksa.
 Habang Isinagawa ang Pulong:
 Ipaikot ang listahan ng mga taong kasama sa
pulong at hayaang lagdaan ito ng bawat isa.
 Kilalanin ang bawat isa upang madaling matukoy
kung sino ang magsasalita sa pulong.
 Itala kung anong oras nagsimula ang pulong.
 Itala ang mahalagang ideya o puntos.
 Habang Isinagawa ang Pulong:
 Itala ang mga mosyon o suhestiyon, maging ang
pangalan ng taong nagbanggit nito, gayundin ang
mga sumang-ayon ,at ang naging resulta ng
botohan.
 Itala at bigyang-pansin ang mga mosyon na
pagbobotohan at pagdedesisyunan pa sa susunod
na pulong.
 Itala kung anong oras natapos ang pulong.
 Pagkatapos ng Pulong:
 Gawin kaagad ang katitikan ng pulong pagkatapos
na pagkatapos habang sariwa pa sa isip ang lahat
ng mga tinalakay.
 Huwag kalimutang itala ang pangalan ng samahan
o organisasyon, pangalan ng kometi , uri ng pulong
(buwanan, lingguhan), at maging ang layunin nito.
 Itala kung anong oras ito nagsimula at natapos.
 Pagkatapos ng Pulong:
 Isama ang listahan ng mga dumalo at maging ang pangalan
ng nanguna sa pagpapadaloy ng pulong. Lagyan ng
“Isinumite ni” kasunod ng iyong pangalan.

 Basahing muli ang katitikan ng pulong bago tuluyang ipasa

sa kinauukulan pasa sa huling pagwawasto nito,

 Ipasa ang sipi ng katitikan ng pulong sa kinauukulan o sa

taong nanguna sa pagpapadaloy nito.
  
PAGSULAT NG KATAWAN
NG PANUKALANG PROYEKTO
Ito ay binubuo ng:
1. Layunin -Kailangang maging tiyak at isulat batay sa
inaasahang resulta ng panukalang proyekto. Ayon kina
Jeremy Miner st Lynn Miner (2005), ang layunin ay
kailangang maging SIMPLE. Ano ang ibig sabihin ng
SIMPLE?

Specific – bagay na nais makamit o mangyari sa

panukalang proyekto

Immediate – tiyak na petsa kung kailan ito matatapos

 Measurable – may basehan o patunay na
naisakatutuparan ang nasabing proyekto

Practical- solusyon sa suliranin

Logical- paraan kung paano makakamit ang proyekto

Evaluable – nasusukat kung paano makatutulong ang

proyekto.
 
2. Plano ng Dapat Gawin- Matapos maitala ang mga
layunin ay maaari nang buoin ang talaan ng mga gawain o
plan of action na naglalaman ng mga hakbang na isasagawa
upang malutas ang suliranin. Mahalagang maiplano itong
mabuti ayon sa tamang pagkakasunod-sunod ng pagsagawa
nito kasama ang mga taong kakailanganin sa
pagsasakatuparan ng mga gawain. Dapat maging
makatotohanan at kailangang ikonsidera ang badyet sa
pagsasagawa nito.
 
2. Plano ng Dapat Gawin- Matapos maitala ang mga
layunin ay maaari nang buoin ang talaan ng mga gawain o
plan of action na naglalaman ng mga hakbang na isasagawa
upang malutas ang suliranin. Mahalagang maiplano itong
mabuti ayon sa tamang pagkakasunod-sunod ng pagsagawa
nito kasama ang mga taong kakailanganin sa
pagsasakatuparan ng mga gawain. Dapat maging
makatotohanan at kailangang ikonsidera ang badyet sa
pagsasagawa nito.
 
 
Makakatulong kung gagamit ng tsart o
kalendaryo para markahan ang pagsasagawa
ng bawat gawain. Suriin ang plano ng mga
gawain sa pagpapatayo ng breakwater o pader
para sa Barangay Bacao sa kabilang pahina.
 
3. Badyet – pinakamahalagang bahagi ng
anumang panukalang proyekto. Ang badyet ay ang
talaan ng mga gastusin (tulad materyales at sweldo
sa manggagawa ,allowance sa magbabatay at iba
pang na kakailanganin sa pagsasakatuparan ng
layunin).  
 Mahalagang ito ay mapag-aralang mabuti upang makatipid sa
mga gugugulin. Maaaring magsagawa ng bidding sa mga kontraktor
na kadalasan ay may panukalang budget para sa gagawing
proyekto.Maaaring magkaroon ng tatlo o higit pang bidder na
pagpipilian .Ibigay o ipagkatiwala ang proyekro sa kontraktor na
magbibigay ng pinakamababang halaga ng badyet.Sa mga
karagdagang kagamitan o materyales ,mas makabubuti kung
maghahanap muna ng murang bilihan para makatipid din sa mga
gastusin. Huwag ding kaligtaang isama sa talaan ng badyet ang iba
pang mga gastusin tulad ng sweldo ng mga manggagawa, allowance
para sa mga magbabantay sa pagsasagawa nito,
 
Narito ang halimbawa ng badyet na maaaring gamitin sa
pagpapagawang breakwater ng Brgy.Bacao.
MGA GASTUSIN HALAGA
Halaga ng pagpapagawa ng breakwater batay sa Php 3,200,000.00
isinumeti ng napiling kontraktor (kasama na rito
ang mga materyales at sweldo ng mga
trabahador )
II.Gastusin para sa pagpapasinaya at Php 20,000.00
pagbabasbas nito.
Kabuuang Halaga Php 3,220,000.00
Ano ang natutuhan mo sa paghahanda ng isang panukalang badyet? Sa
palagay mo ba ay mahirap itong gawin? Hindi mahirap ito kung isasaisip
mo ang mga sumusunod:

1. Gawing simple at malinaw ang iyong badyet. Dapat na malaman

agad ng ahensiyang magtataguyod ang mga bahagi nito. Ang
mahahalagang detalye ng gastusin ay dapat na malinaw ang
pagkakasaad.

2. Ayusing mabuti ang iyong panukala. Pagpangkat-pangkatin ang

mga gastusin ayon sa klasipikasyon ng mga ito. Siguraduhing
nakahanay ang mga halaga upang madaling sumahin ito.
 
3. Gumawa ng pag-aaral ng mga ahensiyang
nagtataguyod ng mga proyekto at alamin ang mga
bagay na kailangan sa panukala at ang halagang
kanilang tinutustusan upang makasama ang iyong
panukala sa kanilang itataguyod. Sa ganitong paraan
mas malaki ang tsansang maaprobahan ang iyong
proyekto. Maaari ka ring manghingi ng kopya ng mga
naaprobahan nilang mga proyekto upang maikumpara
ang gawa mo.
 
4. Ihanda ang iyong badyet hanggang sa huling
sentimo. Ang mga ahensiyang nagtataguyod ng mga
proyekto ay kadalasang gumagawa ng pag-aaral para sa
itataguyod nilang proposal.

5. Siguraduhing tama ang lahat ng kukuwentahin.

Mangangahulugan ito ng iyong integridad at karapat-dapat
na pagtitiwala para sa iyo.
 
Balangkas ng Panukalang Proyekto

1. Pamagat ng Panukalang Proyekto - hinango sa

inilahad na pangangailangan bilang tugon sa suliranin

2. Nagpadala - tirahan ng sumulat ng paanukalang

proyekto

3. Petsa - araw kung kailan ipinasa ang panukalang

papel isinama na rin kung gaano katagal gagawin ang
proyekto
Balangkas ng Panukalang Proyekto

4. Pagpapahayag ng Suliranin - nakasaad ang suliranin at kung

bakit dapat maisagawa o maibigay ang pangangailangan.

5. Layunin – dahilan okahalagahan kung bakit isagawa ang

panukala.

6. Plano na dapat gawin - talaan ng pagkakasunod-sunod ng mga

gawaing para pagsasakatuparan ng proyekto gayundin ang petsa at
bilang ng araw na gagawin ang bawat isa.
Balangkas ng Panukalang Proyekto

7. Badyet - kalkulasyon ng mga guguling gagamiti sa

pagpapagawa ng proyekto

8. Paano mapakinabangan ng pamayanan o samahan

ang panukalang proyekto - konklusyon ng panukala
kung saan nakasaad dito ang mga taong makikinabang ng
proyekto at benepisyong makukuha nila mula