Professional Documents
Culture Documents
Mi khat sangin mi nih hoihzaw hi; amau sepna thaman ngah uh hi. Banghang hiam cih leh, khat cimawh leh a khat in huh a, mi khat guak pen cimawh zenzen leh a huh ding om lo ahih manin a dahhuai pha mahmah ahi hi. Thuhilhna 3: 9-10
ZAT MA IN SEMKHAWM MASA NI (A zom)
(Hih thulu leh athute pen mimal theihna leh muhzia vive tawh kigelh hizaw hi. UNHCR ahi zongin, Kipawlna khat peuhpeuh in asim theihding thu vive hi.) Aki hawmkhia khin THUPUAK nunung tegel sungah, Malaysia ah Zomi te kipawlkhopna leh Kipawlna ii a kisap zia tampi ih mukhin hi. Ih theihsa vive hisam ding napi, hih Kipawlna cih pen, keima puahding, keima zun ding hi, ci aa mimal kimin hanciam khalo zel ihih man hi. Kipawlna aa ding sem masa limlim leng a hampha ding, eiteng mah, mipih teng mah hihang cihpen lungsim aa koih tawntung zawhding kisam lai hi. Ih septheihna khatpeuh ah zong, hih pen Kipawlna aa ding keima septheihna hi, keima ki piakkhiatna hi, ci aa, ih mit ah mimal khat peuh mulo-in Kipawlna ih muhtheih pah ding kisam mahmah hi. Mimal khat peuhpeuh ahih kei leh mi pawlkhat ii nasep ding ahuh leh a sepsak in ki muhkhak hetloh ding kisam mahmah hi. Kipawlna ih zat ma-in semkhawm masa ni! Zattheih dingin puahkhawm ni! Thatang leh septheihna banah sum tampi kisam ZAM member card vai tampi genkhin hang. June 7, 2006 pan tuni ciangah, Kipawlna ii vaihawmna tuamtuam aa kisam khempeuh pen member card ih bawlna aa ngahte sungpan kizang hi. Tuatawh zong cing ngeilo-in, fund/sum zonna tuamtuam mipi tawh ki neikhawm lai hi. Banghang sum kisam? > Innsap bekbek kum khat aii ding tul sawm thum val tham piakding hun tungta hi. ZAM tangthu-ah, kipawlna khat peuhpeuh pan ai zong, UNHCR pan ai zong, biakinn khatpeuh pan ai zong, zumsap ding ci aa hong panpih om nailo hi! Zomi sung pan zong kimu nai khollo hi. Tua hi leh, kuateng ii vaihawm ding; Nang leh kei mah hizel hihang. > Nisim in ih hon tawntung ih zum sung aa vanzatte puahkul, behlap kul, laihkul, meisum tuisum piakkul den hi. Palaite tha bektawh apiang diam? Kipawlna a puah tawntung ding kua hiam? Palaite bek tawh hithei ngeilo ding hi! Palai icihte-in, thatang leh lungsim tawh ma hong pan zawh laisiah a lungdam huai hizaw hi. A kimu thei zawdeuh kipawlna dang pawlkhat en leng, a palaite khasum maw, cialna maw aki piazo vive uh hi. Ih theihtek hi. Athei nailo ih omkhak leh cini-in, ZAM in palaite khasum tawh acial zawh pen tuni ciang thei nailo hing! A kicial nuamlo leh cial taaklo hilo-in, zat leh zek cingding sum omlo hizaw hi. Ahi zongin, cidamna, veina a om laisiah nasep ding pen ki kihtalo hi. Tua hi aa, palaite ii septheihna leh sepzawhna bek tawh Kipawlna nasep mazang tawntung zo ding hilo hi. Tg. Kham
PAHTAWINA
Hun khat lai-in Vietnam te tampi galtai kawkawi-in, a tuntunna vuah Sang kahna na neilo uh ahih manin tuhun takciang a tatsia, a lungtom, mi tawh kikhawl theilo, mi ngaihsut zia aban zolo, lamgei aa vakvai tampi tak USA gamsung ah omta, kici hi. Malaysia aa Zomi naupang tampite aa ding asem abawlte vaihawmnate tulaitak kisam bek hilo-in, hun khatteh a thupitna kimu semsem ding hi. Tuabang a mukhol thei ciangbek hilo-in, aki piakhia aa kum (3) val hunbit sitset, nasep dang tawh a thuahkawm lo, zong athuah manlo ZEC-Cheras Sang Siapi Sia Tuan Go Pau in September 28, 2011 niin USA hong zuatsanta hi. ZEC vaihawmna lampan leh Sang naupangte-in, hithei hi leh, a painailoh ding pen za-ah za ki lunggulh hi. Siapa ki piakkhiatnate, sepnate ih angtan pih mahmah aa, PAHTAWINA ih pia hi. Ama tungpan etteh theihding thu leh nasep zia pawlkhat enkhawm leng; A leitung sang laitan tawh sum thalawh nasep sem hileh, zumsung nasep khasum a tawmpen RM1,600 ngahding hi. USA a lending petmah teh, ama mimal vai, tanau vai, pawlpi vai, khuapih tuipih vai kihel pan hi. A panmun tel mahmah hi. Malaysia ah kum (3) val bang tengin, innlam sum khakzo, ahih kei leh USA ah sum leh van pua zo ci aa a gending a omloh hang, a sepsa khempeuh sum leh pai-in leizo ngeilo ding hi. Kipawlna leh nasemte bulphuh, dotbawllo-in thu vaihawmlo hi. A sepna khatpeuh ah Zomi tawisang ding hanciam gige hi. Laihilh leh nasep zia siamlua ahih manin, UNHCR zum ngiat pan a kisam Sang khatah muang takin tawlpi khat cial uh hi. ZEC-Cheras kipat cilin naupang (20) val tawh hi aa, tulaitak Zomi bek hilo naupang (82) in pilna, siamna sinin, mun kicin loh manin, min pia aa a kahhun ding a ngak (20) val om hi. Sang pawlkhat tawh teh nangin, biakna pawlpi, kipawlna khat peuhpeuh pan a kisapna teng etpih tawntung cihbang omlo na pi-in, tuni ciang a seppih teng tawh makaih zo veve uh hi. ZAM palaite, UNHCR palaite leh gammi palaite tawh kizop zia siamin, uliante leh namdangte muanna ngah aa, apai ding ciangin Tzu-Chi uliante bangin an nekpihin kha ngiat uh hi. UN uliante in zong theihpih leh pammaih sa phial uh hi.
DAHPIHNA KHAWK
Pa Dai Za Thang (Zung Khua, Naulak Beh) leh Nu Huai Hau te ii tapa Thang Suan Kap (Kum 29) in September 29 ni-in lungtang natna tawh leitung nuntak haksatnate nusia hi. Kap Lam Cing (Pangzang Khua) in September 29 ni-in tuahsiatna tawh nuntakna leh a mipihte hong nusia hi. A innkuanpihte uh tawh kikimin Zomi bup ih dahkhawm hi. ZSM panin maban omte vaihawmpihna kinei-in, vuini ding leh hanmual ding, bus zuihna dingte SMS tawh athu ki hawmkhia ding hi. A hithei zahzahin thapiakna, hehnepna neitek ni. ZSM
ZAM THUPUAK
LUNGDAMKOHNA
Khuahunte hong kikhel in khate hong bei-in, vasa hamte hong kikhel to zel aa, Zomi naupangte, a diakin Cheras veng aa tengte tawh ZEC-Cheras Sang ah ka kithuah zawh kum thum bang hong cingto vat hi. Hih hun sungah naupangte pilna, siamna pattah nate-ah summet bawlna leh mimal phattuamna khatpeuh bawlna hilo ahih manin sum bei khempeuh pen hong vei naupang it te citpiakna, huhna, nu le pate khasim panpihna tungah ki nga liuleu aa ki kalsuan ahihi. Hih hun sungah hong panpih khempeuh tung lungdamna Zomi mipi theihpih dingin ih ciamteh hi; Sang hong kipat khiat theihna ding aa a vaihawm palaite leh ZAM vai gelna hiangpi khat ahi pilna masawn pawl Zomi Education Center tungah azu aham, asuk ato-ah hong nawkpih man un Picing hetlo himah leh ih pil sinna phual (5) hong khoi, hong zun UNHCR te zumhiang Education Focal Point leh SPF tung Haksat hun laitak aa hong don, hong hun Czech Republic Embassy uliante tung vanzat leh Palai hong sepsak den (7) Thu le la, (8) Mr. Sia Thiam Eng leh Tzu Chi Taiwan Buddhist Foundation te tung Saturday ni simin naupangte Pasian thu tawh hong pattah sak FGA pan Mr. Raymond Lim le a pawlte, SDA pan Ms Goh Cheng Siew tung Ama thatang ngiat hong ki piakhia ahi Miss Lily Kong leh thatang banah Sang nisim hon zawhna ding haksat nate sumtang tawh hong donpih thei Mr. Hai Chew Khoo tung Sang siate a kisam bangin hong hilh hong pattah sak Harvest Training Center te le HartfordAcademyte tung Lai sinna phual hong vil hong enden, a hoihzaw ding a ngaihsutna hong pia tawntung UNHCR Sang siate panpihna-ah coordinator asem Sia Francis Khampi tung Nuntakna haksa ta leh tate sumzong paizonna lam a sawl/nawh lo, a Zomi nam cidamna ding ngimna tawh tate sang inn apuak tangtang nu le pa te tung Atung aa teng tung le mimal aa hong panpih khempeuh tungah lungdamna iko hi. Topa-in mailam ah Zomi te thupha hong pia hen la naupangte-in Pilna ngahtoto banah laisinna Sang ini ah gil a tangzo nailote-in Sang inn ah hong maingal theihna ding un ma hong panpih ding Zomi te mah thupha ong piak sak ding lunggulh ih sung hi. Zomi nam hong cidam ding lunggulh aa Malaysia Zomi naupangte a panpih nuamte-in ZAM Education Department ahi ZEC tawh kizom ni. ZEC (Cheras) ah, naupangte aa ding ma apang ngei, Tuan Go Pau (Tg. Pau)
October 2, 2011
Pau Zah Muang Thla Ling Cung Cei Hre Za Uk Thong Za Ling Ram Cung Cin Khua Khai Chan Tin Thang Cin Khan Nang Hram Zam Rual Lian Cung Kulh Lian Sang Ling Thawng Lian Boi Uk Sen Bawi Kei Sheng Kyar Lian Thang Sung Za Lian Khup Lian Pau Tha Tha Sang Hlei Zung Khan Van Bawi Thang H Van Bik Tawk Hre Mo Mo Ko Siang Kam Ai Min Thang San Cung Lian Hlie Thau Ngun Chin Sung Van Lian Bawi