REJA: • I. Kirish • II. Asosiy qism • 2.1. Didaktikaning asosiy kategoriyalari va didaktik tushunchalar tizimi • 2.2. Zamonaviy pedagogikada ta’lim paradigma (modeli)lari • 2.3. Didaktik madaniyatning shakllanishi • III. Xulosa • IV. Foydalanilgan adabiyotlar KIRISH Ta’lim jarayonida o‘yin texnologiyasining o‘rni va ahamiyati ko‘p jihatdan o‘qituvchining o‘yin tushunchasi, vazifasi va mazmunini to‘liq yorita olish, uning mohiyatini ta’lim oluvchilarga aniq etkaza berish, shu bilan birga uni o‘tkazish mahoratiga bog‘liq. Shuning uchun biz avvalom bor “o‘yin” tushunchasini tahlil qilamiz. O‘yin olimlar tadqiqotlariga ko‘ra mehnat, ta’lim olish kabi faoliyatning asosiy turlaridan biri hisoblanadi. O‘yin ijtimoiy tajribalarni o‘zlashtirish va qayta yaratishga yo‘nalgan vaziyatlarda, faoliyat turi sifatida belgilanadi hamda unda shaxsning o‘z hulqini boshqarishi shakllanadi va takomillashadi. O‘yinlar hayotdagi turli xil vaziyatlarni modellashtirishga, hayotda mavjud narsalarni idrok qilishda his-tuyg‘ularning xilma-xil bo‘lishiga o‘rgatadi. Bu o‘yinning asosiy vazifalaridan biridir. O‘yinning mohiyati, uning aniq ma’nosi bo‘yicha turli xil adabiyotlarda unga nisbatan turlicha fikrlar va qarashlar mavjud. Ushbu fikr yoki qarashlarning turlicha bo‘lish sabablaridan biri insonning barcha harakatlari o‘yin elementlarida ko‘rinishi, ikkinchisi esa jamiyatning va inson hayot faoliyatining barcha pog‘onalari o‘yin, uning mantig‘i hamda falsafasi bilan qoplanganligidir. O‘yin ta’lim olish vositasidan tashqari, hordiq chiqarish, o‘yin-kulgu, san’at va boshqa ko‘rinishlarda ham namoyon bo‘ladi. Jamiyatimizda bugungi kunda yangi Uyg‘onish davri, ya’ni “Uchinchi Renessans” poydevorini yaratish asosiy maqsad qilib belgilangan bir davrda o‘rta asr mutafakkirlarining ma’naviy merosini o‘rganishga yanada e’tiborli bo‘lish, didaktik asarlarning tarjimalarini amalga oshirib keng ommaga yetkazish, pedagogik tahlilarini yaratib ta’lim jarayonida unumli foydalanish amalga oshirilishi zarur bo‘lgan muhim vazifalardir. Chunki, «buyuk ajdodlarimizning betakror va noyob ilmiy-ma’naviy merosi biz uchun doimiy harakatdagi hayotiy dasturga aylanishi kerak. Bu o‘lmas meros hamisha yonimizda bo‘lib, bizga doimo kuch-quvvat va ilhom bag‘ishlashi lozim. Avvalambor, milliy ta’lim tizimini ana shunday ruh bilan sug‘orishimiz kerak1». Ushbu yondashuv ta’lim tizimining yuksak cho‘qqilarga chiqishida amaliy dasturdir. O‘rta asrlarda yashab ijod etgan Movarounnahr va Xurosonlik alloma va mutafakkirlarning bugungu kungacha yetib kelgan ma’naviy meroslari ta’lim-tarbiya mazmuniga beqiyos manba sifatida xizmat qiladi. Ularning aksariyati YUNESKOning madaniy meros ro‘yxatidan o‘rin egallagan. Bugungi kunda Sharq alloma va mutafakkirlarining Respublikamiz muzey- qo‘riqxona «Hujjatlar» hamda kutubxona fondlarida, shunigdek, Rossiya, Germaniya, Fransiya, Buyuk Britaniya, Ispaniya, Misr, Hindiston, Eron, Turkiya kabi ko‘plab xorijiy mamlakatlardagi kutubxonalarning «oltin fondi»da qo‘lyozma shaklidagi ko‘plab didaktik asarlari saqlanmoqda. Ushbu didaktik asarlarni tarjima qilish, tadqiqotga jalb etish va ilmiy muomalaga kiritish, mavjud tarjimalarni ilmiy sharh, ma’rifiy, falsafiy hamda pedagogik tahlillarini yaratishni davrning o‘zi taqozo etmoqda. So‘nggi yillarda o‘rta asr Sharq alloma va mutafakkirlarning ilmiy, falsafiy, ma’naviy merosini har tomonlama tadqiq qilish, ilmiy-amaliy ahamiyatini yoritish borasida keng qamrovli ishlar amalga oshirildi. Yangi O‘zbekistonni barpo etishda ajdodlarimizning boy merosi va milliy qadriyatlarga asoslangan kuchli ma’naviyat, ezgulik, odamiylik, gumanizm g‘oyasiga tayanadi. Buning uchun, fikr tarbiyasini, milliy va umuminsoniy qadriyatlar tarbiyasini tashkil etish va xalqimizning necha ming yillik hayotiy tushuncha va qadriyatlariga tayanish va ilmiy nazariy va kompleks tadqiqotlarni olib borish muhim ahamiyat kasb etadi. Mamlakatimizda bugungi kunga kelib mutafakkirlarning ma’naviy merosini, didaktik asarlarda madaniyat, maktab va pedagogik qarashlarni o‘rganish hamda pedagogika tarixi fanining zamonaviy konsepsiyasini yaratish va yanada takomillashtirish borasida muayyan ilmiy-tadqiqot ishlari amalga oshirildi. Jumladan, M.Xayrullayev144, S.Ochilov, A.Choriyev, N.Choriyev145, N.Saidahmedov, Sh.Qurbonov, R.Ahliddinov va boshqalarning ilmiy pedagogik monografiyalari va maqolalarida pedagogika tarixining tarkibiy qismlari, davrlashtirish muammolari hamda shaxs kamoloti yoritib berilgan. Ushbu tadqiqotlar ta’lim mazmunida o‘z aksini topdi. Jumladan, «Pedagogika» (R.Mavlonova, O.To‘raeva, K.Xoliqberdiev); «Pedagogika tarixi» (K.Hoshimov, S.Nishonova, M.Inomova, R.Hasanov); «Pedagogika tarixi» (O.Hasanboeva, J.Xasanboev, H.Hamidov); «O‘zbek pedagogika tarixi» (p.f.d. prof. Asqar Zunnunovning umumiy tahrir ostida), «O‘zbek pedagogikasi antologiyasi» (K.Xoshimov va boshqalar) kabi darslik, o‘quv qo‘llanmalar shular jumlasidandir. Ushbu darslik va o‘quv qo‘llanmalar O‘rta Osiyo xalqlari, xususan, o‘zbek xalqining tarixiy – pedagogik merosni ommalashtirish, yoshlarda milliy g‘ururni va milliy ma’naviyatni o‘stirish, shuningdek, talabalarni jahon pedagogika fani rivojlanish tarixi, qardosh hamdo‘stlik davlatlari mutafakkirlarining ta’lim- tarbiya haqidagi qarashlari bilan tanishtirishga xizmat qilmoqda. Nasriy didaktik asarlar. Milodiy IV asrda Hindistonda sanskrit tilida mashhur «Pantachantra», ya’ni keyinchalik «Kalila va Dimna» nomi bilan mashhur bo‘lib ketgan buyuk didaktik asar dunyoga keladi. Uning butun Sharq, qolaversa, jahon adabiyotiga katta ta’siri bor. Asar o‘tgan davrlar mobaynida bir necha tillarga tarjima qilingan. Arab ertaklari asosida shakllangan «Ming bir kecha»da ham mohiyatan pandona ruh ustun turadi. Keyinchalik forsiyda Kaykovusning «Qobusnoma»si yozildi. Garchi XVI asr o‘zbek adibi Xojaning (Podshoxoja binni Abdulvahhobxojaning) «Gulzor» hamda «Miftoh ul-adl» («Adolat kaliti») asarlari ham Sa’diy Sheroziyning «Guliston»i ta’sirida dunyoga kelgan bo‘lsa-da, ular sof nasriy yo‘lda bitilgan. Nasriy-she’riy didaktik asarlar. Sa’diy Sheroziyning bag‘oyat mashhur «Guliston» asari aynan shu guruhga mansub. U ham nasriy, ham she’riy, ya’ni aralash yo‘lda bitilgan. Alisher Navoiy ana shu «Guliston»dagi eng yaxshi an’analarni davom ettirib, «Mahbub ul-qulub» asarini nasriy-she’riy shaklni omixta qilib yozdi. Garchi majoziy timsollar, hayvonlar, asosan, qushlar misolida bitilgan bo‘lsa ham, Gulxaniyning «Zarbulmasal»i ham pandona adabiyotning ana shunday nasriy-she’riy, ya’ni aralash turiga kiradi. She’riy didaktik asarlar. Sharqda faqat nazmiy usulda yaratilgan maxsus didaktik she’riyat ham shakllangan. Aytaylik, o‘zbek mumtoz she’riyatida Yusuf Xos Hojibning «Qutadg‘u bilig», Haydar Xorazmiyning Nizomiy Ganjaviy «Maxzan ulasror»i asosida bitgan «Gulshan ul-asror», Alisher Navoiyning «Xamsa»si tarkibiga kiruvchi birinchi asar «Hayrat ul-abror» dostonlari aynan o‘zbek pandona (didaktik) she’riyatining yorqin namunalari hisoblanadi. Didaktik asarlar ta’lim-tarbiya, odob-axloq va hikmat darsli bo‘lib, ijtimoiy, falsafiy, ilmiy qarashlarni ommalashtirish vositasi hamdir. Chunki, ushbu tipdagi asarlar o‘rta asrlarda Movarounnahr hamda Xurosonda maktab, madrasa ta’limini yaxshilashda, ta’limning nazariy va amaliy masalalarini hal qilishda hamda ta’lim mazmunini tashkil qilib, dastur vazifasini o‘tagan. Didaktik asrlarni quyidagi tiplarga ajratib ko‘rsatish mumkin: axloqiy-didaktik asarlar; ma’rifiy-didaktik asarlar; falsafiy-didaktik asarlar; badiiy- didaktik asarlar. Axloqiy-didaktik asarlar – ta’limiy-axloqiy uslubda yozilgan asar. Axloqiy-didaktik asarlarda insonning axloqiy, ruhiy kamoloti, oliy darajadagi yuksalish muammosi yetakchi o‘rinni egallagan. Insoniylik, insonni ulug‘lash g‘oyasi ta’limtarbiyaga oid yaratilgan asarlarning asosiy o‘zagi sanalgan va go‘zal axloqiy fazilatlarni shakllantirishga qaratilgan. Bu g‘oyani, ya’ni insonparvarlik g‘oyasini amalga oshirishning asosiy vositalari sifatida yuksak axloqiy odatlar, insoniy munosabatlar va xislatlarni tarkib toptirishga olib keluvchi ta’lim-tarbiyani amalga oshirish muhim masala qilib qo‘yilgan. Zero, insoniylik g‘oyasida yuksak axloqiy xislatlar ifodalangani uchun ham o‘rta asr Sharq falsafasi va pedagogikasida ta’limiy-axloqiy yo‘nalish muhim ahamiyat kasb etdi. Axloq masalasi faylasuflarning ham, buyuk mutafakkirlarning ham, tarixchi-yu shoir hamda adiblarning ham birdek diqqat markazida bo‘lgan. Falsafiy-didaktik asarlar – tabiat, jamiyat va tafakkur taraqqiyotining umumiy qonuniyatlari haqidagi tafakkurni rivojlantirishga xizmat qiladi. Olam va unda insonning tutgan o‘rni haqidagi g‘oyalar, dunyoqarashlar tizimini qamrab oladi. Falsafiy-didaktik asarlar shaxsiy tajriba, fikr-o‘y asosida yuzaga kelgan ishonch, e’tiqod kabi tarkibiy qismlardan iborat hamda tabiat va jamiyat haqidagi teran dunyoqarashni o‘zida ifoda etadi. O‘rta asrlarda yaratilgan ushbu tipdagi asarlar ilohiy va falsafiy tushunchalar to‘qnashuvida yaratilganligi bilan xarakterlidir. Chunki, ayrim asarlarda falsafiy fikr bayon qilinadi, keyin shu fikr inkor ham qilinishini kuzatish mumkin. Bu holat shundan dalolat beradiki, o‘sha asrlarda ilohiy qarashlar qamrovida falsafiy qarashlar alohida soha sifatida ajralib namoyon bo‘la olmagan. Shuning uchun, Sharq falsafiy fikrlar mazmunini ilohiy yondashuvlar qamrovisiz tasavvur etib bo‘lmaydi. Badiiy-didaktik asarlar – badiiyatga, nafis san’atga oid, estetik didni shakllantirishga, go‘zallik va ulug‘vorlikni his etishga xizmat qiladi. Ushbu asarlar voqelikni nafis san’at vositalari, usullari, obrazlari orqali ifoda etuvchi, tasirlovchi, badiiylikka mansub asardir. Jumladan, badiiy-estetik xususiyatga, badiiy mazmunga egalik, san’atga aloqadorlik, obrazli bo‘lishi bilan xarakterlidir. Bunday tipdagi asarlar badiiy salohiyat va teran fikr zamirida yaraladi. O‘rta asrlarda bunday asarlar voqeadorligi, obrazliligi bilan ajralib turadi. Asarlarda Layli, Majnun, Juha, Darvesh, So‘fiy kabi obrazlar kuzatilsa, donishmandlik mohiyati jonivorlar tilidan badiiy tasvirda bayon qilingan. Jumladan, to‘ti, huthut, boyo‘g‘li kabilar kuzatiladi. Ushbu davrda yaratilgan didaktik asarlarni tartiblashda aynan axloqiy, ma’rifiy, falsafiy yoki badiiy didaktik asarlar sifatida tartiblash juda qiyin, chunki aksariyat asarlar mazmunida ham axloqiy xarakter, ma’rifiy mazmun, falsafiy mohiyat va badiiy voqeabandlik kuzatiladi. Shuning uchun didaktik asarlar mazmunini yoritishda axloqiy-ma’rifiy, falsafiy-badiiy yoki axloqiy-badiiy didaktik asarlar kabi tartibda keltiriladi. O‘qitish jarayoni pedagogning o‘rgatuvchilik faoliyatini va o‘quvchilarning maxsus tashkil etilgan bilish faoliyatini o‘z ichiga oladi. Shu o‘rinda bu jarayonlarning tahliliga e’tibor qarataylik. Ta’limda o‘qituvchining boshqaruvchilik roli o‘z kasbining ijtimoiy asoslaridan kelib chiqib, ajdodlarining boy tajribasini, insoniyatning asrlar davomidagi bilish, mehnat, muloqot, umumiy aloqalar, estetik hamda axloqiy qarashlar jarayonida qo‘lga kiritgan yutuqlarni egallashni shart qilib qo‘yadi. Bularning barchasi o‘qituvchining ta’limiy, tarbiyaviy, rivojlantiruvchi vazifalarini amalga oshirishida o‘z aksini topmog‘i lozim. Ana shu asosdan kelib chiqib aytish mumkinki, ta’lim jarayonida o‘qituvchi o‘quvchilariga qo‘lga kiritilgan bilimlarni o‘rgatadi. O‘quv faoliyatida ularni ko‘nikma va malakalar bilan qurollantiradi. Shu bilan bir paytda u o‘quvchilarda dunyoqarash va axloq normalarini hosil qiladi, qiziqish va qobiliyatlarni shaklantiradi, ularning bilish faolligini oshiradi. O‘qituvchining faoliyati o‘quvchi shaxsining maqsadga muvofiq shakllanishiga katta imkoniyatlar ochib beradi. Yanada aniq qilib aytsak, butun o‘quv jarayonini rejalashtiradi, ushbu jarayonda o‘quvchilar bilan birgalikdagi faoliyatni tashkil etadi. O‘quvchilarga qiyinchiliklarni yengib o‘tishda yordam beradi hamda ularning bilimlarini va butun ta’lim jarayonini tashxis qiladi. O‘z navbatida o‘quvchilarning faoliyati o‘quv jarayonida o‘rganishga, bilim, ko‘nikma hamda malakalarni egallashga, o‘zini jamiyatga foydali faoliyatga tayyorlashga yo‘naltiradi. Muayyan fanga xos bo‘lgan tushunchalarda insoniyat tomonidan ijtimoiy taraqqiyot jarayonida to‘plangan bilimlar aks etadi. Didaktikaning asosiy kategoriyalari quyidagilardan iborat: o‘rgatish, o‘rganish, o‘qitish, ta’lim, bilim, ko‘nikma, malaka, kompetensiya, maqsad, mazmun, tashkil etish, shakl, metod, vosita, natija. O‘rgatish - o‘qitish maqsadini amalga oshirish bo‘yicha pedagogning tartiblangan faoliyati. O‘rganish - anglash, mashq qilish, va egallangan tajribalar asosida xulq-atvor va faoliyatning yangi shakllarini egallash jarayoni, oldin egallanganlari o‘zgaradi. O‘qitish - qo‘yilgan maqsadga erishishga yo‘naltirilgan pedagog bilan o‘quvchilarning tartiblangan o‘zaro harakati. Ta’lim - o‘qitish jarayonida egallanadigan bilim, ko‘nikma, malakalar, kompetensiya va fikrlash usullari tizimi. Bilim - ma’lum bir fanni nazariy o‘zlashtirishni aks ettiradigan inson g‘ oyalari yig‘indisi; Ko‘nikma - egallangan bilimlarning aniq xatti-harakatdagi ifodasi, o‘zlashtirilgan bilimlarni amaliyotga qo‘llash usullarini egallash. Malaka - avtomatlashgan, biror bir usul bilan bexato bajarish, ko‘nikmaning takomillashgan darajasi. Kompetensiya - egallangan bilim, ko‘nikma va malakalarni kundalik va kasbiy faoliyatda qo‘llay olish layoqati. Maqsad - o‘qitishning nimaga qaratilganligi, uning kuchlari kelgusida qay yo‘sinda safarbar etilishi. Mazmun - o‘qitish jarayonida egallanishi lozim bo‘lgan ilmiy bilim, amaliy ko‘nikma va malakalar, faoliyat, fikrlash usullari tizimi. Tashkil etish - qo‘yilgan maqsadni samarali amalga oshirish uchun unga zaruriy shaklni taqdim etadigan, aniq mezonlar bo‘yicha tartiblangan didaktik jarayon. Shakl - o‘quv jarayonining tashqi ifodasi, uning ichki mohiyati, mantig‘i, mazmuni uchun qobiq. Metod - o‘qitishning maqsad va vazifalariga erishish (amalga oshirish) yo‘li. Vosita - o‘quv jarayonining predmetli qo‘llab-quvvatlanishi, yangi materialni o‘zlashtirish jarayonida o‘qituvchi va talabalar tomonidan foydalaniladigan ob’ yekt. Natija - o‘quv jarayonining so‘nggi mahsuli, belgilangan maqsadlarning amalga oshganlik darajasi. Jarayon – bu lotinchadan olingan bo‘lib, oldinga harakat qilish tushuniladi. Ta‘lim jarayonining mazmunini bilim, ko‘nikma va malakalar tashkil qiladi. Ta‘lim jarayoni - o‘quvchi (talaba)ning bilmaslikdan bilishga tomon, oddiydan murakkabga tomon, uncha to‘liq bo‘lmagan bilimdan ancha to‘liq, aniqroq va chuqurroq bo‘lgan bilim tomon sodir bo‘ladigan jarayondir. Bu o‘qituvchi rahbarligida amalga oshiriladi. O‘qituvchi bilim egallash yo‘llarini o‘quvchi-talabalarga ko‘rsatadi, ya‘ni kishilik jamiyati tomonidan bor, hamda bunday bilimlarga ega bo‘lmagan bola ongida vositachilik qiladi. O‘qituvchining faoliyati tufayli ta‘lim puxta o‘ylab chiqilgan maqsad, mazmun va dasturlar asosida olib boriladigan jarayonga aylanib, kutilgan natijalarni beradi. Ta’lim jarayonida o‘qituvchi va o‘quvchi o‘rtasida o‘zaro muloqat yuzaga keladi. “Muloqot” tushunchasi “ta’lim” tushunchasidan ko‘ra keng ma’noga ega. Ta’lim o‘quvchilarga nazariy bilimlarni berish asosida ularning bilish qobiliyatlarini o‘stirish, ularda amaliy ko‘nikma va malakalar, shuningdek, dunyoqarashni shakllantirishga yo‘naltirilgan jarayondir. Ta’lim jarayonining “yaxlitligi” “tizimliligi” va “majmuaviyligi”ni bir xilda talqin etish mumkin emas. Biroq, ta’lim jarayonining yaxlitligi uning tizimliligi bilan uzviy bog‘liq. Tizim (mustaqil tushuncha sifatida) o‘zaro bog‘langan ko‘plab elementlar (tarkibiy qismlar) o‘rtasidagi mustahkam birlik va o‘zaro yaxlitlikdir. Demak, ta’lim yaxlit tizim sifatida ko‘plab o‘zaro bog‘liq quyidagi elementlarni o‘z ichiga oladi: ta’lim maqsadi, o‘quv axborotlari, o‘qituvchi va o‘quvchilarning ta’limiy faoliyatlari, uning shakllari, pedagogik muloqot vositalari, shuningdek, ta’lim jarayonini boshqarish usullari. Barcha tarkibiy qismlarning o‘zaro birligi va yaxlitligi sifatida namoyon bo‘luvchi ta’lim jarayonining negizini o‘qituvchi va o‘quvchilarning ta’limiy faoliyatlari tashkil etadi. XULOSA Ilmiy-texnik, texnokratik paradigmaning asosiy maqsadi amaliyotni takomillashtirish asosida ta’lim oluvchilarga “aniq” ilmiy bilimlarni berish va ularning o`zlashtirilishini ta’minlashdir. Bilim - kuchdir, shu bois shaxs qimmati uning o`rganish, bilim olish, imkoniyatlari bilan belgilanadi. SHaxs muayyan (o`rtacha, standartlashtirilgan) bilim yoki xulq-atvor egasi bo`lsagina qadriyat sifatida e’tirof etiladi degan g`oya ushbu paradigmaning asosini tashkil etadi.
So`nggi yillarda noinstitusional paradigma rivojlana boshladi. U ta’limni ijtimoiy
institutlar, ya’ni, maktab va oliy ta’lim muassasalaridan tashqarida tashkil etish g`oyasini ilgari suradi. Bu ta’lim “tabiatda” - Internet, “ochiq maktablar” – kompyuterlar vositasida ta’lim dasturlariga (masofadan o`qitish) muvofiq o`qitish samarali deya hisoblaydi. FOYDALANILGAN ADABIYOTLAR 1.Абдуллаева Ш.А., Зайнитдинова М.А., Халикова Г.И. История педагогики (Учебник). – T., 2017 – 258 стр. 2.Абдуллаева Ш.А., Сайитов С.С., Халикова Г.И. История педагогики (Учебник). – Т.: «Fan va texnologiy», 2008, - 256 стр. 3.Абдусатторов А. Мовароуннаҳрлик ҳанафий фақиҳлар меросининг амалий аҳамияти // Истиқлол йиллари: миллийдиний қадриятларнинг халққа қайтиши. –Т.: 2001. 4.Авфий Муҳаммад. Рашкчи эрни жазолаган хотин. Форс тилидан И.Низомиддинов ва Т.Файзиев таржимаси. Тошкент: Ғафур Ғулом номидаги нашриёт матбаа-ижодий уйи. 2012 – 252 б. 5.Авфий Муҳаммад.. Нодир ҳикоялар. Форс тилидан И.Низомиддинов ва Т.Файзиев таржимаси. – Т., Адабиёт ва санъат нашриёти, 1977 – 204 б.