THU TATUAM September 29, 2013 Weekly Siyin News

Tutuung Suutpom Register Vai Nung Nipi Sung Jehor Berhu panh SOM member 20 tuh khawng in ngaa in, tu nipi Saremban ah zongh 15 tukhawng in ngaa hi. Min kibangh ngawl, Datpung kibang Min lai zazante kihawl keak hi. Datpung kibang ahi hang card tatuam toaite Athuson kibang ngawl nupa ci'n akitheamte Register piakna ah Zatawp/ zudawnte (Biakinn sung vo hi) Falamte kipawlna FRO panh atung aa abangh akhial huu in, September 28 ni in, officerte thinsau zo nawn ngawl in, ataang lai angaa ngawllaite mi 100 val bangh cia sak kik hi. Nipi khuavakni Sep 30 ciang sia, Saremban ah minpia/ BDC lai datpung zaingei te avekpi in ngaa siat tuh hi.

w w w.t h u t a t u a m. n e t
CNP Secretary Tel Ngaa Tuh National Endowment for Democracy (NED) ii kumh 30 cinh poai ah, Pu Zozam lampui CNP party secretary Ceu Bik Thawng sia tel piak sawm ci hi. A tel piak sia "kumh 30 nuai sia pha lam et om teng" ci in, Chin National Party panh Ceu Bik Thawng sia tel piak sak hi. NED sia USA ngam congress party ii 1984 Washington DC ah aphu uh hi in, Atel piak tuh sia mi 30 pha ci hi. Pakistan Ngam Patian Vel Thuak Pakistan ngam Peshawar ah September 22, 2013 Tapidawte kikhop manh zawk phet biak inn puasang ah Muslim Hiamtoaite in bomb taw suam ahikom,86 thi aa, 145 liam law ci hi. Biakinn sung panh apusuak sia 400 bangh om aa, Palik te in Muslimte hiam toaite ma kiitaa in, acing tuh in om ahihang a Palikte 2 zongh athite sung kihel ci hi. Pathian in thukkikna sia keima hi aci banghma in, Nipizawk ninii-ni in 7. 7 magnitude ahaat zinhliing ahikom, mi 515 val thi ci hi. Inn 20,000 val kisiat law hi. Zinhliing huu in, tuipi sung leitangh te munhkhat kiniil in pi 1,800 azai tuikulh no khat zongh piang ci hi. Pakistan ngam ah -Muslim 97 % -Tapidaw1.6% le -Biakna dang 2.4 % om ci hi. Tapidawte sia atawm zaw in, cimh phawng in, vawtsiat thuak nilneal tan ci ahikom in, ih omna tek panh in Thungetna phawk tek tawng.

Suut Pawm (Suut Pom)= Refugee/ Asylum Tu lai ngambeal veo ih ci Refugee/Asylum se Tedim/Lusei/ Sizangkam a - SUUT PAWM(Suut Pom)- kici hi. Suut ci se Inn mai leangna khan a Khuam sia hi a Tualngal hunlai khawng ngallel hong tai khat na Khua khat papao Hausa pa Inn tuu a,a suut hong pawm le kuama na bangma ci thei nawn ngawl tuh Hausa pa na cover a piak kul hi. Sila Innteang zong ki khawi thei ngawl a khuasung mi khat bang treatment ngasuak sak hi.UN te regulation saang zong khaupai zawlai sa ngawl ni ziam? Zomite In Vaphual Lap Khat Kipanh Leang Vaphual sia Zomite bek hi ngawl in, Leitung minam pawlkhat in thupi sakna nei hi. Malaysia (Sahbah) le Indonesia Borneo tuikulh ah teang Dayak minamte in zongh thupi vawt uh hi. Amate kam taw vaphual sia Enggang ci aa, angeina lap khat sia Vaphual Lap (Enggang Dance) ci hi.

Anlaak Poai Israel ngam ah September 24, 2013 in Anlaak poai ( Sukkot ) vawt uh hi. Ngam tatuam panh Tapidawte in, Jerusalem lampi tung ah kingual in "Israel awng nang ma nguak hi ngawl ni hi" ci'n au ci hi. Laithiangtho sung hi Anlaak Poai sia Pusuakna 23:16, 34:22 sung ah hi in, kumh khat sung thum vei anei poai pi sung ah hi ni zongh kihel hi. enya Ngam Shopping Mall Buaina Biakna Kihel Kenya ngam, khuapi Nairobi , Westgate shopping mall ah September 21 in, Muslim hiamtoaite in, suam aa 68 thi in, 200 val liam law hi. Anaak Vang Atalki Ah Koi Kul Senngam , Fujian province ah tangval kumh 22 pha Xiaolian akicipa sia 2012 August tha in mawtaw tawh suakkhial aa, anaak munh ah liam hi. Aliam zawk ciang, kibawl pai ngawl ahikom, nguutum in, anaakvang munh adam na tuh kibawl thei nawn ngawl hi. Surgeons te in, a atelngu le ahun panh taksa-bek laa in operation, atalki ah thua sak kik hi. Ahi hang, angeina bangh in, thua sak kik thei tuh in lam-en lai uh hi. Kenya Ngam Buaina Kenya Ngam Shopping Mall Buaina Biakna Kihel Kenya ngam, khuapi Nairobi , Westgate shopping mall ah September 21 in, Muslim hiamtoaite in, suam aa 130 bangh thi ci aa, 200 val liam law hi. Ninoni panh Nipizawk ni 3 dong ni 4 sung shopping mall sung om aa, ngalkapte nang ci hi. Amate ii deipi hi leh, Aveang Somali ngam ah
Kenya ngalkapte a om tuh dei ngawl hi

Kawlte Aungsan Lawmpa Lim Dei Ngawl Mandalay University ah a founder pi U Razak le U Kokolay te ii tau-milim Mandalay Muslim kipawlnate in, koi nuam ahi hang kikhaam ci'n ki son hi. 2012 March 25 ni aseau uh hi in, September 23, 2013 ciang U Kokolay ii milim akoi tuh tusia panh ki-awi aa, U Razak sia awi ngawl ci uh hi. 1923 kumh in BA aman zawk kumh 20 bangh Mandalay ah naseam in kison hi. Ama sia General Aung San ii kumhpi thak sep sung Education Minister hi in, Ama ii minister sep kipat ciang, U Kokolay sia saang syapi munh pia ci hi. Kawlngam thukun at tuh pawl ah kihel aa, Burma Muslim Congress ah chairman hi. Kawlngam Ah 969 Nambat Tunung Kawl ngam biakna vai buaina ah Buhdah bia 969 pawlte sia nasia tatak ki mawsiat uh hi. Pawlkhat-te ii Ngawna: Pawlkhat in, Kawl kumhpi te mawsiat uh hi. Naywin hunlai pa kipanh ama ii thuneina anawng kai sak nuam a om leh, Kala-te taw nam buaina, Muslim te taw nam buaina vo anung zui naseamte in vaihawm sak in kingaw hi. Apanpuite ii kisonna : 969 sia tuciang a om pheang hi ngawl ci ahi hang, (akipat dan hi vacin in son ngawl uh hi). Ahi hang akhiakna sia 9= A pathian vaangletna nam 9 6= Thuman thutak nam 6 9= Nungzui (Phonggyi) vaangletna nam 9 ci hi. HI 9+6+9 kingam leh 24 kingaa in, 24 akhiakna sia aphuisamh/ biakpiak ciang azak kammal 24 ci nopna ci hi. Suutpomte Athi Leh Abbott Mawna? Indonesia tui ngalkap-maangpa in, tulaitak ngambeal delh te taw kisai Australia ngam ii dinmunh sia hoi sak ngawl thu son hi., Major Andy Apriyanto in, Australia Prime Minister Tony Abbott ii vaihawm na sia suutpom-te (Refugee) tuitung ah thilaw tuh ahikom, athi le ama tavuan hi ci'n ngaw hi. Tony Abbott ii policy sia, Indonesia panh tuilam taw ngambeal delhte sia, tuilam tawh ma Indonesia sang kipuak kik tuh ci hi.

Palik le ngalkap te in shopping mall kiim uum in, mi tul vaal sia hun khia ahi hang, amate ii thalup tuh akoi mi honkhat ma om lai hi. Hiam toai te in, Muslim le tapidawte akhen na in, "Muslim teng ding, noma hong hunkhia tuh khu hi" ci hi adang te sia kaap lumh dan hi, Prophet Muhammad ii pianna nu khat adok leh he ngawl ahikom kaaplumh ci hi. Kenya ngam ah a) Tapidaw 83% hi in, 47.7% Protestant le 23.5% as Roman Catholic hi. b) Muslim 11.2%, c) Biakna nei ngawl 2.4%, d) Taang ngeina abia 1.7% hi.