Kristian nundan tha ngaihsan

CHANCHINBU ENKAWLTUTE
Editor
in Chief : Lalnunsanga Fanai (9862120903)
Editor : Chanchinmawia (9615820416)
Jt. Editor : C. Zonunpuia (9862022375)
Cir. Mag. : Lalramzauva Chawngthu (8575462587)
OB i/c : H. Laltharrenga
Vengthlang Branch YMA Chanchinbu Kum : XXIII Vawi : 29 Tahrik Ni : 27 Vawkhniahzawn thla (July) 2014
KA THIANPAN A TI
Phek
3
Phek
4
Phek
2
LAWRKHAWM
Sanitation Sub-Comt
Sanitation Sub-Committee
OB te chu Thawhlehni zan
khan thukhawmin hmalak
tawh chhunzawm zel dan tur
relin, faina chungchang
inzirtirna thuziak tar dan tur te
an rel a. Khawngpui sir hmun
remchang laiah Cement a zuta
ziah nise an ti. Karhmasa
chhung khan July thla atan Sec-
tion fai inelna OB leh Branch
OB thenkhatte nen endik a ni
a. Kum dang tun ang hun nena
khaikhin chuan vengchhung a
fai hle niin a lang. Mimal leh
chhungtinte faina kawnah
theihtawp kan chhuah mek zel
niin a lang bawk. Section fai
inelna endik hun atan thla tin
chawlhkar khatna hun
remchang hmasa berah neih
thin nise an ti bawk.
Lawmthu
Kan veng chhungah YMA
hmalaknaa mi inpe leh
tlawmngai tak tak kan nei hi a
lawmawmhle mai. Chhiatnia
inauh buai ngai lova a tul ang
anga hman tur lirthei rawn
thawh chhuak thin tute hnenah
Branch chuan lawmthu a sawi
tak meuh meuh a ni.
Information centre tur sak
mekah a tui lakna tur pipe tha
lo a awm a, hei hi Pu
Hualdingpuia chuan pipe tha
takin min rawn thlaksak a. Kan
lawm hle. Hei bakah hian
thlanmuala hmanraw dahte
pawh tuaihnum that a ni a.
Bawngtuthlawh ha min
siamsaktu Pu Rinlalvunga
chungah lawmthu kan sawi
bawk.
A pum tan
Information Centre tur pawh a
pum tan ta. A satuten an thiam
bawk a, kan luah theih thuai a
beiseiawm
TUNGE KLOSE?
PA HRIAT CHIAN LOH EI LOH
A HIM BER
Ni 27 Vawkhniahzawn Thla 2014: Environment &
Forest Department chuan thu chhuah siamin
tunlaiin pa (mushroom) a rawn tam leh ta a, pa ei
kawngah fimkhur turin mipuite a chah. Forest
Deptt chuan pa hi eisual ni lovin ramhnuaia tualto
pa ei loh chi (poisonous or Non-Edible mushroom)
ei vang a ni a. Pa ei theih chi leh ei theih loh chi te
hi an pian hmang lan danah hriat hran a har em
em a, pa ei chi loh ei chuan taksaah na takin a turin
hna a thawk ta thin a ni. Pa thenkhat chuan Kal
(Kidney) a tichhe thei a, a then chu thawkna (Res-
piratory) leh Pumpui (Gastrics) ah te a thawk a,
kawthalo leh luak bakah harsatna tam tak, thihna
thlengin a thlen thei a ni. Fimkhur a pawimawh a.
doctor leh mithiamte thusawi rina, rawn hmasak
fo a that thu an thuchhuah ah chuan an tarlang.
Forest Reserve leh Wildlife Sanctuary chhunga Pa
(Mushroom) te phei chu Dan in lak a khap tlat a
ni tih pawh hre thar leh turin Environment & For-
est Department chuan mipuite a ngen a ni
Hriattur pawimawh
Tribal Certificate, Resi-
dential Certificate, Income
Certificate la tur te tan a
thil tul te.
TRIBAL :
1. Birth Certificate Xerox
Copy Attested.
2. Passport size 2 copy.
3 I D card xerox copy
attsested.
4. YMA & VC hriatpuina.
RESIDENTIAL :
1. Family ration card
Xerox copy attested.
2. Passport size 2 copy.
3. ID Card xerox copy at-
tested.
4. YMA & VC hriatpuina.
INCOME :
1. Sawrkar hnathawk tan
Last Pay Certificate, Head
of Deptt. countersinged.
2. Sawrkar hnathawk lo tan,
VC & YMA hriatpuina.
3. Voters ID card Xerox
copy attested.
Chawimawi
Zirtawpni khan Champhai
District Promoters Club te
chuan mi chhuanawm
chawimawi tlak nia an
hriatte an chawimawina
hun an hmang a.
Vengchhung atangin Dr.
Sangthankima s/o Upa
Lalruma (L) leh H.
Lalhmingmuani d/o Upa
BS Kailiana te an tel.
Mawl bawk sual bawk
Kar hmasa khan KTP in
veng chhunga bawlhhlawh
bawm an khai chu misual,
mawl bawk si ten an tichhia
a, thenkhat a awmna atangin
a theh thang bo bawk. A
titute hi kan veng chhhunga
mi nia hriat an ni.
Chhiatni/thatni fund
Zohmingthanga (K-Sec) Rs 940
V.Laldinthara (V-Sec) Rs.912
Lalramzauva Chawngthu (V-Sec) Rs.300
Ngaihtuah a ngai e
Thla thar emaw, a aia tlai hret atang hian Mizorama zirna
in tan hun chu tihhma a ni dawn ta. Ruahman lawk dan
chuan zing dar 7:30 ah sikul kai hun hi tan tur a ni a. Tlai
dar 1:30 ah ban leh tur a ni. He kalphung thar hman tur
hian thlawptu leh sawiseltu a ngah hle.
Aizawl khawpui bikah chuan zirna in tan hma hian
khawpui tawt avanga traffic jam a tireh viauin a rinawm a.
Mahse traffic jam la nei ve lo Aizawl tih lo Mizoram
hmun dang zawng tan chuan phurrit a ni mai ang tih a
hlauhawm hle. Dar 7:30-a sikul kai thei tur chuan zing
dar 5:30 aia tlai lovah tukthuan buatsaih tan a ngai tawh
dawn a, Mizote hi tukthuan leh zanriah bak chaw ei ngai
meuh loh kan nih avangin tuna kalphung thar hi chuan
hemi kawngah hian harsatna min siam ngeiin a rinawm
bawk. Aizawl khawpui atana thil tha tak hi thingtlang lamah
hi chuan a tha ber lo deuh niin a lang. Kan kalphung thar
tur hi a thatna leh that lohna buk ngun lehzual a tha lo
maw? Ngaituah a ngai e
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21
YMA Palai SEMTUTE
Vanapa Section : CB Lal biakdika, Saidingliana, Vanlalchhuanga,
Lawmsangzela, C. Vanlalhriata, Lalruatpuia, Lalrindika, Lalhratpuia, ZD
Zorinpuii, ZD Lallawmzuala. F Lalrindika, F. Lalruatpuia.
Neuva Section : K. Zoramchhani , Vanlalruatzel a, Lalbuatsai ha,
Lalhminghlua, Sumeon Lalherliana, Lalmuanpuia, C. Lalnunpuia
Khuangchera Section : Thomas Malsawma, David Lalhminghlua,
Lalhmangaihzuala, Lalhmingsanga, Lalruatsanga, Vanlalpeka, Lalhrilmawia,
Hunawl hman that
BRANCH HRUAITUTE
President : F. Lalrinmuana 9856793450
Vice President : C. Laltanpuia 9615021656
Secretary : H. Laltharrenga 9856782358
Asst.Secretary : C. Lalthanpuia 9862657366
Treasurer : H. Lalthanmawia 9862936734
Fin. Secretary : F. Vanlalliana 9615558817
Veng lailia awm tih
takah chimtu hi kan ngah ve
hrim hrim a. Khawilai veng
tlaberh deuh tlangval intibuai
thawm leh veng pui tlangval
rui sual thawm hi chu kan
Vengthlang tan hi chuan
mikhual a ni lem lovang.
Tl eirawl hawklak
intibuai thawm hian min chim
rei tawh a, ngaiah kan nei ta
deuh niin a lang. Mahse
ngaihtuah chian chuan a
mualpho thlak viau mai. Lu-
men zan hi ruih hun emaw ti
pawl kan awm tlat ang hian
kan veng hi intihbuaina hmun
emaw ti tawk hi an awm ang
tih mai pawh a hlauhawm ta
rum rum mai. Intibuai hi chu
dan theih a ni a, khap theih
pawh a ni. Chumi tur chuan
veng hlawm hrang hrang wel-
fare hi kan tih chak a tul
khawp mai. Thawkkhat laia
veng thenkhatin zu rui
intibuai awm phal a ni lo tih
an tlangaupui kha kan la
hrerengin a rinawm a, rah
duhawm tak pawh a chhuah
kha. Khatiang khan kuminah
hian a tu veng mah hian hma
kan la leh miah lo. A
muanawm zawnga veng
hrisel siam tur hian welfare
lamah hian tan la thar leh
thei ila, kan Vengthlang hi a
mawi leh zualin a rinawm.
Ruih tak avanga
buaina siam phet tum te,
vantlang thil tihchhiat tum
tlat te hi engtikah nge maw
kan changkansan dawn ni?
Zu lah chu kan thlah zalen
dawn e te kan han ti a, ruih
sual avanga kan mawl
theihzia hi kan tarlang suau
suau mai ang tih pawh a
hlauhawm rum rum nia
mawle! Pathianni tuk chhuah
nuam ule!
KA THIANPAN A TI
RCV Cottlage
Khatia sawi pawh sawipui hman lova a chhuah leh tak hnu khan ka thianpa
thil vei leh sawi thin thil tha tak tak, mitam tak tan a sawi nuam lem lo te, sik si,
mi tai deuh hlak chi te leh kan khawtlang thatna tur a sawi te min ngaihtuah
chhuah tir a, chung zinga pakhat chu hei hi a ni.
A sawi hun hi 2010 vel kha niin ka hria. Keipawhin ka lo vei ve em thin a ni bawk
a kan sawi chawng ang e. District khawpui kan nihna pawh kum 20 a ni tawh, inti khawpui
mi/inti changkang, sum leh paiah, in leh lo ah pawh kan thang a dik, mahse maw thianpa
chiatni ah pawh mikhual ten Champhai a thih chu a man hla tiin min fak thin. Kan mitthi in
kal fee mawlh mai hi (ralna pawh ka ti tha peih vel love an ti zui a) a bei thamlu deuh chu
a ni. Kuhvakhawr pali Rs. 1/- a nih lai Razu umkhat Rs. 10/- vawksa Rs. 20/30 vel a nih
lai, Patling in nikhat a Rs. 20/30 a hlawh lai vel khan tun a kan thawh ang Rs. 10/20 hi kan
thawh daih tawh. Hmasawn kan ngai lutuk, mi naran hian Rs. 50/100 thawh a hun tawh,
tlemanei deuh phei chuan 400/500 a, 1000 thawh pawh thil har ani lo. Kan ti lo mai mai,
thil man sang zel leh pawisa hlutna tla hniamzel hian a phu hrimhrim. Tih ema chuan mitthi
thisen zawmpui inhrang a mi kan kaichhuak a kut lang akan ral meuh chuan Rs. 50/- aia
tlem chu kan zahpui leh lawi a.
Engah nge bawma thlak a chhinchhiah leh a nih loh avanga tun thlenga mi
pangngai leh langsar tak ta, nei nung tak tak te hian Rs. 10/20 lek kan la thlak fo
le? Kuhva funkhat Rs. 20/- a lei kan harsat loh te lul nen, nu leh pate tan a ngai
takzet a ni, a zah thlak tihna chang i hria ang u.
Tin, pangpar lem inpek hi thian ho, pawlhom thawhpui etc. te tih awm
tawk a ni. Tangkailo hnawksak, chhiat tawk zawn deuh phei chuan paih sak mai
awl tak tur niin ka hria. Pangpar kan pe duh hrim hrim a nih leh a lem ni lo a tak
ngei in pe ila a hlu zawk. Biak In ah pawh a lem chu kan khawi duh tawh loh hi tia
sawi hi ngun tak a ngaihtuah zui theuh ang u.
Kan theih ang ang a tam a kan in ral hi chu a hun tawh khawp mai. Nu leh
Pa te hian tan lak a hun takzet a ni.
LT LABORATORY
Vengthlang Champhai
Opposite HBEE Electronic
Hengte hi kan exam thei e:
1) Blood sugar (zunthlum) 2) Kal function
3) Thin juction
4) Lipid purple (thisena thau chhia tam leh tam loh enna)
5) Hpatitis (B & C) 6) ASO, RA, Uric acid (Ruh seh)
7) Rannung seh 8) Typhoid
9) Pumpui ulcer hrik enna
10) Zun, thisen, khak, ek, hrawkna, pan hnai culture te kan ti thei reng e.
A hmuna kal thei lo tan pawh koh theih reng kan ni e
9862421496 (Mami)
9862596911 (Valpuia)
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA
Zofate hmasawnna ngaihtuah
VANAPA SECTION
Leader :Pu R. Lalnunpuia
Asst Leader :Tv. C. Lalremruata
Secretary :Pu PC Lalngaihtuahkima
Asst Secy :Pu V. Laldinthara
Treasurer :Tv Christopher
Chawngthanmawia
Fin.Secretary:Tv. Lalramzauva Chawngthu
YMA Thuvawn : YMA chu tanpui ngaite tanpuitu a ni
YMA Palai SEMTUTE
Taitesena Section : J onathan Lalnuntluanga, J oseph Malsawmtluanga,
Lalhriatrenga, Lalramdina, Lalbiaksanga, Lalrohlua, Lalremsanga, F. Lalrinawma,
Lalnunnemi, Lalnunzira, Vanlalduhawma, Benjamin Lalrintluanga
YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu PC Zohlira
Tunlai chu thlawhna tla a tam riau
mai. Thl awhna chungchangah
hriatna tizau leh teh ang le.
@ Boeing 747 hian part maktaduai
ruk bawr vel a nei a. Hengte hi pi-
l ot hmaa thununna hmangi n
thunnun theih vek an ni.
@ Boeing 747 khawl hi a tlangpuiin
pound 9500 vela rit an ni a. A
khawl pakhat man hi chawhrualin
$8maktaduai man hu vel a ni. (Kan
khuaah thlawhna a rawn tla palh a
nih chuan thir chhia zawng ila, mil-
lionaire kan ni thut thei tihna!)
@ Khawvela thlawhna tumhmun lun
ber chu Hartsfield-Jacsion Air-
port, Atlanta, US a mi a ni a, kum
tin thlawhna 970000 vel an tumin
an thlawk chhuak ziah. Kum 1998
atang khan a lun ber nihna hi a
hauh tawh a ni.
@ Boeing 747 hi darkar khata km
995 vela chakin a thlawk thei.
@ Thlawhna hi a tlangpuiin kum 20
vel hman a nih tawh chuan hman zui
tlak lova ngaih a ni. A awmzia chu
darkar 51,000 vel an thlawh chuan
lei hipna runluih nan a him tawh lo.
@ Tum khat chu Africa atangin
awle hi a rukrin thlawhnaah an
phur a, awle hi a chhuak hlauh pek
a, thlawhna hi a tlak phah a, mi
pahnih chiah an dam khaw chhuak
nghe nghe.
@ Michael Lotito hi chukchu ang
deuh a ni a, ei theih loh a nei lo,
electric bulb a ni emaw, thir a ni
emaw, a ei thei vek. Kum 1990 chho
khan thawhna Cassena 150 hi a ei
a, thawlhna hi a ei zo vek! A thil ei
avang hian a thi bik hauh lo nia!
@ Thlawhnaah hian ei tur an sem
thin a (a chuang lo tana hriat tel
tur!!!) America thlawhna zawng
zawngaa mi pakhat ei tura olive
rah pakhat zel khu la ta ila, kum
khatah $40,000 vel man olive rah
kan ngah hman dawn tihna a ni.
@ Kum 1952 khan Wardwel l
Field, Natona County Wyoming
airport chu sawn a ni a, a hmun
hlui hi heng lai vela chengte
chuan an chei tha a, thlawhna tum
hmun kha khaw nuam takah an
chhuah hlauh zuk nia!
@ A tlangpuiin thlawhna chuan man
ai hian a chuang tura chhiah kan
pek hi a tam daih zawk.
I hria em ?
TUNGE KLOSE?
- Sawmtei Pa
Miroslav Josef Klose hi mi tamtak chuan kan hmelhriat lutuk lo maithei. Mahse
a ropuina hi chu a nep phah kher lovang. A ropuina leh World Cup-a a tih theihte hi
Messi te, Ronaldo te hian engtikah mah an ti ve thei dawn lo chiang a ni. World Cup a
goal 16 lai a khung thei a, khawvel mihring piang tawh zinga World Cup a goal thun
hnem ber a ni. Hetiang taka football history a mi ropui anih avang hian a chanchin
tlangpui hi hre ve reng reng teh ang.
J une ni 9, 1978-ah Poland ramah a lo piang a. A nu leh pa chu professional
athletes an ni veve. Poland ramapiang ni mahsekum8 mi lek anih laiin Germany ah an
pem a, hetih lai hian Klose hian German tawng thumal pahnih chiah a hria. Hetah hian
football chu a zir tan a, thingtlang khaw club pakhat SG Blaubach-Diedelkopf ah a khel
ve a, hetih lai hian he club hi German seventh division a ni. Hetih lai mek pawh hian thing
Mistiri hna a zir reng a, football lamah hlawhchham ta pawh nise thing mistiri chu a ni
ngei dawn niin a lang.
Club lam chanchin chu kan sawitel lo mai ang. Germany ram tana a khelh hmasak
ber chu March 24, 2001-ah a ni a, World Cup qualifier ah Albania lakah a ni. Minute
73-na ah luhtir a ni a, hun tawp dawn minute hnih la awmah Germany 2-1 a an chakna
turin goal a thun. Hma zawnga nalh taka invawrhbin chungin a goal hi a celebrate tlangpui
a ni. Ni 4 hnu lekah Greece nen an inkhelhin minute 67-na ah luhtir a ni leh a, hetah pawh
minute 82 ah Germany 3-2 a an chakna goal a thun leh pek. Minute 33 chauh a khelh ve
chhungin chakna goal pawimawh tak pahnih a thun der mai. Heta tang hi chuan ram tana
goal thun hi a hna a nichho ta tluk tluk mai a ni. World Cup 2002 ah khan a lu hmang vek
hian goal 5 lai a thun a, Headmaster ti a hminglem vuah hial a nih kha. World Cup
vawikhat alu hmang vekagoal 5 thun thei awmchhun alani.
2006 World Cup-ah pawh goal 5 tho thun lehin top scorer a ni a, golden boot
a dawng nghe nghe anih kha. A vawithumna atan World Cup 2010 ah pawh Germany
tana khel tura thlan leh a ni a, an match hmasa ber Australia nen an inkhelhin goal a thun
leh nghal a, hemi tum a a goal thun hi German Legend Jurgen Klinsmann a goal thunzat
a nihrualna chiah a ni. Second round ah England lakah a thun leha, hei Pele goal thunzat
a tlukna a ni a, a pumpuiah palina niin goal 12 a thun ta. He goal hi ram tana goal 50 a
thunna chiah a ni bawk. Quarterfinal-ah Argentina lakah goal hnih a thun leh a, German
ram tana World Cup goal thun hnember reocord Gerd Muller a lo siamtawh chu a
nihrual ta bawk a. Tichuan goal 14 thun tawhin World Cup vawithum a goal 4 khung
vekthei awmchhun a ni.Tichuan tun World Cup liam ta ah khan goal 2 khung lehin World
Cup a goal thun hnem ber record a siam ta a. World Cup semi final vawi 4 khel thei
awmchhun a ni bawk a. A ram tan goal 71 a thunna a ni bawk a, Germany tan goal thun
hnember a ni. Avan ropui tak emm!!! Germany tan World Cup a, Bronze, Silver leh
Gold a dawngkim vek.
Thilmak deuh mai chu Klose hian goal a thunna apiangah eng match-ah pawh
nise Germany hi an chak vek, chakloh an nei miahlo!! Amah hi mi fair tak leh dam em
ema ni a, April 2005-ah khan Werder Brehmen tana a khelh laiin Arminia lakah penalty
an hlawhchhuah chu a fairloh avangin a pawm duhlo a, Brehmen hian an pet duhlo.
Fairplay award a dawn phah nghe nghe. September 2012-ah pawh Lazio tana Napoli
laka a goal thun chu a kut a hmantel palh avangin goal-ah pawm vek tawh mahse referee
hnenah tha taka sawiin a inpuang a, goal lo anga ham that leh a ni a, a kut a thawh vangin
referee pawn yellow card a pe duhlo a, Klose hi a chibai tawp nghe nghe a ni. Amah hi
Kristian tha tak a ni nghe nghe a, a entawk tlak zia pawh a hriat e.
YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA
Published, Edited and Printed by Chanchinmawia for and on behalf of Vengthlang Branch YMA
NEUVA SECTION
Leader:Pu K. Lalfakzuala
Asst Leader:Pu Lalfamkima Varte
Secretary:Tv C Zorammuana
Asst Secretary:Pu Biakremtluanga
Treasurer:Pu Lalthlamuana
Fin.Secretary:Nl. Lalparmawii Colney
TAITESENA SECTION
Leader:Pu T. Daniela
Asst Leader:Pu H. Lalrammuana
Secretary:Tv Lalhmachhuana Fanai
Asst Secretary:Tv Vanlalrinawma
Treasurer:Nl H Ramengmawii
Fin.Secretary:Tv. Zaikunga Ralte
KHUANGCHERA SECTION
Leader:Pu C Vanlalpeka
Asst Leader:Tv Lalawmpuia Sailo
Secretary:Pu LH Lawmkunga
Asst Secretary:Tv. Zothanmawia
Treasurer:Pu Lalthangmawia
Fin.Secretary:Pu Zohmingthanga
YMA Kumpuan : Ram Leh Hnam Humhalh Branch Kumpuan : Fai Kum
Lawrkhawm
Hmangchang
(I lo hman tangkai mial
takin)
@ Carrot vuai tawh hi a hmawr
tan bung ila tuiah chiahin a lo
puam tha leh thei.
@ Chaw eikham chiaha
meizial zuk hian tlawn sawm
10 dang zuk nen a inhen.
@ I bengek a tui a nih chuan
pemthar damdawi tha tak a ni.
@ Chawhmeh chhuan so hlim
fridge chhunga dah hian,
fridge chhung temperature
kha nasa takin a tihlum theih
avangin a him lova, fridge-in
a tawrh phah thin. Fridge
chhung hi (0.C-5.C) vel ni tur
a ni a, freezer chhung erawh
chu(-15.C) vel tur a nih bawk
avangin, chawhmeh chhuan
lum dah luh tur chu bel thleng/
bel pawn han khawih a lum
ther ther tur chauh a ni.
@ Thleng silna nawhfe hi a
hnawng/huh a hnutchhiah loh
tur a ni. A rang thei ang bera
ro tir tum thin a fuh ber, natna
hrik hlauhawmten bu an khuar
theih loh nan.
@ Darthlalang tihfaina lei
kher ai chuan vinegar leh
chanchinbu hluia hruk mai
khan a fai dan a inang reng.
@ Microwave chhungah khan
tui no khat dah la, temperature
sangah hun rei lote chhung han
dah la, a hnuah han hru mah
teh. A fai duh a sin.
@ Fur ah hian thawmhnaw a
hmuar duh hle mai a, thingrem
leh wadrobe a dahte pawh hi a
hmuar duh viau mai a. Wardrobe
chhungah hian electric bulb hi
vuah ila ni hnih dan velah
zankhuain on ila thawmhnaw
hmuar a veng lutuk.
YMA PALAI LUH DAN
Section Hruaitute hming Thla Cheng
V. Laldinthara (Vanapa Section) Jan - May 1350
K. Lalfakzuala (Neuva Section) J an - Dec 1540
Lalparmawii Colney (Neuva Section) J an - Dec 1920
Taitesena Section (Bial 6) Jan - May 4930
R. Lalnunpuia (Vanapa Section) Jan - April 1550
Christopher Chawngthanmawia (V-Sec) J an - Dec 3220
Biakremtluanga (Neuva Section) J an - Dec 1500
V.Laldinthara (Vanapa Section) J an - J un 1050
R,Lalnunpuia (Vanapa Section) May - Jun 660
C.Vanlalpeka (Khuangchera Section) J an - J un 920
Lalthangmawia Kawlni (Khuangchera Sec) J an - J un 1990
Zohmingthanga (Khuangchera Sec) 3600
K.Lalfakzuala (Neuva Sec) Nov - Dec 220
Total 24450
Wikipedia edit khuahkhirh:
Wikipedia hi internet hmang thin chuan kan hre bel hle ang.
Engkim bawm ti ila a dik ber ang. Wikipedia enkawltute chuan
US House of Representatives atangin he website edit hi an khap
bur. Wikipedia-a dik hlel lai hi edit theiha dah a ni a, US House
of Representatives atanga edit-tute hian an uluk lo lulai lutuk a
nih hmel.
US defence secretary hlui Donald Rumsfeld-a chanchinah 'alien lizard'
niin a insawi ang tein an lo chhuah pek a. Hetiang hian a ni lo zawngin tum thum
emaw chu an lo edit tawh a ni awm e. Chung zingah chuan J F Kennedy-a thihna
chungchang pawh a tel a, a kaphlumtu Lee Harvey Oswald-a khan Fidel Castro-a
tan a kaphlum niin an lo chhuah a. Chumai bakah chuan thlaa lawn chungchanga
inhnialna chu Cuban sorkar tih ang deuh thawthangah an chhhuah bawk a. Ukrai-
nian politician Nataliya Vitrenko pawh Russia-in a duh duha a tihkawi theih milem
angah an chhuah bawk. Wikipedia dintu J immy Wales chuan hetianga a ni lova an
edit hi mak a tih hran loh thu a sawi a, hetiang thil hi an tawk fo a, an tawh
chhunzawm zel a rin thu a sawi a ni. Kumin kumtir khan UK sorkar computer
atangin Muslim zawng zawng chu firfiak an ni tia edit a lo awm tawh bawk a ni.
Hei bakah hian Liverpool fans-te thihna rapthlak zet mai, Hillsborough disaster
chu a deuhsawh zawnga lo edit a ni tawh a, a thlawna Wikipedia siamthatu
Wikipedians te chuan heng hi an lo siamtha nghauh nghauh a, a titu IP address hi
khawih thei lo turin an hreng zui nghal bawk a ni.
US House of Representatives atanga he website edit an khapna hi a thawkte'n
an sawisel nasa hle a. He pisa-ah hiam mi 9,000 chuang kan thawk a, kuthlei leh
awmhreh zual pahnih-khat thil tih avanga pisa pumin kan tuar hi chu a dik thei lo a
ni. Thenkhat hi chuan he website-a grammar dik lo ringawt an buaipui a, chu chu he
website tan hian thil tha tak a ni, an ti ve tlat thung a, US congress member te he
thilah hian an tel lo tih an puang chiang bawk. Ni e, miin tangkai taka an hman, a bai
daibaw zawnga lo ninhleipui tlat hi chu awm ve hrim hrim a nia!