Aisea 40:31 Ia ko ira era sa waraki Jiova, era na vakaukauwataki tale; era na cabe cake me vaka era vakatabana

vakaikelli, era na cici ka sega ni oca, era na lako tu ka sega ni malumalumu Au taura na gauna vinaka oqo meu vakavinavinakataka na Kalou ena nona yalo dina, nona yalo loloma ka rawa tale kina vei au meu tucake e na mataka ni siga tabu vinaka nikua meu tukuni yalo take na cecere kei na vinaka ni Kalou kina noqu bula kei na noqu matavuvale. Na yacaqu ko Luisa Nasome. Kau tucake e na mataka ni kua me u tukuni yalo taka ni o au e dua na marama tina, kau tina ka tama tale ga ni dua na matavuvale. Au vakadinadinataka na cecere kei na loloma ni Kalou, kei na nona yalo dina kina noqu bula ka vaka kina vei iratou na luvequ. Jeremaia 29:11 Niu sa kila na nanuma ni yaloqu e na vukumudou, sa kaya ko Jiova, na nanuma mo dou vinaka ka sega ni ca, ka meu solia vei kemudou nai nuinui vinaka ni gauna e muri. Ena yabaki 2001, ni sa mai leqa kina na watiqu, e na noqu dela ni lecai ka, au a vakataroga na Kalou. ..kevaka evaka koya na nanuma ni Kalou kei na rarama ni nona vosa me keitou vinaka ka sega ni ca Au qai taroga, se cava e vakatara kina na Kalou, me kauta tani na bula nei watiqu, ka tamadratou tale ga na luvequ, ..meu mai yada ka me ratou mai luve ni yali na luvequ ka mai vakatara tale ga kina me u mai veiqaravi duadua, ka u vakabauta ni tiko nonai naki taumada ena nona tekivuna na matavuvale. me keirau mai qarava ruarua nai tavi ni veisusugi kei na veituberi vei iratou na gone e na loma ni matavuvale.

E dina.E sega ni ka rawarawa na veiqaravi duadua e na matavuvale. O au e dua na marama tina kau kila na cava na bula ni galili, au kila na cava na bula ni kavoro, au kila na cava na bula ni yalo lailai, au kila na cava na bula ni mosibaleta oqo na bula au sa lako curuma oti kau tu doudou kina e na mataka nikua meu wasea na veisereki ni Kalou kin a noqu bula ka vaka kina vei iratou na luvequ. Ia au vakabauta ni noqu I tavi ni dauniveisusu, e na nona veivuke na Kalou na Yalo Tabu sai koya meu dusimaki Jisu tiko vei iratou na gone ka ni o koya e Kalou ka tiko kece vua nai sau ni noqu vakatataro.. Ena gauna ni noqu mai veisusugi duadua voli mai, sa ka bibi na noqu tuberi iratou tiko na gone me ratou mai veikilai vinaka kei na gone Turaga ko Jisu Karisito.. Ka vakauasivi na noqu bulataka tiko na veika au vunautaka tiko vei iratou na gone. Kau vakabauta koya na gauni sala uasivi duadua na noda vakavulici ira na luveda me da matana taka na vei ka eda vunautaka. Au vakadinadinataka ni sega ni dau taucoko na noqu veivakatavulici, ia sa vukei au tiko na Kalou na Yalo Tabu ka vakauasivi noqu dusimaki Jisu tiko kina nodratou bula e na veisiga ka vaka kina na nona vakatavulici au tiko na Kalou, sai koya na noqu bula ni vakararavi vakatabakidua vua. Au wasea tiko e na mataka nikua na noqu sasaga e dua na marama tina ena noqu dusimaki iratou tiko na luvequ vei Jisu. Ena vuqa na gauna, o I keda nai tubutubu, e da sega ni tukuna vakadodonu vei ira na gone na dredre e da lako curuma tiko e na loma ni matavuvale, baleta ni da via maroroya na keda I rogorogo.

Ia vei au, Ena mataka vinaka nikua oqo e dua na dina au vakavulici iratou kina na luvequ, sai koya na noqu tukuna vakadodonu vei iratou se vakacava na drakidrakita ni bula tou lako curuma vakaveitinani, se vinaka se ca, SA RAUTI KEDATOU VINAKA NA KALOU LEVU OQOkei na noqu dusimaki iratou tiko vei Jisu kei na dina ni nona vosa.. Ni nona vosa e bula, e mana, e kaukauwa, ni Kalou talega e yadrava tiko na nona vosa ni yalayala me vakayacora mada na veika e tala mai kina. Same 10:9 Era na vakararavi vei kemuni ko ira era sa kila na yacamuni. Ko ni sa sega ni biuti ira era sa vakasaqarai kemuni, Jiova. (Na kena vakavaperitania.Those who know your name, will trust in you for you, Lord have never forsaken those who seek you) EMENI. Ena rarama ni vosa ni Kalou oyaau via vakayaloqaqataki keda na marama e na matama nikua.se ulunivanua cava ko cabeta tiko nikuase o sa tu beka e na buca, se qai vakarau cabeta tiko na uluvunivanua oqoriAu tu nikua meu tukuni yalo taka,.niu sa lako curuma oti oqori kau kila na mosi ko lako curuma tiko Ia meu tinia.. daru guilecava na veika oqori, daru ta cake mada ga kina ulunivanua sa taka mai kina nodarui vukevuke. Same 121..Au na ta cake kina ulunivanua,sa taka mai kina na noqui vukevuke. Sa lako mai vei Jiova na noqui vukevuke..O koya ka bulia na lomalagi kei na vuravura, Ena sega ni laivi iko me yavala na yavamu,. O koya e na maroroi iko e na sega ni sosovu

I LIFT MY EYES TO THE HILLS, WHERE DOES MY HELP COMES FROM, MY HELP COMES FROM THE LORD, THE MAKER OF HEAVEN AND EARTH.EMENI.. ME ROKOVI KA VAKACERECEREI NA KALOU E NA MATAKA VINAKA NIKUA.