Since 2006

ZAM Information Department

Volume 6, Issue 7 July 24, 2011

Estd. 2006

Informing People, Transforming Lives

Thu tampi kikupna tawh khamuanna om zaw hi. Paunak 24: 6b

A Masa Pen ECM Meeting Sapna

ZAM Kum (5) cin Kitelna zawh a masa pen EC Members meeting (kimuhkhopna/kikupna) thupi khat July 30, 2011, sun 12pm lianin bawlding ki khentat hi. ZAM kum 2011-2012 aa ding a masa pen hiding hi. Anuai aa thute kikupna leh pulakna hi zawdeuh ding hi; ZAM zum aa sem palaite leh aphual aphual aa Zomi palaitein mipihte aa ding ih mun tek pan, ih panmun tek pan, ih septheihna tek pan, iki piakkhiatna tek tawh a beisa kum khat sungah ih sepna leh ih dinmunte a tomin pulakna NGO, UNHCR, mi namdangte tawh nasep khopna leh tuhun Zomi te ih dinmun ki theihsakna Gambel mite leh work permit vai (6P); Kumpi thukhun, kumpi vaihawm zia leh galtai gambel te dinmun UNHCR pan hong vaikhak uh maban tuamtuam leh register thak vai hong vaikhakna uh ki theihsakna Ih neihsa Khua Kipawlna teng hanciamna tawh ih vaihawm Donghu Panpihna vai kikupna ZAM Social Welfare leh Zomi te ii genvai lam ih haksatnate Kum (5) pending ci-in UNHCR pan a khentat uh thute cih bangin mipi sung aa ih hawpsawn ding thu tampi kikupna ki bawlnuam hi. Hih atung aa thute bek hisamlo-in, a kisapna zui-in kikup ding aa kilawm thu tuamtuam zong zumsung lam pan leh EC Member te lam pan kaikhawm in kikupna thupi leh a picing theithei vaihawm ding hanciam khawm ni. Kuateng kihel huai A beisa kum khat sung ih neihsa bang mahin Khua Kipawlna pan makai, makai a mantheih kei zenzen leh tangmi khat peuhmah hong pai hamtang un. Pawlpi te panin zong makai ahih kei leh tangmi khat peuhmah hong kihel zo le uh cin ih thu kikupnate mipi tung a tun theihna ding tangzai zaw hipah hi. ZAM Hotline 016 293 9027 ah kikan khol thei hi. Hih bangin mihon, mipi kikupna ih neihteh, ih theih gige ding ah, kei kihelna pen kei mimal aa ding hikhin hetlo-in mipihte aa ding aa kikupna apai, thu asung, thu angai ding hing, cih ki telsa leh ki phawkkawmsa-in ki thawizawh ding kisam hi. A thupi pen ah, kimuhkhopna hong pai ding peuhmah, kikupnate leh thu ki pulakte, khuapih tuipihte tung, pawlpi mite tung, meltheih tanau tung a pulak kik, a hawmsawn kik thei ding khat hithei leh hoih penpen hi. July 30 ni 12pm in kimu ni.

Innkuan Lutpihthei Nailote Aa Ding

Zomi sungah innkuan lutpih theihding hun ngakin a om a za tampi ki-om hi. Vaksuk vaktohna, nasepnate leh meltheih tanau kihawhna, kikhopnate-ah lung himawh kawmkawm in ki nitum zel hi. Innkuan lutpih cih ciang, zi/pasal lutpih ding, ta/ tanu lutpih ding, nu/pa lutpih ding, pi/pu lutpih ding, nau/u lutpih ding cihte khempeuh agen hihang. July 22, 2011 ZAM EC kimuhkhopna panin, hih innkuan lutpihthei nailote aa ding tawitheih ding Laidal bawlsak dingin ki khentat hi. ZAM kipawlna lailu tawh hi-in, a sungah innkuan lutpih nuam pa/nu ii UNHCR card, Malay lai leh manglai nam nihin athu gencianna (hih a innkuanpihte a lutpih dingin ngak laitak cih a tomkim in) leh a lutpih ding teng ii Min, Maan (photo), ZAM card nambat, Ki bangci tanau cihte kihel hi. Deihloh penin thudotna, thusitna, mat leh hen tuakte-in ih ki pulakna a lampi zangthei pen ding ngimna ahi hi. A lunglutte-in, ZAM zum ah RM30 tawh ki bawlsak theita hi. UNHCR card leh ih lutpih ding teng ii min, suah ni/kha/ kum, ZAM card nambat, leh kinaina cihte kisam hi.

Zomi Nam Ni DVD Kingahta

Malaysia aa Zomi tangthu-ah mualsuang bangin sepkhopna tawh ih zawhkhop tukum Zomi Nam Ni pen, akuama peuhin lawhcing leh nuam isa tek hi. Hih A (63) Veina Zomi Namni pen DVD tawh ih ettheih ding ih ngaklah, tu-in a kingah thei hita hi. Pawlpi tuamtuam pan lasakna tawh ma pang khempeuh, mimal aa lasa khempeuh, thu kigen khempeuh, thungetnate hita leh thu pulakna, Zomi Cup pahtawina piaknate cih bangin pawi hun sung a vekin, phiat/paih omlo ki helkim hi. DVD dal khat bek ah ta vetlo ahih manin dal nih tawh a lemthei penin kikhum hi. DVD dal nih ahih hang RM10 tawh kingahta hi.

LUNGDAMKOHNA Malaysia pan USA atung Nu Cing

Khat Vung (Vangteh Khua) in, Zomi Kipawlna tung RM500 piakkhiatna tawh Malaysia aa mipihte a veina hong lakkhia thei hi. Mipi tangin sanggamnu tung lungdamna lianpi iko hi.

RST Interview Ding

August 11, 2011: Thang Lian Mang (791-09C00677) August 23, 2011: Cin Mun Khai Khutsiamna Lam Hilhding ZWO bulphuh in UNHCRCDU pan numeite aa ding khutsiamna July 25, 2011, 10:30am pan 1:30pm kikal ZAM zum ah hilhna, lahna a mawkna-in hong piading uh hi. A lunglut Zomi numei akuamah peuh kah huai mahmah hi. Athu dawptheihna: Sianu En Cing (014 644 9612) Mopuan Kikawmthei ZCF-Kota Damansara panin mopuan athak sitset numei/pasal, a bukim RM400 tawh kikawm thei hi. Kizopna ding: Sianu lun 016 277 9248 Chan Chan Sammet Sai ZAM zum tung aa sammet sai pen Pudu Plaza gei-ah kihongta hi. Contact: 017 378 4009 Nasep Snowflake aa semding UNHCR card tawi, kum (30) nuai pasal, mangpau thei, nasepna-ah a citak Zomi (6) kideih lai hi. A thu kantheihna leh kizoptheihna: 012 367 4665

Innkuan Lutpih Thei Khinte In Hong Zasak Un

Tuhun ciangin, innkuan lutpih ding UNHCR tung a ki-ap minte leh lai kigelhsakte pen UNHCR in ZAM zum tung tawnin samlo uh aa, a innkuan pih lutpih dingte tung zasak uh hi. Tua ahih manin, ZAM pan list thak bawl teh kua tengin lutpih thei khin cih tenkhiatna lemlo hi. Banghang in? Innkuan lutpih nuam kipia minte pan ahi zongin, ZAM lailu tawh, Lutangpi/Thuzekpi suaikaii (sign) tawh lai ki gelhsakte tungtawnin ahi zongin innkuan a lutpih theite-in ZAM zum ah hehpihna tawh nong zaksak ding uh kong theisak uh hi. Zum ph 03 2142 6659, 016 293 9027 te-ah zong ki zasak thei hi.

ZAM THUPUAK
Tzu Chi & UNHCR Community Based Learning Centres Sports Day
Tzu Chi kipawlnapi leh UNHCR ii vaihawm khopna tawh, amau panpih zawkdeuh gambel naupang sang sung pan sang (8) aa naupangte leh nu leh pate, Sia/nute kimawlna leh gualnopna tuamtuam bawlkhopna July 17, 2011 ni-in, Kuala Lumpur sung aa tualpi minthang mahmah khatah vaihawm thei uh hi. Hih pen a kum (3) na hi aa, ZEC Sang (2) pan Zomi naupangte hong sap uh, ih kihel theih a kum (2) na ahi hi. ZEC hong sam leuleu ZEC min tawh Cheras leh Talalla centre tegel pan Zomi siamsin naupang, Zomi ahilo sang naupang, nu leh pa te, Sia/nu kigawm vekpi (200) val kihel theiin, ki tampen ding hi; Zomi in hamphatna khatvei ki tam ngah pen leuleu ki cithei hi. (5) (6) Naupang a kihel khempeuh, pawi hun main lukhu, puan, bombi tual, shoe mikim aa a mel kibang sitset khatta hong piakhin uh aa, a pawi ni-in zong moh, nektheih tuamtuam tawh a pai khempeuh vak uh hi. A pai, a ciah (9) (7) (8) bus (4) tawh hong dawn, hong kha ciatciat uh hi. Kimawlna, kidemna tuamtuam ah Zomi siamsin naupangte-in pahtawina tampi ngahthei uh hi. ZEC centre dang aa kah Zomi naupangte hong kihel theihding a ki lunggulh hangin, a vaihawmpite ii sapna bang a kizui hizaw hi. Mite hong phawkna leh hong ciaptehna thupi Nung kum bangin UNHCR pan a lianpen pa-in tha hong piaktheih loh hang, ama za nuai aa thu vaihawmpinu leh Education lam pan ulian (2) zong pawi kipat pan a tawpdong kihel uh hi. Tzu Chi Foundation panin uliantein tha hong pia-in, nasem (200) val bangin maitai takin volunteer sem ngiat uh hi. Mite nasep zia thupite kimu hi. Pawipi hun sung khempeuh mangkam aa thugennu tawh semkhawm in kawl kamin kamlet leh thapiak asep siam Sia Francis Khampi (CBLC Project Coordinator) hi aa, sang dang tuamtuam, minam dang tuamtuamte lakah Zomi iki pulakna picing thei mahmah hi. Pawi hun sung mah in zong, Zomi sang siate hita leh naupangte hita leh TV channel aa lah dingin interview tuamtuam hong bawl uh aa, media lam asem pawlkhat ta dingin Zomi cih zong a zakcilna uh na hipah hi. A beisa kha khat sungah zong, Tzu Chi media lam saite, ZEC phual thum ah hong hawh zelin, video laakna, lim laakna leh thudotna tuamtuam hong neikhin uh hi. ZEC-Cheras ah hun tam zangpen uh aa, sang ii ki vai puakziate aa kipan aneng atawng in dotna, khumna nei uh hi. Hih pen leitung gam lian khempeuh ah amau TV channel pan lakkik ding ngimna nei uh hi. Zomi te hong panpih mahmah uh hi gige hi. Malaysia gam khawng ah gambel dinmun tawh ih tun khit ciang, ih minam, ih naupangte, ih sepnate leh ih kivaknate hong thei, hong ciamteh NGO tuamtuam hita leh UNHCR mahmah tung hita leh, ih lungdam semsem hi. ZEC

July 24, 2011

RSC Pan Zasak Theilo

Anuai aa file nambat tawite pen, interview lutding RSC zumpi pan contact ngahzolo uh hi. Hih file nambat a tawite-in RSC zum ah zaksak kul aa, uliante-in interview ni ding hong sehsak kik ding uh hi. RSC zum pan hong piak bangbang un aki suaksak hi aa, a Minte kihello hi. Tanau meltheihte tung theisak tek ni. File nambat kihel peuhmah, a thu vaihawm ziading a tellote-in ZAM ah kidong thei hi. 791-09C03461 354-08C05318 791-09C05445 791-09C03676 791-09C00695 791-09C04808 791-09C03426 791-09C03678 791-09C03759 791-09C03390 791-09C05786 791-09C03806 791-09C03387 791-09C04836 791-09C02929 791-09C03302 791-09C03642 791-09C04209 791-09C03357 791-09C04791 791-09C14454 791-09C03275 354-09C03856 791-09C05550 791-09C03304 354-08C05967 791-09C05113 791-09C04195 791-09C04824 791-09C03613 354-08C06323 354-08C03272 791-09C04851 791-09C04231 791-09C04891 791-09C04710 791-09C04232 791-09C11128 791-09C01233 354-09C01630 791-09C00769 791-09C10590 791-09C04594 791-09C00122 791-09C01005 791-09C04897 791-09C05785 791-09C05490 791-09C03775 791-09C11122 791-09C11465 791-09C04157 791-09C11122 791-09C05415 791-09C03798 791-09C11158 791-09C05428 791-09C04235 791-09C11074 791-09C05135 791-09C03087 354-09C05429 791-09C05120 354-09C00455 791-09C00750 354-09C02294 791-09C03092 354-09C04503 791-09C02472 354-03C10510 354-09C04418 354-09C04326 791-08C01743 791-09C11246 791-09C03691 791-08C00535 791-09C03992 791-09C03835 791-09C04062 791-09C04024 791-09C02471 791-08C01783 354-09C04593 791-09C03893 791-09C04744 354-09C04602 791-09C04951 791-09C02289 354-09C05682 791-08C01784 791-09C04765 354-09C04588 791-09C04980 791-09C04783 791-09C03808 791-08C01453 791-08C01450 791-09C01561 791-09C12360 791-09C09777 354-08C04824 791-09C01816 791-08C01745 791-08C01707 791-09C02840 791-09C02224 791-09C03476 791-08C01802 791-09C02223 791-09C03239 791-09C05795 791-09C03755 791-09C04913 791-09C11144 354-07C04900 791-09C01886 791-08C01727 791-09C05677 791-09C04924 791-09C05778 791-09C05631 791-09C02408 791-09C12429 791-08C00065 791-09C05621 791-09C04786 791-09C05024 791-09C05141 791-09C04974 791-09C03891 791-09C12595 791-09C04754 791-08C01911 791-09C03809 791-09C03241 791-09C04747 791-09C04866 791-09C02688 791-09C05727 791-09C04588 791-09C00608 791-09C04832 791-09C04861 791-09C11109 791-09C11393 791-09C02889 791-09C01608 791-09C04989 791-09C02820 791-09C04933 791-09C05077 791-09C14352 791-09C12446 791-09C11261 791-09C05191 791-09C04999 791-09C04761 791-09C00206 354-03C09763 354-09C05034 791-09C03853 354-09C04981 791-09C01695 791-09C03845 791-09C02238 791-09C04747 354-09C07461 354-07C05873 791-09C05014 791-09C05605 354-09C00944 791-09C05040

Tongdot Bu Beidekta English-Zomi Dictionary (tongdot)

bute a sawtlo-in beita ding hi; Bu khat RM50 in kingah lai hi. Bank Laibu Leh Bank Card Bawlsakthei UNHCR card ngahkhin, bank card leh bank laibu a lunggulhte vaihawmpihna kizom lai hi. Kizopna ding: 012 367 4665