ZAM Hotline 016-293 9027 ZAM Office 03-2142 6659

Email: zomiassociationmls@gmail.com

Volume 7, Issue 45
Kawlgam pan Malaysia-ah: Tulaitak leh abeisa hun khat lai-in, aminthang mahmah Kawlgam pan Malaysia ah, aba tawh kipai thei ci-in, Malay tunciang nasep zon sak dingin, Kha 4 sung thaman teng Puaisa ten laksak ding, tua khitciang ngah bangbang ei a hiding cih thu pawl khat siksanin, kipai ngeingai-in, lam kawmkalah tuahsiatna leh asi amang, ngasa bengte kiangah zuak athuak Zomi tampitak ki om khin hi. Tua ahih manin, tulaitak thu thang hang tawh tuabang thu siksan in kua mah hong pai het kei un! Malay aom meltheihte tawh kithuza masalo-in, pai hetloding hihang! Zomi tampi tak atun abanna kitheilo, akikan khia theilo tam mahmah hi. Yangon Aung Mingalar Bus phualpi pan kei Pa Mang hing cih min azang zuakphuak tampitak ki om hi, tuate na upkhak hetloh dinguh deihsakna tawh hih thu kong khah khia hi. ZAM iNfO! Damlohte theihding: Zomi galtaai damlohna tawh kisai -in, abeisa hun bang hinawnlo-a, ACTS Clinic(sikhan) pan Sikhum, Zukhum leh Sikhang natna te tawh UN kipia nawnlo hi cih hong theisak ing. Natna anasia mah mahte lobuang nidang danin UN kipia nawnlo hi. Theihhuai thu pawlkhat: March 21, 2013 ni-in, Chinese Assembly Hall ah, CDU makaihna tawh Minam makaite kimuh khopna kinei-a, RSC pan Ms. Lisa leh Youth pan Mr. Christian ten thugenna nei uh hi. RSC Uliannu tung panin, Galtaai hihna tawh US paitheihna nam 3 ahi, P1, P2 leh P3 cih thulu te tawh kikup khopna hong neihpih hi. P1 leh P2 te pen abeisa hun khat lai akipan tuni donga ki zang/kizomtoto ahi hi. P3 ahih leh abeisa kum bangtan hiam sung kikhawlsa hi-a, tukum ciang akipan kik ding hi-in, asawtlo-a, RSC zum lampan hong semto tading ahih manin, Zomi galtaaite ading lungdam huai thu khat ahi hi. P1 cih ciangin, Galtaai mi khat sim (UN card neisa khem peuh) cihna hi. P2 cih ciangin, Innkuan pih khat peuh US gam tungkhinsate in, UN tangthu sunga agensa banglian tawh kituaka a innkuanpihte asap theihna cihna hi. P3 cih leuleu ciangin, UN tangthu sunga ih gensa teng mah hi-a, ahizongin, (1). Pianna NU leh PA, (2). ZI/ PASAL, leh (3) Kum 21 nuaisiah nungak/tangval lai itate cihna ahi hi. Hih P3 huamtheih ding mite pen US tung khinsate leh Malaysia gama om, innkuanpihte ii DNA (innkuanpih man taktak cih theihtel nadinga Cii kisitna) sit dinga, tua Cii aki bat aleh UN card cihte zong kullo-in, Embassy ahi (Gam khat leh gam khat kizop/kihona) zumte zong zat kullo-a paitheihna ding lampi thak ahi hi. Hih pen tu 2013 kum sungin hong kipan tading hi. DHS(Lah Wah Kah) interview ding: Ih pai ciang, I khutpeek sunglam cih khawng, laidal no khat tungpeuh ah, lai-at sa in, zum sung ilut khaka, Officer(ulian) ten hong muh/theih aleh, na vai pen akiciangtanlo zah dongin, hong ki khawlcip sak ding hi cih zong genkhia uh hi.

April 14, 2013

ZAM Palai Kiteel hun ding hong naita: Kum leh nite hong bei zelzela, ZAM Palai kiteel hun ding zong hong naito hiaihiai tahi. Hih kiteelna tawh kisai, akisam bang bang vaipuakna hong nei dingin, anuai-a, Election Committee mi 7 teng kiseh hi. (1). Rev. Dr. Cin Sian Pau (Convenor)- -017-329 1810 (2). Rev. Thawng Ngaih Khup- - - - - - - -010-264 3312 (3). Rev. Pau Cin Thang- - - - - - - - - - - -010-215 0973 (4). Pa Gin Khua Thawng - - - - - - - - - - 010-890 7181 (5). Pa Dai Za Kam- - - - - - - - - - - - - - - 017-991 0457 (6). Sya Zam Khan Sang- - - - - - - - - - - 010-277 7311 (7). Sya Francis Do Lian Kham- - - - - - - 010-830 4383 Candidate(Teeltheih)ding Numei/Pasal khat ii neih loh phamawh thukhunte: (1). UN Card nei hiding. (2). Mangpau(English) or Malay pau hoihtaka, pauthei/ genthei hiding. (3). ZAM thukhun leh dante athukima azui ding mi, minam ading veina leh deihsakna anei taktak mi hiding. (4). Teelcing peuhmah Full-Time hidinga, mundangah nasep semkawm mi hilo ding hi. Teelcing angah ni aki pan asem theipah hiding hi. (5). Candidate dingte, amau leh amau hong ki candidate tawm theilo dinga, Pawlpi or Khua makaite theihpihna tawh hong candidate sak mi hiding hi. (Theihding: Teel theihding mi Single hileh kideih zaw hi!). (6).Teelcing mi peuhmah kiteelna hunsungah ami pumpi mahmah aom te bek kiteel thei ding hi. (7). Hih kiteelna sungah ateel theiding(mee piathei ding), Pawlpi pan tangmi 1 leh Khua kipawlna pan tangmi 1 ta hiding hi. (8). Candidate(teeltheih)ding mi min sazian piak theih na dingin, atunga Election Committee mi 7 te tungah kipia thei dinga, anunung pen May 20, 2013 Monday niciang bek kisang ding hi. (9). ZAM Kum 7 cinna & Kiteel ni dingin, June 07, 2013 Friday ni hidinga, Chinese Assembly Hall kizang ding hi. Ahun ding zingsang lam nai 11:00am-5:00pm dong hi dinga, Sun an zong kivaihawm ding hi. ZAM iNfO! ZSM Vai zaksakna: Zomite itna leh veina tak tawh ZSM laibu tawi-in mimal sazian hong kaihkhopsak Pawlpi Sia/ Upate leh Khua makai Palaite tungah lungdam mah mah hi. I thukhun om bangin, March kha beima-in, zum ah laibu nong apkim nading un, kong zasak uh hi. Tukha bei ciangin Genvai alut nuamte ZSM zumah lutta ding uh hi. ZSM pan Thu pulakna: Thu khunpi D. Pawl Lutna, Article II, March kha ciang palaaite kiangah kipia ding hi. Article III, March kha a khen khit ciangin RM15 hi ta ding, cih pen, OB & Advisor teng thu kimna tawh RM10 ta mah lak dingin kithu kim hi. March kha a khen khit ciangin ZSM lut nuam te zumah pai ding uha, lut man RM15 hilo-in RM10 mah hi ding hi. Kawlgam miten sivui ciangin Bus tampi tak tawh hanah I paina hangin I ngahsa hante kingah nawnlo (Batu Arang na ngawn kingah nawnlo) ahih manin Bus 1 bek tawh pai ding cih thukhun omsa pen mipite tungah theihsak kikna hih lai tung pan in kong pulak hi. ZSM!

Na thumanna sungah kei hong paipih inla, lam hong hilhin. . leh kei ahong hon Pasian nahi-a, nang kong muang tawntung hi. Late 25:5

**ZAM Thupuak kal siala, kihawmkhia pen Leitung mun tuamtuam aom Zomi khempeuhin asim theih nadingin, Website: zomidaily.com & email: zomiassociationmls@gmail.com tepan kisim thei-in, aituam email tawh adeihte in zong kingen thei. hi.**

Tulaitak Malaysia gam sungah alauhuai mahmah Myanmar Whisky: Malaysia gamsung aom UNHCR - IAD te vaihawmna tawh April 11, 2013 ni-in Chinese Assembly Hall-ah Meeting khat kinei-a, Community makaiteng leh biakna makai pawlkhat leh ZAM Palai khatzong kihelthei hi. Hih Meeting sapna vaipen "Fake Myanmar Whisky" vai ahihi. Kawlgam panin hong kipua bangkekkhat in Malaysia gam sungah Kawlgam bawl Whisky pawlkhat kizuaka, ahi zongin tua Zu te pen Kawlgam aom Whisky Company pan akibawl taktak nahilo-a, Zutuh, Zuhoihlo, Fake Whisky namkhat nahi mawk hi. Hihvai hangin Malaysia gamsung cidamna lam vaisaite linglawng mahmah uh ahih manin, Selanglor Health Minister pa ngiatzong meeting sungah hong kihela, hih Zu hoihlo vai nakpitak in mipi te'n atheih nading tangko khia ding hihang ci'n genkhia hi. Myanmar Whisky cihciang in a Brand mintawh genleng 1) Mandalay Whisky 2) Myanmar Whisky 3) Grand Royal Whisky cihte ahihi. Zato atung mi 39 lak pan 24 sikhin; Selangor Health Minister genna-ah hih Zu hoihlo dawnna hangin Zato akipuak pen Feb 13, March 21, April 05 cih bang nite ah tamdiaka, avekpi-in mi 39 phakhin cihi. Tua lakah mi 31 pen Kawlgammi ci hi, adangpen Sabahte mi 3, Nepalte mi 4, India te mi 1 cihbang ahihi. Tua Zu hoihlo dawnkha mi 39 lakah mi 24 te'n hanmual hong liamsan khinzo uhhi. Hih Zu hoihlo adawnkhate pen zukham ciang bektawh venglo-a, huihdik haksa sa, nakpitak in agilna, lung-am leh nat mahmah thuah, Mit maang, Khut leh khe kham, Cigolh, Sungnim cihbang in om cihi. Tua ahih manin Zu kham khatpeuh atunga bangdan in athuakkha aomleh Zu hoihlo dawnkha hidinga, Zato neuneute leh Private Clinic (sikhan)te ah paipihlo zaw in, Kumpi Zatopi General Hospital mahah lakpah zaw un cih zong Selangor Health Ministry pan hong vaikhak hi. Hih Zu hoihlo te akibawl nading in akizang Chemical vante pen mihing gil sungah nek dingin akibawl hilo-a, hih Zu adawn khate pen agilzang uh pan sakin, a ek sungah Si khawng zong kihel cihi. Bangzahin lauhuai hiam cihleh hih tua Zute 10 ml bek dawn khaleng zong min tawthei (Blindness) ci hi, 30-60 ml dawn khaleng ki sithei (Death) cimawk hi. April 10, 2013 ni-in zong Malaysia kumpite'n Zuhoihlo thawl 1152 mankhia uha, Zu zuakna Sai 15 zong Checking lutkhin cihi. Hihbang Zu akizuakna natheih uhleh hong zasak pah un ci'n Selangor Health Department pa in hong vaikhak hi. Zaksaktheih nading: Hotline: 03-5123 7333 Email: cprc_sel@sel.mon.gov.my Malaysia gam pen ihtheihsa mahbang in Muslim gam hi-a, Muslim ihcihte pen amau thukham ah Zu anelo te ahi uhhi. Hihbangin Kawlgam minpua Zu hoihlo hongom sese ciangin Kawlgam mite adingin maizum huai mahmaha, gammi te'nzong bangzah in hong mudah/ensan ding uh hiam cihpen I theihsa ahihi. Zomi sungahzong Zu ne kitam mahmah ahih manin, na sanggam meltheih tanaute hih thu nazasak sawnpah un! ZAM iNfO!! Zomi Galtaai khempeuh kep ding: Zomi UN ngahsa peuhmah in, UN card copy(meihtu) khat pello(pello) in na omna inn ah, nakep hamtang ding akisam mah mah thu khat ahi hi.

Khua makai, Pawlpi Siate tawh kizop dending: Malaysia gam sungaom Zomi akuama peuhin na khua makaite leh Pawlpi siate tawh na kizom den un. Malaysia tungsa khat in, nang tawh akinai penpen Pawlpi khatah na min na ap hamtang ding, thupi masa ding hi. Nang bang zahta-in, ki khopna sungah nakihel hang, min apna naneih naikei leh pawlpi tawh kizopna omthei ngeilo ding hi. A Phone no. nakem den un. Bang hang hiam cih leh Zum vai, Zato vai, kimat kihenvai khat peuhpeuh aom ciangin khua makaite leh Pawlpi siate tungtawnin hong kizasak ding, hong kivai hawm pih theipan ding hi.
Kolbulh thuak Palaite leh Kol kibulh zolo ZAM: Ih omna lah hong kithei, mipi tawh nisim nasepna lah kithei, tua mipi cihte mahmah pen thuneite mattheihte ahih lam lah hong kithei! Banghangin ZAM zumsung aa teng tektek lutin hong luak mawk hiam cihpen, amau ciaptehna ih muh ahih loh hang Kuala Lumpur thunei khat peuhpeuh in, Zomi Innpi thei lua mahmah himai hi. Tua ahih leh, banghangin palai cihte ki man thei hiam? Zogam pualam Zomi a tampenna mun Malaysia (hi maithei) ah, Zomi mat leh hen, thong kikhum cihpen kum sawm sungah a omden hi-in, tudong mah omom lai ahihi. Cihnopnaah, galtai dinmun tawh a omte thuneite-in man thei lua ahihi. ZAM palaite ki samkhia hilo-in ki kaiikhia hi. Mi khumna lam ki paipih khia hilo-in ki nawnkhia hi! Palaite khut ah kol bulhna, lungsim kol bulhna, gamtat theihna khak tan sawmin kol bulhna, hamphat na ngahding dalin kol bulhna leh Minam Min hang aa kol bulhna cihte kituak toto himah ta leh ZAM kol kibulh zo ngeilo hi! Zomi vei aa a semding a om laisiah kol kibulh zo ngeilo ding hi. Zomi vei khatin Kipawlna van gik a suaksak thei, Kipawlna maban a khaktan thei kol tuamtuam bulh ngeilo ding hi! Zoplai ding. Tg. Kham

RSC(OPE)/DHS na phi khitteh: Zi/pasal na lut pih khakleh gam thumna pai ding hun hong zekai to pah ding hi. Tua ahih manin, ahih theih leh innkuan lutpih ding hun hi nawnlo hi cih phawk den ni.
UN zumah Innkuan Lutpihte ading: UN zumah Innkuan lutpih ding anei peuhmah in, amanlang thei thei-in ZAM zumah min hong pia un! 2013 kum ading in, Kha 3 ciang khat vei ta UN zumah min sazian hongap mengmeng un, mai kal sung ki-ap tading hi. ZAM iNfO!

UNHCR te Rawang Zomite kiang paiding: April 19, 2013 Friday ni zing nai 10:00am-3:00pm hun sungteng UNHCR-CDU uliante Rawang kima om Zomite adingin, 2009/2010 kuma UN ngahkhin, RST kisam nai vetlote, RST phizawh kum 1 phakhin kisam nailote, RSC leh DHS te phi zawh kha 6 pan atungsiah phakhina kisam theinailote ading, dotnop/theihnop bangbang kidong thei ding hi. Tutunga pen DS kici Innkuan lutpihte tawh kisailo hi. Kizopna ding: Pa Thang Lian Khup; 017-307 2412, 016-673 6691 (Rawang Zomi Innkuan), Amun: FGA Biakinn, No. 14, Jalan Waterfall, 48000 Rawang ah, atunga thu 3 tawh kisai adong nuampeuh mah ani leh ahun lapa pai sawm ding hihang! ZAM iNfO! A 65 cinna Zomi Nam Ni DVD kingahta: 2013 kum, a 65 cinna Zomi Nam Ni, Malaysia Kuala Lumpur Khuapi, Chin Woo Stadium akibawl, zingmang pi Kawlgam pan Pu Chin Sian Thang leh Singapore pan Dr. Hau Za Cin te thugenna, Leitungbup Zomi Natiaonal Day kibawl khempeuh lakpan Zomi atampen dinga kingaihsun, DVD khui hoih mahmah kingah tahi. Khui khat RM-10/(sawmkhat) tawh deihzahzah ZAM zumah kilei theita hi. ZAM iNfO!