KTP Durtlang Branch 1955-2011

KTP INLENG
21st.August, 2011

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

E-mail : ktpinleng@gmail.com

VOL 24 ISSUE NO. 33

MEMBER TLAWHCHHUAH CHHUNZAWM ZEL

CKTP Kumpuan Member hlate hnuhhnaih bawhzuina atana KTP Durtlang Branchin member tlawhchhuah programme a hman mek chu kar kal ta chhung khan a thawhhnihna chhunzawm leh a ni a. Group thenkhat phei chuan an area chin an tlawhchhuak zo tawh nghe nghe a. Hetihlai hian group thenkhat hman rual loh avangin la tlawh chhunzawm loh leh tlawh hmabak engemawzat a la awm bawk a. Tunkar chhung hian tlawh chhun zawm an tum hlawm a ni. Tarlan tawh angin he member tlawhchhuah hunah hian memberte chhan tur zawhna hrang hrang (questionnaire) siam niin, thawhtan zan inkhawmah Biakin kawngka bula bawm hunah thenkhat chuan an thehlut tawh a. La thehlut lo te pawhin thahnemngai taka thehlut zel turin kan insawm a ni.

ABRAHAMA MO NEIH THU

(Zawng laite tan)
Abrahama Mo neih thu (Isaka nupui neih thu - Gen : 24) hi a ngaihnawmin, he thu atang hian zir tur a tam hle mai. Abrahaman Pathian thu vawngtu nih a ngaihhlutzia te, palai Eliazara rinawmzia leh rinna a neihzia te, thutiam fapa Isaka nupui ni tura Rebeki duhawmzia te, Isakan a pa a ngaihchanzia leh Rebeki laka a rilru putzia te hi. Isaka chu a pa Abrahama roluahtu tur leh thutiam rochungtu tur a nih avangin a nupui tur chu zawn fimkhur a ngai hle mai. Isakan a luah tur chu sum leh pai mai a ni lova, thutiam fa a nih avangin Pathian thu chu a luah tur a ni zawk a ni. Isaka chuan milem be mi Kanan nula (sakhaw mi lo) a neih mai chuan amah ngei pawh chuan milem a la rawn be ve dawn a ni. Tin, thutiam rochungtu a nihna pawh chu a chan thei mai bawk dawn a ni. Heng hi Abrahama chuan a hre reng a, Pathian nena an inzawmna chu a ngaih pawimawh ber avangin Isaka nupui zawn kawngah hian a fimkhur em em a ni. He miah hian nu leh pate leh chhungkaw puipate pawimawhna kan hmu. Tin, Isaka reng pawh hian a pa thu a ngaihchanzia hi zawng laite tan a va chhinchhiah tlak em. Abrahama te pafain Pathian thu an ngaih pawimawh ber zia leh, he mi avanga nupui zawn kawngah pawh an inthurualzia te, Rebekin a chhungte thu a ngaihchanzia te hi a va entawn tlak em! Keini hi han inen ve ta thung ila: nu leh pa thenkhatte chuan an fanute chu chhungkaw khawsa thei leh neinung deuhva an luhna tur a nih phawt chuan, sakhaw thu chu an dahtha mai a; an makpa turte chu sakhaw mi lo tak leh zu leh sa tlan mi pawh ni se, chung chu an hmuh kan mai thin. Chu chuan Pathian nena an inzawmna an ngaih pawimawh lohzia a tilang a ni. Tin, nu leh pa thenkhatte (tam tak) chuan an fapate nupui tur an ngaihtuah mang lo, an fapate biakrem ang ang, inrin lawk pawh awm hman lova an rawn hawn ang ang pawm mai lo thei lo khawpin kawng an sial sak lo niin a lang. Chhungkuaa inkaihhruaina mumal awm ta lo na na na chu, a lawmawm emaw, lawmawm lo emaw, a nih ang ang pawm loh theih loh hun chu a lo thleng ta mai thin a. Kan inpawm vel ta mai mai thin ni tur a ni.
Durtlang Male voiceHmanraw chikim nen!

FOOD ADULTERATION AWARENESS CAMPAIGN

Vawiin Pathianni tlai KTP tawngtai inkhawm hunah hian KTP, Durtlang Branch buatsaihin Centenary Hall-ah Food Adulteration Programme hun hman a ni dawn a. Food & Drugs Administration, Department of Health & Services atangin mithiam ten kan ei leh in tha lo leh hlauhawm chungchangah inzirtirna hun an rawn hmang dawn a ni. He hun hi memberten ngai pawimawh turin kan inngen a. Group tin atangin member 20 tal kal ngei ngei tura ngen leh hriattir kan ni a. Hetiang inzirtirna hi mitin mamawh leh hriat tul tak anih avangin KTP member ni lo pawh chhim turin kan insawm a ni.

KEIMAHNI
Kan chanchinbu hi veng thenkhatah Pathianni zinga sem lovin, Pathianni tlaiah sem thin kan awm niin hriat a ni a, pawi kan ti hle mai. Harsatna bik a awm anih loh chuan Inrinni tlaiah a semtute hnenah pekdarh vek thin a ni a. Chuvangin Pathianni zingah chuan kan chanchinbu hi hmu hman vek tura ngaih an ni. Pathianni zing aia tlai lovah min semchhuah sak thin tawh turin kan han ngen che u a ni. Tin, kar hmasa Issue kha Website lama dah tura lakchhuah-ah file a corrupt palh hlauh mai a. Chuvangin upload theih a ni ta lo a. Internet hmanga kan chanchinbu lo ngaihventen in lo hmu thei lo a ni tih kan hria a, pawi kan ti hle a ni. Tunkar Issue atang chuan tluangtaka in lo chhiar theih tawh kan beisei e.
Kristian Thalai Pawl : Durtlang Branch

KTP Inleng 2011

KTP INLENG KARTIN CHHUAK VOL 24 ISSUE NO 33

E i o i lB a d dtra or
Editor in Chief C.L.Biakhlua 9856878819
Editors C. Zoremsanga Samuel Ramengmawia 9612297009 9862378735

Joint Editors C. Zarzoliana 9436197307 C.Lalthanzuala 9862363844 C.Lalfakzuala 9436365052 Vanlalpeka Kawlni 9862357170 Correspondent C. Lalthanpari 9615492737 Vanlalchhuani 9862368776 H.Hmingthansangi 9856344441 Circulation Managers 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

Tin, zawnglai tam tak te pawhin Pathian thu hi thil teh dik nan kan hmang lo. Hmelah leh chhungkaw khawsaknaah kan in en ber a. Zia lam ngaihtuah chang hauh lovin inhmel duhna avangin inneihna thianghlim thleng pha lo sualah kan lut thin. Pathian thu chuan, Aw pasal, i nupui i chhandam dawn leh dawn loh engtinnge i hriat? Aw nupui.... a ti a (I Kor : 7;16). Pathian thu hi kan tehna bulpui berah hmang ila chuan nupui pasal thuah hian kan tisual fo lo tur. Tuna nula leh tlangvalte hian thianghlim taka inneih pawimawhzia hi ngaihtuah rawh se. Kan inneihna hian kan nun hman chhoh zel turte, kan chhungkaw kalhmang tur leh khawtlang leh ram kalhmang turte a hril phak vek avangin inneihna hi uluk a ngai em em a ni. Jerusalem velah tlang tam tak awm mahse Lalpa chuan Zion tlang chu chenna atan a thlang a. Kanan ramah chuan nula hmeltha tam tak awm mahse, Abrahama chuan a fapa nupui atan Mesopotamia rama Rebeki, nula nungchang tha chu a va thlang ta tlat a ni. Chutiangin keini pawhin Lalpa chenna tlak nula emaw, tlangval emaw chu nupui pasal atan i thlang ve ang u. Nula Rebeki mawina pahnih chu : Gen 24:16-ah chuan, Chu nula chu a hmel a tha em em a, nula thianghlim a ni a, mipa reng rengin an la pawl ngai hauh lo, tih a ni a. A hmel thatna leh a rilru thatna chuan a mawina a ti famkim a. Hmelthatna ngawt hi thianghlimna tel lo chuan a famkim lova. Rebeki chu mipa la pawl miah loh, nula thianghlim a ni a, a pasal tan lungtenna tur reng a awm lo. Nulate tan a va entawn tlak em! Tin, Isaka palai Eliazara hnenah chuan, I sanghawngsei tan pawh an inkham hma loh chuan (tui) ka chawi zel ang e, an ti hnap mai kha a ni a (Gen 24:19). Hetah hian Rebeki rilru thatzia kan hmu a, mi bengvar, mi tana ngaihtuah peih mi a nihna chu. A hmel leh a zia han hmuh nak chuan Eliazara chu a lungawi thlu ta a, rangkachak hnar vuah duli buk leh a kut atan ban bun pahnih a pe ta a ni. Movin midang a ngaihtheih loh avanga Mizo chhungkaw buai kan va tam em! Rebeki zia hi i zir ang u. Rebeki hmel leh a nungchangah chuan Isaka chu a lungawi em em mai, a thla pawh a muang a ni. Pasal te lungawina leh anmahni thlamuantu nih hi a va pawimawh em! Kan nulat tlangval lai hian kan nun leh taksa hi veng fimkhur ila, inneihna hi chhungkua, khawtlang leh hnam nun bul siamna a ni tih hrerengin, Pathian thu ang zela inneihna thianghlim ngeia nun bul kan tan theih nan, nupui pasal zawn kawngah pawh duhtuina dik tak hmangin tan i la zel teh ang u. (Source : Kristian Tlangau August 1977)

Lalbiakmawia

MEMBER TLAWHCHHUAH
Kan hriat angin tunah hian Branch leh Group hruaituten member tlawhchhuah hun an hmang mek a. Hetianga member tlawh chhuah hi tumdangah pawh neih a lo ni tawh thin a. Nikum lamah khan tuna ruahman ang deuh hian Branch leh Group hruaitute inthen darhin member tlawh chhuah hun hman a ni tawh a. Hun hman a nih lai khan hlawkthlak hle tura ngaih leh beisei a ni a. Chutih laiin, kan beisei ang erawh chuan a hlawhtling ta viau lo niin a lang a. A chhan chu member tlawhchhuah hun hman hma aiin, a hnu lamah thalai inkhawm kan kiam sawt a nih kha! Mahse, hei hi a hlawhtlin leh hlawhtlin loh tehfung ber tur ani lo awm e. Tun tumah hian beiseina sang tak nei chungin member tlawhchhuah hun kan han hmang leh a ni a. Kan beisei ang ngei hian hlawhtling se a duhawm hle. Chumi tur chuan Branch Committee pawhin uluk takin ngaihtuahna a seng a. Member hla zawk leh KTP activities-a tel tam lo tan questionnaire te pawh a buatsaih hial a ni a. Hei hi a tlawhtute leh a chhangtute pawhin kan ngaihpawimawh a tul a ni. Hetianga intlawh hun hman a nih hian duh tawka mimal harsatna leh thuruk sawichhuah remchang chiah lo hmunte pawh awm thei a ni a. Chutiang bawkin a tlawhtute tan pawh memberte harsatna tawh sawipuina boruak remchang chiah lo awm thei a ni bawk. Engpawhnise, hetianga member tlawhchhuah kan hman mek hian inpawhna tha zawk leh KTP-a rawng kan bawlhona kawngah thawhhona tha zawk kan neih theih nana hmanraw tangkaiah hman tum theuh ila. A tlawhtute leh tlawha te pawhin chu chu kan rilru-ah vawng reng ila a duhawm hle a ni.

PATHIANNI (21/Aug) SS Tantu : Pi Laltinchhawni, B-15 Chawhnu : Pi Lalengzauvi Zan : Upa Hranghleia MASHIHI SANGATI PATHIANNI (21/Aug) : Nl Thangzawni : Pu Samuela : Evan Devi Lal

THAWHLEH ZAN (23/Aug) KOHHRAN HMEICHHIA Hruaitu : Pi H.Lalsawmliani Tantu : Pi Zoramsangi, Pi Muani Gr Thuchah : Pi Ramfangzauvi, Nursing Superintendent Special Item : Pi Veli Group NILAI ZAN (24/Aug) : Tv Lalropianga B-4 : Ni hnuhnunga rorelna : Pu Vanlalhriata INRINNI ZAN (27/Aug) Tawngtai inkhawm : Tv C.Lalrammawia, B-1

Hruaitu Tantu Thuchah

Tantu Thupui Hawngtu

PATHIANNI TLAI (21/Aug) Tawngtai inkhawm neilovin Food Adulteration Awareness campaign neih tur a ni. THAWHTANNI (22/Aug) KTP INKHAWM Hruaitu : Nl C.Lalthanpari, Br. Comt. Tantu :Tv R.Lalrinmawia, Johana Gr. CKTP Programme HIV/AIDS chungchang zir tur a buatsaih zirho a ni ang. Sawihawngtu : Pu Eddie Lalzidinga, Br Comt Thawhlawm: Nl C.Lalrempuii & Tv. David Nl Esther Laldintluangi, Andria Gr

Tantu

KTP INKHAWM INCHHIARNA

14 Aug, 2011 (Mon)
Andria Jakoba Johana Matthaia Petera Philipa Midang Total 24 25 18 24 14 31 1 137

22/8 23/8 24/8 25/8 26/8 27/8 28/8

PANGPAR KHAWITU (28/Aug) Pi Lalbeiseii & Pi Tlanthianghlimi Mel 5 ZING TAWNGTAI INKHAWM - Upa R.Laltluanga - Pi Hrangmawii - Pu Zadinga - Pi Laltinchhawni - Pu Rualchhinga - Pi Danmawii - Upa Zokunga

> > Kristian Thalai Pawl : Durtlang Branch

KTP INLENG KARTIN CHHUAK VOL 24 ISSUE NO 33

SEMINAR NEI
August 20 (Inrinni) hian Synod Mission Board (SMB) leh Interserve India tangkawpin J.M. Lloyds hall, Synod Office-ah Seminar on Tent Making Ministry an buatsaih dawn a, thupuiah Equipping the Church in Missions in a fast changing world tih an hmang ang a; Resource person atan Mr. John Amalraj, National Director, Interserve India, Pune an hmang ang. Seminar-a tel tur hian Synod Puipate, SMB Executive Committee, Aizawl khawpui chhung Pastor & Pro. Pastor, Aizawl khawpui chhunga Bial tin aiawh te leh Missionary Training Centre Staff-te sawm an ni.

EVANGELICAL HUANG
HARSATNA NEI TAN A HNUAIA PHONE NUMBER TARLANAH HIAN INTHLAHRUNG LOVIN ZAWHNA A ZAWH THEIH RENG E.

MATHS TEACHER THAR

Presbyterian English School,Managing Board chuan Durtlang bial school-a Mathematics zirtirtu turin kan member Nl C.Lalhmangaihzuali (Ahma-i), Durtlang Kawnveng chu a la thar a. Tin, Nl.Lalrampari d/o M.S Dawngliana, Kawnveng pawh Asst. Teacher tura lak thar a ni bawk.

- 9612862420, 9612144132 PATHIAN RAWNG I BAWL HMAN EM LE?

&&& Mosia chu Pathianin Aigupta ramatanga Is rael fate hruaichhuak turaa thlan khan Horeb hmunah a pu Jethroa Beram vengin a buai hle. Israel Lal hmasa ber Saula chu Israel lal ni tura Pathianin a koh lai khan a pa Kisa Sabengtung bo zawngin a buai hle. Daviva pawh Israel lal ni tura Pathianin a ruata Samuelan hriak a thih dawn khan a pa Beram vengin a buai em em bawk. Elisha chu zawlnei Elija aiawh tura Pathianin a ruat lai khan Sebawng tuak 12 hmanga lei letin a buai hle bawk. Petera leh Andria te chu La Isuan amah zui tura a koh lai khan an Unauvin an eizawnna ber sangha mana len dengin an buai hle. Matthaia chu La Isuan a chhiahkhawnna hmunah a buai lai takin a mah zui turin a ko. Saula pawh Isua zirtirte tiduhdaha a hmahlel hle laiin La Isuan a chanchintha puangdarh turin a ruat.

TE-I LO HAW
Kan member, Lalchhanhimi Ralte (Te-i) India Hockey player ni mek chu kar kalta Thawhtanni (15th.Aug) khan chawlh hmang turin a lo haw a, thla khat vel a chawl thei dawn niin thu kan dawng. Te-i telna India Women Hockey Team (senior) hian thla kal ta khan Ireland-ah Champion Chalenge- I Tournament, ram 8 zet telna chu khelin, vanduaithlak takin semi final-ah an chak lo hlauh a ni.

&&&

SCHOOL CHEITHA ZEL

Durtlang Bial school chuan hma a sawn chho zel a. Tunah hian a tual zawl chu concrete turin hma lak mek a ni a. Hemi atana hmanraw mamawh Balu, Cement leh Rawra-te pawh chah thlen tawh niin tunkar chho hian hna tan chhoh theih beisei a ni.
KRISTIAN TLANGAU KUM 100

&&&

&&&

&&&

MARPARA LAMAH
Kan member Dr Vanlalkima, Presbyterian Hospitala thawk mek chu Marpara PHC, Durtlang Hospitalin a enkawl mekah thlakhat chhung awm turin a kal ta. Marpara PHC-ah hian Durtlang Damdawiin-a thawktute a inchhawkin an kal thin a ni.

M.TECH ZIR ZAWM

Kan member Tv C.Vanlalchhanhima s/ o Roliana Chenkual, Mel-5 chu IBM Company, Bangalore-a hun rei tak a thawh hnu-ah IIT Guwahati-ah M.Tech zir zawm turin a rawn chhuak chho leh a. Tunah hian class pawh a tan chho tawh niin thu kan dawng. Hlawhtling taka a rawn zirchhuah ngei kan beisei a, duhsakna kan hlan e.

Kumin 2011 hi Kristian Tlangau Chanchinbu-in kum 100 (centenary) a tlin champha a ni a, hemi denchhen hian Project hrang hrang siamin inbuatsaihna pawh kalpui mek zel a ni. Centenary thla, October 2011 atangin a bu tihlen a ni ang. Centenary Project pakhat atan Kohhran tinah Literature Week hmang tura ngenna thawn chhuah mek a ni a, ruahman dan chuan October 10 - 16 chhunga neih tur a ni SCHOOL UNIFORM THAR Durtlang Bial school naupangte tan Wednesday Uniform tur T. Shirt siam mek a ni a. He uniform thar tur hi Rs 160 man atangin a intan chho dawn a ni. Zirlai nu leh paten he Uniform hi lei vek tur a nih avangin lo inring lawk turin school thuneituten an ngen a ni.

&&&

&&&

WOMEN CENTRE LUNG PHUM

Presbyterian Kohhran hnuaia Kohhran Hmeichhe Central Committee hmalakna Women Centre sak tur lungphum chu August 12 khan a sakna hmun tur Phunchawngah Rev. C. Lalsangliana, Synod Moderator-in a phum. Women Centre hi mi thahnemngaite rawtna um zuiin Central Kohhran Hmeichhe Committee chuan September 11, 2000 khan din a lo remti tawh a. Synod Officers Meeting leh SEC-ah te thlenin SEC chuan a pawmpui a (SEC 180:32). Synod 2001 chuan SEC rawtna angin Synod sum seng lovin, Foreign Grant atanga sak turin a lo pawmpui a. Synod phalna hmuh a nih velleh hian Kohhran Hmeichhe Central Committee chuan kum 2002 atang khan a pualin budget an siam nghal a ni. Ram pum huapa budget atanga an tuak ngah theih zat leh foreign fund hrang hrang an hmuh zawng zawng belhkhawma Women Centre puala sum hmuh zat chu Rs.87,70,716/- zet a ni. Hemi atanga sum hman tawh zat chu Rs.1,57,239/- a ni a, hman bang Rs.86,13,477/- a la awm a ni. Hmeichhe Inkhawmpui Lian remtihna anga Special Budget siam leh a nih bakah kawng hrang hrang atangin sum hi a la luh belh mek zel bawk. Women Centre hi thlarau lam nuna intuai tharna hmun atan te, training chi hrang hrang buatsaihna hmun atan te leh tanpui ngai hmeichhiate tanpuina hmun atan te hman tur a ni. He Women Centre hmun hi Pu L.H. Thanga, Ramhlun North-in an nu leh pa te Upa Thansanga leh Pi Tawni te hriatrengna atana an pek a ni a, kawngpui pal tlang hmun tha tak a ni.

AUGUST THLA KTP THAWHLAWM IP CHHIAR A NI LEH TA

G RO UP A NDRIA JA K O B A JO HA NA M A TTHA IA P E TE RA P HILIP A TO T AL G ENERAL 1893 1849 2239 1716 1688 1778 11163 M IS S IO N 1878 1975 2179 1208 1900 1707 10847 P RO JECT 1644 1631 2082 1486 1580 1545 9968 To ta l 5415 5455 6500 4410 5160 5030 31970 Ip se m Ip lu t za t 106 102 105 98 100 101 110 620 102 93 93 90 98 578 Ip lut lo 4 3 5 7 11 12 42

Thla hmasa lamah khan thawhlawm ip kan siam ata kan hmuh that ber tum kan tawng a. Hmasawn zel kan in beisei laiin, tun thla-ah hian kan tlahniam leh ta duai mai! Ip lut lo pawh 42 zet ani! Engtizia nge ni ang aw? A khawntute lam nge member lam ni ang ? Memberten thawhlawm ip hi kan sum hmuhna hnar ani tih hriain, thahnemnga deuh deuh ang u. > > Kristian Thalai Pawl : Durtlang Branch

KTP INLENG KARTIN CHHUAK VOL 249436197303 9856878819 / 9862363844 / ISSUE NO 33

KOHHRAN LEH AIDS

(Kohhranten engtinnge hma kan lak ve ang?)
- Dr. Eric Zomawia
AIDS chungchang Kohhrante hian tihtur kan nei vak lo emaw kan ti maithei. Hetiang lam buaipuitute an awm a, an kuta dah hi a tawk mai alawm kan ti a nih chuan a pawithui thei hle dawn a ni. A chhan chu AIDS hian kaihhnawih a ngah em em a, kan nuna thuruk ber sex leh drugs te, inendawngna,inthinhrikna, hlauhna, maksak tak taka chetna, nu leh naute, chhungkua, fahrah, retheihna tih zualna thlengin a kaihhnawih avangin pawl pakhat emaw ringawta do hneh chi a ni lo. Africa rama mihring a suat nasa in an khawtlang leh economics dinhmun a khawih chhiat em em laiin Kohhranten hma an han la tak tak chu nasa takin an dinhmun a ziaawm chho ta zel a ni. Mizoram te ang Kristian za a za deuhthaw hmunah hian Kohhran te kan chet loh chuan engtin mah he natna hi kan control lovang. He natna hi kan natna, Mizote natna, Mizo chhungkua leh khawtlang nasa taka nghawngtu a nih kan pawm a, MSACS emaw Health department natna emaw kan tih leh mi tlemte awmtha duh lo ho natna anga kan ngaih kan bansan a hun ta. A do nan pawh sorkar sum lova do thei lo anga kan in ngaih hi kan bansan bawk a tul a; kan sum leh pai,theihna, thiamna, finna kan senso ve a hun ta takzet a ni. A invenna kan sawi atang ringawt pawh hian Kohhrante hmalakna atana itawm tak tak zawk an ni. HENGAH HIAN KOHHRANTEN HMA KAN LA THEI : 1) Thianghlimna vawn/ Insumna (Abstinence): Thalai leh rawltharte inneih hmaa sex hmang lo tura zirtirna pek; inneih hmaa sex hmanin hriselna, rilru leh thlarau nun a khawih pawi dan zirtir; humsual an dai loh nana thlemna te an hmachhawna an pumpelh dan tur leh he khawvela an dinchan theihna tur zirtir; nundan tha leh hrisel kawhhmuh; zu leh ruihtheih thil te, zahmawh film leh milem that lohna zirtir; mobile leh internet te a chintawka hman dan zirtir te, mithiamte sawma nasa taka awareness campaign huaihawt. hlim tak leh thlamuang taka an awm theihna hmuna siam tura tan la tura fuih te.

BIBLE QUIZ
(Tun tum Issue-ah hian bible Quiz kan han zep tel remchang ta lo. Quiz hlut a lo chhang thintute khan min lo hrethiam dawn nia. Remchang hmasa ber-ah chhunzawm leh ani ang. Kar hmasa Quiz chhang dik kim kan awm lo tlat mai! Ed.)

PATHIAN THU ZIR DUH TAN

Presbyterian Bible School, Mission Veng, Aizawlah Session 23-na atan Certificate in Theology (C.Th) Admission hawn a ni a. Dil duhte tan Office hun chhungin Application Form Rs. 10/a lei theih a ni. 1) Dil hun chhung : September 5, 2011 (Thawhtanni) tlai dar 3:00 thleng 2) Dil thei chin : Class VII passed, kum 16 chin, Kohhran dan chhunga awm 3) Interview : September 6, 2011(Thawh lehni) zing dar 10:00 4) Class tan hun : September 7, 2011(Nilaini) 5) Zir hun chhung : September - December, 6) Stipend :Zirlai pakhat hnenah thla tin Rs. 300/- pek a ni. Hostel a awm lo. Hrechiang duh tan Phone No. 2317343/ 9436352792-ah zawh theih a ni. Rev. V. Lawmkima, Principal

5) Nupa kara rinawmna: Kohhranah nupa te rinawm tawn turte, uirena leh inthenna laka fihlim tura inzirtiur uar zel. Chubakah nupa harsatna neite pan theih tur Counselling a mithiam chherchhuah emaw rawih te. Pasotr leh Kohhran hruaitute Family Counseling te, HIV/AIDS counselling ah te training pek a, inneih tumte zir tur (Marriage preparatory course) tha tak buatsaih. Tin, kan hriat reng tura ka duh chu AIDS kan rama do hneh tur chuan a dotute hi keimahni leh keimahni 2) Kohhran leh Biak In thleng phak indo lovin a do tur dik tak i do ang u lo, an nundana HIV kai hlawuhawmte tih leh AIDS natna hi do ila, a (e.g. KS-te, drug addict-te, naupang mihringte chu i do lovang u tih hi. vak rawlaite) Kohhrana sengluh a, Lal Isua khawvela a chen lai Krista hnena hruaia an nun an lo sim hlen theih nana hmalak pui; NGO khan ram tin fangin damlote ti damin, mi endawng leh hmusitte pan chilhin hetiang lama inhmangte thawhpui. a kut ngeia khawihin Ka duh e, lo 3) Kohhran tinah naupangte kawng thianghlim tawh ang che ti in Kei dik kawhhmuh theitu tur expert pawhin thiamloh ka chantir ka chantir chherchhuah - naupang psychology lo va che ti lehin Nang pawh chu te, tleirawlte harsatna hrang hrang ang bawk chuan va te, sex chungchang te hria leh dik taka ti ve rawh a tih ang zirtir thei (mahni pianpui finna hmang khan damlote leh ^ daite, leh ngawt thin lovin); naupang humsual zirtirtute pawh helama training pek suamhmang tawkte hi lainatna nen, an vek. nungchang avanga 4) Nu leh Pa te kan fate zirtir thiam loh chantir kawnga tan la thar leh tura fuih a, ngawt lovin chhan an mahni pawh an fate tana entawn chhuah hna thawk tlak ni turte, fate enkawl dan zirtirte, ila, Lal Isua rawng fate awmpui leh be tam tura ziritrte, bawlna i chhunzawm keimahni in theuh naupangte tana zel ang u.
> > Kristian Thalai Pawl : Durtlang Branch

QUESTIONNAIRE CHHANGTUTE HRIATTIRNA

KTP Durtlang Branchin member tlawhchhuah a hman mek-ah member remchangte chhan tur Questionnaire a siam chu memberten tlawmngaia chhang theuh turin kan inngen nawn leh a. Heng chhanna te hi Biakin kawngka bulah KTP inkhawm zanah bawm hun ani thin dawn a, hetah hian thehluh tur a ni. Helai hmuna thehlut remchang lote pawhin hruaitu hnenah thawn theih a ni bawk e.

PATHIAN RAM THAWHLAWM

Vawiin Pathianni chawhma inkhawm hi August thla Pathian Ram Thawhlawm lakkhawm hun a lo ni leh ta. Chawhnu inkhawm banah Finance Committee-ten thawhlawm an chhiar leh chinfel hna an thawk zui dawn a ni. Chhung tinten kan Pathian ram ip-te tha hnemngai taka thehluh i tum ang u.

INLENG PIKSSS!

An hman tlang ve khawp tak asin! Kohhranin a hriatpui lo!