Kohhran Programme

Tukin zing Zan in Nilai zan Inrinni zan Pathianni leh Zing Pathianni leh zan 11th (Nilai zan) 14th(Inrinni zan) : Rbt.B.Zangaia : Upa KL.Hrangkulha : BMP : Upa H.Ngunlina : BSI : Upa Ateama : Upa C.Biakliana : Upa H.Tluangkima

JULY THLA DUTY

DEACONS :
1. Upa Saitlawma Sailo 2. Upa H. Ngunlina 3. Upa H.Tluangkima 4. Rbt JH.Lalbiakliana 5. Rbt.R.Chhuanvawra Leader

TKP SPORT TUN TUM ZET CHU

Thuamluaia Mualah khan rilru lama huphurh na nasa tak nei chungin kan kal thla kha chu a ni a, mahse Pathian in rem alo ruat dan ah hian mihringte hian Rinna kan neih tlem zia tilangtu mai alo nih zia alang chiang ting mai anih hi. Ni sa in khua tha selang kan duhthusam chu; chutiang chu a ni theuh maithei, kan duhthusam ang khan thleng ta zawk se la chu kan Football khelhah khan kan beisei ang in kan awm lo zawk hial mahna. Chu mi piah lamah kan rilruin a huphurh a, inkhel tur kan nih avangin intipalh a, intih thinrim a, buaina chhuak in kan mualpho der thei tih chu rilruin ahre reng a, mahse kan dil loh malsawmna an ti thin; tun tumah kha chuan kan dil ngei malsawmna ani kan dawn ni, khatiang buaina leh harsatna thleng thei leh tawng thei dinhmunah khan ding reng mah ila, chung zawng zawng chu thleng lo in kan Sport-ah khan lawmna tur hlir kan hmu ni ber hian alang a, hawh u Pathian hnenah lawmthu i sawi mawlh mawlh ang u.
Ti khan kan Unit sport thawh khat na chu kan zo fel ta reng mai a, athawh hnihna erawh Favang lamah kan nei leh dawn tih ihre reng ang u.Kan sport alo nawm a kan hlawhtlin deuh deuh theih nan TKP

member tinte tan la a hmasawn zel turin kan insawm tak meuh meuh a ni. Dt 24 th.06.2012 khan Groupte hnenah lawmman sem a ni a hetiang hi kan dinhmun chu a ni e. 1 - na Pu. Samuel Lalnunpuia Group 2 - na Pu. F. Lahrezuala Group 3 - na Pu. Lalrengpuia Sailo Group te an ni . Consolation Prize dawngtu te:1. Tv. H Lalramhlana Group 2. Tv. F.lalkhawngaihsanga Group 3. Pu. Lalruatkima Jongte Group te an ni a. Best Supporting Group Lawmman chu Pu. Samuel Lalnunpuia Group ten an dawng a, anni Group hi an ther fur ni ber in alang. Tin, Fair Play Award hi Pu.Lalruatkima Jongte Group-in an dawng bawk a ni. Best Goal of the Tournament hi Tv. Lalrosanga Pu. F. Lalhrezuala Group Secretary in adawng a, he Goal hi Last minuteah tum vang reng ni chiah pawh a lang lo in Champion-na Goal a ni. Heng lawmman Donated tu te, Fair Play Award - Pu. Samuel Lalnunpuia leh Goal of the Tournament - Gilgal Aw Editorial Board te chungah hian TKP Gilgal Unit Sport Organising Committee te chuan lawmthu an sawi mawlh mawlh e.Kan Sport hlawhtlin nan a tha leh zung nasataka seng zawng zawngte leh kan sum indaih loh na avang a hnatlang ruah sur hnuaia thawk te pawh kha, Krista leh Kohhran tan tih hria a thawk kan nih avangin alawm awm kan tih tlan vek kan beisei a, lawmthu sawi tur bik kan awm chuang lo kan lawmtlang a ni lawm ni. A thawklote kan phut lo a, a thawkte kan lungrual a kha kha Thalai Kristian Pawl tih dan tur chu a ni. Chu mai pawh a ni lo Group O.B te leh Memberte thahnemngaihna nasatak avang khan ahlawhtling ve bawk e, kawng thenkhatah a then kan kal ang a; a then kawng dangah tichuan kan tih theuh chuan thil ropui tak mai alo lang in kan beisei piah lam daihah Lalpa chakna ringin Lalpan hna min thawhsak thin tih ihria ang u. Theiriat Mualah khan kan hun hmasa zawk chu kan hmang liam

tawh a, khang hunah te khan buaina em em awm loin kan Sport kan zo fel thei a, kan Items hrang hrangah kha chuan tih dik loh leh tih fel loh chu kan nei ngei mai, Organising Comimttee chuan Group tin hnenah ngaihdam a dil e. Tin, kan Item tih takah te khan tih chhunzawm tlak loh leh paih tur tam tak kan hre ngei ang, khangte kha hmasawn nan hman tum ila, tichuan kan Unit Sport hian hlawkna thar achhar belh zel ngei ang. Kan member pui zirna avang leh hnathawh vang a ram dang a awmte pawh kan rilru chuan ahre reng che u in, nangni pawn min rawn hriat ve reng kan ring e, intel lo in Kum 2012 TKP Gilgal Unit Sport thawh khat na chu hlim leh lawm takin hmang mah ila kan lawm akim bik lo tih tal hi min han hriat sak kan duh e, kan ngai che u in tel kim thei vek ilang kan tiin kan duhthusam chu a ni. Amaherawh chu hun dangah kan dam ang a kan la Sport tlan leh dial dial beisei phawt ang aw!!! kan chah duh che u chu hei hi a ni, theih tawp chhuahin inzirlaiah leh hnathawhah khan inrilru - thinlung pe ula Lalpa tan hlan ang che u inthiam infinna. Thuamluaia Muala kan hun hman kha sawi hmaih theih loh leh theihnghilh theih tawh loh tur Sport ni ber in alang, kan lungrualin kan infiam dan kha amawi em em a, tumah phun nawi leh sawisel a; thinchhe em em a tawng pung pung hriat tur leh hmuh tur a awm lo, an awm lo mai pawh ni loin chutiang chuan tumahin kan ti lo kha a makin kan hawi ka hau zawk alawm le, kan Football Incharge te ngaih pawh a tha lo zawk hman tep ta ve ang. Mahse Sport Committee lam zawk kan inbuatsaihna a tha famkim lo hle tih pawh hriat leh lang lo lekin memberten min hliahkhuh a alawmawm leh zual hle a ni. Unit Sport kan hman danah hma nasa takin kan sawn a, tih tur tul leh seng hawi ngai reng rengah Organisingte kutah dah mai loin kan ti tlang dial dial te kha a ropuiin TKP Gilgal Unit nih hi anuam a ni.

Kan hmabak Sport kan neih leh turah pawh khatiang ang TKP member tih awm tak ti leh theuh turin kan inngen a, Tun tum Sport-ah khan tihpalh leh mi rilru tihnat kan neih chuan inngaidam tawn theuh ang u. Hruaitute pawhin kan tawngkam chhuakah kan fimkhur angai in kan member puite rilru hi kan hliam awl bik ani tih hria in, kan rilrua lang ang ang hi tawng chhuak phawng phawng lo turin leh rilru fim tak nen tawngtaina nun nen kan Pathian rawng hi i bawl ang u. Executive Committee leh Programme Committee memberte, kha ai khan kan nihna vang pawhin kan inpek leh kan paukhauh deuh chu angaiin kan hria em ? Lalpa Pathhian hian anuam lai chauh atan hian min thlang lo a hreawm laiah pawh min thlang ve tho tih hi ihria ang u. Khawi ilo kal naah a tlar 20-na vel atang a pawr ve tak nih ai chuan TLAR hmasaber atanga Pawr thin hi zuitu an ngah duh zawk phian thin a nia,Committee Card dawng lo in tunge Committee turin kal ang. Atawp ber atan chuan Mual kan han thleng a Member kan han chhiar dawn a, kan han intlar thap lai khan enge nang irilruah awm ve tih hi kan inzawt duh a ni. Khati zo zai kha kan awm ring hi an awm in ka ring lo, mahse kan va thahnem tak em anuam a ahlimawm a, kan phur tlang a, lehlam taka kan hlauh rilruk ruihhlo avangin kan buai palh ang a tih chu kan kal chhan hresa vek te chuan kan ti lo tlang kha alawmawm leh zual a ni. TKP Sport a ni a tunge rui duh bik ang le tiin kan zawt a ni mai thei e, Sual hi he khawvelah hi chu a in rawh peih ve em em reng tho a ni tih hi achhanna chu ani ber awm e, Awle kan Sport chhunga kan Unit in kan neih vek loh hmanrua hman ngai si thil tam tak kan tiin kan nei a, khatiang ang a buai em em ngai lo a min phuhruk sak tu te zawng zawng chungah khan amimal hming chuan kan sawi vek seng lo zawk hial ang, mahse midang khan Beng min lo chhut ngawn sak mai ula hei chauh hi chu kan tarlang duh hram a ni. Theiriat mual phal taka min hman tir tu YMA Branch Theiriat chungah kan lawm tak zet zet a, hemi ni a kan neih loh tul tam tak min hman tirtu leh man chawi ngai miah lo a min hawhtir tu ZMS Principal te chhungkaw chungah lawmthu sawi sen loh kan ba tih kan hria e,mahse hei hi kan lawmthu sawi naah min ngaihsak mai tur leh min lo pawmsak turin kan ngen nghal bawk a che u. Theiriat Mual mai pawh ni lo Thuamluaia Mual thleng thlengin kan mamawh Foot Ball leh Kan hak tur thleng in min Free zo zai te kha kan va lawm em. Heng zawng zawng tihhlawhtlin theih nan a mahni tul kalsan te leh kan inngenna ngai pawimawh a, lirthei kan neih ang ang Petrol man pawh tum sak lo chung pawh a rawn thawh chhuahpui zawng zawng tu te u, inchungah kan lawm tak zet zet e. TKP Gilgal Unit, Sport Organising Committee.

Tlawmngaia Gilgal Aw min sem sak tu te : 1. C. Lalhmingmawii 2. Lalnunmawii 3. B.Lalruatfeli 4. T. Lalremruata 5. F.Malsawmdawngliana 6. H. Lalrinmuani 7. PC. Vanlalhruaii 8. K. Lalruatdiki 9. Tv K. Ramchangliana 10. Tv Lallawmsanga 11.PC Malsawmkima 12. Samuel Lalduhawma 13. Tv R. Lalthanpuia

Editor Jt. Editor

: :

Tv. Lalrammuana Sailo Tv H. Lalramhlana

9612180862 9612865492

Production Staff: Tv K. Lalhriatpuia Tv Lalrosanga

9862925580 8974130804

LAWMTHU SAWINA Pu ZD.Lalthansanga chuan kan Unit TKP Steel Almirah thar a TKP hming chhut chu a thlawna min tih sak a vangin TKP Gilgal Unit te a chung ah kan lawm tak zet ani. LAWMTHU SAWINA
Dt 4.5.2012 - ah Pumpuina zai ngai hial in Civil Hospital Lunglei-ah kan lut a, Chutih laiin Kohhran leh chhungtin ten min tawngtaisakna hlu tak avangin himdamtein ni 24.5.2012-ah Damdawi In kan chhuahsan thei a. Tunah hian mahni inlum lamah that lam pan chho zelin in mi tawngtai sakna leh thilpek avangin hun kan hmang chho zel a. Kohhran leh Chhungtin te min tawngtai sakna-ah Lawmthu kan sawi in Pathianin malsawmna tam tak in vur theuh che u rawh se tih hi kan tawngtai na ani e. In khawngaih dawngtu Upa R. Lawmthanga te chhung BCM Gilgal, Theiriat.

Hun hman dik hi Bial rorelna hmalakna anih angin kan unit pawn hma lak a ni a, member tin ten eng ang kawng zawng pawhin kan Kohhran hnathawhnaah emaw Fellowship kanneih na reng rengah pawh kan hun hlu tak neih hi dik tak leh tangfkai takin hman itum teh ang u, hun hian min nghak lo kan ti thin awmze nei lo hian han liamtir lo phawt mai ilang nang leh midang tan ka hloh lovin hma kansawn ngei ang.

MISSIONARY SUNDAY
BCM hi a pian tirh atangin Pathianin Missionary Kohhranah Zosap Missionary-te leh Kohhran/Ringtu hmasate hmangin a din a, kan vanneih hle mai. Kohhran rorelna hmasaber a an thurel pawimawh tak takte zinga 2 chu, Ringtu tinin Inkhawmpui leh hmain mi 1 theuh tal ringtua siam, tih leh Tirkoh rawih nana thawhlawm thawh/lakkhawm. tih ani. Evangelism leh Mission hi hna pawimawh berah an neih nghal a ni. Kan Lal Isuan, Jerusalem khuaah te, Judai leh Samari ram khaw tinah te, kawlkil thleng pawhin ka thu hretute in ni ang,a tih ang tak khan Mizote leh Mizo hnahthlakte hnenah thahnemngai takin Chanchin Tha an hril a, Pathian ram pawh a zau chak hle. Kum 1939 atangin kan vela hnam dang Bru leh Chakmate hnehah Tirkoh/Missionary tirh tan a ni a. Kum 1968 atangin Mizoram pawnah tirh tan ani leh a, Kum 1985 atangin India ram pawnah tirchhuah alo ni leh ta. Tun ah chuan Mizoram chhung, India ram hmun hrang hrang, India ram pawn ( Bhutan, Thailand, Nepal, Bangladesh, China, Cambodia, Indonesia, Kenya, Nigeria, Ghana etc) ah te BCM chuan Missioanry alo tir chhuak ve ta a, kawlkil thleng pawhin Krista thu hretute kan ni zel dawn ani.

Dt 17/7/2012 Tuesday zan SADS Pual Fehchhuah A Hmun : Gospel Centenary Hall Tan Hun : Dar 7:00 Chairman : Nl R. Lalhriatpuii Hla Thlang : Pu Lalremruata Sailo MTKP Thuzir : Nl C. Vanlalhruaii Th.Lilamtu : Tv Fredy Malsawmsanga Tv K. Lalramnghaka Th.Hlantu : Nl Lalropuii Sailo
(Tawngtai rual neih a ni ang)

Dt 2nd/07/2012 Monday Zan Inkhawm Programme Hruaitu : Nl Dr. C. Laldingsangi Thusawitu : Pu F. Lalhrezuala Th.Khawntute : Tv F. Lalkhawngaihsanga Tv F. Ramfangzauva Th.Hlantu : Nl R. Lalrempuii Solo : Tv H. Lalramhlana Bible & Hlabu keng chhiar : Hruaitu
(Tawngtai rual neih a ni ang)

Zanin tlai Evangelical Cell hma lak na in chaw nghei tawngtai neih leh tur ani a, TKP member te mai bak ah a thei a piang lo tel tur in kan insawm e. Hruaitu atan Tv H. Lalramhlana ani ang. Tan Hun 5:45 Pm.

Unit TKP Member Date of Birth kan hmuh theih atanga siam ani a, TKP member chhiar laia D.O.B pe lo te pawh han in report hram hram teh u. Member ten kan piancham kan inlawmpui theih nan he column hi buatsaih ani. Happy Birthday

Member Hming Pu H. Lalmuankima Lalnunkimi Ngente Pu T. Malsawmsanga Tv L. Saizikpuia

D.O.B 1 2 4 5

Dt 4th July, 2012 (Wed) Zan Inkhawm: Hruaitu Thusawitu Th.Khawntu Th Hlantu : Pu R. Laltluanga : Pu Rochhuma Sailo : (i) Pu F. Lalchangliana (ii) Pu Lalthlamuana Sailo : Pu R. Hrangthanhnuna Missionary-te puala Tawngtairual na neih ani ang.

Dt 9th July, 2012 (Monday) Zan Inkhawm: Hruaitu Thusawitu Th.Khawntu Th Hlantu : Pi Lalhminghlui Sailo : Pi Laltanpuii : (i) Pi Lalruatkimi (ii) Pi Vanlalruati : Pi Zopari Tawngtairual na neih ani ang.

Tu leh Fate tana Tawngtai Hruaitu:

July : 6 - Pi T. Lalbiakchami 13 - Pi Lalramhawni 20 - Pi PC. Laldinpuii 27 - Pi Liandingi PANGPAR KHAWI TU TUR TE:

1st July Pu Vanmalsawma Sailo - Leader Pi Darkhumi Pu F. Lalduhawma Pu HC. Lalhmachhuana 15th July Upa Ateama - Leader, Pi Lalhliahkhuhi Pi Zairemthangi Tv. Lalkrosthanga

BCM NEWS
North India Mission : Rev. V. Laldingliana, FD, North India Mission, Delhi chuan U.P state thlang lama khaw 65 ah Chanchin Tha hril turin ruahmanna a siam a. Thawktu 3 awmsa bakah 3 an la thar. Helaia mihring cheng nuai 3 zinga 500 chauh Kristian an la ni. Simla-ah pawh hma an la tan a, thawktu 1 July, 2012 hian lak thar an tum. Tawngtaiin tan i lo lakpui ve ang u. Missionary Sunday : i) BCM Serkawnah Pu HC Lalhmunliana, Pu N. Buatsaiha, Pu ZD Lallungmuana leh Pu Ngurthankhuma Sailo. ii) BCM Mahanaim, Lungsenah Nl. P. Lalhmunsangi, Nl. H. Lalbiakveli leh Pu PC Lalthanzama. iii) BCM Immanuel, Lawngtlaiah Nl. KL Lalrinzuali, Nl. K. Lalrinkimi, Pu LH Ngurchhawna leh Upa Ch. Hminga. Mission Convention : June 29 July 1, 2012 hian BCM Sethlun chuan Mission Convention neiin Speaker atan Rev. RC Lalthanzama, FD, Chakma Mission an hmang. July 1, 2012 Missionary Sunday hian Rev. R. Lalrintluanga, Mission Coordinator chuan BCM Bualte tlawhin, Non-Mizo Fellowship, Bualte pawh a tlawh. Missionary damlote : i) Pu C. Lalremsanga chu a khel a na a, Kolkata-ah enkawl mek a ni. ii) Tv. Lalremsiama pawh a thluak a vung a, Kolkata-ah enkawl mek a ni. iii) Tv. Thangmawizuala, ET, Hmunthar chu Malaria Pv & Pf vangin Chawngteah enkawl mek a ni. iv) Pi C. Lalrempuii, Rev. Lalrinmawia, Thailand nupui naupai mek chu a tha lo deuh va, Mizorama naute zai chhuahsak tura an chhungkuaa lo hawn an tum. Pathian tihdamna leh thlamuanna i dilsak ang u. Mission Board meeting :

BCM Mission Board committee chu July 17, 2012 hian an thukhawm dawn a. Missionary dilte zinga 15 (sawmpanga) lak bakah, Agenda pawimawh tak tak Cambodia-a Missionary tirh te, Mimal/ chhungkua/ pawlhova Mission worker chawm chungchang te an rel dawn. Kan Mission hotute tan Thlarau Thianghlim hruaina i dilsak ang u. Tawngtaina hmanga Pathian ram tizau theia kan la awm hi Pathian khawngaihna a ni tih hriain lawm chungin, thahnemngai takin Lalpa i au vang u.