KTP Durtlang Branch 1955-2012

Branch Thupui:

Puanin zauh Isaia 54 : 2

E-mail : ktpinleng@gmail.com

KTP INLENG
29thJanuary, 2012

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

VOL 25 ISSUE NO. 4

GROUP NEWS
JOELA GROUP :Joela Group-te chuan tunkar thawhleh zan (24.Jan) hian lehkhabu kawm tha tawh lo (eg. Bible, hla bu leh lehkhabu dangte) siamthat tur neite khawnkhawmin hnatlang an nei dawn a. Kohhran chhungkua lehkhabu kawm tuam tur neite chuan thahnemngaia lo pe turin min ngen a. Khawn loh, siamthat tur nei site chuan phone no 9612629612 leh 9862614326-ah te inhriattir turin min ngen a ni. Anni Group hian hun remchang hmasa berah JOELA GROUP CHIBAI 2012 thawhkhatna neih an tum nghe nghe ani. ZAKARIA GROUP: Zakaria Group te chuan Dt 17th. January, 2012 (Thawhleh zan) khan Pu Sangvuana Mualveng te inah sumtuak hnatlang an nei a. Member thawkchhuak an tha hle, hnatlang a chhuak member zawng zawng te chungah leh inhlawhna siam sak tu Pu Sangvuana te chungah Committee chuan lawmthu a sawi a ni. NAHUMA GROUP : Nahuma Group te chuan Dt. 18.1.2012 khan Group sumtuak nan Pickle an zuar a, member thawkchhuak pawh an tha hle. Pickle lo dawr tute zawng zawng chungah Nahuma Group te chuan lawmthu an sawi tak meuh meuh a ni.
RECEPTION COMMITTEE HRIATTIRNA

ZOAR TLANGAH I LAWN VE DAWN EM ?

( Chhiar tur : Gen 6:1-24 ; 18:16-19 ) Kan Bible-a kan hmuh danin Pathianin khawvel leh a chhunga thilnung tinreng a siam hnuah Ama anpuiin mihring a siam a. Chi tam tak thlaha leilung hi luah khat tur leh ramsa leh thlai a siamte chu an ei turin a pe a. Mihring a siamte chu sualah an lo tlu ta mai a. Eden huan atang chuan Evi leh Adama chu an hnawt chhuak ta a. 1. Mihring sualna : Nova hun laia mihringte sualzia chu Pathianin a zuk thlir a, leia mihring zingah inpawng neknain an khat zo vek tawh a. Pathian rilru a na a, mihring a siam ta chu a inchhir hle a. Mihring a siamte leh ramsa, leia thil nung thaw thei tawh phawt leh chungleng savate chu tihboral a tum ta a. Hetih hunlai hian mi pakhat Nova, Pathian nena inpawl thin, Pathian mit hmuha mi tha a awm a. Pathianin Nova hnenah chuan chhanhimna lawng tuk turin a hrilh a, an chenna khawvel lawng chu tihchhiat vek a tum ta a ni. Chutiang bawkin Lota hun laia khawvel chu sualna tinengin a lo chhe leh a. Chu khaw sual tak, Sodom leh Gomorra chu mei leh kata kan raltir a tum leh a. Chu khuaah pawh chuan Lota leh a nupui leh a fanu pahnihte chu Pathianin chhan chhuah a duh a. Mei leh kata kangral tur khua ata tlan chhuahna hmun tur Zoar khua a ruatsak leh ta a ni. An zinga mi tha awmte chu tlemte pawh ni se, a chhanchhuak ngei a ni. Sodom leh Gomorra sualnate hi a nasa hle a, hurna tisa chakna sual, uirenate, inngaihnate, inpawng neknate, elrelnate leh duhamnate, thil dang tam tak Pathian mithmuha sual chi hrang hrangte hi a zuah ngailo a ni. Nova dam laia khawvel an chenna lawng leh Lota hun laia an chenna lawngte chu Pathianin a tih pil sak a ni. Nova leh a chhungte tan lawng dang a tuk tir a. Lota leh a fate tan Zoar lawng chu chhanhimna lawng atan a pe a ni. 2. Zoram sualna lawng lian hi a la keh ve ngei ang : Kan rama sualna chi hrang hrang lo nasat sawtzia hi kan hmu tlang vek a. Luka chuan Chanchin Tha bu a ziak a, Lal Isua lo kal leh dawna thil awm dan a sawite chu Nova dam laia thil awmzia ang khan, Mihring fapa a lo kal leh chuan a awm bawk ang; Nova lawnga a luh a, tui a lo let a, an zaa a tihhlum vek ni te kha a thlen hma loh zawng, an eiin an bar a, nupui pasal an innei thin a. Chutiang bawkin Lota damlaiin a lo awm a, an eiin an bar a, an leiin an hralh a, an chingin an sa thin a ; nimahsela, Lota Sodom khua ata a chhuah ni chuan Van atangin mei leh kat a sur a, an zain a tihlum ta vek a. (Luka 17:26-29)

Naktuk thawhtan zan inkhawm banah hian Biakin Extension-ah Reception & Ushering Sub Committee neih tur ani a. A hranpa a Committee kohna siam anih loh avangin hei hi kohna-a ngai theuh turin kan inhriattir e.

SWEET MEMORIES

HEADSET - BO
Durtlang Kohhran Biakin-a zai hruaituten zai kaihhruaina atana an hman thin Headset chu a awmna chin hriat a ni lo a. A awmna chin hria emaw, lo la chhuak palh emaw, lo dah sawn emaw kan awm a nih chuan a hma lama dah kir leh turin kan han inngen a ni.

ZAHTHLAK VE MAI MAI

Hmun danga thalaite pual bik khawmpui neih a nih changa mahni venga lo inkhawm kuk leh kal loh mai mai hi KTP member tan chuan thil zahtlak ve tak a ni.
> > Kristian Thalai Pawl : Durtlang Branch

KTP Inleng 2012

KTP INLENG KARTIN CHHUAK VOL 25 ISSUE NO 4

Editorial Board
Editor Samuel Lalzahawma
Joint Editors C. Zoremsanga C.L. Biakhlua K.Lalfakmawia Lalnunmawia Dr Lalliansanga 9862375500

9612297009 9856878819 9862358727

i) Sum leh paia in chhan him kan tum : Kan rama sum leh pai lo luh nasat zia hi, keini ang chuan kan hisap piah lam a ni daih mai. Mi tam tak rilruah chuan sum leh pai a awm chhung chuan kan lungngai lo niin a lang. Chutiang kan nih avang chuan kan thanharh na turin chiahpuam lawng kan han tuk a, chiahpuam sum tam dan kha a rapthlak zawk a. Kha chiahpuam lawngah khan Mizoram hi a pil hman tep niin a lang. Tin,Hetichung hian himin kan in hre si a. Kan chuanna sum lawng hi a pil tep a ni e. ii) Mipat hmeichhiatna sual : Kumkhat chhunga kan Kohhran a nupui pasal innei te zingah hian za a sawmhnih panga chu Biak In hawnga innei an ni a, kan tlem zia hi ngaihtuah ila, inneihna sualah kan lut phawt a, mawihnai taka inneih kan duh leh si a. Nilai zana thunun tawk kan tam zia te leh sualna in min luh thuk tawh zia a hriat theih a. Nupa inthen kan tam si a, Uire, pawh lang chhuak lemlo leh langchhuak kan tam hle in a rinawm. Mipa leh mipa innei, hmeichhia leh hmeichhia innei pawh sawitur ting chuan kan awm ta nual mai. Sodom leh Gomorra aiin kan nep chuanglo maithei a ni. Nupa chuanna lawng hi a kehchhia a ni ta ber mai. Nova damlaia thil awmzia leh Lota hunlaia Sodom leh Gomorra ang mai kan lo ni ta. 3. Politic kalsual : Democracy ramah chuan roreltu te hi mipuiin an thlan chhuahte an ni a, chu chu Politic kan tih chu a ni a. Politic hmanraw hmanga thlan chhuahte chuan ram ro tha taka an rel theihna turin thu neihna sang tak pek an ni a. Mi zawng zawng thatna tura rorel tur an nih laiin, party politic in ram ro an rel ta mai a. Thuneitu lama tang lo mite chu rahbehin an awm a. Engmah chanvo an neilo tih theih a ni a. Chutiang thuneihna hnuaia awm te tan chuan a hrehawm ngawih ngawih a. Inthlan leh huna chak ngei tumin theihtawp an chhuah a, an lo chak a nih pawhin ram ro an rel thei lova, an party mi leh sa te thatna tur chauh an ngaihtuah a. An hmaa mite lawng tuk kha an hluihlawn a, lawng thar an tuk a, tah chuan mi zawng zawng an leng lova, hrehawm an ti leh ngawih ngawih a. Hetiang Politic kalsual hian mihring leh mihring in huatna a thlen a, retheihna chauh min thlen a. 4. Eng ang lawng nge kan tuk ang: Kan lawng tuk tur chu hmangaihna thing ni sela, a len zawng pawh mitin lenna tura zau ni sela. Sualna a luh loh nan Lal Isua thisen hlu chu pawn lam leh chhung lam char nan kan hmang anga. A chhunga chengte chuan Thlarau thianghlim ruai kan ring anga, hmangaihna, hlimna, rinawmna leh mi dangte tana thatna tling a chhungah kan chhek khawm ang. Chutiang lawnga kan chuan hunah chuan sualna tuipuiin min chim phak tawh lovang a, Sodom leh Gomorra kang chhetu mei leh kat in a kan chhiat theih loh Zoar khuaah kan tlan lut ang a, lawng tenau deuh, nupa lawng te, chhungkaw lawngte, Zoram mipuite lawng te chu chutianga tuk a nih hunah chuan kan himin kan zalen takmeuh tawh dawn a ni. Chhiartu zawng zawng Lalpan malsawm rawh se.
(Source - Kristian Tlangau : March, 2009)

8732081426 9612241873

Correspondent C. Lalthanpari 9615492737 Vanlalchawii 9774374513 H.Hmingthansangi 9856344441 Circulation Managers 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

Lalbiakmawia

PUAN IN ZAUH
Kumin a kan Branch thupui atan Isaia bung 54:2 tlawh chhana Puan In Zauh tih thlan a ni hian kan branch rawngbawl dan kalhmang tur awm ang thui tak min ngaihtuah tir thei awm e. Puan in zauh kawnga rawngbawl dan tur hrang hrang te chu kan hruaituten engtinnge an la rel zel dawn tih phei chu la hriat loh mahse, member te hian kan thupui hi ngun taka ngaihtuah chungin, puan in zauh thei tura rilru leh ngaihtuahna kan lo sen pawh a tha khawp ang. Kum khat atana branch thupui kan neih thinte hi kan rawngbawlna kawnga thil pawimawh tak anih avang leh, Kristian Thalai Pawl kan nihna a rawngbawlna kawnga kan hawiher leh sukthlek ti lang tu a nih avangin, mahni theuhah kan hmazawna rawngbawlna ah te Puan in zauh thei turin kan lo in buatsaih a tha hle mai. Kan thupui hlawhtlin na atan hian hruaitute chauh ni lovin, member zawng zawng te hian mawhphurhna kan nei a ni tih hriain, helam kawnga rawngbawlna ah hian kan hruaitute pawh theih tawpa kan thlawp thiam a tul hle ang. Pawl ho kan nihna leh rawngbawlho kan nihna ah hian kan thupui Puan In Zauh tih hian nghet taka min phuar khawm phawt chuan, thalai rawngbawlna hian kan kohhran leh khawtlangah hmasawnna duhawm tak min thlen ngei ang.
,

29.01.2012 (Pathianni)

Sunday School
Tantu : Pi Lalthangi Bial-6 Chawhnu : Pu PC Doliana Zan : Upa K.Sanghmingthanga
MASIHI SANGATI

30.01.2012 (Thawhtan Zan) Hruaitu : .......................... Tantu : ..........................

Thilpek lakhawmtu tur : 1. ....................................... 2. .......................................

Chairman : Tantu : Thuchah :

01.02.2012 (Nilaini zan) Tantu : Pu Lalmuanhlua Thupui : Kristian Chhungkua chu

mihring nun chherna a ni Hawngtu : Pi Lalsangmawii

Pangpar khawitu tur (05/02/2012) .................................... ....................................

INCHHIARNA
Thawhtan Nilai Inrin Fellowship

1.JEREMIA 2.JOELA 3.JONA 4.NAHUMA 5.OBADIA 6.ZAKARIA Midang TOTAL

21 23 27 35 26 29 1 161

8 12 7 18 10 10 65

7 4 9 14 7 9 50

10 (5) 11 (3) 6 (2) 12 (5) 7 (3) 10 (6) 56

04.02.2012 (Inrinni zan) Tantu : .................... Thuchah : .................... 31.01.2012 Kohhran Hmeichhia Chairman : Pi C Thanpari Tantu : Pi Lalziki Pi Zaii Gr
INKHAWMPUI INBUATSAIHNA THIL ZIR

KOHHRAN HUN PAWIMAWH DANG 1. 2. 3. Kohhran Committee 04.02.12 (Saturday) 10:00 a.m Ramthar Committee 16.02.12 (Thursday) 7:00 p.m Pathian Ram chhiar / lakkhawm 19.02.12 (Sunday chawhma)

> > Kristian Thalai Pawl : Durtlang Branch

KTP INLENG KARTIN CHHUAK VOL 25 ISSUE NO 4

BIAL KTP CONFERENCE HMAN MEK A NI

CHURCH WORKER LA THAR
SUNDAY SCHOOL COMMITTEE

RUAHMANNA THAR

Kohhran Committee in a lo rel tawh angin Durtlang Kohhran a Church Worker hna thawk turin Pi Laldinpuii w/oPu Lalpekhlua Lelhchhun chu lak a ni. Jan16,Thawhtan zing khan Office tur Kohhran Committee room bul chu Bialtu Pastor ZD Lalhmachhuanan tawngtaina nen a hawng a ni.Office bungrua tur Xerox khawl,Computer etc.pawh a lo thleng tawh a, Biakin bungruate hi Church Worker hriatpuina lo chuan lak chhuah leh hman theih a ni tawh dawn lo a ni.
MISSIONARY DAMLO

Durtlang kohhran atanga Missionary chhuak Nl.C Lalnunthari d/o C Vanlalrawna,Kawnveng chu a thawhna hmun Tripura field atangin dam lohna avangin ni 18Jan, khan a rawn hawnga hun engemaw chen enkawlna a lak angaih avangin in lam ah a la awm hrih dawn a,a dam zel theih nan kohhran hoten tawngtaina lam ah pawh kan hriat tlan zel a pawimawh hle a ni.
KTP BUDGET ATAN NUAI 7

Durtlang Kohhran Sunday School Committee chuan nikum 2011 lama a lokal pui tawh angin kumin 2012-ah hian Sunday School kaitha lawmman kaikim chauh a pe leh dawn a. Tin, Sunday School-a thawk tute chhiat tawk an awma Sunday School Committee hminga inralna neih thin chu Kohhrana Sub Committee hrang hrangte inkhairual zawk nan inral tawh loh mai turin ruahmanna thar a siam a. Naupang lam department-ah chuan zirtirtu leh zirlai bak chu inum zui loh tur ani anga, puitling lam dept. ah chuan zirtirtu chauh inral tur ani ang.

Durtlang Pastor Bial KTP Conference vawi 56-na chu Selesih Kohhran Biakin-ah ni 20.Jan, 2012 (Zirtawp zan) atang khan neih tan a ni a. Zanin Pathianni zan hian a tiak dawn a ni. Zirtawp zan khan Palai lawm report inkhawm neih a ni a, Bial zaipawl leh Branch tin zaipawl ngaihthlak a ni a. Nimin inrinni khan hruaitu thar thlan leh rorel inkhawm neih a ni a. He thu kan buatsaih lai hian hruaitu thar leh rorel kan hre hman ta lo. Inrinni zanah Pathian Biak inkhawm neih niin, Speaker Rev C. Lianhmingthanga hnen atangin Pathian thuchah ngaihthlak a ni a, Bial zaipawl leh Selesih Kohhran zaipawlte zai mawi tak ngaihthlak a ni bawk. Vawiin Pathianni nileng leh zan hian khawmpui hi chhunzawm ani dawn a, hetiang hian hun hman a ni dawn a ni.

.
(Pathianni) Chawhma 9:30 a.m - 10:00 a.m : Zaihona Zai hruaitu :Tv. R. Lalrinmawia Chairman :Tv. K. Lalremruata,Asst.Leader Thuchah :Speaker Zaipawl :Durtlang N Br Thurin sawi :Durtlang Br. (Pathianni) Chawhnu 1:00 p.m - 1:30 p.m : Zaihona Zai hruaitu :Tv. Lalkrosmawia Chairman :Pu C. Lalbiaktluanga Asst.Secy. Thuchah :Speaker Zaipawl :Durtlang Br Thurin sawi :Durtlang N Br. (Pathianni) Zan 6:00 p.m - 6:30 p.m : Zaihona Zai hruaitu :Tv. H. Lalruatdika Chairman :Pastor ZD Lalhmachhuana Thuchah :Speaker Hruaitu thar hlanna & Lawmman sem Zaipawl : Bial Zaipawl & Selesih Br.

ZIRTIRTU RUAT THAR

Durtlang Kohhran Sunday School Committee chuan Primary Department zirtirtu atan Pu R. Vanlalnghaka Durtlang Mualveng chu a ruat thar.
KOHHRAN MUSIC COMMITTEE

KTP Durtlang Branch Committee hmasa ber a neih chuan kumin chhunga Budget atan Rs Nuai 7 a ruahman a,a hman dan tur chu Branch OB ten ruahman in February thla committee-ah Branch Committee in a rel fel ang. He kan Budget hi tlin ngei tur chuan member te inpekna leh thawhrimna a pawimawh hle dawn a ni.
CHOWKIDER DILTU AWM LO

Durtlang Kohhran chuan zaipawl leh kohhran zai in nasa zawk a hma a sawn theihna a nih beiseiin, kum dang a kan neih zen zen loh music committee din in an ni hian a enkawl hna an thawk dawn a, an ni hian nasa tak a ngaihtuahna sengin tun kum chhunga kohhran hmasawnna tur tam tak ngaituahin committee an nei tawh a, an thurel tam zawk chu kohhran ah kan hmang chho tan in a rah a lang zel turah kohhran mi ten i lo beisei ang u. VANDUAINA TAWK

FELLOWSHIP PROGRAMME
Pathianni Chawhma Zaihruaitu : H.Lalruatdika Hruaitu : Dr.Lalliansanga, C/M, BKTP 1. Solo : Benjamin Laltlingzova, Durtlang N 2. Female Voice: Selesih Branch 3. Solo : Nl.Lalrampari Vanchhawng, Durtlang Pathianni Tlai Zaihruaitu : Tv.R.Lalrinmawia Hruaitu : Pu H. Vanlalnghaka, C/M, BKP 1. Special item : Drama & Lit. Sub-Comt, Selesih Br. 2. HIV/AIDS chungchang zirho - Dr.C.Lalchhandama (Pathologist, Civil Hospital, Aizawl) 3. Solo : Tv.C.Lalruatkima, Durtlang Branch Pathianni Zan Zaihruaitu : Tv.C.Lalkrosmawia Hruaitu : Tv.Lalramthara, C/M, BKTP Items: 1. Special item :Student Nurse, Durtlang Branch 2. Solo :Nl. R.Tlangmawii, Selesih Branch 3. Thusawi tawi :Pu K.Lalbiakthanga, Leader, BKTP 4. Special Number: Tv.K.Vanlalruata leha thiante, Durtlang Branch 5. Nron Light Show:Durtlang North Branch 6. Worship Dance : Durtlang Branch 7. Male Voice : Durtlang North Branch

Durtlang Kohhran Biakin leh a vel enkawltu lak thar tura adverisement chhuah tawh-ah diltu an awm remchan tak loh avangin, Biakin lo enkawltu Pu Lalremmawia chu kumin chhung tlawmngaia enkawl chhunzawm tura tih a ni a. Kumthar lamah Chowkider thar tur hi ngaihtuah that leh tur a ni dawn niin thu kan dawng.

Kan member Pu Lalruatsanga Ralte leh Pi Lalrinzuali te naute, thlahnih leh a chanve a upa chu awmna avangin nilaini zan dar 10:30 vel khan Presbyterian Hospital Durtlang-ah a boral a. A tuk zing-ah Durtlang thlanmualah vuiliam a ni. Vanduaina tawkte kan lainatin kan tuarpui tak zet a. Thlamuantu Pathianin vengin muan zel se kan va ti em!

> > Kristian Thalai Pawl : Durtlang Branch

KTP INLENG KARTIN CHHUAK VOL 25 ISSUE NO 4 9856878819 / 9862363844 / 9436197303

Vocational Bible School (VBS) hlawhtling taka neih a ni

Dt 18-20 January, chhung khan Durtlang Kohhrana Sanday School Naupangte pualin Vocational Bible School chu zirtirtu thahnemngai tak takte kaihhruainain hlawhtling taka hman a ni a. Ni 20.Jan, zirtawpni khan Synod hmun pawimawh te fang kualin hun hlimawm tak hman a ni. VBS hi Naupangten an hlutin nuam an ti thei hle a, kum lo kal zel turah pawh neih chhunzawm zel nise a duhawm hle. Durtlang Kohhran-a Junior Dept Leader Pu Lalramhluna Ralte chu VBS Leader atana ruat niin, ani bakah hian Dept hrang hrang zirtirtu ten an tawiawm tha hle a. A bul tan ni Dt. 18 January ah hian zirlai 450 vel bawr kalin, chawhma lamin VBS inkaihhruaina bu ami thupui zirho ani a. Chhunah Ar sawhchiar leh Artui, thingpui tuihnai tak buatsaih niin kalkhawm te an tlai tlang hle a. Chawhnu lam ah Fellowship hun hlimawm tak hman zui a ni. Ni 19, 2012 (Thursday) khan chawhma lamin Groupah insemdarhin, thupui zirhona neih leh a ni a. Chumi hnuah vengchhungah kal darhin khawtlang thenfai hna an thawk leh a. Chawhnu lamah Biakin lamah hun hmangin he hunah hian Upa C. Lalthantluangan Pathian thuchah a sawi a. Naupang ho zingah Pathian Thlarau Thianghlim hnathawh a thleng nasa hle a. Pathian fakna hun hlimawm tak hman ni in tlai dar 5 dawnah inkhawm an bang hram a ni. Ni 20 (Friday) ah hian Bus 5- lai hmangin Synod hmunpui hrang hrangte tlawhkual pui an ni a. Naupangte hian Tiffin paiin hun hlimawm tak an hmang a, Synod Missionary Training Centre, Misson Vengthlang ami te, Synod Office leh Synod Press te tlawhpui an ni a. Kan Synod hmunhma pawimawh ngaihhlutawm leh hmuhnawm tak takte naupangte thinlung-ah a intuh ngei a beiseiawm a. Hetianga naupang zawkte tana kohhran hruaitu leh zirtirtu inpe ten naupangte hmasawnna tur leh thanlenna pui tur thui tak thlirpui chunga VBS hlawhtling taka hman a ni hi a hlawkna nasa tak kan tel ngei a beiseiawm hle a ni.

ADVERTISEMENT
Application in a plain paper stating complete bio-data, accompanied by concerned churchs Testimonial and photo copies of educational crecendials can be submitted to the undersigned during office hours or to the Pastor Quarters till 27th January, 2012. (Friday). Name of Post : Teacher in Presbyterian English School, Durtlang Pastorate No. of Post : Four (4) Preferences : Experience, teaching knowledge in Math and Hindi Date of Interview: 28th January, 2012 (Saturday) 6:30 A.M. onwards. Place of Interview : Committee Room, Presbyterian Church. Durtlang.
Sd/Secretary Managing Board

B.MISS Zir duh tan

Missionary Training Centre (MTC) Mission Vengthlang ah Bachelor of Missiology zir duh tan dil theih a ni a. Dilna form hi MTC Office ah Rs.50/- in a lei theih a, Dt. 31.January 2012 ah thehluh leh tur a ni. Dil thei chin Form thehluh hun Written Interview A hmun 10+2 or Equivalent February 29, 2012 March 28, 2012 March 30, 2012 Synod Office Mission Veng.

VAWK LEITUR DUH

KTP Joel-a Group te chuan sum tuakna atan Vawk vulh an tum a,Vawk la lian lutuk lo tihral tur nei chuan a hnuaia phone no. ah te zawhfiah theih a ni e. - 9436198958 - 9774374513

LAWMTHU SAWINA
Pi Rohmingliani (W/O Rev C. Chanchinmawia(L))te chhung, Hospital compound chuan an Pa hriatrengna atan Lehkhabu tha tak tak Bu 80 chuang lai Durtlang Branch KTP Library a dah turin a awn pe a, hetianga kan kohhran Minister chhuanawm tak lehkhabu kan rochun tur hi, KTP Durtlang Branch chuan ropui a tiin, Pi Rohmingliani-te chhungkaw chungah lawmthu a sawi tak zet zet a ni.

KEIMAHNI
KTP Durtlang Branch Committee 2012 in a rel angin kumin atan KTP Inleng Editorial Board chu din leh niin enkawltu thar hnuaiah bul kan han tan chho a ni a. Hetiang lama chinchang la hrelo tak tak kan nih hlawm avangin he chanchinbu lo ngaihlu a lo chhiar thintu te kawng tam takah in thurawn leh in mi finchhuahna kan mamawh dawn a. Chanchinbu a chhuah tur thu/article neite pawhin inthlahrung hauh lova Editorial Board member remchang te hnena lo pe turin kan in sawm tak meuh a ni. Tunah hian January thla atan aman Rs.10/- khawn mek a ni a, a man khawntu te tana a samkhai zawkna turin a hma lama chanchinbu man hi lo pe turin kan ngen a che u.

NGENNA
KTP Durtlang Branch Library enkawltuten lehkhabu te chinfel an duh avangin nikum lama KTP Durtlang Branch Library atanga lehkhabu hawh chhuak, la dah let hman lo/ remchang lo ten a hma lama dah let rang turin Literature Sub-Committee te chuan min ngen a. He ngenna hi ngaipawimawh turin kan inhriattir e.
> > Kristian Thalai Pawl : Durtlang Branch