Professional Documents
Culture Documents
KTP INLENG
9th.Oct, 2011
KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.
E-mail : ktpinleng@gmail.com
KTP Durtlang Branchin October ni 2123, 2011 chhunga Lunglei Chanmari Branch a tlawh tur chu indawrna tluang taka kalpui zel a ni a. Member kal tur inpek hun Oct. 3 thleng ruahman tawh chu member la inpe hman lo engemaw zat an awm nia hriat avangin Oct. 10 thawhtan zan thleng hun pawhsei a ni a. A kal thei turte chu hemi hma ngei hian in report turin kan inngenin kan inhhriattir a ni. Kal man (kal lam leh haw lam atan) member pakhatin Rs100 (50+50) zel thawh tur ani anga,a bak zawng hi Branch-in a tum thung dawn a ni. Kal tur zawng zawng te Oct.19 nilai zan inkhawm banah Centenary Hall-ah inhmuhkhawmna neih tur anih avangin kal turte chuan ngaipawimawh theuh turin kan inhriattir a ni.
DAWHTHEIHNA
Hmangaihna: Hmangaihna chuan dawhtheihna a hring thin. Hemi tel lo chuan hnungzuitu hlawhtling nih a har hle. Isua pawhin misual leh bawlhhlawh berte a kan chhuak a, an harsatna dawhthei takin hmangaihna nen a sawipui thin. (Mat. 5:33ff; Lk. 19:1-10; Joh. 4). Lal Isua entawna min mamawhtute hmangaihna nena lo dawnsawn hi a ringtu nunphung hle mai. Hmangaihna nena thil tih chu tunah harsa mahse, a reiah lawmna a thlen; thinrimna nena thil tih chu tunah thain hre mah ila inchhirna leh zahna a thlen thin. Isua anga tanpui ngai tanpui leh thawh kep ngai thawh kep te, nitin hnaa kan thawhpuite nen kan inlaichinna leh min dawrtute kan lo dawnsawn danah Lal Isua hmangaihna leh dawhtheihna zia hmuhtir hi ringtu mawhphurhna leh a hnung kan zuina tur a ni. Thuawihna: Thuawihna hi Lal Isua rawngbawlna hnukpui a ni. Amah ngeiin,Nangin tih tur mi pek kha ka ti zo va, khawvelah ka chawimawi tawh a che, a ti (Joh. 27:4). Lal Isuan a Pa thu awihin, hmun hrehawm leh harsaah pawh chhel leh huai taka a thawk ang hian ringtute chuan nitin hna kan thawk ve tur a ni ang. Hna thawktu tam tak hlawhchhamna chhan chu thuawihna a ni ang. Hnathawktu tam tak hlawhchhamna chhan chu thuawihna an tlakchham vang a ni chawk. Eng hna pawh thuawih tak leh dawhthei taka thawk tur kan ni, chu chu hlawhtlinna bul pawh a ni.Bible pawhin, Tihnuam tak leh thuawih taka in awm chuan in rama thil tha te hi in ei ang. tiin min hrilh a ni.(Isa. 1:19) Kan nitin hna theuhah hian Pathian ram a lo thlen chuan khawvel hian a tuar zo dawn lo reng reng a, missionary ropui tak kan ni mai dawn a ni. Chuvangin, nitin hna kan tahwh mekah hian siam that ngai lai siam tha chungin Pathian dah pawimawh ber ilal; tichuan, Krista a lo ropui ang a, keinin a malsawm rah kan seng dawn a ni. Kristian ram si... tih aia Kristian ram nge ng... tih a lo nih theih nan kan nitin hnaah a ram leh a felna zawn hmasak hi ringtute mawhphurhna a ni.
TLEIRAWL PUAL
KTP Durtlang Branch hnuaia Evangelical Cell-te hmalakna-a Inter-Senior Department pual Questionair chhanna bawhzuina kal zelah Durtlang kohhran Committee chuan October ni 29 Inrinni nileng leh zan hian Tleirawlte puala hun hman turin ruahmanna a siam a. He hunah hian mithiam bik Dr C.Lalhrekima chu hun hmang tura beisei a ni. He hun hi hlawhtling taka hman a nih theih nan tleirawl/ rawltharte leh hetiang awmna chhungkua nu leh paten tun atanga lo inbuatsaih lawk turin kan inngen a ni.
HRIATTIRNA
Tun thla (October) KTP Thawhlawm Ip chhiar hun pangngai chu Group Beat Contest neih hun tur nen a inrual avangin a hun takah chhiar a remchang dawn lo a. Chuvangin group hrang hrangten mahni Group theuhah chhiar fel hun remchang lo inngaihtuah mai tur a ni dawn a. October ni 19 hma ngeiin, Branch sum enkawltute hnenah thehluh tur a ni e.
Kristian Thalai Pawl : Durtlang Branch
1942
E i o i lB a d dtra or
Editor in Chief C.L.Biakhlua 9856878819
Editors C. Zoremsanga Samuel Ramengmawia 9612297009 9862378735
Joint Editors C. Zarzoliana 9436197307 C.Lalthanzuala 9862363844 C.Lalfakzuala 9436365052 Vanlalpeka Kawlni 9862357170 Correspondent C. Lalthanpari 9615492737 Vanlalchhuani 9862368776 H.Hmingthansangi 9856344441 Circulation Managers 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748
Lalbiakmawia
INPUMKHATA RAWNGBAWL Inpumkhatna hi tunlai huna kohhranhoten kan mamawh ber zinga a mi a ni ngei ang. Tun hma lam kha chuan kohhran hote harsatna tawh thinte kha pawnlam atanga kohhran nektu, khawvel thil leh Pathian thua zirtirna diklote kha a ni thin.A bikin zirtirna diklo avanga kohhran in harsatna a tawh thinte kha a hautak thin hle a. Kohhran chhungah kua a hreuh a, kohhran mite ah ngaihdan leh duhdan inkalh a awm tir a, chu chuan innghirnghona leh inhuatna a chawk chhuak a, kohhran atangin pawl chhuak an awm phah thin. Tun hunah erawh pawn lam atanga zirtirna diklo ten kohhran min tihbuai chang awm mahse, harsatna em em min siam lutuk ta lo. Mahse, kohhran chhungkua a zirtirna dik pawmtute vek in itsikna, inelrelna leh induhsaktawnlohna hian nasa takin vawiina kohhranhote min tibuai a, harsatna min siam a, kan rawngbawlna pawhin hma a sawn thei lo a, kan chetvelna leh thawhhona kawng nasa takin a tithuanawp a ni. Rawngbawltu leh rawngbawltu in tha zawk, thei zawk leh langsar zawk nih tumin kan phe buai a, rawngbawltuin rawngbawlpuite venpui a, thup mawi a, tawiawm leh dawmkan aiin, an chhiatna lai, an mualpho theihna tur leh an tlinlohna lai ngawt kan in zawn pui a, chungte ngawihbopui chu sawiloh, chutiang sawitu nih chu kan hreh lo a, an mualphona tur a nih dawn phawt chuan sawiserh leh tihserh pawh kan nei tawh lo hial niin a lang. Heti ngawta kohhrante kan kal zel a nih chuan tlukchhiat lam kan pan mek zel tihna a ni ang, Chuvangin, inhmangaih, induhsak tlang leh rilru hmunkhat pua rawngbawlho thei turin kan rilru siam thar a pawimawh. Chu chu Pathianin a kohhran min dinchha a ni tih hre reng ang u.. KTP INKHAWM INCHHIARNA (3/10/11) Andria 17 Jakoba 18 Johana 19 Matthaia 21 Petera 10 Philipa 18 Total 103
2.10.Ppppppp
9.10.2011 (Pathianni)
SS Tantu Chawhnu Zan Hruaitu Tantu Thuchah : Pu K.Zaneihthanga : Pu Lalnunchama : Upa Zokunga : Pu Robert Vanlalruata : Bosom Murmu : Nl Hrangzingi
Hruaitu : Pu K.Lalthanliana Tantu : Tv Zoremsiama, Johana Gr Thuchah tawi : Tv K.Vanlalruata Pangpar khawi turte (16/10/2011) Nl Lalzuitluangi & Nl M.Lalduhawmi Kawnveng Kawnveng
Durtlang Bial School-a hun engemawchen zirtirtu hna lo thawk tawh leh School tana tanpuina lo pe fo tawh thin Pi Sonia lawina Welsh kohhran chuan Easter Sunday-a an kohhran thawhlawm tlingkhawm Pound 400 (Rs 30,000/ -) zet chu Bial Schoolin an mamawha hman a tan an rawn pe leh ta. Hetih rual vek hian Kohhran Hmeichhe enkawl mek Hmangaihna In a naupuan tihrona khawl lei nan pound 1,700 (Rs 1,27,500/-) bakah a tul anga Hmangaihna In tih changtlun nan Pound 3,000 (Rs 2,10,000) zet an rawn pe bawk.
KTP DURTLANG BRANCH COMMITTEE VAWI 9-NA THUREL TLANGPUI (4th.Oct.11, 7:00 PM) 1. Financial Reports Sum hmuh zawng Hman ral Hman bang Kuta awm (Upto October) : Rs 5,33,702.00 : Rs 3,94,324.00 : Rs 1,39,378.00 : Rs 80,009.00
2. Group Beat Contest chungchang : Oct 17 thawhtan zana Group Beat Contest neih turah Light & Sound Sub Committee ten ruahmanna an rawn thlen chu thlirho niin, siamthat ngaite siamtha-a pawm a ni. (Programme kimchang phek hnungah tarlan a ni.) 3. Music Festival chungchang : Kohhran Secretary hnen atangin Nov.12&13, 2011 (inrinni zan leh pathianni nileng hmanga Bial Musical Festival kan Kohhran Biak ina hman turah Special Item 3 (solo, male voice, Group singing) nei tura min tih angin heng mite hi ruat an ni. Solo : Tv Zairemmawia Male voice : i/c Pu K.Lalbiakthanga Group singing : i/c Pu H.Lalhmangaiha 4. Blood Donation Calender chungchang : Gen Secretary CKTP hnen atangin khawpui chhung Branch tin ten Blood Donation Calender a siamah kan Branch chu April 2012 ah Presbyterian Hospital-a pe tura ruat kan nih thu dawn a ni a, hemi chungchang hi nakkum hruaitute bawhzui atan dah a ni. 5. Lawmthu sawina : Headmaster, Charisma School Karbook, Tripura South hnen atnagin Workcamp kan neihsak avanga lawmthu sawina dawn a ni. 6. Rawngbawlna chanchin hriattirna : Kan member Nl Rebecca Lalrinzuali, Arunachal Field-a Missionary-a awmmek hnen atangin an rawngbawlna report dawn a ni a. Tawngtaipui zel tura min beisei angin kan mimal tawngtainaah pawh hriat zui zel ni se tih a ni. 7. Inneih sawmna : Kan member Tv C.Lalengliana, S/o C.Zopara, Mel 5 in Oct 13 (ningani) a kan Kohhran Biak ina nupui a neih turah lawmpui tura sawmna leh inlam programme kaihhruaina KTP kuta an dah angin Pu Lalnunsanga Ralte Leader chu ruat a ni. 8. Kohhrana sum pek chungchang : Kan Budget-a Kohhran Property leina tur atana kan dah Rs 20000 atangin Biak in thuthleng Cushion siam nan Rs 10000 Kohhranah pek ni se tih a ni.
INNEI DAWN
Kan member Tv C.Lalengliana s/ o C.Zopara, Durtlang Mel-5 chuan ni 13.Oct, 2011 chawhnu dar 1:00 hian a lungdumtu Nl H.Lalpar mawii d/o Lalzawmtluanga, Darlawn chu Durtlang Kohhran Biakin-ah Tiam Tlat e a tihpui dawn ta. Kan member dan thianghlima nupui nei tur kan nei hi kan lawmpuiin kan chhuang a, duhsakna sang ber kan hlan e. DAWHKAN SIAM DAWN KTP Durtlang Branch chuan Kohhran property turin thingpui semna tur dawhkan a siam dawn a. Thingpui semna dawhkan hi Kohhranin a neih loh avangin inkhawmpui leh hunpui a thlen changin thuthleng chherchhuan mai thin a ni a. Hmun hran hran ami laka put kawi a ngaih thin avangin a buaipuituten harsatna an tawh thin bakah a mawi chiah tawh loa hriat anih avangin Rs 10,000/- budgeta dahin, a daih chin an siam dawn a ni.
MASHIHI SANGHATI INTUATHAR DAWN
P/S-I CENTENARY
Durtlang khawthlenga School hmasa ber Govt. Primary School - I, Durtlang kum 100 (Centenary) tlin lawmna chu ni 13.Oct, 2011 hian neih ani dawn a. Pu R.Romawia Bialtu MLA chu khuallian a ni ang. Chawhnu dar 1:00-ah prog ramme tan a ni anga, thusawi hrang hrang bakah zaithiam tak takte an zai anga, tlaiah ruai ropui tak kilho a ni dawn a ni. Govt. P/S-I hi Durtlanga zirna sikul chhuanawm berte zinga mi niin, he sikul atang hian michhuanawm tak tak engemawzat an lo chhuak tawh a. School tha ber leh fai ber lawmman pawh engemawzat a lo dawng tawh nghe nghe a ni.
kan Kohhrana Masihi Sanghati Fellowship member-te chuan Oct 22 inrinni nileng hian intuaitharna hun kan Biak Inah an hmang dawn a. He mi hunah hian Bialtu Pastor ZD Lalhmachhuana chu Speakerah an hmang dawn a ni.Fellowship member zawng zawngte kimtaka kal vek turin an inngen in an insawm a ni.
(October thla chhunga KTP Durtlang Branch-te chetvelna chungchangah lehkhathawn kan dawng a. Heng lehkha kan dawnte hi member pumpuite hriat atana tul leh pawimawh anih avangin Branch Committee-in KTP Inleng lamah tarlan nise a tih ang in, a ngai ngaiin kan han tarlang e. Ed) T, o The Secretary, Kristian Thalai Pawl, Durtlang Branch, Subject: Work camp neih avanga lawmthu sawina
ami an ni. Bar chu nei fer fur mah se, wine shop hi kawngkam langsar takah hmuh tur a awm lem lo. Zu zuarte chuan an hralh chhuah dawnin lehkha in an tuam vek a, polythene dumah an thun leh vek a, an pechhuak chauh thin. Naupang zawkten an hmu ang tih hi an hlau ngawih ngawih tlat. CMC hian khawvel hmun hrang hrang atangin mi chitin chitang a hipkhawm a, kumin kumtir lama Kal (Kidney) tha lo thlak ngai leh kal petu (Donor) te kha blood group in ang lo an thlak sak kha khawvela a vawikhatna anih avang leh an hlawhtlin em avangin khawvel ah a hmingthang zual sauh a. Tamilho aia dum leh lian Negro ho-te, keini aia ngo khawchhakho leh keini aia pawisa ngah sapho bakah keini aia hawiher thingtlang lehzual Tibetan, Nepali, Bhutanese leh North East mi pawh an tam hle a. Zan dar 10 bawr velah hmeichhia mahni chauha kal ngawk ngawk an tam em em a, hengho hi lo auh emaw, lo chhaih fiam emaw an tawk ngai miah lo.!! Mizo thlirna atang chuan thil mak a ni tawp! Mi chitin chitang kan awm a, he khawpuiah hian mi nuaih 17 zet kan khawsa lehnghal.! Tunah hian Synodin Counceling lam Post Diploma course zir turin Durtlang bialtu Pastor thin Rev. R.Ramnghinglova kha a rawn tir a, inthenawm maiin kan khawsa a. Mihring hi in ralthlir chuan inhriatchian avan lo harsa dawn em ka ti ta hial a. Durtlanga pa tawng tlem, thinchhiat hmel leh ngeng ngulh mai, chapo pui hmela ka hmuh kha, pa inngiatlawm leh tlawmngaihna ngah, inthlahrung em em mai chi leh tawngsual duh miahlo khawpa mi thluakfim alo ni reng mai a. Tv. Zoremate, Pu Eddiea te hian Pu ZD-a kha an lo ral beih vak mai ang tih te ka hlauh thawn phah hial a. An hnehsawh dawn ropui si a, mahse Synod hnuaia zir theuh theuh, Pastor ho zirna senso atana Synod inphal thuizia leh kan nute zirna senso atana kan mimal sum kan sen nasat bikzia leh Synod hnuai ami theuh theuh, kan inthlauhzia ka ngaihtuah erawh chuan mak tirengin ka khat fo thin! Pastor ho tan chuan zir zawhah pawh thahnemnngai taka thawhzui kha a chakawm zek zek hmel bik hian ka hriat thar hliah hliah belh leh zual phah hial a! (A thui lutuk dawn e...Inleng chanchinbu lama kann hotuten an phal chuan kan la chhun zawm leh dawn nia...) (E khai Pu Pui, Article ngaihnawm leh tha tak min la hlui thin hi kan va lawm em! Kha leh chenah i awm chung pawhin Inleng tan ila tangkai zia kan hmuh hian, Inleng Staff thenkhatte hi chu min fa challenge fe aw! )
Rawngbawlpui duhtak, Kan Lalpa Isua Krista hmingin chibai ka buk a che. Ni 20-25, September 2011, ni li chhung Charisma English School a in branch atanga work camp lokalte azarah kan school chuan dawhkan 64, zirtirtu table 7, office table 14 leh thuttthleng engemaw zat siam zawh leh siamthat a ni ta a. Hahdam leh chawlh hun pawh nei lovin ni li chhung rim takin Charisma English School tan leh Karbook Pastor Bial tan an thawk a, harsatna leh buaina awm lova engkim tluang taka a kal avangin Pathian hnenah lawmthu awm rawh se. Thawktute tana mit tikham leh hmuh hrehawm zawk niin kan hria a, hetiang taka work camp tha leh hlawhtling kan nei hi kan lawmin a zawngchhangthlak hle niin kan hria. Durtlang Branch KTP hruaitu leh Kohhran chungah lawmthu kan sawi tak zet a ni. Kan mamawhna leh tulnate min hriatpuitu kan neih avangin sum leh pai leh hun tam tak senga in thawhna hi Pathianin a malsawmna in vurlet theuh che u rawh se.Lalpa Grep huana thawktu tha leh fel tak tak in awm avangin a t l m a t l kk nt . haunha a i P t i n ni a m u i k i r a z lc eur w s . ahai n wpin ahui e h ah e I rawngbawlpui, R.Lalzawmliana Headmaster, Charisma English School Karbook, South Tripura.
T, o The Secretary, Durtlang Branch Kristian Thalai Pawl K Taapie a hliut, Kan Lalpa Isua Krista hmingin chibai ka buk a che u. Rawngbawl tura chhandam kan nih avangin Chhandamtu Isua tana thawh let ve hi kan tihtur a nih a a g nk i a ht i g ol hc a l t kn m hi aK i t vni epw lnl e hko a i a l rsan a rawngbawl turin min ko chhuak ve si a. Tawngtaipuina ka mamawh takzet a ni. Dt 14,Aug 2011 khan mi 20 laiin Baptisma an chang thar a, Hindu chhungkua 1(member 4) an rawn in pe bawk a. Tin, ka awmna ah Dt 21 Aug 2011 atang khan Pathianni tlaiah inhkawmna kan nei ve tan bawk a, tun thleng hian Pathian awmpuina azarah Pathianni tlai vawithum a zawnin inkhawmna kan la nei thei zel a, heng zawng zawng hi in mi tawngtaipuina rah a ni a, ka lawm t k e an . azt i Engpawhnise ka thalaipuite, min lo tawngtaipui reng turin ka sawmin ka ngen che u a, kan thlen chin atanga hma kan sawn theuh theih nan tawngtaina ah kan inhriat reng ka duh ber a ni. In mi tawngtaipuina zawng zawngah bang lovin lawmthu ka sawi tak meuh e. In rawngbawlna tluang taka a kal zel theihna turin Lalpan malsawm zel che u rawh se. Krista tana in thawhpui, Rebecaa Lalrinzuali Rai Bosti, Arunachal D : 1 th. S p . 2 1 t 9 et 01
INLENG EXTRA
KTP Durtlang Branch
ctober ni 17 zana KTP Durtlang Branch hnuaia Group hrang hrangte inelna tur Beat Contest inbuatsaihna chuan a vawrtawp a thleng chho tan mek a. A huaihawttu Music SubCommittee lamte n theihtawp chhuahin hlawhtling taka neih a nih ngei theih nan hma an la chho zel a. A tel turte pawhin uluk leh ngawrh leh zualin, ngaihthlatu/ thlirtute fah zo ngei turin an theihna zawng zawng nen an inbuatsaih a. Hetih lai hian memberte pawhin a rukin tute nge Group aiawha perform tur tih leh an hla sak tur thlengin kan ngaihven tlang tan ta.
Tute nge endik dawn? Branch khat chhung inelna mai tur mah nise, ahuaihawttute lam chuan felfai tak leh result pawh pawmawm tak anih ngei theih nan endiktu tur pawh an thlang hrawl hle a. Mizoram chhungah ngat phei chuan anni bak an awm chuang lo ang tihtur khawpa Music khawvela sulhnu ngah leh kan hmelhriat tawhte an ni fur dawn a nih hmel. Han en mah teh..Pu David Z.Hmar, Pu Laltleipuia (Patea),Pu Lalruatfela leh Tv Jonah Hnamte tihvel an ni fer mai. Heng endiktute hi Branch Asst. Leader Pu K.Lalbiakthangan a ho dawn a, result pawh a pawmawm hle ngei ang. A tinghahhlelh awmtu..! Programme Host tur Pu Matete-a leh Nl Machhuani te inkawp tur hi a boruak hle tura rin lawk a ni. Anni pahnih hi tunhma in hetiang lamah hian an la inkawp ngai lo a, hetiang lo lamah pawh an inkawp hriat a ni hek lo! An zei hle loh pawhin an hlimawm hle chuan a rintheih! Group hrang hrang Line-up thlir hian a nghahhlelhawm vel vek mai. An thiam zawng/khawih than Music khawih phal loh anih miau avangin kan beisei loh deuh deuh kan hmu nual dawn a nih hmel a. Guitarist lar Lawman Bass Guitar a thai thum bu suau suau turte, Keyboardist chhuantawlawl Tv Lanmawian Drums a tlir nui sun sun daih turte hi engtak ang ang maw! Chutiang zelin member dangte pawh an music hmanthiam loh zawk nen an perform dawn a, a nghahhlelhawm ngei e! A nghahhlelhawm zual deuh deuh...! Group hrang hrang Line up han thlir vang vang hian thlirtute barakhaih tur fe fe a awm nuk mai! A zai lai chu sawi loh, Guitar pawh a perhthiam tawk tawk ni-a kan lo ngaih thin Andria Gr. Leader U Lianan an group tana Rhythm nen a rawn Frontman tur hi a pui lawk! Ani hian gr. member ruat tawhte remchan tak loh avangin tlawmngaih chhuahin a rawn perform dawn ni-a hriat a ni a, a thiam turu hle lo anih pawhin a ropui u turu tawh sa! Durtlangin kan tlakchham em em thin hmeichhe lam Musician tun tumah hian kan hmu dawn! Petera Gr. Nl Malin Guiter perh pahin a aw a thawh dawn a, chumai bakah group hran theuhah an unau 3 hmel kan la hmu dawn zui, record ani hial angem! Johana Group atanga zai tur Tv B.El-a hi a boruak leh ngawt ang! A aw a nalh hle loh pawhin a sang leh fia fia ang chu aw...!Philipa Gr. Vocalist Tv Rka pawh hi lam chitin thiam tel anih avangin stage a dominate hle a beiseiawm. (Harsatna dang a awm loh kar leh lamah thlirlawkna chhunzawm tum a ni. Memberte zingah thlirlawkna han thawh duh emaw, tin mahni groupte duhsakna leh mimal kan tan zawngte pawh wish theih a ni dawn a. SMS Phone No9856878819-ah emaw, FacebookKTPINLENG GROUP-ah pawh rawn post theih a ni e. Ed.Bd.)
Johana Group : Tv B.Lalruatsanga - Vocals Tv Samuel Lalzahawma - Guitar Tv Joseph Vanlalremruata - Bass Tv Lalnunmawia - Drums Matthaia Group : Tv C.Lalrintluanga Tv Zonunsanga Pachuau Tv K.Lalremtluanga Pu C.Lalremruata Tv Lalrohlua Philipa Group : Tv Lalruatkima, Tv K.Lalfakmawia Pu Lallawmzuala Tv Lalramhmachhuana Pu C.Lalrinawma - Vocals - Guitar - Bass - Drums - Keyboard - Vocals - Guitar - Bass - Keyboard - Drums
Sawizui hlawh a hmunhma! Ruahmanna hmasa-ah M.Suaka Hall tualah Stage siam tur a ni. Mahse, Branch Comt.ah group hrang hrang dinhmun leh khawchin a thlirin pawnlama tih ai chuan Centenary Hall-a stage awm sa ringin, a tul anga cheibawl tha zawk tura a ngaih avangin a sawn leh a. Hetih lai hian Member thenkhatah Stage leh hall chhung enin sound chikim nen phei chuan min zo dawn lo hle nia hriat avangin sawn leh duhna lian tak a awm a. A bikin Facebook-KTP Inleng Group lamah sawizui a hlawh hle! Hemi chungchang hi a tha zawk tur anih ngai chuan Branch Committee pawhin a la ngaihtuah tha leh thei turah ngai ila. Engpawhnise, Hall tha leh changtlung zawk neih ve a hun tawh zia leh kan mamawh tawh zia lantirtu ani e! Mi thilphal an lo penchhuak e.. He Beat Contest hmunhma buatsaihna leh lawmman atan hian sum thahnem tak mamawh a ni a. Hmalatu Sub Committee ten thahnemngai takin vengchhung mi tlawmngaite hnenah vehbur khawnin Sponsorship an zawng ta ngawt mai a. Vengchhung nu leh pa zingah thalaite hmakhua thlir a, hmasawnna duhtu leh phurpui thiam an lo kat nuk mai. He thu kan buatsaih lai thleng hian sumfai ngawt pawh cheng sing a chuang fe tawh! Hmuh beisei mek ala awm nghe nghe. Heng mi thilphalte hian memberte atiphur a, an inpekna hi malsawmin a awm ngei ang. Lawmman leh a behbawm... Best Beat Group-te hian Rs 2000 an ^ hlawh dawn a. 1st runners up - Rs 1500 leh 2nd runners up Groupin Rs 1000 an hlawh thung ang. A tel group ten Consolation Prize Rs 500 theuh an dawng bawk ang. Hemi bakah hian hetiang hian mimal lawmman siam ani dawn bawk.1) Best Vocalist 2) Best Guitarist 3) Best Bassist 4) Best Drummer 5) Best Keyboardist. Heti zat lawmman zozai siam anih miau vang hian he Beat Contest inelna boruak hi a te dawn lo tih a hriat a.
Petera Group : Tv Lallawmkima - Vocals/Guitar Nl C.Lalmalsawmi - Backing vocals/Guitar Tv Lalhlimpuia - Guitar Tv Issac Lalhruaitluanga - Bass Pu Lalawmpuia - Drums
BEAT CONTEST
4
> > Kristian Thalai Pawl : Durtlang Branch