A th awn a sem

TKP Gilgal Unit Chanchinbu

Since 3rd Mrch 1 990

{ Pro. Permit No. 09/93 JDL DC (L) }

Volume No. XXIII, Issue No. 29, GTKP chanchinbu Pathianni chhuak, Dt 18th August 2013 : Phek khatna

T U N K A R T H U VA W N
C n bi bi di v bo o bo h o j q bx i ui v ubl ui v ) j o di i bo e bn o b E i bo di j o Vi b di v * j o o h bj i ui m bl b - s j o q b x i j o sj o i o v j o - b n bi b i d i v b o Vi m b s b v Vi j b o h i m j n uj b n di v bo di i j o di i j b i j o j o bx n l i b/
)Gqi f t j 2;2 4*

CHANCHIN THA HRIL LEH HARHTHAR LEHNA.

Thuthlung Thar Kohhran, Pentikost ni atanga intan chanchin kan zir chuan Chanchin Tha hril leh Harhna hi thil inkawp tlat a ni. Kohhranho an inpumkhat a,mitinin an thil neih an rawn keng khawm a, an nitin mamawh tawka insemin an khawsa a. Chung thil sem hnaah chuan tirhkohte pawh an inhmang nasa viau a, chutih lai chuan vui leh vai pawl an lo awm ta a. Hruaitute (ie.apostles) chu an han inbih chiang a, benharhin an lo awm ta a ni. Pathian thu hrilh an lo ngaihthah a ni. Remruatna thar an siam leh ta vat a ni. Chungte chu Bible thu kan han tarlante hi a ni a. An hnapui ber Chanchin Tha hril leh tawngtai-ah an kir leh ta a, Pathian ram a thang nghal zawt zawt a ni. Hetah hian harhtharlehna a thleng a, chumi chuan Chanchin Tha hril a rawn keng nghal tih kan hmu. Evangelism chu hre lote hnenah Chanchin Tha hriattir hi a ni a, Harhtharlehna erawh chu ringtu hnungtawlhte Krista kraws bula kirlehna hi a ni. Thil hrang nimahsela pakhata thlen chuan pakhat pawh hi a thleng ve ngei ngei thin ti ila a sual awm lo ve. Pathian fa ni tawh, a lo harhthar leh chuan Chanchin Tha puan aia ngaih pawimawh zawk a nei ngai lo; chutiang bawkin miin tih tak zeta Chanchin Tha hril a buaipui chuan thlarau lam harhna a chang thin a ni. Kan ram kristian hmasa chanchin kan bih pawhin hei hi thil chiang tak a ni. 1906 atanga intanin a khat tawkin kan ramah harhna a lo thleng a, chuvang chuan Chanchin Tha hrilin ram chhung leh ram pawnah pawh an kal chhuak sung sung thin a ni. Kohhran tinah hian Krista pasaltha, seh nghet tlat hi an awm ve hrim hrim a ni. Vawiinah hian a pumpui thu chu kan hre seng lovang a, kan bih chiang hman bawk lo ang a. He kan Serkawn Kohhran bik hi kan hmazawnah dah ila. Keimahni rau rau-ah tun hma ai khan Chanchin Tha hril hi kan ngai pawimawh zawk in kan inhria em? Kan thawhlawm chu a pung ngei mai. A punna hi malsawmna kan dawn belh nen a inphu tawk em ? Chhungkaw hrang hrang hian kan thilpek danah hma kan sawn nge, a ngaiin kan kal, nge kan tlahniam mah zawk? Mahni lam tana thahnemngaihnaah nge kan than, luanchhuahna lamah? Tirhkohten dawhkan rawngbawlna lam an buaipui lu deuh ang khan hruaitute pawh hi kan bial a zim lutuk ve emaw chu? In bih chiang ila. Zep nak maw, mission field a feh chhuah tur plan awm sa kan puitlin loh teuh thinzia kha! Thahnem ngai fal nei hlauh lo ila chuan kan hlawhchham hial awm asin. Ram chhunga che chhuak tur pawh hian dik tak chuan kan mawng a zang vak lo. A lum nuam tawk te hian kan ai ho ni ber hian a lang. Sapin good weather friend (khaw nawmlai thian tha) an tih ang vel, hun nuam lai Kristian kan thahnem awm e. Inpe bika kan ruatte pawh hi chhungkaw khawsak nghawng dat khawpin kan che chhuak em aw? Pawn lam mite, kohhran/mikhual/team/ missionary/tlawktute/tanpui ngai etc. te tan kan thinlung, in leh lo kan hawng zau tawkin kan inhria em le? Pathian thu chuan kan thlen chin atanga hmasawn zel turin min fuih a ni. Chanchin Tha hril hna hi tun aia nasa zawka kan thawh theih nan engte nge kan mamawh tih leh kan lo harhthar theihnan engnge kan tih tak ang tih hi kan ngaihtuah tur chu a ni. Pakhatna-ah chuan Pathianin tihtur min ruatsak, kan zawm ngei tur thupek pawimawh a ni. Mahse, ringtu zinga tam takin kan ngai pawimawh tawk lo, hril mah ila a sawt tak tak kan ring lo a ni. Pathian thu thiltihtheihna hi kan hriat nawn leh a pawimawh. Lalpa chuan ka thu hi hrilh anih chuan hnathawh nei lovin a awm hauh lo vang tih min hrilh chiang a ni. Kan phur leh phur lohte, kan hlim leh hlim lohah te tam tak chu kan innghat leh thin. Engpawhnise, Isua

TKP PROGRAMME Christian Hospital Lawngtlai Pual Fehchhuah Programme A Hun : (1:45 - 3:00Pm) A Hmun : G.C Hall Hruaitu : Tv.Laltlanhlua Zadeng Th.lilamtu-te : Tv.Freddy Malsawmsanga Tv.Lalramnghaka Th.Hlantu : Tv.K.Ramngaihawma Talk Show : Pu F.Lalhrezuala (Thupui :Kohhran Dan Puitling a Nupui Pasal Neih) (Tawngtai rual neih a ni ang) Dt.19.8.2013(Mon) Zan Inkhawm Programme Hruaitu : Nl. S. Lalthlengliani Thusawitu : Pu H. Lalhuzauva Hla thlang : Pu H. Lalmuankima Bible Chhiar rual: Tv. K.Ramchangliana Th.Khawn : Nl C. Lalnunhlimi Nl C. Lalbiakdiki Th Hlantu : Pu Laltlankima Sailo ( Tawngtai rual neih ani ang) Pathian ni leh Biak In a pangpar khawi tur tur te: i) Rbt.JH. Lalbiakliana Leader ii) Pu K. Lawmkima iii) Nl. Lalramhawni PREACHING LIST Tukin Zing Zanin Nilai Zan Inrinni Zan : Upa ZD Siamkima : Rbt.H.hmingfakzuala : Rbt.H.Zamuana : Upa Saitlawma

neitu chuan Chanchin Tha a hril tur a ni.

G.G. AW Agents : Mapuii, Ruati, Nunmawii, Hmingi Sailo, Rini, Tpa, Mawimawii, Siampuii, Hruaii ,Rema.

Volume No. XXIII, Issue No. 29, GTKP chanchinbu Pathianni chhuak, Dt 18th August 2013 : Phek hnihna

K an h n u n g k a r ah k h a n B i al M & E b u at s ai h Zaikutpui hlim awm taka hman a ni a, a dawltu Kohhran han nih chuan a inbuatsaihna hautak zia leh a hun chhung rei loh si zia ngaihtuahin a uihawm duh ang reng khawp mai. Kan hmalawkah Bial Inkhawmpui infin kan hmachhawn dawn a,kan inbuatsaih pah mek a, Duty hrang hrang kan che tha tlangpui a, infak ringawt hian hmasawnna min siam loh avangin hma kan sawnna tur lai leh kan inzir ngai te han sawi den den ila :i) Security :He hna hi BMP lamten min thawhsak a, khawchhe hnuaiah pawh ngawrh takin dutyhna an thawk a,an fakawm hle. A zan hmasa berah khan duh aiin thenkhat an muang hlek a, Biak In hnai leh kawttualah mi engemaw zatin Motor an lo dah hman a, kal hma deuh se buaina a awm lo ngei ang. Kan hmabakah chuan an hma ngei pawh beisei ang. ii ) Thingpui lum :BMP kutah dah niin sawisel tur an awmmeuh lo a, an inpekna a fakawmin an hnathawh a ropui hle a, Tea Urn hmangin Thingpui thlum leh a hang in tur min chhawpchhuah sak reng thei a, mahse a lehpekah chuan khawi nge thlum a, khawi nge hang, tih in zawh sek ngai lovin Tea Urn ah tar mai ni tawh se, a awl sam zawk ngei ang. i ii ) Ushers :Anni hi an tang hle a, Inkhawm tan hma darkar chanve ah Biak Inah an kim thin a, a hah em em bawk a ni. Biak In chhung duty duh aiin an virvat atha lo a, mipui vantlang tam tawhah chuan duh aiin a ngal a chak lo. Tin, pawn lama thute duh aiin an thawm alian mah mah a, leh pekah chuan hre tawh turah ngai ang. iv ) Operators :Anni pawh an tang hle a, Sound te hawh chawpin hma an la a, Sound mawi tak min ngaihthlak tir a ni. Kan neih ang tawkah chuan a lungawi thlak hle.Chutih laiin soundchiangkuang lo lo awm leh zauh thin kha pawi an ti a. Duh aiin item neih laiin sound adjust atam tep thin a, a lehpekah chuan in siam fel sa vek tawh turah ngai leh ang. ( S o u n d t h a t l e h t h a t l o h h i a n Inkhawmp ui hlung leh h lung a hril em avangin S o u n d s y s t e m t i h c h a n g t h l u n z e l h i a t u l a n i ). v) Mipui lam:Bial huap Inkhawmpui a nih hian Kohhran mipuite kan inral ban fo thin a, tun inkhawmpuiah ngei pawh atakin kan tawng a, inkhawm kan tlem thei hle a,Kohhran mipuite kan insam mar a ngai hle a ni. Leh pekah chuan mahni kovah i nghat thiam theuh tawh ang u. Heng kan han sawi dan dan bakah hian sawi tur neuh neuh a la awm thei a, mahse heti chinah hian duhtawk dawn mai ila, eng inkhawmpui pawh inbuatsaihna athat hi chuan a tlachawpin Pathian in mal min sawm zel thin, kan hmabak Bial Inkhawmpui infin kan dawl turah pawh theih tawp chhuah theuh turin tun atangin kan inngen lawk a ni. GROUP NEWS Nimin khan T.v Lalrosanga Group te chu Pu H Rochunga Bolder thiar in an in hlawh a,member 11 lai an thawk chhuak a.Group member thawkchhuak te leh inhlawhna siamtu Pu H Rochunga hnenah lawmthu an sawi tak meuh a ni. Pu Samuel Lalnunpuia Group te pawn Pi Laltanpuii te huan ah Tanky siam in an in hlawh a Group member pa 7 thawk chhuak in Group Leader in memberte in pekna ah lawmthu a sawi tak zet a ni. Pu Lalrammuana Group te chuan Dt 7 khan sachek siam in sum tuak hnatlang an nei a,tlawmngaia sachek leisak tu te zawng zawng chung ah lawmthu an sawi a ni. G r o u p re p o r t k a n h ri at t h ei h c h i n t e k an h an tarlanga, Group dangte pawn report kan neih ang ang te Editor hnen ah emaw production staff te hnenah emaw min han hriattir thei ula kan lawm hle ang.

Z A I K UT P UI T H L I R L E TN A

KAN MISSIONARY -TE CHANCHIN TLANGPUI :Marvin Lalawmpuia Amah hi a dam tha zel a, chaw ei tha thei vak lo pawh a ei thei viau tawh a, tunah hian in entir ala hmabakin thla thar lamah in chekup in Shillong-ah a kal leh ang. Damna tha a chan zel theih nan tawngtaipui ila,Musicteacheranihavanginzaiakaihruainakawngah a dam sam lohna hian a tichau leh thin a, taksa tha tak nena rawng a bawl zel theih nan i tawngtaipui ang u. Vawiin hian Itanagar Town Baptist Church chuan Women Foundation DAY an hmang mek a, chanvo pawimawh tak tak a nei a tawngtaipui ila. Tin, a missionary puite leh a lawina Kohhran te nen an boruak a thain an thawk ho tha hle a, i tawngtaipui zel ang u. R. Lalhriatpuii A ni dam that lai a ni a, tawnglam hian hma a sawn viau a, duh aiin a la thiam nal lo a, tawng a thiam zel theih nan i t awngtai pui ang u. Tunlaiin an nuapang an dam tha lo hle a, tun thla chawlh kar hnuhnung ber hian an exam dawn a, dam tha an chan zel theih nan i tawngtaipui ang u. Thla leh hian Apatani Baptist Association General Conference an nei dawn a, he Conference ah hian zaipawl anga rawngbawlna nei turin kan Missionary te inbuatsaihin hla an zir mek a ni. Tin, he Conference ah hian ring lo mi zirlai ten Pathian an belha Baptistma an chan theih nan theih tawp chhuahin hma an la mek a, i tawngtaipui ang u. Benjamin Lalruatfela Khiangte i) Ni 10.8.2013 zan khan a vawikhatna atan ka thawhna hnam tawng KOKBOROK -in thu ka sawi ve a, ka la thiam tawk lovin in duhkhawp loh a na khawp mai, tawngthiam hi apawimawh si a, in tawngtaipui ka ngai khawp mai. ii) Hostel naupang te tunhnai hian harhna in min khawih zeuh zeuh a,Pathian fakna inkhawm pawh a nuam thinin an nu leh pa kristian la ni lo te veina thinlung an pu tanin,harhna dik tak kan dawna,a aia nasa zawka he harhna hian naupang te leh thawktu te ah hna a thawh zel a,an nu leh pa kristian la ni lo te pawhin an hriatthiam ngei theih nan min lo tawngtai pui zel dawn nia.Dt 11 August sunday zan kan inkhawm phei chu praise and worship programe kan hmanga,naupang te leh zirtirtu te thlengin taksa chetna nen nasa takin kan beia,tawngtai rualna hun mahni tawng theuha tawnataiin kan hmanga,tap lo kan awm lo hial ang,kan tawngtai tawp mai theih loh avangin hla kan la chhunzawma,inkhawm pawh bang hlei thei lo hial khawpin kan tuia,a lawmawmin a ropui khawp mai,amaherawhchu he harhna chhunzawm a ti nung zel tur hian kei ni thawktu te pawh fin kan ngai in,Pathian hruaina nena naupang te kan kaihhruai zel theih nan tawngtaipui kan ngai khawp mai. iii) Kan thawhna hmun pakhat RANGBUK khua ah tun hnai hian kohhran pakhat a ding thara, he khua a cheng a tam zawk te hi Kristian la ni lovin, kan kohhran thalai te pawhin tum hnih lai preaching programe kan nei tawh a, he kohhran hi a lo than zela kristian an lo pun zel theih nan tawngtai pui an mamawh khawp mai. HS Zohmingthanga A ni hi karkalta khan AICS Aizawl-ah Retreat neiin hun an hmang a, tunah hian inlamah chawlh rawn hmang lehin kar leh hian a thawhna hmun a pan leh tawh ang. Upa F Lalnuntluanga Tunah hian Thaizawlah rawngbawkna nei mekin Camp chhawng hnih an nei tawh, i tawngtaipui zel ang u.

Published & Edited by H. Zorinmuana for & on behalf of G.T.K.P. Theiriat. 150/c. Printed @ BPP Serkawn : Lunglei.