Rawngbawlna : Hmalam panin

Sermon ziah hi a har viau mai, keini ang tan phei chuan beih ve viau zel hi a ngai lehnghal a.
Jasper enkawltu ten min han beisei viau a, Amaherawh chu harsatna leh buaina hrang hrang te
avangin ziah a har ngang mai. Amaherawh chu a tul anti ve miau si a, kan ziak thla ve pawh mai
a ni ang. Hun enge maw ti lai atang tawh khan Rawngbawlna tih thu hian rilru a luah ve reng
thin a, Mahni in sermon atan kala sawi ve ang maw le tiin, ngaihtuahna te ka seng ve neuh neuh
thin a. Mahse a hunlaia rilrua lang thin te lo ziah chhuah mai loh chuan
Thalaite leh rawngbawlna han tih hian ahuam zau thei viau mai a, Thupui ang hian a nih
chuan englam hawi pawhin ziak dawn ila kan ziah sual a rinawm loh. Tin, tunlai kan thalai tam
zawk te hi, 90's hnulama piang tam tak an awmtawh avangin sawi dan tur pawh thiam ahar viau
mai a nih hi. Engpawhnise, Pitar, putar, nu leh pa leh rawngbawlna tih thupui ziah ai chuan,
Thalaite leh rawngbawlna han tih deuh ngaih hian min ti phur in, sawi pawhmin ti chakawm
zawk a ni. Pathian hian he khawvel ah hian mahni tana nung a, amah hrelo leh kan duh dan dana
awm tur ringawt chuan min din a rinawm lem loh phawt mai. malsawmna pek min tiama, mahse
a rawngbawl ve turin. Tlachhama awm min phallo a, amah kan hnaih a duh avangin, kan boral
mai aphallo a, chhandamna ropui kan chan theihnan. Heng atang pawh hian Pathian in
rawngbawl tura keini thalaite min mamawh zia leh min duh zia chiang takin min hmuh tir awm
e.
Thalaite leh rawngbawlna tih hi sawi dawn chuan kan sawi seng dawn si lova. Eng angin
nge keini thalaite hian rawng kan bawl ve theih ang tih leh engvanga rawngbawl ve tur nge kan
nih tih hi Point tlem tein ka han sawi dawn teh ang. Eng vangin nge rawng kan bawl ang?
1.Lal Isua'n min chhandam avangin: Lal Isua min chhandamna hi Manchester United hausakna
chu sawiloh, Bill Gates a sum zawng zawng pawh khuan mi pakhat chhandamna hi a lei zo dawn
reng reng lo tih hi nangmah mai nilo, khawvel hriat a ni. Chu chhandamna ropui tak avang chuan
kei leh nang, khawvel hmun kilkhawr ber ami hian Pathian ram chu kan chan phah dawn a ni si
a, chu chhandamna avang erawh chuan Lal Isua'n A rawngbawla, a chanchin tha hril turin nang
leh kei hi min ruat tlat a ni. Amah ngeiin " Lei leh vana thuneihna zawng zawng ka hnenah pek a
ni tawh. chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim
hmingah chuan baptist ula, thu ka pek zawng zawng che u pawm turin zirtir rawh u. Tin, ngai teh
u, kei kumkhuain, khawvel tawp thleng pawhin, inhnenah ka awm zel ang" a ti hial reng a ni.
Ama tana kan theih tawp chhuah ve hi Kan Pathian hian kan kovah a nghat ve asin. kan peih leh
phur, huau huau chang chang in maw?.A teuhlo mai. Tunah hian min mamawh nghal. I / ka theih
phak bak aia tam Pathian hian tih tur min buatsaih sak ngailo.
2.Khawngaih rawngbawlna a nih avangin: Han chhut han chhut ve mah teh, rawngbawlna hi
khawngaihna a vang liau liau a nih zia hi hrilh hranpa kan ngailo a ni lawmni? Kan Pathian thu
in, Rinna avanga khawngaihna a chhandam kan nih zia chiang takin min hrilh a, chuvang chuan
he khawngaih rawngbawl hna min pek te hi Pathian min hmangaihna vang chauh a nih zia hretu
te chuan Pathian rawngbawlna hi an pensan tak tak ngai loving. Khawngaihna anih zia kan la hre
duh tak tak a ni chuan Pathian tana in hmang lo leh in hmang theilote, sual vanga lungngaia
rumte hi en teh, Pathian khawngaihna kan chan nasat zia leh ropui zia hi atakin nagmahah alo lan

chhuah ngei ka beisei. Khawngaih rawngbawlna a ni tih hi hrechiang ila chuan huau huau
programme leh programme hlimawm tak tak hmang a TKP memberte in koh khawm ngai ziah hi
a awmlo tur. Hun tha leh hlu tak tak kan neih te hi kan paihral lo tur.
Eng angin nge rawng ibawl ve ang?
1..Penchhuak ve teh: Lal Isua kha rawng abawl dawn in ama inchhung leh nuam tawlna atangin
rawng a bawl thin tih vawikhatmah a in ziaklo a, hei hian Rawngbawl tur chuan pen chhuah, atih
a tihve angaih zia atarlang chiang hle a ni. Mission Field ah ikalchhuak theilo a, Missionary ah
ikal theilo a nih pawhin he kan zoramah hian rawngbawlna turatam em, ibula mi hnenah pawh
khan bul itan thei nghal a sin. Pathian tana penchhuak te hian inchhirna annneih ngailoh avangin
channa aiin hlawkna a nih zia hi sawifiah angai hran lemlo. I inchhirna tur khawp rawngbawlna
pathian in a pe lo tawp ang che. Penchhuak la, irah chian apiang iram a nih ve zia hi Pathian hian
chiang takin nangmah ah alantir ngei ka ring tlat a ni.
2..Thil pekin: He thu hi ka ngaihtuah chhuah chang hi chuan, "Thisen pe la nun chhanhim rawh"
tih hi ka hrechhuak thin. Lal Isua khan min chhandam turin Kraws ah thisen hluin min tlan a,
chhandamin kana wm a ni si a. Keini pawh hian enge LalIsua rawngbawlna atan hian kan pek ve
dawn le. Sawi tawh ang khan Keimahni kan theilo a nih pawhin kan sum neih ang ang te hi kan
Pathian hian a pawm vek a sin. Tuifinriat te pawh tui mal far tete atangin a awm thei chuan
engvangin nge kan sum neih tlemte hian Pathian ram atih zauhloh bik ang le tiru? I thilpek hlu
tak avangin thlarau boten LalIsua anlo hmuh beisei la, ibeisei ang a nih loh pawhin beidawng
mai suh. I hmuhphakloh chinah Pathian hian ahnathawh hi ropui takin alantir ngei ngei dawn si
a. Heng zawng zawngte hi kan Pathian ropuina nen nikin ni a alokal hunah chuan ennawm mak
tak leh kan lawmna tikimtu ala nidawn si a, kan theihtawk leh thahnem ngaihna mai chuan
rawng hi a bawl tak tak theihloh. Chapona leh vui vaina bak min thlen dawn silo. Amaherawh
chu Pathian rinchhan chungin, tawngtaina tak tak nen kan rawngbawlna hi hmalam ipanpui zel
ang u. Thalaite Krista leh Kohhran tan tiin.