KTP Durtlang Branch 1955-2011

KTP INLENG
18th.Sept, 2011

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

E-mail : ktpinleng@gmail.com

VOL 24 ISSUE NO. 37

BRANCH DAY SEPT 15

HLA LEH A PHUAHTUTE

KAL LALPA DUHTAK MIN AWMPUI ANG CHE He hla hi Henry Grancis Lyte a phuah a ni a. Tlai lam hlaah chuan a lar ta ber a. A phuahchhan tak chu kan chung ni, tlai khi nilovin nun uaithla lam a ni zawk a,kum 1847 nipui laia a phuah kha a ni tawh a. A thih hma lawka Berry Head, Devon a tlawh hnuhnun ber tuma a phuah a ni. Wembley khuaah inkhel thlirtu sang tam tak ten inkhel hawn nan an hmang a, hla sak tur programme siamtu pa chuan a sawi hmangin sak tura a ruat a ziak dawn tum chuan thil tih theihna thuruk engemaw riauin he hla hi sak turin a ziak tir niin a sawi a ni, an ti. Chuta chin chu intihsiakna kum tina awmah chuan an hmang ta fo a ni an ti. A phuahchhan kan sawi tak ang khian tlai lam atan ni satliah mai lovin mihring nun uaithla leh lo inthlakthleng thinah hian Pathian a ngaihawmzia nun lo awm leh a beisei awmzia a ti lang hle a ni. He hla hi thlamuanpui pawh an tam tawh mai, nurse Caveli pawhin Belgium inkahna kum 1916 khan alo thlamuanpui tawh a, Shackletonan Antarctic vur zingah a thlamuan phah tawh bawk a. Tin, Kum 1912 a Titanic lawnglian pil tur ah pawh khan band nen he hla hi remin lawng chu an pilpui a nih kha. A phuahtu thih kum 100 champha 1947 a an serh tum te chuan chanchinbu ah he hla chanchin hi an rawn chhuah uaih uaih mai a. Chumi chhuahtu zinga nula pakhat ziak dan pheichu He hla hi a mawl hle a, mi naran pawhin a awmzia an hre phak a, a thukna lamah lah mithiam tak tak te tan ngaihtuah tham a ni bawk si, tiin London chanchinbu pakhat chuan a chhuah a ni. Polland lunginah te, Scot sipai pawl te chuan chawlhni tlaiah an band party ten an sa ruai ruai thin a ni. Tin, India rama kan ni pawimawh em em pahnih Republic Day leh Indepence Day beating retreat Rashtriyapati Bhavan kawta an neih thinah India flag an lakthlak rualin band tam takin an rem ruai ruai thin bawk. Min awmpui ang che tih a hla tawngkama a hmanna chhan ni a an rinna chhan chu a thian pakhat thi ta chuan a thih hmain he tawngkam hi a hmang ngun hle thin a. Chu a chhapah Brixham hmun Devon khuaa sangngha mantute zinga rawng a bawl chhungin an hun hlauhthawnawm tak tak mai chuan he tawngkam hi a hman tir ve ta niin an ring a ni. A hla phuah hnu reiloteah Nice khua ah a kal ta a, tah chuan ava thi ta a. Nice khuaah hian an phum ta nghe nghe a ni. He hla mizo tawnga letlingtu chu Pu Zosaphluia a ni. I LAMAH MIN HIP RAWH He hla phuahtu hi Sarah Flower Adams a ni a. Kum 1848 ah a phuah a ni. Amah hi kum 1805-1848 lai a mi a ni a. Kum 43 mi la nula tak a nih laiin a thi a ni. England rama Essex bial khaw pakhat Harlow an tih a awm a ni a. A hla te chu America ah an duh nasa hle, Unitarian ho zingah a lo larzual a ni. 1850 khan kohhran hlabu ah an chhu tel ta a, chu kohhran chu a phnuahtunu lawina kohhran a ni nghe nghe. A phuahchhan chu Genesis 28:12 a Jakoban leihlawn van thlenga indawhkai a hmuh kha a ni. Tin, Kross hrehawm pu pawhin ka lo hnai ang, han tih hian Kristian rilru ropuizia a ti lang ber nge nge an ti a ni.

September ni 15, ningani kha KTP Durtlang Branch din champha vawi 56 na a ni a. He mi denchhen hian Branch Committee chuan Biak in leh a vel tihfai hnatlang Branch pumhuapin neih turin a lo rel tawh a. Amaherawhchu khua a chhiat avangin Branch OB te chuan hnatlang thulh mai ni se a ti a, memberteah puan zarna hun a awm ta chiah lo va, member lamte pawhin kan branch day hi kan lo mangnghilh deuh hlawm niin a lang. Nilengin Biak in kawtah KTP Flag erawhchu kan zar thung a ni.
KTP MEMBER HRIATTIRNA

Vawiin Pathianni hian Sakramen leh Senior Department Conference kan kohhranah neih a ni dawn a, KTP member ten thingpui lum tur a ni a, member remchang thei apiang thingpui buaipui tura lo thawhchhuah tur a ni e. Hetih rual hian vawiin tlai KTP tawngtai inkhawm kha a awm dawn lo a ni tih kan in hriattir bawk e.
KTP THAWHLAWM IP CHHIAR

Naktuk thawhtan zan inkhawm ban hi September thla chhunga KTP thawhlawm Ip kan lakkhawm te chhiar hun a lo ni leh ta a, Group lama mawhphurtuten kan Group theuhah tan lo la thar leh ila a tha ang e.

SAWMNA/NGENNA
October ni 17 zana KTP Durtlang Branch buatsaiha Beat Contest neih tur-ah hetiang hian lawmman hrang hrang siam a ni dawn a. Heng lawmmante hi chhungte hriatreng nante, dawr hming leh mimal ang pawha phuahin sponsore theih a ni dawn a. Sponsore duh chuan KTP hruaitute leh Tv Joseph VL Remruata, Secretary, Light & Sound hnenah emaw inhriattir turin kan inngen e. 1) Most Promising Lead Guiterist 2) Most Promising Rhythm Guiterist 3) Most Promising Basis 4) Most Promising Keyboardist 5) Most Promising Drummer 6) Best Vocalist
Kristian Thalai Pawl : Durtlang Branch

Tun hma Aizawl Kulikawn

KTP Inleng 2011

KTP INLENG KARTIN CHHUAK VOL 24 ISSUE NO 37

E i o i lB a d dtra or
Editor in Chief C.L.Biakhlua 9856878819
Editors C. Zoremsanga Samuel Ramengmawia 9612297009 9862378735

Joint Editors C. Zarzoliana 9436197307 C.Lalthanzuala 9862363844 C.Lalfakzuala 9436365052 Vanlalpeka Kawlni 9862357170 Correspondent C. Lalthanpari 9615492737 Vanlalchhuani 9862368776 H.Hmingthansangi 9856344441 Circulation Managers 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

Kum 1912 April 14th a Titanic lawnglian pil tuma chu lawnga band ten an rem avang khan a larzual ta a ni. Chu lawng chu chutih laia khawvela lawng lian leh ropui ber a ni a. New York panin Atlantic tuifinriatah a kal a, mi hmingthang tam tak an chuang a, chuta chuang zawng zawng chu sanghnih aia tam an ni. Ni thum chauh an kal hman tih in zanlai a ni lek lek ta tih hian lawng chua a ri ta vak mai a, a alh a, band te an tum ta a, a michuang te chuan enge ni ta ngai tiin ngaihthalo in an in en hlawm a, ral khel alarm a han ri a, engdang a lo ni lova lawng chuan vur khal a su a, a keh a ni. Tichuan lawng chuangte chu lawng chhuatah chuan an intlar ta a, lawng keah chuan tui alo lut huau huau mai bawk a, an chhandamna hmanrua chuan daih ta si hek lo, a then chu hlauin an phar ta chiam mai bawk a. Chutih lai tak chuan I lamah min hip rawh aw ka Pathian tih hi band party te chuan an sa ta ruai ruai mai a. Mi chuangte chuan, Kross hrehawm pu pawhin ka lo hnai ang, Ka hla sak zawngah hian i lam hnaih ka duh ang, I lamah min hip rawh, Lalpa Pathian. tiin hla an sa ta a. Darkar thum a chinah chuan Titanic lawng chu a pil ta ruai ruai mai a. Mi 711 chauh an dam ta a ni. He hla hi Mizo tawnga dahtu chu Pu Zosapthara a ni. ISUA KRAWS MAK TAK CHUNGAH KHAN He hla hi Isaac Watts a phuah ani a. London a a chen hmain kum 1683 lai khan Southhamptonah a cheng a. Amah hi Puritan pawl, rual remlo ho an tih zinga mi a ni a. Rual a remlohna avang chuan Church of England hoin lung inah thla ruk an tan tir nghe nghe a, chumi hnuin a chhungte kalsanin Londonah a cheng ta a ni. Puritan ho hian ni serh bik an nei ve ngai lova, Krismas emaw, Good Friday emaw an serh ve ngailo. He hla pawh hi Good Friday atana phuah a ni lova, Lalpa Zanriah atana phuah a ni zawk. Galatia 6:14 Lalpa Isua Kross a zarah khawvel hi ka tan khenbehin a awm tih kha a chang nghah chhan a ni. Miin tha an tih em em a, Matthew Arnold a pawhin kan tawnga hla tha ber a ni a ti hial a ni. Engkim mai hi ka tan ni se tih lai tak hi Bernerd Mammenga pawhin khawvel siamtu khenbeh a thi a chu a laipuia hmangin Watts a hian khawvel leh a chhunga thil awm hi a thlir a ni a lo ti a ni. Ni khat chu May 1944 tlaiah indopui pahnihna in a vawrtawp a thlen lai khan Colorado- a Grand Canyon a tlangval ho an thukhawm a, ni tlak sarah kawl a lo eng a. Sakhi niin a vel tlang chu a kap sen ruai mai a, romei chungah tlangchhip te a lo lang a, an thlir lai tak chuan nizung eng chu inkawl kalhin kawl bulah chuan alo lang ta a. A hnuai lama chhum awmte chu a rawn en a, chu ni zung eng kawl kalh kraws chu thukhawm ho chuan an han thlirin Isua kraws mak tak chungah khan an sa chhuak ta hlawm a ni. Chutiang ngei chu mi rilru ni thin se a tih chu a ni reng mai. Chumi tlaia Grand Canyon tlai tla eng chu hmu ve se Watts a hian eng hla tak phuah ang maw? Mahse he hla khumzo tur hi chu phuahchhuah har hle tawh mai thei a ni. Mizo tawnga letlingtu chu Pu Zosaphluia a ni. (Source - Hla leh a phuahtute by Rev. PD Sena)

Lalbiakmawia

Kum 2011 Beihrual hun chu tluangtaka hman chhoh mek zel a ni a. Kan hriat angin tunah hian Beihrual chawhnu lam kan hmang chho mek tan a ni a. Kawng hrang hranga thlirin beihrual ngaihlutute chuan an tangkaipui hle ang. Chutih laiin, kohhran pumpui boruak thlirin, rawngbawltu tam zawk chuan kan ngai pawimawh tawk lova, kan ngaihlu tawk lo hle a ni. Tun hma atang tawhin kohhranho ten hetiang beihrual hun pawimawh tak hi hlawk takin an lo hmang tawh thin a. Kohhranhote intihsawt tawnna leh intihphur tawnna atan an lo hmang tawh thin a. Hun alo kal chho zel a. Beihrual hun, kohhranhote tana hun pawimawh tak luah thin kha tunah chuan ngaiah kan nei a, kan hmang ho ta tial tial em ni aw a tih theih ta. A bik takin, thalai lamte phei chuan hetiang beihrual hun hi kan tel vena tur ni-ah pawh kan ngai tawh lo hial nite pawhin a lang ta lek lek mai. Zantin inkhawm a ni a, tun ang hunah chuan mihring kan hman lovin kan buai tawh hle a. Zantin inkhawm hman tur phei chuan tan fe ngai a ni tawh a. Engpawhnise, zantin kan inkhawm hman kher lo anih pawhin, a theih anga tam inkhawm kan tum hram hram a tulin a pawimawh hle a ni. Tunkar chho atang hian keini Durtlang kohhran chuan Ramthar pualin Campaign kan nei chho dawn nghe nghe a. Campaign hlawk tak leh hlawhtling tak kan neih ngei theih nan kan ngaihpawi mawh a tul zual hle a ni tih hria ila,

18.9.2011 (Pathianni) Durtlang Pastor Bial Sacramen & Senior Department conference THAWHTAN ZAN - NILAI ZAN RAMTHAR CRUSADE Speaker : Pastor ZD Lalhmachhuana 19.9.2011 (Thawhtan zan) Hruaitu : Rev C.Vanlalringa Thuchah : Pastor ZD Lalhmachhuana 20.9.2011 (Thawhleh zan) Hruaitu : Upa C.Vanlalzama Thuchah : Pastor ZD Lalhmachhuana 21.9.2011 (Nilai zan) Hruaitu : Rev Lalhnuna Thuchah : Pastor ZD Lalhmachhuana NINGANI ZAN - PATHIANNI ZAN Speaker : Upa R.Lalmalsawma, Coordina tor, Synod Ramthar Board

22.9.2011 (Ningani zan) Hruaitu : Pastor ZD Lalhmachhuana Thuchah : Upa R.Lalmalsawma 23.9.2011 (Zirtawp zan) Hruaitu : Upa Lalhmuaka Thuchah : Upa R.Lalmalsawma 24.9.2011 (Inrinni zan) Hruaitu : Upa K.Chhawnthuama Thuchah : Upa R.Lalmalsawma 25.9.2011 Chawhma Hruaitu Thuchah Chawhnu Hruaitu Thuchah Zan Hruaitu Thuchah (Pathianni) : Rev R.Thangvunga : Upa R.Lalmalsawma : : Rev Lalnghakliana Pautu : Upa R.Lalmalsawma : : Pastor ZD Lalhmachhuana : Upa R.Lalmalsawma

KOHHRAN ZING TAWNGTAI INKHAWM HRUAITU TURTE 19/9 20/9 21/9 22/9 23/9 24/9 25/9 Upa Zokunga Pi Kaptluangi Pu Lalhmachhuana Mel 5 Pi Dengziki Pu Rualchhinga Pi Vanlalauvi Upa R.Laltluanga

PANGPAR KHAWITU TURTE (25/Sept)

Pi Lalhriatpuii leh Pi Melody Hminghlui, Hospital Compound > > Kristian Thalai Pawl : Durtlang Branch

KTP INLENG KARTIN CHHUAK VOL 24 ISSUE NO 37

WORKCAMP-IN KAL DAWN

EVANGELICAL HUANG
ZAWHNA ZAWT DUH TAN...
- 9856343204 / 9612144132

KEYBOARD THAR LEI TA

Kan Kohhran chuan Keyboard, thar tha tak mai, Electronic Piano Casio(AP-420) Rs 80,000 zet man chu nei thar ta. Tarlan tawh angin he kan Keyboard thar tha tak mai hi tunlaia Aizawl khawpui Kohhran tam takin an hman ang, Biak in inkhawma zai hruaina tur atana siam changkang leh tha tak a ni a, Hetiang thil hlu leh man tam, Kohhran inkhawm zai boruak that phahna tur kan nei thei hi a lawmawm hle.
NAUPANG KHAWMPUI ZO TA

Naktuk ni 19 Sept, 2011 hian Charisma English School, Karbook, Tripura hmuna Workcamp nei turin kan member mi 10 te chu an chhuak dawn ta. Ruahman anga hun an hmang thei a nih chuan kar leh thawhtan, ni 26,Sept, 2011 hian lo haw leh tur an ni dawn a ni. Tluang taka an kal theih nan leh hna an thawh theih nan kohhran hoten tawngtaipui ang u.
RAMTHAR CAMPAIGN

Engpawh ni se..... - Mother Teresa

&&& Midangte chu pianphunga mi anglo leh mahni hmasial tak pawh an lo ni thei. - Engpawh ni se hmangaih phawt mai rawh. &&& Thil tha i tih chuan midangten an ngaitheilo chein, i dikna aiin i diklohna an hmachhuan ang. - Engpawh ni se thil tha ti phawt mai rawh. &&& I hlawhtlina i sumdawnna te a hlawk viau phei chuan thian sual tak tak leh a ruka i hmelmate pawh i chhar ang. - Engpawhni se hlawhtling phawt mai rawh. &&& I rinawm leh i thatna avang chuan hliam pawh ila tuar mai thei. - Engpawh ni se rinawm la, thatchhuah phawt mai rawh. &&& Vawiina thil tha i tih hi naktukah chuan theihnghilhin a la awm mai thei. - Engpawh ni se thil tha ti phawt mai rawh. &&& Kum tam tak chhunga i thil din kha zankhat thilthu lekah tihchhiat vekin a la awm mai thei. - Engpawh ni se din phawt mai rawh. &&& Khawvel tan i theih ang tawk i chhuah a, chutih lai chuan khawvel chuan lawm taka ruangin nangmah a mawhchhiat hun che a la awm ang. - Engpawh ni se khawvel chu i neih anga tha ber chu hlan phawt mai rawh. &&& Dikna i tan tlat chuan khawvelin a hua ang che a, hmelmaah a ngai ang che. - Engpawh ni se dikna chu tan tlat phawt mai rawh.

Pathianni kal ta hmanga Durtlang Bial naupang inkhawmpui chu tluangtaka zawh ani a. Intihsiakna result hetiang a ni. Beginer Department : 1na Durtlang North 2na Durtlang 3na Selesih Primary Department : 1na Durtlang 2na Durtlang North 3na Selesih Junior Department : 1na Durtlang North 2na Durtlang 3na Selesih Intermediate Department : 1na Durtlang 2na Durtlang North 3na Selesih
B.A. LL.B PASS THAR

Beihrual hun hman chhoh mek-ah Durtlang Kohhran chuan naktuk ni 19 - 25, Sept. 2011 chhung hian Ramthar Campaign a hmang chho dawn a. Tarlan tawh angin bialtu Pastor ZD Lalhmachhuana leh Upa R.Lalmalsawma, Co-ordinator Ramthar Board te chu Speaker an ni dawn a ni. Kohhranten he hun kan hman tur hi ngaipawimawh theuh ang u.

SILCHAR LAMAH ZIN

Vawiin Pathianni hmanga Barak Field, Meitei Joint Pastorate Silver Jubillee, Silchara lawmna neih ah kan kohhran atangin Upa Lalbiakkima leh Pu C.Vanlalrawnate chu an kal a. Ruahman anga an awm chuan naktuk Thawhtanni hian an lo let leh ang.
RUIHHLO ZUAR MAN

Kan member Nl Ruth Lalchhanzuali D/o Phirkhumi, Durtlang Mel 5 chuan BA. LL.B (Hons) chu NEHU Department of Law, Shillong atangin tha takin a pass thar a,hetianga kan member zirna a hlawhtling kan nei hi kan chhuang hle a ni.

THAWHLAWM LAKKAWM HUN SAWN

Vawiin Pathianni-a Sakrament & Senior Conference Durtlang Biakinah neih a nih dawn avangin Pathian ram thawhlawm chinfel a remchan dawn loh avangin karleh Pathianni ( 25. Sept) -ah sawn a ni a. Kohhran chhungtinte kan han inhriattir a ni.

Ni 14.Sept.2011 (Nilaini) tlailam khan Kawnveng KNSP Duty-te chuan Durtlang Kawnveng-a Pi Rami inluahtu Vanlalhruaia (Hruaite-a) leh a mikhualte hnen atangin ruihhlo (Parvon Spas) mum 78 zet leh Kanja engemawzat an man a, hei hi Rs 2000 man hu vel ni-a chhut a ni. Kawnveng KNSP-te hian report an dawn bawhzuiin, helai hmun hi an dap thut a. Hetia an dap lai hian Hruaite-a nupui nia inchhal Lalhnehtlingi Champhai Zotlang leh a unaupa Lalrinkima Champhai te an lo awm a. An damdawi hi sanitary pad kara an lo thuhruk chu hmuhchuah a ni ta a ni. An inpuan danin damdawi hi Lailapur lam atanga an lakluh niin, Durtlang atang hian hmun hrang hrangah an zuar kual thin a, vengchhungah pawh engemaw zat an tiral hman tawh nghe nghe niin an sawi a ni.

CONCERT FOR DIMASA

Presbyterian Church of India bultumin ni 16th September, 2011 (Friday) zan khan Vanapa Hallah Concert for Dimasa neih a ni a. He hun hi mipuiin an hlut hle a ni. Mizoram Synod Choir te chuan Concert hawn nan hla mawi tak an sa a. Chief Guest Pu Lalthanhawla, Chief Minister in thusawina hun a hman zawhah Rev C. Lalsangliana, Moderator Mizoram Synod chuan tawngtaiin a hlan a. Heng zaithiam hrang hrang Rev Terrence William Wanshong, Shillong, X- Strings Band, Aizawl, Henry Lalliansanga Varte, Aizawl, Rev W.K. Hujon, Shillong Solo - Miss Vanlalruatfeli, Aizawl, Duet - Mizoram Synod Choir Group-ten kalkhawm mipuite an awi a ni. Kan hriat tawh thin angin Dimasa hi hnam leh hnam, chi leh chi intihbuaina avangin harsatna nasa tak an tawk thin a. A bikin kan kristian puiten nekchepna leh tihduhna an tawk nasa hle a, Mizoram kohhranhote pawhin nasa takin kan tawngtai pui tawh thin a nih kha.

> > Kristian Thalai Pawl : Durtlang Branch

KTP INLENG KARTIN CHHUAK VOL 249436197303 9856878819 / 9862363844 / ISSUE NO 37

KRISTIAN THALAITE LEH CHHIATNI

- KTP Handbook

DURTLANG PASTOR BIAL REPORT OCTOBER 2010 - SEPTEMBER 2011

1. Kohhran zat : 3 2. Pastor Bial nei zat : 1 3. Ordain Minister Bial neilo zat : 6 4. Kohhran Upa (Active zat) : 24 5. Pem Upa zat : 3 6. Dan zawhkim zat : 3587 7. Kohhran mi zawng zawng zat : 5003 8. Kohhran chhungkaw zat : 1015 9. Thununlai zat : 94 10. Thunun lakluh zat : 65 11. Naupiang zat : 67 12. Mitthi zat : 19 13. Pawl danga pakai zat : 13 14. Dan zawhkim thar : 98 15. Sunday School zirtirtu zat : 419 16. Sunday School zirlai zat : 3435 17. Synod a lut zat :1,09,68143 18. Danzawhkim 1 thawh : 3,058 19. Thawhlawm petu zat : 1009 20. Thawhlawm pelo zat : 6

Chhiatni thatni kan tih hian khawtlanga mitthi awmni leh inneihni a kawk deuh ber a. Heng khawtlang huapa puipunna hrang hrangahte hian thalaite hi a che nasa leh a mawhphurtute kan ni ber a, chhiatni lam hi lo thlur bik ila. 1. Tangkai : Khawtlangah chhiattawk an lo awmin thalaite tih tur chi hrang hrang - in leh a vel singsak, thlan laih, mitthi lumen, zualkova tlan, khawhar ina riah, thingpui lum leh khawhar/mitthi chhungte mamawh kawng dangahte hian kristian Thalaite hian Krista zuitu kan nih avangin heng kan tih tur chi te hi taima taka tih kan ba a ni. Engpawlin emaw min phut avang ni lovin, thil tha ti atana siam, midangte tana malsawmna ni tura koh leh rawngbawl tura chhandam kan nih avangin kan ti mai tur a ni. Tin, kan thiltih chu mahni mawina um vang nilovin, Pathian rawngbawlna pawimawh a ni tih hriain rinawm leh inpe zo takin kan mihringpuite mit hmuh lovah pawh kan ti tur a ni. 2. Pawimawh zawkna thliar thiam : Kohhran rawngbawlna pawimawhah chanvo kan neih a tul laiin khawtlangah chhiattawk a lo awmin thlan laih, zualkova kal, etc lo tul ta se la, tih zawk tur thliar thiam harsat chang a awm thei. Hetiang hunah hian ka tel loh a pawina zawk ngaihtuah thin a tha hle. Inkhawm emaw, thlan laih emaw, a chhe zawk leh tha zawk thliar tuma buk chiam ai chuan, eng kan tih hian nge midangte tan ka tangkai zawk ang, tih ngaihtuah ila. Kan pawimawhna leh tangkai zawkna tur lamah kal mai tur a ni. 3. Remchanga hman thiam : Kristian Thalai Pawl hruaitute hian khawtlang rawngbawlna leh chhiatni thatni thu-ah te kan tih tur kan ti tawk lo hle nia sawina a awm zauh zauh va, miten kan lakah beiseina sang tak an nei tih hriaa tan lak deuh deuh a tul hle. Heng rawngbawl hnate hi midangte phut ran chunga ti tur kan ni lo ang bawkin, sawi kai khawpa kan inthlahdah chu a fel lo hle bawk. Heng hun te hi Biak In leh a chhehvel piah lama rawngbawlna remchanga chantir thiam a tul a, K.T.P. programme hrang hranga lo lang ngailo te eng emaw zat an fuan khawm thin avangin anmahni hmelhriat nan leh biak pawh nan hun remchanga hman thiam a tha hle. 4. Mitthi lumen : Thalai thenkhat chuan ka ngeih lo tiin tlaivar loh hram dan kan zawng a ni awm e. Kan ngaihtuah dan zawk tur nia lang erawh chu kan ngeih leh ngeih loh lam aiin a tulna lam hi a ni a. Tlaivar hi tuman an ngeih tak tak lo vang tih a hriat a, chutiang bawkin thalai pangngai chuan zan hnih khat tlaivar na na na chu kan chhiatpui tak tak a rinawm lo bawk. Mi lungngai leh lusun chhungte tuarpui leh thlamuan hi Kristian thalaite tih tur, kan rawngbawlna pawimawh tak a nih avangin mi dangte tih atan khek mai lovin kan ti ngei tur a ni. Hrisel lohna bikte leh harsatna dang chu thu dang ni se. 5. Khawhar chhungte tan malsawmna nih : Thil pawi tak pakhat chu K.T.P. huangchhunga kan tih duh loh thil thenkhat, hmun danga tim hauh lova KTP mite ngeiin kan ti leh duh tlat thin hi a ni. Khawhar inah te pawh mawi taka che tur, rawngbawlna pawimawh tak a ni tih hria a fel taka awm tur kan nih laiin, hawklak tak leh duhdah taka pawisak alawi nei lova awm kan hnial lo leh mai thin. Kristian Thalai, khawhar ina kal hming pu ve si, pawn ler leh a kil thim lai chuh deuh tlat mai, zai tha peih bawk si lo, nuihza leh bengchheng dang siam ta chiam te, mawi lo leh mit tikham taka khawsa te hmuh tur kan awm ta fo mai. Tute mitmei ven emaw vang mai ni lovin, khawhar chhungte tana malsawmna thlentu, Pathian hmanrua kan nihna hre reng chungin kan kal tur a ni. 6. Hleih neih loh : Chhiat tawh chungchangah hian a chhiat tawk chhungkua te hi kan ^ ngaih pawimawh dan a inlahlei sawt viau niin a lang tan a, a zual zel hmaa ven a pawimawh hle. Tute emaw awm thei deuh leh langsar deuh ten chhiat an tawh a thil dang zawng zawng kalsana kan inpek thuk viau lai hian mi langsar lo zawk khawsak harsa deuhten chhiat an tawh vein kan ngaihthah viau mai ang tih a hlauhawm ta hle. Lal Isuan mi tete a ngaihsak ani tih leh, an aiawhin a ding a ni tih hi theihnghilh hauh loh tur a ni. Heng mite ber chunga in tih hi ka chunga ti in ni a, in tih loh chuan ka chunga ti lo in ni,(Mat 25:4045) titu hnungzuitute kan nih avangin, mitthi khuhna puan tam hlei ta lutuk te leh thlahna pangpar vum hlei ta lutuk te hi ngaimawh nachang kan hre tur a ni a, a tireh turin hma pawh kan la ngei tur a ni ang.
> > Kristian Thalai Pawl : Durtlang Branch

NAUPANG CHU......... @@@ Naupang chu sawiselna hnuaia a seilen chuan mi dem ching mi nih a zir a ni. @@@ Naupang chu thinrimna hnuaia a seilen chuan insual a zir a ni. @@@ Naupang chu hriatthiamna hnuaia a seilen chuan dawhtheihna a zir a ni @@@ Naupang chu enkawlna hnuaia a seilian a nih chuan inrintawkna neih a zir a ni.

INLENG PIKSS!

Centenary Road-ah an service thin!