Estd

Rawngb awl tura chhandam

2002

EDITOR JT. EDITOR

NEWSEDITOR

Kumpuan 4 Sengkhawm Kum

RAM CHU LALPA TA A NI

CIR.MAN. MANAGER

: Isaac Lalhruaitluanga 9856548635 : C. Vanlalchhuanga 9862775452 Zodinpuia 9862409370 : K. Vanlalenkawla 9615324220 : All Groups Asst. Secy. : Lalduhawmi 9436145930

VOL. X. NO. 40 CHAMPHAI VENGSANG BRANCH K.T.P. WEEKLY ORGAN Dt. 4 th NOVEMBER, 2012 Bible : Sam 22 : 28 Kan rama chanchin tha a lo luh atangin kum za chuang a ni ta a. Thil ropui tak min tihsak a, min chawisangtu kan Pathian chu chu fakin awm rawh se. Hnam tin tan Pathianin an awmna tur ramri a siamsak theuh a ni tih kan Pathian thu-ah kan hmu a. Mizote tan pawh Mizoram hi kan chenna turin min ruatsak a ni tih kan pawm thei em aw? I han ngaihtuah teh ang u. Mi tam tak chuan phai zawl zau pui pui, leilet tha tak takte an han hmuh hian Pathianin ram tha bik leh duhawm bik a pe niin an hre thin a. Keini tlang ram chhengchhe taka kan awm hi an hrethiam thin lo a ni. Amaherawhchu kan Pathian hian tum neiin he ram hi min pe a ni tih kan ngaihtuah ngai em? Khati khawpa hnam mawl ni si kha a hnam atan min thlang a, khawvel tieng turin min din a duh a ni. Engtin nge Mizo hnam hi a him theih ang? tih Pathianin fel takin rem a ruat a, min ngaihsak a ni tih hi kan ngaihtuah a ngai a ni. Kan unau, kan tlangmipui te phaizawl ram tha thleng thla hmasaho hi an aia fing zawk leh tam zawk hnam dangin an lo chim ral ta a, vawiinah hi chuan hnam khawngaihthlak tak, mahnia ding chhuak thei tawh lo dinhmunah an lo ding ta hial mai. Keini hi khatih hunlai khan an aia mawl zawk leh chak lo zawk kan la ni a. Chuti chung chuan phai ramah hian lo tla thla ta ila anni ai hian kan ral nasa dawn. Vawiina Mizo hnam ropui taka lo ding chhuak ta leh Pathianin khawvel tieng tura kohhran ropui tak min lo dinsak hi hmuh tur a awm lo mai thei a ni. Chuvang chuan hnam dangte luh theih lohna tlangram chhengchhia leh ei leh barte pawh thar theih mang lohna tur hmunah hian kan hnam hi Pathianin min thukru a, he ram hi kan hnam chenna atan min lo pe a ni. Pathianin he ram min pek chhan chu a chhungah hian a duhzawng ang taka a hnam thlante kan chen a, a thu chu kan hnam nun inphuar khawmna a lo nih a, chumi atanga rah tam tak chhuak a, khawvel tieng tura feh chhuah hi ram min pek chhan leh hnam min din chhan chu a ni ta a ni. Chutiang tak ti tur chuan kan hnam hian ke a pen em tih erawh kan ngaihtuah a ngai viau a ni. Kohhran hrang hrangten missionary tam tak thawn chhuakin hna thawk mah ila, kan nunah kan inenfiahna tur thil tam tak chu a awm a ni. Kohhran pawl hrang hrangte hian kan pawl hrang rilru hi eng emaw chen chu kan pawl invawn nun nan leh kan kohhran tih chaknan kan kalpui a ngaih chin chu a awm ngei mai. Amaherawhchu Pathianin hnam khat, chhungkhat atana min koh kan nih avangin kan pawl hranna rilru hi kan lak len lutuk chuan Pathian min koh chhan hi kan ti hlawhtling thei lo ang. Pawl hranna rilru paih a, Lalpan min kohna chhan zawk Pathian ram tizau tura inpumkhat zawka hna kan thawh hian Pathian duhzawng chu kan ramah hian tih puitlinin a lo awm chauh dawn a ni. Rinawmna thu-ah hian kan inen fiah a ngai ta a ni. Hmanah chuan kan pi leh pute khan kawng an khar a, thingfakin kawng an do mai a, tumah an lut ngai lo. Nimahsela tunah chuan tala lianpui pui, pakhat mai ni lo pahnih pathuma kan kalh pawhin kan him zo ta lo. Thin thi-in mi tam tak kan mu thei lo a, kan ralmuang lo tlat a ni. Kristianna kum za chuang kan hman mek laia kan hnam nuna rinawmna lo tlu chhe mek hi a pawi hle a ni. Chuvangin kohhran tinte hian rinawmna hi inzirtir thar leh ang u. Ruihlo-in kan thalai tam takte a tibuai a, nunna chn pawh an tam ta hle. Tin, mipat hmeichhiatna thu-ah pawh kan hnam hi kan hming a hliau ta hle mai. Hemi kawnga inthlahdah leh Pathian ngaihsakna nei loa nuam chenho reng reng hi a tawpah chuan hnam tlu chhia an lo ni fo thin. Ka sawi leh duh chu zuk leh hmuah thu hi a ni.Kan ram hi India ramah mipui cheng zat atanga chhuta zuk leh hmuama insum lo ber kan ni. Zir miten an han zawt kual a, sim tum, sim duh percent chu a hniam em em mai a ni. Nu leh pa mai ni lo, naupang zawkte thlenga zuk leh hmuam kan buaipui ta hi a pawi hle a ni. Hnam dang an lo kal a, Mizote chu Kristian an ni a, kohhran ropui tak a ding a ni, kohhran chak tak a ding a ni tia kan chanchin zir tura lo kalte hian engatinge heti tak maia zuk leh hmuam in uar, an ti thin. Chhan a har, sawi tur kan nei thin lo. Hnam dangten min han hmuh hian Lal Isua hmel an hmu thei lo a, ringlo mite tihawm nia an ngaih avangin Lal Isua hmel hi an chhiar thei thin lo a ni. Chuvangin kan thil tih leh chin lai mekte hi i ngaihtuah chiang ang u. Sim turin kan thinlung pawh i buatsaih ang u. Engtin nge kan tih tak ang le? A insiam tha hmasa tur chu sorkar ni lo-in kohhranho hi kan ni. Pathianin Israelte a chhungkua atan a thlang a, mahse amah an theihnghilh thin avangin nasa takin a hrem thin a ni tih kan hria. Keini pawh Pathianin he ram hi min pe a, ram chu LALPA ta a ni. Kan chenna atana min pek, kan chen hawhna a ni. A chhungah hian him taka kan chen reng theihna tur chuan he ram min petu leh hnama min tungdingtu tana rinawma kan awm hian kan hnam hi chu a dam ang a, tundinin kan awm zel ang. Amaherawhchu Israel-te anga kan inthlah dul rawh chuan chhiatna hi kan bak a ni. Kan rama sualna lo pung mek leh min chim veltu hrang hrang han ngaihtuah hian kohhranhote hi ngawih a hun tawh lo a, aw kan chhuah a hun a, hna kan thawh a hun a, tan kan lak a hun a ni. Kan rama sualna chi hrang hrang rawn lut te hi hnawtchhuak leh hneh tura Pathian ralthuam famkima inthuam chunga ke kan pen hi a va tul ta em. Kan ram sorkar pawh hian theihtawpin hma a la thin a, sorkar hmasa leh tuna ding lai pawhin theihtawp an chhuah thin. Nimahsela sorkar chakna leh sum leh pai hausakna atang hi chuan hneh theih a ni lo a, setana hmanrua mai a ni leh zawk thin. Chuvangin, chung zawng zawng chu a kal dik theihna tur leh sorkarin a hmalakna te, hmanrua a rawn chhawp zawng zawngte hi hmanraw tling leh tangkaia hman a nih theihna turin Pathian kohhranhote hian tawngtaina nen kan lo thawhpui a, tan kan lo lak ve hi kan tih tur chu a ni. Chu chuan sorkar hmalakna hi a tipuitling thei dawn chauh a ni. Hetih lai hian sorkar hmalakna lamah pawh a nih tur ang ni lo, a hmanna tura hman loh, ram changkanna tura buatsaih ni si changkanna tur atana hman theih tak loh thil tam tak hi a awm a ni. Heng thil zawng zawng hi kan tih reh a, Pathianin he rama min din chhan ang ngeia kan awm a nih phawt chuan khawvelin he ram hi a thlir ang a, khawvel tieng turin min buatsaih dawn a ni. Heng zawng zawngah hian Kohhranhote hian mawhphurhna kan nei a ni tih i hria ang u. Pathianin a hnam atana a kohte kan ni, a chhungkua atana a thlante kan ni, intih hranna rilrute hian kan hnathawh tur tam takte min tibuai a, chuvang chuan inpumkhatna rilru pu turin inbuatsaih thar ang u. Kohhranho te hi kan tih tur dik tak, khawvel tieng tur leh Mizoram siam tha tura tangkaia kan din theihna turin a mawhphurtu lian ber kan ni. Ram chu LALPA ta a ni, Lalpan a thu malsawm rawh se. Mosia hnena thu ka pek ang khan i rah chin apiang i ram a ni zel ang...

KTP THIL TUMTE : 1.Isua krista rinna leh amah anna kawnga thalaite hruai 2. Kohhran kutke nitura thalaite buatsaih 3. Kohhran hnathawh tih puitlin 4. Krista Chanchin Tha puan darh
THUPUI : Rawngbawl tura chhandam THUPUI INNGHAHNA : Ephesi 2:10.

AGENTS Lawm ulangin, nasa takin hlim rawh u. Vanah in lawmman a awm hnem si a; Chutiang bawkin inhmaa zawlneite pawh an tih duh dah thin kha. ORGAN Dt 4 th
THAFELA RINSINGI PAR PAR-I MAMI DINA TE TE-A ZODINMAWIA HMANGAIHZUALA KHAWNGAIHI T.P.I JEHOVA ENKAWLI REMSANGPUII RAMHLUNI RUATKIMA SENA

ALETHEIA

K .T.P W E E K LY

N O V EM BE R ,

2012

Editorial...!

NGENNA LEH SAWMNA

Dt. 5-10th November, 2012 hian kan Kohhran chuan Chhandamna Camping a buatsaih dawn a. Campinga lut tur hian Kohhran Mipui zawng zawngte kan insawm a, camping hi chhawng 1 bak neih anih dawn loh avangin thahnemngai taka lut turin kan insawm tak meuh meuh a ni. Registration dar 10:00am atang a dar 3:00pm atangin tih tan tur a ni a. Camp fee a awm lo ang a, buhfai kg 2, pen leh lehkhapuan, Holy Bible, mutbu ken luh tur a ni ang a. Mobile phone ken luh phal a ni lo thung ang.
th

BSI
25 Weeding Anniversary (4th November 1987 ) Upa K.Thangkhuma & Pi Zoliani

SIAM THAR LEH NA : KOHHRAN LEH KRISTIAN NUN

1. Mahni chhungkua theuh atangin: Chhungkua hi zirna runpui, hmun pawimawh em em mai a ni a. Ringtu intite hian kan chhungkua theuh hi Kristian chhungkua a ni em? tih kan inbih chian a ngai. Mi chezia, tawngkam, khawlai nun en hian an chhungkua nun dan leh inkaihhruai dan tlangpui hi a hriat thei a. Vawina ringtu zawng zawngte hian engvanga harsatna tawk fo nge kan nih, Kohhranahte leh khawltlangahte hian chhungkua atanga siam thar lehna bul kan tan that hi a tul tak zet a ni. Chhungkaw tin atanga bul kan tan that lehchuan kan ringtu nun, kan khawtlang, kohhrante hi a mawiin a zah-awm lehzual dawn a ni. Chhungkua atangin engkim hi I siam thar leh ang u. 2. Mahni mimal nun theuh atangin: Thil engkim mai hi bul tana siam tha leh tur chuan mahni mimal nun theuh hi kan pawimawh. Mi dang ri-ngawt phut chiam chiam hi chu hmasawn a har viau ang. Kan kohhran leh kan kristian nun a mawi theihna tur leh hei aia kan rawngbawlna lama a chak theihna tur chuan mahni theuh hi Pathian hnena kan inhlan thar a, thlarau thianghlim tanpuinaa kan insiam thar leh hi thil pawimawh tak a ni. Mahni theuhina nun kan neih hmasak phawt chuan engkim hi a fel a ni mai. Mahni tha kan in-tihna te, dik kan intihna te, fel kan intihna theuh atanga kan nun theuhah Krista ber a lal hma loh chuan mahni thahnemngaihna ten han ti vein, thawk viau emaw pawh inti ila, tawp chin a nei leh mai thin, Krista tel lohna chu a hlawhtling tluan ngai lo. Kan sawi tak tam tak atangin kan kohhran nun hi kaitho lehtur chuan Sunday school, chhungkua tin, mahni mimal theuh hi kan pawimawh tak zet mai. Eng-e-maw hun chhung diah atan chauh ni lova, he nun dik hi kan ro inhlan chhawn theih zel atan ni hram se, a tha ngawt ang. Kan nun, kan thlarua chante hi hun bik atan chauh ruat lovin, pawn lam, ni tin darkar tin hian langchhuak se, kan kohhran, kan kristianna chu a mawi ngawt ang. Chumi nun, I ram lo thelng rawh se tia kan tawngtaina kha Lalpan a chhang dawn a ni. Lalpa ram a thlen theihna truin Sunday School, Chhungkua leh Mahni mimal theuh hi i siam thar leh ang u.

NAUPANG INKHAWM

Vawiin chawhma Camping Pre - Crusade Kohhran a hman mek a nih vangin. Naupang lam sunday school a awm lovang. Biak Inpui ah inkhawm vek tur a ni e.

K.T.P TAWNGTAI INKHAWM

A Hmun : Kohhran Hall Hruaitu : Nl.C.Lalrinngheti LAWMTHUSAWINA Tantu : Nl.PC.Lalvenpuii * Ni.29.10.2012 thawhtan zan Thuchahtawi : Tv.K.Lalsangliana khan, Joint Group Nite nuam tak leh ZING TAWNG INKHAWM hlawkthlak taka hman a ni a, Excise Department ten an hmun te phal takin Thawhtan : Tv.Lalrammawia min hmantir a, kan lawm hle a ni. Tin, Thawhleh : Pu Vanlaltluanga : Upa Lianzika Kohhranin Generator min hman tir a, Nilai Ninga : Pi Lallawmruali Two Brothers ten sound system min hman tir bawk a, an chungah kan lawm Zirtawp : HKL.Thanga Inrinni : Pu K.Lalfakawma hle a ni. Pathianni : Pu K.Doliana * Kohhran hmeichhia ten Biak Dik Leh Ril -In Caushion Case atana Budget a an Midang hneh tur in chak na dah cheng 50000/- (sing nga) chu leh talent i nei tha vuai pawh a ni mai Kohhran ah an pe lut a, a lawmawm thei, midang chu i thu hnuai a dah in hle a ni. nun nuam tak i hmang thin mai thei bawk mahse kan tlakchham leh kan * Kohhran hnatlang nimin chak tawk loh na ni fo thin chu nileng leh karhmasa tluan khan camp- midang ni lo mahni inhneh leh ing kan neih tur inbuatsaih in hnatlang inthunun zawh loh na hi a ni. Chuvang neih thin a ni. in midang hneh hmasa lovin mahni inhneh hmasa thin ang che. Chu Kohhranhoten kan chuan hneh na dik leh puitlin na a rawngbawl chhan, khawngaihna avanga, a rawng kan bawlsak Lal neih tir ang che. Ringtu chu hneh tur Isua Krista hi kan nitin hun hman leh hneh zel tur a buatsaih kan ni si a........ leh arawng kan bawl nanah hian kan hre rengin a laber thin em le? Mihring rawng kan bawl thin ang tih hi thil hlauhawm tak a ni. Tin, Kohhran hi sipai ang maia in enkawla thu nei bik awmna a ni lova, Lal Isua Lalber a hmanga a thu anga nung tur kan ni. Sual chi hrang hrang zing ah chapo na a huang tau ber a, thil dang zawng zawng te hian maicham a thleng ngam lova chapo na erawh chuan pulpit tlangah pawh min ti buai fo thin a ni. Billy Graham

Kan Pathianin min hruai zel thin chu chu hria in kalo lawm m m....