Since 2006

ZAM Information Department

Volume 6, Issue 46 April 22, 2012

Estd. 2006

informing people, transforming lives

Mi khempeuh mai-ah a kilawm gamtatna na hanciam un. Rome 12: 17b MALAYSIA GAMBEL MI KHAT NA HIH LEH
Kimat-kihen hong tamkik zel hi! Rawang aa kiman tawh, khuasung ansai sung aa kiman tawh, Times Square aa kiman tawh, mun tuamtuam ah om kawikawi hi. Kumpi ciapteh IC khat, passport khat tawilote ihih manin vaksuk vaktohnate-ah ih pilvang kul mawk hi. Kamsia aa ki mankha zong ih ommah ding aa, ahi zongin ei lampan zong gamtat zia ki etphat ding om hi. Apha lamen, asia kiging Tunai sungmah a kiman, ahih kei leh lampi aa thu kisit ki-om mahmah aa, ZAM hong kiko mah ta leh, athu mahmah kicing hong ki zasak theilo tampi om hi. Gentehna: A kiman pen ii ZAM card nambat theihpih khalo, UN card nambat theihpih khalo, ahih kei leh, a kiman pen aki puakna palik zum theihpih khalo, bangci dan aa kiman theihpih khalo! Ahih kei leh, a kiman kha pa/nu in, a kimat khitteh a vaihawm dan ding thei vetlo cihkhawng a om ciang, ZAM panin UNHCR-OPI ah ih zaksakna mazang hetlo hi! Kim leh pam meltheihte tawh koici ki panpih thei A tamzaw pen, nasepna phual ah Zomi khat kia om cihbang tamlo ihih manin, hih dinmun ah, Kipawlna hito nai takei leh ki panpih theihna leh ei leh ei kikhual kholhtheihna tampi ki muthei pah hi. Ih phawk kha hiam? Ih nasepna mun aa ih ompih gambel mi khempeuh hong kiman zenzen leh, kua-in ih vai hong vansak ding, zumte tawh hong zopsak ding sehkholh huai lel hi. Na seppihpa a kimat zenzen leh no bangci ki panpih ding cih, ki kupkholh lel zong hoihlai hi. Tua kikupna pen, a kiman lua ding aa kiging cihna hi hetlo hi! Mal (11) bek a pha ih UN file nambat pen ciapteh hamtang ding thupi aa, ih meltheih/tanau ih muan khatpeuh in hong theihpih hamtang ding zong kisam hi. (Mi khempeuh theihsak kullo hi!) Ih nasep pih ih muan khat kiang zong theihsak lelding kisam hi. Ei mahmah in zong ih card nambat etlo sa aa pulak theih hamtang ding kisam hi. Ei zong hong ki manthei, ih lawmte zong ki manthei hi. Ki matna a tuakkha lawmte a om ciang, hihtheih tawp tawh ih panpih semsem ding, panpih ding dan ih theih sinsen ding leh a manlang aa vaihawm ding thupi hi. Bang tuakding theikhollo ihih manin lawmte ii phone nambat khawng ciapteh huai hamtang hi. Ih paina ding, ih ciahna ding naseppih ahih kei leh tanaute theihsak tangtang kisam mahmah hi. Gambel leh gambel ih ki panpih theihna ciangtan nei hi. UN laidal/card, ZAM card copy khatta peuhmah tuamkep huai hi. Hong kimat zenzen leh, omzia, maipuak ki niamkhiat ding thupi-in, lau om ding hisamlo hi. Hopih siam kisam hi. Banghang hong man hiam cih theihding kisam hi. Haksalo - a thupi mahmah kampau nasep Nungkum leh tukum sung Zomi tul tampi mah Malaysia gam belin hong tunbeh hi. A theisate-in ih hilhkul hita hi. A theizaw, a ngaihsun theizaw khatin kim leh pam meltheih tanaute hilhding vaipuak lianpi neitek hang! ZAM member te aa ding Deihloh penin thuneite ii thudotna, matna atuak ih om zenzen leh hih phone ah panpihna ki ngenthei hi: Tuangpu (016 254 4093). Minam kipawlna ZAM ah member a bawlte bek ki panpih hi. UN ngahkhin ahi phial zongin ZAM card a sihkhit leh ki panpih theilo hi. Zum khat pehpeuhte paizia ih zuihman ahihi.

RSC Pan Contact Kingahlo

Hih anuai aa File nambatte pen, interview lutding RSC pan contact a ngahzawhlohte uh April 20, 2012 ni aa RSC zumpan hong piakte uh ahihi. Maban vaihawm ziading a tellote-in ZAM ah kidong thei hi. ZAM zum: 03 2142 6659, 03 9226 1926
791-09C15879 791-09C15350 791-09C08583 791-10C08208 791-09C17666 791-10C07825 791-10C08168 791-09C16537 791-09C16353 791-09C11001 791-10C07728 791-10C07893 791-10C07896 791-09C15718 791-10C07891 354-10C11327 791-09C16619 791-09C16721 791-09C16627 791-09C16037 791-09C13847 791-09C16138 791-09C15747 791-10C07961 791-10C07963 354-09C01463 791-09C16815 791-09C14952 791-09C16088 791-10C07821 791-09C16444 354-10C05535 791-09C15568 791-09C16590 791-09C16216 791-09C09459 791-09C19217 791-09C14894 791-10C07673 791-09C13607 354-10C11390 791-09C08757 791-09C04462 791-09C16148 791-09C16621 791-10C07758 791-09C13804 354-09C04073 354-10C02994 791-09C09045 354-10C11738 354-10C11417 791-09C16647 791-10C07964 791-09C08635 791-09C16492 791-09C14949 791-09C16317 791-09C16611 791-09C16357 791-09C13497 791-09C13542 791-09C15569 791-09C10530 791-09C15650 791-10C07867 791-09C16808 791-09C16685 791-09C16801 791-09C16933

ZAM THUPUAK
SIATVATNA-PANPIHNA KI PIATHEI LAI
Hanmual ah ki tuhkik thei April 10, 2012 nitak in Klang lampi tung khatah tuahsiatna atuak Pa Dal Khup leh Nu Cingpi te, a tano tegel leh leitung nuntakna a nusiat khit uh ciang, amau kikhopnna ahi KMCF (Klang Myanmar Christian Fellowship) pawlpi Siapa Brang Mai (Kachin) leh a pawlpi vaihawmsakna tawh Klang Meru hanmual ah, April 21, 2012 ni-in a luanghawmte lei-ah ki tuhkhawm thei hi. Ih sih, ih dah ciang veina a kilak thei Zomi te ihihna pawlkhatin lakkhia thei hi. Klang aa om St. Bernabas biakinn ah zingsang 10am hun kipan ding, Klang sungpan bus 5 leh khuasung lampan bus 3 ki vaihawm hi. Hun zawh teh hanmual kizuan hi. Malaysia tangthu-ah Zomi nupa kop khat hanmual ah a kituh cilna hikha ding aa, a zui zong a tampen hiding hi. Pawlpi leh mimal in panpihna ki piathei lai Aki tangko khia sa ahi Panpih Ding Hanthotna ommah bangin, Malaysia gamsung gampua pan a tuahsia innkuante a lainatpih, a vei pawlkhatin sumtang mahmahin hong khak/puak uhhi. ZAM tawnlo-in a tanaute tung a piakhia zong ki omding hi. Hih bangin, mipih innkuan khat a tuahsiat teh van gikpi puakpih ding aa a phal ngam Zomi khempeuh tung Pa Dal Khup tanaute khempeuh tangin Lungdamna Lianpi ih pulak hi. A piaksawm lai leh hong khaksawm lai zong ki-om aa, April 21 ciang a piakhia khinsate anuai-ah; Malaysia Siyin Chin Fellowship (Malaysia) ~ RM200.00 International Zomi Christian Church (Malaysia) ~ RM211.00 Sister Tania (Malaysia) ~ RM400.00 ZCF-Canaan (Malaysia) ~ RM435.90 Manna Zomi Chirstian Church (Malaysia) ~ RM647.00 KLIFF Church (Malaysia) ~ RM500.00 Calvary Zomi Baptist Church (Indianapolis, USA) ~ RM300.92 Sia Thang Suan Piang (Khamkhua: Kansauzang) ~ RM50.00 Sister Tania (Malaysia) ~ RM400.00 Pum Neih Thang (Khamkhua: Suanghoih) ~ RM10.00 Pau Khat Pum (Khamkhua: Voklaak) ~ RM10.00 Khup Hawm Thang (Khamkhua: Tungzang) ~ RM30.00 Dr. Lian Sian Sing (Khamkhua: Laaitui) ~ RM50.00 MBF Sunway Khangnote (Malaysia) ~ RM200.00 Zomi Daily ~ RM100.00 Zomi Ebenezer Malaysia (Klang) ~ RM200.00 Zomi Singunau Kipawlna ~ RM100.00 Zomi Innkuan (Singapore) ~ RM783.00 Dong Gel Thang (USA, Khamkhua: Sezang) ~ RM150.00 Lang Kap Pau (USA, Khamkhua: Tungzang) ~ RM100.00 Mungpi (Khamkhua: Lailo) ~ RM20.00 Chicago Zomi Community Church (USA) ~ RM636.33 Laipian Pawlpi (Malaysia) ~ RM100.00 Lian Go Kam (Khamkhua: Laaitui) ~ RM20.00 SDA (Malaysia) ~ RM360.00 Panpihna pianuamte kizoptheihna ding Hih vehna/panpihna a piazo ding peuhmahin muang takin a kiseh anuai aa palaite tawh na kizom un: Sia Kam Sang (014 738 1459), Pa Dai Kam (017 991 0457), Tg. Thaa Mung (016 646 5375).

April 22, 2012

KIPAWLNA MABAN DING TANGKONA

Zomi Kipawlna (Zomi Association of Malaysia) ih manawt zawh kum (6) dektak sung ento leng hunbit nasem palaite leh mipi ii hanciamna hang aa hiciang kiding zo ahihi. Mipi ii sepna kisam hi. Tua hi-in, tu aa kipan mipi tha leh mipi ii kihelna, mipi ii sepkhiatna tampi tawh ki hanciam semsem ding hi. Tua tawh kizui-in, anuai aa bangin vaihawm kulta ding hi. Hih anuai aate ih sim teh Zomi khempeuh panpih lo ding cih hilo zaw in, Zomi khempeuh in Kipawlna-ah ma pangzaw semsem ding aa vaihawmna ahihi. Kitel mahmah lel hi. Banghang hici vaihawm sawmta ihiam cih a telbeh nuamte-in, zomiassociationmls@gmail.com ah suakta takin kidong thei hi. Abeisa hun aa ZAM pan mobile registration tawh UN ngah khempeuh hanciam in a min leh a UN nambat kikem napi-in, pawlkhatte UN ngahkhit teh hong laknawn lo uh ahih manin honkhat ii min leh UN card nambatte kikem khalo hi. Ahi zongin, UN card piakna ahihpah nailoh hang tutung biodata collection aa kipan mahin ZAM ah min hong khum khempeuh ih kaihkhop kipatni aa kipan ki ciamteh sitset hi. A laidal copy leh computer sung mahmahah ki ciamteh hi. Hih min aki khumsak ZAM member khempeuh ii maban vai khat peuhpeuh Kipawlna sepsak theihding munte-ah Kipawlna-in sepsak ding hi. ZAM pen nang aa hi. Tuamah bangin, ZAM a za ngeilo zong hisamlo, nasep zia zong a tello zong hisamlo, UNHCR te kiangpan deidanna a omding zong hipeuhmahlo tel sinsen kimlai, ZAM vaihawmna khat peuhpeuh ah kihello zaw aa Kipawlna khatpeuh ah akihelte ii biodata (thutomno) leh phone nambatte zong ZAM ah kikem hetlo hipah hi. Gentehna; UNHCR in tutung biodata kaihkhopna-ah, alut masa, alut nunung ding cihkhawng, saanding nei, saanloh ding nei cihkhawng, tuabang thu peuhmah om vetlo thei gige, ZAM vaihawmna-ah kihello aa, mundang khatpeuh ah na min na piak leh, ZAM in zong na min ciamteh kha hetlo hipah hi. Tuamah bangin, mailam hun sungah vai tampi a kituak thei lua gige, ZAM ah nisim ih buaipih zumlai gelhsakna, damlohna, hamphatna khatpeuh, deihloh penin tuahsiatna, sihna-manna, kimat-kihen tuahkhakna, naupangte sangkahna aa kipan panpih ding dinmun na tun khak aa, hong ki panpih kei zenzen leh Zomi Kipawlna tung na kha siat theihna ding thu omlo hi. Banghang hiam cihleh, Kipawlna pen ahihtheih laisiah nangma puahding hizaw aa, nang hong donden ding lamin ngaihsutna hoihlo hi. iNFO

Thutomno (Biodata) Kaihkhopna Aa Ding

Biodata Kaihkhopna vai-ah, ZAM member sungpan, KL leh a kiimnai aa om, UN ngahnailo, kum 18 leh atungsiah, innkuan lutpihna a ngak ahilo khempeuh in tua form laidal pen, mi khatin khatta ZAM zum ah pai-in khumding ahihi. April 5, 2012 ni pan ih pat ahihi. Vaihawmna thak hi Kum tampi, kha tampi ZAM card tawite ahi zongin, tunai aa bawlte, tutawm aa bawlte ahi zongin, tutung aa form laidal thak (mi khat dal khat) tungah na thu na khum tektek kei leh, data collection vai-ah hong kisam khalo ding hi. UNHCR biodata thusaipipa tawh kihona-ah, tul nih bang na pha uh zong ni khatin kizo lel ding hi, ciin, April 15, 2012 aa kipan Kipawlna phungvuh/puah na ding sum ki khiasakta hi. A khialo omlo ding aa Kipawlna pan ih vaihawm ahihi.

Panpihding Ngetna Hih photo aa sanggampa

pen, Lian Mun Mang (Pyidawtha, Thatkhup Beh, Kum 24) hi aa, Malaysia gam bel aa om hi. Innkuanpihte tawh ki thuzakloh kha nga valta aa, a mu kha, a theikha ih om leh ZAM zum ah hong zasak un, cih a innkuanpihte ngetna tawh ong theisak ungh. Dotpah Hoihzaw Tuteng thuging tuamtuam tamzel hi. Ki telcianlo thu peuhmah ZAM zum dot hoihzaw hi.