KTP Durtlang Branch 1955-2012

Branch Thupui:

Puanin zauh Isaia 54 : 2

E-mail : ktpinleng@gmail.com

KTP INLENG
5thFebruary, 2012

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

VOL 25 ISSUE NO. 5

GROUP THUTHAR
NAHUMA GROUP :Nahuma group te chuan a thawh hnih nan tunkar ningani zan khan Group sumtuak nan Pu C Lalbiakmawia (Te-a) mualveng te ban khur laiin an hnatlang a, memberte an phur tlangin an hlim thin hle. Hnatlang ah hian member 20 bawr vel an thawkchhuak thin a, Group hruaituten tlawmngaia thawkchhuak member te chungah lawmthu an sawi takzet a ni. JONA GROUP: Jona Group ten group sumtuak nan KTP Inleng an sem dawn a, group hruaitu ten sem tura an ruat zawng zawng te tlawmngaih chhuaha taima tak leh a hun taka chhiar thin a nih theih nan tan la theuh turin an ngen a ni. JOELA GROUP : Joela Group te chuan hun remchang hmasa berah lehkhabu kawm siamtur khawn khawm a hnatlang neih leh an tum a, member-te hnatlang a thawk chhuak leh theuh tur in an ngen a, a hun tur chu remchang anga in hriattir leh tur a ni ang. ZAKARIA GROUP : Tunkar thawhlehni zan khan a tum thum nan an sumtuakna pangai Pu Sangvuan te leivung paih in hnatlang an nei leh a. Member thawkchhuak pawh an tha thawkhat hle. Hnatlanga thawkchhuak zawng zawng te chungah Group hruaitu ten lawmthu an sawi. Inkhawm leh fellowship ah te pawh hruaitu ten member te ngaipawimawh a tan la sauh sauh turin min sawm a ni.

I PUAN IN CHU ZAUH RAWH

(Isaia 54 : 1 - 5) Rev. J. Lalremsiama
Kum sangbi thar lut mek thalai duh takte u, kan rawngbawlna kal tawh te, kal mek leh hun lo la awm tur (youth service preview & review) te kan bihchian a hun ta hle mai. Hma lam thlirna (vision) tha tak kan neih pawh a hun ta hle. Kan Pathian thu tarlan hi Pathian fate an sal tan laia dinhmun hniam taka an awm laia zawlnei - Speaker Isaian a kohna thu a ni. An saltan laia an thalai dinhmun a sang lo hle a ni ang. An Speaker thuchah atang hian kan puan in zauh dan tur leh kan zauhna tur i lo tarlang teh ang u. 1. Tawngtaina nunah : I awmna puan in chung chu kai pharh rawh se Mizoram hi khawvela Kristian tamna state zinga Tawngtai uar lo ramkan nih ka ring thin. Tawngtai mi nih hi ringtu puitling zia a ni. Kohhran tam takah thalai tawngtai taima tak tak leh riak chhuak meuha tawngtai thalai hmuh tur an awm thin. Tawngtai tlem rawngbawltu hlawhtling an vang khawp a, tawngtai tam rawngbawltu hlawhchham an awm ngai lo. Chuvangin kan ram thalai chhuanawm tak tak te hian kan ram tidam leh turin kan puan in chuing lamah i kaipharh ang u. 2. Rawngbawlna nunah : I puan in hmun chu zauh rawh. Pathian hmangaihte hmangaih pui tur te, an vahbona atanga an lo haw lo welcome tura in hawn zauh te a tul ta hle mai. Central KTP buatsaiha Evangelical Cell hmanga Drug Addict camping kan buatsaih te, Friendly Evangelism te, Letter Evangelism te hi a tha a, mahse a enkawlna Care Centre kan buatsaih tel a tul ta hle. Heng bakah drug addict sim duh tak tak te awmna tur pawl din te pawh kan mamawh takzet in a lang. Hemi atan hian thalaite mai ni lovin kohhran pawhin kan thinlung puan in kan zauh a tul bawk. 3. Chanchin Tha puan darhna nunah : Ding lam leh vei lamah i darh zau dawn si a. Tunah hian Synod Mission Board hnuaiah Bial KTP ten thawktu (Missionary) 74 lai kan chawm tawh a. (Synod Mission Board report on Jan April - 2000) Tawk kan ti lo hle in ka ring. Kan din chhan ber a ni si a. Hma kan sawn a ngai. Kan dawn leh kan hman mek, hma pawh min sawntirtu, Chanchin Tha hi Pathianin chen a tan mai min pek a ni lo va, nunpuia puan darh tura min pek a ni. Chanchin Tha kan buaipui loh chuan eng thil ber emaw tal chu kan buaipui tho tho a ni. Chuvangin kan buaipui dawn a nih chuan Chanchin Tha hi i buaipui ber fo ang u. Chanchin Tha buaipuitute chu Chanchin Tha hian an
Cont..next page

SYNOD HOSPITAL-A NURSE ZIR ZOTE THLAH ZANAH BRANCH KTP O.B NEN

BRANCH COMMITTEE
Tun kar thawhlehni zan (7th.Feb, 2012) dar 6:30 hian Kohhran Committee Room-ah Branch Committee neih tur a ni a. Thu ngaihtuah tur nei chuan hemi huna ngaihtuah hman ngei turin hruaitute hnenah thehluh theih a ni. Branch Committee memberten he hun hi ngaipawimawh turin kan in hriattir e.
> > Kristian Thalai Pawl : Durtlang Branch

KTP Inleng 2012

KTP INLENG KARTIN CHHUAK VOL 25 ISSUE NO 5

Editorial Board
Editor Samuel Lalzahawma Joint Editors C. Zoremsanga C.L. Biakhlua K.Lalfakmawia Lalnunmawia Dr Lalliansanga 9862375500

harsatnate a a chinfel sak a, an nun a thlifim a; inpumkhatna tha takah a hruai lut thin a ni. Zorama thalai tam tak te hi Pathianin missionary tir chhuak tur chauhvin min ko lo va, missionary-a mahni ngei chhuak turin min ko a ni. Pathian tana inpek kan tum anih chuan tun hi hun tha ber a ni. 4. I kaihmarna khente tinghet rawh : A chhan chu mawhphurhna kan ngah em a. Kan kohhran hi rorelna hmanga inkaihruai kan ni a, rorel zin aiin rorelna tha kan mamawh a; rorelna tha nei turin roreltu tha leh inpumkhat kan mamawh. Pathian ropuina leh chhungkaw that tlanna dah lal, mi lar leh mi thiam chauh hmang tangkai lo, rel nuam chauh rel lo; rel ngai rel thei, thu tlukna vawng him leh vawng nung, chhinchhiahna dik (right recording) vawng tha kan mamawh a ni. Hemi mai ala ni lo, zirtirna ning nel te te, fur khat tla awm lek lek buaipui an tamna khawvelah hian nun nghet Pathian leh Kohhrana ding nghet thalaite kan nih a ngai takzet a ni. Kan puan in kan zauhna tur atana kan tarlante hi kan tihlawhtling a nih chuan kan rawngbawlna nun leh hmun hrang hrangah Pathian leh Kohhran tan rah duhawm tak tak kan chhuah ngei ngei ang. I puan in chu zauh rawh... Amen.
(Source - KRISTIAN THALAI Kum 29 na - August 2000 - No. 263-na)

9612297009 9856878819 9862358727 8732081426 9612241873

Correspondent C. Lalthanpari 9615492737 Vanlalchawii 9774374513 H.Hmingthansangi 9856344441 Circulation Managers Lalbiakmawia 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

JANUARY KTP THAWHLAWM IP LUH DAN

Sl.no Group Jeremia Joela Jona Nahuma Obadia Zakaria General (R s) 1750 2443 1933 1784 2010 2172 12092 Mission (R s) 1843 2066 2037 1875 2129 2072 12022 Project (Rs) 1707 1881 2070 1641 2276 1866 11441 Total (Rs) 5300 6390 6040 5300 6415 6110 35555 Ip semchhuah 101 111 103 107 107 103 632 Ip lut 93 108 99 103 106 99 608 Ip lut lo 8 3 4 4 1 4 24

HAK ZAUH
American Idol Judge ten contestant tam takte hnena an thusawi zin em em mai pakhat chu I comfort zone atang khan lo chhuak rawh tih hi a ni. A awmzia ni awma lang chu, Idol a tel te hian an mahnin nuam leh inringtawk tak maia an hla sak theih tur thlangin, chetsual hlau em em lovin, pangngai taka sak chhuah theih tur hla an thlang tlangpui thin a. Judge te chuan chutiang mite chu an thleng sang thei lovang tih hlauin, an style chu kalsana, an la sak ngai loh music dang te pawh han ti chhin tura an duhna ni berin a lang. KTP te hian kan rawngbawlnaah hian chetvelna hrang hrang neiin, kan rawngbawlna hi kan hunlai mil zelin kan kalpui thiam zel hi thil lawmawm tak mai a ni a. Chutihrualin, tun aia tanlak hi memberte hian kan tih tur leh mawh phurhna a ni tih i hre thar leh ang u. Tuna kan dinhmunah hi chuan kan activity hrang hrang te hi member te pawhin kan lungawipuiin, kan tih ang chin chinah hi chuan kan kawnfi in, chetsual pawh hlau lovin kan zei thawkhat viau ni pawhin a hriat a. Amaherawh kan rawngbawlna hi tun dinhmunah duhtawk mai lovin, pen khat tala tisa leh thlarau lama malsawmna nasa zawk dawng thei turin, kan nuam tih chin leh kan kawnfi theihna piah lamah hian pen chhuak in, rawngbawlna kawng hrang hrangah te hian kan hak i zauh zel ang u.

1 2 3 4 5 6

H ead hrang hrang luh dan

Kum 2012 chhunga a hmasa ber atan January ni 28 inrin zan inkhawm ban khan KTP Thawhlawm ip chhiarna neih a ni a. Ip lut pawh a tha thawkhat hle a, sum thawh chhuah lamah pawh member ten hma kan sawn ni te pawhin a hriat a. A lawmawm hle a ni. A chung lama thawhlawm ip luh dan kan han tarlan atang khian Obadia Group ten Sum thawh hnem berin Ip lut lo pakhat chauh an nei a. Tin, Joela group ten Ip sem chhuak hnem berin Ip lut lo tlem ber pahnihna an ni. Hetih laiin Jeremia Group ten Ip sem chhuak tlem berin ip lut lo pawh an ngah ber thung a ni. A leh pekah chuan Ip lut lo awm lo turin group tin ten tan la ila a lawmawm ngawt ang. Kan sum thawhchhuah leh ip luh tam lamah a tlangpuiin group tin ten hma kan sawn hle mai a, hetiang anga thawhlawm ip ah tan kan lak zel chuan kan budget pawh Pathian zarah kan tlin leh theih ngei a rinawm hle. Hetihrual hian sum thawh chhuah tam lamah leh Ip luh tam lamah hma kan la sawn zel thei a ni tih hriain member tin ten tan ila zual zel ang u.

05.02.2012 (Pathianni)
BSI DURTLANG BRANCH ANNUAL MEET (Programme kimchang - page 3-ah)

06.02.2012 (Thawhtan Zan)

Hruaitu : Nl Lalhmingchhuangi, Br.Fin.Secretary Tantu : Tv.C Lalropuia Kumpuan :Thuawihna-Rawngbawlna ah -thupui zirhona. Hawngtu: Tv Zairemmawia, Br.Commtt.

08.02.2012 (Nilaini zan) Tantu : Pi Thanzuali Thupui : Kristian Chhungkua chu Damna hmun a ni Hawngtu : Pu PLC Lallawmkima 11.02.2012 (Inrinni zan)
BIAL KOHHRAN HMEICHHE KHAWMPUI (Programme kimchang karleh issue-ah)

Thilpek lakhawmtu tur :

INCHHIARNA
Thawhtan Nilai Inrin

1 Tv Michael Lalfakzuala 2. Tv Laldingliana, Nahuma group.

BSI Durtlang Branch Annual Meet a awm dawn avangin Tawngtai Inkhawm a awm lovang.

1.JEREMIA 2.JOELA 3.JONA 4.NAHUMA 5.OBADIA 6.ZAKARIA Midang TOTAL

14 18 15 24 22 20 95 208

6 8 7 10 9 8 48

6 5 4 10 10 8 43

Fellowship 8 6 6 8 8 12 48

ZING TAWNGTAI INKHAWM (06 -12 FEB.) Thawhtan Thawhleh Nilai Ninga Zirtawp Inrin Pathiani - Pi Laldinpuii - Rev. C.Vanlalringa - Pi Sangkhumi - Pu T.Ramzauva - Pi Rothuami - Nl Ramthianghlimi - Upa H.Zokunga

07.02.2012 Kohhran Hmeichhia Chairman : Pi Lalduhpuii Tantu : Pi Phirkhumi (Pi Feli Gr.)
INKHAWMPUI INBUATSAIHNA THIL ZIR

Pangpar khawitu Pi C.Chalmawii leh Pi Lalhmunsiami > > Kristian Thalai Pawl : Durtlang Branch

KTP INLENG KARTIN CHHUAK VOL 25 ISSUE NO 5 BSI DURTLANG BRANCH ANNUAL MEET VAWI 10 - NA

PATHIANNI INKHAWM PROGRAMME

Chawhma (Dar 10:00) - PATHIAN BIAK INKHAWM Hruaitu : Upa Dr. L. Ringluaia President, Leitan Area Zaipawl : BSI, Leitan Area Thupuan : Branch Secy/ Tualchhung kohhran Zaipawl : BSI, Sihphir Area Thawhlawm Hlanna : Upa Zahmingliana, Br. V. President Zaipawl : Durtlang Pastor Bial Thuchah : Rev. Vanlalbela, President BSI, Aizawl Auxiliary Zaipawl : BSI, Durtlang Area Inkhawm ban Fellowship : Upa Rothangpuia, Leitan Chawhnu (Dar 1:00) - PATHIAN BIAK INKHAWM Hruaitu : Pastor John Raldosanga Sihphir, Branch Adviser Zaipawl : Leitan Ramthar Kohhran Thupuan : Branch Secretary Zaipawl : Sihphir Branch Hruaitu Thar Hlanna : Inkhawm Hruaitu Zaipawl : Selesih Kohhran & Sihphir Bial Thuchah : Rev. Dr. Vanlalnghaka Ralte Secretary, Translation Committee, Aizawl Auxilliary Zaipawl : S.A Durtlang Corps / B.S.I, Sihphir Area Banna : Chairman Inkhawm ban Fellowship : Pu Vanramneia, Sihphir Zan (Dar 6:30) - PATHIAN BIAK INKHAWM Hruaitu : Pastor Z.D Lalhmachhuana Branch Adv. & President Durtlang Area Zaipawl : Durtlang Kohhran Thupuan : Branch Secy & Tualchhung Kohhran Zaipawl : Leitan Kohhran Thawhlawm Hlanna : Zaipawl : Sihphir Venglai Kohhran Thuchah : Rev. C. Vanlalringa, Br. President Zaipawl : B.S.I Durtlang Branch Choir Banna : Chairman
Inkhawm ban Fellowship : Upa Lalthlanthanga Durtlang N

LEADERSHIP TRAINING NEI January 30,Thawhtan zan inkhawm ban khan ruahman lawk angin Centenary Hall ah kumin chhunga Group tin Office Bearers te tan Leadership training neih a ni a, Group OB te an kal tha in hlawk thlak an ti hle.

BIAL HMEICHHE KHAWMPUI

MPF HRUAITU THAR

Kar kalta Pathianni tlai khan MPF Durtlang Local Forum hruaitu thar thlanna Durtlang Kohhran Centenary Hall-ah neih a ni a. Hruaitu a an thlanchhuah te chu:President : Rev. Lalhnuna Sr.Vice President: Upa Dr. K. Lalrintluanga Vice President : Pu P Doliana .C. Secretary : Pu R. Lalpeka Jt. Secretary : Upa V. Thangdailova Pu Lalromawia Treasurer : Pi Thanzuali Fin.Secy : Upa T.C. Lalnundanga Committee Member te : 1. Pu R. Lalnunmawia 2. Pu R. Thanliana 3. Pu R. Lalliana 4. Pu Lalchawimawia 5. Pi Tlanghmingthangi 6. Pi C. Thangpuii Committee member hi an la in ruat belh leh dawn a ni.

Pathianni lo awm tur-ah Durtlang Pastor Bial Hmeichhe Inkhawmpui chu Durtlang Kohhran Biakin-ah neih a ni dawn a. Thupui I rah chin apiang i ram a ni zel ang (Josua 1:3) chu Pi Vanlalsawmi, Asst. Co-ordinator, Kohhran Hmeichhia chuan a sawi ang.

CKTP IN HMA LA
Kar kal ta Inrinni khan CKTP leh Mizoram Synod Zaipawl-te chuan kum kal ta a CKTP-in Hmeichhe Humsual Daite Pual-a Camping a buatsaih a lut te pualin Mosia Picnic Spot-ah nileng in hun hlimawm tak an hmanpui a. Hlawkthlak an ti hle a ni. CKTP hian enkawl zui (After Care) hi a neihthat pui hle a. An eizawnna atan Vawk leh Ar vulh turte a pe a. Chenna in luahsak in, dawr te an hawn sak a. Hmun lun laiah Hocker Licence-te dil sakin an eizawnna a ngaihtuahin an tlawh deuh reng a ni.

CRUSADE AH ZAI DAWN

February thla-a Will Graham Crusade Vaivakawn Field a neih turah Organising Committee chuan nasa takin hma ala zel a. He Crusade-ah hian Durtlang Bial chhunga Kohhran hrang hrang Zaipawl infinkhawmte zai tura ruat an nih angin tunah hian inbuatsaihna ngawrh takin kalpui mek a ni. Tin, khawpui chhung Bial Zaipawl zawng zawngte infinkhawmin Hallelluiah Chhorus sak tur ani a. Organizing Committee chuan he hla kaihruai tur hian Pu K. Lalbiakthanga chu a ruat a. Kohhran hrang hrang infinkhawm in Jerusalem ka In ropui tih an saktur ah Upa C. Vanlalvuana, Chanmari Aizawl chu kaihruai tur in a ruat bawk. Heng Combine Choir hi Video-a Coverin Sap ram lama thawnthlak tura ruahman a ni.

ZIRTIRTU THAR
Durtlang Bial School zirtirtu turin heng mite hi lak thar an ni. 1) Nl Zairemtluangi d/o Lalrinkima, Durtlang Mel-5 2) Nl Thangdailovi Ralte
d/o R.Lalkhuma (L) , Durtlang M - 5

Note :- Pathianni chawhma leh zan inkhawmah Pathian hnena thilpek lakkhawm a ni ang a. Zan thawhlawm chu a thlengtu Kohhran pual a ni ang.

3) Pu C.Lalthansanga
h/o Malsawmdawngi, Durtlang Mel-5

4) Pi Laltlanzovi w/o Saithankhuma, Durtlang North 5) Rebecca Lalhruaitluangi d/o V.L.Roluahtuma, Leitan Tunah hian Bial School-ah zirtirtu 17 leh thawktu dang 2 an awm mek a. Zirlai naupang 470 zet an nei mek a, zirtirtu puitu (Asst. Teacher) 3 an awm mek bawk a ni. SYNOD ZAIPAWL THUTHAR Mizoram Synod Choir te chuan tunlai hian hla zir an bei ngawrh hle a. Tunah hian Music Video siam mekin, hla thar pahnih an buatsaih mek a. Heng an Music Video thar hi tun atanga reiloteah Demand Channel lamah hmuhtheih leh en theihin a awm thuai dawn a ni.

JOELA GROUP HRIATTIRNA

Joela Groupte chuan hun remchang hmasa berah lehkhabu kawm siam tur an khawnkhawm leh dawn a, lehkhabu kawm siam tur nei te, kim taka an lakkhawm sak theih nan phone number tarlanah te hian inhriattir lawk theih nise a lawmawm hle ang. 9612629612 / 9862614326 / 9436198958
ZIPPER AWM LO 1. HOLY BIBLE 2. THUTHLUNGTHAR 3. HLABU 4. HLABU TE 5. J.F DICTIONARY 6. THUTHLUNGTHAR &HLABU 7. HOLY BIBLE& HLABU ZIPPER AWM 1. HOLY BIBLE 2. THUTHLUNGTHAR 3. HLABU 4. THUTHLUNGTHAR & HLABU 5. HOLY BIBLE & HLABU 6. HLABU TE AMAN 150 100 120 80 100 150 200

NURSE ZIR ZO THLAH

Kar kal ta Thawhtan zan inkhawm-ah khan Synod Hospital, Durtlang-a KTP member, Nurse zir zo chhuak tur thlahna hun Durtlang Biakin-ah hman a ni a. Member inkhawm an tha thawkhat hle a. Nurse zirlai-te pawhin an hotute nen he hun hi kokim tak in an rawn hmang thei a ni. Durtlang Branch KTP hian Nurse kalchhuak turte hi thilpek a pe theuh a, Nurse lamte pawh hian thu ziak tar tur mawi tak an pe let ve thung a ni. Inkhawm banah an pualin thingpui ruai tuitak kilho a ni.

200 150 200 200 250 150

> > Kristian Thalai Pawl : Durtlang Branch

KTP INLENG KARTIN CHHUAK VOL 25 ISSUE NO 5 9856878819 / 9862363844 / 9436197303

BIAL CONFERENCE KHA..!!

- Lalrinmawia Pautu um 2012 KTP Durtlang Pastor Bial Conference Selesih Kohhranah neih zawh takah khan ka tel ve a. Mi tam takin khawmpui nikhua hian thalai ten Thlarau lama hlawkpui tumna lam aiin tisa thila hlimna leh nawmna an zawng fo thin an tih hi ka lo ral hriat thin a. Amaherawhchu, chumi lam chauh chu an lo thlir bik hauh lo. Khawmpuiah chuan tisa lamah kan hlimanga, kan thlarau nun pawh a hlim tur a ni, khawmpui a ni miau a. Khawmpui hmangtu ten kan hriat atana tha erawh chu khawmpui kan neih chhan chu Thlarau lama hlawkna nei tura infuih tharna leh bial hmasawnna tur ngaihtuah a ni tih hi ngaihthah lo ila. A bak hlimna leh hmasawnna kan neih te hi chu a bonus kan dawnah ngaih mai tur niin a lang. Khawmpuiah khan thil tamtak tawn leh hriat tur ka nei ve a, ka rilru a vei em em thil ka neih laiin, ka lungdum hliah hliah tu ka tawng nual tih hi zep phal chi a ni hauh lo. Ziak in tar lang vek dawn ila, ngaihthatna tawk ka ziah hnuah pawh ala kim loh zia ka hmu dawn chauh tih ka hrechiang si a. Ka hriat zawng zawng ziak ta ila, thenkhat tan chuan ninawm leh lu ti hai mai anih dawn avangin tlem te chauh kan ziak teh ang. Palai lawm zana inkhawm thahnem lutuk lo chunga chairman in record kan break thu leh palai lawm zana Biak In a khah vawi khatna a nih thu a sawi khan Biak in len leh len loh lam a hril hauh lo. Record nen bul kan tan bawk a, keini ang lung mawl chu kan lo lawm tawk ve em em ringawt mai a ni. Khami zan khan khawmpui palai te lawm an ni a, a palai te kan in lawm leh lawm loh chu thuhran a ni. A tuk inrinni ah palai rorel a ni a, branch tin atanga mi te aiawh tura tirh ngam rual kalkhawm an ni bawk a, rorel boruak pawh a thathawkhat viau mai. Chutih rual chuan Branch tin ten mahni agenda chhawpchhuah tlang ngei se duhna thlarau in boruak a ti danglam lek lek em aw? tih theih a ni. Hetah tak hian rilru zau tak put thiam a tul hlein ka hria. Kan agenda a that leh that loh lam aiin palai lo kal khawm ten lungrual takin min pawmpui thei em? tih hi ngaihtuah ngai tak a ni fo. Rorel inkhawm a thulai la tura bial puipate an awm thin erawh thlamuanthlak tak a ni. Inthlan boruak a tha in bial member ten rilru zau tak kan pu a ni tih hriat theih. Bial OB atana branch tin atanga mi 2 theuh kan vawrh chhuak thei khan kan thahnemngaihna a tarlang chiang hlein ka hria. Kan speaker mawlh mai kha sawi hmaih chi a ni hauh lo. A upa viau tawh nanga a tunlaiin thahnem a ngai a, thu tak viau e ti lo chuan a uang em em lawi si. Hetiang ang pastor senior kan ruai thei hi a thlamuanthlak in kalsual hlau lovin a him chin atangin Pathian thu tak kan ngaithla thei a ni tih ka thalai pui te pawhin an hre ve ngei ang. Achangin min dek nui vak a, a hnu lawkah tubohin min chhu leh fawk thin. I ram lo thleng rawh se tih thupui hmanga Pathian rama lut tura intih thianghlim kan mamawh dan a sawi te leh he khawvelah ngei pawh hian Pathian ram kan thlen tir theih zia a sawi te kha theihnghilh mai atan chuan uihawm tak a ni. A thlengtu Kohhran inbuatsaihna kha a aia tha ngaihtuah chhuak thei chuan bengsik a ngaihtuah hial a ngai ta ve ang. Biak in a len loh hlauhthawn thu a pandal an zar te hmang tangkai lehzual tura mi kan tam tawk lo kha erawh a thlengtu Kohhran thiamloh a ni bik hauh lo. Thlenin chungchangah erawh kan inthlau deuh hlek. A thenin khawiah ber nge ka thlen ang ti a duh an thlan laiin thenkhat te erawh sawmtu tur zawngin kan fan kan fan lawi si. A tawp atawpah Lal ropui Lersia chu Liandova te unauvin lainatna nena an bahra neih chhun an hlui ta ang khan last hour ah tak meuh meuh veng keltila pa lainatna ngah tak mai pakhatin min han sawm ve kha chu hnar ngam turin chakna ka nei lo teuh kher mai. Pum lam chiangkuan loh vangin tlan haw ka ngai mai pawh a, hetiang boruak hi a thleng thei tih an lo hriatlawk vang a niang a thlengtu Kohhran lamin chaw ei tur chu in report tur an lo tih cham chi ni. Engpawh nise Conference kan neih thin hi Bial leh Branch a kan dinhmun hailanna pawimawh a ni tih hria a insiam thatna tur kan neihah insiam tha a kan tih that chhun te a awm a nih chuan chhawm nung zel turin infuih tharna hun atan kan hmang thei a nih chuan conference hlawhtling tak kan hmang tihna a ni ang.

KTP THAWHTAN ZAN INKHAWM - KUMPUAN THUPUI ZIR

l

THUAWIHNA - Rawngbawlna ah (Luka 5:4-7,Hebrai 5:8) Thupui then te 1. Lal Isuan thuawih a ngaipawimawh. 2. Lal Isua thuawih hi hlawhtlinna a ni. 3. Rawngbawlna a thuawih a pawimawhna. 4. Thuawihna hi Kohhran zia a ni. 5. Chapona hi rawngbawltu hmelma a ni. SAWIHO TUR: 1. Thalaite hi Kohhran hnathawh ti puitling tura din kan nih ang hian Kohhran thu leh hla hi kan zawmtha tawkin kan hria em? 2. Thalai rawngbawlna bikah thu kan inzawm tha tawkin kan hria em?

HETIANG HIAN HMANG ILA, A DIK ZAWK ANG EM?

Hla i lo sa ila tih aiah - Hla lo sa ila/ Hla i lo sa ang u Kan fellowship te lo tan ila tih aiah Kan fellowship lo tan tawh ila. Tanna i lo nei tawh ang u tih aiah - I lo tan tawh ang u. Pathian lehkhabu chhiarna kan nei ang tih aiah Pathian lehkhabu thianghlim i lo chhiar ang u. Tawngtaina i lo nei ang u tih aiah - I lo tawngtai ang u. Tunah thawhlawm khawnna kan nei ang tih aiah Tunah thawhlawm kan khawn ang. Zaipawl hla hlan turin sawmna i lo nei ang u tih aiah Zaipawl zai turin i lo sawm ang u. Vawiin ni ah Kohhran hnatlang kan thahnem hle tih aiah Vawiinah Kohhran hnatlang kan thahnem hle. (Vawiin ni tih kan hman dawn chuan Vawiin ni chu a sa hle mai tih ang chiah hian hman tur a ni) Vawiin zanah zaipawlin hla rem tur tih aiah Zaninah zaipawlin hla rem tur. Naktuk zanah ka inkhawm ang tih aiah Nakzanah ka inkhawm ang. A thusawi chu a ngaihnawm hle mai! tih aiah A thusawi chu a ngaihthlaknawm hle mai. Kohhran Hall-ah thingpui inna a awm ang tih aiah Kohhran Hall-ah thingpui in tur a ni ang. Kohhran dan leh dun i hre lo em mai tih aiah Kohhran dan leh hrai i hre lo em mai. Biak in velah bawlhhlawh peih loh tur a ni tih aiah Biak in velah bawlhhlawh paih loh tur a ni. Sound Room-ah zial bung peih mei mei loh tur a ni tih aiah Sound Room-ah zial bung paih mai mai loh tur a ni. Zing chaw ei khamah Camping chhuah tur tih aiah Tukthuan ei khamah Camping chhuah tur. Kan Editor hi tlai chaw kilpui tur a ni tih aiah Kan Editor hi zanriah kilpui tur a ni. Vanduaina tawkte kha Kohhran angin tanpuina kan pe tih aiah Vanduaina tawkte kha Kohhranin tanpuina kan pe. Carolyne-i dawrah sam ka met tih aiah Carolyne-i dawrah lu ka met. KTP inhlawh nan lehkhabu kawm tuam hi a hlawkthlak tih aiah KTP inhlawh nan lehkhabu kawm tuam hi a hlawk. An group chu an khawngaihthlakawm hle tih aiah An group chu an khawngaihthlak hle. Naktukah Hruaitei an zei dawn tih aiah Naktukah Hruaitei an zai dawn.
(Source - Mizotawng hman dan dik - CKTP )

> > Kristian Thalai Pawl : Durtlang Branch