KOHHRAN ZING , CHHUN Khawvel Sunday School Ni ZAN Thusawitu : Upa L.

Suana
KRISTIAN |HALAI PAWL

LAL ISUA NEN CHUAN HLAUH TUR A AWM LO

PATHIANNI TLAI Hruaitu : Tv R.Malsawmtluanga Tantu : Tv Ramdinsanga Hun hman dan tur : Hla zir Zan tawngtai Hruaitu : Tv PC.Lalhriatpuia THAWHTAN ZAN Hruaitu : Nl H.Rohlupuii Tantu : Nl R.Vanlalruati Thilpek lakhawmtute Nl H.Lallawmkimi Tv Lalrinzuala Hun hman dan tur : Sermon : Tv C.Lalthansanga KOHHRAN HMEICHHIA Hruaitu : Pi R.Lalnunpuii Tantu : Pi Lalsawmliani Thilpek lakhawmtu : Pi MS.Dawngliani w/o Dawnga Hun hman dan tur: Rilru sawi leh tu leh fa te tana tawngtai Zing Tawngtai Hruaitu turte: Thawhtanni : Pu F.Tlangruala Thawhlehni : Pu KL.Rodanga Nilaini : Pu Lalbiaktluanga Nilaithawhtan : Pu Rothangpuia Zirtawpni : Pu K.Lalbiakdawla Inrinni : Pu Biaktluanga Pathianni : Pi Laldawli
he khawvel pawh hi a nuam a, van phei chu a nuam leh zual ang. Isua nen hi chuan hremhmunah pawh kal ila a nuam tho ang tih ka ring tlat a ni. A kut phah ropui chhungah thil eng pawh lo thleng se kan him a ni.
PASTOR PRORAMME

Thuthmun Kohhran Thingsulthliah Kohhranah a awm ang.

Mihringte hian khawvelah hian hlauh kan ngah em em a. Mi tluk loh, mi an loh, mi aia rethei, mite hmuhsit, neih tam loh, tlakchham te kan hlau em em a. Hlauhawm avang hian a chang chuan Pathian rawng pawh hi kan bawl tha thei lo thin. Engvanginnge hlau reng renga kan awm \hin? Lal Isuan hlau a khur thin te kan nih avangin keimahah awm reng rawh u a ti a ni. Amah ringa amaha innghat tlat te chu hlauhna hian a ti hlau ve ngai lo. Daniela te \hian zaho kha an va huai em? Lalber an hlau lova, meipuia paih an hlau hek lo. Lalber leh meipui hi an hlau lo hrim hrim a ni lo, meipui leh lalber chungah pawha thunei tu Pathian an hlauhna chuan meipui satna a tidai a, lal thinrim hmaisa pawh eng ngah mah an ngai alo ni zawk. Rinnain hlauhawm an hmachhawn a, an rin leh hlauh zawk Pathian chuan meipui leh lalber aia chak zawk mei khawih theih loh a nihzia a rawn tarlang a ni. Lal Isua hian hlauhawm laka min chhandam a tum lova, hlauhna hmun chu min luh khalhin chu hmunah chuan min lo nghak thin a ni. Daniela sakeibaknei puka paih luh a nih dawn khan, thlamuang takin lawmthu sawiin a dan pangngaiin ni khatah vawi 3 a \awng\ai reng tho mai, a hlau lo a ni ang. Keini ni ila chu paih luh kan nih lohna turin chawngheiin kan \awng\ai tengtung ngei ang le. Daniela chu a danglam chuang lo, lawmthu a la sawi zawk. A chhan chu a Pathian a ring nghet a, amahah eng pawh tuar huamin a innghat mai a ni. Pathian ringa amaha innghat mai hian hlauhna a tibo \hin a ni. A chang chuan Amah kan rin theihna turin hlauhawm kan chunga a lo thlen hi a phal a. A chang phei chuan amah chauh kan rinzia kan lantir theihna turin kan neih sa pawh min chhuhsaka. Amah chauh kan rin theih nan rinchhan leh vawn chhan dang kan lo neih ve zawng zawng te min pheh saka amah ring lo thei lovin min siam thin. Thlipui leh tuifawn in min khuh hlup hlup mahse, miin thlipui leh tuifawn siamtu Lalpa a en tlat chuan hlauh tur a awm lo. He khawvel lungngaihna leh buainaten min chim lai chuan Pathian hian min kalsan ta emaw ni le tih mai a awl a, nimahsela he mihringin lungngaihna tawp a thlen niah meuh chuan amah Pathian ngei hian min chawikang a he khawvel buainaten min chim phak ngai lo. Engah nge i lungngaiha i beidawn thin le, eng nge i hlauh thin le, min hmangaihtu Isua Krista hian hringfa te hlauh ber thlanthimah pawh chhandamna a luh pui a, lungngaihna tawpah pawh anin min lo hmuak ang a, hlim takin kan awm thei dawn a ni. Kan ram leh kan khawtlang, chhungkaw tinte sualna chhumdumin min khuh a, Thlipui leh tuifawn te chunga thunei tu Vanlal kha keimahniah hian a muhil a ni lo maw? Thlamuanna khawvelin a pek anga min pek loh avang hian thlamuanna min pek hi min petuin a kawl daih avangin Keimahah awm reng rawh u min ti a, chumi avang chuan Isua hnenah hlauh tur a awm lo engkimin a thupek an awih thin tiin kan zai thei thin a ni. Lei lawmna ni lo van lawmna, lawmna tak Isua Krista neitute tan he khawvelah hian buaina tur a awm lova, thlamuang taka nun hmang tur kan lo ni. Kan hmaah eng ang harsatna nge lo thleng dawn kan hre lova, eng buaina nge lo thleng ang a, engin nge kan rilru la tihah dawn kan hre lawk hauh lo, Hei hi erawh kan hria, Isua nen chuan (Column leh lamah zawm a ni.)