CHHIMBAL

VOL. XVI ISSUE NO. 27 SUNDAY

CMWA INKHAWM PROGRAMME
Dt. 09. 01. 2014 FELLOWSHIP INKHAWM A Hmun: CSI Wesley Church, Egmore Tan Hun : 03:30 pm Hruaitu : Tv. Thomas Lalrinchhana (IIT Madras) Tantu : Tv Reuben Lalremruatkima (MCC) Thawhlawm Khawntu : 1. Nl Lalfelkimi Sailo (Chepauk) 2. Nl Lalhriatpuii (Chepauk) Thawhlawm Hlantu :Nl Lalhmingmawii Pachuau (MCC) Thusawi tawi : C. Lalnuntluanga (SAE) Hla Hriltu : Nl. K.Lalchhuanawmi (Chepauk) Musicians: 1. Tv. R Lalmalsawmhlua (Guduvanchery) 2. Tv. Lalnunsanga sailo (Tambaram) 3. Tv. Lalchhanhima (SAE) Receptionists : 1. Nl Lalhmangaihzuali Hrahsel (Chepauk) 2. Nl Lalhriatpuii Sailo (Chepauk) 3. Tv Andrew Lalremruata Renthlei (Chepauk) 4. Tv Francis Lalrinhlua (Chepauk)

www.chennaimizo.org chhimbalweekly@gmail.com 2 Pages Free Circulation Since 1998

AN OFFICIAL ORGAN OF THE CHENNAI MIZO WELFARE ASSOCIATION 2.FEBRUARY.2014

NITIN NUNA CHANCHINTHA HRIL

Rev. Zosangliana Colney Nitin nuna Chanchin tha Hril tih thu kan sawi dawn a. Tawngka leh thusawia Chanchin Tha hril dan a awm a, neih sum leh pai senga Chanchin Tha hril dan pawh a awm a, ziak leh tha thawha hril dan pawh a awm zel mai. Tuna kan thupui erawh hi chu a eng kawng pawh a Chanchin Tha hriltuten an hlamchhiah miahloh tur, Nitin nuna Chanchin Tha hril tih a ni mauh mai. Chanchin tha hi sawiin hril thin mah ila, nitin nunin a nemngheh loh chuan awmzia a nei tak tak lova; in sengsovin hahpui ve hle thin mah ila kan nitin nun leh kan hrila chu a inmawi si loh chuan kan sawi leh buaipui chu mite ngaihah dawt a lo chang zo thin a ni. Tirhkoh Paula chuan, Eng pawh ni sela, in awm dan chu Krista Chanchin Than en inmawi phawt rawh se, tiin Phillipi khuaa Kristianhote a fuih a. A ma nun a sawinaah chuan, Keia tan zawng nun hi Krista, thih pawh hlawkna a ni, a ti a. Korinth mite hnenah chuan,Krista aia palai kan ni, a ti bawk. Heng zawng zawngah hian Chanchin Tha hi thu mai ni lovin thiltih a ni, sawi leh puan mai a nil ova, nunpui a ni tih a chiang hle. Sawi loh tur tihna lam a nil ova, kan sawi leh kan nun a inkawp rem a pawimawh hle tihna a ni awm e. Chutih rualin sawi lua lo pawhin Chanchin Tha hi ring leh fiah takin a hril theih tihna pawh a ni. Pathianni zanah Aizawl khawpui dung han fang ila, Chanchin Tha thu leh hlaa zalen taka puang, Pathian leh a hmangaihna Chanchin Tha, ki hrang hrang leh ze hrang hrang fak ri a inchhawn dup dup mai. Chung thawm atang chuan ngaih han ti tha ngawt dawn ila kan pisa leh bazaar hmunah te, milem betute zuam tawk nun chawrche tak lo chu hmuh tur a awm lawi lova. Kristian nilo min dawrtute hian Kristian nunah awh tur leh thlakhlelh tur an hmu meuh lo chu a ang lawi si. Kan duh a thuhmun a, kan pawisak leh pawisak loh a inang a, nun thianghlimna lamah kan umphak loh an ni mah mah bawk si. Chutiang dinhmuna kan ding chu vein Pu K.Lalthanzama chuan, Ring takin kan sawi a, an hre lo, tiin beidawng takin, ring taka sawi ai chuan ring taka nun a pawimawhzia hlain a lo phuah hial a nih kha. Ringlote bengah hian Biak Ina kan thawm na tak ai hian a ruka kan nun dek dek hi a ring tlat a. Chuvang chuan, Biak Ina darker khat rik hluai ai hian kan ni tin nuna Chanchin Tha kan hril theih nana kan inzirtirna chauh a ni. Chanchin Tha puanna tak tak chu kan nitin nunah a innghat zawk hle a ni. Paula chuan Kristian nun ropuina leh chhenfakawmna te, thu hrang hrang leh fuihna te a sawi hnuah, eng pawh ni sela a ti ta a. Eng ang pawhin sawi thin ula, Pathian tana insengsovin buai phili ve hle thin pawh ni ula, a pawimawh ber leh a tak lanna ber chu in awm dan leh Krista Chanchin Tha a inmawi phawt mai hi a ni, a ti a ni. Chu fuihna chu Zoram Kristiante hian kan va mamawh em! Ringtu dik leh dik lo te, thlarau mi leh mi lo te engtin nge kan hriat ang? An sawi thiam leh thiam lovah a ni lova, an pek tam leh tam lovah a ni mai lova, an ni tin nun chuan Krista Chanchin Tha a hril leh hril lovah a ni ngei ang. Kristiante hian kan sakhaw nun leh kan khawtlang nun hi kan dah hrang fo mai. Nulain bazar kawrte, inkhawm kawrte, mut kawrte a nei hrang ang main nun pawh kan nei hrang nuaiin a lang. Kan bazaar nun a dang a, kan Biak In nun a dang a, kan Politik nun leh kan eizawnna nunte a inang lovin a inpersan hle thin niin a lang. Kohhran sum enkawla rinawm tak, ti riral ngailo khan sawrkar sum a tichingpen tlat thin hi a mak tehlul nen mak pawh kan ti mang talo zawng a nih hi! Sawrkar hnathawk kan ni emaw, mahni sumdawnna hna thawk kan ni emaw, ni tina inhlawhfa kan ni emaw, Politician pawh ni ila, Heta min awmtirtu hi Pathian

Bible Changthlan
Rinnaah chuan in awm emaw, nangmahni ngei in chhin thin ula; nangmahni ngei in fiah thin rawh u II Korinth 13:5

CHHIMBAL

SUNDAY
a ni. Thlangtu mipuite aia Pathian hlau politician Zoramin a mamawh a, pute aia Pathian hlau Officer kan sawrkar hian a mamawhn a ni. Chutiang mi, ni tin nuna Chanchin Tha hriltu ni tur chuan Pathian awmtir nih inhria, Krista aia palai nih tan ngam nih a ngai. Chutichuan, Chanchin Tha hi sawi vak vaka fiah chi a nilova, sum leh paia lei theih a ni heklo. Nuna lantir hnua sawifiah awlsam tak, miin a hmuha an huh hnua an hriatthiam thin ni zawkin a lang. Chuvangin, kan nitin nuna Chanchin Tha hril zel turin Lalpan min pui theuh rawh se. Amen.

2.FEBRUARY.2014

Editorial
Kum thar duhawm tak Pathian in min hruai kai leh ta reng mai a lawmthu sawi sen loh kan ba nasa ani. Chhimbal chanchinbu pawh mi thahnem te inpekna azarah ala chhuak ve thei hram hram zel a Editorial board chuan lawmthu a sawi mawlh mawlh a ni. Mitin ten mahni tul na mual theuhah kan liam leh tan dawn ta a, kawl a ni chhuak chhiar a lo lama hnathawk thin te tan pawh hna tau a tet leh dawn ta reng mai, keini helai a awmte tan pawh zirlai te tan keimahni zirlai chauh ngaihtuah ahun leh ta e. Tin, kan hriat theuh angin kan hma lawka Mizo Sport 2014 kan neih turah hian member tin ten kan House tan theih tawp chhuah tlang theuh ila inkhawm a ni emaw thil dang eng pawh ni se kan tangkai theihna tawkah leh kan house leh he Chennai Mizo tan a hna ropui tak thawk angah ihan in ngai ila chuti chuan he Mizo Sport hi nuam tak leh hlawhtling takin kan hman theih ngei a rinawm.Chennai Mizo Welfare Association (CMWA) hi a inti neitu thiam thiam Lalna leh nuam tihna hmun a ni a, chumi tur erawh chuan mitin te kan inpekna azir zelin nuam kan ti in nuam kan tilo mai dawn alo ni.

Editorial board
Editor K. Lalchhuanliana 9790978813 Jt.Editors Lalnuntluanga Vanchhawng 9176955764 F. Hmingthanzuala 8939797689 Lalthanpuia 7401652340 Correspondents Tv. C.Lalnuntluanga 9940187058 Tv. Lalnunthara 9884820638 Tv. R.Lalruatfela 9677160495 Nl. Hmingsangzuali 9940441412

NUN AWMZIA Tum khat chu zirlai rual khat hian an zirlai an zir tan hmain an zirtirtu pindanah an lut ham ham a, an zirtirtu hnenah chuan, Ka pu, mihring nunin a tum ber hi engasdas ne ni min hrilh thei em? tiin an zawt a. An zirtirtu chuan, : Ka hre bik lo, tiin a lo chhang a.A nih leh a awmzia tal pawh minhrilh thei em? tiin a zawt leh a.Ka hre chuang hauh lo mai,Thih awmzia leh thlanmual hnulam nunna thu tal?Engmah hriat ka neiloZirlaiho chuan rilru beidawng takin an lu an lo dawm a, an zirtirtu ber pawhin an zawhna a chhang theilo chu an rilru a hnual khawp mai a. Zawi muangin an pu chu a rawn hawi chhuak a, zirlaiho chu chiang taka en chungin, Engah nge mihring nun awmzia leh mihring nunin a tum ber hi a taka tem tum si lova hriat fiah in tum? Tui thuk zia hre tur chuan a taka tui dai phawt a ngai asin, tiin a chhang ta a. - Anthony De Mello

CHAWNGKHUM DAN TLANG HUAT LOH..!!

SHOOT ME...SHOOT ME..! A hua hua hlawk-ah....

Hei hi ngaihtuah hmasa teh Midang tan thungaihthlaknuam lo i sawihmain hei hi ngaihtuah hmasa teh-tawngthei lo tam tak an awmtih hi. I chaw eitur tuiloh i sawi hmain hei hi ngaihtuah hmasa teh chaw eitur nei lo tam tak an awmtih hi. I kawppui i sawisel hmain hei hi ngaihtuah hmasa teh kawppuite then vanga tap tam tak an awmtih hi. Nun i nin thu i sawihma in hei hi ngaihtuah hmasa teh an tum aia hmaa thi tam tak an awm tih hi. . I hna i nin thu i sawi hmain hei hi ngaihtuah hmasa teh hna nei lo leh taksa harsatna avanga thawkthei lo tam tak an awmtih hi. Nun hi thilpek a ni. Chen la, hlen bawk ang che.

1. Mi chuan PCO an hmang thin kei chuan STD ka hmang thin. -Chhuani (Cheapuk) 2. Nija Life hahthlak zia hi ka zo lo.. - Chawia (Chepauk) 3. Thla min lakpui duh in awm em? -Bernard 4. Aw nula lo hawi leh lawk teh. - Davida (Chepauk) 5. CMWA hian mipa fit ber award hi min thlang dawnlo mi? - Hriatpuia (Loyola)

SUNDAY INKHAWM REPORT

Mi hlawhtling nih i duh chuan midangte hnena thurawn i pek thin kha nangmah ngeiin zawm thin ang che. - Elvis Presly

Date : 26.1. 2014 Inkhawm zat Mipa : 48 Hmeichhe inkhawm zat: 44 Total :92 Thawhlawm : Rs. 1805 /Thawhlawm ip : Rs.720/Total : Rs. 2525/-

www.vanglaini.org