Since 2006

ZAM Information Department

Volume 6, Issue 50 May 20, 2012

Estd. 2006

informing people, transforming lives

Sanggamte aw, no na hih uh leh, thasial lo-in, na hoih sep ding na hanciam un. Thessalonica Nihna 3: 13
CDU Khasim Kikupna
UNHCR-CDU makaihna tawh khasim khatveita a vaihawm uh, Kipawlna makaite tawh kikupna pen May 17, 2012 ni-in Chinese Assembly Hall ah vaihawm uh hi. Tutung kikupna-ah, a deuhdeuhin Child Protection vai ki theihsakna, kikupna hi. ZAM pan sang naupangte vai asai Lutangpi Huh kihel thei hi. RSC ulianpa vaikhakna leh theihsakna CDU kikupna om simin a masa-in, RSC ulianpa-in RSC vai theihsakna leh dotna-dawnna hun makaih masa den hi. Galtai mimal kimin ih theihding, zuihding thu pawlkhat anuai aa bangin RSC mangkang ulianpa-in hong vaikhak hi; RSC thu dawp theihna ding RSC zumin phone line (4) a kizat hangin a buaipih man ding officer khatbek kiseh zo hi. Tua ahih manin, nasep deih bangin kizolo thei hi. RSC tungah thudawp, maban dawp peuhmahin, phone tawh, e-mail tawh beklo-in fax na leng tawh adawp zong ki-om aa, tuadan ding hivetlo hi. Phone kia zong kicinglua, e-mail kia zong kicinglua hi. RSC maban adawp peuhmahin Case nambat (MY nambat) maan sak sinsen ding kisam hi. Zogam pan galtai tampi pen, a tunna ding gamthumna a tunkhit ciang, aki vaihawmsakna Khua pan Khua dang kituah nuam ziauziau tamlua hi! USA ulian lamte-in, buaihuai sa-in, a tawpna-ah Malaysia aa RSC zumpi thudotna tampi hong neikhin uhhi. No ii mailam saupi khualna-in tuabangte hong kidawmta un. USA gam aa State (48) takin galtaite lutsak hi. USA aa na meltheih tanau omna Khua pen nang lampan pulak theih hi aa, DHS interview na lutkhit kha (3) sungin zong ki zasak thei hilai hi. Meltheih tanaute address piaktheih manin, kitung baih tuanlo, ki ziakai tuanlo aa, a thupi penpen ah meltheih tanau khatpeuh ii address na piak leh address maan sinsen kisamin, phone nambat maan sinsen bang omthei leh vaihawmna manlang tuam hipah hi. Tua USA aa om na address piak anei pa/nu in, pello-in nang hong theihkul hi; Va hopih leng a theilo na omthei hi. Kumkhat ai pulakna (report) neiding Kipawlna khempeuh in CDU tungah kum khat sung nasepsa leh sepsawm teng banah, mipi tawh nasepkhopna, makai kitelna koici vaihawm cihte pulakna kinei leuleu ding hi. Child protection BID makainu-in naupang kikepbittheihna lam hilh hi. BID ah officer (2) bek omin nasep zawhhak cihzong gen hi. Nu leh pa tawh a omlo, registration ngah nailo kum (18) nuaite-in RSD ah zasak leh hoihpen hi, ci hi. Galtai pawlkhat naupangte kum a pulakna-ah zuau zangh ahih manin a maban uh ziakai, gamthumna vai-ah a ziakai tuam tampi om hi, ci hi. A zenzenin, naupangte kum phazah vai pulak khialhna a om leh, thuum kikding, officer te lamlahna zuihding kisam hi, ci hi.

Nomination Committee Pan Tangkona

June 7, 2012 ni-in, ZAM Kumcin Khawmpi leh 2012-2013 Makai Thak ding kiteelna omding hi. Nomination Committee leh Election Committee ding aa kisehsa teng; Rev. Dr. Zam Khan Thang, Pa Dai Za Kam, Rev. Thawng Ngaih Khup, Rev. Pau Cin Thang, Sia Kham Ngaih Langh, Thomas Piang, Sia Vial Mung. Amakaih ding Rev. Dr. Zam Khan Thang kiseh hi. Kiteelna aa kihel ding min piakte pen, kiteelni ciangin amin piate leh a min piakte khawmpi ah hun man dong kihel hamtang ding hi. June 4 ni 12pm pan kipan hun mandong ZAM nasep zia, Thukhun leh Dante, ki piakkhiat nasep zia pulakna leh kidot cianna, kikupna hunpi-ah kihel hamtang ding hi. Min hong kipuak zahzah sung pan EC ding (11) kiteel ding hi. Tua EC (11) lakah numei (2) kihel ding ahih manin numei dingzong min kipuak thei hi. May 31, 2012 ni ma aa a kipuak minte bek kisang ding hi. Me piadingte leh a kiteelna lut/kihel ding peuhmah ZAM card (hing) tawi hi hamtang ding hi. Min puakna ding hih Nomination Commitee te tung hipah hi; Pa Dai Kam (019 338 5142), Sia Khupboih (010 264 3312), Sia Vial Mung (017 333 4320). Kumcin Kiteelna vai tawh kisai, dotnop, theihnop leh ngaihsut piakna a om bangbang anuai aa Committee te leh ZAM palaite tung ki zasak, kikan thei hi; Thomas Piang (016 610 0877), Sia Paucii (010 215 0973), Sia Langh (016 595 7003). ZAM Nomination Committee 2012

Phone Nambat Laihte Theihding

Biodata kaihkhopna aa dingin, ZAM zum pan basic biodiata form laidal tung aa na piak phone nambat zatnawnlohna khat na neihkik leh manlang takin ZAM zum hong zasak pah un.

Sang UNCHR tawh kithuah pawlpi bulphuh NGO khat ii

vaihawm My Training Centre ah, English, Computer, Leadership, fee omlo-in kisin thei; Numei, pasal omna vaihawmsak uhhi. ZEC Siate tung kidawpthei; 0166042846, 0163406743

Biodata Kaihkhopna Maban Biodata Kaihkhopna vaiah, ZAM member sungpan, KL leh a kiimnai aa om, UN ngahnailo, kum 18 leh atungsiah, innkuan lutpihna a ngak ahilo khempeuh in bio data form laidal pen, mi khatin khatta ZAM zum ah pai-in khumding ahihi. ZAM card bawlna laidal leh biodata form laidal kibanglo hi. A tamzaw in KL kiim ci aa ih theih, ahih kei leh khuasung leh akiim teng aa om ZAM member te aa ding, ZAM zum ah, min pia-in form laidal hong khumsa khempeuh tung mai kaal sungah a vekpi-in ki zasakta ding hi. DAHPIHNA Tedim aa teng Pa Ngul Za Nang (Gawngmual Khua, Bawmkhai Beh) leh Nu Ngoih Nem te tapa Pa Mung Khan Thawng (Kum 46) in May 16 ni-in leitung nuntak nusia aa, May 18 ni-in Seremban leitang ah ki tuhkik hi. Zomi bup ih dahkhawm hi. ZSM member khat hi aa, ZSM in hanmual vai aa sumbei teng leh avai khempeuh vaihawm pih thei hi. ZSM Unaute Panpihna Maban Khaino leh Singno te unau tungah veina tawh kipia sumte sungpan May 15 ni-in RM1,000 unau akemte-in hong lathei uhhi. Kha simin RM1,000 ta lading cih ki thukimsa ahihi. Laimai awnglo, panpihna apia thakte kisuaksak nailo hi. HELP University Mi Samkikta Project Self HELP ci-in UNHCR leh HELP Sangpite vaihawmna tawh galtai, UN ngahsa, kum 16 pan 24 kikal, leitung theihpih Sang minthang HELP college aa siamna sinnuamte aa ding samkikta uhhi. Akahsa leh kah laitak zong tampi om aa, Zomi tampi kahhuai mahmah hi. June 8 ma-in UNHCR-Youth Section tungtawn aa applicaiton form apding hi-in, ZAM zum leh ZEC vaihawmte tung form hong khumta un. Vaihawm zia dawptheihna: 016 293 9027 Australia CO Class Amun Thak A14-6 Menara Atlas Plaza, Pantai, Jalan Pantai Bahru. General Line: 03 2282 0466

ZAM THUPUAK

May 20, 2012 leh a biakna-uh hang hi. Biakpiak ki phallo ahih kei leh biakna upna hangin bawlsiat thuakte galtai dinmun aa om ahihi. Suakta tak aa biakna leh upna a neitheilo, a bawltheilo khatpen galtai khat ahihi. (E) Gammi hihna (Nationality) Gammi hihna icih pen, na ki patna gam ahih kei leh na khua le tui hihna gam cihna hi. Gentehna khat ah, mi khatpen Kawlgam mi hi-in, Malaysia ah, Kawlgam mi ahihna hang tawh bawlsiatna ngah zenzen cihdante hi. A huamkimin etphatna: Galtai mi aa UNHCR in a ciapteh khatpen, cii le phung, biakna, gammi hihna, kipawlkhopna sungah kihelna ahih kei leh gamthu deihdante hang aa lauhuai bawlsiatna cih bangin ahang thugil/thu kician a tawmpen khat atuak kha peuhmah galtai mi-in ki ciamteh thei hi.

KUATE GALTAI KICI HIAM (Ahihkeileh) GALTAI MI AA KI CIAMTEH KUATE HIAM

(Nung kaal aa azom) 4. Gamthu deihdan, gam kumpi-in a langpang aa amuh ki pawlkhopna-ah pawl mi hihna, ci le nam, biakna hang aa ahih kei leh minam khat hihna hang aa bawlsiatna acih bangdante hiam? Kawlgam pan bang, bawlsiatna thuak a kici khempeuhin galtai-in ki ciamteh theilo ding hi. Mi khat ahih kei leh mite-in, nang hong bawlsiat ding na lauman ahih kei leh hong ki bawlsiat theihna ding thu a om manin galtai aa ciaptehna kingen thei bek hi. (A) Gamthu deihdan/sandan (Political opinion) Mi pawlkhatte ama gam sungah bawlsiatna athuak uh banghang hiam cih leh, gamthu deihdan aneih hang uhhi. Hong uk thuneite na panpihna ahihkei leh langpanna thu tawh kisailo hi. Amaute galtai mi-in aki ciapteh theihna pen, amau ii gamthu deihdan hang aa aki bawlsiatna hangin lungphona sungah a kihel sang naupangte, lungphona sungah kihel kumpi langpangte, ki pawlkhopna aa nasepna, gamvai kipawlna-ah pawlmi hihna leh kumpi sungah pawlmi hihna cihte hang hi. Ahi zongin, khat veivei ciang gamthu deihdan na neihloh hangin thunei kumpite-in nang hong bawlsia thei hi. Banghang hiam cih leh, amau ii ngaihsutna-ah, nang pen gamthu deihdan khat nei hi, cih hong upmawh man uhhi. Kumpite-in, hih bangin hong ngaihsut teh, gentehna-in, na omna kuam ah singnuai mite ii gamtatna mun ah nang omkha, ahih kei leh na sanggam khat pen gamvai kipawlna a panpih khat, ahih kei le h na innkuanpihte khat kimatna hang hithei hi. Na nasepna hang, kipawlkhopna-ah na kihelna hang ahihkei leh a kihel mite tawh hun na zatkhop man cihte pawl hangin zong galtai mi ih suahna ding thu piangthei dihzen hi. (B) Kipawlkhopna (Social group) Mi tampite bawlsiatna athuak uh banghang hiam cih leh, amaute kipawlkhopna khat ah pawlmi khat ahihna uh hang hi. Kipawlkhopna ih cihin, amau hihtheihna tek tawh a bawl uh kipawlkhopna hithei aa, tuate khektheih hilo hi. Gentehna-in, amaute innkuan khat sung hithei, ahih kei leh beh le phung, ahih kei leh namziing khat hihna. Gentehna-in, gamkhat ii kumpi-in namkhat tondan zia le tong, a minam bup cimit sak nuam. Kipawlkhopna sungah a om manin bawlsiatna thuak. A zenzenin a beisa hunin, bawlsiatna ahih kei leh lauthawng sakna a thuak hangin galtai mi suakthei hi. A beisa hun-ah nang mahmah hong kibawlsia ahih kei leh hong tuahsia sak cihbang a omlian loh hangin, hih anuai-aa thute hang tawh galtai mi suakthei uhhi; Thunei kumpi-in, Zomi Christian leh Muslim te deihlo; thunei kumpi-in, Zomi Christian leh Muslim te gal le sa bangin mu. Hihte pen banghangin thupi hiam cih leh, (mi khattung lianah bangmah hong pianloh hang) meltheih innkuanpih, alawm ahih kei leh tanau khat peuhin hih atung aa thute hangin bawlsiat a thuakna cihte hi. A zenzenin, amah dan mite, thunei kumpitein bawlsia cih getteh ding atheih a om leh, galtai hihna angen khatin a interiview tak ciangin a gualhsuk, a lahtheih ding banah, a biakna upna, a minam hangin koici bangin bawlsiatna thuak cihte lahtheih ding thupi hi. (C) Cii leh phung (Race) Mi tampite-in, a cii le phung hang un bawlsiatna thuak hi. A zenzenin, amel asa, a piankhiat cilna, a beisa thute hangin lauthawng huai bawlsiatnate atuahna hang tawh, utta kei leh galtai mi suakthei hi. (D) Biakna (Religion) Mi tampite-in, bawlsiatna thuak uh, banghang hiam cih

RSC Pan Contact Kingahlo

Hih anuai aa File nambatte pen, interview lutding RSC pan contact a ngahzawhlohte uh May 18, 2012 ni aa RSC zumpan hong piakte uh ahihi. A kihelkhate maban vaihawm ziading a tellote-in ZAM ah kidong thei hi. ZAM zum: 03 2142 6659, 03 9226 1926 791-09C 15667 791-09C 17306 791-09C 04723 791-09C 15928 791-09C 17316 791-09C 17474 791-09C 11502 791-10C 08024 791-09C 17261 791-09C 15795 791-10C 07903 791-09C 10718 791-09C 10019 791-09C 04627 791-09C 16430 791-09C 16321 791-09C 13204 791-09C 17354 791-09C 11481 791-09C 10202 791-09C 15985 791-09C 10196 354-10C 10312 791-09C 08311 791-09C 15828 791-09C 17464 791-09C 05565 791-10C 09412 791-09C 17231 791-09C 15944 791-10C 08019 354-10C 09464 791-09C 10359 791-09C 06503 354-10C 09662 791-09C 00904 791-09C 01332 791-10C 07167 791-09C 07334 354-09C 05983 791-09C 11895 791-09C 00388 354-11C 01136 791-09C 10374 791-09C 16430 791-08C 06171 791-09C 04602 791-10C 08284 791-09C 08170 791-09C 11140 791-09C 10459 791-09C 16253 791-09C 16631 791-10C 07994 791-09C 17485 791-09C 16962 791-09C 17238 791-09C 15588 791-09C 17402 791-09C 11540 354-10C 01770 791-09C 10754 791-09C 04730 791-09C 09260 791-09C 16550 791-09C 17491 791-09C 10256 791-09C 16550 791-10C 08266 791-09C 10034 791-09C 17474

DHS Pan Contact Kingahlo

Hih anuai aa File nambatte pen, interview lutding DHS pan contact a ngahzawhlohte uh May 18, 2012 ni aa DHS zumpan hong piakte uh ahihi. A kihelkhate maban vaihawm ziading a tellote-in ZAM ah kidong thei hi. 791-09C 10107 791-09C 13752 354-08C 03208 791-09C 07054 354-08C 03265 791-09C 13045 791-09C 12936 791-09C 09985 354-10C 02466 791-09C 05219 791-09C 09070 791-09C 01017 791-09C 07572 354-10C 08706 791-09C 05517 791-09C 08058 791-10C 08201 791-09C 06916 354-09C 07678 791-09C 07967 354-08C 05327 791-09C 10721 791-09C 07967 791-09C 08032 791-09C 05347 791-09C 06360

ZAM Zum 155, Jalan Maharajalela (7-11 tawh inn 2 kihal)