THU TATUAM September 1, 2013 Weekly Siyin News

Suapui Vaipheite Taw Kisai 1450AD in Suantak suan Neilutte sia Sizaang ngam panh peam uh a, phaija khua aki ci mun ah theng uh hi. Tua munh ah kum 100 kim in khawvaiphei hong kici hi. Sizaang sung panh Suapui Vangluo(Vanglok) pawlkhat zui uh hi. 1700 kum in khawvaiphei ah theng suantak (Thuantak)te vaiphei hong kici suak hi. VPC: Vaiphei Peoples Council, sia Naingainzia atuh in thupi minam bup atuh in ading khia kipawlna ahi hi. YVA: Young Vaiphei Association, sia VPC nuai ah kipawlna khat hi a,mithi innkaang le dong tawk taw kisai huu tuh akisamh te huu thei natuh in 1986 lai in akipanh khangno kipawlna hi. Zillai:Vaiphei Students Association, saang patang kipawlna hi a 1939 ah kiphutkhia hi,khangnote kep leh bit natu,khangnote pilna sang khanto thei natuh in vaihawm kipawlna hi. VLS: Vaiphei Literature Society, sia lai taw kisai kipawlna hi in, India ngam sung Kumhpi saang tansawm ciang dong kisin sak hi. SPC: Suantak Peoples Council ,sia 1986 in kiphutkhia hi, vaiphei thiam ngawl,vaiphei tuh uk ngawl ,Suantak (Thuantak) suan dangte tawh kipawl theih natuh akivawt kipawlna hi. VCA: Vaiphei Christian Association, sia vaiphei sunga biakna (church/denomination) pawlpi tam kiom hi, pawlpi tuamtek ahihang labu, bible (Laithiangtho) aki bang thei natuh,sunday school subject khat zangh leang ci'n VCA akivawt hi. Population 1.Manipur Hills : 35000 6.Delhi : 400 2.Imphal : 3200 7.Bangalore : 150 3.NC Hills : 2200 8.Mizoram : 3000 4.Nagaland : 700 5.Shillong : 750 Tapidaw Pawlpi Tatuam Mizoram Presbyterian Church Synod : 18000 Khuga Sadar Presbytery : 3400 Eastern Manipur Presbytery : 3500 Evangelical Organisation Church : 4000 Vaiphei Christian Church : 2200 Vaiphei Babtist Association : 1300 Revival Church of God : 1200 Full Gospel : 600 Locals : 2500 Pawl adangte ah 3000 bangh om lai hi.

w w w .t h u t a t u a m. n e t
UNHCR Register Natuh Munh Le Ni September 2-3 Namdang September 4 Zomite September 5-7 kingawm Amun: Church of Our Lady of Lords 45 Jln Silibin 30100 , Ipoh , Perak September 9 Zomite September 10-11 namdang September 12-15 kingawm Amun Our Lady of Mt. Carmel Cameron Hightland September 17 kingawm Amun Parish Priest, St. Thomas Jln Gambut 25000 Kuantan September 20 Zotebek September 23-24 namdangte Amun Tmn Nusa Bestari 2,81300 Skudai, Jahor September 26 Zomite September 27 namdang September 28 kingawm Amun St. Marks Church 800 Jln Gereja70100 Saremban Kawl-Thai Ngam Kongkha 4 Hong Leilam taw, passport laibu zangh in, kawlngam sung tum thei natuh gate munh 4 honna Aug 28, 2013 in ngamngii ah kivawt hi. Ahonna poaipi sia Myawaddy ah hong in, Kawlte Immigration ministerpa U Khin Yi le KNU lampuite , kihel in kison hi. 1. Tachileik-Mae Sai, 2. Myawady-Mae Sot, 3. Kawthoung-Ranong le 4. Htee Khee-Punaron (Dawe Twnship)

Ahampha Hi Zaw Tuh Ziam USA ngam Ohio ah, khangham nupa kop khat sia, khangham natna taw, nikhat thu in in thikhawm uh hi. Apasal sia August 11, 2013 zing nai 7:30 in (kumh 91) in thi aa, Azi sia tua nitak 6:30 pawl in (Kumh 89) khanghamte kepna nursing home ah thi hi. Money Gram Taw Sum Thak Tawng Money Gram Company in, Kawlngam Asia Green Development Bank taw nasep khop tuh thukimna Aug 27, 2013 ni in vawt ahikom, USA om suapuite in, Kawlngam innkuanpuite AGD bank tungtawn in sum kithaak thei tuh hi zo hi. Money Gram Company sia leitung ngam 79 taw kizomh ahikom, Ngam 79 panh Kawlngam sung AGD bank ii branch 30 le sumtheak na counter munh 17 taw kizomh thei tuh hi. Mai lamsang sia nai khat sung sum kithuk thei papai tuh hi. Malysia Ah Mingilo Sazian Malaysia ngam palikte in, Malay ngam sung Indiate mingilo 28,926 , Sente 8,214 le Malayte 1923 sia mingilo gang 49 ah kihel ci hi. Tuasung ah Gang 04 le Gang 08 sia lauhuai in son ua, tualthat, shia khon le phalak nasep sep natuh thau ngangawn nei ci hi. Topa Taw Maangkhawm : huasakmi Pa Lian Dal 58 in Thingunau panh Aug 30 zingsang in chithum/ zunhthum natna taw hong nusia hi.

Taingen Ah Tuikhang Tu sung teng khua sang ngua tam hu in hak sat ki thuak tek ci thu ki za hi. 20.08.2013 ni zong ngua tam hu in tui pawm mang aa khuasak khua pan thuklai sang ah pil na sin sang pa tangh te cia thei ngawl ci hi. (Photo Lian Mun Thawng) Malaysia Thu Tawm Malaysia ngam state Sabah le Sarawakte kihel ngawl teng leh Singapore in August 31,1957 ni in ngam suataakna ngaa ni (Merdeker ci) hi. Sarawak sia 22 July 1963 in ngam suaktak ngaa in, Sahbah in Aug 31, 1963 ciang ngaa hi. September 16, 1963 ciang Sabah le Sarawakte Malaysia taw kingawm ni hi in, Malaysia Day hi. 1964 ciang Singapore ah Sente leh, Malayte buaina om in, mi 36 thi in 556 liam ahikom, Singapore sente 9 August 1965 Malaysia ngam panh inntuan ua, ngam khat in ding hi. India Le Kawl Ngii Vai Akuakhial Zaw Manipur governor Ashwini Kumar in India le Kawl ngam ngii Chandel district (kawlngam Tamu naina) Holenphai khua ah Aug 27 in vil ci hi. Ama ii vilna munh sia, Kawlte sang panh ngii vawtna munh hi in, Kawlte in amate thu taw ngii vavawt ahikom, Manipur kumhpi in, India Central kumhpi taw ngamni lampuite ii vawt khop tuh ngen ngei ci hi.