Date - 27 Jan.

2013 To, Sizang Suapui naute tate, (Global Village) ( _______________________________ ) A thu: Luipi Hydropower Upgrade vawt natu hu ngetna lai:

Maitang kimu in thu hong ko a, hu hong ngen nuam ka hi uh hang Sizang mipui ute, naute, tate nuntak natu tek phetin zongin Simlei mun tatuam ih thet man hi bangin lai taw thusung in hu hong ngen hi ung. Ih heak teksa bangma Luipi Electric Hydropower sia ADRA te ii palai sepna taw (1996 ) Kum in Grass-Roots Grant Assistance kici Japan kumpite hong huna taw a kivawt hi a, tuciang dong Khuasak le Thuklai ah Lighting meivak ciang kizangh thei lai suak ahikom Topa tung le hong piate tungah lungdam ih ko kikik hi. Siyin Valley ah Lighting bek hi ngawlin, anhuan, mei awi, puanzuutna le thing-at, thingdit ci bang ciang dong electric mei taw seam thei nuam ih hikom 2011 April tha sung Kalzang Tuanlui sia U Kimlai lampui in, Sizang pasal khangno kingawm (16) in 18 April 2011 ni in survey kivawt hi. A mun le a tui luandan pha kisa tek ahikom Fund Raising vawtin, motor car pai thei natu lampi vawt ih kipan hi. Tua zawk kum 2 kipee in Mualliang nuai Pondage to natu munzaang teng min hong cimh kik thong hi. 2012 December tha sung U Lian Kop Cin & party te in ground Survey hong vawtsak kik ciang, Kumpi Project ngawl taw haksa mama tu hi hong ci ahikom kitawlnga kik phot hi. U Lian Kop Cin le U Thawng Zo Khai te ii ngaisut piakna pan, tu laitak ih zak Luipi Hydropower sia hong vawtsak lai in Upgrade vawt thei tu hong ngealsak sa hi. Turbine 2 thua thei tu ready hong vawtsak sa sung pan tu dong khatbek kithua zo pheang ahiciang, khat hanciam leang kithua thei lai tu hi. Tua banah mincimh hangin Canal line a lalna mun teng Plastic pipe 4 taw temporary in kivawt kik sia tu dong kilaih kik zo ngawl lai si hi. Tua mun ah 4mm MS Plate welding kap in (thikpheak taw tui luam) vawt tu in estimate & design hong ngealsak zo hi. Hi teng vawt zo in puazo leang meitha hong hat mama lel tu a, tuateng control thei natu Luipi Setyone pan a kul thua lai, Auto Regulator,Disconnecting Switch (DS), Change Over Switch, Fuse breaker, Lightning Arrestor (L.A) etc, theampo zongh detail in hong tuatsak zo hi. Tua hi a, a kisamh Sum sia a nuai a bang teng hi. (1) Canal Line(180) Repair & Reinforcement Ks- 3,000,000/(2) Turbine 30kw (Pelton) (30 kw Generator in hand) Ks- 2,000,000/(3) Civil works including Pipe Fitting,valve & Tail race structure Ks- 1,000,000/(4) Luipi Setyone Power Control etc Ks- 3,100,000/(5) Pondage (Reinforcement) puana Ks- 1,500,000/(6) Transport &others Ks- 1,400,000/(7) Lam vawt natu Ks- 1,000,000/Totals Ks-13,000,000/A kul tu sum teng neizo leang sep le vawt bilbel nipi 3 sungbang kiman thei tu hong ci ciang SACC (Yangon Committee) EC Emergency meeting 27 Jan 2013 ni samin ka kikum uh hi. 2013 Feb tha sung a kul tu Ks 130 lakh teng Fund Raising vawt tu, March tha sung sep le vawt tu teng man thei tu a, Thuklai Christian Centenary Poaipi lap sak leang ci in ngaisutna taw hi bang hu ngetna lai kong puak uh hi. Hi a kisamh Ks. 130 lakh sia, Thuklai Poaipi Fund pan 10 lakh, Yangon khua sung teang suapuite tung pan 20 lakh, US om Sizang suapuite tung pan 40 lakh, Australia om suapuite tung pan 20 lakh, Japan om suapuite tungpan 10 lakh, Singapore om suapuite tung pan 10 lakh, England om

suapuite tung pan 10 lakh le Germany om suapuite tung pan 10 lakh ci bang nga tu ciangtan in khon phot poleang ih biak Topa le ih mipuite zongh in hong deisak in tha khat sung hong cing vadiam tu zam ci in Poaipi lap a, vawt tu na lawp kheukho zo thong khu hi. Tua hi tana khanglui te paunak khat ah "Simbeng zongh kim tetek tangzang kinguan" a na ci bangma in a ngam zui in a khuangkhim tu a nuai a bangin na ngeal khu hi. USA - Dr. Thang Za Lian UK - Sm Dim Khan Cing Germany - U Lian Khen Dal Australia - Pa En Za Pum Japan - Pa Ngo CIn Mang Singapore - Sm Betty Mang Huai A tuanin Khuasak le Thuklai ngimnam le zaamna zawhiat teng tungpan maisot in kaikhawm phot leang a, tua banah suapui mipui dangte tung zongh huu ngen laitu na ci khu hi. Ih hanciamna teng sia Poaipi lap man thei leang ih ci hang hi a, maisang ah ih Station Hospital, ih State High School le ih ngam sung om kumpi zum tatuamte le mipuite in zangh paisuak tu ahikom Thuklai le Khuasak te noptuam natu hi bek ngawlin Sizang minam bup atu sepna piakna ci in ih ngaisun tek zaw tu hi. Ih Sangpi boarder bang a building om in mei le tui haksat hu kibeal thei ngawl lai suak hi. Tu in hi bang mei atu ih hanciam bangma tui laak natu zongh SACC lampuina taw Rev Kenneth Suanzanang vaipuak pia in kihanciam saan laitak ahikom thungetna taw maa ih panpui tek tu hi. A bosa hun sung ngam le lei minam khanto natu sepna papo ah Siyin Region Uplift Committee (Yangon) taw veu in kong contact uh sia, tuciang SACC ( Siyin Association for Christian Communication-Yangon) taw ki laih zo ci in nong telpui tek tu uh zongh na lamen khu hi. Vaipuak nei mi a kilaih hi ngawlin kiim le paamte sepdan ih zuina hizaw hi. Transparency hong nei tek tavun a, idea pha zongh nong puak tek natu hesuak kong ngen uh hi. "Muvanlai in a kuam huu" a kici bangma in ih ngam ih lei eima tek ma in ih en kik buale mi dangte in hong etsak ngawl hi. Tua hi a, ngam le lei, minam khanto natu nong piak uh sumte nong thak uh le Treasurer tungah ahizong, Secretary tung le President khat papo tungah ahizong hong thak tavun. Tua zawkciang vaipuak nei teng tungah bangza ci sia email taw ki zasak hamtang thei leang phabel vak. Topa Pathian in thupha hong pia tek tahen.

Yangon SACC luangin,

Prof: Dr. Suantak Von Kamcindal President 8/MKN(N) 119137 myanmar.compassion@gmail.com Tel.01-646474/01-646397

Rev. Vum Khat Pau Secretary 4/TTN(N)005273 vumkhatpau@gmail.com Tel. 09421095204

Dr. En Cin Pau Treasurer 5/KLW(N)004082 ecpau2007@gmail.com Tel. 01900257

Pa Suak Za Nang Patron Tel. 09420107546

Dr. Mang Cin Pau Patron Tel. 01299997